2020-04-29 10:53:14
ᠬᠡᠨᠡᠳᠳᠡ ᠡᠭᠦᠰᠦᠭᠰᠡᠨ ᠰᠢᠨᠡ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠬᠢᠵᠢᠭᠤᠨ ᠪᠠᠶᠢᠳᠠᠯ ᠤᠯᠭᠠᠰᠤᠨ ᠰᠢᠷᠦᠭᠦᠰᠴᠦ ᠂ ᠬᠦᠮᠦᠨ ᠠᠷᠠᠳᠢ ᠶᠡᠭᠡᠳᠡ ᠰᠦᠷᠳᠡᠭᠦᠯᠦᠯᠡ ᠃
ᠬᠢᠵᠢᠭᠤᠨ ᠪᠠᠶᠢᠳᠠᠯ ᠪᠤᠯ ᠵᠠᠷᠯᠢᠭ ᠂ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠪᠤᠯ ᠬᠠᠷᠢᠭᠤᠴᠠᠯᠭᠠ ᠂ ᠠᠵᠢᠯᠤᠨ ᠪᠠᠶᠢᠷᠢ ᠪᠤᠯ ᠳᠠᠶᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷ ᠪᠢᠯᠡ ᠃ ᠬᠢᠵᠢᠭᠲᠠᠢ ᠨᠢᠭᠤᠷᠯᠠᠨ ᠳᠠᠶᠢᠨ ᠵᠠᠷᠯᠠᠭᠰᠠᠨ ︽ ᠦᠬᠦᠯ ᠰᠡᠭᠡᠯ ︾ᠤᠨ ᠬᠠᠳᠠᠭᠤ ᠰᠢᠷᠦᠭᠦᠨ ᠳᠠᠶᠢᠯᠠᠯᠳᠤᠭᠠᠨ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠴᠦᠭ ᠪᠤᠯᠤᠩ ᠦᠬᠡᠢ ᠶᠠᠪᠤᠭᠳᠠᠨ ᠪᠦᠬᠦ ᠤᠷᠤᠨᠤ ᠡᠯᠠ ᠠᠵᠢᠯᠤᠨ ᠹᠷᠣᠨᠲᠤᠨᠬᠢᠨ 24 ᠴᠠᠭᠢᠶᠠᠷ ᠵᠢᠵᠢᠭᠦᠷᠯᠡᠬᠦ ᠳᠦᠷᠢᠮᠢ ᠬᠡᠷᠡᠭᠵᠢᠭᠦᠯᠤᠨ ᠂ ᠳᠠᠯᠠ ᠨᠤᠳᠤᠭᠤᠨ 2500 ᠭᠠᠷᠤᠢ ᠲᠦᠮᠡᠨ ᠠᠷᠠᠳ ᠤᠯᠠᠨ ᠪᠦᠬᠦ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠲᠠᠢ ᠮᠥᠷᠥ ᠵᠡᠷᠭᠡᠴᠡᠨ ᠡᠷᠴᠢ ᠵᠤᠷᠢᠭᠢᠶᠡᠨ ᠬᠦᠪᠴᠢᠯᠡᠨ ᠳᠠᠶᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠰᠢᠭᠤᠷᠬᠠᠶᠢᠯᠠᠪᠠ ᠃
ᠠᠯᠳᠠᠨ ᠠᠮᠢᠪᠠᠨ ᠠᠷᠠᠳᠲᠠᠭᠠᠨ ᠡᠷᠭᠦᠭᠰᠡᠨ ᠠᠷᠤᠤᠬᠠᠨ ᠪᠠᠭᠠᠳᠤᠷ
ᠠᠶᠤᠯᠳᠤ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠳᠤᠮᠳᠠ ᠂ ᠬᠢᠩᠭᠠᠨ ᠠᠢᠮᠠᠭᠤᠨ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠳᠤ ᠬᠤᠰᠢᠭᠤᠨᠤ ᠴᠠᠷᠠᠰᠤᠨ ᠪᠠᠯᠭᠠᠰᠤᠨᠤ ᠱᠠᠭᠠᠷᠭᠠᠨ ᠭᠠᠴᠠᠭᠠᠨᠤ ᠪᠤᠤ ᠴᠠᠩ ᠮᠢᠩ ᠦᠪᠡᠷᠢᠶᠡᠨ ᠪᠡᠶᠡ ᠵᠡᠮᠳᠡᠭ ᠪᠠᠢᠭᠰᠠᠨ ᠴᠦ ᠵᠣᠪᠠᠭᠤᠷᠢ ᠵᠦᠳᠡᠭᠦᠷᠢᠶᠢ ᠬᠦᠯᠢᠴᠡᠨ ᠲᠡᠰᠪᠦᠷᠢᠯᠡᠨ ᠨᠢᠭᠡᠨ ᠭᠠᠴᠠᠭᠠᠨᠤ ᠡᠮᠴᠢᠶᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠶᠴᠡᠳᠬᠡᠨ ᠂ ᠪᠥᠬᠥ ᠰᠡᠳᠬᠢᠯ ᠪᠥᠬᠥ ᠵᠣᠷᠢᠭᠢᠶᠠᠷᠢᠶᠡᠨ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠳ᠋ᠤ ᠣᠷᠣᠯᠴᠠᠵᠤ ᠂ ᠠᠮᠢ ᠨᠠᠰᠤᠨᠤ ᠡᠴᠦᠰᠤᠨ ᠨᠢᠭᠡ ᠮᠥᠴᠡ ᠪᠣᠯᠲᠠᠯᠠᠪᠠᠨ ᠠᠵᠢᠯᠯᠠᠵᠠᠢ ᠃
1 ᠰᠠᠷᠠᠶᠢᠨ 13ᠤ ᠡᠳᠦᠷ ᠂ ᠵᠠᠩ ᡁᠢ ᠭᠦᠧᠧ ᠦᠬᠠᠨ ᠬᠤᠳᠠᠡᠴᠠ ᠨᠤᠳᠤᠭᠲᠠᠭᠠᠨ ᠪᠤᠴᠠᠨ ᠢᠷᠡᠵᠤ ᠂ ᠭᠠᠴᠠᠭᠠᠨᠤ ᠠᠷᠠᠳ ᠪᠦᠬᠦᠨᠢᠶᠠᠷᠢᠶᠡᠨ ᠬᠢᠴᠢᠶᠡᠵᠤ ᠪᠠᠢᠬᠤᠳ᠋ᠤ ᠪᠤᠤ ᠴᠠᠩ ᠮᠢᠩ ᠡᠮᠴᠢ ᠬᠦᠮᠦᠨᠤ ᠳᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠᠶᠢ ᠡᠪᠦᠷᠯᠡᠨ ᠂ ᠳᠡᠭᠦᠨᠤ ᠪᠠᠢᠳᠠᠯᠢ ᠡᠳᠦᠷ ᠪᠦᠷᠢ ᠠᠵᠢᠬᠯᠠᠵᠤ ᠪᠠᠢᠯᠠ ᠃ ︽ ᠪᠦᠦ ᠡᠮᠴᠢ ᠮᠠᠨᠤ ᠭᠡᠷᠲᠤ ᠢᠷᠡᠭᠰᠡᠨ ᠬᠠᠮᠤᠭᠤᠨ ᠰᠡᠭᠦᠯᠴᠢᠶᠢᠨ ᠤᠳᠠᠭᠠ ᠪᠣᠯ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠬᠣᠶᠠᠷᠤᠨ ᠦᠳᠡᠶᠢᠨ 12 ᠴᠠᠭ ᠪᠣᠯᠤᠨᠠ ᠂ ᠤᠷᠢᠳᠢᠶᠠᠷ ᠪᠡᠶᠡᠶᠢᠨ ᠬᠠᠯᠠᠭᠤᠨᠢ ᠬᠡᠮᠵᠢᠵᠦ ᠂ ᠳᠠᠷᠠᠭᠠᠨᠢ ᠪᠡᠶᠡᠶᠢ ᠪᠠᠢᠴᠠᠭᠠᠵᠤ ᠂ ᠮᠢᠨᠦ ᠠᠯᠢᠪᠠ ᠪᠦᠬᠦᠨ ᠬᠡᠪᠤᠨ ᠪᠠᠢᠳᠠᠯᠲᠠᠢ ᠪᠠᠢᠬᠤᠶᠢ ᠦᠵᠡᠭᠡᠳ ᠲᠡᠷᠡ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠭᠰᠠᠨ ︾ ᠭᠡᠵᠦ ᠵᠠᠩ ᡁᠢ ᠭᠦᠸᠧ ᠡᠷᠭᠢᠴᠡᠭᠦᠯᠦᠨ ᠬᠡᠯᠡᠪᠡ ᠃ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠬᠣᠶᠠᠷ ᠂ ᠳᠠᠷᠤᠢ 1 ᠰᠠᠷᠠᠶᠢᠨ 26ᠤ ᠡᠳᠦᠷ ᠪᠢᠯᠡ ᠃ ᠳᠤᠰ ᠡᠳᠦᠷᠤᠨ 9 ᠄ 59 ᠴᠠᠭᠲᠤ ᠪᠦᠦ ᠴᠠᠩ ᠮᠢᠩ ᠵᠢᠷᠬᠢᠶᠡᠪᠠᠷ ᠪᠠᠯᠭᠠᠰᠤᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠬᠣᠷᠢᠶᠠᠨᠳ᠋ᠤ ᠭᠠᠳᠠᠨᠠᠡᠴᠠ ᠢᠷᠡᠭᠰᠡᠨ 3 ᠬᠥᠮᠦᠨᠢ ᠳᠡᠩᠰᠡᠯᠡᠵᠦ ᠵᠢᠭᠰᠠᠭᠠᠨ ᠪᠠᠢᠴᠠᠭᠠᠭᠰᠠᠨ ᠪᠠᠢᠳᠠᠯᠢᠶᠡᠨ ᠮᠡᠳᠡᠭᠦᠯᠪᠡ ︔ 14 ᠄ 40 ᠴᠠᠭᠲᠤ ᠵᠢᠷᠬᠢᠶᠡᠪᠠᠷ ᠳᠠᠮᠵᠢᠨ ᠱᠠᠭᠠᠷᠭᠠᠨ ᠭᠠᠴᠠᠭᠠᠨᠤ ᠵᠥᠪᠯᠡᠯᠤᠨ ᠱᠦᠵᠢᠳ᠋ᠤ ᠭᠠᠳᠠᠨᠠᠡᠴᠠ ᠢᠷᠡᠭᠰᠡᠨ 14 ᠬᠥᠮᠦᠨ ᠠᠮᠠᠶᠢᠨ ᠪᠡᠶᠡᠶᠢᠨ ᠳᠤᠯᠠᠭᠠᠨᠢ ᠬᠡᠮᠵᠢᠭᠰᠡᠨ ᠪᠦᠷᠢᠳᠬᠡᠯᠤᠨ ᠬᠦᠰᠦᠨᠦᠭᠲᠦᠪᠠᠨ ᠳᠤᠰᠢᠶᠠᠪᠠ ︔ 19 ᠄ 50 ᠣᠷᠴᠢᠮ ᠂ ᠠᠷᠠᠢ 50 ᠬᠦᠷᠴᠦ ᠪᠠᠢᠭᠠ ᠪᠦᠦ ᠴᠠᠩ ᠮᠢᠩ ᠳᠠᠷᠢᠬᠢᠨᠳ᠋ᠤᠨᠢ ᠴᠢᠰᠤ ᠬᠠᠷᠪᠤᠵᠤ ᠭᠡᠨᠡᠳᠲᠡ ᠮᠠᠨᠠᠷᠠᠵᠤ ᠂ 1 ᠰᠠᠷᠠᠶᠢᠨ 27ᠤ ᠡᠳᠦᠷᠤᠨ 10 ᠄ 15 ᠴᠠᠭᠲᠤ ᠲᠦᠷᠭᠡᠨ ᠠᠪᠤᠷᠠᠯᠳᠠ ᠬᠢᠭᠡᠳ ᠲᠤᠰᠠ ᠪᠤᠯᠤᠭᠰᠠᠨ ᠥᠬᠡᠶ ᠂ ᠡᠪᠡᠳᠴᠢᠨᠲᠠᠢ ᠡᠬᠡᠨᠠᠷ ᠦᠭᠡᠯᠡᠢ ᠪᠤᠯᠤᠭᠠ ᠦᠭᠡᠢ ᠦᠷᠠᠪᠠᠨ ᠤᠷᠬᠢᠭᠠᠳ ᠶᠠᠪᠤᠴᠢᠬᠠᠯᠠ ᠃
ᠪᠤᠤ ᠴᠠᠩ ᠮᠢᠩ ᠶᠠᠪᠤᠴᠢᠬᠠᠯᠠ ᠂ ᠭᠠᠴᠠᠭᠠᠨᠤ ᠠᠷᠠᠳᠤᠨ ᠲᠦᠯᠦᠭᠡ ᠭᠠᠯᠵᠠᠭᠤ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠡᠳ ᠠᠵᠠ ᠪᠤᠰᠤᠪᠠᠷ ᠦᠷᠡᠭᠳᠡᠴᠢᠭᠡᠯᠡ ᠃ 23 ᠵᠢᠯᠤᠨ ᠲᠤᠷᠰᠢ ᠦᠢᠯᠡᠴᠢᠯᠡᠭᠰᠡᠨ ᠭᠠᠴᠠᠭᠠᠨᠤ ᠠᠷᠠᠳᠨᠢ ᠳᠡᠭᠦᠨᠢᠪᠠᠨ ᠦᠭᠡᠢᠯᠡᠨᠡ ᠃ ᠣᠳᠣᠬᠠᠨ ᠪᠣᠯᠲᠠᠯᠠ ᠱᠠᠠᠭᠠᠷᠭᠠᠨ ᠭᠠᠴᠠᠭᠠᠨᠤ ᠮᠦᠩᠭᠡ ᠪᠦᠦ ᠴᠠᠩ ᠮᠢᠩ ᠨᠠᠰᠤ ᠪᠠᠷᠠᠭᠰᠠᠨ ᠬᠡᠳᠡᠭᠢ ᠶᠠᠷᠢᠬᠤ ᠪᠦᠷᠢ ᠄ ︽ ᠳᠡᠷᠡ ᠭᠠᠴᠠᠭᠠᠨᠳ᠋ᠤ ᠡᠮᠴᠢᠯᠡᠭᠰᠡᠨ 23 ᠵᠢᠯᠤᠨ ᠲᠤᠷᠰᠢ ᠂ ᠪᠢ ᠡᠪᠡᠳᠴᠦ ᠬᠠᠪᠤᠳᠤᠭᠰᠠᠭᠠᠷ ᠯᠠ ᠬᠠᠮᠤᠭᠤᠨ ᠳᠦᠷᠦᠭᠦᠨᠳ᠋ᠤ ᠲᠡᠭᠦᠨᠳ᠋ᠤ ᠤᠲᠠᠰᠤᠳᠠᠬᠤᠨᠢ ᠨᠢᠭᠡᠨᠲᠡ ᠨᠢᠭᠡ ᠵᠦᠢᠯᠤᠨ ᠳᠠᠳᠬᠠᠯ ᠪᠣᠯᠵᠠᠢ ᠂ ᠣᠳᠣ ᠁ ︾ ᠭᠡᠳ ᠳᠡᠷᠡ ᠮᠡᠭᠰᠢᠨᠡ ᠃
ᠪᠤᠤ ᠴᠠᠩ ᠮᠢᠩ ᠪᠦᠬᠦ ᠤᠷᠤᠨᠤ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠡᠮᠦᠨᠡ ᠹᠷᠦᠨᠲᠤᠨ ᠡᠯᠡ ᠠᠵᠢᠯᠤᠨ ᠪᠠᠢᠷᠢᠳ᠋ᠤ ᠭᠠᠪᠰᠢᠭᠠᠢᠯᠠᠭᠰᠠᠳᠤᠨ ᠨᠢᠭᠡᠨᠢ ᠪᠢᠯᠡ ᠃ ᠪᠦᠬᠦ ᠤᠷᠤᠨᠳ᠋ᠤ ᠪᠤᠤ ᠴᠠᠩ ᠮᠢᠩᠲᠠᠢ ᠠᠳᠠᠯᠢᠬᠠᠨᠢᠶᠠᠷ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠳᠠᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠠᠯᠳᠠᠨ ᠠᠮᠢᠪᠠᠨ ᠵᠤᠷᠢᠭᠤᠯᠤᠭᠰᠠᠨ ᠪᠠᠭᠠᠳᠤᠷ ᠠᠷᠪᠠᠭᠠᠳ ᠪᠤᠢ ᠃
︽ ᠡᠨᠡ ᠡᠳᠦᠷ ᠮᠢᠨᠦ ᠠᠮᠠᠷᠠᠯᠳᠠ ᠪᠤᠯᠤᠭᠰᠠᠨ ᠴᠦ ᠪᠢ ᠰᠠᠷᠰ ᠡᠪᠡᠳᠴᠢᠨᠲᠠᠢ ᠳᠡᠮᠡᠴᠡᠭᠰᠡᠨ ᠳᠤᠷᠰᠢᠯᠭᠠᠲᠠᠢ ᠂ ᠵᠢᠵᠢᠭᠦᠷᠯᠡᠨ ᠠᠵᠢᠯᠯᠠᠬᠤ ᠠᠶᠠᠨᠴᠢᠨᠤ ᠦᠷᠳᠡᠭᠡ ᠴᠦ ᠮᠢᠨᠦ ᠬᠠᠷᠢᠭᠤᠴᠠᠭᠰᠠᠨ ᠬᠠᠷᠢᠶᠠ ᠭᠠᠵᠠᠷ ᠪᠤᠯᠬᠤᠷ ᠪᠢ ᠪᠠᠢᠳᠠᠯᠢ ᠨᠠᠷᠢᠨ ᠤᠢᠯᠠᠭᠠᠨᠠ ︾ ᠭᠡᠵᠤ ᠲᠦᠴᠢᠦᠸᠠᠨ ᠰᠢᠶᠠᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠴᠠᠭᠳᠠᠭᠠ ᠾᠧ ᠵᠢᠶᠡᠨ ᠬᠤᠸᠠ ᠭᠡᠷᠡᠴᠠᠪᠠᠨ ᠭᠠᠷᠬᠤᠡᠴᠠᠪᠠᠨ ᠡᠮᠤᠨᠡ ᠡᠬᠡᠨᠠᠷᠲᠤᠪᠠᠨ ᠬᠡᠯᠡᠵᠤ ᠰᠠᠨᠠᠭᠠᠴᠢᠯᠠᠭᠠᠡᠴᠠᠪᠠᠨ ᠳᠠᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠮᠤᠷᠳᠠᠯᠡ ᠃ ᠡᠨᠡ ᠡᠳᠦᠷ ᠪᠤᠯ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠬᠤᠶᠠᠷ ᠂ 1 ᠰᠠᠷᠠᠶᠢᠨ 26ᠤ ᠡᠳᠦᠷ ᠪᠤᠯᠤᠨᠠ ᠃ ᠠᠶᠠᠨᠴᠢᠨᠤ ᠦᠷᠳᠡᠭᠡᠳ᠋ᠤ ᠬᠦᠮᠦᠨ ᠤᠯᠠᠨᠳᠠᠢ ᠂ ᠠᠵᠢᠯ ᠦᠷᠨᠢᠭᠦᠯᠬᠦᠳ᠋ᠤ ᠶᠠᠷᠰᠢᠭ ᠲᠦᠪᠡᠭ ᠤᠯᠠᠨᠳᠠᠢ ᠃ ᠦᠳᠡᠶᠢᠨ ᠡᠮᠦᠨᠡᠶᠢᠨ 9 ᠴᠠᠭᠡᠴᠠ ᠡᠬᠢᠯᠡᠨ ᠳᠡᠷᠡᠪᠡᠷ ᠳᠠᠭᠠᠭᠤᠯᠤᠭᠴᠢ ᠦᠢᠯᠡᠳᠦᠯ ᠦᠵᠡᠭᠦᠯᠦᠨ ᠡᠮᠤᠨᠠ ᠹᠷᠤᠨᠲᠲᠤ ᠭᠠᠪᠰᠢᠭᠠᠢᠯᠠᠵᠤ ᠂ ᠤᠷᠤᠢᠶᠢᠨ 9 ᠴᠠᠭᠤᠨ ᠦᠶᠠᠳ᠋ᠤ ᠳᠡᠷᠡ ᠬᠡᠨᠡᠳᠳᠡᠪᠠᠷ ᠳᠠᠷᠢᠬᠢᠨᠳ᠋ᠤᠨᠢ ᠴᠢᠰᠤ ᠬᠠᠷᠪᠤᠭᠰᠠᠨᠢᠶᠠᠷ ᠨᠠᠰᠤ ᠪᠠᠷᠠᠪᠠ ᠃ ᠾᠧ ᠵᠢᠶᠠᠨ ᠬᠤᠸᠠ ᠨᠠᠰᠤ ᠪᠠᠷᠠᠭᠰᠠᠨᠤ ᠳᠠᠷᠠᠭᠠ ᠂ ᠲᠦᠴᠢᠦᠸᠠᠨ ᠰᠢᠶᠠᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ ︽ ᠾᠧ ᠵᠢᠶᠠᠨ ᠬᠤᠸᠠ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠡᠰᠡᠷᠭᠦᠴᠡᠬᠦ ᠭᠠᠪᠰᠢᠭᠠᠶ ᠠᠩᠭᠢ ︾ ᠪᠠᠢᠭᠤᠯᠵᠤ ᠂ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠨᠤ ᠥᠷᠭᠡᠨ ᠣᠯᠠᠨ ᠠᠷᠠᠳᠤᠨ ᠴᠠᠭᠳᠠᠭᠠ ᠨᠠᠷ ᠢᠳᠡᠪᠬᠢᠲᠡᠶᠪᠠᠷ ᠴᠤᠤᠷᠢᠶᠠᠲᠤᠨ ᠳᠠᠭᠠᠵᠤ ᠂ ᠰᠠᠨᠠᠭᠠᠴᠢᠯᠠᠭᠠᠡᠴᠠᠪᠠᠨ ᠪᠠᠢᠯᠳᠤᠭᠠᠨᠳ᠋ᠤ ᠤᠷᠤᠯᠴᠠᠬᠤ ᠭᠤᠶᠤᠴᠢᠯᠠᠯᠤᠨ ᠪᠢᠴᠢᠭ ᠳᠤᠰᠢᠶᠠᠵᠤ ᠪᠠᠢᠯᠠ ᠃
ᠳᠠᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠂ ᠳᠡᠳᠡᠨᠠᠷ ᠪᠡᠶᠠ ᠮᠠᠬᠠᠪᠤᠳᠤᠨ ᠶᠠᠳᠠᠷᠠᠯ ᠵᠦᠳᠡᠷᠡᠯᠢᠶᠡᠨ ᠤᠮᠠᠷᠳᠠᠨ ᠠᠵᠢᠯᠯᠠᠭᠰᠠᠭᠠᠷ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠳᠠᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠬᠠᠯᠠᠭᠤᠨ ᠠᠮᠢᠪᠠᠨ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠤᠯᠡ ᠃
ᠳᠡᠳᠡᠨᠠᠷ ᠢᠳᠡᠷ ᠵᠠᠯᠠᠭᠤ ᠠᠮᠢ ᠨᠠᠰᠤᠪᠠᠨ ᠦᠷᠡᠭᠳᠡᠭᠦᠯᠦᠭᠰᠡᠨ ᠴᠦ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠵᠠᠩᠭᠢᠯᠠᠭᠠᠶᠢᠨ ᠴᠠᠭ ᠮᠥᠴᠡᠳ᠋ᠤ ᠪᠦᠬᠦ ᠬᠦᠴᠦᠨᠢᠶᠠᠷᠢᠶᠡᠨ ᠵᠢᠳᠬᠦᠳᠡᠭ ᠠᠯᠪᠠᠨ ᠵᠠᠷᠤᠴᠠᠶᠢᠨ ᠰᠡᠳᠬᠢᠯᠭᠡ ᠪᠠ ᠬᠠᠷᠠᠮ ᠦᠭᠡᠢ ᠵᠣᠷᠢᠭᠤᠯᠬᠤ ᠵᠣᠷᠢᠭ ᠰᠠᠨᠠᠭᠠᠨᠢ ᠠᠷᠠᠳ ᠲᠦᠮᠡᠨᠤ ᠰᠡᠳᠬᠢᠯᠳ᠋ᠤ ᠮᠦᠩᠭᠡᠷᠡᠭᠦᠨᠢ ᠯᠠᠪᠳᠠᠢ ᠃
ᠦᠭᠦᠯᠢ ᠦᠯᠳᠡᠨ ᠠᠮᠢᠶᠢ ᠬᠠᠮᠠᠭᠠᠯᠠᠬᠰᠠᠨ ᠡᠮᠴᠢ ᠰᠤᠪᠢᠯᠠᠭᠴᠢ
2 ᠰᠠᠷᠠᠶᠢᠨ 3ᠤ ᠡᠳᠦᠷ ᠂ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠠᠶᠢᠨ ᠠᠷᠪᠠᠨ ᠃ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ 77ᠲᠠᠢ ᠵᠢᠶᠠᠩ ᠤᠪᠤᠭᠳᠤ ᠨᠠᠰᠤᠳᠠᠨ ᠰᠢᠨᠠ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠡᠪᠡᠳᠴᠢᠨᠤ ᠢᠯᠡᠷᠡᠯ ᠡᠭᠦᠰᠴᠦ ᠂ 4ᠤ ᠡᠳᠦᠷ ᠤᠨᠤᠰᠢᠯᠠᠭᠰᠠᠨ ᠪᠠᠶᠢᠨᠠ ᠃ 5ᠤ ᠡᠳᠦᠷᠤᠨ 00 ᠄ 38 ᠴᠠᠭᠲᠤ ᠨᠠᠰᠤᠳᠠᠨᠢ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠬᠠᠯᠳᠠᠪᠤᠷᠢᠳᠤ ᠡᠪᠡᠳᠴᠢᠨᠤ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠ ᠳ᠋ᠤ᠋ ᠰᠢᠯᠵᠢᠭᠦᠯᠤᠨ ᠡᠮᠨᠡᠪᠡ ᠃ ᠡᠪᠡᠳᠴᠢᠳᠡᠨ ᠨᠠᠰᠤ ᠠᠬᠢᠭᠰᠠᠨ ᠤᠴᠢᠷᠡᠴᠠ ᠠᠪᠤᠷᠠᠨ ᠵᠠᠰᠠᠬᠤᠳ᠋ᠤ ᠮᠠᠰᠢ ᠶᠡᠭᠡ ᠬᠦᠴᠢᠷᠳᠡᠯ ᠳᠤᠯᠭᠠᠷᠠᠵᠤ ᠂ ᠢᠯᠠᠩᠭᠤᠶᠠ 9ᠤ ᠤᠷᠤᠢᠶᠢᠨ 18 ᠄ 50 ᠴᠠᠭᠲᠤ ᠂ ᠨᠠᠰᠤᠳᠠᠨ ᠠᠮᠢᠰᠬᠤᠭᠠ ᠳᠠᠰᠤᠯᠳᠠᠨ ᠂ ᠵᠢᠷᠤᠭᠡᠨ ᠴᠤᠬᠢᠯᠳᠠᠨᠢ ᠭᠡᠨᠡᠳᠳᠡ ᠤᠳᠠᠭᠠᠰᠢᠷᠠᠪᠠ ᠃ ᠡᠮᠴᠢ ᠨᠠᠷ ᠮᠢᠨᠦ᠋ᠲ ᠰᠧᠺᠦᠢᠨ᠋ᠲᠢ ᠠᠮᠵᠢᠨ ᠲᠦᠷᠭᠡᠨ ᠠᠪᠤᠷᠠᠯᠳᠠ ᠬᠢᠭᠰᠡᠨᠢᠶᠠᠷ 18 ᠄ 59 ᠴᠠᠭᠲᠤ ᠨᠠᠰᠤᠳᠠᠨᠤ ᠠᠮᠢᠶᠢ ᠡᠷᠯᠢᠭᠤᠨ ᠭᠠᠷᠡᠴᠠ ᠡᠬᠡᠬᠦᠯᠦᠨ ᠠᠪᠴᠢᠷᠠᠯᠠ ᠃ ᠢᠩᠬᠢᠭᠡᠳ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠵᠢᠴᠢ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠳᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨᠤ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ 10 ᠭᠠᠷᠤᠢ ᠰᠤᠪᠢᠯᠠᠭᠴᠢ ᠡᠮᠴᠢ ᠡᠭᠡᠯᠵᠢ ᠬᠠᠯᠠᠭᠠᠪᠠᠷ ᠨᠠᠷᠢᠯᠢᠭ ᠰᠤᠪᠢᠯᠠᠬᠰᠠᠨᠤ ᠠᠴᠢᠪᠠᠷ 15 ᠡᠳᠦᠷᠤᠨ ᠳᠠᠷᠠᠭᠠ ᠨᠠᠰᠤᠳᠠᠨᠤ ᠪᠡᠶᠠ ᠳᠡᠩᠭᠡᠷᠡᠵᠠᠢ ᠃
ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠬᠤᠷᠴᠠ ᠰᠢᠷᠦᠭᠦᠨ ᠳᠠᠶᠢᠯᠠᠯᠳᠤᠭᠠᠨᠤ ᠴᠠᠭ ᠮᠦᠴᠡ ᠳ᠋ᠤ᠋ ᠂ ᠮᠠᠨᠤ ᠤᠷᠤᠨ ︽ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠠᠵᠢᠯᠢ ᠳᠤᠬᠠᠢᠶᠢᠨ ᠦᠶᠠᠶᠢᠨ ᠬᠠᠮᠤᠭᠤᠨ ᠴᠢᠬᠤᠯᠠ ᠠᠵᠢᠯ ᠪᠤᠯᠭᠠᠨ ᠠᠳᠬᠤᠨ ︾ ᠠᠷᠠᠳ ᠣᠯᠠᠨᠤ ᠠᠮᠢ ᠨᠠᠰᠤᠨᠤ ᠠᠮᠤᠷ ᠲᠦᠪᠰᠢᠨ ᠪᠠ ᠪᠡᠶᠡ ᠮᠠᠬᠠᠪᠣᠳᠤᠨ ᠡᠷᠡᠭᠦᠯ ᠮᠡᠨᠳᠦᠶᠢ ᠲᠡᠷᠢᠭᠦᠨ ᠪᠠᠶᠢᠷᠢᠨᠳ᠋ᠤ ᠲᠠᠯᠪᠢᠵᠤ ᠂ ᠭᠠᠯ ᠹᠷᠤᠨᠲᠤᠨ ᠡᠯᠡ ᠳᠠᠶᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷᠲᠤ ᠵᠠᠪᠠᠯ ᠢᠯᠠᠬᠤ ᠬᠠᠳᠠᠭᠤ ᠡᠭᠦᠷᠭᠡᠶᠢ ᠬᠦᠯᠢᠶᠡᠯᠠ ᠃
1 ᠰᠠᠷᠠᠶᠢᠨ 25ᠤ ᠡᠳᠤᠷ ᠂ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠨᠢᠭᠡᠨ ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠬᠥᠨᠲᠥ ᠶᠡᠬᠡ ᠭᠡᠨᠡᠳᠲᠡ ᠡᠭᠦᠰᠬᠥ ᠤᠯᠠᠨ ᠨᠡᠶᠢᠲᠡᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠬᠡᠷᠡᠭᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠠᠵᠢᠯᠯᠠᠭᠠᠶᠢ ᠡᠬᠢᠯᠡᠭᠦᠯᠪᠡ ᠃
1 ᠰᠠᠷᠠᠶᠢᠨ 26ᠤ ᠡᠳᠦᠷ ᠂ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠬᠤᠶᠠᠷ ᠂ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠡᠷᠡᠭᠦᠯ ᠮᠡᠨᠳᠤᠶᠢᠨ ᠵᠦᠪᠯᠡᠯ ᠵᠠᠷᠯᠢᠭᠤᠨ ᠪᠢᠴᠢᠭ ᠳᠠᠷᠬᠠᠭᠠᠵᠤ ᠂ ᠪᠦᠬᠦ ᠤᠷᠤᠨᠤ ᠦᠷᠭᠡᠨ ᠤᠯᠠᠨ ᠡᠮᠴᠢ ᠠᠵᠢᠯᠳᠠᠨᠢ ᠵᠢᠯ ᠴᠠᠭᠠᠨ ᠰᠠᠷᠠᠶᠢᠨ ᠠᠮᠠᠷᠠᠯᠳᠠᠶᠢᠨ ᠴᠠᠭᠢᠶᠡᠨ ᠦᠷᠡᠭᠳᠡᠭᠦᠯᠦᠨ ᠂ ᠠᠶᠤᠯᠢ ᠰᠦᠷᠦᠨ ᠂ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠡᠮᠤᠨᠡ ᠹᠷᠤᠨᠲᠲᠤ ᠡᠷᠡᠯᠭᠡᠭᠯᠡᠨ ᠮᠤᠷᠳᠠᠬᠤᠶᠢ ᠤᠷᠢᠶᠠᠯᠠᠪᠡ ᠃
ᠨᠢᠭᠡ ᠤᠳᠠᠭᠠᠨᠤ ᠤᠳᠤᠭᠠ ᠦᠭᠡᠢ ᠳᠠᠶᠢᠨ ᠪᠦᠬᠦ ᠳᠠᠯᠠᠪᠠᠷ ᠡᠬᠢᠯᠡᠯᠡ ᠃
1 ᠰᠠᠷᠠᠶᠢᠨ 26ᠤ ᠡᠳᠦᠷ ᠂ ᠬᠢᠵᠢᠭᠤᠨ ᠪᠠᠴᠢᠮ ᠪᠠᠶᠢᠳᠠᠯᠢ ᠠᠷᠭᠠᠴᠠᠭᠠᠬᠤᠶᠢᠨ ᠳᠤᠰᠠᠳᠠ ᠂ ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠳᠡᠨᠤ ᠶᠡᠭᠡ ᠰᠤᠷᠭᠠᠭᠤᠯᠢᠶᠢᠨ ᠬᠠᠷᠢᠶᠠᠳᠤ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠ ᠡᠮᠴᠢᠯᠡᠬᠦ ᠂ ᠰᠤᠪᠢᠯᠠᠬᠤ ᠂ ᠵᠠᠰᠠᠭᠤᠨ ᠶᠠᠪᠤᠳᠠᠯ ᠵᠡᠷᠭᠡ ᠡᠮᠴᠢ ᠠᠵᠢᠯᠳᠠᠨᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠨᠢᠭᠡᠨ ᠰᠠᠯᠠᠭᠠ ᠬᠤᠰᠢᠭᠤᠴᠢ ᠠᠩᠬᠢᠶᠢ ᠪᠠᠶᠢᠭᠤᠯᠪᠠ ︔
1 ᠰᠠᠷᠠᠶᠢᠨ 28ᠤ ᠡᠳᠦᠷ ᠂ ᠪᠠᠶᠠᠠᠨᠠᠭᠤᠷ ᠬᠤᠳᠠᠶᠢᠨ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠ ᠵᠢᠷᠬᠢᠶᠠᠶᠢᠨ ᠬᠤᠯᠪᠤᠭᠠᠳᠠᠭᠠᠨ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠠᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠪᠠᠴᠢᠮ ᠪᠠᠶᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠠᠩᠬᠢ ᠪᠠᠶᠢᠭᠤᠯᠬᠤ ᠬᠡᠰᠡᠨᠳ᠋ᠦ ᠂ ᠤᠬᠤᠷᠬᠠᠨ 6 ᠴᠠᠭᠤᠨ ᠳᠤᠳᠤᠷᠠ ᠪᠦᠬᠦ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠᠶᠢᠨ 800 ᠭᠠᠷᠤᠢ ᠡᠮᠴᠢ ᠠᠵᠢᠯᠳᠠᠨ ᠤᠷᠤᠯᠴᠠᠬᠤᠪᠠᠷ ᠭᠤᠶᠤᠴᠢᠯᠠᠪᠠ ︔
᠁
ᠡᠳᠦᠷ ᠪᠦᠷᠢ ᠨᠢᠳᠤ ᠬᠠᠮᠠᠭᠠᠯᠠᠬᠤ ᠰᠢᠯᠢᠶᠡᠨ ᠵᠡᠭᠦᠨ ᠂ ᠠᠮᠠᠪᠴᠢᠪᠠᠨ ᠵᠡᠭᠦᠵᠤ ᠂ ᠬᠠᠮᠠᠭᠠᠯᠠᠯᠳᠠᠶᠢᠨ ᠬᠤᠪᠴᠠᠰᠤ ᠂ ᠲᠤᠰᠠᠭᠠᠷᠯᠠᠬᠤ ᠬᠤᠪᠴᠠᠰᠤᠪᠠᠨ ᠳᠠᠪᠬᠤᠷᠯᠠᠵᠤ ᠂ ᠤᠳᠤᠭᠠ ᠦᠬᠡᠢ ᠳᠠᠶᠢᠨᠳ᠋ᠤ ︽ ᠬᠤᠶᠠᠭᠯᠠᠨ ︾ ᠮᠤᠷᠳᠠᠵᠠᠭᠠᠯᠠ ᠁ ︽ ᠦᠨᠦᠳᠦᠷ ᠦᠷᠭᠦᠯᠵᠢᠯᠡᠨ ᠳᠡᠮᠡᠴᠡᠶᠡ ︕ ᠡᠪᠡᠳᠴᠢᠨᠤ ᠸᠢᠷᠦ᠋ᠰᠢ ᠵᠠᠪᠠᠯ ᠢᠯᠡᠶᠠ ︕ ︾ ᠭᠡᠳᠡᠭᠨᠢ ᠬᠢᠵᠢᠭ ᠳᠠᠬᠤᠯ ᠦᠷᠪᠢᠰᠦᠨ ᠳᠡᠯᠬᠡᠷᠡᠭᠰᠡᠨ ᠭᠠᠯ ᠹᠷᠤᠨᠲᠲᠤ ᠬᠠᠳᠠᠭᠤ ᠳᠠᠶᠢᠯᠠᠯᠳᠤᠭᠠᠨ ᠬᠢᠵᠤ ᠪᠠᠶᠢᠭᠠ ᠡᠮᠴᠢ ᠰᠤᠪᠢᠯᠠᠭᠴᠢᠳᠤᠨ ᠶᠡᠷᠦᠳᠡᠶᠢᠨ ᠵᠤᠷᠰᠢᠯ ᠮᠦᠷᠳᠡᠬᠡᠨ ᠬᠢᠵᠢᠭᠢ ᠵᠠᠪᠠᠯ ᠢᠯᠠᠬᠤ ᠳᠤᠩᠬᠠᠭᠯᠠᠯ ᠃
3 ᠰᠠᠷᠠᠶᠢᠨ 19ᠤ ᠡᠳᠦᠷ ᠮᠠᠨᠤ ᠤᠷᠤᠨᠤ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠬᠠᠮᠤᠭᠤᠨ ᠰᠡᠭᠦᠯᠴᠢᠶᠢᠨ ᠨᠢᠭᠡ ᠡᠪᠡᠳᠴᠢᠳᠡᠨ ᠡᠮᠨᠡᠯᠭᠡᠡᠴᠠ ᠭᠠᠷᠬᠤ ᠵᠢᠢ ᠳᠠᠭᠠᠯᠳᠤᠨ ᠂ ᠮᠠᠨᠤ ᠣᠷᠣᠨ ᠰᠢᠨᠡ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠣᠨᠣᠰᠢᠯᠠᠭᠰᠠᠨ ᠡᠪᠡᠳᠴᠢᠨᠤ ᠵᠢᠱᠢᠶᠡ ᠪᠠ ᠰᠡᠵᠢᠭᠯᠡᠯᠳᠡᠢ ᠡᠪᠡᠳᠴᠢᠨᠤ ᠵᠢᠱᠢᠶᠡᠶᠢᠨ ︽ ᠬᠤᠤᠰ ᠳᠡᠭ ︾ᠤᠨ ᠳᠤᠭᠠᠪᠠᠷ ᠱᠠᠳᠤᠴᠢ ᠴᠢᠨᠠᠷᠳᠠᠢ ᠢᠯᠠᠯᠳᠠᠪᠠᠨ ᠳᠤᠩᠬᠠᠬᠯᠠᠪᠠ ᠃
ᠵᠠᠮ ᠬᠠᠷᠢᠯᠴᠠᠭᠠᠶᠢ ᠰᠢᠯᠤᠭᠤᠳᠬᠠᠭᠰᠠᠨ ᠰᠢᠭᠤᠷᠬᠠᠢ ᠪᠠᠢᠯᠳᠤᠭᠴᠢ
ᠣᠨᠴᠠᠭᠠᠶ ᠴᠠᠭ ᠦᠶᠡᠳ᠋ᠤ ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠱᠤᠭᠤᠮᠨᠢ ᠳᠠᠷᠤᠶ ᠠᠮᠢ ᠨᠠᠰᠤᠨᠤ ᠱᠤᠭᠤᠮ ᠪᠣᠯᠳᠠᠭ ᠃ ᠰᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯᠤᠨ ᠬᠢᠵᠢᠭᠤᠨ ᠪᠠᠶᠢᠳᠠᠯ ᠳᠠᠭᠠᠷᠢᠨ ᠢᠷᠡᠬᠦ ᠦᠶᠡᠳ᠋ᠤ ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠹᠷᠣᠨᠲᠲᠤ ᠬᠠᠲᠠᠭᠤ ᠴᠢᠩᠭᠠ ᠰᠢᠯᠭᠠᠯᠳᠠ ᠲᠤᠯᠭᠠᠷᠠᠵᠤ ᠪᠢᠯᠡ ᠃ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠮᠦᠷ ᠵᠠᠮ ᠂ ᠵᠠᠰᠠᠮᠠᠯ ᠵᠠᠮ ᠂ ᠠᠷᠠᠳᠤᠨ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠵᠠᠮ ᠬᠠᠷᠢᠯᠴᠠᠭᠠᠨᠤᠬᠢᠨ ᠦᠳᠲᠡᠷ ᠲᠦᠷᠭᠡᠨ ᠬᠥᠳᠡᠯᠦᠯᠴᠡᠵᠦ ᠂ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠬᠤᠷᠢᠬᠯᠠᠬᠤ ᠪᠥᠬᠥ ᠲᠠᠯᠠᠶᠢᠨ ᠂ ᠪᠣᠰᠣᠭᠠ ᠴᠣᠭᠴᠠᠲᠤ ᠳᠠᠶᠢᠯᠠᠯᠳᠤᠭᠠᠨᠢ ᠡᠬᠢᠯᠡᠭᠦᠯᠪᠡ ᠃
ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠭᠤᠷᠪᠠᠨᠳ᠋ᠤ ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠰᠢᠰᠲ᠋ᠧᠮᠤᠨᠬᠢᠨ ᠳᠠᠶᠢᠴᠢᠯᠠᠯᠲᠠᠶᠢᠨ ᠵᠠᠷᠯᠢᠭ ᠪᠠᠭᠤᠯᠭᠠᠬᠰᠠᠨ ᠲᠤᠰ ᠡᠳᠦᠷ ᠂ ᠦᠬᠠᠢ ᠬᠣᠲᠠᠶᠢᠨ ᠵᠠᠮ ᠲᠡᠭᠡᠭᠡᠪᠦᠷᠢᠶᠢᠨ ᠰᠢᠰᠲ᠋ᠧᠮᠤᠨ 800 ᠭᠠᠷᠤᠶ ᠬᠥᠮᠦᠨ ᠰᠠᠶᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢᠳ᠋ᠤ ᠨᠡᠷᠡ ᠮᠡᠳᠡᠭᠦᠯᠵᠦ ᠂ ᠨᠢᠭᠡ ᠡᠳᠦᠷᠤᠨ ᠴᠠᠭᠲᠤ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ 11 ᠰᠠᠯᠠᠭᠠ ᠰᠠᠶᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢ ᠪᠠᠶᠢᠭᠤᠯᠤᠭᠳᠠᠵᠤ ᠂ ᠪᠥᠬᠥ ᠬᠣᠲᠠᠶᠢᠨ 5 ᠤᠷᠤᠨ ᠰᠠᠭᠤᠴᠠᠶᠢᠨ ᠲᠣᠭᠣᠷᠢᠭ ᠂ 4 ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠪᠠᠶᠢᠴᠠᠭᠠᠬᠤ ᠴᠡᠭᠲᠤ ᠬᠦᠨᠵᠡᠭᠡᠶᠢᠷᠡᠪᠡ ᠃
ᠪᠢᠲᠡᠭᠦᠨᠤ ᠰᠥᠨᠢᠡᠴᠠ 3 ᠰᠠᠷᠠᠶᠢᠨ 31ᠤ ᠡᠳᠦᠷ ᠪᠣᠯᠲᠠᠯᠠᠬᠢ 68 ᠡᠳᠦᠷ ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠷᠠᠳᠤᠨ ᠠᠭᠠᠷᠤᠨ ᠠᠶᠠᠯᠠᠯ ᠨᠢᠰᠬᠡᠯᠤᠨ ᠪᠠᠭᠤᠳᠠᠯᠤᠨ ᠪᠦᠯᠦᠭᠯᠡᠯᠤᠨ ᠭᠠᠵᠠᠷ ᠳᠡᠭᠡᠷᠡᠬᠢ ᠦᠢᠯᠡᠴᠢᠯᠡᠭᠡᠨᠤ ᠺᠣᠮᠫᠠᠨᠢᠶᠢᠨ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢᠶᠢᠨ ᠬᠡᠯᠳᠡᠰ ᠬᠥᠬᠡᠬᠣᠲᠠᠶᠢᠨ ᠨᠢᠰᠬᠡᠯᠤᠨ ᠪᠠᠭᠤᠳᠠᠯᠤᠨ ᠭᠠᠷᠠᠮᠢᠶᠠᠷ ᠣᠷᠣᠵᠤ ᠭᠠᠷᠬᠤ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢᠶᠢᠨ ᠪᠠᠲᠤᠯᠠᠭᠠᠶᠢᠨ ᠡᠭᠦᠷᠭᠡᠶᠢ ᠡᠭᠦᠷᠭᠡᠯᠡᠪᠡ ᠃ ᠬᠢᠵᠢᠭᠤᠨ ᠪᠠᠶᠢᠳᠠᠯ ᠬᠠᠮᠤᠭᠤᠨ ᠬᠦᠨᠳᠦ ᠨᠣᠴᠢᠲᠠᠶ ᠦᠶᠡᠳ᠋ᠤ ᠂ ᠨᠢᠭᠡ ᠡᠳᠦᠷᠲᠤ 16000 ᠠᠮᠠᠪᠴᠢ ᠬᠥᠬᠡᠬᠣᠲᠠᠶᠢᠨ ᠨᠢᠰᠬᠡᠯᠤᠨ ᠪᠠᠭᠤᠳᠠᠯᠡᠴᠠ ᠮᠠᠰᠢ ᠲᠦᠷᠭᠡᠨᠢᠶᠠᠷ ᠪᠣᠭᠣᠮᠲᠠ ᠨᠡᠪᠲᠡᠷᠡᠵᠦ ᠂ ᠡᠮᠦᠨᠡ ᠹᠷᠣᠨᠲᠲᠤ ᠬᠦᠷᠭᠡᠵᠡᠶ ᠃ ︽ ᠪᠢᠳᠡᠨᠤ ᠠᠵᠢᠯᠯᠠᠭᠠ ᠬᠡᠳᠦᠢ ᠬᠤᠷᠳᠤᠨ ᠪᠣᠯᠪᠠᠯ ᠬᠢᠵᠢᠭᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠡᠳ᠋ ᠪᠣᠳᠠᠰ ᠴᠦ ᠲᠡᠳᠦᠢ ᠲᠦᠷᠭᠡᠨᠢᠶᠠᠷ ᠡᠮᠤᠨᠡ ᠹᠷᠣᠨᠲᠲᠤ ᠬᠦᠷᠴᠦ ᠴᠢᠳᠠᠨᠠ ᠂ ᠴᠠᠭ ᠮᠦᠴᠡᠲᠠᠢ ᠤᠷᠤᠯᠳᠤᠨ ᠪᠠᠶᠢᠭᠠ ᠡᠨᠡ ᠬᠦ ᠳᠠᠶᠢᠯᠠᠯᠳᠤᠭᠠᠨᠤ ᠴᠠᠭ ᠦᠶᠠᠳ᠋ᠤ ᠶᠠᠭᠠᠬᠢᠭᠰᠠᠨ ᠴᠤ ᠤᠳᠠᠭᠠᠰᠢᠷᠠᠭᠤᠯᠵᠤ ᠪᠣᠯᠬᠤ ᠥᠬᠡᠶ ︾ ᠭᠡᠵᠤ ᠪᠠᠷᠠᠭᠠᠨᠤ ᠲᠡᠭᠡᠭᠡᠪᠦᠷᠢᠶᠢᠨ ᠬᠡᠯᠳᠡᠰᠤᠨ ᠳᠠᠭᠠᠭᠠᠮᠠᠯ ᠴᠢᠶᠣᠤ ᠳ᠋ᠦᠩ ᠴᠢᠩ ᠬᠡᠯᠡᠨᠡ ᠃ ᠡᠨᠡ ᠬᠦ 68 ᠡᠳᠦᠷᠲᠤ ᠂ ᠴᠢᠶᠣᠤ ᠳ᠋ᠦᠩ ᠴᠢᠩ 17 ᠡᠳᠦᠷᠨᠢ 24 ᠴᠠᠭᠢᠶᠠᠷ ᠵᠢᠵᠢᠭᠦᠷᠯᠡᠨ ᠠᠵᠢᠯᠯᠠᠵᠦ ᠂ ᠭᠠᠷᠠᠭ ᠪᠦᠷᠢ ᠨᠢᠭᠡ ᠯᠡ ᠡᠳᠦᠷᠤᠨ ᠠᠮᠠᠷᠠᠯᠳᠠᠲᠠᠢ ᠃ ᠴᠢᠬᠤᠯᠠ ᠪᠠᠲᠤᠯᠠᠭᠠᠶᠢᠨ ᠡᠭᠦᠷᠭᠡ ᠪᠠᠭᠤᠬᠤ ᠪᠦᠷᠢᠳ᠋ᠤ ᠴᠢᠶᠣᠤ ᠳ᠋ᠦᠩ ᠴᠢᠩ ᠬᠠᠮᠤᠭᠤᠨ ᠲᠦᠷᠦᠭᠦᠨ ᠳ᠋ᠦ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳ᠋ᠤ ᠬᠦᠷᠳᠡᠭ ᠂ ᠡᠨᠡ ᠪᠣᠯ ᠳᠠᠷᠤᠢ ᠠᠶᠤᠯ ᠲᠦᠭᠰᠢᠭᠦᠷᠢᠲᠡᠢ ᠴᠠᠭ ᠦᠶᠡᠳ᠋ᠤ ᠨᠢᠭᠡᠨ ᠵᠠᠮ ᠲᠡᠭᠡᠭᠡᠪᠦᠷᠢᠶᠢᠨ ᠠᠵᠢᠯᠳᠠᠨᠤ ᠡᠭᠦᠷᠭᠡᠯᠡᠯ ᠃
ᠵᠠᠮ ᠬᠠᠷᠢᠯᠴᠠᠭᠠ ᠰᠠᠭᠠᠳ ᠦᠭᠡᠶ ᠨᠡᠪᠲᠡᠷᠡᠬᠦᠶᠢ ᠪᠠᠲᠤᠯᠠᠨ ᠪᠠᠴᠢᠮ ᠪᠠᠶᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠡᠳ᠋ ᠪᠣᠳᠠᠰᠢ ᠵᠥᠭᠡᠭᠡᠪᠦᠷᠢᠯᠡᠬᠦᠨᠢ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠪᠠᠷᠢᠨ ᠭᠦᠢᠴᠡᠳᠬᠡᠬᠦ ᠪᠠᠴᠢᠮ ᠡᠭᠦᠷᠭᠡ ᠪᠣᠯᠤᠨᠠ ᠃ ᠡᠨᠡ ᠬᠦ ᠬᠤᠭᠤᠴᠠᠭᠠᠨ ᠳ᠋ᠦ ᠂ ᠪᠦᠬᠦ ᠤᠷᠤᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠰᠢᠰᠲ᠋ᠧᠮᠤᠨᠬᠢᠨ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ᠡᠳ᠋ ᠪᠣᠳᠠᠰᠤᠨ ᠰᠠᠭᠠᠳ ᠥᠬᠡᠶ ᠨᠡᠪᠲᠡᠷᠡᠬᠦ ᠵᠠᠮᠢ ᠪᠥᠬᠥ ᠬᠦᠴᠦᠨᠢᠶᠠᠷᠢᠶᠡᠨ ᠪᠠᠲᠤᠯᠠᠨ ᠂ ︽ ᠭᠤᠷᠪᠠ ᠦᠭᠡᠢ ᠨᠢᠭᠡ ᠤᠷᠢᠳᠢᠶᠠᠷ ︾ ᠳᠠᠷᠤᠢ ᠪᠠᠶᠢᠴᠠᠭᠠᠬᠤ ᠥᠬᠡᠶ ᠂ ᠲᠡᠷᠭᠡ ᠵᠣᠭᠰᠣᠭᠠᠬᠤ ᠥᠬᠡᠶ ᠂ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ ᠥᠬᠡᠶ ᠂ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ᠡᠳ᠋ ᠪᠣᠳᠠᠰᠢ ᠤᠷᠢᠳᠢᠶᠠᠷ ᠨᠡᠪᠲᠡᠷᠡᠭᠦᠯᠬᠦᠶᠢ ᠪᠠᠲᠤᠯᠠᠬᠤᠶᠢᠨ ᠬᠠᠮᠲᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠪᠠᠲᠤᠯᠠᠭᠠᠶᠢᠨ ᠠᠵᠢᠯᠢ ᠴᠢᠩᠭᠠᠳᠬᠠᠵᠤ ᠂ ︽ ᠨᠢᠭᠡᠶᠢ ᠲᠠᠰᠤᠯᠵᠤ ᠭᠤᠷᠪᠠᠶᠢ ᠲᠠᠰᠤᠯᠳᠠᠭᠤᠯᠬᠤ ᠤᠶᠢᠭᠡᠢ ︾ ᠸᠢᠷᠦ᠋ᠰ ᠲᠠᠷᠬᠠᠭᠠᠬᠤ ᠵᠠᠮᠢ ᠳᠠᠰᠤᠯᠤᠨ ᠂ ᠵᠠᠰᠠᠮᠠᠯ ᠵᠠᠮᠤᠨ ᠵᠠᠮ ᠬᠠᠷᠢᠯᠴᠠᠭᠠᠶᠢ ᠲᠠᠰᠤᠯᠳᠠᠭᠤᠯᠬᠤ ᠦᠭᠡᠶ ᠂ ᠪᠠᠴᠢᠮ ᠪᠠᠶᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠲᠡᠭᠡᠭᠡᠪᠦᠷᠢᠶᠢᠨ ᠰᠠᠭᠠᠳ ᠦᠭᠡᠶ ᠨᠡᠪᠲᠡᠷᠡᠬᠦ ᠵᠠᠮᠢ ᠲᠠᠰᠤᠯᠳᠠᠭᠤᠯᠬᠤ ᠦᠭᠡᠶ ᠂ ᠣᠯᠠᠨ ᠲᠦᠮᠡᠨᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠡᠳ᠋ ᠪᠠᠷᠠᠭᠠᠶᠢ ᠲᠠᠰᠤᠯᠳᠠᠭᠤᠯᠬᠤ ᠦᠭᠡᠶ ᠪᠠᠶᠢᠬᠤᠶᠢ ᠪᠠᠳᠤᠯᠠᠭᠰᠠᠨ ᠪᠠᠶᠢᠨᠠ ᠃
ᠡᠯᠢᠭᠡᠰᠡᠭ ᠬᠠᠶᠢᠷᠠᠪᠠᠨ ᠬᠠᠨᠳᠢᠪᠯᠠᠬᠰᠠᠨ ᠰᠠᠶᠢᠨ ᠳᠤᠷᠠᠴᠤᠤᠯ
ᠪᠦᠬᠦ ᠣᠷᠣᠨᠤ ᠡᠯᠡ ᠭᠠᠵᠠᠷᠤᠨ ᠰᠠᠶᠢᠨ ᠳᠤᠷᠠᠶᠢᠨ ᠠᠵᠢᠯᠯᠠᠭᠰᠠᠳ ᠪᠣᠯᠤᠨ ᠰᠠᠶᠢᠨ ᠳᠤᠷᠠᠶᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠᠶᠢᠨ ᠬᠠᠶᠢᠷᠠ ᠬᠠᠯᠠᠮᠵᠢᠨᠢ ᠬᠠᠪᠤᠷᠤᠨ ᠳᠤᠯᠠᠭᠠᠨ ᠤᠷᠤᠰᠬᠠᠯ ᠪᠤᠯᠵᠤ ᠂ ᠲᠠᠯᠠ ᠨᠤᠲᠤᠭᠤᠨ ᠬᠥᠪᠡᠭᠦᠳ ᠥᠬᠢᠳ ᠪᠦᠯᠬᠦᠮᠳᠡᠨ ᠨᠢᠭᠳᠠᠷᠠᠵᠦ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠢᠯᠠᠨ ᠲᠠᠪᠠᠬᠣᠳ᠋ᠤ ᠬᠦᠴᠦ ᠨᠡᠮᠡᠵᠦ ᠪᠠᠶᠢᠯᠠ ᠃
ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠵᠠᠩᠬᠢᠯᠠᠭᠠᠶᠢᠨ ᠬᠤᠭᠤᠴᠠᠭᠠᠨᠳ᠋ᠤ ᠂ ᠬᠥᠬᠡᠬᠣᠲᠠᠶᠢᠨ ᠠᠷᠪᠠᠨ ᠬᠡᠳᠦᠨ ᠢᠳᠡᠭᠡᠨ ᠤᠮᠳᠠᠭᠠᠨᠤ ᠠᠵᠢᠯ ᠲᠥᠷᠥᠯᠤᠨ ᠠᠵᠢᠯᠯᠠᠭᠰᠠᠳ ᠥᠪᠡᠰᠦᠪᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠂ ᠡᠮᠴᠢ ᠰᠤᠪᠢᠯᠠᠭᠴᠢᠳ ᠂ ᠠᠷᠠᠳᠤᠨ ᠴᠠᠭᠳᠠᠭᠠ ᠂ ᠰᠣᠨᠢᠨ ᠮᠡᠳᠡᠭᠡᠨᠤ ᠠᠵᠢᠯᠲᠠᠳᠲᠤ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶᠪᠠᠷ ᠬᠣᠭᠣᠯᠠ ᠬᠦᠷᠭᠡᠪᠡ ︔ ᠣᠷᠳᠣᠰ ᠬᠣᠲᠠᠶᠢᠨ ᠳ᠋ᠦᠩᠱᠧᠩ ᠲᠣᠭᠣᠷᠢᠭᠤᠨ ᠵᠠᠮ ᠬᠠᠷᠢᠯᠴᠠᠭᠠ ᠵᠡᠭᠡᠯᠢ ᠭᠤᠳᠤᠮᠵᠢᠶᠢᠨ ᠺᠠᠳ᠋ᠷ ᠸᠠᠩ ᠴᠧᠨ ᠦᠪᠡᠷᠤᠨ ᠴᠤᠭᠯᠠᠭᠤᠯᠤᠭᠰᠠᠨ ᠡᠮᠨᠡᠯᠭᠡᠳ᠋ᠤ ᠬᠡᠷᠡᠭᠯᠡᠬᠦ 10000 ᠠᠮᠠᠪᠴᠢ ᠂ 30 ᠢᠵᠢ ᠬᠠᠮᠠᠭᠠᠯᠠᠯᠲᠠᠶᠢᠨ ᠬᠤᠪᠴᠠᠰᠤ ᠂ 50 ᠬᠣᠤᠰ ᠪᠡᠭᠡᠯᠡᠶ ᠂ 500 N95 ᠠᠮᠠᠪᠴᠢᠪᠠᠨ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶᠪᠠᠷ ᠬᠠᠨᠳᠢᠪᠯᠠᠪᠠ ︔ ᠥᠪᠥᠷ ᠮᠣᠩᠭᠣᠯᠤᠨ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨᠤ ᠨᠡᠶᠢᠭᠡᠮᠯᠢᠭᠤᠨ ᠴᠢᠰᠤ ᠬᠠᠨᠳᠢᠪᠯᠠᠬᠤ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢ ᠂ ᠭᠤᠯᠳᠤ ᠪᠤᠷᠤᠶᠢᠨ ᠬᠠᠶᠢᠷᠠ ᠂ ᠬᠥᠬᠡᠬᠣᠲᠠᠶᠢᠨ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨᠤ ᠰᠠᠶᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢᠶᠢᠨ 8 ᠰᠠᠶᠢᠨ ᠲᠤᠷᠠᠴᠤᠤᠯ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠡᠰᠡᠷᠭᠦᠴᠡᠬᠦᠳ᠋ᠤ 3100 ᠮᠢᠯᠢᠯᠢᠲ᠋ᠸᠷ ᠴᠢᠰᠤ ᠬᠠᠨᠳᠢᠪᠯᠠᠪᠠ ᠁ ᠪᠦᠬᠦ ᠤᠷᠤᠨᠤ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠳᠠᠶᠢᠯᠠᠯᠳᠤᠭᠠᠨᠤ ᠡᠮᠤᠨᠡ ᠹᠷᠤᠨᠲᠲᠤ ᠡᠶᠢᠮᠦᠷᠬᠦ ᠵᠢᠱᠢᠶᠡᠶᠢ ᠳᠤᠷᠠᠳᠤᠭᠠᠳ ᠪᠠᠷᠠᠰᠢ ᠥᠬᠡᠶ ᠃
ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦᠶᠢᠨ ᠲᠥᠯᠥᠭᠡ ᠂ ᠪᠥᠬᠥ ᠣᠷᠣᠨᠤ ᠥᠷᠭᠡᠨ ᠣᠯᠠᠨ ᠰᠠᠶᠢᠨ ᠳᠤᠷᠠᠴᠤᠤᠯ ᠂ ᠰᠠᠶᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠᠨᠢ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠳ᠋ᠤ ᠢᠳᠡᠪᠬᠢᠲᠡᠶᠪᠠᠷ ᠣᠷᠣᠯᠴᠠᠵᠤ ᠂ ᠬᠣᠲᠠ ᠬᠥᠳᠡᠭᠡᠶᠢᠨ ᠨᠡᠶᠢᠭᠡᠮ ᠲᠣᠭᠣᠷᠢᠭᠲᠤ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦ ᠮᠡᠳᠡᠯᠭᠡᠶᠢ ᠤᠬᠠᠭᠤᠯᠬᠤ ᠂ ᠵᠢᠭᠰᠠᠭᠠᠨ ᠪᠠᠶᠢᠴᠠᠭᠠᠬᠤ ᠠᠵᠢᠯᠳ᠋ᠤ ᠬᠦᠴᠦᠨ ᠨᠡᠮᠡᠷᠢᠯᠡᠬᠦ ᠂ ᠲᠤᠰᠬᠠᠶ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠬᠤ ᠵᠡᠷᠭᠡ ᠲᠠᠯᠠᠪᠠᠷ ᠢᠳᠡᠪᠬᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠪᠡ ᠃
ᠬᠢᠵᠢᠭᠤᠨ ᠪᠠᠶᠢᠳᠠᠯ ᠡᠭᠦᠰᠦᠭᠰᠡᠨᠡᠴᠠ ᠨᠠᠭᠠᠰᠢ ᠂ ᠪᠥᠬᠥ ᠣᠷᠣᠨᠳ᠋ᠤ ᠨᠡᠶᠢᠲᠡ 5.8 ᠲᠦᠮᠡ ᠭᠠᠷᠤᠶ ᠵᠠᠯᠠᠭᠤ ᠰᠠᠶᠢᠨ ᠳᠤᠷᠠᠴᠤᠤᠯ ᠪᠠ 349 ᠵᠠᠯᠠᠭᠤ ᠰᠠᠶᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭᠡᠨᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠂ ᠨᠡᠶᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠬᠢᠵᠢᠭᠲᠠᠢ ᠳᠠᠮᠡᠴᠡᠭᠦ ᠡᠮᠦᠨᠡ ᠹᠷᠣᠨᠲᠲᠤ ᠦᠢᠯᠡᠴᠢᠯᠡᠵᠦ ᠂ 4420 ᠨᠡᠶᠢᠭᠡᠮ ᠲᠣᠭᠣᠷᠢᠭ ᠰᠢᠶᠠᠩ ᠪᠠᠯᠭᠠᠰᠤ ᠭᠠᠴᠠᠭᠠ ᠲᠣᠰᠬᠣᠨᠢ ᠪᠦᠷᠭᠦᠪᠠ ︔ ᠪᠥᠬᠥ ᠣᠷᠣᠨᠤ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨᠤ ᠨᠡᠶᠢᠭᠡᠮᠯᠢᠭᠤᠨ ᠰᠢᠰᠲ᠋ᠧᠮᠨᠢ 111 ᠰᠠᠯᠠᠭᠠ ᠰᠠᠶᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢᠶᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠂ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨᠤ 11257 ᠰᠠᠶᠢᠨ ᠳᠤᠷᠠᠴᠤᠤᠯᠢ ᠳᠠᠶᠢᠴᠢᠯᠠᠨ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠡᠷᠭᠡᠶᠢᠯᠡᠨ ᠬᠢᠵᠠᠭᠠᠷᠯᠠᠬᠤ ᠠᠵᠢᠯᠳ᠋ᠤ ᠣᠷᠣᠯᠴᠠᠭᠤᠯᠵᠠᠢ ᠃
ᠡᠨᠡ ᠬᠦ ᠬᠣᠶᠠᠷ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳ᠋ᠤ ᠪᠦᠬᠦ ᠤᠷᠤᠨᠤ ᠡᠯᠠ ᠱᠠᠳᠤᠨᠤ ᠡᠯᠠ ᠲᠦᠷᠦᠯᠤᠨ ᠡᠮᠨᠡᠯᠭᠡᠶᠢᠨ ᠬᠤᠷᠢᠶᠠᠶᠢᠨᠬᠢᠨ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠳᠠᠶᠢᠯᠠᠯᠳᠤᠭᠠᠨᠤ ᠡᠮᠤᠨᠡ ᠹᠷᠤᠨᠲᠲᠤ ᠪᠦᠬᠦ ᠬᠦᠴᠦᠨᠢᠶᠠᠷ ᠭᠠᠪᠰᠢᠭᠠᠶᠢᠯᠠᠵᠤ ᠂ ᠨᠢᠰᠬᠡᠯᠤᠨ ᠪᠠᠭᠤᠳᠠᠯ ᠂ ᠳᠡᠷᠭᠡᠨ ᠦᠷᠳᠡᠭᠡ ᠂ ᠦᠢᠯᠡᠳᠪᠦᠷᠢ ᠂ ᠵᠠᠮ ᠬᠠᠷᠢᠯᠴᠠᠭᠠᠶᠢᠨ ᠠᠭᠤᠯᠵᠠᠷ ᠂ ᠭᠠᠴᠠᠭᠠ ᠳᠤᠰᠬᠤᠨ ᠂ ᠨᠡᠶᠢᠭᠡᠮ ᠳᠤᠭᠤᠷᠢᠭᠤᠨ ᠡᠭᠦᠳᠡᠨᠳ᠋ᠤ ᠨᠦᠷᠢᠨ ᠢᠷᠡᠭᠰᠡᠨ ᠬᠢᠵᠢᠭᠢ ᠰᠡᠷᠭᠡᠶᠢᠯᠡᠨ ᠡᠵᠡᠮᠳᠡᠬᠦᠪᠠᠷ ᠡᠯᠠ ᠠᠵᠢᠯᠤᠨ ᠹᠷᠤᠨᠲᠲᠤ ᠠᠵᠢᠯ ᠡᠬᠦᠷᠬᠡᠪᠠᠨ ᠬᠦᠢᠴᠡᠳᠬᠡᠭᠰᠡᠨ ᠠᠷᠠᠳᠤᠨ ᠴᠠᠭᠳᠠᠭᠠ ᠂ ᠨᠡᠶᠢᠭᠡᠮ ᠳᠤᠭᠤᠷᠢᠭᠤᠨ ᠠᠵᠢᠯᠳᠠᠨ ᠠᠵᠢᠯᠴᠢᠨ ᠂ ᠰᠠᠶᠢᠨ ᠳᠤᠷᠠᠴᠤᠤᠯ ᠁ ᠬᠦᠮᠦᠨ ᠪᠦᠬᠦᠨ ︽ ᠪᠠᠶᠢᠯᠳᠤᠭᠴᠢ ︾ᠶᠢᠨ ᠬᠤᠪᠢᠪᠠᠷ ᠤᠨᠳᠠᠵᠤ ᠠᠮᠠᠷᠠᠯ ᠦᠭᠡᠢ ᠡᠳᠦᠷ ᠰᠦᠨᠢᠶᠢᠨ ᠡᠭᠡᠯᠵᠢᠪᠠᠷ ᠵᠢᠵᠢᠭᠦᠷᠯᠡᠨ ᠂ ᠠᠷᠠᠳ ᠤᠯᠠᠨᠤ ᠠᠮᠤᠷ ᠲᠦᠪᠰᠢᠨᠤ ᠲᠦᠯᠦᠭᠡ ᠰᠢᠭᠤᠷᠬᠠᠶᠢᠯᠠᠨ ᠲᠡᠮᠡᠴᠠᠵᠦ ᠂ ᠬᠢᠵᠢᠭᠤᠨ ᠪᠠᠶᠢᠳᠠᠯᠢ ᠰᠠᠷᠭᠡᠶᠢᠯᠡᠨ ᠡᠵᠡᠮᠳᠡᠭᠦ ᠲᠠᠶᠢᠨᠤ ᠲᠠᠯᠠᠪᠤᠷᠲᠤ ᠡᠷᠡᠯᠬᠡᠭᠢᠶᠠᠷ ᠰᠦᠷᠦᠨ ᠤᠷᠤᠭᠰᠢᠯᠠᠭᠰᠠᠨ ᠪᠢᠯᠡ ᠃
ᠤᠯᠠᠨᠤ ᠬᠦᠴᠦᠨᠳ᠋ᠤ ᠤᠪᠤᠭᠠ ᠪᠤᠰᠤᠨᠠ ᠃ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠬᠠᠳᠠᠭᠤ ᠪᠡᠷᠭᠡᠰᠢᠶᠡᠯᠢ ᠬᠠᠮᠳᠤᠪᠠᠷ ᠲᠤᠭᠤᠯᠤᠬᠰᠠᠨ ᠠᠷᠠᠳ ᠤᠯᠠᠨ ᠡᠨᠡ ᠬᠦ ᠤᠳᠤᠭᠠ ᠦᠬᠡᠢ ᠳᠠᠶᠢᠨᠳ᠋ᠤ ︽ ᠰᠢᠨᠠ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ ︾ ᠬᠡᠮᠡᠬᠦ ︽ ᠳᠠᠶᠢᠰᠤᠨ ︾ᠢ ᠳᠠᠷᠤᠵᠦ ᠂ ᠳᠠᠷᠬᠠᠨ ᠴᠤᠯᠠᠪᠠᠨ ᠮᠠᠨᠳᠤᠭᠤᠯᠤᠯᠠ ᠃ ᠡᠨᠡ ᠬᠦ ᠱᠠᠳᠤᠴᠢ ᠴᠢᠨᠠᠷᠳᠠᠢ ᠳᠠᠶᠢᠯᠠᠯᠳᠤᠭᠠᠨᠤ ᠢᠯᠠᠯᠳᠠᠶᠢᠨ ᠳᠡᠮᠳᠡᠭᠯᠡᠯᠤᠨ ᠬᠠᠭᠤᠳᠠᠰᠦᠨᠠ ᠂ ᠡᠮᠤᠨᠡ ᠹᠷᠤᠨᠲᠤᠨ ᠡᠯᠠ ᠠᠵᠢᠯᠤᠨ ᠪᠠᠢᠷᠢᠳ᠋ᠤ ᠭᠠᠪᠰᠢᠭᠠᠢᠯᠠᠬᠰᠠᠳᠤᠨ ᠠᠮᠵᠢᠯᠳᠠ ᠴᠢᠷᠮᠠᠶᠢᠯᠭᠠᠶᠢ ᠳᠡᠮᠳᠡᠭᠯᠡᠬᠦᠰᠢᠳᠡᠢ ᠂ ᠮᠦᠨ ᠴᠦ ᠾᠧ ᠵᠢᠶᠡᠨ ᠬᠤᠸᠠ ᠂ ᠪᠤᠤ ᠴᠠᠩ ᠮᠢᠩ ᠨᠠᠷᠤᠨ ᠠᠶᠤᠯ ᠲᠦᠭᠰᠢᠭᠦᠷᠢᠶᠢ ᠬᠠᠶᠢᠬᠤᠷᠤᠯ ᠦᠭᠡᠢ ᠬᠤᠰᠢᠭᠤᠷᠠᠨ ᠪᠠᠶᠢᠯᠳᠤᠵᠤ ᠂ ᠬᠢᠵᠢᠭᠢ ᠰᠡᠷᠭᠡᠶᠢᠯᠡᠬᠦ ᠭᠠᠯ ᠹᠷᠤᠨᠲᠲᠤ ᠠᠯᠳᠠᠨ ᠠᠮᠢᠪᠠᠨ ᠵᠤᠷᠢᠭᠤᠯᠤᠭᠰᠠᠨ ᠪᠠᠢᠯᠳᠤᠬᠴᠢᠳᠢ ᠨᠡᠩᠳᠡ ᠳᠤᠷᠠᠳᠬᠠᠭᠤᠰᠢᠳᠠᠢ ᠃
ᠳᠤᠤᠭᠠᠷᠪᠠᠯ ᠳᠠᠭᠤ ᠨᠢᠬᠡᠳᠡᠢ ᠳᠤᠭᠳᠤᠷᠪᠠᠯ ᠬᠦᠴᠦᠨ ᠨᠢᠬᠡᠳᠡᠢᠪᠠᠷ ᠡᠷᠡᠰ ᠳᠡᠮᠡᠴᠡᠭᠰᠡᠨ ᠳᠠᠯᠠ ᠨᠤᠳᠤᠭᠤᠨ ᠠᠷᠠᠳ ᠳᠦᠮᠡᠨ ᠱᠠᠳᠤᠴᠢ ᠴᠢᠨᠠᠷᠳᠠᠢ ᠠᠮᠵᠢᠯᠳᠠ ᠪᠦᠳᠦᠮᠵᠢ ᠣᠯᠵᠤ ᠂ ᠦᠬᠦᠯ ᠬᠠᠭᠠᠴᠠᠯᠢ ᠦᠯᠳᠡᠨ ᠠᠮᠢᠯᠠᠯ ᠪᠢᠯᠬᠠᠬᠰᠠᠨ ᠤᠷᠢᠬᠠᠨ ᠬᠠᠪᠤᠷᠢᠶᠡᠨ ᠤᠬᠳᠤᠯᠠ ᠃ ᠡᠶᠡᠪᠡᠷᠬᠦᠦ ᠰᠠᠯᠬᠢᠨ ᠢᠯᠪᠢᠬᠦᠶᠢᠲᠠᠭᠠᠨ ᠦᠪᠦᠷ ᠮᠤᠩᠭᠤᠯᠤᠨ ᠳᠠᠯᠠ ᠬᠦᠳᠡᠬᠡ ᠬᠤᠳᠠ ᠪᠠᠯᠭᠠᠰᠦ ᠪᠦᠬᠦᠨ ᠬᠠᠪᠤᠷᠤᠨ ᠦᠩᠬᠡᠪᠠᠷ ᠮᠦᠰᠢᠶᠡᠵᠦ ᠪᠠᠶᠢᠨᠠ ᠂ ᠤᠳᠤᠬᠠᠨᠳ᠋ᠤ ᠦᠪᠦᠷ ᠮᠤᠩᠭᠤᠯᠤᠨᠬᠢᠨ ᠬᠢᠯᠢᠶᠢᠨ ᠭᠠᠳᠠᠨᠠᠡᠴᠠ ᠤᠷᠤᠵᠤ ᠢᠷᠡᠭᠰᠡᠨ ᠡᠪᠡᠳᠴᠢᠨᠤ ᠵᠢᠱᠢᠶᠡᠶᠢ ᠡᠮᠨᠡᠨ ᠵᠠᠰᠠᠬᠤ ᠠᠵᠢᠯᠳ᠋ᠤ ᠭᠠᠪᠰᠢᠭᠠᠶᠢᠯᠠᠬᠤᠶᠢᠨ ᠬᠠᠮᠳᠤ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠡᠮᠬᠢ ᠳᠢᠭᠯᠢᠮᠢᠶᠡᠨ ᠰᠡᠷᠬᠦᠬᠡᠵᠦ ᠡᠬᠢᠯᠡᠯᠠ ᠃

ᠬᠡᠷᠡᠯᠴᠢ ᠴᠡᠨᠡᠭᠢᠶᠠᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠲᠦᠷᠦᠯ ᠵᠦᠢᠯ ᠪᠠᠷᠢᠯᠭᠠᠶᠢᠨ ᠠᠵᠢᠯᠢᠶᠡᠨ ᠰᠡᠷᠬᠦᠬᠡᠪᠡ ᠃
ᠨᠢᠤ ᠲᠢᠶᠠᠨ ᠵᠢᠶᠠ ᠰᠡᠬᠦᠳᠡᠷᠯᠡᠪᠡ
ᠡᠩᠭᠡ ᠠᠮᠢᠳᠤᠷᠠᠯᠤᠨ ᠳᠠᠷᠬᠠᠨ ᠬᠠᠮᠠᠭᠠᠯᠠᠭᠴᠢ
● ᠭᠤᠸᠠ
ᠰᠢᠨᠡ ᠳᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠦᠯ ᠳᠡᠯᠬᠡᠷᠡᠭᠰᠡᠨ ᠡᠨᠡ ᠭᠦ ᠬᠡᠨᠡᠳᠳᠡᠪᠠᠷ ᠡᠭᠦᠰᠦᠭᠰᠡᠨ ᠬᠦᠨᠳᠦ ᠶᠡᠬᠡ ᠤᠯᠠᠨ ᠨᠡᠢᠳᠡᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠬᠡᠷᠡᠭ ᠶᠠᠪᠤᠳᠠᠯᠨᠢ ᠵᠦᠪᠭᠡᠨ ᠡᠮ ᠡᠮᠨᠡᠯᠭᠡ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠠᠰᠠᠭᠤᠳᠠᠯ ᠪᠢᠰᠢ ᠂ ᠬᠠᠷᠢᠨ ᠪᠦᠬᠦ ᠳᠠᠯᠠᠶᠢᠨ ᠶᠡᠷᠦᠩᠬᠡᠢ ᠳᠠᠢᠯᠠᠯᠳᠤᠭᠠᠨ ᠪᠤᠯᠵᠤ ᠪᠢᠯᠡ ᠃
ᠡᠨᠡ ᠭᠦ ︽ ᠦᠯᠦ ᠬᠠᠷᠠᠭᠳᠠᠬᠤ ︾ ᠳᠠᠢᠨᠤ ᠹᠷᠤᠨᠲ ᠂ ︽ ᠬᠢᠵᠠᠭᠠᠷ ᠦᠭᠡᠢ ︾ ᠳᠠᠢᠯᠠᠯᠳᠤᠭᠠᠨᠤ ᠳᠠᠯᠠᠪᠤᠷ ᠳᠡᠭᠡᠷᠠ ᠂ ᠡᠮᠴᠢ ᠰᠤᠪᠢᠯᠠᠭᠴᠢ ᠂ ᠠᠷᠠᠳᠤᠨ ᠴᠠᠭᠳᠠᠭᠠ ᠂ ᠨᠡᠢᠭᠡᠮ ᠳᠤᠭᠤᠷᠢᠭᠤᠨ ᠠᠵᠢᠯᠳᠠᠨ ᠠᠵᠢᠯᠴᠢᠨ ᠂ ᠰᠠᠢᠨ ᠳᠤᠷᠠᠴᠤᠤᠯ ᠁ ᠡᠳᠡᠭᠡᠷ ᠡᠭᠡᠯ ᠵᠢᠷᠤᠨ ᠬᠦᠮᠦᠰ ᠠᠶᠤᠯ ᠲᠦᠭᠰᠢᠭᠦᠷᠢᠶᠢ ᠰᠦᠷᠦᠨ ᠠᠶᠠᠯᠠᠵᠤ ᠂ ᠬᠤᠪᠢ ᠪᠡᠶᠡᠶᠢᠨ ᠠᠮᠢ ᠨᠠᠰᠤᠪᠠᠷᠢᠶᠡᠨ ᠠᠷᠠᠳ ᠤᠯᠠᠨᠤ ᠠᠮᠢ ᠨᠠᠰᠤᠨᠤ ᠠᠮᠤᠷ ᠲᠦᠪᠰᠢᠨ ᠪᠠ ᠪᠡᠶᠡ ᠮᠠᠬᠠᠪᠤᠳᠤᠨ ᠡᠷᠡᠭᠦᠯ ᠮᠡᠨᠳᠤᠶᠢ ᠬᠠᠮᠠᠭᠠᠯᠠᠵᠤ ᠂ ᠡᠨᠡ ᠭᠦ ᠳᠠᠷᠢᠶᠢᠨ ᠤᠳᠤᠭᠠ ᠦᠭᠡᠢ ᠳᠠᠢᠨᠤ ᠳᠠᠯᠠᠪᠤᠷᠲᠤ ᠦᠭᠦᠵᠤ ᠰᠡᠭᠡᠭᠦᠶᠢ ᠤᠮᠠᠷᠳᠠᠨ ᠂ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠡᠷᠬᠢᠮ ᠨᠠᠨᠳᠢᠨ ᠠᠮᠢ ᠨᠠᠰᠣᠨᠤ ᠲᠦᠯᠦᠭᠡ ᠂ ᠡᠬᠡ ᠣᠯᠣᠰᠤᠨᠢᠶᠡᠨ ᠡᠭᠦᠷᠢᠳᠡᠶᠢᠨ ᠵᠢᠷᠭᠠᠯᠢ ᠴᠣᠬᠴᠠᠯᠠᠬᠤᠶᠢᠨ ᠲᠦᠯᠦᠭᠡ ᠂ ᠬᠠᠯᠠᠭᠤᠨ ᠠᠮᠢ ᠪᠦᠯᠢᠶᠡᠨ ᠴᠢᠰᠦᠪᠠᠨ ᠬᠠᠶᠢᠷᠠᠯᠠᠯ ᠦᠭᠡᠢ ᠵᠣᠷᠢᠭᠤᠯᠤᠨ ᠴᠢᠷᠮᠠᠶᠢᠨ ᠵᠢᠳᠭᠦᠯᠡ ᠃
ᠳᠡᠳᠡ ᠨᠠᠷ ᠬᠦᠮᠦᠨᠤ ᠶᠢᠷᠳᠢᠨᠴᠦᠳ᠋ᠤ ᠵᠠᠢᠯᠠᠰᠢ ᠦᠬᠡᠢ ᠵᠠᠶᠠᠭᠠᠭᠰᠠᠨ ᠪᠠᠭᠠᠳᠤᠷ ᠰᠦᠰᠦᠳᠡᠨ ᠪᠢᠰᠢ ᠂ ᠵᠦᠪᠭᠡᠨ ᠠᠶᠤᠯ ᠲᠦᠭᠰᠢᠭᠦᠷᠢᠶᠢᠨ ᠡᠮᠤᠨᠡ ᠠᠶᠤᠨ ᠰᠦᠷᠳᠡᠭᠦ ᠦᠭᠡᠢ ᠵᠤᠷᠢᠭ ᠰᠦᠰᠦᠶᠢ ᠪᠠᠷᠢᠮᠳᠠᠯᠠᠭᠰᠠᠨ ᠡᠬᠡᠯ ᠲᠦᠷᠦᠬᠦᠳᠡᠨ ᠳᠡᠳᠦᠢ ᠃ ᠳᠡᠳᠡ ᠨᠠᠷ ᠬᠦᠮᠦᠨᠢ ᠪᠢᠰᠢᠷᠡᠭᠦᠯᠦᠮᠠ ᠦᠬᠡ ᠶᠠᠷᠢᠶᠠᠪᠠᠷ ᠪᠢᠰᠢ ᠂ ᠬᠠᠷᠢᠨ ᠬᠠᠢᠷᠠ ᠰᠡᠳᠬᠢᠯᠭᠡ ᠬᠠᠳᠠᠭᠤ ᠵᠤᠷᠢᠭ ᠦᠨᠠᠨ ᠪᠤᠳᠠᠳᠠᠢ ᠦᠢᠯᠡ ᠠᠵᠢᠯᠯᠠᠭᠠᠪᠠᠷᠢᠶᠡᠨ ᠬᠢᠵᠢᠭᠲᠠᠢ ᠳᠡᠮᠡᠴᠡᠭᠦ ᠬᠠᠳᠠᠭᠤ ᠳᠠᠢᠯᠠᠯᠳᠤᠭᠠᠨᠤ ᠭᠠᠯ ᠹᠷᠤᠨᠲᠲᠤ ᠭᠠᠪᠰᠢᠭᠠᠢᠯᠠᠨ ᠂ ᠠᠷᠠᠳ ᠤᠯᠠᠨᠤ ᠠᠮᠢ ᠨᠠᠰᠤᠶᠢ ᠬᠠᠮᠠᠭᠠᠯᠠᠬᠤ ᠳᠠᠢᠴᠢᠨ ᠡᠩᠨᠡᠬᠡ ᠪᠤᠯᠵᠦ ᠵᠤᠭᠰᠤᠭᠰᠠᠨ ᠶᠤᠮ ᠃ ᠳᠡᠳᠡ ᠨᠠᠷ ᠪᠤᠯ ᠨᠡᠷᠡ ᠨᠢᠳᠡᠷᠲᠡᠭᠡᠨ ᠳᠡᠩᠴᠡᠭᠰᠡᠨ ᠳᠠᠯᠠ ᠨᠤᠳᠤᠭᠤᠨ ᠪᠠᠭᠠᠳᠤᠷᠴᠤᠳ ᠂ ᠡᠩᠬᠡ ᠠᠮᠢᠳᠤᠷᠠᠯᠤᠨ ᠳᠠᠷᠬᠠᠨ ᠬᠠᠮᠠᠭᠠᠯᠠᠭᠴᠢ ᠪᠢᠯᠡ ᠂ ᠬᠢᠵᠢᠭᠤᠨ ᠡᠮᠦᠨᠠ ᠰᠦᠷᠳᠡᠰᠢ ᠦᠬᠡᠢ ᠡᠷᠡᠯᠬᠡᠭᠯᠡᠭᠰᠡᠨ ᠳᠡᠳᠡ ᠨᠠᠷ ᠡᠭᠡᠯ ᠵᠢᠷᠤᠨ ᠮᠦᠷᠳᠡᠭᠡᠨ ᠠᠭᠤᠤ ᠶᠡᠭᠡ ︕
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠷᠢᠭᠤᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃