2020-02-16 16:18:14
ᠣᠨᠳᠠᠭᠠ ᠦᠭᠡᠢ ᠯᠡ ᠲᠠᠯᠠᠢ ᠮᠡᠳᠦ ᠴᠡᠴᠡᠭ ᠬᠣᠸᠠᠷ ᠤᠨ ᠲᠣᠮᠳᠠᠭᠣᠷ
ᠣᠳᠣᠭᠠ ᠦᠭᠡᠢ ᠯᠡ ᠲᠠᠢᠨᠤ ᠴᠡᠷᠢᠭ ᠤᠨ ᠬᠣᠸᠠᠷᠠᠨ ᠲᠡᠭᠡᠭᠦᠷ
ᠣᠶᠠᠩᠭᠠᠨ ᠪᠦᠷᠢᠶᠡ ᠬᠠᠩᠭᠢᠨᠠᠨ ᠲᠠᠭᠣᠷᠢᠰᠣᠭᠰᠠᠭᠠᠷ ᠪᠠᠢᠨᠠ ᠡ
ᠣᠷᠢᠶᠠᠯᠠᠨ ᠪᠦᠭᠦᠳᠡ ᠶᠢ ᠰᠡᠷᠢᠭᠡᠨ ᠲᠠᠭᠣᠳᠠᠭᠰᠠᠭᠠᠷ ᠪᠠᠢᠨᠠ ᠡ
ᠲᠠᠢᠨᠤ ᠪᠦᠷᠢᠶᠠ ᠬᠠᠩᠭᠢᠨᠠᠨ ᠬᠠᠩᠭᠢᠨᠠᠨ ᠲᠣᠣᠭᠠᠷᠴᠣ ᠪᠠᠢᠨᠠ
ᠲᠠᠭᠠᠷᠢᠭᠠᠳ ᠣᠷᠣ ᠭᠡᠵᠣ ᠲᠠᠩᠭᠢᠨᠠᠨ ᠲᠠᠩᠭᠢᠨᠠᠨ ᠴᠣᠣᠷᠢᠶᠠᠯᠠᠵᠣ ᠪᠠᠢᠨᠠ
ᠲᠠᠪᠭᠢᠵᠣ ᠶᠠᠪᠣᠭᠠ ᠴᠠᠭ ᠮᠦᠴᠡ ᠴᠦ ᠵᠠᠷᠯᠢᠭ
ᠲᠠᠢᠳᠣᠵᠣ ᠪᠠᠢᠭᠠ ᠬᠦᠮᠦᠨ ᠠᠷᠠᠳ ᠮᠢᠨᠢ ᠴᠦ ᠵᠢᠪᠬᠣᠭᠠᠯᠢᠭ
ᠭᠢᠵᠢᠭ ᠤᠨ ᠡᠮᠦᠨᠡ ᠬᠡᠨ ᠨᠢ ᠴᠦ ᠵᠣᠷᠢᠭᠳᠠᠢ ᠪᠠᠢ
ᠭᠢᠯᠢᠯᠢᠭ ᠲᠡᠭᠡᠰᠣᠨ ᠡᠴᠡ ᠪᠡᠨ ᠢᠮᠠᠭᠳᠠ ᠣᠢᠷᠠᠬᠠᠨ ᠪᠠᠢ
ᠭᠠᠳᠠᠨᠠ ᠡᠴᠡ ᠢᠷᠡᠬᠦ ᠬᠦᠮᠦᠨ ᠬᠠᠷᠠ ᠶᠢ ᠰᠡᠷᠭᠡᠢᠯᠡ
ᠭᠠᠮᠰᠢᠭ ᠭᠠᠢ ᠶᠢ ᠬᠢᠨᠠᠨ ᠡᠵᠡᠮᠳᠡᠵᠣ ᠬᠡᠷᠰᠡᠦᠯᠡ
ᠲᠠᠨᠢᠯ ᠬᠦᠮᠦᠨ ᠳ᠋ᠡᠭᠡᠨ ᠲᠠᠨᠢᠬᠣ ᠦᠭᠡᠢ ᠶᠣᠮᠰᠢᠭ ᠠᠭᠠᠰᠢᠯᠠ
ᠲᠠᠮᠠᠭᠢᠨ ᠭᠠᠩᠰᠠ ᠪᠡᠨ ᠰᠣᠯᠢᠯᠴᠠᠵᠣ ᠪᠢᠳᠡᠭᠡᠢ ᠨᠠᠭᠠᠰᠢᠯᠠ
ᠲᠠᠨᠤ ᠮᠠᠨᠤ ᠡᠷᠡᠭᠦᠯ ᠮᠡᠨᠳᠦ ᠪᠡᠨ ᠪᠣᠳᠣᠯᠭᠢᠯᠠ
ᠲᠠᠩᠰᠣᠭ ᠵᠢᠷᠭᠠᠯ ᠤᠨ ᠢᠷᠦᠭᠡᠯ ᠬᠡᠯᠡᠭᠡᠳ ᠰᠠᠯᠣᠯᠴᠠ
ᠣᠯᠠᠭᠠᠨ ᠱᠣᠭᠣᠮ ᠤᠨ ᠨᠠᠭᠠᠨᠠ ᠴᠠᠭᠠᠨᠠ ᠡᠴᠡ ᠲᠣᠭᠢᠯᠴᠠ
ᠣᠳᠠᠰᠣᠨ ᠲᠡᠭᠡᠷᠡ ᠪᠡᠨ ᠲᠠᠭᠣ ᠬᠣᠭᠣᠯᠠᠢ ᠠᠪᠣᠯᠴᠠ
ᠣᠷᠳᠣᠬᠠᠨ ᠨᠠᠰᠣᠳᠠᠢ ᠡᠪᠦᠭᠡ ᠨᠢ ᠴᠦ ᠪᠣᠣ ᠠᠶᠣᠯᠭᠠᠭ
ᠠᠭᠣᠯᠵᠠᠬᠣ ᠪᠡᠷ ᠢᠷᠡᠭᠰᠡᠨ ᠦᠭᠡᠢ ᠭᠡᠵᠣ ᠵᠠᠯᠠᠭᠣᠰ ᠲᠠᠭᠠᠨ ᠪᠢᠳᠡᠭᠡᠢ ᠭᠣᠮᠣᠳᠠ
ᠴᠠᠭᠠᠨ ᠰᠠᠷᠠ ᠦᠭᠡᠢ ᠴᠠᠭᠠᠨ ᠰᠠᠷᠠ ᠪᠡᠨ ᠣᠢᠯᠭᠠᠯᠴᠠ
ᠴᠠᠭᠠᠨᠠ ᠶᠠᠭᠣ ᠪᠣᠯᠣᠭᠠ ᠶᠢ ᠰᠡᠷᠭᠡᠢ ᠨᠢᠳᠣ ᠪᠡᠷ ᠬᠠᠷᠠᠯᠴᠠ
ᠴᠠᠭ ᠢ ᠰᠢᠬᠠᠵᠣ ᠲᠠᠢᠨ ᠳ᠋ᠥ ᠪᠣᠰᠢᠭᠣ ᠣᠷᠣᠯᠴᠠ
ᠴᠠᠭᠠᠨ ᠬᠣᠪᠴᠠᠰᠣᠳᠠᠢ ᠬᠣᠰᠢᠭᠣᠴᠢ ᠨᠠᠷ ᠡᠴᠡ ᠰᠣᠷᠣᠯᠴᠠ
ᠴᠢᠳᠠᠯ ᠴᠢᠳᠠᠯᠢᠶᠠᠷᠢᠶᠡᠨ ᠨᠡᠮᠡᠷᠢ ᠬᠠᠨᠳᠢᠪᠢᠶᠡᠨ ᠡᠷᠭᠦ
ᠴᠢᠷᠠᠢ ᠴᠢᠷᠠᠢ ᠪᠠᠷᠢᠶᠡᠨ ᠮᠦᠰᠢᠶᠡᠳᠦ ᠪᠡᠨ ᠴᠦ ᠪᠡᠯᠡᠭᠯᠡᠵᠣ ᠲᠡᠳᠭᠦ
ᠴᠣᠣᠷᠬᠠᠯ ᠤᠨ ᠫᠣᠣ ᠲᠣᠣᠭᠠᠷᠪᠠᠯ ᠴᠢᠭᠢ ᠪᠡᠨ ᠪᠦᠭᠯᠡ
ᠴᠢᠬᠣᠯᠠ ᠲᠠᠢ ᠦᠶᠡ ᠳ᠋ᠥ ᠶᠠᠭᠣ ᠪᠡᠨ ᠴᠦ ᠪᠣᠣ ᠬᠠᠢᠷᠠᠯᠠ
ᠨᠢᠭᠳᠠᠷᠠᠯ ᠪᠣᠯ ᠢᠯᠠᠯᠳᠠ ᠶᠢᠨ ᠲᠣᠭ ᠲᠡᠮᠳᠡᠭ ᠮᠦᠨ
ᠨᠠᠷᠢᠨ ᠨᠢᠮᠪᠠᠢ ᠪᠣᠯ ᠢᠷᠠᠭᠣ ᠰᠠᠢᠬᠠᠨᠤ ᠪᠡᠯᠭᠡ ᠮᠦᠨ
ᠨᠠᠢᠷᠠᠭ ᠰᠢᠯᠦᠭᠢᠶᠠᠷᠢᠶᠡᠨ ᠴᠦ ᠭᠢᠵᠢᠭ ᠤᠨ ᠡᠰᠡᠷᠭᠦ ᠲᠠᠷᠨᠢᠳᠠ
ᠨᠠᠢᠵᠠ ᠨᠠᠷ ᠡ ᠂ ᠢᠯᠠᠯᠳᠠ ᠪᠣᠯ ᠮᠠᠨᠤ ᠭᠢ ᠬᠡᠵᠢᠶᠡᠳᠡ ︕

ᠣᠯᠠᠭᠠᠨᠬᠠᠳᠠ ᠬᠣᠳᠠ ᠶᠢᠨ ᠪᠠᠭᠠᠡᠢᠨ ᠪᠠᠷᠠᠭᠣᠨ ᠬᠣᠰᠢᠭᠣᠨᠤ
ᠳ᠋ᠠᠪᠠᠨ ᠪᠠᠯᠭᠠᠰᠣ ᠶᠢᠨ ᠪᠠᠶᠠᠨᠬᠠᠨ ᠭᠠᠴᠠᠭᠠᠨᠤ ᠮᠠᠯᠴᠢᠨ
ᠣᠳᠠᠰᠣ 17647698505
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠷᠢᠭᠤᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃