2020-05-08 09:27:21
ᠰᠢᠨᠡ ᠲᠣᠮᠳᠠᠳᠣ ᠣᠯᠣᠰ ᠪᠠᠢᠭᠤᠯᠣᠭᠳᠠᠭᠰᠠᠨᠡᠴᠠ ᠨᠠᠭᠠᠰᠢ ᠂ ᠬᠤᠶᠠᠷ ᠣᠳᠠᠭᠠᠨᠤ ᠣᠯᠠᠨ ᠨᠡᠢᠳᠡᠶᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠬᠡᠷᠡᠭ ᠡᠭᠦᠰᠦᠭᠰᠡᠨ ᠪᠠᠢᠳᠠᠬ ᠃ ᠨᠢᠭᠡᠨᠢ 2003 ᠤᠨᠤ ︽ ᠨᠡᠢᠳᠡᠯᠢᠭ ᠪᠣᠰᠣ ᠬᠡᠯᠪᠡᠷᠢᠶᠢᠨ ᠠᠭᠤᠰᠬᠢᠨ ᠦᠷᠪᠢᠰᠣᠯ ︾ ᠂ ᠨᠢᠭᠡᠨᠢ ᠲᠠᠷᠣᠢ ᠡᠨᠡ ᠣᠳᠠᠭᠠᠨᠤ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯ ᠪᠣᠯᠣᠨᠠ ᠃ ᠵᠠᠰᠠᠭᠤᠨ ᠣᠷᠳᠣᠨ ᠪᠠ ᠭᠤᠣᠯᠯᠠᠨ ᠬᠠᠮᠢᠶᠠᠷᠬᠤ ᠰᠠᠯᠠᠭᠠ ᠮᠦᠴᠢᠷᠡᠴᠠ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠤ ᠲᠣᠭᠳᠠᠭᠠᠨ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠠᠯᠢ ᠣᠯᠠᠨ ᠲᠦᠷᠢᠮᠵᠢᠯ ᠪᠣᠯᠣᠨ ᠪᠣᠳᠠᠳᠦ ᠠᠵᠢᠯᠯᠠᠭᠠᠨᠢ ᠠᠯᠪᠠᠳᠠᠯᠭᠠᠳᠣ ᠴᠢᠨᠠᠷᠳᠠᠢ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠠᠷᠭᠠ ᠪᠠᠷᠢᠯ ᠪᠣᠯᠣᠭᠰᠠᠨ ᠬᠤᠪᠢᠳ᠋ᠤ ᠂ ᠨᠡᠢᠭᠡᠮᠤᠨ ᠡᠯᠡ ᠲᠠᠯᠠᠳ᠋ᠤ ᠯᠣᠳᠣ ᠶᠡᠭᠡ ᠨᠦᠯᠦᠭᠡ ᠭᠠᠷᠭᠠᠬᠤᠨᠢ ᠵᠠᠢᠯᠠᠰᠢ ᠦᠭᠡᠢ ᠃ ᠭᠡᠬᠦᠳ᠋ᠡᠭᠡᠨ ᠡᠨᠡᠬᠦ ᠵᠠᠩᠭᠢᠯᠠᠭᠠᠶᠢᠨ ᠬᠤᠭᠤᠴᠠᠭᠠᠨᠳ᠋ᠤ ᠬᠤᠪᠢ ᠬᠦᠮᠦᠨᠤ ᠬᠤᠭᠤᠷᠣᠨᠳᠤ ᠂ ᠬᠤᠪᠢ ᠬᠦᠮᠦᠨ ᠪᠠ ᠪᠠᠢᠭᠤᠯᠭᠠᠶᠢᠨ ᠬᠤᠭᠤᠷᠣᠨᠳᠣ ᠂ ᠪᠠᠢᠭᠤᠯᠭᠠ ᠪᠣᠯᠣᠨ ᠪᠠᠢᠭᠤᠯᠭᠠᠶᠢᠨ ᠬᠤᠭᠤᠷᠣᠨᠳᠣᠬᠢ ᠢᠷᠭᠡᠨᠤ ᠬᠡᠷᠡᠭᠤᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠬᠠᠷᠢᠴᠠᠭᠠᠶᠢ ᠬᠠᠣᠯᠢ ᠶᠣᠰᠣᠭᠠᠷ ᠵᠦᠢ ᠵᠣᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠬᠦ ᠪᠣᠯ ᠪᠦᠬᠦ ᠨᠡᠢᠭᠡᠮᠤᠨ ᠠᠮᠣᠷ ᠲᠣᠭᠳᠠᠭᠤᠨ ᠪᠠ ᠡᠷᠡᠭᠦᠯᠢᠶᠠᠷ ᠬᠦᠭᠵᠢᠬᠦᠶᠢ ᠪᠠᠳᠣᠯᠠᠬᠤᠶᠢᠨ ᠤᠷᠢᠳᠠᠯ ᠰᠠᠭᠤᠷᠢ ᠪᠣᠯᠬᠤ ᠶᠣᠰᠣᠳᠠᠢ ᠃
ᠨᠢᠭᠡ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠢᠷᠭᠡᠨᠤ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠤ ᠬᠠᠣᠯᠢᠶᠢᠨ ᠠᠰᠠᠭᠤᠳᠠᠯ
ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯ ᠡᠭᠦᠰᠦᠭᠰᠡᠨᠤ ᠲᠠᠷᠠᠭᠠ ᠂ ᠠᠷᠠᠳ ᠣᠯᠠᠨᠤ ᠠᠮᠢ ᠨᠠᠰᠣ ᠂ ᠡᠷᠡᠭᠦᠯ ᠮᠡᠨᠳᠦ ᠂ ᠡᠳ᠋ ᠬᠦᠷᠦᠩᠭᠡᠶᠢᠨ ᠠᠮᠣᠷ ᠲᠦᠪᠰᠢᠨᠢ ᠬᠠᠮᠠᠭᠠᠯᠠᠬᠤᠶᠢᠨ ᠲᠣᠰᠠᠳᠠ ᠡᠯᠡ ᠭᠠᠵᠠᠷ ᠣᠷᠣᠨ ᠂ ᠡᠯᠡ ᠱᠠᠳᠣᠨᠤ ᠵᠠᠰᠠᠭᠤᠨ ᠣᠷᠳᠣᠨᠡᠴᠠ ᠪᠣᠳᠠᠳᠠᠢ ᠪᠠᠢᠳᠠᠯᠢᠶᠡᠨ ᠦᠨᠳᠦᠰᠦᠯᠡᠨ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠪᠦᠳᠦᠮᠵᠢᠳᠠᠢ ᠠᠷᠭᠠ ᠬᠡᠮᠵᠢᠶᠡ ᠠᠪᠣᠭᠰᠠᠨ ᠪᠠᠢᠨᠠ ᠃ ᠶᠠᠷᠢᠶᠠᠨ ᠦᠭᠡᠢ ᠡᠳᠡᠭᠡᠷ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠠᠷᠭᠠ ᠪᠠᠷᠢᠯᠨᠢ ᠶᠡᠷᠦ ᠪᠣᠰᠣᠶᠢᠨ ᠴᠠᠭᠲᠠᠬᠢ ᠨᠡᠢᠭᠡᠮᠤᠨ ᠬᠠᠮᠢᠶᠠᠷᠣᠯᠳᠠᠶᠢᠨ ᠣᠨᠴᠠᠭᠠᠢ ᠬᠡᠯᠪᠡᠷᠢ ᠪᠣᠯᠣᠭᠰᠠᠨᠤ ᠬᠤᠪᠢᠳ᠋ᠤ ᠂ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠬᠠᠷᠢᠴᠠᠭᠠᠨᠳ᠋ᠤ ᠰᠢᠭᠤᠳ ᠨᠦᠯᠦᠭᠡ ᠦᠵᠡᠭᠦᠯᠬᠦᠪᠠᠷ ᠦᠯᠦ ᠪᠠᠷᠠᠮ ᠡᠷᠬᠡ ᠲᠡᠭᠰᠢ ᠪᠡᠶᠡᠴᠢ ᠴᠣᠭᠴᠠᠶᠢᠨ ᠢᠷᠭᠡᠨᠤ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠬᠠᠷᠢᠴᠠᠭᠠᠨᠤ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠡᠷᠬᠡ ᠪᠠ ᠡᠭᠦᠷᠭᠡᠶᠢ ᠲᠠᠬᠢᠨᠳᠠ ᠬᠤᠪᠢᠶᠠᠷᠢᠯᠠᠬᠤ ᠦᠷᠡ ᠳ᠋ᠦᠩᠢ ᠴᠦ ᠪᠣᠢ ᠪᠣᠯᠭᠠᠳᠠᠭ ᠶᠣᠮ ᠃ ᠡᠢᠮᠦᠷᠬᠦ ᠨᠦᠯᠦᠭᠡ ᠲᠣᠰᠬᠠᠯᠨᠢ ᠢᠷᠭᠡᠨᠤ ᠭᠡᠷᠡᠶᠢᠨ ᠬᠠᠷᠢᠴᠠᠭᠠᠨᠳ᠋ᠤ ᠨᠡᠩ ᠴᠦ ᠢᠯᠭᠤᠮ ᠪᠣᠳᠠᠳᠠᠢ ᠲᠣᠰᠬᠠᠭᠳᠠᠳᠠᠭ ᠶᠤᠮ ᠃
2 ᠰᠠᠷᠠᠶᠢᠨ 14ᠤ ᠡᠳᠦᠷ ᠨᠡᠢᠳᠡᠯᠡᠵᠦ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠂ ᠦᠪᠦᠷ ᠮᠣᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠦᠨᠳᠦᠷ ᠵᠡᠷᠭᠡᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠶᠢᠨ ︽ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠳ᠋ᠤ ᠬᠤᠯᠪᠣᠭᠳᠠᠬᠤ ᠢᠷᠭᠡᠨᠤ ᠪᠠ ᠬᠤᠳᠠᠯᠳᠣᠭᠠᠨᠤ ᠬᠡᠷᠡᠭᠢ ᠰᠢᠭᠦᠬᠦ ᠬᠠᠮᠢᠶᠠ ᠪᠦᠬᠦᠢ ᠠᠰᠠᠭᠤᠳᠠᠯᠤᠨ ᠲᠣᠬᠠᠢ ᠵᠢᠯᠣᠭᠤᠳᠣᠮᠵᠢ ︾ᠳ᠋ᠤ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯ ᠪᠣᠯ ᠢᠷᠭᠡᠨᠤ ᠬᠠᠣᠯᠢᠶᠢᠨ ᠶᠡᠷᠦᠩᠬᠡᠢ ᠲᠦᠷᠢᠮᠳ᠋ᠠᠬᠢ ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨᠳ᠋ᠤ ᠲᠣᠭᠠᠴᠠᠭᠳᠠᠨᠠ ᠭᠡᠵᠦ ᠵᠢᠭᠠᠨ ᠭᠠᠷᠭᠠᠵᠠᠢ ᠃ 2020 ᠣᠨᠤ 4 ᠰᠠᠷᠠᠶᠢᠨ 20ᠤ ᠡᠳᠦᠷ ᠠᠷᠠᠳᠤᠨ ᠲᠡᠭᠡᠳᠦ ᠰᠢᠭᠦᠬᠦ ᠬᠤᠷᠢᠶᠠ ︽ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠳ᠋ᠤ ᠬᠤᠯᠪᠣᠭᠳᠠᠬᠤ ᠢᠷᠭᠡᠨᠤ ᠬᠡᠷᠡᠭᠢ ᠬᠠᠣᠯᠢ ᠶᠣᠰᠣᠭᠠᠷ ᠲᠣᠬᠢᠷᠠᠮᠵᠢᠳᠠᠢ ᠰᠢᠭᠦᠬᠦ ᠡᠳᠦᠢ ᠲᠡᠳᠦᠢ ᠠᠰᠠᠭᠤᠳᠠᠯᠤᠨ ᠲᠣᠬᠠᠢ ᠵᠢᠯᠣᠭᠤᠳᠬᠤ ᠰᠠᠨᠠᠯ ︾ᠢ ᠨᠡᠢᠳᠡᠯᠡᠵᠦ ᠂ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠵᠢᠯᠯᠠᠭᠠᠨᠤ ᠲᠣᠮᠳᠠ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠳ᠋ᠤ ᠬᠤᠯᠪᠣᠭᠳᠠᠬᠤ ᠢᠷᠭᠡᠨᠤ ᠬᠡᠷᠡᠭᠢ ᠬᠠᠣᠯᠢ ᠶᠣᠰᠣᠭᠠᠷ ᠬᠡᠷᠬᠢᠨ ᠵᠣᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠬᠦ ᠲᠣᠬᠠᠢ ᠲᠦᠷᠢᠮᠵᠢᠯᠤᠨ ᠦᠨᠳᠦᠰᠦᠯᠡᠯᠢ ᠬᠠᠩᠭᠠᠭᠰᠠᠨ ᠪᠠᠢᠨᠠ ᠃ ︽ ᠢᠷᠭᠡᠨᠤ ᠬᠠᠣᠯᠢᠶᠢᠨ ᠶᠡᠷᠦᠩᠬᠡᠢ ᠲᠦᠷᠢᠮ ︾ ᠂ ︽ ᠭᠡᠷᠡᠶᠢᠨ ᠬᠠᠣᠯᠢ ︾ ᠵᠡᠷᠭᠡ ᠢᠷᠭᠡᠨᠤ ᠬᠠᠣᠯᠢ ᠴᠠᠭᠠᠵᠠ ᠵᠢᠴᠢ ᠲᠡᠭᠡᠷᠡ ᠶᠠᠷᠢᠭᠰᠠᠨ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠪᠦᠬᠦ ᠣᠯᠣᠰᠤᠨ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤᠨ ᠶᠡᠭᠡ ᠬᠤᠷᠠᠯᠤᠨ ᠪᠠᠢᠩᠭᠤᠶᠢᠨ ᠬᠤᠷᠢᠶᠠᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠵᠦᠪᠯᠡᠯᠤᠨ ︽ ᠬᠠᠷᠢᠭᠤ ︾ ᠂ ᠠᠷᠠᠳᠤᠨ ᠲᠡᠭᠡᠳᠦ ᠰᠢᠭᠦᠬᠦ ᠬᠤᠷᠢᠶᠠᠶᠢᠨ ︽ ᠵᠢᠯᠣᠭᠤᠳᠬᠤ ᠰᠠᠨᠠᠯ ︾ ᠪᠣᠯᠣᠨ ᠮᠠᠨᠤ ᠣᠷᠣᠨᠤ ᠦᠨᠳᠦᠷ ᠵᠡᠷᠭᠡᠶᠢᠨ ᠰᠢᠭᠦᠬᠦ ᠬᠤᠷᠢᠶᠠᠶᠢᠨ ︽ ᠵᠢᠯᠣᠭᠤᠳᠣᠮᠵᠢ ︾ ᠵᠡᠷᠭᠡᠶᠢ ᠦᠨᠳᠦᠰᠦᠯᠡᠪᠡᠯ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠢᠷᠭᠡᠨᠤ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠤ ᠬᠠᠣᠯᠢᠶᠢᠨ ᠠᠰᠠᠭᠤᠳᠠᠯᠤᠳᠲᠤ ᠲᠣᠣᠷᠠᠬᠢ ᠮᠡᠳᠦ ᠵᠠᠳᠠᠯᠣᠯᠳᠠ ᠬᠢᠵᠦ ᠪᠣᠯᠣᠨᠠ ᠃
︵ ᠨᠢᠭᠡ ︶ ᠢᠷᠭᠡᠨᠤ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠳ᠋ᠠᠬᠢ ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨᠤ ᠲᠣᠬᠠᠢ
︽ ᠢᠷᠭᠡᠨᠤ ᠬᠠᠣᠯᠢᠶᠢᠨ ᠶᠡᠷᠦᠩᠬᠡᠢ ᠲᠦᠷᠢᠮ ︾ᠤᠨ 180 ᠳ᠋ᠤᠭᠠᠷ ᠵᠣᠢᠯᠤᠨ ᠬᠤᠶᠠᠳᠤᠭᠠᠷ ᠪᠠᠳᠠᠭ ᠪᠣᠯᠣᠨ ︽ ᠭᠡᠷᠡᠶᠢᠨ ᠬᠠᠣᠯᠢ ︾ᠶᠢᠨ 117 ᠳ᠋ᠤᠭᠠᠷ ᠵᠣᠢᠯᠤᠨ ᠬᠤᠶᠠᠳᠤᠭᠠᠷ ᠪᠠᠳᠠᠭᠤᠨ ᠲᠣᠭᠳᠠᠭᠠᠯᠢ ᠦᠨᠳᠦᠰᠦᠯᠡᠪᠡᠯ ᠂ ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨ ᠭᠡᠳᠡᠭ ᠪᠣᠯ ᠣᠷᠢᠳᠴᠢᠯᠠᠨ ᠮᠡᠳᠡᠵᠦ ᠦᠯᠦ ᠴᠢᠳᠠᠬᠤ ᠂ ᠵᠠᠢᠯᠠᠰᠬᠢᠵᠣ ᠦᠯᠦ ᠴᠢᠳᠠᠬᠤ ᠮᠦᠷᠳᠡᠭᠡᠨ ᠢᠯᠠᠨ ᠲᠠᠪᠠᠵᠣ ᠦᠯᠦ ᠴᠢᠳᠠᠬᠤ ᠪᠣᠰᠣᠳᠴᠢ ᠪᠠᠢᠳᠠᠯᠢ ᠵᠢᠭᠠᠳᠠᠭ ᠃ ᠬᠤᠷᠢᠬᠯᠠᠭᠳᠠᠰᠢ ᠦᠭᠡᠢ ᠬᠦᠴᠦᠨᠨᠢ ᠭᠡᠷᠡᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠬᠠᠷᠢᠭᠤᠴᠠᠯᠭᠠᠡᠴᠠ ᠬᠡᠯᠳᠦᠷᠢᠭᠦᠯᠬᠦ ᠨᠦᠬᠦᠴᠡᠯ ᠪᠣᠯᠣᠭᠰᠠᠨ ᠬᠤᠪᠢᠳ᠋ᠤ ᠲᠡᠷᠡᠨᠢ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠪᠡᠶᠡᠴᠢ ᠲᠠᠯᠠᠶᠢᠨ ᠣᠰᠣᠯ ᠪᠣᠷᠣᠭᠤᠡᠴᠠ ᠰᠢᠯᠳᠠᠭᠠᠯᠠᠭᠳᠠᠭᠰᠠᠨ ᠪᠢᠰᠢ ᠬᠠᠷᠢᠨ ᠭᠡᠷᠡ ᠲᠣᠭᠳᠠᠭᠰᠠᠨᠤ ᠲᠠᠷᠠᠭᠠ ᠭᠡᠷᠡᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨ ᠣᠷᠢᠳᠴᠢᠯᠠᠨ ᠰᠡᠷᠭᠡᠢᠯᠡᠵᠦ ᠲᠡᠢᠯᠬᠦ ᠦᠭᠡᠢ ᠂ ᠡᠵᠡᠮᠳᠡᠵᠦ ᠲᠡᠢᠯᠬᠦ ᠦᠭᠡᠢ ᠬᠡᠷᠡᠭ ᠡᠭᠦᠰᠴᠦ ᠭᠡᠷᠡᠶᠢ ᠭᠦᠢᠴᠡᠳᠬᠡᠵᠦ ᠲᠡᠢᠯᠬᠦ ᠦᠭᠡᠢ ᠪᠣᠶᠣ ᠪᠣᠯᠵᠤᠭᠠ ᠶᠣᠰᠣᠭᠠᠷ ᠭᠦᠢᠴᠡᠳᠬᠡᠵᠦ ᠲᠡᠢᠯᠬᠦ ᠦᠭᠡᠢ ᠪᠠᠢᠵᠣ ᠂ ᠬᠠᠷᠢᠭᠤᠴᠠᠯᠭᠠᠳᠣ ᠬᠦᠮᠦᠨᠨᠢ ᠬᠠᠣᠯᠢ ᠶᠣᠰᠣᠭᠠᠷ ᠬᠡᠰᠡᠭ ᠬᠠᠷᠢᠭᠤᠴᠠᠯᠭᠠ ᠪᠣᠶᠣ ᠪᠦᠬᠦ ᠬᠠᠷᠢᠭᠤᠴᠠᠯᠭᠠᠡᠴᠠ ᠬᠡᠯᠳᠦᠷᠢᠳᠡᠭ ᠪᠠᠢᠨᠠ ᠃
︵ ᠬᠤᠶᠠᠷ ︶ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠢᠷᠭᠡᠨᠤ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦ ᠦᠨᠳᠦᠰᠦᠨ ᠵᠠᠷᠴᠢᠮ ᠪᠣᠯᠣᠨ ᠠᠷᠭᠠ ᠬᠡᠯᠪᠡᠷᠢ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠪᠦᠳᠦᠮᠵᠢᠳᠠᠢ ᠰᠢᠢᠳᠪᠦᠷᠢᠯᠡᠬᠦᠳ᠋ᠤ ᠭᠡᠷᠡᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨᠡᠴᠠ ᠬᠤᠪᠢ ᠪᠠ ᠠᠯᠪᠠᠨᠤ ᠬᠤᠶᠠᠷ ᠲᠠᠯᠠᠶᠢᠨ ᠠᠪᠣᠷᠠᠨ ᠲᠣᠰᠠᠯᠠᠬᠤ ᠠᠷᠭᠠ ᠵᠠᠮᠢ ᠰᠦᠪᠡᠭᠴᠢᠯᠡᠵᠦ ᠪᠣᠯᠳᠠᠭ ᠃ ᠬᠤᠪᠢᠶᠢᠨ ᠲᠠᠯᠠᠶᠢᠨ ᠠᠪᠣᠷᠠᠨ ᠲᠣᠰᠠᠯᠠᠬᠤ ᠠᠷᠭᠠ ᠵᠠᠮᠢᠶᠠᠷ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦᠳ᠋ᠤ ᠪᠣᠳᠠᠳᠣ ᠪᠠᠢᠳᠠᠯᠢ ᠬᠦᠨᠳᠦᠳᠬᠡᠨ ᠂ ᠬᠠᠷᠢᠯᠴᠠᠨ ᠣᠢᠯᠠᠭᠠᠯᠴᠠᠨ ᠵᠦᠪᠳᠡᠯᠴᠡᠬᠦ ᠵᠠᠷᠴᠢᠮᠢ ᠵᠢᠷᠣᠮᠯᠠᠵᠣ ᠂ ᠠᠯᠪᠠᠨᠤ ᠲᠠᠯᠠᠡᠴᠠ ᠠᠪᠴᠣ ᠬᠡᠯᠡᠪᠡᠯ ᠂ ᠣᠯᠠᠨ ᠡᠰᠢᠵᠢᠭᠦᠯᠦᠯᠳᠡᠶᠢᠨ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦ ᠵᠠᠷᠴᠢᠮ ᠂ ᠲᠦᠪ ᠭᠤᠣᠯᠴᠢ ᠵᠠᠷᠴᠢᠮ ᠪᠠ ᠴᠢᠯᠦᠭᠡᠳᠦ ᠲᠠᠰᠣᠯᠣᠨ ᠲᠣᠭᠳᠠᠭᠠᠯᠳᠠᠶᠢᠨ ᠡᠷᠬᠡᠶᠢ ᠬᠠᠣᠯᠢ ᠶᠣᠰᠣᠭᠠᠡᠷ ᠠᠮᠢᠳᠣᠯᠢᠭ ᠬᠡᠷᠡᠭᠯᠡᠬᠦ ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠭᠰᠠᠨ ᠪᠠᠢᠪᠠᠯ ᠵᠣᠬᠢᠰᠳᠠᠢ ᠃
1. ᠵᠦᠪᠳᠡᠯᠴᠡᠨ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠬᠡᠯᠪᠡᠷᠢ
ᠬᠢᠵᠢᠭᠤᠨ ᠪᠠᠢᠳᠠᠯ ᠭᠠᠷᠣᠭᠰᠠᠨᠤ ᠲᠠᠷᠠᠭᠠ ᠡᠷᠡᠭᠦᠯ ᠬᠠᠮᠠᠭᠠᠯᠠᠯ ᠂ ᠠᠮᠣᠷ ᠲᠦᠪᠰᠢᠨ ᠵᠡᠷᠭᠡ ᠰᠢᠯᠳᠠᠭᠠᠨ ᠵᠢᠴᠢ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠪᠠᠷᠢᠯᠡᠴᠠ ᠪᠣᠯᠵᠣ ᠂ ᠣᠣᠯᠤᠨ ᠣᠢᠯᠡᠳᠪᠦᠷᠢ ᠬᠤᠳᠠᠯᠳᠣᠭᠠᠨᠤ ᠡᠮᠬᠢ ᠵᠢᠷᠦᠮ ᠡᠪᠳᠡᠭᠳᠡᠨ ᠬᠠᠷᠢᠭᠤᠴᠠᠯᠭᠠᠳᠣ ᠬᠦᠮᠦᠨᠨᠢ ᠭᠡᠷᠡᠶᠢ ᠭᠦᠢᠴᠡᠳᠬᠡᠵᠦ ᠲᠡᠢᠯᠬᠦ ᠦᠭᠡᠢ ᠪᠣᠶᠣ ᠪᠣᠯᠵᠤᠭᠠ ᠶᠣᠰᠣᠭᠠᠷ ᠭᠦᠢᠴᠡᠳᠬᠡᠵᠦ ᠲᠡᠢᠯᠬᠦ ᠦᠭᠡᠢ ᠪᠠᠢᠳᠠᠯ ᠭᠠᠷᠳᠠᠭ ᠪᠠᠢᠨᠠ ᠃ ᠡᠢᠮᠦᠡᠴᠠ ᠭᠡᠷᠡᠶᠢᠨ ᠡᠯᠡ ᠲᠠᠯᠠᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨᠳ᠋ᠤ ᠠᠪᠴᠣ ᠦᠵᠡᠪᠡᠯ ᠂ ᠪᠣᠳᠠᠳᠣ ᠪᠠᠢᠳᠠᠯᠢ ᠬᠦᠨᠳᠦᠳᠬᠡᠨ ᠂ ᠬᠠᠷᠢᠯᠴᠠᠨ ᠣᠢᠯᠠᠭᠠᠯᠴᠠᠨ ᠵᠦᠪᠳᠡᠯᠴᠡᠬᠦ ᠵᠠᠷᠴᠢᠮ ᠶᠣᠰᠣᠭᠠᠷ ᠬᠠᠮᠳᠣᠳ᠋ᠤ ᠠᠰᠢᠭᠳᠠᠢ ᠠᠷᠭᠠ ᠬᠡᠯᠪᠡᠷᠢᠪᠠᠷ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠵᠤᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠪᠠᠯ ᠵᠤᠬᠢᠨᠠ ᠃
2. ᠣᠯᠠᠨ ᠡᠰᠢᠳᠤ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠬᠡᠯᠪᠡᠷᠢ
ᠵᠦᠪᠳᠡᠯᠴᠡᠨ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠬᠡᠯᠪᠡᠷᠢᠨᠢ ᠬᠡᠳᠦᠢᠢᠪᠡᠷ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦ ᠲᠣᠬᠢᠷᠠᠮᠵᠢᠳᠠᠢ ᠠᠷᠭᠠ ᠵᠠᠮ ᠪᠠᠢᠭᠰᠠᠨ ᠴᠦ ᠂ ᠭᠡᠷᠡᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨᠳ᠋ᠤ ᠠᠪᠴᠣ ᠬᠡᠯᠡᠪᠡᠯ ᠂ ᠲᠣᠰ ᠪᠡᠶᠡᠶᠢᠨ ᠠᠰᠢᠭ ᠲᠣᠰᠠᠶᠢᠨ ᠪᠣᠳᠣᠯᠬᠢᠯᠠᠯᠡᠴᠠ ᠰᠢᠯᠳᠠᠭᠠᠯᠠᠭᠳᠠᠨ ᠂ ᠭᠡᠷᠡᠶᠢᠨ ᠡᠯᠡ ᠡᠳᠡᠭᠡᠳᠢ ᠨᠡᠢᠳᠡᠮ ᠬᠠᠷᠠᠭᠠᠯᠵᠠᠨ ᠲᠣᠰ ᠪᠦᠷᠢᠶᠢᠨ ᠠᠰᠢᠭ ᠲᠣᠰᠠᠶᠢ ᠲᠡᠩᠴᠡᠭᠦᠷᠢᠳᠡᠢ ᠪᠠᠢᠯᠭᠠᠬᠤᠳ᠋ᠤ ᠬᠦᠴᠢᠷᠳᠡᠢ ᠪᠠᠢᠬᠤᠨᠢ ᠲᠠᠮᠵᠢᠭ ᠦᠭᠡᠢ ᠃ ᠡᠢᠮᠦᠡᠴᠠ ᠭᠡᠷᠡᠶᠢᠨ ᠡᠯᠡ ᠲᠠᠯᠠᠲᠠᠢ ᠠᠰᠢᠭ ᠬᠤᠣᠷᠤᠨ ᠬᠠᠷᠢᠴᠠᠭᠠ ᠦᠭᠡᠢ ᠭᠤᠷᠪᠠᠳᠠᠭᠴᠢ ᠡᠳᠡᠭᠡᠳᠲᠤ ᠨᠠᠢᠳᠠᠵᠣ ᠂ ᠡᠶᠡᠳᠡᠭᠦᠯᠭᠡᠶᠢᠨ ᠵᠢᠷᠦᠮᠢ ᠰᠣᠩᠭᠤᠬᠤᠳ᠋ᠤ ᠬᠦᠷᠪᠡᠯ ᠂ ᠵᠦᠪᠳᠡᠯᠴᠡᠨ ᠰᠢᠢᠳᠪᠦᠷᠢᠯᠡᠬᠦ ᠠᠷᠭᠠ ᠵᠠᠮᠤᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠵᠣᠢᠯᠡᠰᠢ ᠪᠦᠳᠦᠮᠵᠢᠳᠡᠢ ᠨᠦᠬᠦᠪᠦᠷᠢᠯᠡᠵᠦ ᠪᠣᠯᠣᠨᠠ ᠃
3. ᠵᠠᠷᠭᠤᠶᠢᠨ ᠠᠷᠭᠠ ᠬᠡᠯᠪᠡᠷᠢ
ᠬᠠᠣᠯᠢ ᠪᠠᠷᠢᠯᠳᠠ ᠪᠣᠯ ᠨᠡᠢᠭᠡᠮᠤᠨ ᠲᠦᠪ ᠭᠤᠣᠯᠴᠢ ᠰᠢᠳᠣᠷᠭᠤ ᠶᠣᠰᠣᠶᠢ ᠪᠠᠳᠣᠯᠠᠬᠤ ᠬᠠᠮᠤᠭ ᠡᠴᠦᠰᠤᠨ ᠬᠠᠮᠠᠭᠠᠯᠠᠯᠳᠠᠶᠢᠨ ᠱᠣᠭᠤᠮ ᠪᠣᠯᠣᠨᠠ ᠃ ᠡᠢᠮᠦᠡᠴᠠ ᠵᠠᠷᠭᠤ ᠪᠣᠯ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠲᠣᠢᠯᠪᠣᠷᠢᠳᠠᠢ ᠰᠢᠢᠳᠪᠦᠷᠢᠯᠡᠬᠦ ᠬᠠᠮᠤᠭ ᠰᠡᠭᠦᠯᠤᠨ ᠠᠷᠭᠠ ᠵᠠᠮ ᠪᠠᠢᠬᠤ ᠶᠣᠰᠣᠳᠠᠢ ᠃ ᠬᠠᠣᠯᠢ ᠪᠠᠷᠢᠬᠤ ᠪᠠᠢᠭᠤᠯᠭᠠ ᠪᠣᠯᠣᠭᠰᠠᠨ ᠠᠷᠠᠳᠤᠨ ᠰᠢᠭᠦᠬᠦ ᠬᠤᠷᠢᠶᠠᠨᠢ ᠡᠢᠮᠦᠷᠬᠦ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦᠳ᠋ᠤ ᠲᠣᠣᠷᠠᠬᠢ ᠬᠡᠳᠦᠨ ᠵᠣᠢᠯᠡᠰᠢ ᠠᠩᠬᠠᠷᠠᠬᠤ ᠴᠢᠬᠤᠯᠠᠳᠠᠢ ᠃
︵ 1 ︶ ᠬᠢᠨᠠᠨ ᠪᠠᠢᠴᠠᠭᠠᠬᠤ
ᠲᠣᠬᠠᠢᠶᠢᠨ ᠬᠦᠮᠦᠨᠤ ᠨᠢᠭᠡ ᠲᠠᠯᠠᠨᠢ ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨᠢᠶᠠᠷ ᠡᠰᠡᠷᠭᠦᠴᠡᠨ ᠮᠠᠷᠭᠤᠭᠰᠠᠨ ᠪᠠᠢᠪᠠᠯ ᠠᠷᠠᠳᠤᠨ ᠰᠢᠭᠦᠬᠦ ᠬᠤᠷᠢᠶᠠ ᠬᠢᠵᠢᠭᠤᠨ ᠪᠠᠢᠳᠠᠯ ᠵᠢᠴᠢ ᠵᠠᠰᠠᠭᠤᠨ ᠣᠷᠳᠣᠨᠤ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠬᠡᠮᠵᠢᠶᠡ ᠵᠡᠷᠭᠡᠨᠢ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠡᠷᠬᠡ ᠡᠭᠦᠷᠭᠡᠶᠢᠨ ᠬᠠᠷᠢᠴᠠᠭᠠᠶᠢ ᠬᠢᠷᠢ ᠵᠡᠷᠭᠡ ᠨᠦᠯᠦᠭᠡᠯᠡᠭᠰᠡᠨ ᠪᠠᠢᠳᠠᠯᠢ ᠣᠨᠣᠪᠴᠢᠳᠠᠢ ᠬᠠᠷᠭᠤᠭᠤᠯᠣᠨ ᠪᠠᠢᠴᠠᠭᠠᠵᠣ ᠂ ᠬᠢᠵᠢᠭᠤᠨ ᠪᠠᠢᠳᠠᠯ ᠵᠡᠷᠭᠡᠪᠠᠷ ᠰᠢᠯᠳᠠᠭᠠᠯᠠᠬᠳᠠᠨ ᠬᠠᠷᠢᠭᠤᠴᠠᠯᠭᠠᠡᠴᠠ ᠮᠣᠯᠳᠣᠷᠠᠬᠤ ᠪᠣᠶᠣ ᠵᠦᠢ ᠪᠣᠰᠣ ᠠᠰᠢᠭ ᠣᠯᠬᠤᠡᠴᠠ ᠰᠡᠷᠭᠡᠢᠯᠡᠬᠦ ᠬᠡᠷᠡᠭᠳᠡᠢ ᠃
︵ 2 ︶ ᠰᠢᠭᠦᠨ ᠲᠠᠰᠣᠯᠬᠤ
ᠰᠢᠭᠦᠬᠦ ᠬᠤᠷᠢᠶᠠᠶᠢᠨ ᠲᠠᠯᠠᠳ᠋ᠤ ᠠᠪᠴᠣ ᠬᠡᠯᠡᠪᠡᠯ ᠂ ︽ ᠢᠷᠭᠡᠨᠤ ᠬᠠᠣᠯᠢᠶᠢᠨ ᠶᠡᠷᠦᠩᠬᠡᠢ ᠲᠦᠷᠢᠮ ︾ᠤᠨ 6 ᠳ᠋ᠤᠭᠠᠷ ᠵᠣᠢᠯ ᠪᠣᠯᠣᠨ ︽ ᠭᠡᠷᠡᠶᠢᠨ ᠬᠠᠣᠯᠢ ︾ᠶᠢᠨ 5 ᠳ᠋ᠤᠭᠠᠷ ᠵᠣᠢᠯᠳ᠋ᠤ ᠲᠣᠭᠳᠠᠭᠠᠭᠰᠠᠨ ᠲᠦᠪ ᠭᠤᠣᠯᠴᠢ ᠵᠠᠷᠴᠢᠮᠢ ᠦᠨᠳᠦᠰᠦᠯᠡᠨ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠣᠷᠣᠰᠢᠵᠣ ᠪᠠᠢᠭᠠ ᠪᠣᠰᠣᠳᠴᠢ ᠠᠬᠤᠢ ᠂ ᠪᠡᠶᠡᠴᠢ ᠲᠠᠯᠠᠶᠢᠨ ᠣᠰᠣᠯ ᠪᠣᠷᠣᠭᠤ ᠵᠡᠷᠭᠡᠶᠢ ᠭᠦᠢᠴᠡᠳ ᠪᠣᠳᠣᠯᠬᠢᠯᠠᠭᠰᠠᠨ ᠰᠠᠭᠤᠷᠢᠨ ᠳᠡᠭᠡᠷᠠ ᠴᠢᠯᠦᠭᠡᠳᠦ ᠲᠠᠰᠣᠯᠣᠨ ᠲᠣᠭᠳᠠᠭᠠᠯᠳᠠᠶᠢᠨ ᠡᠷᠬᠡᠶᠢ ᠬᠠᠣᠯᠢ ᠶᠣᠰᠣᠭᠠᠡᠷ ᠠᠮᠢᠳᠣᠯᠢᠭ ᠬᠡᠷᠡᠭᠯᠡᠬᠦ ᠵᠠᠷᠴᠢᠮᠢ ᠵᠢᠷᠣᠮᠯᠠᠨ ᠡᠯᠡ ᠲᠠᠯᠠᠶᠢᠨ ᠲᠣᠬᠠᠢᠶᠢᠨ ᠬᠦᠮᠦᠨᠤ ᠠᠰᠢᠭ ᠲᠣᠰᠠᠶᠢ ᠬᠠᠷᠠᠭᠠᠯᠵᠠᠭᠰᠠᠨ ᠰᠢᠭᠦᠨ ᠲᠠᠰᠣᠯᠣᠯᠳᠠᠶᠢ ᠭᠠᠷᠭᠠᠪᠠᠯ ᠵᠣᠬᠢᠨᠠ ᠃
A. ᠬᠢᠵᠢᠭᠤᠨ ᠪᠠᠢᠳᠠᠯᠡᠴᠠ ᠡᠮᠦᠨᠡ ᠨᠢᠭᠡᠨᠳᠡ ᠲᠣᠭᠳᠠᠭᠰᠠᠨ ᠭᠡᠷᠡᠶᠢ ᠭᠦᠢᠴᠡᠳᠬᠡᠬᠦᠳ᠋ᠤ ᠨᠦᠯᠦᠭᠡ ᠭᠠᠷᠣᠭᠰᠠᠨ ᠪᠠᠢᠪᠠᠯ ᠂ ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨᠤ ᠵᠢᠭᠠᠯᠳᠠᠶᠢ ᠲᠣᠬᠢᠷᠠᠭᠤᠯᠣᠨ ᠬᠡᠷᠡᠭᠯᠡᠵᠦ ᠪᠣᠯᠣᠨᠠ ᠃
B. ᠬᠤᠷᠢᠬᠯᠠᠬᠳᠠᠰᠢ ᠦᠭᠡᠢ ᠬᠦᠴᠦᠨ ᠪᠣᠯᠣᠨ ᠪᠠᠢᠳᠠᠯ ᠬᠤᠪᠢᠷᠠᠬᠤ ᠵᠢᠴᠢ ᠬᠤᠳᠠᠯᠳᠣᠭᠠᠨᠤ ᠠᠶᠣᠯ ᠲᠦᠭᠰᠢᠭᠦᠷᠢ ᠵᠡᠷᠭᠡᠳ᠋ᠤ ᠬᠠᠣᠯᠢ ᠴᠠᠭᠠᠵᠠᠶᠢ ᠣᠨᠣᠪᠴᠢᠳᠠᠢ ᠲᠣᠬᠢᠷᠠᠭᠤᠯᠣᠨ ᠬᠡᠷᠡᠭᠯᠡᠬᠦ ᠬᠡᠷᠡᠭᠳᠡᠢ ᠃
ᠬᠤᠶᠠᠷ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨᠤ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠢᠷᠭᠡᠨᠤ ᠬᠡᠷᠡᠭᠢ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠢ ᠬᠠᠷᠰᠢᠯᠠᠵᠣ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨ ᠪᠠ ᠪᠣᠰᠣᠳ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨ ᠭᠡᠵᠦ ᠬᠤᠪᠢᠶᠠᠵᠣ ᠪᠣᠯᠣᠨᠠ ᠃
︵ ᠨᠢᠭᠡ ︶ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠢ ᠬᠠᠷᠰᠢᠯᠠᠵᠣ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨ
︽ ᠬᠠᠯᠳᠠᠪᠣᠷᠢᠳᠣ ᠡᠪᠡᠳᠴᠢᠨᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠬᠠᠣᠯᠢ ︾ᠶᠢᠨ 77 ᠳ᠋ᠤᠭᠠᠷ ᠵᠣᠢᠯᠳ᠋ᠤ ᠂ ︽ ᠨᠢᠭᠡᠴᠢ ᠪᠠ ᠬᠤᠪᠢ ᠬᠦᠮᠦᠨ ᠲᠣᠰ ᠬᠠᠣᠯᠢᠶᠢᠨ ᠲᠣᠭᠳᠠᠭᠠᠯᠢ ᠵᠦᠷᠢᠴᠡᠭᠰᠡᠨᠡᠴᠠ ᠪᠣᠯᠵᠣ ᠬᠠᠯᠳᠠᠪᠣᠷᠢᠳᠣ ᠡᠪᠡᠳᠴᠢᠨ ᠲᠠᠷᠬᠠᠬᠤ ᠂ ᠲᠡᠯᠭᠡᠷᠡᠬᠦᠳ᠋ᠤ ᠬᠦᠷᠦᠭᠦᠯᠵᠦ ᠂ ᠪᠣᠰᠣᠳᠤᠨ ᠪᠡᠶᠡ ᠮᠠᠬᠠᠪᠣᠳ ᠂ ᠡᠳ᠋ ᠬᠦᠷᠦᠩᠭᠡᠳ᠋ᠤ ᠬᠤᠬᠢᠷᠠᠯ ᠣᠴᠠᠷᠠᠭᠤᠯᠣᠭᠰᠠᠨ ᠪᠠᠢᠪᠠᠯ ᠂ ᠬᠠᠣᠯᠢ ᠶᠣᠰᠣᠭᠠᠷ ᠢᠷᠭᠡᠨᠤ ᠬᠡᠷᠡᠭᠤᠨ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠬᠦ ᠬᠡᠷᠡᠭᠳᠡᠢ ︾ ᠬᠡᠵᠦ ᠲᠤᠬᠳᠠᠭᠠᠬᠰᠠᠨ ᠪᠠᠢᠳᠠᠬ ᠃ ᠡᠭᠦᠨᠡᠴᠠ ᠭᠠᠳᠠᠨᠠ ᠬᠢᠵᠢᠭᠤᠨ ᠬᠤᠭᠤᠴᠠᠭᠠᠨᠳ᠋ᠤ ᠬᠠᠮᠢᠶᠠ ᠪᠦᠬᠦᠢ ᠬᠠᠮᠢᠶᠠᠷᠣᠯᠳᠠᠶᠢᠨ ᠲᠣᠭᠳᠠᠭᠠᠯᠢ ᠵᠦᠷᠢᠴᠡᠨ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠢ ᠡᠭᠦᠷᠭᠡᠯᠡᠵᠦ ᠪᠠᠢᠭᠠ ᠠᠵᠢᠯᠳᠠᠨ ᠪᠣᠯᠣᠨ ᠡᠮᠴᠢᠯᠡᠭᠡᠨᠤ ᠠᠵᠢᠯᠳᠠᠨᠢ ᠴᠣᠬᠢᠬᠤ ᠂ ᠭᠤᠳᠣᠭᠠᠨ ᠬᠠᠷᠢᠶᠠᠬᠤ ᠂ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠡᠷᠡᠭᠰᠡᠯ ᠪᠠ ᠡᠮᠴᠢᠯᠡᠭᠡᠨᠤ ᠬᠡᠷᠡᠭᠰᠡᠯ ᠵᠡᠷᠭᠡᠶᠢ ᠡᠪᠳᠡᠭᠰᠡᠨ ᠪᠠᠢᠪᠠᠯ ᠂ ᠬᠤᠣᠷ ᠠᠮᠰᠠᠭᠴᠢ ᠬᠤᠪᠢ ᠬᠦᠮᠦᠨ ᠪᠠ ᠪᠠᠢᠭᠤᠯᠭᠠᠳ᠋ᠤ ᠪᠣᠷᠣᠭᠤ ᠬᠦᠯᠢᠶᠡᠬᠦ ᠵᠢᠴᠢ ᠲᠦᠯᠦᠪᠦᠷᠢᠯᠡᠬᠦ ᠢᠷᠭᠡᠨᠤ ᠬᠠᠷᠢᠭᠤᠴᠠᠯᠭᠠᠶᠢ ᠡᠭᠦᠷᠭᠡᠯᠡᠬᠦ ᠶᠣᠰᠣᠳᠠᠢ ᠃
︵ ᠬᠤᠶᠠᠷ ︶ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠪᠣᠰᠣᠳ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠤ ᠵᠢᠷᠬᠢᠶᠡ ᠂ ᠪᠢᠴᠢᠯ ᠪᠦᠷᠭᠡ ᠂ ᠰᠦᠯᠵᠢᠶᠡ ᠵᠡᠷᠭᠡᠶᠢ ᠠᠰᠢᠬᠯᠡᠨ ᠬᠤᠳᠠᠯ ᠮᠡᠳᠡᠭᠡ ᠵᠠᠩᠬᠢᠶᠢ ᠲᠠᠷᠬᠠᠭᠠᠨ ᠂ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠡᠪᠡᠳᠴᠢᠳᠡᠨ ᠂ ᠰᠡᠵᠢᠭᠯᠡᠯᠳᠡᠢ ᠡᠪᠡᠳᠴᠢᠳᠡᠨ ᠪᠠ ᠪᠣᠰᠣᠳ ᠡᠷᠬᠡᠳᠦ ᠠᠷᠠᠳᠤᠨ ᠣᠪᠣᠭ ᠨᠡᠷᠡᠶᠢᠨ ᠡᠷᠬᠡ ᠂ ᠬᠦᠷᠦᠭ ᠵᠢᠷᠤᠭᠤᠨ ᠡᠷᠬᠡ ᠂ ᠨᠡᠷᠡ ᠬᠦᠨᠳᠦᠶᠢᠨ ᠡᠷᠬᠡ ᠂ ᠬᠤᠪᠢᠶᠢᠨ ᠨᠢᠭᠤᠴᠠᠶᠢᠨ ᠡᠷᠬᠡ ᠂ ᠠᠯᠳᠠᠷ ᠬᠦᠨᠳᠦᠶᠢᠨ ᠡᠷᠬᠡ ᠵᠡᠷᠭᠡ ᠵᠢᠴᠢ ᠬᠠᠣᠯᠢᠶᠢᠨ ᠬᠦᠮᠦᠨ ᠵᠡᠷᠭᠡ ᠵᠣᠬᠢᠶᠠᠨ ᠪᠠᠢᠭᠤᠯᠣᠯᠳᠠᠶᠢᠨ ᠨᠡᠷᠡᠢᠳᠦᠯᠤᠨ ᠡᠷᠬᠡ ᠂ ᠨᠡᠷᠡ ᠬᠦᠨᠳᠦᠶᠢᠨ ᠡᠷᠬᠡᠳ᠋ᠤ ᠬᠠᠯᠳᠠᠯᠭᠠ ᠣᠴᠠᠷᠠᠭᠤᠯᠣᠭᠰᠠᠨ ᠪᠠᠢᠪᠠᠯ ᠂ ᠬᠠᠯᠳᠠᠯᠭᠠᠶᠢ ᠵᠣᠭᠰᠣᠬᠤ ᠂ ᠨᠡᠷᠡ ᠬᠦᠨᠳᠦᠶᠢ ᠰᠡᠷᠭᠦᠭᠡᠬᠦ ᠂ ᠨᠦᠯᠦᠭᠡᠶᠢ ᠠᠷᠢᠯᠭᠠᠬᠤ ᠂ ᠪᠣᠷᠣᠭᠤ ᠬᠦᠯᠢᠶᠡᠬᠦ ᠂ ᠬᠤᠬᠢᠷᠠᠯᠢ ᠲᠦᠯᠦᠪᠦᠷᠢᠯᠡᠬᠦ ᠵᠡᠷᠭᠡ ᠢᠷᠭᠡᠨᠤ ᠬᠠᠷᠢᠭᠤᠴᠠᠯᠭᠠᠶᠢ ᠡᠭᠦᠷᠭᠡᠯᠡᠪᠡᠯ ᠵᠣᠬᠢᠨᠠ ᠃
ᠭᠤᠷᠪᠠ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠡᠯᠮᠦᠷᠢᠶᠢᠨ ᠵᠢᠭᠤᠷᠠᠭᠠᠨᠤ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠡᠯᠮᠦᠷᠢᠶᠢᠨ ᠵᠢᠭᠤᠷᠠᠭᠠᠨᠳ᠋ᠤ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ ᠪᠣᠯᠣᠨ ᠬᠦᠳᠠᠯᠮᠦᠷᠢᠴᠢᠨᠤ ᠬᠦᠯᠦᠰᠦ ᠣᠯᠭᠤᠮᠵᠢᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ ᠪᠠᠭᠳᠠᠨᠠ ᠃ 2020 ᠣᠨᠤ 1 ᠰᠠᠷᠠᠶᠢᠨ 24ᠤ ᠡᠳᠦᠷ ᠬᠦᠮᠦᠨᠤ ᠬᠦᠴᠦᠨᠤ ᠡᠬᠢ ᠪᠠᠶᠠᠯᠢᠭ ᠵᠢᠴᠢ ᠨᠡᠢᠭᠡᠮᠤᠨ ᠪᠠᠳᠣᠯᠠᠪᠣᠷᠢᠶᠢᠨ ᠶᠠᠮᠣᠨ ︽ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠡᠯᠮᠦᠷᠢᠶᠢᠨ ᠬᠠᠷᠢᠴᠠᠭᠠᠶᠢᠨ ᠠᠰᠠᠭᠤᠳᠠᠯᠢ ᠲᠣᠬᠢᠷᠠᠮᠵᠢᠳᠠᠢ ᠰᠢᠢᠳᠪᠦᠷᠢᠯᠡᠬᠦ ᠲᠣᠬᠠᠢ ᠮᠡᠳᠡᠭᠳᠡᠯ ︾ᠢ ᠨᠡᠢᠳᠡᠯᠡᠵᠦ ᠂ ᠵᠠᠰᠠᠭᠤᠨ ᠣᠷᠳᠣᠨᠤ ᠭᠤᠣᠯᠯᠠᠨ ᠬᠠᠮᠢᠶᠠᠷᠴᠣ ᠪᠠᠢᠭᠠ ᠰᠠᠯᠠᠭᠠ ᠮᠦᠴᠢᠷᠤᠨ ᠲᠠᠯᠠᠡᠴᠠ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠡᠯᠮᠦᠷᠢᠶᠢᠨ ᠬᠠᠷᠢᠴᠠᠭᠠᠶᠢᠨ ᠲᠣᠬᠠᠢ ᠰᠠᠨᠠᠯᠢ ᠪᠣᠳᠠᠳᠠᠢ ᠢᠯᠡᠷᠬᠡᠢᠯᠡᠵᠡᠢ ᠃
︵ ᠨᠢᠭᠡ ︶ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠡᠯᠮᠦᠷᠢᠶᠢᠨ ᠵᠢᠭᠤᠷᠠᠭᠠᠨᠢ ᠬᠠᠣᠯᠢ ᠶᠣᠰᠣᠭᠠᠷ ᠵᠣᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠬᠦᠳ᠋ᠤ ᠲᠣᠣᠷᠠᠬᠢ ᠬᠡᠳᠦᠨ ᠲᠠᠯᠠᠶᠢᠨ ᠠᠰᠠᠭᠤᠳᠠᠯᠢ ᠠᠩᠬᠠᠷᠪᠠᠯ ᠵᠣᠬᠢᠨᠠ ᠄ ᠡᠩ ᠲᠡᠷᠢᠭᠦᠨᠳ᠋ᠤ ᠂ ᠰᠢᠨᠡ ᠲᠢᠳᠢᠮᠯᠢᠭ ᠠᠭᠤᠰᠬᠢᠨ ᠦᠷᠪᠢᠰᠣᠯᠢᠶᠠᠷ ᠤᠨᠤᠰᠢᠯᠠᠬᠳᠠᠬᠰᠠᠨ ᠡᠪᠡᠳᠴᠢᠳᠡᠨ ᠂ ᠰᠡᠵᠢᠭᠯᠡᠯᠳᠡᠢ ᠡᠪᠡᠳᠴᠢᠳᠡᠨ ᠵᠢᠴᠢ ᠨᠢᠭᠳᠠ ᠣᠢᠷᠠᠳᠣᠭᠰᠠᠳ ᠲᠣᠰᠠᠭᠠᠷᠯᠠᠨ ᠡᠮᠨᠡᠵᠦ ᠪᠠᠢᠭᠠ ᠬᠤᠭᠤᠴᠠᠭᠠ ᠪᠣᠶᠣ ᠠᠨᠠᠭᠠᠬᠤ ᠣᠬᠠᠭᠠᠨᠤ ᠪᠠᠢᠴᠠᠭᠠᠯᠳᠠᠶᠢᠨ ᠬᠤᠭᠤᠴᠠᠭᠠᠨᠳ᠋ᠤ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠠᠢᠭᠤᠯᠭᠠ ᠨᠢᠭᠡᠴᠢᠡᠴᠠ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠃ ᠡᠭᠦᠨᠤ ᠲᠠᠷᠠᠭᠠ ᠂ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠪᠤᠭᠰᠠᠨ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠪᠠᠷᠢᠯᠡᠴᠠ ᠰᠢᠯᠳᠠᠭᠠᠯᠠᠭᠳᠠᠨ ᠬᠡᠪᠤᠨ ᠬᠦᠳᠡᠯᠮᠦᠷᠢᠶᠢ ᠬᠠᠩᠭᠠᠵᠣ ᠲᠡᠢᠯᠬᠦ ᠦᠭᠡᠢ ᠬᠤᠭᠤᠴᠠᠭᠠᠨᠳ᠋ᠤ ᠂ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠠᠢᠭᠤᠯᠭᠠ ᠨᠢᠭᠡᠴᠢᠡᠴᠠ ᠬᠦᠳᠡᠯᠮᠦᠷᠢᠴᠢᠨᠲᠠᠢ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠵᠤ ᠪᠣᠯᠬᠤ ᠦᠭᠡᠢ ᠃ ᠲᠠᠬᠢᠪᠠᠯ ᠂ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠤ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢᠨ ᠬᠤᠭᠤᠴᠠᠭᠠ ᠲᠣᠯᠣᠭᠰᠠᠨ ᠪᠠᠢᠪᠠᠯ ᠂ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢᠨ ᠬᠤᠭᠤᠴᠠᠭᠠᠶᠢ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠠᠮᠢᠶᠠᠷᠣᠯᠳᠠᠶᠢᠨ ᠠᠷᠭᠠ ᠬᠡᠮᠵᠢᠶᠡ ᠲᠠᠭᠤᠰᠬᠤ ᠪᠣᠯᠳᠠᠯᠠ ᠣᠷᠳᠤᠳᠬᠠᠬᠤ ᠴᠢᠬᠤᠯᠠᠳᠠᠢ ᠃ ᠬᠠᠮᠤᠭᠤᠨ ᠰᠡᠭᠦᠯᠳ᠋ᠤ ᠂ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠠᠢᠭᠣᠯᠭᠠ ᠨᠢᠭᠡᠴᠢ ᠪᠠ ᠬᠦᠳᠡᠯᠮᠦᠷᠢᠴᠢᠨᠤ ᠠᠯᠢ ᠨᠢᠭᠡ ᠲᠠᠯᠠᠡᠴᠠ ᠬᠢᠵᠢᠭᠤᠨ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠴᠠᠯᠢᠩ ᠂ ᠠᠵᠣ ᠠᠬᠤᠢᠶᠢᠨ ᠨᠦᠬᠦᠪᠦᠷᠢ ᠂ ᠠᠵᠢᠯᠢ ᠰᠡᠷᠭᠦᠭᠡᠬᠦ ᠵᠡᠷᠭᠡ ᠠᠰᠠᠭᠤᠳᠠᠯᠡᠴᠠ ᠪᠣᠯᠵᠣ ᠂ ᠬᠦᠳᠡᠯᠮᠦᠷᠢᠶᠢᠨ ᠭᠡᠷᠡᠶᠢ ᠬᠦᠴᠦᠨ ᠦᠭᠡᠢ ᠪᠤᠯᠭᠠᠬᠤᠪᠠᠷ ᠰᠠᠨᠠᠭᠠᠴᠢᠯᠠᠭᠰᠠᠨ ᠪᠠᠢᠪᠠᠯ ᠂ ᠰᠢᠭᠦᠬᠦ ᠬᠤᠷᠢᠶᠠᠡᠴᠠ ᠪᠣᠳᠠᠳᠠᠢ ᠪᠠᠢᠳᠠᠯᠲᠠᠢ ᠣᠶᠠᠯᠳᠣᠭᠤᠯᠣᠨ ᠵᠣᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠬᠦ ᠬᠡᠷᠡᠭᠳᠡᠢ ᠃
︵ ᠬᠤᠶᠠᠷ ︶ ᠬᠦᠳᠠᠯᠮᠦᠷᠢᠴᠢᠨᠤ ᠬᠦᠯᠦᠰᠦ ᠣᠯᠭᠤᠮᠵᠢᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯ
ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠬᠤᠭᠤᠴᠠᠭᠠᠨᠳ᠋ᠠᠬᠢ ᠬᠦᠳᠠᠯᠮᠦᠷᠢᠴᠢᠨᠤ ᠬᠦᠯᠦᠰᠦ ᠣᠯᠭᠤᠮᠵᠢᠶᠢᠨ ᠲᠠᠯᠠᠶᠢᠨ ᠬᠠᠣᠯᠢ ᠴᠠᠭᠠᠵᠠᠶᠢᠨ ᠠᠰᠠᠭᠤᠳᠠᠯᠳ᠋ᠤ ᠂ ᠲᠦᠷᠢᠮᠵᠢᠯᠤᠨ ᠦᠨᠳᠦᠰᠦᠯᠡᠯ ᠵᠢᠴᠢ ᠬᠠᠮᠢᠶᠠ ᠪᠦᠬᠦᠢ ᠬᠠᠣᠯᠢ ᠲᠣᠭᠳᠠᠭᠠᠯ ᠵᠡᠷᠭᠡᠶᠢ ᠬᠡᠷᠬᠢᠨ ᠨᠠᠢᠳᠠᠪᠣᠷᠢᠵᠠᠭᠤᠯᠬᠤ ᠵᠡᠷᠭᠡ ᠠᠰᠠᠭᠤᠳᠠᠯᠤᠳ ᠪᠠᠭᠳᠠᠨᠠ ᠃
2020 ᠣᠨᠤ 1 ᠰᠠᠷᠠᠶᠢᠨ 27ᠤ ᠡᠳᠦᠷᠤᠨ ︽ ᠲᠦᠷᠦᠶᠢᠨ ᠶᠠᠪᠣᠳᠠᠯᠤᠨ ᠬᠤᠷᠢᠶᠠᠶᠢᠨ 2020 ᠣᠨᠤ ᠴᠠᠭᠠᠨ ᠰᠠᠷᠠᠶᠢᠨ ᠠᠮᠠᠷᠠᠯᠳᠠᠶᠢᠨ ᠬᠤᠭᠤᠴᠠᠭᠠᠶᠢ ᠣᠷᠳᠣᠳᠬᠠᠬᠤ ᠲᠣᠬᠠᠢ ᠮᠡᠳᠡᠭᠳᠡᠯ ︾ᠳ᠋ᠤ ᠴᠠᠭᠠᠨ ᠰᠠᠷᠠᠶᠢᠨ ᠠᠮᠠᠷᠠᠯᠳᠠᠶᠢᠨ ᠬᠤᠭᠤᠴᠠᠭᠠᠶᠢ 2 ᠰᠠᠷᠠᠶᠢᠨ 2ᠤ ᠡᠳᠦᠷ ᠪᠣᠯᠳᠠᠯᠠ ᠣᠷᠳᠣᠳᠬᠠᠵᠠᠢ ᠃ ᠡᠢᠮᠦᠡᠴᠠ 2020 ᠣᠨᠤ ᠴᠠᠭᠠᠨ ᠰᠠᠷᠠᠶᠢᠨ ᠠᠮᠠᠷᠠᠯᠳᠠᠶᠢᠨ ᠣᠷᠳᠣᠳᠬᠠᠭᠰᠠᠨ ᠬᠤᠭᠤᠴᠠᠭᠠᠨᠳ᠋ᠤ ᠠᠵᠢᠯᠤᠨ ᠪᠠᠢᠷᠢᠳᠠᠭᠠᠨ ᠪᠠᠢᠭᠠ ᠬᠦᠳᠡᠯᠮᠦᠷᠢᠴᠢᠨᠢ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠠᠢᠭᠤᠯᠭᠠ ᠨᠢᠭᠡᠴᠢᠡᠴᠠ ᠨᠦᠬᠦᠨ ᠠᠮᠠᠷᠠᠭᠤᠯᠬᠤ ᠪᠣᠶᠣ ᠨᠦᠭᠦᠪᠦᠷᠢ ᠤᠯᠭᠤᠬᠤ ᠶᠣᠰᠣᠳᠠᠢ ᠃ ᠡᠭᠦᠨᠡᠴᠠ ᠭᠠᠳᠠᠨᠠ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠪᠤᠭᠰᠠᠨ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠪᠠᠷᠢᠯᠡᠴᠠ ᠰᠢᠯᠳᠠᠭᠠᠯᠠᠭᠳᠠᠨ ᠬᠡᠪᠤᠨ ᠬᠦᠳᠡᠯᠮᠦᠷᠢᠶᠢ ᠬᠠᠩᠭᠠᠵᠣ ᠲᠡᠢᠯᠬᠦ ᠦᠭᠡᠢ ᠬᠤᠭᠤᠴᠠᠭᠠᠨᠳ᠋ᠤ ᠂ ᠬᠦᠮᠦᠨ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠠᠢᠭᠤᠯᠭᠠ ᠨᠢᠭᠡᠴᠡᠡᠴᠠ ᠮᠦᠨᠴᠦ ᠬᠦᠳᠡᠯᠮᠦᠷᠢᠴᠢᠨᠤ ᠬᠦᠯᠦᠰᠦ ᠣᠯᠭᠤᠮᠵᠢᠶᠢ ᠪᠠᠳᠣᠯᠠᠬᠤ ᠬᠡᠷᠡᠭᠳᠡᠢ ᠃
ᠡᠭᠦᠨᠡᠴᠠ ᠭᠠᠳᠠᠨᠠ ᠂ ᠬᠦᠮᠦᠨᠤ ᠬᠦᠴᠦᠨᠤ ᠡᠬᠢ ᠪᠠᠶᠠᠯᠢᠭ ᠵᠢᠴᠢ ᠨᠡᠢᠭᠡᠮᠤᠨ ᠪᠠᠳᠣᠯᠠᠪᠣᠷᠢᠶᠢᠨ ᠶᠠᠮᠣᠨᠤ ︹2020︺ᠶᠢᠨ 11 ᠳ᠋ᠤᠭᠡᠷ ᠲᠣᠭᠠᠳᠣ ᠠᠯᠪᠠᠨ ᠪᠢᠴᠢᠭᠤᠨ ᠲᠣᠭᠳᠠᠭᠠᠯᠢ ᠦᠨᠳᠦᠰᠦᠯᠡᠨ ᠂ ᠬᠦᠳᠡᠯᠮᠦᠷᠢᠶᠢᠨ ᠵᠢᠭᠤᠷᠠᠭᠠᠨᠢ ᠰᠢᠢᠳᠪᠦᠷᠢᠯᠡᠬᠦᠳ᠋ᠤ ᠬᠦᠳᠡᠯᠮᠦᠷᠢᠴᠢᠨᠤ ᠬᠠᠣᠯᠢ ᠶᠣᠰᠣᠨᠤ ᠡᠷᠬᠡ ᠠᠰᠢᠭ ᠪᠣᠯᠣᠨ ᠠᠵᠣ ᠠᠬᠤᠢᠯᠠᠯᠤᠨ ᠣᠷᠣᠰᠢᠨ ᠲᠣᠭᠳᠠᠨᠢᠯ ᠬᠢᠭᠡᠳ ᠬᠦᠭᠵᠢᠯᠳᠡᠶᠢ ᠬᠠᠮᠳᠣᠳ᠋ᠤᠨᠢ ᠬᠠᠷᠠᠭᠠᠯᠵᠠᠬᠤ ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠨ ᠡᠯᠡ ᠲᠠᠯᠠᠶᠢᠨ ᠬᠠᠣᠯᠢ ᠶᠣᠰᠣᠨᠤ ᠡᠷᠬᠡ ᠠᠰᠢᠭᠢ ᠦᠨᠡᠨ ᠬᠦ ᠪᠠᠳᠣᠯᠠᠬᠤ ᠬᠡᠷᠡᠭᠳᠡᠢ ᠃
ᠣᠳᠣᠬᠠᠨᠳ᠋ᠤ ᠪᠦᠬᠦ ᠣᠯᠣᠰ ᠲᠠᠶᠠᠭᠠᠷ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠪᠠ ᠣᠢᠯᠡᠳᠪᠦᠷᠢᠯᠡᠯᠢ ᠰᠡᠷᠭᠦᠭᠡᠨ ᠠᠵᠣ ᠠᠬᠤᠢ ᠨᠡᠢᠭᠡᠮᠤᠨ ᠬᠦᠭᠵᠢᠯᠳᠡᠶᠢ ᠠᠬᠢᠭᠤᠯᠬᠤ ᠂ ᠬᠤᠶᠠᠷ ᠲᠠᠯᠠᠶᠢᠨ ᠠᠵᠢᠯᠢ ᠬᠠᠮᠳᠣᠳ᠋ᠤᠨᠢ ᠠᠬᠢᠭᠤᠯᠬᠤ ᠵᠠᠩᠭᠢᠯᠠᠭᠠᠶᠢᠨ ᠱᠠᠳᠣᠨᠳ᠋ᠤ ᠣᠷᠣᠭᠠᠳ ᠪᠣᠢ ᠃ ᠡᠢᠮᠦᠡᠴᠠ ᠡᠨᠡᠬᠦ ᠬᠤᠭᠤᠴᠠᠭᠠᠨᠳ᠋ᠤ ᠡᠭᠦᠰᠦᠭᠰᠡᠨ ᠭᠡᠷᠡᠶᠢᠨ ᠵᠢᠭᠤᠷᠠᠭᠠᠨ ᠪᠣᠯᠣᠨ ᠡᠷᠬᠡᠨᠳ᠋ᠤ ᠬᠠᠯᠳᠠᠭᠰᠠᠨ ᠵᠢᠭᠤᠷᠠᠭᠠᠨ ᠵᠢᠴᠢ ᠬᠦᠳᠡᠯᠮᠦᠷᠢᠶᠢᠨ ᠵᠢᠭᠤᠷᠠᠭᠠᠨᠢ ᠬᠠᠣᠯᠢ ᠶᠣᠰᠣᠭᠠᠷ ᠵᠣᠬᠢᠰᠳᠠᠢ ᠰᠢᠢᠳᠪᠦᠷᠢᠯᠡᠬᠦᠨᠢ ︽ ᠬᠤᠶᠠᠷ ᠲᠠᠯᠠᠶᠢᠨ ᠠᠵᠢᠯ ︾ᠢ ᠪᠦᠳᠦᠮᠵᠢᠳᠡᠢ ᠠᠬᠢᠭᠤᠯᠬᠤᠶᠢᠨ ᠪᠣᠰᠣᠳᠴᠢ ᠱᠠᠭᠠᠷᠳᠠᠯᠭᠠ ᠪᠣᠯᠬᠤ ᠶᠣᠮ ᠃
︵ ᠵᠤᠬᠢᠶᠠᠬᠴᠢᠶᠢᠨ ᠪᠠᠢᠭᠤᠯᠭᠠ ᠄ ᠥᠪᠥᠷ ᠮᠣᠩᠭᠤᠯᠤᠨ ᠡᠳ᠋ᠤᠨ ᠵᠠᠰᠠᠭ ᠠᠵᠣ ᠠᠬᠤᠢᠶᠢᠨ ᠶᠡᠬᠡ ᠰᠣᠷᠭᠠᠭᠤᠯᠢᠶᠢᠨ ᠬᠠᠣᠯᠢ ᠰᠣᠳᠣᠯᠣᠯᠤᠨ ᠲᠡᠭᠡᠲᠣ ᠰᠣᠷᠭᠠᠭᠤᠯᠢ ︶
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠪᠣᠣ ᠮᠧᠢ ᠷᠥᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃