2026-09-02 10:01:19
ᠠᠰᠢᠭ ᠤᠷᠤᠯᠭᠠ ᠵᠢᠨ ᠰᠢᠨᠠ ᠵᠠᠮ ᠢ ᠨᠡᠭᠡᠭᠡᠭᠰᠡᠨ 《ᠲᠥᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩ》
ᠤᠢᠷᠠᠳᠤ᠂ ᠰᠤᠷᠪᠤᠯᠵᠢᠯᠠᠭᠴᠢ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠤᠷᠠᠳᠤ᠋ᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ᠋ ᠰᠢᠶᠠᠨᠹᠧᠩ ᠪᠠᠯᠭᠠᠰᠤᠨᠤ ᠭᠠᠵᠠᠷ ᠵᠦᠢᠶ᠋ᠢᠨ ᠠᠵᠤ ᠦᠢᠯᠡᠰᠦ᠋ᠨ ᠬᠦᠷᠢᠶᠡᠯᠡᠩ ᠳᠡᠬᠢ ᠥᠪᠥᠷ ᠮᠣᠩᠭᠣᠯᠤ᠋ᠨ ᠺᠠᠩ ᠨᠦᠩ ᠲᠠᠷᠢᠶᠠᠯᠠᠩ ᠲᠠᠷᠢᠶᠠᠴᠢᠨᠤ᠋ ᠲᠤᠰᠬᠠᠢ ᠬᠤᠷᠰᠢᠶᠠᠨᠤ ᠲᠠᠷᠢᠮᠠᠯ ᠤ᠋ᠨ ᠲᠣᠮᠣ ᠬᠦᠯᠡᠮᠵᠢᠨᠳ᠋ᠤ᠌ ᠬᠦᠷᠬᠦᠳᠤ᠂ ᠰᠤᠷᠭᠤᠭ ᠨᠣᠭᠣᠭᠠᠨ ᠥᠷᠭᠡᠰᠦᠲᠦ ᠬᠡᠮᠬᠡ ᠵᠡᠯᠡᠶ᠋ᠢᠨ ᠬᠣᠭᠣᠷᠣᠨᠳᠣ ᠵᠢᠭᠳᠡᠷᠡᠨ ᠤᠨᠵᠢᠢᠵᠤ᠂ ᠠᠵᠢᠯᠴᠢᠳ ᠦᠷᠭᠡᠰᠦᠲᠦ ᠬᠡᠮᠬᠡ ᠲᠡᠭᠦᠬᠦ᠂ ᠢᠯᠭᠠᠨ ᠰᠠᠯᠭᠠᠬᠤ ᠠᠵᠢᠯᠢ᠋ ᠡᠮᠬᠢ ᠳᠠᠷᠠᠭᠠᠲᠠᠢ ᠬᠢᠵᠡᠭᠡᠵᠦ ᠪᠠᠢᠯᠠ᠃
《ᠨᠠᠢᠵᠠᠶ᠋ᠢᠨ ᠵᠢᠠᠨ ᠲᠠᠨᠢᠯᠴᠠᠭᠤᠯᠭᠠᠪᠠᠷ ᠡᠨᠳᠡ ᠢᠷᠡᠵᠦ ᠪᠠᠢᠴᠠᠭᠠᠯᠳᠠ ᠬᠢᠵᠦ ᠦᠵᠡᠭᠰᠡᠨᠴᠢᠨᠢ ᠠᠭᠤᠷ ᠠᠮᠢᠰᠬᠤᠯ᠂ ᠤᠰᠤ ᠰᠢᠷᠣᠢᠶ᠋ᠢᠨ ᠨᠥᠬᠥᠴᠡᠯ ᠨᠢ ᠵᠤᠨᠤ᠋ ᠤᠯᠠᠷᠢᠯ ᠰᠦᠷᠬᠦ ᠢᠳᠡᠰᠢᠨ ᠨᠣᠭᠣᠭᠠ ᠲᠠᠷᠢᠬᠤᠳ᠋ᠤ᠌ ᠣᠨᠴᠠᠭᠠᠢ ᠲᠣᠬᠢᠷᠠᠨᠠ》ᠭᠡᠵᠦ ᠲᠤᠰᠬᠠᠢ ᠬᠤᠷᠰᠢᠶᠠᠨᠤ ᠬᠠᠷᠢᠭᠤᠴᠠᠯᠭᠠᠲᠠᠨ ᠨᠢᠩ ᠮᠢᠩ ᠯᠧᠢ ᠲᠠᠨᠢᠯᠴᠠᠭᠤᠯᠪᠠ᠃
ᠰᠢᠶᠠᠨᠹᠧᠩ ᠪᠠᠯᠭᠠᠰᠤ ᠥᠪᠡᠷᠮᠢᠴᠡ ᠠᠭᠤᠷ ᠠᠮᠢᠰᠬᠤᠯ᠂ ᠭᠠᠵᠠᠷ ᠰᠢᠷᠣᠢᠶ᠋ᠢᠨ ᠡᠬᠢ ᠪᠠᠶᠠᠯᠢᠭ ᠪᠣᠯᠤᠨ ᠲᠡᠭᠦᠯᠳᠡᠷ ᠲᠥᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠤ᠋ᠨ ᠰᠠᠭᠤᠷᠢᠳ᠋ᠤ᠌ ᠲᠦᠰᠢᠭᠯᠡᠨ᠂ ᠤᠷᠤᠨᠤ ᠭᠠᠳᠠᠨᠠᠬᠢ ᠲᠠᠷᠢᠶᠠᠯᠠᠩᠤ᠋ᠨ ᠡᠵᠡᠩᠨᠡᠯᠲᠡᠶ᠋ᠢᠨ ᠭᠣᠣᠯ ᠴᠣᠭᠴᠠᠶ᠋ᠢ ᠢᠳᠡᠪᠬᠢᠲᠡᠢ ᠤᠷᠢᠨ ᠰᠠᠭᠤᠷᠢᠰᠢᠭᠤᠯᠵᠤ ᠪᠤᠢ᠃ ᠡᠨᠡ ᠵᠢᠯᠦ᠋ᠨ 5 ᠰᠠᠷᠠᠳ᠋ᠤ᠌᠂ ᠱᠠᠨᠳᠦ᠋ᠩᠤᠨ ᠠᠵᠤ ᠠᠬᠤᠢᠯᠠᠯᠲᠠᠨᠢ ᠤᠷᠢᠨ ᠤᠷᠤᠭᠤᠯᠵᠦ᠂ ᠲᠤᠰ ᠲᠤᠰᠬᠠᠢ ᠬᠤᠷᠰᠢᠶᠠᠵᠢ ᠪᠠᠢᠭᠤᠯᠤᠨ᠂ ᠣᠯᠠᠨ ᠵᠢᠯ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠲᠠᠷᠢᠮᠠᠯ ᠤ᠋ᠨ ᠲᠤᠷᠰᠢᠯᠭᠠ᠂ ᠪᠣᠯᠪᠠᠰᠤᠷᠠᠩᠭᠤᠢ ᠮᠡᠷᠭᠡᠵᠢᠯᠦ᠋ᠨ ᠰᠢᠰᠲ᠋ᠸᠮ ᠪᠣᠯᠤᠨ ᠪᠣᠷᠣᠯᠠᠭᠤᠯᠭᠠ ᠶ᠋ᠢᠨ ᠠᠷᠭᠠ ᠵᠠᠮᠳᠠᠭᠠᠨ ᠲᠦᠰᠢᠭᠯᠡᠨ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠲᠤ︽ᠮᠡᠷᠭᠡᠵᠢᠯ ᠭᠠᠷᠭᠠᠬᠤ + ᠵᠠᠬᠢᠶᠠᠯᠠᠭᠠᠪᠠᠷ ᠳᠠᠭᠠᠭᠠᠴᠢᠯᠠᠨ ᠪᠣᠷᠣᠯᠠᠭᠤᠯᠬᠤ + ᠲᠠᠷᠢᠶᠠᠴᠢᠨ ᠡᠷᠦᠬᠡ ᠬᠣᠯᠪᠣᠭᠠᠯᠠᠨ ᠬᠥᠳᠡᠯᠦᠯᠴᠡᠬᠦ︾ᠲᠦᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠤ᠋ᠨ ᠬᠥᠭᠵᠢᠯᠲᠡᠶ᠋ᠢᠨ ᠰᠢᠨᠡ ᠵᠠᠮᠢ᠋ ᠰᠦᠪᠡᠭᠴᠢᠯᠡᠨ ᠭᠠᠷᠭᠠᠵᠤ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ ᠵᠤᠨᠤ᠋ ᠤᠯᠠᠷᠢᠯ ᠰᠦᠷᠬᠦ ᠢᠳᠡᠰᠢᠨ ᠨᠣᠭᠣᠭᠠᠶ᠋ᠢᠨ ᠠᠵᠤ ᠦᠢᠯᠡᠰᠦ᠋ᠨ ᠶᠠᠰᠤ ᠴᠢᠨᠠᠷᠢ᠋ ᠳᠡᠭᠡᠭᠰᠢᠯᠡᠭᠦᠯᠦᠨ ᠦᠷᠡ ᠠᠰᠢᠭ ᠢ᠋ ᠨᠡᠮᠡᠭᠳᠡᠭᠦᠯᠬᠦᠳ᠋ᠦ᠍ ᠰᠢᠨᠡ ᠬᠥᠳᠡᠯᠭᠡᠬᠦ ᠬᠦᠴᠦᠨ ᠨᠡᠮᠡᠷᠢᠯᠡᠪᠡ᠃
ᠣᠢᠯᠠᠭᠠᠭᠰᠠᠨᠢ᠋ᠶ᠋ᠠᠷ᠂ ᠰᠢᠶᠠᠨᠹᠧᠩ ᠪᠠᠯᠭᠠᠰᠤ ᠤᠮᠠᠷᠠᠲᠤ ᠥᠷᠭᠡᠷᠢᠭᠦ᠋ᠨ 40 ᠭᠷᠠᠳᠦ᠋ᠰᠦ᠋ᠨ ᠲᠠᠷᠢᠶᠠᠯᠠᠩᠤᠨ ᠠᠯᠲᠠᠨ ᠪᠦᠰᠡᠳᠤ ᠤᠷᠤᠰᠢᠨ᠂ ᠡᠮᠦᠨᠠ ᠪᠠᠨ ᠬᠠᠲᠤᠨ ᠭᠣᠣᠯᠢ ᠢᠰᠭᠦᠯᠦᠨ᠂ ᠬᠤᠢᠨᠠ ᠪᠠᠨ ᠮᠤᠨᠠ ᠠᠭᠤᠯᠠᠵᠢ ᠲᠦᠰᠢᠵᠦ᠂ ᠨᠠᠷᠠᠨᠤ ᠲᠤᠰᠤᠯᠲᠠᠶ᠋ᠢᠨ ᠴᠠᠭ ᠭᠦᠢᠴᠡᠳ᠂ ᠡᠳᠦᠷ ᠰᠥᠨᠢᠶ᠋ᠢᠨ ᠳᠤᠯᠠᠭᠠᠨᠤ᠋ ᠵᠥᠷᠢᠶᠡ ᠶᠡᠬᠡ ᠪᠠᠢᠵᠤ᠂ ᠵᠢᠮᠢᠰ ᠨᠣᠭᠣᠭᠠᠶ᠋ᠢᠨ ᠤᠷᠭᠤᠯᠲᠠᠳ᠋ᠤ᠌ ᠣᠨᠴᠠᠭᠠᠢ ᠰᠠᠢᠨ ᠪᠠᠢᠭᠠᠯᠢᠶ᠋ᠢᠨ ᠨᠥᠬᠥᠴᠡᠯᠢ᠋ ᠬᠠᠩᠭᠠᠵᠠᠢ᠃ ᠰᠢᠶᠠᠨᠹᠧᠩ ᠪᠠᠯᠭᠠᠰᠤᠨᠤ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠠᠵᠤ ᠦᠢᠯᠡᠰᠦ᠋ᠨ ᠬᠦᠷᠢᠶᠡᠯᠡᠩᠦ᠋ᠨ ᠶᠡᠷᠦᠩᠬᠡᠢ ᠡᠵᠡᠯᠡᠬᠦ ᠲᠠᠯᠠᠪᠠᠢ ᠨᠢ 5000 ᠮᠦ᠍ ᠪᠠᠢᠵᠤ᠂ ᠣᠳᠣ 752 ᠰᠠᠭᠤᠷᠢ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠪᠣᠯᠣᠳ ᠪᠦᠲᠦᠴᠡᠲᠦ ᠲᠤᠯᠠᠭᠠᠨ ᠬᠦᠯᠡᠮᠵᠢ ᠲᠠᠢ ᠪᠤᠯᠵᠦ᠂ ᠣᠯᠠᠨ ᠵᠢᠯ ᠦ᠋ᠨ ᠲᠤᠷᠰᠢ︽ᠠᠩᠬᠠᠨᠤ ᠡᠭᠡᠯᠵᠢᠨᠳᠤ ᠪᠠᠢ ᠯᠢ ᠼᠦᠢ ᠠᠮᠲᠠᠲᠤ ᠬᠡᠮᠬᠡ ᠲᠠᠷᠢᠵᠤ᠂ ᠬᠣᠶᠠᠳᠤᠭᠠᠷ ᠡᠬᠡᠯᠵᠢᠨᠳ᠋ᠤ᠌ ᠢᠳᠡᠰᠢᠨ ᠨᠣᠭᠣᠭᠠ ᠲᠠᠷᠢᠬᠤ︾ᠡᠭᠡᠯᠵᠢᠯᠡᠨ ᠲᠠᠷᠢᠬᠤ ᠵᠠᠭᠪᠤᠷ ᠵᠢᠡᠷ ᠠᠵᠢᠯᠯᠠᠭᠰᠠᠭᠠᠷ ᠢᠷᠡᠪᠡ᠃ ᠲᠤᠰ ᠲᠤᠰᠬᠠᠢ ᠬᠤᠷᠰᠢᠶᠠ ᠡᠨᠳᠡᠬᠢ ᠪᠦᠷᠢᠨ ᠲᠦᠬᠦᠷ ᠰᠠᠭᠤᠷᠢ ᠲᠦᠬᠦᠭᠡᠷᠦᠮᠵᠢ ᠪᠣᠯᠤᠨ ᠳᠠᠪᠠᠭᠤᠯᠢᠭ ᠪᠠᠢᠭᠠᠯᠢᠶ᠋ᠢᠨ ᠨᠦᠬᠦᠴᠡᠯᠢ᠋ ᠦᠵᠡᠵᠦ ᠲᠣᠭᠣᠭᠠᠳ ᠡᠴᠦᠰᠲᠦ᠍ ᠬᠡᠪᠴᠢᠶᠡᠵᠢᠭᠰᠡᠨ ᠢᠳᠡᠰᠢᠨ ᠨᠣᠭᠣᠭᠠ ᠲᠠᠷᠢᠬᠤ ᠠᠵᠤ ᠦᠢᠯᠡᠰᠢ᠋ ᠪᠠᠢᠷᠢᠯᠠᠭᠤᠯᠬᠤᠪᠠᠷ ᠲᠣᠭᠲᠠᠵᠠᠢ᠃
ᠨᠢᠩ ᠮᠢᠩ ᠯᠧᠢ᠄︽ᠮᠠᠨᠤ᠋ ᠬᠤᠷᠰᠢᠶᠠ ᠨᠡᠢᠲᠡ 520 ᠮᠦ᠍ ᠭᠠᠵᠠᠷ ᠰᠢᠷᠣᠢᠶᠢᠨ ᠡᠵᠡᠩᠨᠡᠯᠲᠡᠶᠢᠨ ᠡᠷᠭᠡᠵᠢ ᠰᠢᠯᠵᠢᠭᠦᠯᠦᠨ ᠠᠪᠴᠤ᠂ ᠰᠢᠶᠠᠨᠹᠧᠩ ᠪᠠᠯᠭᠠᠰᠤᠲᠠᠢ 3 ᠵᠢᠯᠦ᠋ᠨ ᠭᠠᠵᠠᠷ ᠰᠢᠷᠣᠢᠶᠢᠨ ᠡᠵᠡᠩᠨᠡᠯᠲᠡ ᠶᠢᠨ ᠡᠷᠭᠡ ᠵᠢ ᠰᠢᠯᠵᠢᠭᠦᠯᠬᠦ ᠵᠥᠪᠯᠡᠯᠴᠡᠬᠡᠷ ᠲᠣᠭᠲᠠᠵᠦ᠂ ᠤᠤᠯᠤ᠋ᠨ ᠬᠠᠭᠤᠴᠢᠨ ᠬᠦᠯᠡᠮᠵᠢ ᠶ᠋ᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢᠪᠠᠷ ᠵᠠᠰᠠᠵᠤ ᠰᠢᠨᠡᠴᠢᠯᠡᠵᠡᠢ᠃ ᠨᠢᠭᠡ ᠲᠠᠯᠠᠪᠠᠷ ᠣᠷᠭᠠᠨᠢᠭ ᠪᠣᠷᠳᠣᠭᠤᠷ ᠣᠷᠣᠭᠤᠯᠤᠨ᠂ ᠬᠥᠷᠥᠰᠥ ᠰᠢᠷᠣᠢᠶ᠋ᠢ ᠰᠠᠢᠵᠢᠷᠠᠭᠤᠯᠵᠤ᠂ ᠨᠥᠭᠦᠭᠡ ᠲᠠᠯᠠᠪᠠᠷ ᠣᠶᠤᠨᠴᠢᠪᠠᠷ ᠡᠮ ᠰᠦᠷᠴᠢᠬᠦ᠂ ᠭᠠᠵᠠᠷ ᠳᠣᠣᠷᠠᠬᠢ ᠤᠰᠤ ᠳᠠᠮᠵᠢᠭᠤᠯᠬᠤ ᠬᠣᠭᠣᠯᠠᠢ ᠵᠡᠷᠭᠡ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠢᠵᠢ ᠪᠦᠷᠢᠳᠦᠭᠦᠯᠦᠨ ᠲᠡᠭᠦᠯᠳᠡᠷᠵᠢᠭᠦᠯᠤᠯᠠ᠃ ᠪᠢᠳᠡ ᠲᠤᠰᠬᠠᠢ ᠮᠡᠷᠭᠡᠵᠢᠯᠦ᠋ᠨ ᠪᠦᠯᠬᠦᠮ ᠢ᠋ ᠳᠠᠭᠠᠭᠤᠯᠵᠤ᠂ ᠦᠷᠡ ᠴᠢᠬᠢ ᠪᠣᠢᠵᠢᠭᠤᠯᠬᠤ᠂ ᠲᠠᠷᠢᠶᠠᠨ ᠭᠠᠵᠠᠷᠢ ᠠᠷᠠᠴᠢᠯᠠᠵᠤ ᠬᠠᠮᠠᠭᠠᠯᠠᠬᠤ᠂ ᠭᠡᠮ ᠬᠣᠷᠣᠬᠠᠢᠶ᠋ᠢᠨ ᠬᠥᠨᠥᠭᠡᠯᠢ᠋ ᠪᠣᠬᠢᠷᠲᠤᠯ ᠦᠭᠡᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠵᠡᠷᠭᠡ ᠪᠦᠬᠦ ᠦᠢᠯᠡᠳᠪᠦᠷᠢᠯᠡᠯᠦ᠋ᠨ ᠭᠣᠭᠴᠣᠭᠠᠨᠳ᠋ᠤ᠌ ᠪᠠᠷᠢᠮᠵᠢᠶᠠᠵᠢᠭᠰᠠᠨ ᠮᠡᠷᠭᠡᠵᠢᠯᠦ᠋ᠨ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠵᠠᠢ︾ᠭᠡᠵᠦ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠲᠠᠨᠢᠯᠴᠠᠭᠤᠯᠪᠠ᠃
ᠣᠳᠣᠬᠠᠨᠳ᠋ᠤ᠌ ᠲᠤᠰ ᠰᠠᠭᠤᠷᠢᠨᠤ ᠲᠠᠷᠢᠬᠰᠠᠨ ᠥᠷᠭᠡᠰᠦᠲᠦ ᠬᠡᠮᠬᠡ ᠨᠢ ᠲᠡᠭᠦᠵᠦ ᠪᠤᠷᠤᠯᠠᠭᠤᠯᠬᠤ ᠴᠠᠭ ᠪᠤᠯᠵᠤ᠂ ᠡᠳᠦᠷᠲᠦ 10 ᠲᠦᠮᠡᠨ ᠵᠢᠩ ᠦᠷᠭᠡᠰᠦᠲᠦ ᠬᠡᠮᠭᠡ ᠲᠡᠭᠦᠨ᠂ ᠪᠥᠭᠡᠮᠢ᠋ᠶ᠋ᠡᠷ ᠬᠤᠳᠠᠯᠳᠤᠬᠤ ᠦᠨᠡ ᠨᠢ ᠵᠢᠩ ᠪᠦᠷᠢᠳ᠋ᠡᠭᠡᠨ 2.5 ᠲᠥᠭᠥᠷᠢᠭᠡᠴᠡ 3 ᠲᠥᠭᠥᠷᠢᠭᠲᠦ᠍ ᠲᠣᠭᠲᠠᠪᠤᠷᠢᠵᠢᠵᠤ᠂ ᠭᠣᠣᠯᠳᠠᠭᠤ ᠪᠡᠭᠡᠵᠢᠩ᠂ ᠱᠠᠨᠳᠦ᠋ᠩ᠂ ᠵᠧᠵᠢᠶᠠᠩ᠂ ᠱᠠᠩᠬᠠᠢ ᠵᠡᠷᠭᠡ ᠭᠠᠵᠠᠷᠤ᠋ᠨ ᠲᠣᠮᠣ ᠳᠤᠮᠳᠠ ᠬᠡᠯᠪᠡᠷᠢ ᠶ᠋ᠢᠨ ᠬᠤᠳᠠᠯᠳᠤᠭᠠᠨ ᠤ᠋ ᠲᠡᠯᠭᠡᠭᠦᠷᠲᠤ ᠪᠤᠷᠤᠯᠠᠭᠤᠯᠤᠭᠳᠠᠨ᠂ ᠬᠠᠷᠢᠭᠤ ᠲᠤᠰᠬᠠᠯ ᠨᠢ ᠨᠡᠯᠢᠶᠡᠳ ᠰᠠᠢᠨ ᠪᠠᠢᠵᠤ᠂ ᠬᠠᠩᠭᠠᠯᠭᠠ ᠨᠢ ᠬᠡᠷᠡᠭᠴᠡᠭᠡᠳ᠋ᠡᠭᠡᠨ ᠬᠦᠷᠬᠦ ᠦᠭᠡᠢ ᠪᠤᠯᠵᠠᠢ᠃
︽ᠡᠨᠡ ᠪᠦᠯᠦᠭ ᠥᠷᠭᠡᠰᠦᠲᠦ ᠬᠡᠮᠬᠡ ᠵᠢ ᠵᠠᠬᠠ ᠳᠡᠯᠭᠡᠭᠦᠷᠲᠦ᠍ ᠭᠠᠷᠭᠠᠭᠰᠠᠨ ᠵᠢᠠᠷ ᠨᠥᠯᠥᠭᠡ ᠲᠤᠰᠬᠠᠯ ᠣᠨᠴᠠᠭᠠᠢ ᠰᠠᠢᠨ ᠪᠠᠢᠨᠠ᠂ ᠠᠮᠲᠠ ᠨᠢ ᠰᠠᠢᠨ᠂ ᠬᠡᠯᠪᠡᠷᠢ ᠨᠢ ᠵᠢᠭᠳᠡ ᠰᠢᠯᠤᠭᠤᠨ ᠮᠦᠷᠲᠡᠭᠡᠨ ᠰᠢᠨᠡ ᠰᠣᠷᠭᠣᠭ ᠡ︾ᠭᠡᠵᠦ ᠨᠢᠩ ᠮᠢᠩ ᠯᠧᠢ ᠬᠡᠯᠡᠪᠠ᠃
ᠠᠵᠤ ᠦᠢᠯᠡᠰᠢ ᠬᠥᠭᠵᠢᠭᠦᠯᠬᠦ ᠵᠢᠨ ᠡᠴᠦᠰᠤᠨ ᠵᠤᠷᠢᠯᠭᠠ ᠨᠢ ᠠᠷᠠᠳᠢ᠋ ᠪᠠᠶᠠᠵᠢᠭᠤᠯᠵᠤ ᠣᠷᠣᠯᠭᠠᠶ᠋ᠢ ᠨᠢ ᠨᠡᠮᠡᠭᠳᠡᠭᠦᠯᠬᠦ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠪᠦᠷᠢᠳᠬᠡᠯᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠣᠳᠣᠬᠠᠨᠳ᠋ᠤ᠌ ᠲᠤᠰ ᠰᠠᠭᠤᠷᠢᠨ ᠳ᠋ᠡᠬᠢ ᠲᠣᠭᠲᠠᠪᠤᠷᠢᠲᠠᠢ ᠬᠥᠯᠥᠰᠥᠨ ᠠᠵᠢᠯ ᠬᠢᠬᠦ ᠬᠥᠮᠦᠨ 260 ᠭᠠᠷᠤᠢ ᠪᠤᠢ᠂ ᠡᠭᠦᠨᠳ᠋ᠦ᠍ ᠲᠤᠰ ᠭᠠᠵᠠᠷᠤ᠋ᠨ ᠲᠣᠰᠬᠣᠨᠤ᠋ ᠠᠷᠠᠳᠤ᠋ᠨ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠨᠢ 60% ᠳ᠋ᠤ᠌ ᠬᠦᠷᠴᠦ᠂ ᠡᠳᠦᠷ ᠲᠦ᠍ 8 ᠠ᠋ᠴᠠ 10 ᠴᠠᠭ ᠠᠵᠢᠯᠯᠠᠨ᠂ ᠡᠳᠦᠷᠦ᠋ᠨ ᠴᠠᠯᠢᠩᠤ᠋ᠨ ᠪᠠᠷᠢᠮᠵᠢᠶᠠ ᠨᠢ 200 ᠲᠥᠭᠥᠷᠢᠭ ᠪᠣᠯᠤᠨᠠ᠃ ᠡᠭᠦᠨᠦ᠌ ᠬᠠᠮᠲᠤ ᠲᠤᠰ ᠰᠠᠭᠤᠷᠢᠨ ᠪᠠᠰᠠ ᠲᠤᠰᠬᠠᠢ ᠮᠡᠷᠭᠡᠵᠢᠯᠦ᠋ᠨ ᠠᠵᠢᠯᠴᠢᠨ ᠤᠷᠢᠵᠦ᠂︽ᠲᠤᠰ ᠭᠠᠵᠠᠷ ᠤ᠋ᠨ ᠬᠥᠳᠡᠯᠮᠦᠷᠢ ᠬᠦᠴᠦ ᠠᠵᠢᠯ ᠬᠢᠬᠦ + ᠭᠠᠳᠠᠨᠠ ᠣᠷᠣᠨᠤ᠋ ᠠᠵᠢᠯᠴᠢᠨ ᠮᠡᠷᠭᠡᠵᠢᠯ ᠬᠠᠩᠭᠠᠬᠤ︾ᠬᠠᠷᠢᠯᠴᠠᠨ ᠨᠥᠬᠥᠪᠥᠷᠢᠯᠡᠵᠦ ᠬᠠᠮᠲᠤᠪᠠᠷ ᠠᠰᠢᠭ ᠬᠦᠷᠲᠡᠬᠦ ᠪᠠᠢᠷᠢᠰᠢᠯᠢ᠋ ᠪᠦᠷᠢᠯᠳᠦᠭᠦᠯᠵᠡᠢ᠃
︽ᠳᠠᠷᠠᠭᠠᠴᠢ ᠪᠡᠷ ᠪᠢᠳᠡ ᠪᠠᠰᠠ ᠰᠠᠭᠤᠷᠢᠨ ᠤ ᠬᠡᠪᠴᠢᠶᠡᠪᠡᠨ ᠴᠢᠨᠠᠭᠰᠢᠳᠠ ᠥᠷᠭᠡᠳᠬᠡᠨ᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ ᠲᠠᠷᠢᠶᠠᠴᠢᠨ ᠡᠷᠦᠬᠡᠶ᠋ᠢᠨ ᠬᠠᠮᠲᠤᠶ᠋ᠢᠨ ᠬᠥᠭᠵᠢᠯᠲᠡᠶ᠋ᠢ ᠬᠣᠯᠪᠣᠭᠠᠯᠠᠨ ᠳᠠᠢᠴᠢᠯᠠᠵᠤ᠂ ᠲᠠᠷᠢᠮᠠᠯᠤ᠋ᠨ ᠮᠡᠷᠭᠡᠵᠢᠯ᠂ ᠳᠥᠭᠥᠮ ᠪᠦᠲᠦᠴᠡᠲᠦ ᠬᠦᠯᠡᠮᠵᠢᠶ᠋ᠢᠨ ᠡᠵᠡᠩᠨᠡᠯᠲᠡ ᠬᠠᠮᠢᠶᠠᠷᠤᠯᠲᠠ ᠵᠡᠷᠭᠡ ᠲᠠᠯᠠᠪᠠᠷ ᠲᠠᠷᠢᠶᠠᠴᠢᠨ ᠡᠷᠦᠬᠡᠳ᠋ᠦ᠍ ᠨᠡᠩ ᠭᠦᠢᠴᠡᠳ ᠳᠡᠮᠵᠢᠯᠭᠡ ᠬᠠᠩᠭᠠᠬᠤ ᠪᠣᠯᠤᠨᠠ ︾ᠭᠡᠵᠦ ᠨᠢᠩ ᠮᠢᠩ ᠯᠧᠢ ᠢᠯᠡᠳᠬᠡᠭᠰᠡᠨ ᠪᠠᠢᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃