2021-06-08 09:26:27
ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠵᠥᠪᠯᠡᠯᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠽᠸᠩ ᠢ ᠰᠢᠨᠢ ᠰᠤᠷᠪᠤᠯᠵᠢᠯᠠᠭᠰᠠᠨᠨᠢ
ᠮᠠᠨᠤ ᠤᠯᠤᠰᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨᠢ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠠᠵᠢᠯᠤᠨ ᠶᠡᠷᠦᠩᠬᠡᠶ ᠠᠬᠢᠴᠠ ᠶᠠᠮᠠᠷ ᠵᠡᠷᠭᠡ ᠪᠠᠶᠢᠬᠤ ᠪᠣᠶ ︖ ᠠᠯᠢ ᠠᠯᠢ ᠲᠠᠯᠠᠶᠢᠨ ᠣᠯᠠᠨ ᠤᠯᠤᠰᠤᠨ ᠬᠠᠮᠲᠤᠷᠠᠯᠴᠠᠭᠠᠶᠢ ᠥᠷᠨᠢᠭᠦᠯᠪᠡ ︖ ᠳᠡᠯᠡᠬᠡᠢᠶᠢᠨ ᠸᠠᠺᠼᠢᠨᠤ ᠰᠤᠳᠤᠯᠭᠠᠨᠤ ᠦᠷᠡ ᠳ᠋ᠦᠩ ᠶᠠᠮᠠᠷ ᠵᠡᠷᠭᠡ ᠪᠠᠢᠬᠤ ᠪᠤᠢ ︖ ᠲᠠᠷᠠᠭᠠᠴᠢᠶᠢᠨ ᠠᠯᠬᠤᠮᠳ᠋ᠤ ᠪᠠᠰᠠ ᠰᠢᠨᠡ ᠬᠡᠯᠪᠡᠷᠢᠶᠢᠨ ᠸᠠᠺᠼᠢᠨ ᠭᠠᠷᠴᠤ ᠢᠷᠡᠨᠠ ᠤᠤ ︖ ᠁ 6ᠤ ᠡᠳᠦᠷ ᠂ ᠤᠯᠤᠰᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠵᠥᠪᠯᠡᠯᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠂ ᠲᠥᠷᠥᠶᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠬᠤᠯᠪᠤᠭᠠᠯᠠᠨ ᠰᠡᠷᠭᠡᠶᠢᠯᠡᠵᠦ ᠬᠤᠯᠪᠤᠭᠠᠯᠠᠨ ᠡᠵᠡᠮᠳᠡᠬᠦ ᠲᠣᠭᠲᠠᠴᠠᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠪᠣᠭᠣᠮᠲᠠ ᠰᠢᠪᠲᠤᠯᠬᠤ ᠳᠤᠭᠤᠶᠢᠯᠠᠩᠤᠨ ᠸᠠᠺᠼᠢᠨ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠲᠤᠰᠬᠠᠶ ᠠᠩᠭᠢᠶᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠽᠸᠩ ᠢ ᠰᠢᠨ ᠰᠢᠨᠬᠤᠸᠠ ᠬᠣᠷᠢᠶᠠᠨᠤ ᠰᠤᠷᠪᠤᠯᠵᠢᠯᠠᠭᠴᠢᠶᠢᠨ ᠲᠤᠰᠬᠠᠶ ᠰᠤᠷᠪᠤᠯᠵᠢᠯᠠᠭᠠᠶᠢ ᠬᠦᠯᠢᠶᠡᠵᠦ ᠂ ᠣᠯᠠᠨ ᠨᠡᠶᠢᠲᠡᠶᠢᠨ ᠠᠩᠬᠠᠷᠤᠯᠳ᠋ᠤ ᠬᠠᠷᠢᠭᠤᠯᠳᠠ ᠦᠭᠴᠠᠢ ᠃
ᠤᠷᠢᠳ ᠡᠮᠦᠨᠡ ᠪᠠᠶᠢᠭᠠ ᠦᠭᠡᠢ ᠪᠣᠭᠣᠮᠲᠠ ᠰᠢᠪᠲᠤᠯᠤᠯᠲᠠ 21 ᠵᠦᠢᠯᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢᠨ ᠱᠠᠲᠤᠨᠳ᠋ᠤ ᠣᠷᠣᠪᠠ
ᠠᠰᠠᠭᠤᠯᠲᠠ ᠄ ᠭᠡᠨᠡᠳᠲᠡᠪᠠᠷ ᠳᠠᠭᠠᠷᠢᠨ ᠢᠷᠡᠭᠰᠡᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠨᠢ ᠸᠠᠺᠼᠢᠨᠤ ᠪᠣᠭᠣᠮᠲᠠ ᠰᠢᠪᠲᠤᠯᠬᠤ ᠠᠵᠢᠯᠳ᠋ᠤ ᠤᠷᠢᠳ ᠡᠮᠦᠨᠡ ᠪᠠᠶᠢᠭᠠ ᠦᠭᠡᠢ ᠥᠷᠢᠰᠥᠯᠳᠦᠭᠡᠨ ᠠᠪᠴᠢᠷᠠᠪᠠ ᠂ ᠳᠤᠮᠳᠠᠳᠤ ᠤᠯᠤᠰ ᠶᠠᠮᠠᠷ ᠲᠦᠪᠰᠢᠨᠳ᠋ᠤ ᠪᠠᠶᠢᠬᠤ ᠪᠤᠢ ︖ ᠣᠳᠣᠬᠠᠨᠤ ᠠᠬᠢᠴᠠ ᠶᠠᠮᠠᠷ ᠵᠡᠷᠭᠡ ᠪᠤᠢ ︖
ᠬᠠᠷᠢᠭᠤᠯᠲᠠ ᠄ ᠪᠢᠳᠡ ᠡᠷᠲᠡᠬᠡᠨ ᠪᠠᠶᠢᠷᠢᠯᠠᠭᠤᠯᠵᠤ ᠂ ᠣᠯᠠᠨ ᠵᠠᠮᠢᠶᠠᠷ ᠶᠠᠪᠤᠬᠤᠶᠢ ᠪᠠᠷᠢᠮᠲᠠᠯᠠᠵᠤ ᠂ 2020 ᠣᠨᠤ 2 ᠰᠠᠷᠠᠳ᠋ᠤ ᠲᠤᠰᠬᠠᠶ ᠠᠩᠭᠢ ᠪᠠᠶᠢᠭᠤᠯᠤᠨ ᠸᠠᠺᠼᠢᠨ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠠᠵᠢᠯᠢ ᠪᠠᠶᠢᠷᠢᠯᠠᠭᠤᠯᠵᠤ ᠂ ᠮᠠᠨᠤ ᠤᠯᠤᠰᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨᠢ ᠰᠤᠳᠤᠯᠤᠨ ᠦᠢᠯᠡᠳᠬᠦ ᠬᠤᠷᠳᠤᠴᠠ ᠪᠣᠯᠤᠨ ᠲᠣᠭᠠ ᠬᠡᠮᠵᠢᠶᠡ ᠢᠮᠠᠭᠲᠠ ᠳᠡᠯᠡᠬᠡᠶᠶᠢᠨ ᠡᠮᠦᠨᠡ ᠡᠩᠨᠡᠭᠡᠨᠳ᠋ᠤ ᠣᠷᠣᠰᠢᠵᠤ ᠪᠠᠶᠢᠨᠠ ᠃
ᠮᠠᠨᠤ ᠤᠯᠤᠰᠤᠨ 21 ᠵᠦᠢᠯᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨ ᠨᠢᠭᠡᠨᠲᠡ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢᠨ ᠱᠠᠲᠤᠨᠳ᠋ᠤ ᠣᠷᠣᠪᠠ ᠃ ᠣᠳᠣᠬᠠᠨᠳ᠋ᠤ 4 ᠵᠦᠢᠯᠤᠨ ᠸᠠᠺᠼᠢᠨᠨᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠳ᠋ᠤ ᠨᠥᠬᠥᠴᠡᠯᠲᠠᠢᠪᠠᠷ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠬᠤ ᠵᠦᠪᠰᠢᠶᠡᠷᠡᠯ ᠤᠯᠵᠤ ᠂ 3 ᠵᠦᠢᠯᠤᠨ ᠸᠠᠺᠼᠢᠨᠨᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠳ᠋ᠤ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠵᠦᠪᠰᠢᠶᠡᠷᠡᠯ ᠤᠯᠵᠤ ᠂ 8 ᠵᠦᠢᠯᠤᠨ ᠸᠠᠺᠼᠢᠨᠨᠢ ᠤᠯᠤᠰᠤᠨ ᠭᠠᠳᠠᠭᠠᠳᠤᠳ᠋ᠤ Ⅲ ᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠳᠠ ᠬᠢᠬᠦ ᠵᠦᠪᠰᠢᠶᠡᠷᠡᠯ ᠤᠯᠵᠤ ᠂ 1mRNA ᠸᠠᠺᠼᠢᠨᠨᠢ ᠤᠯᠤᠰᠤᠨ ᠭᠠᠳᠠᠭᠠᠳᠤᠳ᠋ᠤ ᠶᠣᠰᠣ ᠰᠤᠷᠲᠠᠬᠤᠨᠤ ᠵᠥᠪᠰᠢᠶᠡᠷᠡᠯ ᠣᠯᠵᠤ ᠂ ᠬᠢᠯᠢᠶᠢᠨ ᠭᠠᠳᠠᠨᠠᠬᠢ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢᠨ ᠢᠳᠡᠪᠬᠢ ᠥᠬᠡᠶᠢᠳᠡᠭᠦᠯᠦᠭᠰᠡᠨ ᠸᠠᠺᠼᠢᠨ ᠂ ᠳᠠᠬᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠤᠭᠤᠷᠠᠭᠤᠨ ᠸᠠᠺᠼᠢᠨ ᠂ ᠪᠤᠯᠴᠢᠷᠬᠠᠶᠶᠢᠨ ᠸᠢᠷᠦ᠋ᠰᠤᠨ ᠠᠴᠢᠶᠠᠯᠠᠪᠤᠷᠢᠶᠢᠨ ᠸᠠᠺᠼᠢᠨ ᠂ ᠪᠥᠭᠡᠮ ᠬᠦᠴᠢᠯᠤᠨ ᠸᠠᠺᠼᠢᠨᠤ ᠮᠡᠷᠭᠡᠵᠢᠯᠤᠨ ᠱᠤᠭᠤᠮᠢ ᠪᠥᠬᠥ ᠲᠠᠯᠠᠪᠠᠷ ᠪᠦᠷᠬᠦᠭᠦᠯᠪᠡ ᠃
ᠸᠠᠺᠼᠢᠨᠢ ᠪᠦᠬᠦ ᠪᠥᠮᠪᠥᠷᠴᠡᠭᠤᠨ ᠤᠯᠠᠨ ᠨᠡᠶᠢᠲᠡᠶᠢᠨ ᠦᠢᠯᠡᠳᠬᠦᠨ ᠪᠤᠯᠭᠠᠨᠠ ᠪᠦᠬᠦ ᠳᠡᠯᠡᠬᠡᠢᠳ᠋ᠤ 3.5 ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠬᠤᠪᠢ ᠸᠠᠺᠼᠢᠨ ᠬᠠᠩᠭᠠᠵᠤ ᠂ 90 ᠭᠠᠷᠤᠢ ᠤᠯᠤᠰ ᠪᠣᠯᠤᠨ ᠭᠠᠵᠠᠷ ᠣᠷᠣᠨᠳ᠋ᠤ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠭᠠᠬᠤ ᠪᠤᠶᠤ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠵᠦᠪᠰᠢᠶᠡᠷᠡᠯ ᠤᠯᠵᠠᠢ
ᠠᠰᠠᠭᠤᠯᠲᠠ᠄ 73 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠡᠯᠡᠬᠡᠢᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠶᠡᠬᠡ ᠬᠤᠷᠠᠯᠤᠨ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯ ᠳᠡᠭᠡᠷᠡ ᠂ ᠳᠤᠮᠳᠠᠳᠤ ᠤᠯᠤᠰ ᠸᠠᠺᠼᠢᠨᠢ ᠪᠦᠬᠦ ᠪᠥᠮᠪᠥᠷᠴᠡᠭᠤᠨ ᠤᠯᠠᠨ ᠨᠡᠶᠢᠲᠡᠶᠢᠨ ᠦᠢᠯᠡᠳᠬᠦᠨ ᠪᠣᠯᠭᠠᠨᠠ ᠭᠡᠵᠦ ᠲᠥᠪ ᠴᠢᠩᠭᠠᠪᠠᠷ ᠠᠮᠠᠯᠳᠠᠪᠠ ᠃ ᠪᠦᠬᠦ ᠪᠥᠮᠪᠥᠷᠴᠡᠭᠲᠤ ᠬᠢᠵᠢᠭ ᠦᠷᠪᠢᠰᠦᠨ ᠳᠡᠯᠭᠡᠷᠡᠵᠦ ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠦᠪᠡᠷᠤᠨ ᠸᠠᠺᠼᠢᠨᠤ ᠬᠡᠷᠡᠭᠴᠡᠭᠡ ᠯᠤᠲᠤ ᠶᠡᠬᠡ ᠪᠠᠶᠢᠬᠤ ᠪᠠᠶᠢᠳᠠᠯ ᠳᠣᠣᠷᠠ ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠬᠣᠶᠠᠷ ᠬᠡᠷᠡᠭᠴᠡᠭᠡᠶᠢ ᠬᠡᠷᠬᠢᠨ ᠬᠠᠩᠭᠠᠬᠤ ᠪᠤᠢ ︖ ᠪᠢᠳᠡ ᠪᠥᠬᠥ ᠪᠥᠮᠪᠥᠷᠴᠡᠭᠤᠨ ᠬᠢᠵᠢᠭᠲᠠᠢ ᠲᠡᠮᠡᠴᠡᠬᠦᠳ᠋ᠤ ᠶᠠᠮᠠᠷ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠪᠣᠶ ︖
ᠬᠠᠷᠢᠭᠤᠯᠲᠠ ᠄ ᠮᠠᠨᠤ ᠤᠯᠤᠰ ᠨᠢᠭᠡᠨᠲᠡ ᠪᠥᠬᠥ ᠳᠡᠯᠡᠬᠡᠶᠶᠢᠨ 90 ᠭᠠᠷᠤᠶ ᠤᠯᠤᠰ ᠪᠠ ᠭᠠᠵᠠᠷ ᠣᠷᠣᠨᠳ᠋ᠤ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠭᠠᠬᠤ ᠪᠤᠶᠤ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠵᠥᠪᠰᠢᠶᠡᠷᠡᠯ ᠣᠯᠤᠭᠰᠠᠨ ᠪᠥᠭᠡᠳ 2 ᠵᠦᠢᠯᠤᠨ ᠸᠠᠺᠼᠢᠨᠢ ᠳᠡᠯᠡᠬᠡᠶᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠᠶᠢᠨ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠬᠠᠭᠤᠳᠠᠰᠤᠨᠳ᠋ᠤ ᠣᠷᠣᠭᠤᠯᠬᠤ ᠵᠦᠪᠰᠢᠶᠡᠷᠡᠯ ᠤᠯᠵᠠᠢ ᠃
ᠬᠡᠳᠦᠶᠢᠪᠡᠷ ᠮᠠᠨᠤ ᠤᠯᠤᠰᠤᠨ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠸᠠᠺᠼᠢᠨ ᠲᠠᠷᠢᠭᠰᠠᠨ ᠬᠡᠮᠵᠢᠶᠡ ᠨᠢᠭᠡᠨᠲᠡ 7 ᠳ᠋ᠦᠩᠰᠢᠭᠤᠷ ᠭᠠᠷᠤᠶ ᠤᠳᠠᠭᠠᠳ᠋ᠤ ᠬᠦᠷᠴᠦ ᠂ ᠪᠥᠬᠥ ᠳᠡᠯᠡᠬᠡᠶᠳ᠋ᠤ ᠲᠡᠷᠢᠭᠦᠯᠡᠵᠦ ᠪᠠᠶᠢᠭᠠ ᠪᠣᠯᠪᠠᠴᠤ ᠵᠠᠭᠤᠨ ᠬᠥᠮᠦᠨ ᠪᠦᠷᠢᠳ᠋ᠠᠬᠢ ᠲᠠᠷᠢᠯᠭᠠᠶᠢᠨ ᠬᠠᠷᠢᠴᠠᠯᠨᠢ ᠤᠷᠢᠲᠠᠵᠤ ᠥᠬᠡᠶ ᠶᠤᠮ ᠃ ᠡᠶᠢᠮᠦ ᠪᠠᠶᠢᠳᠠᠯ ᠳᠤᠤᠷᠠ ᠪᠢᠳᠡ ᠬᠢᠯᠢᠶᠢᠨ ᠳᠣᠲᠣᠨᠠ ᠭᠠᠳᠠᠨᠠᠬᠢ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠦᠨᠳᠦᠰᠦᠯᠡᠨ ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠬᠡᠷᠡᠭᠴᠡᠭᠡᠶᠢ ᠨᠢᠭᠡᠳᠦᠯᠲᠡᠶ ᠲᠥᠯᠥᠪᠵᠢᠭᠦᠯᠦᠨ ᠨᠡᠶᠢᠲᠡᠳ᠋ᠤᠨᠢ ᠬᠠᠷᠠᠭᠠᠯᠵᠠᠵᠤ ᠂ ᠸᠠᠺᠼᠢᠨᠤ ᠬᠠᠩᠭᠠᠯᠭᠠᠶᠢ ᠵᠦᠶ ᠵᠣᠬᠢᠰᠲᠠᠶ ᠲᠣᠬᠢᠷᠠᠭᠤᠯᠤᠨᠠ ᠃ ᠮᠠᠨᠤ ᠤᠯᠤᠰᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠸᠠᠺᠼᠢᠨᠢ ᠭᠠᠳᠠᠭᠠᠳᠤᠳ᠋ᠤ ᠨᠢᠭᠡᠨᠳᠡ 3.5 ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠬᠤᠪᠢ ᠬᠠᠩᠭᠠᠵᠤ ᠂ ᠡᠭᠦᠨᠳ᠋ᠤ 80 ᠭᠠᠷᠤᠢ ᠤᠯᠤᠰᠲᠤ ᠬᠠᠨᠳᠢᠪᠯᠠᠵᠤ ᠂ 40 ᠭᠠᠷᠤᠢ ᠤᠯᠤᠰᠲᠤ ᠭᠠᠷᠭᠠᠵᠠᠢ ᠃ 2020 ᠣᠨᠤ 10 ᠰᠠᠷᠠᠳ᠋ᠤ ᠂ ᠮᠠᠨᠤ ᠤᠯᠤᠰ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨᠢ ᠬᠡᠷᠡᠭᠵᠢᠭᠦᠯᠬᠦ ᠲᠥᠯᠥᠪᠯᠡᠭᠡ ︵ COVAX ︶ᠳ᠋ᠤ ᠣᠷᠣᠬᠤᠪᠠᠷ ᠨᠡᠶᠢᠲᠡᠯᠡᠵᠦ ᠂ 1000 ᠲᠦᠮᠡᠨ ᠬᠤᠪᠢ ᠸᠠᠺᠼᠢᠨ ᠬᠠᠩᠭᠠᠬᠤᠪᠠᠷ ᠠᠮᠠᠯᠳᠠᠵᠠᠢ ᠃
ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠢᠯᠠᠨ ᠳᠠᠪᠠᠬᠤ ᠬᠤᠷᠴᠠ ᠵᠡᠪᠰᠡᠭ ᠪᠤᠯᠪᠠ ᠳᠡᠯᠡᠬᠡᠢᠶᠢᠨ ᠰᠤᠳᠤᠯᠭᠠᠨᠳ᠋ᠤ ᠬᠠᠷᠠᠭᠤᠯᠤᠭᠰᠠᠨᠢᠶᠠᠷ ᠳᠤᠮᠳᠠᠳᠤ ᠤᠯᠤᠰᠤᠨ ᠸᠠᠺᠼᠢᠨᠨᠢ ᠮᠠᠰᠢ ᠰᠠᠢᠨ ᠬᠠᠮᠠᠭᠠᠯᠠᠬᠤ ᠬᠦᠴᠦᠨᠲᠠᠢ
ᠠᠰᠠᠭᠤᠯᠲᠠ ᠄ ᠸᠠᠺᠼᠢᠨ ᠪᠣᠯ ᠬᠢᠵᠢᠭᠢ ᠢᠯᠠᠬᠤ ᠬᠤᠷᠴᠠ ᠵᠡᠪᠰᠡᠭ ᠮᠥᠨ ᠂ ᠣᠯᠠᠨᠢᠶᠠᠷᠢᠶᠡᠨ ᠸᠠᠺᠼᠢᠨᠤ ᠪᠣᠳᠠᠲᠠᠶ ᠬᠠᠮᠠᠭᠠᠯᠠᠬᠤ ᠦᠢᠯᠡᠳᠦᠯᠢ ᠮᠠᠰᠢ ᠠᠩᠬᠠᠷᠴᠤ ᠪᠠᠶᠢᠨᠠ ᠃ ᠣᠳᠣᠬᠠᠨᠳ᠋ᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠵᠥᠪᠰᠢᠶᠡᠷᠡᠯ ᠣᠯᠤᠭᠰᠠᠨ ᠸᠠᠺᠼᠢᠨᠤ ᠳᠡᠯᠡᠬᠡᠶᠳ᠋ᠠᠬᠢ ᠠᠮᠤᠷ ᠲᠦᠪᠰᠢᠨ ᠴᠢᠨᠠᠷ ᠪᠠ ᠪᠦᠲᠦᠮᠵᠢᠲᠦ ᠴᠢᠨᠠᠷᠨᠢ ᠴᠤᠬᠤᠮ ᠶᠠᠮᠠᠷ ᠪᠣᠶ ︖
ᠬᠠᠷᠢᠭᠤᠯᠲᠠ ᠄ ᠬᠢᠯᠢᠶᠢᠨ ᠭᠠᠳᠠᠨᠠᠬᠢ ᠬᠢᠵᠢᠭᠤᠨ ᠪᠠᠶᠢᠳᠠᠯ ᠮᠥᠨ ᠬᠦ ᠬᠦᠨᠳᠦ ᠨᠣᠴᠢᠲᠠᠶ ᠪᠠᠶᠢᠭᠠ ᠪᠣᠯᠬᠣᠷ ᠳᠡᠯᠡᠬᠡᠶᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠣᠷᠮᠠᠶᠢ ᠣᠨᠣᠪᠴᠢᠲᠠᠶ ᠪᠦᠷᠢᠳᠬᠡᠬᠦᠳ᠋ᠤ ᠲᠡᠶᠢᠮᠦ ᠬᠢᠯᠪᠠᠷ ᠪᠢᠰᠢ ᠶᠤᠮ ᠂ ᠭᠡᠪᠡᠴᠦ ᠬᠣᠶᠠᠷ ᠬᠡᠷᠡᠭᠤᠨ ᠵᠢᠱᠢᠶᠡᠶᠢ ᠲᠠᠨᠢᠯᠴᠠᠭᠤᠯᠵᠤ ᠪᠣᠯᠤᠨᠠ ᠃ ᠴᠢᠯᠢᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠶᠠᠮᠤᠨᠤ ᠨᠡᠶᠢᠲᠡᠯᠡᠭᠰᠡᠨᠢᠶᠠᠷ ᠂ 5 ᠰᠠᠷᠠᠶᠢᠨ 16ᠤ ᠡᠳᠦᠷ ᠪᠣᠯᠲᠠᠯᠠ ᠂ ᠲᠤᠰ ᠤᠯᠤᠰ ᠪᠠᠷᠤᠭ ᠮᠠᠨᠤ ᠤᠯᠤᠰᠤᠨ ᠺᠸ ᠰᠢᠩ ᠺᠤᠮᠫᠠᠨᠢᠶᠢᠨ 1325 ᠲᠦᠮᠡᠨ ᠬᠤᠪᠢ ᠢᠳᠡᠪᠬᠢ ᠦᠭᠡᠢᠳᠡᠭᠦᠯᠬᠦ ᠸᠠᠺᠼᠢᠨᠢ ᠲᠠᠷᠢᠵᠤ ᠂ ᠰᠤᠳᠤᠯᠭᠠᠨᠤ ᠦᠷᠡ ᠳ᠋ᠦᠩᠡᠴᠠ ᠦᠵᠡᠪᠡᠯ ᠂ ᠬᠣᠶᠠᠳᠤᠭᠠᠷ ᠤᠳᠠᠭᠠᠶᠢᠨ ᠸᠠᠺᠼᠢᠨᠢ ᠲᠠᠷᠢᠭᠰᠠᠨᠤ 14 ᠡᠳᠦᠷᠤᠨ ᠳᠠᠷᠠᠭᠠ ᠂ ᠡᠪᠡᠳᠴᠢᠨᠤ ᠢᠯᠡᠷᠡᠯᠲᠠᠢ ᠬᠠᠯᠳᠠᠪᠤᠷᠢ ᠤᠯᠬᠤ ᠰᠡᠷᠭᠡᠶᠢᠯᠡᠬᠦ ᠦᠷᠡ ᠪᠦᠲᠦᠮᠵᠢ 65.3%ᠳ᠋ᠤ ᠬᠦᠷᠴᠦ ᠂ ᠡᠮᠨᠡᠯᠭᠡᠳ᠋ᠤ ᠰᠠᠭᠤᠵᠤ ᠡᠮᠨᠡᠭᠦᠯᠬᠦᠶᠢ ᠰᠡᠷᠭᠡᠶᠢᠯᠡᠬᠦ ᠦᠷᠡ ᠪᠦᠲᠦᠮᠵᠢ 87%ᠳ᠋ᠤ ᠬᠦᠷᠴᠦ ᠂ ᠬᠦᠨᠳᠦ ᠡᠪᠡᠳᠴᠢᠲᠡᠨᠤ ᠥᠷᠥᠭᠡᠳ᠋ᠤ ᠣᠷᠣᠬᠤᠶᠢ ᠰᠡᠷᠭᠡᠶᠢᠯᠡᠬᠦ ᠦᠷᠡ ᠪᠦᠲᠦᠮᠵᠢ 90.3%ᠳ᠋ᠤ ᠬᠦᠷᠴᠦ ᠂ ᠬᠠᠯᠳᠠᠪᠤᠷᠢᠡᠴᠠ ᠪᠣᠯᠵᠣ ᠥᠭᠦᠬᠦᠶᠢ ᠰᠡᠷᠭᠡᠶᠢᠯᠡᠬᠦ ᠦᠷᠡ ᠪᠦᠲᠦᠮᠵᠢ 86%ᠳ᠋ᠤ ᠬᠦᠷᠴᠡᠶ ᠂ ᠲᠤᠬᠠᠶᠶᠢᠨ ᠭᠠᠵᠠᠷᠤᠨ ᠤᠨᠳᠤᠤᠰᠢᠭᠰᠠᠨ ᠸᠢᠷᠦ᠋ᠰ ᠳᠡᠯᠭᠡᠷᠡᠵᠤ ᠪᠠᠢᠭᠰᠠᠨ ᠪᠠᠢᠳᠠᠯᠢ ᠪᠣᠳᠣᠯᠬᠢᠯᠠᠭᠠᠳ ᠂ ᠮᠠᠨᠤ ᠤᠯᠤᠰᠤᠨ ᠸᠠᠺᠼᠢᠨᠨᠢ ᠤᠨᠳᠤᠤᠰᠢᠭᠰᠠᠨ ᠸᠢᠷᠦ᠋ᠰᠢ ᠴᠤ ᠮᠠᠰᠢ ᠰᠠᠢᠨ ᠰᠡᠷᠭᠡᠢᠯᠡᠬᠦ ᠦᠢᠯᠡᠳᠦᠯᠲᠠᠢ ᠃
ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠶᠡᠬᠡ ᠬᠡᠪᠴᠢᠶᠡᠨᠤ ᠲᠠᠷᠢᠯᠭᠠᠨᠢ ᠮᠠᠨᠤ ᠤᠯᠤᠰᠤᠨ ᠸᠠᠺᠼᠢᠨᠤ ᠠᠮᠤᠷ ᠲᠦᠪᠰᠢᠨ ᠴᠢᠨᠠᠷᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠪᠡ ᠃ ᠪᠦᠷᠢᠳᠬᠡᠯᠢ ᠦᠨᠳᠦᠰᠦᠯᠡᠪᠡᠯ ᠂ ᠮᠠᠨᠤ ᠤᠯᠤᠰᠤᠨ 7 ᠳ᠋ᠦᠩᠰᠢᠭᠤᠷ ᠭᠠᠷᠤᠶ ᠤᠳᠠᠭᠠᠨᠤ ᠲᠠᠷᠢᠯᠭᠠᠶᠢᠨ ᠮᠠᠭᠤ ᠢᠯᠡᠷᠡᠯ ᠭᠠᠷᠤᠭᠰᠠᠠ ᠮᠡᠳᠡᠭᠦᠯᠦᠯᠲᠡᠶᠢᠨ ᠡᠭᠦᠰᠬᠦ ᠨᠣᠷᠮᠠᠨᠢ 11.86 /10 ᠲᠦᠮᠡᠨ ᠤᠳᠠᠭᠠ ᠪᠣᠯᠤᠨᠠ ᠃ ᠡᠭᠦᠨᠳ᠋ᠤ ᠂ ᠡᠩᠤᠨ ᠲᠤᠰᠬᠠᠯ 83%ᠶᠢ ᠡᠵᠡᠯᠡᠵᠦ ᠂ ᠬᠡᠪᠤᠨ ᠪᠤᠰᠤ ᠲᠤᠰᠬᠠᠯ 17%ᠶᠢ ᠡᠵᠡᠯᠡᠵᠦ ᠂ ᠡᠩᠤᠨ ᠲᠤᠰᠬᠠᠯ ᠂ ᠬᠡᠪᠤᠨ ᠪᠤᠰᠤ ᠲᠤᠰᠬᠠᠯᠤᠨ ᠡᠭᠦᠰᠬᠦ ᠨᠣᠷᠮᠠᠨᠢ ᠴᠥᠮ 2019 ᠣᠨᠤ ᠮᠠᠨᠤ ᠤᠯᠤᠰᠤᠨ ᠡᠩᠤᠨ ᠲᠠᠷᠢᠯᠭᠠᠶᠢᠨ ᠡᠯᠡ ᠲᠥᠷᠥᠯᠤᠨ ᠸᠠᠺᠼᠢᠨᠤ ᠳᠤᠮᠳᠠᠴᠢ ᠮᠡᠳᠡᠭᠦᠯᠦᠯᠲᠡᠶᠢᠨ ᠬᠢᠷᠢ ᠲᠦᠪᠰᠢᠨᠡᠴᠠ ᠳᠤᠤᠷᠠ ᠪᠠᠶᠢᠨᠠ ᠃
︽ ᠦᠯᠦ ᠬᠠᠯᠳᠠᠭᠠᠬᠤ ᠴᠢᠳᠠᠪᠤᠷᠢᠶᠢᠨ ᠤᠷᠲᠤ ᠴᠠᠭᠠᠠ ᠭᠡᠷᠡᠮ ︾ᠢ ᠪᠠᠢᠭᠤᠯᠵᠠᠢ ᠵᠢᠱᠢᠯᠲᠡᠪᠠᠷ ᠵᠢᠯᠤᠨ ᠡᠴᠦᠰᠡᠴᠠ ᠡᠮᠦᠨᠡ ᠨᠠᠭᠠᠳᠤ ᠵᠠᠬᠠᠳᠠᠭᠠᠨ 70%ᠶᠢᠨ ᠬᠠᠷᠠᠯᠲᠠᠲᠦ ᠬᠥᠮᠦᠰ ᠸᠠᠺᠼᠢᠨᠤ ᠲᠠᠷᠢᠯᠭᠠ ᠬᠢᠨᠠ
ᠠᠰᠠᠭᠤᠯᠲᠠ᠄ ᠳᠡᠯᠡᠬᠡᠢᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠᠶᠢᠨ ᠮᠡᠳᠡᠭᠦᠯᠦᠯᠲᠡᠶᠢ ᠦᠨᠳᠦᠰᠦᠯᠡᠪᠡᠯ ᠂ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠬᠢᠵᠢᠭᠤᠨ ᠪᠠᠶᠢᠳᠠᠯ ᠪᠦᠬᠦ ᠳᠡᠯᠡᠬᠡᠢᠳ᠋ᠤ ᠨᠢᠭᠡᠨᠲᠡ 300 ᠭᠠᠷᠤᠢ ᠲᠦᠮᠡᠨ ᠬᠥᠮᠦᠨᠢ ᠦᠬᠦᠭᠦᠯᠵᠦ ᠂ 200 ᠭᠠᠷᠤᠢ ᠤᠯᠤᠰ ᠪᠠ ᠭᠠᠵᠠᠷ ᠣᠷᠣᠨᠢ ᠨᠥᠯᠥᠭᠡᠯᠡᠪᠡ ᠃ ᠳᠤᠮᠳᠠᠳᠤ ᠤᠯᠤᠰ ᠶᠠᠭ ᠬᠠᠮᠤᠭᠤᠨ ᠶᠡᠬᠡ ᠬᠡᠪᠴᠢᠶᠠᠲᠠᠢ ᠰᠢᠨᠡ ᠲᠢᠲᠢᠮᠯᠢᠭ ᠸᠠᠺᠼᠢᠨᠤ ᠲᠠᠷᠢᠯᠭᠠ ᠲᠠᠷᠢᠬᠤᠶᠢ ᠠᠬᠢᠭᠤᠯᠵᠤ ᠪᠠᠶᠢᠨᠠ ᠂ ᠣᠳᠣᠬᠠᠨᠳ᠋ᠤ ᠠᠬᠢᠴᠠᠨᠢ ᠶᠠᠮᠠᠷ ᠵᠡᠷᠭᠡ ᠪᠠᠢᠬᠤ ᠪᠤᠢ ︖ ᠡᠭᠡᠯᠢᠯᠡᠭᠡᠶᠢᠨ ᠬᠠᠯᠬᠠᠪᠴᠢ ᠪᠠᠶᠢᠭᠤᠯᠬᠤᠡᠴᠠ ᠪᠠᠰᠠ ᠬᠡᠳᠦᠶ ᠬᠣᠯᠠ ᠪᠠᠢᠬᠤ ᠪᠤᠢ ︖
ᠬᠠᠷᠢᠭᠤᠯᠲᠠ ᠄ 3 ᠰᠠᠷᠠᠶᠢᠨ 24ᠤ ᠡᠳᠦᠷ ᠂ ᠳᠤᠮᠳᠠᠳᠤ ᠤᠯᠤᠰ ᠰᠢᠨᠡ ᠲᠢᠲᠢᠮᠯᠢᠭᠤᠨ ᠸᠠᠺᠼᠢᠨᠤ ᠲᠠᠷᠢᠯᠭᠠᠶᠢᠨ ︽ ᠡᠳᠦᠷᠤᠨ ᠰᠣᠨᠢᠨ ︾ᠤ ᠲᠦᠷᠢᠮᠢ ᠵᠢᠩᠬᠢᠨᠢᠪᠠᠷ ᠡᠬᠢᠯᠡᠭᠦᠯᠪᠡ ᠃ 5 ᠰᠠᠷᠠᠡᠴᠠ ᠨᠠᠭᠠᠰᠢ ᠂ ᠸᠠᠺᠼᠢᠨᠤ ᠲᠠᠷᠢᠯᠭᠠ ︽ ᠲᠦᠷᠭᠡᠨ ᠭᠦᠶᠦᠯᠲᠡ ︾ᠳ᠋ᠤ ᠣᠷᠣᠵᠤ ᠂ ᠣᠳᠣᠬᠠᠨᠳ᠋ᠤ ᠪᠦᠬᠦ ᠤᠯᠤᠰᠤᠨ ᠰᠢᠨᠡ ᠲᠢᠲᠢᠮᠯᠢᠭᠤᠨ ᠸᠠᠺᠼᠢᠨᠤ ᠲᠠᠷᠢᠯᠭᠠ 7 ᠳ᠋ᠦᠩᠰᠢᠭᠤᠷ ᠤᠳᠠᠭᠠᠶᠢ ᠳᠠᠪᠠᠵᠤ ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠸᠠᠺᠼᠢᠨᠢ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠨᠡᠩ ᠤᠯᠠᠨ ᠤᠯᠤᠰ ᠮᠡᠳᠡᠷᠡᠵᠦ ᠬᠦᠯᠢᠶᠡᠨ ᠠᠪᠴᠠᠢ ᠃ ᠣᠶᠢᠷᠠᠳ᠋ᠤ ᠡᠭᠦᠰᠦᠭᠰᠡᠨ ᠲᠤᠬᠠᠶᠶᠢᠨ ᠭᠠᠵᠠᠷᠤᠨ ᠡᠪᠡᠳᠴᠢᠨᠤ ᠵᠢᠱᠢᠶᠡᠳ᠋ᠤ ᠂ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ᠪᠠᠶᠢᠳᠠᠯ ᠮᠥᠨ ᠬᠦ ᠬᠦᠨᠳᠦ ᠨᠣᠴᠢᠲᠠᠶ ᠪᠠᠶᠢᠵᠤ ᠂ ︽ ᠡᠭᠡᠯᠢᠯᠡᠭᠡᠶᠢᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ︾ᠢ ᠬᠠᠮᠲᠤᠪᠠᠷ ᠴᠣᠭᠴᠠᠯᠠᠵᠤ ᠂ ︽ ᠸᠠᠺᠼᠢᠨᠤ ᠲᠠᠲᠠᠭᠠᠯᠵᠠᠯ ︾ᠢ ᠪᠠᠭᠠᠰᠬᠠᠬᠤᠳ᠋ᠤ ᠲᠠ ᠪᠢᠳᠡᠨᠤ ᠳᠡᠮᠵᠢᠯᠭᠡ ᠴᠢᠬᠤᠯᠠᠲᠠᠶ ᠪᠠᠶᠢᠨᠠ ᠃
ᠠᠰᠠᠭᠤᠯᠲᠠ᠄ ᠣᠯᠠᠨ ᠨᠡᠶᠢᠲᠡᠶᠢᠨ ᠠᠩᠬᠠᠷᠴᠤ ᠪᠠᠶᠢᠭᠠ ᠸᠢᠷᠦ᠋ᠰᠤᠨ ᠤᠨᠳᠤᠤᠰᠢᠯᠤᠨ ᠸᠠᠺᠼᠢᠨᠳ᠋ᠤ ᠦᠵᠡᠭᠦᠯᠬᠦ ᠨᠥᠯᠥᠭᠡᠳ᠋ᠤ ᠴᠢᠭᠯᠡᠭᠦᠯᠦᠨ ᠂ ᠪᠢᠳᠡ ᠪᠠᠰᠠ ᠶᠠᠮᠠᠷ ᠶᠠᠮᠠᠷ ᠰᠢᠨᠡ ᠰᠤᠳᠤᠯᠭᠠᠨ ᠬᠢᠵᠦ ᠪᠠᠢᠬᠤ ᠪᠤᠢ ︖ ᠮᠠᠨᠠᠨᠲᠤᠭᠤᠯᠤᠨ ᠰᠣᠷᠣᠬᠤ ᠬᠡᠯᠪᠡᠷᠢᠶᠢᠨ ᠰᠢᠨᠡ ᠲᠢᠲᠢᠮᠯᠢᠭᠤᠨ ᠸᠠᠺᠼᠢᠨᠢ ᠪᠠᠴᠢᠮ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠠᠬᠢᠴᠠ ᠶᠠᠮᠠᠷ ᠵᠡᠷᠭᠡ ᠪᠠᠶᠢᠬᠤ ᠪᠣᠶ ︖ ᠸᠠᠺᠼᠢᠨᠢ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠨᠠᠰᠤᠶᠢ ᠳᠠᠬᠢᠨ ᠥᠷᠭᠡᠳᠬᠡᠬᠦ ᠦᠦ ︖
ᠬᠠᠷᠢᠭᠤᠯᠲᠠ᠄ ᠨᠢᠭᠡᠳᠦᠭᠡᠷᠲᠤ ᠂ ᠪᠢᠳᠡ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨᠤ ᠵᠠᠯᠭᠠᠮᠵᠢ ᠬᠠᠮᠢᠶᠠ ᠪᠥᠬᠥᠶ ᠰᠤᠳᠤᠯᠭᠠᠨᠢ ᠢᠳᠡᠪᠬᠢᠲᠡᠶ ᠠᠬᠢᠭᠤᠯᠤᠨᠠ ᠂ ᠡᠭᠦᠨᠳ᠋ᠤ ᠦᠨᠡᠡ ᠪᠤᠲᠠᠲᠠᠢ ᠲᠡᠯᠡᠭᠡᠢᠶᠢᠨ ᠰᠤᠲᠤᠯᠭᠠᠠ ᠂ ᠡᠭᠡᠯᠢᠯᠡᠭᠡᠶᠢᠨ ᠳᠠᠭᠠᠭᠠᠮᠠᠭᠠᠶ ᠴᠢᠨᠠᠷᠤᠨ ᠰᠤᠳᠤᠯᠭᠠᠨ ᠵᠡᠷᠭᠡᠶᠢ ᠪᠠᠭᠲᠠᠭᠠᠵᠤ ᠂ ᠸᠠᠺᠼᠢᠨᠢ ᠴᠢᠨᠠᠭᠰᠢᠲᠠ ᠶᠡᠬᠡ ᠬᠡᠪᠴᠢᠶᠡ ᠲᠠᠢ ᠪᠠᠷ ᠬᠡᠷᠡᠭᠯᠡᠬᠦᠳ᠋ᠤ ᠯᠠᠪᠯᠠᠯᠲᠠ ᠬᠠᠩᠭᠠᠨᠠ ᠃
ᠬᠣᠶᠠᠳᠤᠭᠠᠷᠲᠤ ᠂ ᠣᠳᠣᠬᠠᠨᠤ ᠰᠤᠳᠤᠯᠭᠠᠨᠡᠴᠠ ᠦᠵᠡᠪᠡᠯ ᠂ ᠣᠲᠣᠶᠢᠨ ᠸᠠᠺᠼᠢᠨᠨᠢ ᠣᠲᠣᠶᠢᠨ ᠸᠢᠷᠦ᠋ᠰᠤᠨ ᠤᠨᠳᠤᠤᠰᠢᠯᠢ ᠡᠵᠡᠮᠳᠡᠵᠦ ᠴᠢᠳᠠᠨᠠ ᠃ ᠭᠡᠪᠡᠴᠦ ᠵᠠᠪᠠᠯ ᠤᠷᠢᠳᠴᠢᠯᠠᠨ ᠪᠡᠯᠡᠳᠬᠡᠯ ᠬᠢᠬᠦ ᠬᠡᠷᠡᠭᠲᠡᠶ ᠂ ᠸᠢᠷᠦ᠋ᠰ ᠮᠥᠨ ᠬᠦ ᠪᠥᠬᠥ ᠳᠡᠯᠡᠬᠡᠶᠶᠢᠨ ᠬᠡᠪᠴᠢᠶᠡᠨᠳ᠋ᠤ ᠲᠦᠷᠭᠡᠨ ᠲᠠᠷᠬᠠᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠳᠤᠤᠷᠠ ᠂ ᠪᠢᠳᠡ ᠡᠷᠬᠡᠪᠰᠢ ᠸᠢᠷᠦ᠋ᠰᠤᠨ ᠤᠨᠳᠤᠤᠰᠢᠭᠰᠠᠨ ᠪᠠᠶᠢᠳᠠᠯᠢ ᠴᠢᠩᠭᠠ ᠬᠢᠨᠠᠨ ᠬᠡᠮᠵᠢᠵᠦ ᠂ ᠰᠢᠨᠡ ᠲᠢᠲᠢᠮᠯᠢᠭ ᠸᠢᠷᠦ᠋ᠰᠤᠨ ᠬᠦᠨᠳᠦ ᠨᠣᠴᠢᠲᠠᠶ ᠤᠨᠳᠤᠤᠰᠢᠯᠢ ᠰᠡᠷᠭᠡᠢᠯᠡᠵᠦ ᠴᠢᠲᠠᠬᠤ ᠸᠠᠺᠼᠢᠨᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ ᠠᠵᠢᠯᠢ ᠤᠷᠢᠳᠴᠢᠯᠠᠨ ᠰᠠᠶᠢᠲᠤᠷ ᠬᠢᠬᠦ ᠬᠡᠷᠡᠭᠲᠡᠶ ᠃
ᠭᠤᠷᠪᠠᠳᠤᠭᠠᠷᠲᠤ ᠂ ᠨᠠᠩ ᠣᠯᠠᠨ ᠸᠠᠺᠼᠢᠨᠤ Ⅲ ᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠ ᠥᠷᠨᠢᠭᠦᠯᠬᠦᠶᠢ ᠢᠳᠡᠪᠬᠢᠲᠡᠶ ᠠᠬᠢᠭᠤᠯᠵᠤ ᠂ ᠨᠠᠩ ᠣᠯᠠᠨ ᠸᠠᠺᠼᠢᠨᠤ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠭᠠᠷᠬᠤᠶᠢ ᠠᠬᠢᠭᠤᠯᠵᠤ ᠂ ᠨᠠᠩ ᠶᠡᠬᠡ ᠦᠢᠯᠡᠳᠪᠦᠷᠢᠯᠡᠬᠦ ᠴᠢᠳᠠᠪᠤᠷᠢᠶᠢ ᠪᠦᠷᠢᠯᠳᠦᠭᠦᠯᠵᠦ ᠂ ᠡᠴᠦᠰᠤᠨ ᠬᠠᠷᠠᠯᠲᠠ ᠪᠣᠯ ᠸᠠᠺᠼᠢᠨᠤ ᠬᠠᠩᠭᠠᠯᠭᠠᠶᠢᠨ ᠬᠡᠮᠵᠢᠶᠡᠶᠢ ᠨᠡᠮᠡᠭᠳᠡᠭᠦᠯᠦᠨᠡ ᠃
ᠳᠥᠷᠪᠡᠳᠦᠭᠡᠷᠲᠤ ᠂ ᠬᠠᠮᠠᠷᠢᠶᠠᠷ ᠰᠦᠷᠴᠢᠬᠦ ᠸᠠᠺᠼᠢᠨ ᠪᠣᠯ ᠮᠦᠨ ᠴᠤ ᠮᠠᠨᠤ ᠬᠠᠮᠤᠭᠤᠨ ᠡᠷᠲᠡ ᠪᠠᠶᠢᠷᠢᠯᠠᠭᠤᠯᠤᠭᠰᠠᠨ ᠮᠡᠷᠭᠡᠵᠢᠯᠤᠨ ᠱᠤᠭᠤᠮᠤᠨ ᠨᠢᠭᠡ ᠪᠣᠯᠤᠨᠠ ᠂ ᠣᠳᠣᠬᠠᠨᠳ᠋ᠤ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠨᠢᠭᠡᠴᠢ ᠶᠠᠭ ᠬᠠᠮᠠᠷᠢᠶᠠᠷ ᠰᠦᠷᠴᠢᠬᠦ ᠪᠠ ᠮᠠᠨᠠᠨᠲᠤᠭᠤᠯᠵᠦ ᠰᠤᠷᠤᠬᠤ ᠮᠠᠢᠭᠤᠨ ᠰᠢᠨᠡ ᠲᠢᠲᠢᠮᠯᠢᠭᠤᠨ ᠸᠠᠺᠼᠢᠨᠤ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢ ᠥᠷᠨᠢᠭᠦᠯᠬᠦᠶᠢᠨ ᠬᠠᠮᠲᠤ ᠲᠣᠭᠠ ᠪᠠᠷᠢᠮᠲᠠᠶᠢ ᠪᠦᠷᠢᠳᠬᠡᠨ ᠵᠠᠳᠠᠯᠤᠯᠲᠠ ᠬᠢᠵᠦ ᠪᠠᠶᠢᠨᠠ ᠂ ᠲᠣᠭᠠ ᠪᠠᠷᠢᠮᠲᠠ ᠦᠨᠳᠦᠰᠦᠨᠳ᠋ᠡᠭᠡᠨ ᠪᠦᠷᠢᠨ ᠪᠣᠯᠤᠭᠰᠠᠨᠤ ᠳᠠᠷᠠᠭᠠ ᠂ ᠪᠢᠳᠡ ᠲᠣᠬᠢᠷᠠᠮᠵᠢᠲᠠᠢ ᠦᠶᠡᠳ᠋ᠤ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠲᠡᠭᠦᠨᠤ ᠠᠮᠤᠷ ᠲᠦᠪᠰᠢᠨ ᠴᠢᠨᠠᠷ ᠪᠠ ᠪᠦᠳᠦᠮᠵᠢᠳᠤ ᠴᠢᠨᠠᠷᠢ ᠨᠤᠲᠠᠯᠠᠭᠤᠯᠤᠨᠠ ᠃
ᠲᠠᠪᠤᠳᠤᠭᠠᠷᠲᠤ ᠂ ᠮᠠᠨᠤ ᠤᠯᠤᠰᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠸᠠᠺᠼᠢᠨᠢ ᠬᠡᠷᠡᠭᠯᠡᠬᠦ ᠬᠥᠮᠦᠰ ᠨᠢᠭᠡᠨᠲᠡ 18 ᠨᠠᠰᠤᠨᠡᠴᠠ ᠳᠡᠭᠡᠭᠰᠢ ᠪᠤᠯᠵᠤ ᠂ ᠲᠠᠷᠢᠬᠴᠢᠳᠤᠨ ᠬᠠᠮᠤᠭᠤᠨ ᠶᠡᠬᠡ ᠨᠠᠰᠤᠨᠢ 100 ᠨᠠᠰᠤᠶᠢ ᠳᠠᠪᠠᠭᠰᠠᠨ ᠪᠠᠶᠢᠨᠠ ᠃ ᠣᠳᠣᠬᠠᠨᠳ᠋ᠤ ᠲᠤᠰᠬᠠᠶ ᠮᠡᠷᠭᠡᠵᠢᠯᠲᠡᠨ ᠨᠢᠭᠡᠨᠲᠡ 3ᠡᠴᠠ 17 ᠨᠠᠰᠤᠨᠤ ᠬᠥᠮᠦᠰᠤᠨ ᠸᠠᠺᠼᠢᠨ ᠬᠡᠷᠡᠭᠯᠡᠬᠦ ᠠᠶᠤᠯᠭᠦᠶ ᠴᠢᠨᠠᠷ ᠪᠠ ᠪᠦᠳᠦᠮᠵᠢᠳᠦ ᠴᠢᠨᠠᠷᠲᠤ ᠨᠤᠲᠠᠯᠠᠯᠲᠠ ᠬᠢᠵᠦ ᠪᠠᠶᠢᠨᠠ ᠂ ᠤᠯᠤᠰᠤᠨ ᠬᠣᠯᠪᠣᠭᠳᠠᠯ ᠪᠥᠬᠥᠶ ᠰᠠᠯᠠᠭᠠ ᠮᠥᠴᠢᠷᠢᠶᠠᠷ ᠵᠥᠪᠰᠢᠶᠡᠷᠡᠭᠦᠯᠦᠭᠰᠡᠨᠤ ᠳᠠᠷᠠᠭᠠ ᠂ ᠬᠡᠷᠡᠭᠴᠡᠭᠡᠪᠠᠨ ᠦᠨᠳᠦᠰᠦᠯᠡᠨ ᠡᠲᠡᠭᠡᠷ ᠬᠥᠮᠦᠰᠲᠤ ᠬᠡᠷᠡᠭᠯᠡᠬᠦ ᠪᠣᠯᠤᠨᠠ ᠃
ᠵᠢᠷᠭᠤᠳᠤᠭᠠᠷᠲᠤ ᠂ ᠳᠡᠯᠡᠬᠡᠢᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠪᠦᠬᠦ ᠲᠡᠯᠡᠭᠡᠢᠶᠢᠨ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠵᠦ ᠪᠠᠶᠢᠭᠠ ᠪᠣᠳᠠᠲᠤ ᠪᠠᠶᠢᠳᠠᠯᠢ ᠦᠨᠳᠦᠰᠦᠯᠡᠨ ᠂ ᠰᠢᠨᠡ ᠲᠢᠲᠢᠮᠯᠢᠭᠤᠨ ᠠᠭᠤᠰᠬᠢᠨ ᠦᠷᠪᠢᠰᠦᠯ ᠸᠠᠺᠼᠢᠨᠢ ᠪᠠᠴᠢᠮ ᠬᠡᠷᠡᠭᠯᠡᠬᠦ ᠨᠠᠷᠢᠨ ᠲᠠᠩᠰᠠᠶᠢᠨ ᠲᠦᠷᠢᠮᠳ᠋ᠤ ᠴᠠᠭ ᠲᠤᠬᠠᠢᠳ᠋ᠤᠨᠢ ᠲᠤᠬᠢᠷᠠᠭᠤᠯᠤᠯᠳᠠ ᠬᠢᠬᠦᠶᠢ ᠪᠢᠳᠡ ᠪᠠᠰᠠ ᠰᠠᠨᠠᠭᠠᠴᠢᠯᠠᠵᠤ ᠪᠠᠶᠢᠨᠠ ᠃ ᠵᠢᠱᠢᠶᠡᠯᠡᠪᠡᠯ ᠂ ᠠᠮᠢᠲᠠᠨᠤ ᠲᠤᠷᠰᠢᠯᠲᠠ ᠂ Ⅰ/Ⅱ ᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢᠨ ᠦᠷᠡ ᠪᠦᠲᠦᠮᠵᠢᠨᠢ ᠮᠠᠰᠢ ᠰᠠᠶᠢᠨ ᠪᠠᠶᠢᠵᠤ ᠂ ᠦᠢᠯᠡᠳᠪᠦᠷᠢᠯᠡᠯ ᠨᠢ ᠴᠦ GMPᠶᠢᠨ ᠪᠠᠷᠢᠮᠵᠢᠶᠠᠳ᠋ᠤ ᠪᠦᠷᠢᠮᠦᠰᠦᠨ ᠨᠡᠶᠢᠴᠡᠵᠦ ᠪᠠᠶᠢᠬᠤ ᠪᠣᠯᠬᠣᠷ Ⅲᠬᠤᠭᠤᠴᠠᠭᠠᠨᠤ ᠡᠮᠴᠢᠯᠡᠭᠡᠨᠤ ᠲᠤᠷᠰᠢᠯᠲᠠᠶᠢ ᠬᠡᠯᠲᠦᠷᠢᠭᠦᠯᠬᠦᠶᠢ ᠪᠣᠳᠣᠯᠬᠢᠯᠠᠵᠤ ᠂ ᠰᠠᠭᠠᠷᠮᠠᠭᠵᠢᠭᠰᠠᠨ ᠲᠠᠭᠠᠭᠠᠭᠴᠢᠶᠢ ᠪᠣᠷᠣᠯᠠᠬᠤ ᠭᠦᠢᠴᠡᠳᠭᠡᠯ ᠲᠣᠭᠠ ᠪᠣᠯᠭᠠᠪᠠᠯ ᠵᠣᠬᠢᠨᠠ ᠂ ᠢᠩᠭᠢᠪᠡᠯ ᠸᠠᠺᠼᠢᠨᠤ ᠬᠠᠩᠭᠠᠯᠭᠠᠶᠢᠨ ᠬᠡᠮᠵᠢᠶᠡᠶᠢ ᠶᠡᠬᠡᠪᠠᠷ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠨᠠ ᠃
︵ ᠰᠢᠨᠬᠤᠸᠠ ᠬᠣᠷᠢᠶᠠᠨᠤ ᠪᠡᠭᠡᠵᠢᠩᠤᠨ 6 ᠰᠠᠷᠠᠶᠢᠨ 6ᠤ ᠴᠠᠬᠢᠯᠭᠠᠨ ᠮᠡᠳᠡᠭᠡᠡᠴᠠ ︶
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠤᠶᠤᠯᠲᠦ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃