2020-03-03 10:55:38
ᠰᠠᠷᠠ ᠭᠠᠷᠤᠢ ᠰᠠᠮᠭᠤᠷᠠᠭᠰᠠᠨ ᠬᠢᠵᠢᠭᠤᠨ ᠪᠠᠢᠳᠠᠯ ᠤᠷᠴᠢᠮᠤᠨ ᠡᠳᠦᠷ ᠠᠭᠠᠵᠢᠮᠢᠶᠠᠷ ᠨᠠᠮᠳᠠᠵᠤ ᠂ ᠡᠪᠡᠳᠴᠢᠲᠡᠨ ᠡᠳᠡᠭᠡᠷᠡᠨ ᠡᠮᠨᠡᠯᠭᠡᠡᠴᠠ ᠭᠠᠷᠤᠭᠰᠠᠨ ᠪᠠᠶᠠᠷᠤᠨ ᠴᠢᠮᠡᠭᠡ ᠨᠠᠢᠵᠠᠶᠢᠨ ᠲᠤᠭᠤᠷᠢᠭ ᠂ ᠵᠢᠷᠭᠢᠶᠡ ᠰᠦᠯᠵᠢᠶᠡᠪᠠᠷ ᠰᠠᠴᠤᠭᠲᠠᠵᠤ ᠂ ᠡᠮᠦᠨᠡ ᠹᠷᠤᠨᠲᠲᠤ ᠠᠵᠢᠯᠯᠠᠵᠦ ᠪᠠᠢᠭᠠ ᠡᠮᠴᠢ ᠨᠠᠷ ᠴᠤ ᠭᠦᠨ ᠭᠡᠭᠴᠢ ᠠᠮᠢᠰᠬᠤᠯᠠ ᠃ ︽ ᠬᠢᠵᠢᠭ ᠳᠡᠯᠭᠡᠷᠡᠭᠰᠡᠨ ᠲᠡᠷᠡ ᠮᠦᠴᠡᠡᠴᠠ ᠡᠪᠡᠳᠴᠢᠲᠡᠨᠢ ᠡᠮᠨᠡᠨ ᠵᠠᠰᠠᠬᠤ ᠠᠵᠢᠯᠳ᠋ᠤ ᠪᠡᠶᠡᠪᠠᠷᠢᠶᠡᠨ ᠤᠷᠤᠯᠴᠠᠭᠰᠠᠨ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠬᠠᠯᠳᠠᠪᠤᠷᠢᠲᠦ ᠡᠪᠡᠳᠴᠢᠨᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠᠨᠤ ᠡᠮᠴᠢ ᠂ ᠬᠠᠮᠲᠤ ᠰᠤᠷᠤᠯᠭᠠᠳᠠᠨ ᠨᠠᠰᠤᠨᠳᠠᠯᠠᠢᠳᠠᠭᠠᠨ ᠪᠢᠰᠢᠷᠡᠯ ᠬᠦᠨᠳᠦᠳᠭᠡᠯᠤᠨ ᠰᠡᠳᠭᠢᠯᠭᠡᠪᠠᠨ ᠳᠡᠪᠰᠢᠭᠦᠯᠦᠶᠡ ︾ ᠭᠡᠰᠡᠨ ᠨᠠᠢᠵᠠᠶᠢᠨ ᠲᠤᠭᠤᠷᠢᠭᠲᠤ ᠲᠠᠷᠬᠠᠭᠰᠠᠨ ᠴᠢᠮᠡᠭᠡᠶᠢ ᠠᠵᠠᠪᠠᠷ ᠤᠯᠵᠤ ᠤᠩᠰᠢᠭᠰᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠲᠦᠭ ᠲᠦᠮᠡᠨ ᠡᠮᠴᠢ ᠰᠤᠪᠢᠯᠠᠭᠴᠢᠲᠠᠢ ᠢᠳᠡᠬᠡᠯ ᠰᠡᠳᠬᠢᠯᠢᠶᠡᠨ ᠬᠤᠯᠪᠤᠵᠤ ᠭᠠᠪᠰᠢᠭᠠᠢᠯᠠᠨ ᠠᠵᠢᠯᠯᠠᠵᠤ ᠪᠠᠢᠭᠠ ᠮᠤᠩᠭᠤᠯ ᠵᠠᠯᠠᠭᠤ ᠨᠠᠰᠤᠨᠳᠠᠯᠠᠢᠡᠴᠠ ᠰᠤᠷᠪᠤᠯᠵᠢᠯᠠᠭᠠ ᠠᠪᠤᠭᠰᠠᠨ ᠪᠢᠯᠡ ᠃
︽ ᠬᠡᠯᠡᠮᠡᠷ ᠶᠠᠭᠤ ᠪᠠᠢᠬᠤᠪ ᠳ᠋ᠠ ︕ ᠬᠢᠪᠡᠰᠦ ᠵᠤᠬᠢᠬᠤ ᠵᠦᠢᠯᠢᠶᠡᠨ ᠬᠢᠭᠰᠡᠨ ᠲᠡᠳᠦᠢ ᠯᠡ ᠶᠤᠮ ᠴᠢᠨᠢ ︾ ᠭᠡᠵᠦ ᠨᠠᠰᠤᠨᠲᠠᠯᠠᠢ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠪᠤᠯᠤᠭᠰᠠᠨᠳᠠᠭᠠᠨ ᠵᠢᠭᠠᠬᠠᠨ ᠡᠪ ᠦᠭᠡᠢᠳᠡᠵᠦ ᠂ ᠬᠡᠯᠡᠮᠡᠷ ᠶᠠᠭᠤᠮᠠ ᠪᠠᠢᠬᠤ ᠦᠭᠡᠢ ᠶᠠᠷᠢᠮᠠᠷ ᠵᠦᠢᠯᠡᠰ ᠤᠯᠳᠠᠬᠤ ᠦᠭᠡᠢ ᠭᠡᠵᠦ ᠯᠡ ᠪᠠᠢᠯᠠ ᠃

ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠰᠢᠨᠡᠰᠦ᠋ᠮᠡ ᠰᠤᠮᠤᠶᠢᠨ ᠪᠠᠶᠠᠨᠰᠢᠭᠤᠢ ᠭᠠᠴᠠᠭᠠᠳ᠋ᠤ ᠨᠤᠲᠤᠭᠲᠠᠢ ᠲᠡᠷᠡᠪᠠᠷ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠬᠠᠯᠳᠠᠪᠤᠷᠢᠲᠤ ᠡᠪᠡᠳᠴᠢᠨᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠᠨᠤ ᠠᠮᠢᠰᠬᠤᠯᠤᠨ ᠲᠤᠳᠤᠷ ᠡᠮᠨᠡᠯᠭᠡᠶᠢᠨ ᠲᠠᠰᠤᠭᠲᠤ ᠠᠵᠢᠯᠯᠠᠳᠠᠭ ᠃ ᠡᠮᠴᠢᠶᠢᠨ ᠠᠵᠢᠯ ᠭᠡᠵᠦ ᠶᠡᠷᠦᠨᠢ ᠶᠠᠭᠠᠷᠠᠯᠲᠠᠢ ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠴᠤ ᠵᠢᠵᠢᠭᠦᠷᠯᠡᠬᠦ ᠬᠦᠮᠦᠨ ᠲᠤᠳᠠᠵᠤ ᠪᠤᠯᠬᠤ ᠦᠭᠡᠢ ᠃ ᠡᠨᠡ ᠵᠢᠯᠤᠨ ᠪᠢᠲᠡᠭᠦᠨᠳ᠋ᠤ ᠵᠢᠵᠢᠭᠦᠷᠯᠡᠬᠦ ᠡᠭᠡᠯᠵᠢ ᠲᠠᠭᠠᠷᠠᠭᠰᠠᠨ ᠨᠠᠰᠤᠨᠳᠠᠯᠠᠢ ᠨᠢᠭᠡ ᠰᠦᠨᠢ ᠨᠢᠭᠡ ᠡᠳᠦᠷᠤᠨ ᠠᠵᠢᠯᠢᠶᠡᠨ ᠳᠠᠭᠤᠰᠬᠠᠵᠦ ᠳᠦᠩᠭᠡᠵᠢ ᠭᠡᠷᠲᠡᠭᠡᠨ ᠬᠦᠷᠲᠡᠯᠡ ᠭᠡᠨᠡᠳᠲᠡ ᠳᠡᠯᠭᠡᠷᠡᠭᠰᠡᠨ ᠬᠢᠵᠢᠭᠡᠴᠠ ᠪᠤᠯᠵᠤ ᠳᠠᠬᠢᠨ ᠠᠵᠢᠯᠤᠨ ᠪᠠᠢᠷᠢᠳᠠᠭᠠᠨ ᠪᠤᠴᠠᠪᠠ ᠃
︽ ᠮᠠᠨᠤ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠ ᠲᠡᠷᠡ ᠳᠠᠷᠤᠢᠳ᠋ᠤᠨᠢ ᠡᠯᠡ ᠲᠠᠰᠤᠭᠡᠴᠠ ᠡᠮᠴᠢ ᠰᠢᠯᠢᠨ ᠰᠤᠩᠭᠤᠵᠤ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠬᠤ ᠡᠪᠡᠳᠴᠢᠲᠡᠨᠤ ᠦᠷᠦᠭᠡᠶᠢ ᠪᠠᠢᠭᠤᠯᠵᠤ ᠂ ᠭᠤᠷᠪᠠᠨ ᠳᠤᠭᠤᠢᠯᠠᠩ ᠬᠤᠪᠢᠶᠠᠨ ᠂ ᠳᠤᠭᠤᠢᠯᠠᠩ ᠪᠦᠷᠢᠳ᠋ᠤ 4 ᠡᠮᠴᠢ ᠂ ᠠᠷᠪᠠᠭᠠᠳ ᠰᠤᠪᠢᠯᠠᠭᠴᠢᠲᠠᠢ ᠂ ᠨᠢᠭᠡ ᠳᠤᠭᠤᠢᠯᠠᠩᠨᠢ 2 ᠭᠠᠷᠠᠭ ᠠᠵᠢᠯᠯᠠᠬᠤᠪᠠᠷ ᠲᠤᠭᠲᠠᠵᠠᠢ ᠃ ᠪᠢ ᠬᠤᠶᠠᠳᠤᠭᠠᠷ ᠳᠤᠭᠤᠢᠯᠠᠩᠳ᠋ᠤ ᠬᠤᠪᠢᠶᠠᠭᠳᠠᠵᠤ ᠂ 2 ᠰᠠᠷᠠᠶᠢᠨ 6 20ᠤ ᠡᠳᠦᠷ ᠪᠤᠯᠲᠠᠯᠠ ᠠᠵᠢᠯᠯᠠᠵᠤ ᠂ ᠤᠳᠤ ᠠᠵᠢᠯᠢᠶᠡᠨ ᠳᠠᠭᠤᠰᠬᠠᠵᠤ ᠲᠤᠰᠠᠭᠠᠷᠯᠠᠨ ᠠᠵᠢᠭᠯᠠᠬᠤ ᠬᠤᠭᠤᠴᠠᠭᠠᠨᠳᠠᠭᠠᠨ ᠪᠤᠢ ︾ ᠭᠡᠵᠦ ᠨᠠᠰᠤᠨᠳᠠᠯᠠᠢ ᠲᠠᠨᠢᠯᠴᠠᠭᠤᠯᠤᠨᠠ ᠃ ᠪᠦᠬᠦ ᠬᠤᠲᠠᠶᠢᠨ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠢᠶᠠᠷ ᠤᠨᠤᠰᠢᠯᠠᠭᠰᠠᠨ ᠡᠪᠡᠳᠴᠢᠲᠡᠨᠢ ᠡᠮᠨᠡᠨ ᠵᠠᠰᠠᠭᠰᠠᠨ 15 ᠡᠮᠴᠢᠶᠢᠨ ᠲᠤᠳᠤᠷᠠᠬᠢ ᠨᠢᠭᠡᠨᠢ ᠪᠤᠯᠤᠭᠰᠠᠨ ᠨᠠᠰᠤᠨᠳᠠᠯᠠᠢ ᠪᠤᠯ ᠡᠨᠡ ᠬᠦ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠬᠤ ᠡᠪᠡᠳᠴᠢᠲᠡᠨᠤ ᠦᠷᠦᠭᠡᠶᠢᠨ ᠲᠤᠳᠤᠷᠠᠬᠢ ᠴᠤᠷᠤᠨ ᠭᠠᠭᠴᠠ ᠮᠤᠩᠭᠤᠯ ᠵᠠᠯᠠᠭᠤ ᠪᠤᠯᠤᠨᠠ ᠃ ᠬᠢᠵᠢᠭᠲᠠᠢ ᠲᠡᠮᠡᠴᠡᠭᠰᠡᠨ ᠡᠳᠦᠷᠤᠳᠢᠶᠡᠨ ᠡᠷᠭᠢᠴᠡᠭᠦᠯᠬᠦᠳ᠋ᠤ ᠲᠡᠷᠡ ᠲᠠᠢᠪᠤᠭᠤᠬᠠᠨ ᠶᠠᠷᠢᠵᠤ ᠂ ᠡᠪᠡᠳᠴᠢᠲᠡᠨᠲᠠᠢ ᠴᠤᠭ ᠪᠠᠢᠭᠰᠠᠨ ᠴᠠᠭ ᠮᠦᠴᠡᠪᠠᠨ ᠲᠤᠭᠠᠴᠠᠬᠤᠳ᠋ᠤ ᠲᠡᠷᠡ ᠨᠠᠮᠵᠢᠭᠤᠬᠠᠨ ᠦᠭᠦᠯᠡᠨᠡ ᠃

2 ᠰᠠᠷ ᠠᠶᠢᠨ 6 20ᠤ ᠡᠳᠦᠷ ᠪᠤᠯᠲᠠᠯᠠᠬᠢ ᠡᠨᠡ ᠬᠦ ᠬᠡᠰᠡᠭ ᠬᠤᠭᠤᠴᠠᠭᠠ ᠪᠤᠯ ᠬᠢᠵᠢᠭ ᠰᠠᠮᠠᠭᠤᠷᠠᠭᠰᠠᠨ ᠤᠷᠭᠢᠯᠤᠨ ᠬᠤᠭᠤᠴᠠᠭᠠ ᠪᠤᠯᠤᠨᠠ ᠃ ᠨᠠᠰᠤᠨᠲᠠᠯᠠᠢᠶᠢᠨ ᠲᠠᠨᠢᠯᠴᠠᠭᠤᠯᠬᠤᠪᠠᠷ ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠤᠳᠤ ᠪᠤᠯᠲᠠᠯᠠᠬᠢ ᠤᠨᠤᠰᠢᠯᠠᠭᠰᠠᠨ 9 ᠡᠪᠡᠳᠴᠢᠲᠡᠨᠤ 6 ᠡᠪᠡᠳᠴᠢᠳᠠᠨᠨᠢ ᠡᠨᠡ ᠬᠤᠭᠤᠴᠠᠭᠠᠨᠳ᠋ᠤ ᠡᠮᠨᠡᠯᠭᠡᠳ᠋ᠤ ᠬᠦᠷᠭᠡᠭᠳᠡᠵᠡᠢ ᠃︽ ᠮᠠᠨᠤ ᠳᠤᠭᠤᠢᠯᠠᠩᠤᠨᠬᠢᠨ ᠬᠢᠵᠢᠭᠤᠨ ᠪᠠᠢᠳᠠᠯ ᠬᠠᠮᠤᠭ ᠬᠡᠴᠡᠭᠦᠦ ᠦᠶᠠᠳ᠋ᠤ ᠲᠠᠭᠠᠷᠠᠵᠤ ᠂ ᠠᠵᠢᠯᠤᠨ ᠬᠦᠴᠦᠯᠡᠴᠡ ᠶᠡᠬᠡ ᠂ ᠮᠦᠷᠦᠨᠳ᠋ᠠᠬᠢ ᠳᠠᠷᠤᠭᠠᠰᠤ ᠬᠦᠨᠳᠦ ᠃ ᠪᠢᠳᠡ 4 ᠵᠢᠵᠢᠭ ᠳᠤᠭᠤᠢᠯᠠᠩ ᠬᠤᠪᠢᠶᠠᠨ ᠂ ᠳᠤᠭᠤᠢᠯᠠᠩ ᠪᠦᠷᠢ 1 ᠡᠮᠴᠢ ᠂ 2 ᠰᠤᠪᠢᠯᠠᠭᠴᠢᠲᠠᠢ ᠂ ᠨᠢᠭᠡ ᠤᠳᠠᠭᠠ 4 6 ᠴᠠᠭ ᠠᠵᠢᠯᠯᠠᠵᠤ ᠂ ᠡᠳᠦᠷ ᠰᠦᠨᠢ ᠭᠡᠵᠦ ᠢᠯᠭᠠᠯ ᠦᠭᠡᠢ ᠂ ᠡᠭᠡᠯᠵᠢᠯᠡᠭᠡᠳ ᠠᠵᠢᠯᠯᠠᠭᠰᠠᠨ ᠂ ᠬᠠᠮᠠᠭᠠᠯᠠᠬᠤ ᠬᠤᠪᠴᠠᠰᠤ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠳᠠᠯ ᠳᠤᠤᠷᠠ ᠪᠢᠳᠡ ᠨᠢᠭᠡ ᠵᠠᠬᠠ ᠬᠤᠪᠴᠠᠰᠤᠶᠢ ᠴᠤ ᠲᠠᠯᠠᠭᠠᠷ ᠡᠳ᠋ᠯᠡᠬᠦ ᠦᠭᠡᠢᠶᠢ ᠪᠠᠷᠢᠮᠳᠠᠯᠠᠵᠤ ᠂ ᠡᠪᠡᠳᠴᠢᠲᠡᠨᠤ ᠦᠷᠦᠭᠡᠨᠳ᠋ᠤ ᠤᠷᠤᠬᠤᠡᠴᠠ ᠡᠮᠦᠨᠡ ᠬᠤᠪᠢ ᠬᠤᠪᠢᠶᠢᠨ ᠭᠦᠢᠴᠡᠳᠭᠡᠬᠦ ᠴᠢᠬᠤᠯᠠᠲᠠᠢ ᠶᠠᠪᠤᠳᠠᠯᠢᠶᠡᠨ ᠨᠢᠭᠡᠳ ᠨᠢᠭᠡᠪᠠᠷ ᠲᠡᠮᠲᠡᠭᠯᠡᠨ ᠠᠪᠴᠤ ᠂ ᠶᠠᠮᠠᠷ ᠨᠢᠭᠡ ᠵᠦᠢᠯᠢ ᠬᠢᠭᠰᠡᠨ ᠦᠭᠡᠢᠡᠴᠠ ᠪᠤᠯᠵᠤ ᠳᠠᠬᠢᠵᠤ ᠤᠷᠤᠬᠤᠡᠴᠠ ᠬᠡᠴᠢᠶᠡᠨᠡ ᠃ ᠲᠡᠢᠮᠦ ᠮᠦᠷᠲᠡᠭᠡᠨ ᠡᠪᠡᠳᠴᠢᠲᠡᠨᠤ ᠦᠷᠦᠭᠡᠨᠳ᠋ᠤ ᠤᠷᠤᠭᠰᠠᠨ ᠡᠮᠴᠢ ᠰᠤᠪᠢᠯᠠᠭᠴᠢ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠤᠭᠤᠴᠠᠭᠠᠨᠳᠠᠭᠠᠨ ᠪᠡᠶᠡ ᠵᠠᠰᠠᠬᠤᠡᠴᠠ ᠵᠠᠢᠯᠠᠰᠭᠢᠬᠤᠶᠢᠨ ᠲᠦᠯᠦᠭᠡ ᠤᠷᠤᠬᠤᠡᠴᠠ ᠡᠮᠦᠨᠡ ᠤᠤᠭᠤᠵᠤ ᠢᠳᠡᠬᠦᠪᠠᠨ ᠬᠦᠷᠳᠡᠯᠠ ᠪᠠᠭᠠᠰᠬᠠᠳᠠᠭ ᠃ ᠪᠦᠷᠢᠮᠦᠰᠦᠨ ᠪᠢᠲᠡᠭᠦᠮᠵᠢᠯᠡᠭᠰᠡᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠪᠤᠯᠬᠤᠷ ᠬᠡᠳᠦᠨ ᠴᠠᠭ ᠠᠵᠢᠯᠯᠠᠭᠠᠳ ᠭᠠᠷᠴᠤ ᠢᠷᠡᠬᠦᠪᠠᠷ ᠬᠠᠮᠤᠭ ᠪᠡᠶᠡ ᠱᠠᠯ ᠨᠤᠢᠲᠠᠨ ᠪᠤᠯᠵᠤ ᠂ ᠤᠮᠳᠠᠭᠠᠰᠤᠭᠰᠠᠨ ᠬᠦᠴᠦᠨ ᠳᠡᠭᠡᠷᠡᠪᠠᠨ ᠨᠢᠭᠡ ᠯᠤᠩᠬᠤ ᠤᠰᠤᠶᠢ ᠨᠢᠭᠡ ᠯᠡ ᠬᠦᠨᠳᠦᠷᠡᠴᠢᠬᠡᠳᠡᠭ ᠶᠤᠮ ︾ ᠭᠡᠵᠦ ᠶᠠᠷᠢᠨᠠ ᠃
ᠳᠠᠪᠬᠤᠷ ᠠᠮᠠᠪᠴᠢ ᠂ ᠳᠠᠪᠬᠤᠷ ᠮᠠᠯᠠᠭᠠᠢ ᠂ ᠳᠠᠪᠬᠤᠷ ᠪᠡᠭᠡᠯᠡᠢ ᠵᠢᠴᠢ ᠨᠢᠳᠤ ᠬᠠᠮᠠᠭᠠᠯᠠᠬᠤ ᠰᠢᠯ ᠂ ᠨᠢᠭᠤᠷ ᠬᠠᠮᠠᠭᠠᠯᠠᠬᠤ ᠵᠦᠢᠯ ᠂ ᠬᠠᠮᠠᠭᠠᠯᠠᠬᠤ ᠬᠤᠪᠴᠠᠰᠤ ᠂ ᠤᠰᠤᠨ ᠭᠤᠲᠤᠯ ᠬᠡᠮᠡᠨ ᠬᠡᠴᠢᠨᠡᠨ ᠳᠠᠪᠬᠤᠷ ᠬᠤᠪᠴᠠᠰᠤᠯᠠᠭᠰᠠᠨ ᠲᠡᠳᠡᠨᠡᠷ ᠬᠡᠳᠦᠨ ᠴᠠᠭᠢᠶᠠᠷ ᠦᠷᠭᠦᠯᠵᠢᠯᠡᠨ ᠠᠵᠢᠯᠯᠠᠭᠠᠳ ᠭᠠᠷᠴᠤ ᠢᠷᠡᠬᠦᠪᠠᠷ ᠬᠤᠪᠴᠠᠰᠤ ᠬᠤᠨᠠᠷᠨᠢ ᠬᠦᠯᠦᠰᠦᠨᠳ᠋ᠡᠭᠡᠨ ᠱᠠᠯ ᠲᠠᠪᠲᠦᠬᠦᠨᠢ ᠬᠠᠮᠤᠭ ᠶᠡᠷᠦᠮᠳᠡᠭᠤᠨ ᠶᠠᠪᠤᠳᠠᠯ ᠠᠵᠢ ᠃ ︽ ᠦᠪᠡᠷᠤᠨ ᠪᠡᠶᠡᠳ᠋ᠡᠭᠡᠨ ᠬᠠᠷᠢᠭᠤᠴᠠᠬᠤ ᠮᠦᠷᠳᠡᠬᠡᠨ ᠦᠷᠦᠭᠡᠯ ᠪᠤᠰᠤᠳᠲᠤ ᠨᠡᠩ ᠬᠠᠷᠢᠭᠤᠴᠠᠬᠤ ᠬᠡᠷᠡᠭᠲᠡᠢ ᠃ ᠡᠪᠡᠳᠴᠢᠲᠡᠨᠤ ᠦᠷᠦᠭᠡᠨᠳ᠋ᠤ ᠤᠷᠤᠬᠤ ᠦᠶᠠᠳ᠋ᠤ ᠴᠤ ᠶᠠᠭᠠᠬᠢᠬᠤᠪ ᠳ᠋ᠠ ᠂ ᠬᠠᠷᠢᠨ ᠭᠠᠷᠴᠤ ᠢᠷᠡᠭᠰᠡᠨᠤ ᠳᠠᠷᠠᠭᠠ ᠬᠠᠮᠠᠭᠠᠯᠠᠬᠤ ᠬᠤᠪᠴᠠᠰᠤ ᠡᠨᠡ ᠲᠡᠷᠡᠪᠠᠨ ᠲᠠᠢᠯᠵᠤ ᠬᠠᠶᠠᠬᠤᠳ᠋ᠤ ᠪᠦᠷ ᠲᠤᠰᠬᠠᠢ ᠬᠦᠮᠦᠨ ᠬᠠᠷᠠᠵᠤ ᠪᠠᠢᠳᠠᠭ ᠂ ᠠᠯᠢ ᠨᠢᠭᠡ ᠠᠯᠬᠤᠮ ᠳᠠᠷᠠᠭᠠᠨᠢ ᠲᠠᠭᠠᠷᠠᠬᠤ ᠦᠭᠡᠢ ᠪᠤᠯ ᠡᠪᠡᠳᠴᠢᠨᠤ ᠸᠢᠷᠦ᠋ᠰᠢ ᠡᠨᠳᠡ ᠲᠡᠨᠳᠡ ᠦᠭᠡᠢ ᠦᠯᠡᠳᠡᠭᠡᠬᠦ ᠪᠤᠯᠤᠯᠴᠠᠭᠠᠲᠠᠢ ᠂ ᠡᠪᠡᠳᠴᠢᠲᠡᠨᠢ ᠵᠠᠰᠠᠬᠤ ᠭᠡᠵᠦ ᠪᠠᠢᠭᠰᠠᠭᠠᠷ ᠡᠷᠡᠭᠦᠯ ᠠᠷᠠᠳᠲᠤ ᠬᠠᠯᠳᠠᠪᠤᠷᠢᠯᠠᠭᠤᠯᠪᠠᠯ ᠶᠡᠬᠡ ᠶᠠᠯᠠ ᠬᠢᠭᠰᠡᠨᠲᠠᠢ ᠶᠠᠮᠠᠷ ᠤᠨᠳᠤᠤ ᠪᠢᠯᠡ ᠂ ᠲᠡᠢᠮᠦᠡᠴᠠ ᠪᠢᠳᠡ ᠡᠭᠦᠨᠢ ᠶᠠᠭᠤᠨᠡᠴᠠ ᠴᠤ ᠢᠯᠡᠭᠦᠦ ᠬᠡᠴᠢᠶᠡᠨ ᠪᠤᠯᠭᠤᠮᠵᠢᠯᠠᠳᠠᠭ ︾ ᠭᠡᠵᠦ ᠶᠠᠷᠢᠬᠤᠳ᠋ᠤ ᠨᠠᠰᠤᠨᠳᠠᠯᠠᠢᠶᠢᠨ ᠦᠭᠡ ᠶᠠᠷᠢᠶᠠᠨᠳ᠋ᠤ ᠦᠷᠦᠭᠡᠯᠳ᠋ᠤ ᠬᠠᠷᠢᠭᠤᠴᠠᠬᠤ ᠡᠮᠴᠢ ᠬᠦᠮᠦᠨᠤ ᠬᠠᠷᠢᠭᠤᠴᠠᠯᠭᠠᠲᠤ ᠤᠪᠤᠷᠨᠢ ᠢᠯᠡᠬᠡᠨ ᠪᠠᠢᠯᠠ ᠃

ᠬᠠᠷᠢᠭᠤᠴᠠᠯᠭᠠ ᠭᠡᠳᠡᠭ ᠬᠠᠮᠤᠭᠡᠴᠠ ᠨᠠᠨᠳᠢᠨ ᠵᠦᠢᠯ ᠂ ᠬᠠᠷᠢᠭᠤᠴᠠᠯᠭᠠᠨᠢ ᠵᠤᠷᠢᠭᠢ ᠴᠢᠩᠭᠠᠯᠠᠳᠠᠭ ᠂ ᠢᠲᠡᠭᠡᠯᠢ ᠬᠦᠪᠴᠢᠯᠡᠳᠡᠭ ᠂ ᠬᠠᠷᠠᠮ ᠦᠭᠡᠢ ᠵᠢᠳᠭᠦᠭᠦᠯᠳᠡᠭ ᠃ ᠡᠮᠴᠢ ᠬᠦᠮᠦᠨᠤ ᠬᠠᠷᠢᠭᠤᠴᠠᠯᠭᠠᠨᠢ ᠨᠠᠰᠤᠨᠳᠠᠯᠠᠢᠳ᠋ᠤ ᠡᠪᠡᠳᠴᠢᠨᠤ ᠸᠢᠷᠦ᠋ᠰᠲᠠᠢ ᠲᠡᠮᠡᠴᠡᠬᠦ ᠵᠤᠷᠢᠭ ᠤᠯᠭᠤᠵᠤ ᠂ ᠡᠷᠡ ᠬᠦᠮᠦᠨᠤ ᠡᠷᠡᠰ ᠵᠤᠷᠢᠭᠢᠶᠠᠷᠢᠶᠡᠨ ᠠᠷᠪᠠᠨ ᠬᠡᠳᠦᠨ ᠴᠠᠭᠢᠶᠠᠷ ᠠᠮᠠᠷᠠᠯ ᠦᠭᠡᠢᠪᠠᠷ ᠠᠵᠢᠯᠯᠠᠵᠦ ᠦᠩᠭᠡᠷᠡᠭᠰᠡᠨ ᠃
︽ ᠲᠦᠯᠦᠪᠯᠡᠬᠡ ᠶᠠᠷᠤᠨᠢ ᠬᠤᠪᠢᠷᠠᠯᠳᠠᠶᠢ ᠬᠦᠷᠬᠦ ᠦᠬᠡᠢ ᠬᠡᠳᠡᠭᠢᠶᠠᠷ ᠂ ᠭᠤᠷᠪᠠᠨ ᠡᠳᠦᠷᠡᠴᠠ ᠲᠤᠰᠠᠭᠠᠷᠯᠠᠬᠤ ᠬᠤᠭᠤᠴᠠᠭᠠ ᠳᠠᠭᠤᠰᠪᠠᠯ ᠭᠡᠷᠲᠡᠭᠡᠨ ᠬᠠᠷᠢᠬᠤ ᠭᠡᠵᠦ ᠪᠠᠢᠭᠰᠠᠨ ᠴᠢᠨᠢ ᠰᠠᠢᠬᠠᠨ ᠰᠢᠨᠡ ᠮᠡᠳᠡᠭᠳᠡᠯ ᠲᠤᠰᠴᠤ ᠲᠦᠷ ᠴᠠᠭ ᠬᠠᠷᠢᠵᠤ ᠳᠡᠢᠯᠬᠦᠪᠠᠨ ᠪᠤᠯᠢᠴᠢᠬᠠᠯᠠ ᠂ ᠬᠢᠵᠢᠭᠤᠨ ᠪᠠᠢᠳᠠᠯ ᠨᠠᠮᠳᠠᠭᠰᠠᠨ ᠴᠤ ᠭᠡᠨᠡᠳᠲᠡᠶᠢᠨ ᠪᠠᠢᠳᠠᠯ ᠡᠭᠦᠰᠬᠦᠡᠴᠠ ᠰᠡᠷᠭᠡᠢᠯᠡᠵᠦ ︿ ᠬᠡᠵᠢᠶᠡ ᠴᠤ ᠵᠠᠷᠯᠢᠭ ᠬᠦᠯᠢᠶᠡᠬᠦᠪᠠᠷ ᠪᠡᠯᠡᠬᠡᠨ ᠪᠠᠢᠬᠤ ᠬᠡᠷᠡᠭᠲᠡᠢ ﹀ ᠬᠡᠨᠠ ᠃ ᠨᠠᠮᠠᠢ ᠭᠠᠷᠴᠤ ᠢᠷᠡᠬᠦᠪᠠᠷ ᠬᠡᠦᠬᠡᠨ ᠮᠢᠨᠢ ᠳᠦᠩᠭᠡᠵᠢ ᠶᠢᠰᠦᠨ ᠰᠠᠷᠠ ᠪᠤᠯᠵᠤ ᠪᠠᠢᠭᠰᠠᠨ ᠂ ᠤᠳᠤ ᠪᠦᠷ ᠠᠷᠪᠠᠨ ᠰᠠᠷᠠ ᠢᠯᠡᠭᠦᠦ ᠪᠤᠯᠴᠢᠬᠠᠯᠠ ᠂ ᠨᠢᠯᠬᠠ ᠬᠡᠦᠬᠡᠳ ᠴᠢᠨᠢ ᠨᠢᠭᠡ ᠰᠠᠷᠠᠶᠢᠨ ᠬᠤᠭᠤᠷᠤᠨᠳᠤ ᠶᠡᠬᠡ ᠬᠤᠪᠢᠷᠡᠯᠲᠡ ᠭᠠᠷᠳᠠᠭ ᠶᠤᠮ ᠃ ᠤᠳᠠᠭᠠ ᠪᠤᠯᠭᠠᠨ ᠵᠢᠷᠬᠢᠶᠠᠪᠠᠷ ᠶᠠᠷᠢᠯᠴᠠᠬᠤᠳ᠋ᠤ ᠂ ᠭᠠᠷ ᠤᠲᠠᠰᠤᠨᠤ ᠴᠠᠭᠠᠨᠠᠡᠴᠠ ︿ ᠠᠪᠤ᠋ ﹀ ᠭᠡᠰᠡᠨ ᠨᠢᠯᠬᠠᠰᠠᠭ ᠳᠠᠭᠤᠨᠢᠨᠢ ᠰᠤᠨᠤᠰᠬᠤ ᠪᠦᠷᠢ ᠠᠯᠠᠭ ᠨᠢᠳᠦ ᠮᠢᠨᠢ ᠵᠠᠢᠷᠲᠤᠵᠤ ᠂ ᠨᠠᠮᠠᠢ ᠬᠠᠷᠠᠵᠤ ᠪᠠᠢᠭᠰᠠᠭᠠᠷ ᠭᠠᠷ ᠤᠲᠠᠰᠤᠨᠤ ᠳᠡᠯᠭᠡᠴᠡ ᠳᠡᠭᠡᠷᠡ ︿ ᠫᠤᠭ ﹀ ᠭᠢᠲᠡᠯᠡ ᠦᠨᠦᠰᠬᠦᠳ᠋ᠤᠨᠢ ᠰᠡᠳᠭᠢᠯ ᠮᠢᠨᠢ ᠪᠦᠷ ᠡᠮᠵᠡᠭᠯᠡᠭᠡᠳ ᠭᠠᠷᠳᠠᠭ ᠃ ᠬᠦᠭᠡᠷᠦᠬᠦᠢ ᠮᠢᠨᠦ ᠬᠡᠦᠬᠡᠨ ︕ ᠪᠠᠭᠠ ᠯᠡ ᠳᠤᠮᠤ ᠪᠤᠯᠤᠭᠰᠠᠨ ᠪᠤᠯ ᠴᠤ ᠶᠠᠭᠠᠬᠢᠬᠤᠪ ᠳ᠋ᠠ ᠂ ᠡᠵᠢᠨᠢ ᠴᠤ ᠬᠡᠰᠡᠨ ᠳᠡᠷᠭᠡᠳᠡᠨᠢ ᠪᠠᠢᠭᠰᠠᠨ ᠪᠤᠯ ᠪᠠᠰᠠ ᠵᠦᠭᠡᠷ ᠪᠠᠢᠬᠤ ᠯᠡ ᠳ᠋ᠠ ᠂ ᠬᠠᠷᠢᠨ ᠬᠤᠶᠠᠭᠤᠯᠠᠪᠠᠨ ᠪᠦᠷ ᠡᠮᠴᠢ ᠪᠤᠯᠬᠤᠷ ᠬᠦᠭᠰᠢᠨ ᠡᠵᠢᠳ᠋ᠡᠭᠡᠨ ᠤᠯᠠᠭᠠᠨ ᠨᠢᠯᠬᠠᠪᠠᠨ ᠬᠠᠶᠠᠴᠢᠬᠠᠭᠠᠳ ᠪᠠᠢᠬᠤᠯᠠᠷ ᠶᠠᠭᠠᠬᠢᠯᠠ ᠴᠤ ᠭᠡᠳ ᠰᠠᠨᠠᠭᠠ ᠠᠮᠤᠷ ᠦᠭᠡᠢ ︾ ᠭᠡᠵᠦ ᠨᠠᠰᠤᠨᠳᠠᠯᠠᠢ ᠬᠦᠬᠡᠷᠦᠭᠦᠨ ᠬᠡᠦᠬᠡᠨᠢᠶᠡᠨ ᠰᠠᠨᠠᠭᠰᠠᠨ ᠰᠡᠳᠭᠢᠯᠢᠶᠡᠨ ᠳᠠᠷᠤᠵᠤ ᠶᠠᠳᠠᠨᠠ ᠃
︽ ᠮᠠᠨᠤ ᠳᠤᠭᠤᠢᠯᠠᠩᠤᠨ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠤᠭᠤᠴᠠᠭᠠᠨᠳ᠋ᠤ ᠢᠷᠡᠭᠰᠡᠨ 6 ᠡᠪᠡᠳᠴᠢᠲᠡᠨᠤ 5ᠨᠢ ᠨᠢᠭᠡᠨᠲᠡ ᠡᠳᠡᠭᠡᠷᠡᠵᠦ ᠡᠮᠨᠡᠯᠭᠡᠡᠴᠠ ᠭᠠᠷᠪᠠ ᠂ ᠤᠳᠤ ᠭᠠᠭᠴᠠᠬᠠᠨ ᠡᠪᠡᠳᠴᠢᠲᠡᠨ ᠦᠯᠡᠳᠡᠵᠦ ᠪᠤᠢ ᠃ ᠡᠪᠡᠳᠴᠢᠲᠡᠨᠤ ᠡᠮᠨᠡᠯᠭᠡᠳ᠋ᠤ ᠤᠷᠤᠵᠤ ᠢᠷᠡᠬᠦ ᠦᠶᠠᠶᠢᠨ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠤᠭᠰᠠᠨ ᠪᠠᠢᠳᠠᠯ ᠂ ᠡᠮᠨᠡᠯᠭᠡᠡᠴᠠ ᠭᠠᠷᠬᠤ ᠦᠶᠡᠶᠢᠨ ᠪᠠᠶᠠᠷᠯᠠᠵᠤ ᠬᠦᠭᠰᠡᠭᠰᠡᠨ ᠰᠡᠳᠭᠢᠯᠭᠡᠨᠢ ᠶᠡᠷᠦ ᠮᠢᠨᠦ ᠨᠢᠳᠦᠨ ᠡᠮᠦᠨᠡ ᠢᠪ ᠢᠯᠡᠬᠡᠨ ᠃ ᠡᠪᠡᠳᠴᠢᠨ ᠦᠭᠡᠢ ᠪᠡᠶᠡ ᠨᠢᠭᠡ ᠵᠢᠷᠭᠠᠯ ᠭᠡᠳᠡᠭᠢᠶᠠᠷ ᠦᠪᠡᠷ ᠪᠤᠰᠤᠳᠤᠨ ᠡᠷᠡᠭᠦᠯ ᠮᠡᠨᠲᠦᠶᠢᠨ ᠲᠦᠯᠦᠭᠡ ᠂ ᠡᠷᠲᠡᠬᠡᠨ ᠰᠢᠭ ᠠᠵᠢᠯ ᠠᠯᠪᠠᠪᠠᠨ ᠡᠬᠢᠯᠡᠭᠦᠯᠵᠦ ᠂ ᠠᠬᠠᠰ ᠵᠠᠬᠠᠰᠲᠠᠢᠪᠠᠨ ᠵᠤᠯᠭᠠᠬᠤᠶᠢᠨ ᠲᠦᠯᠦᠭᠡ ᠂ ᠲᠤᠳᠠᠭᠤ ᠭᠠᠳᠠᠭᠰᠢ ᠭᠠᠷᠴᠤ ᠂ ᠢᠯᠡᠭᠦᠬᠡᠨ ᠭᠡᠷᠲᠡᠭᠡᠨ ᠰᠠᠭᠤᠵᠤ ᠪᠠᠢᠭᠠᠷᠠᠢ ︾ ᠭᠡᠵᠦ ᠰᠤᠷᠪᠤᠯᠵᠢᠯᠠᠭᠠ ᠦᠨᠳᠦᠷᠯᠡᠬᠦᠪᠠᠷ ᠨᠠᠰᠤᠨᠳᠠᠯᠠᠢ ᠭᠤᠸᠠᠢ ᠡᠮᠴᠢ ᠬᠦᠮᠦᠨᠤ ᠦᠨᠡᠨᠴᠢᠬᠡᠨ ᠰᠡᠳᠬᠢᠯᠢᠶᠠᠷ ᠬᠤᠳᠠᠶᠢᠨ ᠠᠷᠠᠳᠲᠤ ᠰᠠᠨᠠᠭᠤᠯᠵᠤ ᠪᠠᠢᠯᠠ ᠃



- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠷᠢᠭᠤᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃