2022-12-14 10:57:24
ᠵᠦᠷᠵᠢ ᠢᠳᠡᠭ᠌ᠰᠡᠨ ᠤ᠋ ᠳᠠᠷᠠᠭᠠ ᠠᠨᠲᠢᠪᠤᠳᠢ ᠵᠢᠨ ᠤᠷᠪᠠᠯ ᠤ᠋ᠨ ᠪᠠᠢᠴᠠᠭᠠᠯᠳᠠ ᠬᠢᠪᠡᠯ ᠠᠷᠭᠠ ᠴᠢᠨᠠᠷ ᠢᠯᠡᠷᠡᠨᠡ ; ᠠᠷᠢᠬᠢ ᠤᠤᠭᠤᠪᠠᠯ ᠸᠢᠷᠦ᠋ᠰ ᠢ᠋ ᠡᠰᠡᠷᠭᠦᠴᠡᠨᠡ ; ᠤᠷᠲᠤ ᠬᠤᠭᠤᠴᠠᠭᠠ ᠪᠡᠷ ᠠᠮᠠᠪᠴᠢ ᠵᠡᠭᠦᠪᠡᠯ ᠠᠭᠤᠰᠭᠢᠨ ᠤ᠋ ᠬᠦᠪᠳᠦᠷᠦᠦ ᠡᠭᠦᠰᠭᠡᠨᠡ ; ᠣᠯᠠᠨ ᠵᠦᠶ᠋ᠯ ᠤ᠋ᠨ ᠡᠮ ᠢ᠋ ᠬᠣᠯᠢᠵᠤ ᠤᠤᠭᠤᠬᠤ ᠪᠤᠶᠤ ᠡᠮ ᠭᠡᠷᠡᠭᠯᠡᠬᠥ ᠬᠡᠮᠵᠢᠶᠡ ᠵᠢ ᠭᠡᠳᠤᠷᠡᠬᠥᠯᠪᠡᠯ ᠬᠠᠯᠠᠭᠤᠨ ᠢ᠋ ᠲᠦᠷᠭᠡᠨ ᠪᠠᠭᠤᠷᠠᠭᠤᠯᠤᠨᠠ ᠁ ᠣᠢᠷᠠ ᠵᠢᠨ ᠬᠤᠭᠤᠴᠠᠭᠠᠨ ᠳ᠋ᠦ᠍ ᠡᠢᠨ ᠬᠦ᠌ ᠴᠤᠤᠷᠬᠠᠯ ᠵᠢᠷᠬᠢᠶᠡ ᠵᠢᠨ ᠬᠤᠯᠪᠤᠭᠠ ᠂ ᠨᠠᠢᠵᠠ ᠵᠢᠨ ᠲᠣᠭᠣᠷᠢᠭ ᠵᠢᠡᠷ ᠰᠠᠴᠤᠭᠳᠠᠵᠤ ᠂ ᠬᠥᠮᠦᠰ ᠤ᠋ᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠪᠡᠷ ᠬᠢᠵᠢᠭ ᠢ᠋ ᠰᠡᠷᠭᠡᠢᠯᠡᠬᠦ᠌ ᠲᠠᠨᠢᠯᠳᠠ ᠵᠢ ᠲᠦᠭᠡᠷᠢᠭᠳᠡᠬᠦᠯᠤᠨᠠ ᠃
ᠡᠳᠡᠭᠡᠷ《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ》 ᠭᠡᠰᠡᠨ ᠲᠤᠳᠤᠳᠬᠠᠯ ᠲᠠᠢ ᠴᠤᠤᠷᠬᠠᠯ ᠤ᠋ᠨ ᠵᠠᠷᠢᠮ ᠨᠢ ᠤᠷᠤ ᠥᠭᠡᠢ ᠭᠠᠵᠠᠷ ᠤᠪᠤᠭᠠ ᠪᠤᠰᠬᠠᠬᠰᠡᠨ ᠪᠤᠶᠤ ᠲᠠᠯ ᠰᠡᠬᠥᠯ ᠤᠷᠭᠤᠭᠤᠯᠤᠨ ᠬᠥᠮᠤᠰ ᠤᠨ ᠰᠡᠳᠭᠢᠯ ᠢ ᠰᠠᠮᠠᠭᠤᠷᠠᠭᠤᠯᠤᠨᠠ ᠃ ᠬᠡᠷᠪᠡ ᠠᠮᠠᠷᠬᠠᠨ ᠢᠲᠡᠭᠡᠵᠤ ᠰᠣᠬᠣᠷ ᠪᠠᠯᠠᠶ ᠪᠡᠷ ᠳᠠᠭᠠᠵᠤ ᠂ ᠬᠠᠮᠠᠭᠠᠯᠠᠯᠲᠠ ᠪᠠᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠪᠡᠷ ᠰᠠᠢᠲᠤᠷ ᠬᠢᠬᠦ᠌ ᠦᠭᠡᠢ ᠂ ᠵᠥᠪ ᠪᠤᠰᠤ ᠪᠡᠷ ᠡᠮ ᠬᠡᠷᠡᠭ᠌ᠯᠡᠪᠡᠯ ᠸᠢᠷᠦ᠋ᠰ ᠤ᠋ᠨ ᠬᠠᠯᠳᠠᠪᠤᠷᠢᠯᠠᠬᠤ ᠠᠶᠤᠯ ᠲᠦᠭ᠌ᠰᠢᠭᠦᠷᠢ ᠵᠢ ᠪᠠᠭᠠᠰᠬᠠᠵᠤ ᠂ ᠡᠪᠡᠳᠴᠢᠨ ᠡᠮᠭᠡᠭ ᠢ᠋ ᠨᠠᠮᠳᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠭᠡᠳᠡᠷᠭᠦ ᠪᠠᠨ ᠪᠡᠶᠡ ᠵᠢᠨ ᠡᠷᠡᠭᠦᠯ ᠮᠡᠨᠳᠦ᠍ ᠪᠠᠨ ᠬᠣᠬᠢᠷᠠᠭᠤᠯᠵᠤ ᠮᠡᠳᠡᠨᠡ ᠃
ᠴᠤᠤᠷᠬᠠᠯ ᠤ᠋ᠨ ᠴᠠᠭᠠᠨᠠ ᠶᠡᠷᠦ᠍ ᠨᠢ ᠵᠠᠷᠢᠮ ᠬᠥᠮᠦᠰ ᠤ᠋ᠨ ᠠᠩᠬᠠᠷᠤᠯ ᠤ᠋ᠨ ᠬᠡᠮᠵᠢᠶᠡ ᠪᠠ ᠬᠣᠯᠪᠣᠭ᠍ᠳᠠᠯ ᠪᠦᠬᠦᠢ ᠠᠱᠢᠭ ᠲᠤᠰᠠ ᠵᠢᠨ ᠬᠥᠭᠡᠭᠡᠴᠡᠯᠳᠦᠯ ᠣᠷᠣᠱᠢᠵᠤ ᠪᠠᠢᠳᠠᠭ ᠃ ᠭᠡᠲᠡᠯᠡ ᠵᠠᠷᠢᠮ ᠬᠥᠮᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠤ᠋ ᠬᠡᠪ ᠪᠣᠯᠪᠠᠰᠤᠷᠠᠯ ᠬᠦᠷᠦᠯᠴᠡᠬᠦ᠌ ᠦᠭᠡᠶ ᠪᠤᠶᠤ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ᠋ ᠭᠡᠯᠮᠡᠭ᠌ᠳᠡᠬᠦ᠌ ᠰᠡᠳᠭᠢᠴᠡ ᠂ ᠰᠤᠨᠢᠭᠤᠴᠢᠷᠬᠠᠬᠤ ᠰᠡᠳᠬᠢᠴᠡ ᠡᠴᠡ ᠪᠣᠯᠵᠤ ᠂ ᠴᠤᠤᠷᠬᠠᠯ ᠤ᠋ᠨ ᠲᠠᠷᠬᠠᠭᠠᠭ᠍ᠴᠢ ᠪᠠ 《ᠲᠣᠮᠣᠷᠠᠭᠤᠯᠤᠭ᠍ᠴᠢ》 ᠪᠣᠯᠵᠤ ᠂ ᠴᠤᠤᠷᠬᠠᠯ ᠤ᠋ᠨ ᠲᠠᠷᠬᠠᠯᠲᠠ ᠵᠢ ᠤᠯᠠᠮ ᠵᠢᠡᠷ ᠦᠷᠭᠡᠳᠭᠡᠳᠡᠭ ᠃ ᠡᠨᠡ ᠬᠦ᠌ ᠪᠠᠢᠳᠠᠯ ᠳ᠋ᠦ ᠂ ᠴᠤᠤᠷᠬᠠᠯ ᠲᠠᠯᠪᠢᠭ᠍ᠰᠠᠳ ᠲᠦ᠍ ᠴᠣᠬᠢᠯᠲᠠ ᠥᠭ᠌ᠬᠦ ᠡᠷᠴᠢᠮ ᠵᠢᠠᠨ ᠴᠢᠩᠭᠠᠷᠠᠭᠤᠯᠵᠤ ᠂ ᠴᠤᠤᠷᠬᠠᠯ ᠤ᠋ᠨ ᠨᠠᠵᠠᠭᠠᠶ ᠨᠥᠯᠥᠭᠡ ᠵᠢ ᠠᠯᠢ ᠲᠦᠷᠭᠡᠨ ᠵᠢᠡᠷ ᠠᠷᠢᠯᠭᠠᠬᠤ ᠬᠡᠷᠡᠭ᠌ᠲᠡᠶ ᠮᠥᠷᠲᠡᠭᠡᠨ ᠪᠠᠰᠠ ᠣᠯᠠᠨ ᠨᠡᠢᠲᠡ ᠵᠢᠨ ᠰᠡᠳᠭᠢᠴᠡ ᠵᠢᠨ ᠵᠢᠯᠣᠭᠣᠳᠣᠯᠭᠠ ᠪᠠ ᠠᠨᠠᠭᠠᠬᠤ ᠤᠬᠠᠭᠠᠨ ᠤ᠋ ᠶᠡᠷᠦ᠍ ᠵᠢᠨ ᠮᠡᠳᠡᠯᠭᠡ ᠵᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠠᠵᠢᠯ ᠢ᠋ ᠴᠢᠩᠭᠠᠳᠭᠠᠵᠤ ᠂ ᠳᠥᠭᠥᠮ ᠣᠢᠯᠠᠭᠠᠮᠵᠢᠲᠠᠶ ᠂ ᠦᠭᠡ ᠲᠣᠪᠴᠢ ᠤᠳᠭᠠ ᠲᠡᠭᠦᠯᠳᠡᠷ ᠡᠷᠬᠡ ᠰᠦᠷᠲᠦ ᠮᠡᠳᠡᠭᠡ ᠵᠠᠩᠭᠢ ᠵᠢ ᠴᠠᠭ ᠲᠤᠬᠠᠶ ᠳ᠋ᠤᠨᠢ ᠨᠡᠢᠲᠡᠯᠡᠵᠦ᠍ ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠮᠦᠷᠳᠡᠭᠡᠨ ᠦᠨᠡᠨ ᠪᠠᠢᠳᠠᠯ ᠢ᠋ ᠴᠤᠤᠷᠬᠠᠯ ᠤ᠋ᠨ ᠡᠮᠦᠨᠡ ᠬᠦᠮᠤᠰ ᠲᠦ᠍ ᠤᠢᠯᠠᠭᠠᠨ ᠲᠠᠨᠢᠭᠤᠯᠬᠤ ᠭᠡᠷᠡᠭᠳᠡᠢ ᠃
ᠬᠢᠵᠢᠭ ᠢ᠋ ᠰᠡᠷᠭᠡᠢᠯᠡᠬᠦ᠌ ᠱᠢᠨᠡ ᠪᠠᠢᠳᠠᠯ ᠤ᠋ᠨ ᠡᠮᠤᠨᠠ ᠬᠥᠮᠦᠨ ᠨᠢᠭᠡ ᠪᠦᠷᠢ ᠰᠡᠷᠭᠡᠭ ᠪᠠᠢᠵᠤ ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠪᠡᠷ ᠬᠢᠵᠢᠭ ᠢ᠋ ᠰᠡᠷᠭᠡᠢᠯᠡᠵᠦ᠍ ᠂ ᠴᠤᠤᠷᠬᠠᠯ ᠢ᠋ ᠢᠲᠡᠭᠡᠬᠦ᠌ ᠦᠭᠡᠢ ᠂ ᠴᠤᠤᠷᠬᠠᠯ ᠢ᠋ ᠲᠠᠷᠬᠠᠭᠠᠬᠤ ᠦᠭᠡᠢ ᠂ ᠠᠶᠤᠵᠤ ᠰᠦᠷᠳᠡᠬᠦ᠌ ᠦᠭᠡᠢ ᠂ ᠰᠣᠬᠣᠷ ᠪᠠᠯᠠᠢ ᠪᠡᠷ ᠲᠠᠭᠠᠬᠤ ᠦᠭᠡᠢ ᠪᠡᠷ ᠰᠡᠷᠭᠡᠢᠯᠡᠬᠦ᠌ ᠤᠬᠠᠮᠰᠠᠷ ᠵᠢᠠᠨ ᠳᠡᠭᠡᠭ᠌ᠰᠢᠯᠡᠭᠦᠯᠦᠨ ᠂ ᠤᠴᠢᠷ ᠶᠠᠪᠤᠳᠠᠯ ᠲᠣᠬᠢᠶᠠᠯᠳᠤᠪᠠᠯ ᠢᠯᠡᠭᠦᠬᠡᠨ ᠲᠤᠩᠭᠠᠨ ᠪᠣᠳᠣᠯᠬᠢᠯᠠᠵᠤ ᠂ 《ᠴᠤᠤᠷᠬᠠᠯ ᠤ᠋ᠨ ᠤᠨᠠᠭᠤᠯᠢ》 ᠳ᠋ᠦ ᠡᠨᠳᠡᠭᠦᠷᠡᠨ ᠤᠨᠠᠬᠤ ᠦᠭᠡᠢ ᠂ 《 ᠴᠤᠤᠷᠬᠠᠯ ᠤ᠋ᠨ ᠸᠢᠷᠦ᠋ᠰ 》 ᠲᠦ᠍ ᠬᠠᠯᠳᠠᠬᠳᠠᠬᠤ ᠦᠭᠡᠢ ᠪᠠᠢᠵᠤ ᠂ ᠲᠤᠰ ᠪᠡᠶᠡ ᠪᠠ ᠭᠡᠷ ᠤ᠋ᠨ ᠬᠥᠮᠦᠰ ᠤ᠋ᠨ ᠵᠢᠡᠨ ᠡᠷᠡᠭᠦᠯ ᠮᠡᠨᠳᠦ᠍ ᠵᠢᠨ 《 ᠡᠭᠦᠳᠡ ᠰᠠᠬᠢᠭ᠍ᠴᠢ》 ᠪᠣᠯᠬᠤ ᠬᠡᠷᠡᠭ᠌ᠲᠡᠢ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠴᠠᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃