2022-05-30 09:52:34
— ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠢᠯᠠᠯᠳᠠ ᠲᠠᠢ ᠪᠤᠴᠠᠵᠤ ᠢᠷᠡᠪᠡ
《ᠱᠠᠩᠬᠠᠢ᠂ ᠪᠠᠶᠠᠷᠲᠠᠢ!》᠂ 《ᠪᠠᠶᠠᠷᠲᠠᠶ ᠁》 ᠨᠢᠰᠭᠡᠯᠳᠦ ᠭᠠᠷᠬᠤ ᠡᠴᠡ ᠪᠠᠨ ᠡᠮᠦᠨᠡ᠂ ᠵᠠᠷᠢᠮ ᠨᠢ ᠭᠠᠷ ᠳᠠᠯᠠᠯᠤᠨ ᠱᠠᠩᠬᠠᠶᠲᠠᠶ ᠰᠠᠯᠬᠤ ᠶᠣᠰᠣ ᠭᠦᠶ᠋ᠴᠡᠳᠭᠡᠵᠦ᠍᠂ ᠵᠠᠷᠢᠮ ᠨᠢ ᠬᠣᠶᠠᠷ ᠭᠠᠷ ᠵᠢᠡᠷ ᠵᠢᠡᠨ ᠵᠢᠷᠦᠬᠡ ᠵᠢᠨ ᠬᠡᠯᠪᠡᠷᠢ ᠵᠢ ᠵᠢᠷᠤᠬᠯᠠᠵᠤ᠂ ᠬᠠᠢᠷᠠ ᠰᠡᠳᠬᠢᠯᠬᠡ ᠪᠠᠨ ᠢᠯᠡᠳᠭᠡᠨᠡ ᠁ ᠠᠮᠠᠪᠴᠢ ᠵᠡᠬᠦᠭᠰᠡᠨ ᠴᠸ᠋ ᠲᠡᠲᠡ ᠨᠠᠷᠤᠨ ᠴᠢᠷᠠᠢᠳᠤᠨᠢ ᠢᠨᠢᠶᠡᠮᠰᠦᠭᠯᠡᠯ ᠲᠦᠭᠦᠷᠡᠩ᠃
5 ᠰᠠᠷᠠᠶ᠋ᠢᠨ 26᠂ 27 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠰᠠᠨ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠪᠥᠬᠥ᠌ ᠭᠡᠱᠢᠭᠦᠳ ᠪᠦᠯᠦᠭ ᠬᠤᠪᠢᠶᠠᠨ ᠨᠢᠰᠭᠡᠯᠳᠦ ᠰᠠᠭᠤᠵᠤ᠂ ᠵᠠᠯᠭᠠᠭᠠᠪᠠᠷ ᠮᠠᠨᠤ ᠣᠷᠣᠨᠤ ᠡᠯᠡ ᠠᠢᠮᠠᠭ ᠬᠣᠲᠠᠳᠤ ᠪᠤᠴᠠᠵᠤ ᠢᠷᠡᠪᠡ᠃

5 ᠰᠠᠷᠠ ᠵᠢᠨ 25 ᠤ᠋ ᠡᠳᠦᠷ᠂ ᠮᠠᠨ ᠤ᠋ ᠤᠷᠤᠨ ᠤ᠋ ᠡᠮᠴᠢᠯᠡᠭᠡᠨ ᠤ᠋ ᠠᠩᠭᠢ ᠵᠢᠨ ᠬᠦᠯᠢᠶᠡᠨ ᠠᠪᠴᠤ ᠬᠠᠮᠢᠶᠠᠷᠤᠭᠰᠠᠨ ᠱᠠᠩᠬᠠᠢ ᠵᠢᠨ ᠫᠦᠳᠦ᠋ᠩ ᠤ᠋ᠨ ᠵᠠᠩ ᠵᠢᠶᠠᠩ ᠾᠸ ᠴᠢᠩ ᠴᠢᠩᠬᠡᠯᠢᠭ ᠡᠮᠨᠡᠯᠬᠡ ᠵᠢᠨ ᠬᠤᠷᠢᠶᠠ ᠡᠭᠦᠳᠡ ᠪᠠᠨ ᠬᠠᠭᠠᠪᠠ᠃
《ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠵᠤ ᠬᠢᠵᠢᠭᠲᠡᠶ ᠲᠡᠮᠡᠴᠡᠬᠦ᠌ ᠡᠭᠦᠷᠭᠡᠶ᠋ᠢ ᠪᠡᠶᠡᠯᠡᠭᠦᠯᠦᠭ᠌ᠰᠡᠨᠳ᠋ᠡᠬᠡᠨ ᠰᠡᠳᠭᠢᠯ ᠮᠠᠰᠢ ᠳᠣᠭ᠍ᠳᠣᠯᠵᠤ ᠪᠠᠢᠨᠠ᠂ ᠬᠣᠢᠱᠢᠳᠠ ᠵᠠᠪᠱᠢᠶᠠᠨᠲᠠᠶ ᠪᠣᠯ ᠱᠠᠩᠬᠠᠶᠳᠤ ᠳᠠᠬᠢᠨᠳᠠ ᠬᠦᠷᠴᠤ᠂ 〈ᠱᠢᠳᠢᠲᠦ ᠬᠣᠲᠠ〉ᠶ᠋ᠢᠨ ᠬᠥᠭ᠌ᠵᠢᠯ ᠪᠠᠳᠠᠷᠠᠯᠢ ᠦᠢᠯᠠᠭᠠᠵᠥ ᠮᠡᠳᠡᠷᠡᠬᠦ᠌ ᠶ᠋ᠢᠨ ᠬᠠᠮᠲᠤ ᠱᠠᠩᠬᠠᠶᠶ᠋ᠢᠨ ᠠᠷᠠᠳ ᠲᠦᠮᠡᠨᠤ ᠮᠠᠨᠤ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠵᠦ᠍᠂ ᠦᠷᠬᠡᠨ ᠠᠭᠤᠳᠠᠮ ᠥᠪᠥᠷ ᠮᠣᠩᠭᠣᠯᠢ᠋ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤᠶ᠋ᠢ ᠪᠠᠶᠠᠷᠯᠠᠨ ᠤᠭ᠍ᠲᠤᠵᠤ ᠪᠠᠢᠨᠠ》ᠭᠡᠵᠦ᠍ ᠰᠠᠯᠬᠤ ᠶᠤᠰᠤ ᠪᠠᠨ ᠬᠦᠢᠴᠡᠳᠬᠡᠬᠦ ᠳ᠋ᠡᠬᠡᠨ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠭ᠍ᠰᠠᠨ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠨ ᠵᠦ᠍ ᠵᠢᠶ ᠶᠤᠸᠠᠨ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ ᠬᠡᠯᠡᠵᠤ ᠪᠠᠢᠪᠠ᠃
《ᠡᠨᠡ ᠤᠳᠠᠭᠠᠶ᠋ᠢᠨ ᠬᠢᠵᠢᠭᠲᠡᠶ ᠲᠡᠮᠡᠴᠡᠬᠦ᠌ᠪᠡᠷ ᠲᠠᠮᠵᠢᠨ᠂ ᠥᠪᠥᠷ ᠮᠣᠩᠭᠣᠯ ᠱᠠᠩᠬᠠᠢ ᠬᠣᠶᠠᠷ ᠭᠠᠵᠠᠷᠤᠨ ᠨᠥᠬᠥᠷᠯᠡᠯ ᠨᠡᠩ ᠭᠦᠨ ᠪᠣᠯᠵᠠᠢ᠂ ᠭᠠᠵᠠᠷ ᠣᠷᠣᠨᠤ ᠵᠠᠢ ᠬᠤᠯᠠ ᠡᠴᠡ ᠪᠤᠯᠵᠥ ᠡᠨᠡ ᠬᠦ᠌ ᠨᠥᠬᠥᠷᠯᠡᠯ ᠨᠢ ᠪᠢᠳᠡᠨᠡᠷ ᠲᠸ᠋ ᠮᠠᠰᠢ ᠬᠣᠪᠣᠷ ᠨᠠᠨᠳᠢᠨ ᠰᠠᠨᠠᠭ᠍ᠳᠠᠯᠠ!》 ᠭᠡᠵᠦ᠍ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠢᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠬᠢᠶ᠋ᠢᠨ ᠭᠡᠱᠢᠭᠦᠨ᠂ ᠠᠮᠢᠰᠭᠤᠯᠤᠨ ᠰᠠᠯᠠᠭᠠᠨᠤ ᠳᠡᠳ᠋ ᠡᠷᠬᠢᠯᠡᠭ᠌ᠴᠢ ᠡᠮᠴᠢ ᠸᠠᠩ ᠷᠦ ᠭᠠᠩ ᠬᠡᠯᠡᠪᠡ᠃
4 ᠰᠠᠷᠠᠶ᠋ᠢᠨ 26ᠤ᠋ ᠡᠳᠦᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠱᠢᠭᠤᠳ ᠬᠠᠷᠢᠶᠠ 68 ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ ᠪᠣᠯᠤᠨ ᠠᠢᠮᠠᠭ ᠬᠣᠲᠠᠶ᠋ᠢᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ ᠵᠢᠨ 918 ᠬᠥᠮᠦᠨᠢᠶᠡᠷ ᠪᠦᠷᠢᠯᠳᠦᠭ᠌ᠰᠡᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠡᠯᠡ ᠠᠢᠮᠠᠭ ᠬᠣᠲᠠ ᠡᠴᠡ ᠱᠠᠩᠬᠠᠶᠳᠤ ᠬᠦᠷᠴᠦ᠍ ᠡᠮᠨᠡᠨ ᠠᠪᠤᠷᠬᠠᠸ᠋ ᠠᠵᠢᠯ ᠥᠷᠨᠢᠭᠦᠯᠪᠡ᠃
ᠱᠠᠩᠬᠠᠢᠳᠤ ᠬᠦᠷᠦᠭ᠌ᠰᠡᠨ ᠲᠡᠷᠡ ᠤᠷᠤᠢ ᠳ᠋ᠠᠭᠠᠨ᠂ ᠡᠮᠴᠢᠯᠡᠭᠡᠨ ᠦ ᠠᠩᠭᠢ ᠳᠡᠷᠡ ᠳᠠᠷᠤᠢ ᠳ᠋ᠤᠨᠢ ᠱᠠᠩᠬᠠᠢᠶ᠋ᠢᠨ ᠪᠥᠭᠡᠮ ᠬᠦᠴᠢᠯᠦᠨ ᠦᠯᠢᠭᠡᠷ ᠠᠪᠬᠤ ᠪᠠᠴᠢᠮ ᠡᠭᠦᠷᠭᠡᠶ᠋ᠢ ᠬᠦᠯᠢᠶᠡᠨ ᠠᠪᠴᠤ᠌᠂ ᠰᠥᠨᠢᠪᠡᠷ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠪᠣᠯᠪᠠᠰᠤᠷᠠᠯ ᠬᠢᠪᠡ᠃ ᠳᠠᠷᠠᠭᠠ ᠡᠳᠦᠷ ᠨᠢ ᠡᠮᠴᠢᠯᠡᠭᠡᠨᠦ ᠠᠩᠭᠢ 245 ᠭᠡᠱᠢᠭᠦᠨ ᠰᠣᠩᠭᠣᠨ ᠲᠣᠮᠢᠯᠠᠵᠤ ᠪᠥᠭᠡᠮ ᠬᠦᠴᠢᠯᠤᠨ ᠦᠯᠢᠭᠡᠷ ᠠᠪᠬᠤ ᠠᠵᠢᠯᠳᠤ ᠣᠷᠣᠯᠴᠠᠭᠤᠯᠵᠤ᠂ ᠲᠤᠰ ᠡᠳᠦᠷᠲᠡᠬᠡᠨ 20042 ᠬᠤᠪᠢ ᠦᠯᠢᠭᠡᠷ ᠠᠪᠬᠤ ᠵᠢ ᠪᠡᠶᠡᠯᠡᠬᠦᠯᠪᠡ᠃
ᠡᠭᠦᠨᠦ ᠳᠠᠷᠠᠭᠠ᠂ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠴᠢᠩᠭᠠ ᠪᠣᠯᠪᠠᠰᠤᠷᠠᠯ ᠪᠣᠯᠤᠨ ᠡᠯᠡ ᠵᠦᠢᠯᠦᠨ ᠪᠡᠯᠡᠳᠭᠡᠯ ᠠᠵᠢᠯᠢ ᠬᠢᠭ᠌ᠰᠡᠨᠦ ᠳᠠᠷᠠᠭᠠ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠢᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢ 4 ᠰᠠᠷᠠᠶ᠋ᠢᠨ 29 ᠤ᠋ ᠡᠳᠦᠷ ᠾᠧᠨᠠᠨ ᠮᠤᠵᠢᠶ᠋ᠢᠨ ᠡᠮᠴᠢᠯᠡᠭᠡᠨᠦ ᠠᠩᠭᠢᠲᠠᠶ ᠵᠢᠩᠬᠢᠨᠢᠪᠡᠷ ᠠᠵᠢᠯᠢᠶᠠᠨ ᠵᠤᠯᠭᠠᠯᠴᠠᠭᠤᠯᠵᠥ᠂ ᠱᠠᠩᠬᠠᠢ ᠶ᠋ᠢᠨ ᠫᠦᠳᠦ᠋ᠩᠤᠨ ᠨᠢᠬᠡᠨ ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠶ᠋ᠢ ᠪᠦᠬᠦ᠌ ᠪᠠᠢᠭᠤᠯᠤᠮᠵᠢᠶ᠋ᠢᠨ ᠳᠦᠷᠢᠮᠢᠶᠡᠷ ᠬᠦᠯᠢᠶᠡᠨ ᠠᠪᠴᠤ᠌ ᠬᠠᠮᠢᠶᠠᠷᠪᠠ᠃
5 ᠰᠠᠷᠠᠶ᠋ᠢᠨ 6ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶ ᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢᠨᠢ ᠤᠯᠤᠰᠤᠨ ᠬᠣᠯᠪᠣᠭᠠᠯᠠᠨ ᠰᠡᠷᠭᠡᠢᠯᠡᠵᠦ᠍ ᠬᠣᠯᠪᠣᠭᠠᠯᠠᠨ ᠡᠵᠡᠮᠳᠡᠬᠦ᠌ ᠠᠵᠢᠯᠤᠨ ᠳᠤᠭᠤᠢᠯᠠᠩᠤᠨ ᠵᠢᠭᠠᠪᠤᠷᠢᠶ᠋ᠢ ᠭᠥᠯᠢᠶᠡᠨ ᠠᠪᠴᠤ᠌᠂ ᠪᠤᠭᠤᠲᠤ ᠬᠣᠲᠠ᠂ ᠤᠯᠠᠭᠠᠨᠴᠠᠪ ᠬᠣᠲᠠ᠂ ᠣᠷᠳᠣᠰ ᠬᠣᠲᠠ ᠵᠡᠷᠭᠡ 3 ᠡᠮᠴᠢᠯᠡᠭᠡᠨᠦ ᠬᠤᠪᠢᠶᠠᠷᠢ ᠠᠩᠭᠢ ᠶ᠋ᠢᠨ 542 ᠭᠡᠱᠢᠭᠦᠨᠢ ᠰᠣᠩᠭᠣᠨ ᠭᠠᠷᠭᠠᠵᠤ᠂ ᠱᠠᠩᠬᠠᠶ ᠬᠣᠲᠠᠶ᠋ᠢᠨ ᠮᠢᠨᠱᠢᠩ ᠲᠣᠭᠣᠷᠢᠭᠤᠨ ᠭᠤᠸᠠᠨ ᠬᠠᠶ ᠡᠷᠡᠭᠦᠯᠵᠢᠯ᠂ ᠮᠢᠨᠱᠢᠩ ᠲᠣᠭᠣᠷᠢᠭᠤᠨ ᠬᠢᠲᠠᠳ ᠧᠦ᠋ᠷᠣᠫᠠ ᠡᠮᠨᠡᠯᠭᠡᠶ᠋ᠢ ᠤᠶᠠᠯᠳᠤᠭᠤᠯᠤᠬᠰᠠᠨ ᠬᠣᠶᠠᠷ ᠲᠣᠭ᠍ᠲᠠᠭ᠍ᠰᠠᠨ ᠴᠡᠭᠦᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ ᠵᠢ ᠳᠤᠰᠠᠯᠠᠵᠥ᠂ ᠳᠥᠷᠪᠡᠨ ᠡᠪᠡᠳᠴᠢᠲᠡᠨᠦ ᠲᠣᠭᠣᠷᠢᠭᠤᠨ 196 ᠣᠷᠣᠶ᠋ᠢ ᠭᠥᠯᠢᠶᠡᠨ ᠠᠪᠴᠤ᠌ ᠬᠠᠮᠢᠶᠠᠷᠪᠠ᠃
5 ᠰᠠᠷᠠᠶ᠋ᠢᠨ 17ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠴᠢᠩᠭᠡᠯᠢᠭ ᠡᠮᠨᠡᠯᠭᠡ ᠶ᠋ᠢᠨ ᠬᠣᠷᠢᠶᠠᠨᠤ ᠪᠥᠬᠥ᠌ ᠡᠮᠨᠡᠨ ᠠᠪᠤᠷᠬᠠᠸ᠋ ᠠᠵᠢᠯᠢ ᠲᠡᠭᠦᠰ ᠠᠮᠵᠢᠯᠲᠠ ᠲᠠᠶ ᠪᠡᠶᠡᠯᠡᠭᠦᠯᠵᠦ᠍᠂ ᠴᠢᠩᠬᠡᠯᠢᠭᠢ ᠬᠠᠭᠠᠬᠰᠠᠨᠢ ᠵᠠᠷᠯᠠᠪᠠ᠃ ᠭᠥᠯᠢᠶᠡᠨ ᠠᠪᠴᠤ᠌ ᠬᠠᠮᠢᠶᠠᠷᠬᠤ ᠬᠤᠭᠤᠴᠠᠭᠠᠨᠳᠤ᠂ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨᠬᠢᠨ ᠨᠡᠢᠲᠡ 2366 ᠡᠪᠡᠳᠴᠢᠲᠡᠨᠢ ᠭᠥᠯᠢᠶᠡᠨ ᠠᠪᠴᠤ᠌ ᠡᠮᠨᠡᠨ ᠵᠠᠰᠠᠵᠤ᠂ ᠨᠡᠢᠲᠡ 2310 ᠬᠥᠮᠦᠨ ᠡᠮᠨᠡᠯᠭᠡᠡᠴᠡ ᠭᠠᠷᠴᠤ᠌᠂ 56 ᠬᠥᠮᠦᠨ ᠡᠮᠨᠡᠯᠭᠡ ᠱᠢᠯᠵᠢᠵᠦ᠍᠂ ᠨᠡᠢᠲᠡ 7278 ᠬᠥᠮᠦᠨ ᠤᠳᠠᠭᠠ ᠵᠢᠨ ᠪᠥᠭᠡᠮ ᠬᠦᠴᠢᠯᠦᠨ ᠪᠠᠢᠴᠠᠭᠠᠯᠲᠠ ᠬᠢᠪᠡ᠃
5 ᠰᠠᠷᠠᠶ᠋ᠢᠨ 25 ᠤ᠋ ᠦᠳᠡᠶ᠋ᠢᠨ ᠬᠣᠢᠨᠠᠬᠢ 2 ᠴᠠᠭ ᠲᠤ᠂ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠲᠣᠭ᠍ᠲᠠᠭ᠍ᠰᠠᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠠᠵᠢᠯᠤᠨ ᠡᠭᠦᠷᠭᠡᠪᠡᠨ ᠲᠡᠭᠦᠰ ᠠᠮᠵᠢᠯᠲᠠᠲᠠᠶ ᠪᠡᠶᠡᠯᠡᠭᠦᠯᠵᠦ᠍᠂ ᠨᠡᠢᠲᠡ 698 ᠡᠪᠡᠳᠴᠢᠲᠡᠨᠢ ᠬᠠᠮᠢᠶᠠᠷᠪᠠ᠃
ᠸᠠᠩ ᠷᠦ ᠭᠠᠩ ᠤᠷᠢᠳ ᠵᠢᠡᠷ ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ 8 ᠳ᠋ᠤᠭᠠᠷ ᠨᠣᠮᠧᠷᠲᠤ ᠠᠰᠠᠷᠤᠨ ᠡᠪᠡᠳᠴᠢᠲᠡᠨᠦ ᠲᠣᠭᠣᠷᠢᠭᠤᠨ ᠡᠷᠬᠢᠯᠡᠭ᠌ᠴᠢᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠵᠦ᠍᠂ ᠮᠠᠰᠢ ᠤᠯᠠᠨ ᠡᠪᠡᠳᠴᠢᠲᠡᠨ ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠡᠴᠡ ᠢᠯᠠᠷᠢᠱᠢᠵᠤ ᠡᠮᠨᠡᠯᠭᠡᠡᠴᠡ ᠭᠠᠷᠬᠤᠶ᠋ᠢ ᠳᠠᠭᠠᠯᠳᠤᠨ᠂ ᠸᠠᠩ ᠷᠦ᠋ ᠭᠠᠩ《ᠳᠠᠢ᠌ᠴᠢᠨ ᠨᠥᠬᠥᠳ》ᠲᠠᠢ ᠪᠡᠨ ᠱᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯᠦᠨ ᠲᠣᠭ᠍ᠲᠠᠭ᠍ᠰᠠᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠳᠤ ᠬᠦᠷᠴᠦ᠍᠂ 3 ᠡᠪᠡᠳᠴᠢᠲᠡᠨᠦ ᠲᠣᠭᠣᠷᠢᠭᠤᠨ ᠡᠷᠬᠢᠯᠡᠭ᠌ᠴᠢ ᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠪᠡ᠃ ᠲᠡᠭᠦᠨᠤ ᠲᠤᠳᠤᠷᠬᠠᠢ ᠴᠡᠭᠡᠵᠢᠯᠡᠵᠤ ᠪᠠᠢᠬᠤ ᠪᠡᠷ᠂ ᠭᠡᠱᠢᠭᠦᠳ ᠠᠩᠬᠠ ᠱᠠᠩᠬᠠᠢᠳᠤ ᠬᠦᠷᠬᠦ᠌ᠳᠦ᠂ ᠴᠢᠩᠭᠡᠯᠢᠭ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠ ᠶ᠋ᠢᠨ ᠠᠵᠢᠯᠯᠠᠬᠤ ᠭᠠᠵᠠᠷ ᠨᠢ ᠰᠠᠭᠤᠭᠠ ᠭᠠᠵᠠᠷᠡᠴᠡ ᠨᠢᠭᠡ ᠴᠠᠭ ᠬᠠᠭᠠᠰᠤᠨ ᠵᠠᠮᠤᠨ ᠵᠠᠢᠲᠠᠶ᠂ ᠠᠵᠢᠯᠯᠠᠬᠤ ᠡᠲᠡᠭᠡᠳᠦᠨ ᠲᠠᠨᠢᠯ ᠪᠤᠰᠤ᠂ ᠦᠭᠡ ᠬᠡᠯᠡᠨᠦ ᠲᠠᠯᠠᠪᠠᠷ ᠨᠡᠪᠲᠡᠷᠡᠯᠴᠡᠬᠦ᠌ᠳᠦ ᠬᠦᠴᠢᠷ᠂ ᠡᠳᠦᠷ ᠪᠦᠷᠢᠶ᠋ᠢᠨ ᠠᠵᠢᠯᠯᠠᠬᠤ ᠴᠠᠭ ᠪᠣᠯᠤᠨ ᠵᠠᠮ ᠬᠠᠷᠢᠯᠴᠠᠭᠠ᠂ ᠵᠢᠴᠢ ᠬᠦᠯᠢᠶᠡᠬᠦ᠌ ᠴᠠᠭᠢ ᠨᠡᠮᠡᠪᠡᠯ᠂ ᠤᠯᠠᠨᠢᠶᠠᠷᠢᠶᠠᠨ ᠲᠣᠭ᠍ᠲᠠᠭ᠍ᠰᠠᠨ ᠴᠠᠭ ᠲᠠᠭᠠᠨ ᠬᠣᠭᠣᠯᠠ ᠣᠯᠵᠤ ᠢᠳᠡᠬᠦ᠌ᠳᠦ ᠬᠦᠴᠢᠷ ᠪᠠᠢᠳᠠᠭ᠂ ᠭᠡᠪᠡᠴᠦ᠍ ᠬᠦᠴᠢᠷ ᠪᠡᠷᠬᠡᠱᠢᠶᠡᠯᠲᠡᠶ ᠲᠦᠷᠦᠭᠦᠦ ᠭᠠᠷᠠᠭᠢ ᠥᠩᠭᠡᠷᠡᠭᠡᠭᠡᠳ᠂ ᠤᠯᠠᠨᠢᠶᠠᠷᠢᠶᠠᠨ ᠴᠢᠩᠭᠡᠯᠢᠭ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠ ᠶ᠋ᠢᠨ ᠠᠵᠢᠯᠳᠤ ᠪᠦᠷᠢᠮᠦᠰᠦᠨ ᠵᠣᠬᠢᠴᠠᠵᠤ ᠴᠢᠳᠠᠭ᠍ᠰᠠᠨ ᠪᠠᠢᠨᠠ᠃
ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠳᠤ᠂ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨᠬᠢᠨ ᠰᠠᠭᠤᠷᠢ ᠡᠪᠡᠳᠴᠢᠨ ᠲᠠᠢ ᠡᠪᠡᠳᠴᠢᠳᠠᠨᠢ ᠣᠨᠴᠠᠭᠠᠢᠯᠠᠨ ᠠᠩᠬᠠᠷᠴᠤ᠌᠂ ᠲᠡᠳᠡᠨᠳᠦ ᠲᠤᠰᠭᠠᠶ ᠰᠠᠯᠠᠭᠠᠨᠤ ᠬᠠᠮᠲᠤᠷᠠᠭ᠍ᠰᠠᠨ ᠣᠨᠣᠱᠢᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠲᠡᠳᠡᠨᠦ ᠡᠪᠡᠳᠴᠢᠨ ᠬᠦᠨᠳᠦᠷᠡᠬᠦ᠌ᠡᠴᠡ ᠵᠠᠢᠯᠠᠰᠭᠢᠵᠦ᠍᠂ ᠪᠠᠰᠠ ᠴᠢᠬᠢᠨᠤ ᠪᠠᠯᠴᠢᠷᠲᠤ ᠡᠮ ᠳᠠᠷᠤᠬᠤ ᠵᠡᠷᠭᠡ ᠬᠢᠲᠠᠳ ᠡᠮᠨᠡᠯᠭᠡᠶ᠋ᠢᠨ ᠣᠨᠴᠠᠯᠢᠭ᠍ᠲᠤ ᠡᠮᠴᠢᠯᠡᠭᠡ ᠥᠷᠨᠢᠭᠦᠯᠵᠦ᠍᠂ ᠴᠢᠩᠭᠡᠯᠢᠭ ᠳᠣᠲᠣᠷᠠ ᠬᠦᠰᠡᠯ ᠡᠷᠡᠮᠡᠯᠵᠡᠯᠦᠨ ᠬᠡᠷᠡᠮ᠂ ᠰᠤᠷᠤᠯᠴᠠᠬᠤ ᠪᠤᠯᠤᠩ᠂ ᠢᠳᠡᠭᠡᠨ ᠨᠥᠬᠥᠪᠥᠷᠢᠯᠡᠬᠦ᠌ ᠥᠷᠲᠡᠭᠡ ᠪᠠᠢᠭᠤᠯᠵᠤ᠂ ᠲᠤᠯᠤᠭᠠᠨ ᠠᠯᠬᠤᠮᠤᠨ ᠭᠠᠷ ᠤᠬᠢᠶᠠᠬᠤ ᠠᠷᠭᠠ᠂ ᠨᠠᠶ᠋ᠮᠠᠨ ᠭᠡᠰᠡᠭ ᠤᠨ ᠪᠡᠶᠠ ᠴᠢᠬᠢᠷᠠᠬᠵᠢᠭᠤᠯᠬᠤ ᠠᠷᠭᠠ᠂ ᠠᠮᠢᠰᠭᠤᠯᠤᠨ ᠲᠠᠮᠢᠷ ᠵᠡᠷᠭᠡ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠵᠠᠯᠠᠭᠤᠴᠤᠳᠤᠨ ᠪᠠᠶᠠᠷ᠂ ᠡᠬᠡᠴᠤᠤᠯᠦᠨ ᠪᠠᠶᠠᠷ᠂ ᠰᠤᠪᠢᠯᠠᠭ᠍ᠴᠢᠶ᠋ᠢᠨ ᠪᠠᠶᠠᠷ᠂ ᠣᠯᠠᠨ ᠤᠯᠤᠰᠤᠨ ᠬᠡᠷ ᠪᠦᠯᠢᠶ᠋ᠢᠨ ᠡᠳᠦᠷ ᠲᠤ᠌ ᠲᠣᠰ ᠲᠣᠰ ᠭᠤᠤᠯ ᠰᠡᠳᠦᠪᠲᠦ ᠡᠳᠦᠷᠦᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠡᠪᠡᠳᠴᠢᠲᠡᠨ᠂ ᠰᠠᠢᠨ ᠳᠤᠷᠠᠴᠤᠳ ᠪᠣᠯᠤᠨ ᠴᠠᠭ᠍ᠳᠠᠭᠠ ᠶ᠋ᠢᠨ ᠡᠩᠨᠡᠭᠡᠲᠡᠶ ᠭᠦᠨ ᠵᠤᠵᠠᠭᠠᠨ ᠨᠥᠬᠥᠷᠯᠡᠯ ᠪᠠᠢᠭᠤᠯᠪᠠ᠃ ᠤᠯᠠᠨ ᠵᠢᠡᠷ ᠵᠢᠡᠨ ᠪᠠᠰᠠ ᠥᠪᠥᠷ ᠮᠣᠩᠭᠣᠯᠡᠴᠡ ᠠᠪᠴᠢᠷᠠᠭ᠍ᠰᠠᠨ ᠪᠣᠷᠴᠠ᠂ ᠪᠢᠱᠢᠯᠠᠭᠢ ᠡᠪᠡᠳᠴᠢᠲᠡᠨᠳᠦ ᠬᠦᠷᠭᠡᠪᠠ᠃
《ᠨᠢᠭᠡ ᠰᠠᠷᠠᠶ᠋ᠢᠨ ᠲᠤᠰᠠᠯᠠᠮᠵᠢᠪᠠᠷ ᠳᠡᠮᠵᠢᠨ᠂ ᠪᠢᠳᠡ ᠱᠠᠩᠬᠠᠶᠶ᠋ᠢᠨ ᠡᠪᠡᠳᠴᠢᠲᠡᠨᠲᠡᠶ ᠮᠠᠷᠲᠠᠭ᠍ᠳᠠᠰᠢ ᠥᠬᠡᠶ ᠨᠥᠬᠥᠷᠯᠡᠯ ᠢ ᠪᠠᠢᠭᠤᠯᠤᠭ᠍ᠰᠠᠨ ᠪᠥᠭᠡᠳ ᠱᠠᠩᠬᠠᠶᠶ᠋ᠢᠨ ᠡᠮᠴᠢᠯᠡᠭᠡᠨᠤ ᠠᠵᠢᠯᠳᠠᠳ ᠲᠠᠢ 〈ᠳᠠᠢᠴᠢᠨ ᠬᠠᠨᠢ〉 ᠶ᠋ᠢᠨ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡ ᠲᠡᠶ ᠪᠣᠯᠵᠠᠢ》 ᠭᠡᠵᠤ ᠸᠠᠩ ᠷᠦ ᠭᠠᠩ ᠬᠡᠯᠡᠪᠡ᠃
1 ᠰᠠᠷᠠᠶ᠋ᠢᠨ ᠱᠠᠩᠬᠠᠢᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠡᠭᠦᠷᠭᠡᠳᠦ᠂ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠳ ᠥᠪᠡᠷ ᠥᠪᠡᠷᠦᠨ《ᠣᠨᠴᠠᠭᠠᠢ ᠳᠤᠷᠠᠰᠤᠮᠵᠢ》 ᠲᠠᠢ ᠪᠠᠢᠯᠠ᠃
ᠣᠷᠳᠣᠰ ᠬᠣᠲᠠᠶ᠋ᠢᠨ ᠲᠥᠪ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠲᠦᠷᠭᠡᠨ ᠡᠮᠴᠢᠯᠡᠭᠡᠨᠦ ᠰᠠᠯᠠᠭᠠᠨᠤ ᠪᠤᠶᠠᠨᠤ ᠰᠡᠳᠭᠢᠯᠢ ᠬᠠᠮᠤᠭ ᠳᠣᠭ᠍ᠳᠣᠯᠤᠭᠤᠯᠤᠭ᠍ᠰᠠᠨ ᠨᠢ ᠡᠪᠡᠳᠴᠢᠳᠡᠨᠤ ᠲᠤᠮᠳᠠᠬᠢ ᠰᠠᠢᠨ ᠳᠤᠷᠠᠴᠤᠤᠯ ᠪᠤᠯᠤᠨᠠ᠃ 《ᠠᠩᠬᠠ ᠱᠠᠩᠬᠠᠢᠳᠤ ᠬᠦᠷᠬᠦ᠌ᠳᠦ᠂ ᠪᠢᠳᠡ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠬᠥᠮᠦᠰᠲᠡᠶ ᠬᠠᠷᠢᠯᠴᠠᠬᠤᠳᠤ ᠬᠦᠴᠢᠷ᠂ ᠠᠪᠠᠭᠠ ᠠᠨᠢᠶᠠ ᠨᠡᠷ ᠱᠠᠩᠬᠠᠢ ᠵᠢᠨ ᠨᠤᠳᠤᠭᠤᠨ ᠠᠶᠠᠯᠭᠤ ᠪᠡᠷ ᠵᠢᠡᠨ ᠶᠠᠷᠢᠬᠤ ᠳ᠋ᠤ ᠪᠢᠳᠡ ᠰᠤᠨᠤᠰᠴᠤ ᠤᠢᠯᠠᠭᠠᠬᠤ ᠦᠭᠡᠢ᠃ ᠴᠢᠩᠭᠡᠯᠢᠭ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳᠦ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠮᠠᠰᠢ ᠣᠯᠠᠨ ᠬᠥᠩᠭᠡᠨ ᠡᠪᠡᠳᠴᠢᠲᠡᠨ ᠪᠠ ᠡᠪᠡᠳᠴᠢᠨᠦ ᠢᠯᠡᠷᠡᠯ ᠥᠬᠡᠶ ᠬᠠᠯᠳᠠᠪᠤᠷᠢᠯᠠᠭᠳᠠᠬᠴᠢ ᠪᠣᠶ᠂ ᠲᠠᠳᠠ ᠰᠠᠢᠨ ᠳᠤᠷᠠᠶ᠋ᠢᠨ ᠠᠵᠢᠯᠯᠠᠭ᠍ᠴᠢ ᠶ᠋ᠢᠨ ᠠᠵᠢᠯᠢ ᠰᠠᠨᠠᠭᠠᠴᠢᠯᠠᠭᠠᠡᠴᠡᠪᠠᠨ ᠡᠭᠦᠷᠭᠡᠯᠡᠵᠦ᠍᠂ ᠪᠢᠳᠡᠨᠢ ᠬᠠᠪᠰᠤᠷᠤᠨ ᠡᠳ᠋ ᠪᠣᠳᠠᠰ ᠲᠦᠭᠡᠭᠡᠵᠦ᠍᠂ ᠪᠢᠳᠡᠨᠢ ᠬᠠᠪᠰᠤᠷᠤᠨ ᠵᠣᠬᠢᠴᠠᠭᠤᠯᠵᠤ᠂ ᠵᠠᠷᠢᠮ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠴᠤ᠌ ᠪᠠᠢᠭᠠ ᠡᠪᠡᠳᠴᠢᠲᠡᠨ ᠢ ᠴᠦ᠍ ᠬᠦᠯᠢᠴᠡᠩᠭᠦᠶᠪᠡᠷ ᠬᠠᠪᠰᠤᠷᠤᠨ ᠡᠶᠡᠳᠡᠬᠦᠯᠤᠨ ᠵᠤᠬᠢᠴᠠᠭᠤᠯᠳᠠᠭ᠃ ᠪᠢᠳᠡ ᠲᠡᠳᠡᠨᠳᠦ ᠲᠠᠯᠠᠷᠬᠠᠬᠤ ᠦᠶᠠᠳᠤ᠂ ᠲᠡᠳᠡ ᠬᠠᠷᠢᠨ〈ᠲᠠ ᠨᠠᠷᠲᠤ ᠲᠠᠯᠠᠷᠬᠠᠬᠤ ᠶᠣᠰᠣᠲᠠᠢ᠂ ᠪᠢᠳᠡᠨᠢ ᠬᠠᠪᠰᠤᠷᠬᠤᠶ᠋ᠢᠨ ᠲᠥᠯᠥᠭᠡ ᠂ ᠲᠠ ᠨᠠᠷ ᠠᠯᠤᠰ ᠬᠤᠯᠠ ᠥᠪᠥᠷ ᠮᠣᠩᠭᠣᠯᠡᠴᠡ ᠢᠷᠡᠵᠡᠢ᠂ ᠲᠠ ᠨᠠᠷ ᠵᠦᠳᠡᠷᠡᠯᠡ᠃〉 ᠡᠳᠡᠭᠡᠷ ᠦᠭᠡᠶ᠋ᠢ ᠰᠣᠨᠣᠰᠭᠤ ᠪᠦᠷᠢ᠂ ᠪᠢ ᠰᠡᠳᠭᠢᠯ ᠬᠥᠳᠡᠯᠦᠭᠡᠳ ᠨᠢᠯᠪᠤᠰᠤ ᠤᠨᠠᠭᠠᠬᠤ ᠱᠢᠬᠠᠵᠠᠢ》ᠭᠡᠵᠦ᠍ ᠪᠤᠶᠠᠨ ᠭᠡᠯᠡᠪᠡ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠬᠡ ᠨᠢᠯᠬᠠᠰᠤᠨ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢ ᠬᠠᠮᠠᠭᠠᠯᠠᠬᠤ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠰᠤᠪᠢᠯᠠᠭ᠍ᠴᠢ ᠵᠢᠩ ᠲᠢᠶᠠᠨᠳᠦ ᠠᠪᠴᠤ ᠬᠡᠯᠡᠪᠡᠯ ᠬᠠᠮᠤᠭᠤᠨ ᠮᠠᠷᠲᠠᠭ᠍ᠳᠠᠰᠢ ᠥᠬᠡᠶ ᠨᠢ ᠨᠢᠭᠡ ᠤᠳᠠᠭᠠ ᠵᠢᠨ ᠭᠦᠨ ᠰᠡᠳᠭᠢᠯᠭᠡ ᠪᠦᠬᠦᠢ ᠰᠠᠯᠤᠯᠲᠠ ᠪᠣᠯᠤᠨᠠ᠃ ᠮᠣᠷᠳᠠᠬᠤᠡᠴᠡ ᠡᠮᠦᠨᠡ᠂ ᠱᠠᠩᠬᠠᠢ ᠬᠤᠳᠠᠶ᠋ᠢᠨ ᠵᠠᠰᠠᠭᠤᠨ ᠣᠷᠳᠣᠨ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠢᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠬᠢ ᠳᠤ ᠸᠠᠢ ᠲᠠᠨᠤ ᠲᠤᠰᠬᠠᠢ ᠵᠢᠭᠤᠯᠴᠢᠯᠠᠯᠢ ᠬᠠᠨᠭᠭᠠᠬᠰᠡᠨ ᠲᠡᠷᠡ ᠤᠷᠤᠢ᠂ ᠲᠠᠨᠢᠯ ᠪᠤᠰᠤ ᠨᠢᠭᠡᠨ ᠱᠠᠩᠬᠠᠢᠶ᠋ᠢᠨ ᠠᠨᠢᠶᠠ ᠡᠮᠴᠢᠯᠡᠭᠡᠨᠦ ᠠᠩᠬᠢ ᠶ᠋ᠢᠨ ᠭᠡᠱᠢᠭᠦᠳᠢ ᠣᠯᠵᠤ ᠦᠵᠡᠭᠡᠳ᠂ ᠲᠠᠬᠢᠨ ᠲᠠᠬᠢᠨ ᠶᠣᠰᠣᠯᠠᠵᠤ᠂ ᠤᠳᠠᠳᠠᠯᠠ ᠰᠠᠯᠬᠤ ᠲᠤᠷᠠ ᠦᠭᠡᠢ ᠪᠠᠢᠯᠠ᠃
《ᠮᠠᠨᠤ ᠪᠦᠬᠦ᠌ ᠬᠥᠮᠦᠰ ᠶᠡᠷᠦ᠍ᠡᠴᠡ ᠠᠵᠢᠯᠤᠨ ᠵᠦᠳᠡᠷᠡᠯ ᠡᠴᠡ ᠪᠤᠯᠵᠤ ᠲᠤᠰᠤᠯ ᠨᠢᠯᠪᠤᠰᠤ ᠤᠨᠠᠭᠠᠬᠰᠡᠨ ᠦᠭᠡᠢ᠂ ᠭᠡᠪᠡᠴᠦ᠍ ᠠᠨᠢᠶᠠᠶ᠋ᠢᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠪᠢᠳᠠᠨᠢ ᠨᠢᠯᠪᠤᠰᠤ ᠤᠨᠠᠭᠠᠯᠭᠠᠪᠠ᠂ ᠡᠴᠡᠩᠬᠡᠢ ᠲᠤᠷᠠᠩᠬᠠᠢ ᠪᠡᠶᠡ ᠲᠠᠢ ᠠᠨᠢᠶᠠ ᠲᠠᠬᠢᠨ ᠲᠠᠬᠢᠨ ᠨᠢᠷᠤᠭᠤ ᠪᠥᠬᠥᠢᠨ ᠶᠣᠰᠣᠯᠠᠬᠤᠳᠤ᠂ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠤᠷᠲᠤ ᠪᠠᠢᠭ᠍ᠰᠠᠨ ᠮᠠᠰᠢ ᠤᠯᠠᠨ ᠬᠥᠮᠦᠰᠢ ᠦᠪᠡᠷᠤᠨ ᠡᠷᠭᠡ ᠦᠭᠡᠢ ᠨᠢᠯᠪᠤᠰᠤ ᠤᠨᠠᠭᠠᠯᠭᠠᠵᠠᠢ》 ᠭᠡᠵᠦ᠍ ᠵᠢᠩ ᠲᠢᠶᠠᠨ ᠬᠡᠯᠡᠪᠡ᠃
5 ᠰᠠᠷᠠᠶ᠋ᠢᠨ 25ᠤ᠋ ᠡᠳᠦᠷ ᠪᠣᠯᠲᠠᠯᠠ᠂ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠱᠠᠩᠬᠠᠶᠶ᠋ᠢᠨ ᠬᠢᠵᠢᠭᠦᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠡᠯᠡ ᠵᠦᠶ᠋ᠯᠦᠨ ᠡᠭᠦᠷᠭᠡᠶ᠋ᠢ ᠪᠦᠬᠦᠨᠢ ᠪᠡᠶᠡᠯᠡᠭᠦᠯᠪᠡ᠃ ᠣᠳᠣᠬᠠᠨᠳᠤ᠂ ᠣᠯᠠᠨᠢᠶᠠᠷᠢᠶᠠᠨ ᠴᠥᠮ ᠲᠣᠮᠢᠯᠠᠭ᠍ᠰᠠᠨ ᠭᠠᠵᠠᠷᠲᠠᠭᠠᠨ ᠪᠤᠴᠠᠵᠤ ᠲᠤᠰᠠᠭᠠᠷᠯᠠᠨ ᠠᠮᠠᠷᠠᠨ ᠴᠡᠭᠴᠡᠯᠡᠵᠤ ᠪᠠᠢᠨᠠ᠃
《ᠮᠢᠨᠦ᠍ ᠪᠣᠳᠣᠭ᠍ᠰᠠᠨᠡᠴᠡ ᠡᠷᠲᠡ ᠬᠠᠷᠢᠵᠤ ᠢᠷᠡᠪᠡ᠂ ᠡᠬᠡᠨᠡᠷ ᠮᠢᠨᠢ ᠬᠥᠩᠭᠡᠵᠢᠬᠦᠳᠤ ᠪᠢ ᠲᠡᠭᠦᠨᠳᠦ ᠬᠠᠨᠢ ᠪᠣᠯᠵᠤ ᠳᠡᠢᠯᠬᠦ ᠪᠤᠯᠤᠯᠠ !》27ᠤ᠋ ᠡᠳᠦᠷ᠂ ᠣᠷᠳᠣᠰ ᠬᠣᠲᠠᠳᠠᠭᠠᠨ ᠪᠤᠴᠠᠵᠤ ᠢᠷᠡᠭ᠌ᠰᠡᠨ ᠪᠤᠶᠠᠨ᠄《ᠣᠳᠣᠬᠠᠨᠤ ᠬᠠᠮᠤᠭᠤᠨ ᠶᠡᠬᠡ ᠡᠭᠦᠷᠭᠡ ᠪᠣᠯ ᠳᠠᠷᠤᠶ ᠬᠠᠮᠵᠢᠯᠴᠠᠨ ᠲᠤᠰᠠᠭᠠᠷᠯᠠᠵᠤ᠂ ᠰᠠᠨᠠᠭᠠ ᠠᠮᠤᠷ ᠠᠮᠠᠷᠠᠵᠤ᠂ ᠡᠷᠲᠡᠬᠡᠨ ᠬᠡᠷᠲᠡᠬᠡᠨ ᠬᠠᠷᠢᠵᠤ ᠬᠡᠷᠦᠨ ᠬᠥᠮᠦᠰᠲᠡᠶᠪᠡᠨ ᠠᠭᠤᠯᠵᠠᠬᠤ ᠶᠠᠪᠤᠳᠠᠯ ᠪᠣᠯᠤᠨᠠ! 》 ᠭᠡᠵᠤ ᠬᠡᠯᠡᠨᠠ᠃
《ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠡᠴᠡ ᠲᠣᠭ᠍ᠲᠠᠭ᠍ᠰᠠᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ ᠬᠦᠷᠲᠡᠯᠡ᠂ ᠪᠢᠳᠡ ᠬᠡᠳᠦᠢᠪᠡᠷ ᠲᠦᠷ ᠴᠠᠭᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠭ᠍ᠰᠠᠨ ᠪᠦᠯᠬᠦᠮ ᠪᠣᠯᠪᠠᠴᠤ᠌ ᠬᠤᠭᠤᠷᠤᠨᠳᠤ ᠪᠡᠨ ᠮᠠᠰᠢ ᠰᠠᠢᠨ ᠬᠠᠮᠵᠢᠯᠴᠠᠵᠤ᠂ ᠠᠵᠢᠯ ᠪᠠᠢᠪᠠᠯ ᠴᠥᠮ ᠪᠤᠯᠢᠶᠠᠯᠳᠤᠨ ᠬᠢᠳᠡᠭ᠃ ᠵᠣᠴᠢᠳᠤᠨ ᠪᠠᠭᠤᠳᠠᠯᠡᠴᠡ ᠵᠢᠮᠢᠰ ᠬᠤᠪᠢᠶᠠᠬᠤ ᠳ᠋ᠤ᠂ ᠮᠠᠰᠢ ᠣᠯᠠᠨ ᠬᠥᠮᠦᠨ ᠢᠳᠡᠬᠦ᠌ᠦᠭᠡᠢ ᠪᠠᠢᠵᠤ᠂ ᠴᠢᠩᠭᠡᠯᠢᠭ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨ ᠳ᠋ᠤ ᠠᠪᠠᠴᠢᠨ ᠨᠠᠰᠤᠲᠠᠨ᠂ ᠬᠡᠦᠬᠡᠳᠲᠦ ᠬᠤᠪᠢᠶᠠᠵᠤ ᠥᠭ᠌ᠳᠡᠭ ᠁ ᠢᠩᠭᠢᠵᠦ ᠬᠢᠬᠰᠡᠨ ᠨᠢ ᠪᠠᠰᠠ ᠬᠠᠷᠢᠭᠤᠲᠠᠯᠠᠷᠬᠠᠯ ᠬᠦᠷᠳᠡᠵᠠᠢ᠂ ᠡᠪᠡᠳᠴᠢᠲᠡᠨ ᠤ᠋ ᠬᠡᠷᠡᠮ ᠳᠡᠭᠡᠷᠡ ᠲᠠᠯᠠᠷᠬᠠᠯ ᠤ᠋ᠨ ᠪᠢᠴᠢᠭ ᠨᠠᠭᠠᠭᠰᠠᠨ ᠢ᠋ ᠣᠯᠵᠤ ᠬᠠᠷᠠᠪᠡᠯ᠂ ᠠᠯᠢᠪᠠ ᠬᠢᠭᠰᠡᠨ ᠪᠦᠬᠦᠨ ᠮᠠᠨᠢ ᠴᠥᠮ ᠦᠨᠠ ᠴᠡᠨᠡᠲᠡᠶ ᠪᠤᠳᠤᠭᠳᠠᠳᠠᠭ》 ᠭᠡᠵᠦ ᠸᠠᠩ ᠷᠦ ᠭᠠᠩ ᠬᠡᠯᠡᠯᠠ᠃
ᠨᠢᠭᠡ ᠤᠴᠢᠵᠤ ᠨᠢᠭᠡ ᠢᠷᠡᠭᠡᠳ᠂ ᠬᠠᠮᠤᠭᠤᠨ ᠭᠦᠨ ᠰᠠᠭᠤᠭᠳᠠᠯ ᠨᠢ ᠲᠠᠷᠤᠢ ᠰᠡᠳᠬᠢᠯ ᠳ᠋ᠤ ᠲᠤᠪ ᠳᠤᠯᠠᠭᠠᠨ ᠰᠠᠨᠠᠭ᠍ᠳᠠᠨᠠ᠃ ᠸᠠᠩ ᠷᠦ ᠭᠠᠩ᠄《ᠤᠴᠢᠬᠤ ᠦᠶᠡᠳᠦ ᠪᠢ ᠪᠠᠰᠠ ᠰᠡᠳᠬᠢᠯ ᠤ᠋ᠨ ᠲᠠᠷᠤᠭᠠᠰᠤᠲᠠᠶ ᠪᠠᠢᠯᠠ᠂ ᠡᠵᠢ ᠵᠢᠨ ᠨᠠᠰᠤᠨ ᠰᠡᠭᠦᠳᠡᠷ ᠦᠨᠳᠦᠷ᠂ ᠮᠢᠨᠦ᠍ ᠠᠮᠤᠷ ᠲᠦᠪᠱᠢᠨᠦ ᠲᠥᠯᠥᠭᠡ ᠣᠨᠴᠠᠭᠠᠢ ᠰᠠᠨᠠᠭᠠᠱᠢᠷᠠᠵᠦ ᠪᠠᠢᠪᠠ᠃ ᠭᠡᠪᠡᠴᠦ᠍ ᠮᠠᠨᠵᠤᠤᠷ ᠢ᠋ ᠲᠤᠰᠠᠯᠠᠬᠤ ᠬᠢᠵᠢᠭᠲᠡᠶ ᠲᠡᠮᠡᠴᠡᠭᠰᠡᠨ ᠠᠵᠢᠯ ᠵᠢᠡᠷ ᠳᠠᠮᠵᠢᠨ ᠲᠤᠷᠱᠢᠯᠭᠠᠲᠠᠶ ᠪᠣᠯᠤᠭ᠍ᠰᠠᠨ ᠪᠣᠯᠬᠣᠷ ᠭᠡᠷᠦᠨ ᠬᠥᠮᠦᠰ ᠪᠦᠷ ᠳᠡᠮᠵᠢᠵᠡᠢ᠃ ᠪᠢᠳᠡ ᠠᠮᠢᠰᠭᠤᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯ ᠢ᠋ ᠤᠷᠤᠯᠳᠤᠵᠤ ᠪᠠᠢᠬᠤ ᠲᠤᠯᠠ ᠨᠠᠩ ᠵᠠᠢᠯᠠᠭᠤᠯᠵᠤ ᠪᠣᠯᠤᠰᠢ ᠦᠭᠡᠢ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠢᠳᠠᠭ᠃ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠡᠳ᠋ ᠪᠣᠳᠠᠰᠤᠨ ᠪᠠᠲᠤᠯᠠᠭᠠ ᠳ᠋ᠤ ᠶᠠᠭᠤ ᠴᠤ᠌ ᠪᠦᠷ ᠪᠠᠢᠨᠠ᠂ ᠴᠢᠷᠦᠭᠦᠯ ᠱᠠᠬᠠᠶ᠂ ᠣᠢᠮᠣᠰᠤ᠂ ᠡᠮ ᠵᠡᠷᠭᠡ ᠪᠢᠳᠡᠨᠦ ᠪᠣᠳᠣᠵᠤ ᠣᠯᠤᠭ᠍ᠰᠠᠨ ᠦᠭᠡᠢ ᠨᠠᠷᠢᠨ ᠵᠦᠶ᠋ᠯᠡᠰᠢ ᠪᠠᠭ᠍ᠲᠠᠭᠠᠪᠠ᠃ ᠱᠠᠩᠬᠠᠢᠳᠤ ᠣᠴᠢᠬᠤᠡᠴᠡ ᠡᠮᠦᠨᠡ᠂ ᠬᠤᠳᠠᠶ᠋ᠢᠨ ᠤᠳᠤᠷᠢᠳᠤᠯᠭᠠ᠂ ᠬᠤᠷᠢᠶᠠᠨ ᠤ᠋ ᠤᠳᠤᠷᠢᠳᠤᠯᠭᠠ᠄ 〈ᠲᠠᠨᠠᠷ ᠰᠠᠨᠠᠭᠠ ᠠᠮᠤᠷ ᠬᠢᠵᠢᠭᠲᠡᠶ ᠲᠡᠮᠡᠴᠡᠭᠡᠷᠠᠢ᠂ ᠠᠷᠤ ᠲᠠᠯᠠ ᠶ᠋ᠢᠨ ᠪᠠᠲᠤᠯᠠᠭᠠᠶ᠋ᠢᠨ ᠠᠵᠢᠯᠢ ᠪᠢᠳᠡ ᠬᠠᠮᠢᠶᠠᠷᠤᠶᠠ〉ᠭᠡᠵᠦ᠍ ᠬᠡᠯᠡᠪᠡ᠂ ᠱᠠᠩᠬᠠᠢᠳᠦ ᠪᠠᠢᠬᠤ ᠳ᠋ᠤ᠂ ᠵᠣᠴᠢᠳᠤᠨ ᠪᠠᠭᠤᠳᠠᠯ᠂ ᠦᠢᠯᠡᠴᠢᠯᠡᠭ᠌ᠴᠢ᠂ ᠰᠠᠢ᠌ᠨ ᠲᠤᠷᠠᠴᠤᠤᠯ ᠮᠠᠨᠤ ᠠᠷᠤ ᠲᠠᠯᠠᠶ᠋ᠢᠨ ᠪᠠᠲᠤᠯᠠᠭᠠᠶ᠋ᠢᠨ ᠠᠵᠢᠯᠢ ᠮᠠᠰᠢ ᠰᠠᠢ᠌ᠨ ᠬᠢᠵᠡᠢ᠂ ᠱᠠᠩᠬᠠᠢᠡᠴᠡ ᠪᠤᠴᠠᠵᠤ ᠢᠷᠡᠬᠦ ᠲᠡᠷᠡ ᠡᠳᠦᠷ᠂ ᠪᠢᠳᠡᠨᠤ ᠬᠥᠮᠦᠨ ᠪᠣᠯᠭᠠᠨ ᠰᠠᠭᠤᠭᠰᠠᠨ ᠭᠡᠷᠢᠶᠡᠨ ᠰᠠᠢᠲᠤᠷ ᠴᠡᠪᠡᠷᠯᠡᠵᠦ᠍ ᠂ ᠦᠯᠡᠳᠡᠭ᠌ᠰᠡᠨ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠡᠳ᠋ ᠪᠣᠳᠠᠰᠢᠶᠠᠨ ᠪᠠᠭᠤᠳᠠᠯᠳᠤ ᠬᠠᠨᠳᠢᠪᠯᠠᠪᠡ᠃ ᠨᠡᠢᠲᠡᠶ᠋ᠢᠨ ᠮᠠᠱᠢᠨ ᠲᠡᠷᠭᠡ ᠵᠠᠮ ᠳᠡᠭᠡᠷᠡ ᠳᠠᠪᠬᠢᠵᠤ ᠪᠠᠢᠬᠤᠳᠤ᠂ ᠵᠠᠮᠢᠶᠠᠷ ᠥᠩᠭᠡᠷᠡᠬᠦ᠌ ᠬᠤᠳᠠᠶ᠋ᠢᠨ ᠠᠷᠠᠳ ᠪᠢᠳᠡᠨ ᠤ᠋ ᠵᠦᠭ ᠭᠠᠷ ᠳᠠᠯᠠᠯᠤᠨ ᠲᠠᠯᠠᠷᠬᠠᠵᠤ᠂ ᠪᠢᠳᠡ ᠪᠠᠰᠠ ᠲᠡᠳᠡᠨᠦ ᠵᠦᠭ ᠭᠠᠷ ᠳᠠᠯᠠᠯᠤᠨ ᠮᠡᠨᠳᠦᠴᠢᠯᠡᠯᠡ ᠁》 ᠭᠡᠵᠦ ᠶᠠᠷᠢᠯᠠ᠃
ᠪᠠᠶᠠᠷᠲᠠᠶ᠂ ᠱᠠᠩᠬᠠᠶ! ᠥᠪᠥᠷ ᠮᠣᠩᠭᠣᠯᠳᠠᠭᠠᠨ ᠪᠤᠴᠠᠭ᠍ᠰᠠᠨ ᠤ ᠳᠠᠷᠠᠭᠠ᠂ ᠮᠠᠰᠢ ᠤᠯᠠᠨ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠳ ᠵᠠᠪᠱᠢᠶᠠᠨᠲᠠᠶ ᠪᠣᠯ ᠲᠠᠬᠢᠨ ᠱᠠᠩᠬᠠᠢᠳᠤ ᠣᠴᠢᠨᠡ ᠭᠡᠵᠦ ᠬᠦᠰᠡᠮᠵᠢᠯᠡᠪᠡ᠃
《ᠱᠠᠩᠬᠠᠢᠶ᠋ᠢ ᠲᠤᠰᠠᠯᠠᠬᠤ ᠡᠭᠦᠷᠭᠡᠶ᠋ᠢ ᠮᠠᠰᠢ ᠤᠷᠤᠭ᠍ᠰᠢᠲᠠᠢ ᠪᠡᠶᠡᠯᠡᠭᠦᠯᠵᠦ᠍᠂ ᠪᠡᠶᠡ ᠳᠡᠭᠡᠷᠡᠬᠢ ᠬᠦᠨᠳᠦ ᠳᠠᠷᠤᠭᠠᠰᠤ ᠴᠤ᠌ ᠨᠡᠯᠢᠶᠡᠳ ᠬᠥᠩᠭᠡᠷᠡᠵᠡᠢ᠃》 ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠬᠣᠯᠪᠣᠭᠠᠴᠢᠨ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠵᠥᠪᠯᠡᠯᠦᠨ ᠡᠮᠨᠡᠯᠭᠡᠶ᠋ᠢᠨ ᠶᠠᠪᠤᠳᠠᠯ ᠡᠮᠨᠡᠯᠭᠡᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠲᠣᠪᠴᠢᠶᠠᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠵᠠᠩ ᠶᠢᠩ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠲᠤᠰᠠᠭᠠᠷᠯᠠᠵᠤ ᠠᠮᠠᠷᠠᠬᠤ ᠬᠤᠭᠤᠴᠠᠭᠠ ᠵᠢᠨ ᠠᠩᠬᠠᠳᠠᠭ᠍ᠴᠢ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠸᠢᠳᠢᠣ᠋ ᠬᠤᠷᠠᠯ ᠲᠡᠭᠦᠰᠬᠦᠳᠦ᠂ 《ᠪᠢᠳᠡ ᠣᠴᠢᠬᠤᠳᠠᠭᠠᠨ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠡᠳ᠋ ᠪᠣᠳᠠᠰᠢ ᠭᠦᠶ᠋ᠴᠡᠳ ᠠᠪᠴᠤ᠌᠂ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠬᠠᠯᠳᠠᠪᠤᠷᠢᠯᠠᠯᠢ ᠰᠡᠷᠭᠡᠢᠯᠡᠬᠦ ᠪᠣᠯᠪᠠᠰᠤᠷᠠᠯᠢ ᠣᠯᠠᠨ ᠤᠳᠠᠭᠠ ᠥᠷᠨᠢᠭᠦᠯᠪᠡ᠂ ᠡᠭᠦᠨᠤ ᠰᠠᠭᠤᠷᠢᠨ ᠲᠡᠭᠡᠷᠡ᠂ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠬᠠᠯᠳᠠᠪᠤᠷᠢᠯᠠᠯᠢ ᠰᠡᠷᠭᠡᠢᠢᠯᠡᠬᠦ ᠲᠤᠰᠭᠠᠶ ᠮᠡᠷᠭᠡᠵᠢᠯ ᠪᠠ ᠲᠤᠱᠢᠶᠠᠯ ᠬᠠᠪᠰᠤᠷᠭᠠᠭ᠍ᠰᠠᠨ ᠳᠥᠴᠢ ᠲᠠᠪᠢᠨ ᠬᠥᠮᠦᠨᠢ ᠰᠣᠩᠭᠣᠨ ᠲᠣᠮᠢᠯᠠᠵᠤ ᠡᠪᠡᠳᠴᠢᠲᠡᠨᠦ ᠲᠣᠭᠣᠷᠢᠭᠲᠤ ᠣᠴᠢᠭᠤᠯᠵᠤ ᠴᠠᠭ ᠢᠮᠠᠭ᠍ᠲᠠ ᠴᠢᠩᠭᠠ ᠠᠵᠢᠭ᠍ᠯᠠᠬᠤ ᠪᠠ ᠬᠢᠨᠠᠨ ᠬᠠᠮᠢᠶᠠᠷᠴᠤ᠌᠂ ᠡᠮᠴᠢ ᠰᠤᠪᠢᠯᠠᠭ᠍ᠴᠢᠶ᠋ᠢᠨ ᠬᠠᠯᠳᠠᠪᠤᠷᠢᠯᠠᠬᠤ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠶ᠋ᠢ ᠶᠡᠬᠡᠪᠡᠷ ᠪᠠᠭᠤᠷᠠᠭᠤᠯᠪᠠ᠃ ᠬᠠᠷᠢᠵᠤ ᠢᠷᠡᠭ᠌ᠰᠡᠨᠦ ᠳᠠᠷᠠᠭᠠ᠂ ᠪᠢᠳᠡ ᠲᠡᠳᠡᠨᠦ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠪᠠᠢᠳᠠᠯ ᠪᠠ ᠰᠡᠳᠭᠢᠴᠡᠶ᠋ᠢᠨ ᠪᠠᠢᠳᠠᠯᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠠᠩᠬᠠᠷᠤᠨᠠ》 ᠭᠡᠵᠦ᠍ ᠬᠡᠯᠡᠪᠡ᠃
ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠳᠠᠭᠠᠭᠤᠯᠤᠭ᠍ᠴᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠵᠥᠪᠯᠡᠯᠦᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠲᠣᠭᠣᠷᠢᠨ ᠪᠠᠢᠴᠠᠭᠠᠭ᠍ᠴᠢ ᠢ ᠵᠥᠩ ᡁᠢ᠄《ᠡᠨᠡ ᠪᠣᠯ ᠮᠠᠨᠤ ᠣᠷᠣᠨᠡᠴᠡ ᠲᠣᠮᠢᠯᠠᠭ᠍ᠰᠠᠨ ᠡᠮᠴᠢᠯᠡᠭᠡᠨᠦ ᠠᠵᠢᠯᠲᠠᠨᠤ ᠲᠤᠭᠠ ᠬᠠᠮᠤᠭᠤᠨ ᠣᠯᠠᠨ ᠨᠢᠭᠡ ᠤᠳᠠᠭᠠᠨᠤ ᠮᠤᠵᠢ ᠠᠯᠤᠰᠯᠠᠨ ᠬᠢᠵᠢᠭᠲᠡᠶ ᠲᠡᠮᠡᠴᠡᠭᠰᠡᠨ ᠡᠮᠴᠢᠯᠡᠭᠡᠨᠦ ᠲᠤᠰᠠᠯᠠᠮᠵᠢᠶ᠋ᠢᠨ ᠠᠵᠢᠯᠯᠠᠭᠠ ᠪᠣᠯᠤᠨᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠦᠰᠡᠯ ᠨᠠᠢᠳᠠᠯᠭᠠᠶ᠋ᠢ ᠬᠦᠯᠢᠶᠡᠵᠤ᠂ ᠭᠡᠱᠢᠭᠦᠳ ᠱᠠᠩᠬᠠᠢᠳᠤ ᠬᠦᠷᠦᠭ᠌ᠰᠡᠨᠦ ᠳᠠᠷᠠᠭᠠ ᠡᠮᠨᠡᠯᠭᠡ ᠶ᠋ᠢᠨ ᠬᠣᠷᠢᠶᠠᠨᠤ ᠡᠯᠡ ᠵᠦᠢᠯᠦᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠳᠦᠷᠢᠮᠢ ᠴᠢᠩᠭᠠ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠨᠠᠷᠢᠯᠢᠬ᠍ᠵᠢᠭᠤᠯᠤᠭ᠍ᠰᠠᠨ ᠬᠠᠮᠢᠶᠠᠷᠤᠯᠲᠠ ᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠬᠥᠮᠦᠯᠢᠭ ᠦᠢᠯᠡᠴᠢᠯᠡᠭᠡᠶ᠋ᠢ ᠰᠠᠢᠲᠤᠷ ᠬᠢᠪᠡ᠃ ᠠᠵᠢᠯᠤᠨ ᠳᠤᠮᠳᠠᠪᠠᠨ ᠰᠡᠳᠭᠢᠴᠡᠶ᠋ᠢᠨ ᠵᠢᠯᠤᠭᠤᠳᠤᠯᠭᠠᠶ᠋ᠢ ᠴᠢᠬᠤᠯᠠᠴᠢᠯᠠᠵᠤ᠂ ᠬᠦᠮᠦᠨ ᠰᠣᠶᠣᠯᠤ᠋ᠨ ᠬᠠᠯᠠᠮᠵᠢᠯᠠᠯᠢ ᠢᠯᠡᠷᠡᠭᠦᠯᠵᠦ᠍᠂ ᠬᠢᠲᠠᠳ ᠮᠣᠩᠭᠣᠯ ᠡᠮᠨᠡᠯᠭᠡᠶ᠋ᠢᠨ ᠣᠨᠴᠠᠯᠢᠭᠢ ᠳᠤᠪᠤᠢ᠌ᠯᠭᠠᠵᠤ᠂ ᠰᠡᠷᠡᠯ ᠮᠡᠳᠡᠷᠡᠮᠵᠢ ᠵᠢᠨ ᠡᠵᠡᠮᠳᠡᠯᠦᠨ ᠬᠠᠮᠢᠶᠠᠷᠤᠯᠲᠠᠶ᠋ᠢ ᠴᠢᠩᠭᠠᠳᠭᠠᠵᠤ᠂ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠶ᠋ᠢ ᠲᠡᠰᠪᠦᠷᠢᠯᠡᠵᠦ᠍ ᠦᠷᠭᠦᠯᠵᠢᠯᠡᠨ ᠪᠠᠢᠯᠳᠤᠬᠤ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠪᠠᠳᠠᠷᠠᠭᠤᠯᠪᠠ᠃ ᠲᠥᠷᠥᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠬᠣᠯᠪᠣᠭᠠᠯᠠᠨ ᠰᠡᠷᠭᠡᠢᠯᠡᠵᠦ᠍ ᠬᠣᠯᠪᠣᠭᠠᠯᠠᠨ ᠡᠵᠡᠮᠳᠡᠬᠦ᠌ ᠲᠣᠭ᠍ᠲᠠᠴᠠᠶ᠋ᠢᠨ ᠱᠠᠩᠬᠠᠶ ᠬᠣᠲᠠᠶ᠋ᠢᠨ ᠠᠵᠢᠯᠯᠠᠬᠤ ᠳᠤᠭᠤᠢᠯᠠᠩ ᠮᠠᠨᠤ ᠡᠮᠴᠢᠯᠡᠭᠡᠨᠦ ᠠᠩᠭᠢᠶ᠋ᠢᠨ ᠠᠵᠢᠯᠢ ᠵᠢᠯᠣᠭᠣᠳᠴᠤ᠌᠂ ᠱᠠᠩᠬᠠᠶ ᠬᠣᠲᠠᠶ᠋ᠢᠨ ᠡᠯᠡ ᠱᠠᠲᠤᠨᠤ ᠨᠠᠮᠤᠨ ᠬᠣᠷᠢᠶᠠ ᠵᠠᠰᠠᠭᠤᠨ ᠣᠷᠳᠣᠨᠤ ᠬᠣᠯᠪᠣᠭ᠍ᠳᠠᠯ ᠪᠥᠬᠥᠶ ᠲᠠᠯᠠ ᠶ᠋ᠢᠨ ᠬᠢᠨ ᠪᠢᠳᠡᠨᠢ ᠶᠡᠬᠡᠪᠡᠷ ᠳᠡᠮᠵᠢᠵᠦ᠍ ᠬᠠᠪᠰᠤᠷᠴᠠᠶ᠂ ᠡᠨᠡ ᠤᠳᠠᠭᠠᠶ᠋ᠢᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠵᠤ ᠠᠪᠤᠷᠠᠨ ᠡᠮᠨᠡᠬᠦ ᠡᠭᠦᠷᠭᠡᠶ᠋ᠢ ᠮᠠᠰᠢ ᠲᠡᠭᠦᠰ ᠠᠮᠵᠢᠯᠲᠠᠲᠠᠶ ᠪᠡᠶᠡᠯᠡᠭᠦᠯᠵᠡᠶ》 ᠭᠡᠵᠦ ᠬᠡᠯᠡᠪᠡ᠃
ᠡᠮᠴᠢᠯᠡᠭᠡᠨ ᠤ᠋ ᠠᠵᠢᠯᠳᠠᠳ ᠴᠠᠭᠠᠨ ᠬᠤᠶᠠᠭᠵᠢᠡᠨ ᠬᠡᠳᠤᠷᠴᠤ᠂ ᠮᠢᠩᠭᠠᠨ ᠭᠠᠵᠠᠷᠤᠨ ᠠᠯᠤᠰ ᠲᠡᠭᠢ ᠱᠠᠩᠬᠠᠢᠶ᠋ᠢ ᠰᠠᠬᠢᠯᠠ᠃ ᠤᠴᠢᠬᠤᠳᠤᠪᠠᠨ ᠠᠶᠤᠯᠢ ᠰᠦᠷᠦᠨ ᠤᠷᠤᠭᠰᠢᠯᠠᠵᠤ᠂ ᠪᠤᠴᠠᠬᠤᠳᠤ ᠪᠠᠨ ᠠᠮᠤᠷ ᠲᠦᠪᠰᠢᠨ ᠡᠷᠡᠭᠦᠯ ᠴᠠᠬᠢᠷᠠᠭ ᠵᠢᠡᠷ ᠡᠭᠦᠷᠭᠡ ᠪᠡᠨ ᠪᠡᠶᠡᠯᠡᠭᠦᠯᠵᠦᠬᠠᠷᠢᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ ᠱᠠᠩᠬᠠᠶᠶ᠋ᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨᠦ ᠠᠩᠭᠢ ᠠᠮᠤᠷ ᠲᠦᠪᠱᠢᠨᠢᠶᠡᠷ ᠢᠯᠡᠯᠳᠡ ᠲᠠᠢ ᠪᠤᠴᠠᠵᠤ ᠢᠷᠡᠪᠡ! (ᠭᠡᠷᠡᠯ ᠵᠢᠷᠤᠭ ᠢ᠋ ᠦᠪᠦᠷ ᠮᠤᠩᠭᠤᠯ ᠤ᠋ᠨ ᠱᠠᠩᠬᠠᠢ ᠵᠢ ᠲᠤᠰᠠᠯᠠᠬᠤ ᠡᠮᠴᠢᠯᠡᠭᠡᠨ ᠤ᠋ ᠠᠩᠭᠢ ᠬᠠᠩᠭᠠᠪᠠ)
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠤᠶᠤᠯᠲᠦ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃