2026-09-14 09:36:58
9 ᠰᠠᠷᠠᠶ᠋ᠢᠨ 6ᠦ᠌ ᠡᠳᠦᠷ᠂ ᠪᠠᠶᠠᠨᠨᠠᠭᠤᠷ ᠬᠣᠲᠠᠶ᠋ᠢᠨ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠪᠠ ᠢ ᠰᠢᠶᠠᠩᠤ᠋ᠨ ᠪᠠ ᠢ ᠲᠣᠰᠬᠣᠨᠳ᠋ᠤ᠌ ᠬᠦᠷᠬᠦᠳᠤ᠂ ᠲᠡᠭᠰᠢ ᠲᠠᠷᠳᠠᠩ ᠲᠣᠰᠬᠣᠨᠤ᠋ ᠵᠠᠮ ᠠᠢᠯ ᠪᠣᠯᠭᠠᠨᠳ᠋ᠤ᠌ ᠨᠡᠪᠲᠡᠷᠡᠵᠦ᠂ ᠵᠠᠮᠤ᠋ᠨ ᠬᠣᠶᠠᠷ ᠵᠠᠬᠠᠪᠠᠷ ᠵᠢᠮᠢᠰᠦ᠋ᠨ ᠮᠣᠳᠣ ᠵᠢᠭᠳᠡᠷᠡᠨ᠂ ᠮᠣᠳᠣ ᠳᠦᠭᠦᠷᠡᠩ ᠵᠢᠮᠢᠰ ᠰᠠᠭᠤᠵᠤ ᠠᠮᠢᠵᠢᠷᠠᠯᠤ᠋ᠨ ᠬᠦᠴᠦᠨᠢ᠋ᠶ᠋ᠡᠷ ᠪᠢᠯᠬᠠᠵᠤ ᠪᠠᠢᠨᠠ᠃
︽ᠭᠡᠷᠬᠦᠷᠢᠶᠡ ᠪᠠᠨ ᠰᠠᠢᠳᠤᠷ ᠲᠤᠳᠤᠮᠳᠠᠨ ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠵᠢ ᠬᠦᠭᠵᠢᠭᠦᠯᠵᠦ᠂ ᠭᠠᠳᠠᠭᠰᠢ ᠭᠠᠷᠴᠤ ᠬᠦᠯᠦᠰᠦᠨ ᠠᠵᠢᠯ ᠬᠢᠬᠦ ᠦᠭᠡᠢᠴᠤ ᠴᠢᠨᠡᠭᠡᠯᠢᠭ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠪᠤᠯᠤᠨᠠ︾ ᠭᠡᠮᠡᠨ ᠪᠠ ᠢ ᠲᠣᠰᠬᠣᠨᠤ᠋ ᠠᠷᠠᠳ ᠵᠠᠩ ᠯᠧᠢ ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠶ᠋ᠢᠨ ᠲᠤᠬᠠᠢ ᠶᠠᠷᠢᠬᠤᠳ᠋ᠤ᠌ ᠮᠠᠰᠢ ᠪᠠᠶᠠᠷᠲᠠᠢ ᠪᠠᠢᠯᠠ᠃ ᠲᠡᠳᠡᠨᠦ᠌ ᠬᠢᠨ ᠲᠠᠷᠢᠵᠤ ᠲᠡᠵᠢᠭᠡᠬᠦᠵᠢ ᠤᠶᠠᠯᠳᠤᠭᠤᠯᠬᠤ ᠠᠷᠭᠠᠵᠢ ᠠᠪᠴᠤ ᠵᠢᠯ ᠪᠦᠷᠢ ᠤᠷᠢᠳ ᠬᠣᠵᠢᠳ ᠬᠣᠶᠠᠷ ᠪᠦᠯᠦᠭ ᠮᠢᠬᠠᠨᠤ ᠬᠣᠨᠢ ᠲᠡᠵᠢᠭᠡᠵᠦ᠂ ᠵᠢᠯᠳ᠋ᠦ᠍ 900 ᠭᠠᠷᠤᠢ ᠬᠣᠨᠢ ᠪᠤᠷᠤᠯᠠᠭᠤᠯᠵᠤ᠂ ᠴᠡᠪᠡᠷ ᠣᠷᠣᠯᠭᠠ ᠨᠢ 9 ᠲᠦᠮᠡᠨ ᠲᠥᠭᠥᠷᠢᠭᠢ᠋ ᠳᠠᠪᠠᠵᠤ ᠪᠠᠢᠨᠠ᠃ ᠬᠣᠨᠢᠨᠤ᠋ ᠬᠤᠷᠭᠤᠯᠢ ᠤᠷᠭᠠᠨᠢᠭ ᠪᠤᠷᠳᠤᠭᠤᠷ ᠪᠤᠯᠭᠠᠨ ᠪᠦᠬᠦᠨᠢ᠋ ᠲᠠᠷᠢᠶᠠᠨᠳ᠋ᠤ᠌ ᠣᠷᠣᠭᠤᠯᠤᠨ ᠠᠰᠢᠭᠯᠠᠵᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶ᠋ᠢ ᠬᠠᠷᠢᠯᠴᠠᠨ ᠨᠥᠬᠥᠪᠥᠷᠢᠯᠡᠭᠦᠯᠵᠦ᠂ ᠲᠠᠷᠢᠮᠠᠯ ᠲᠡᠵᠢᠭᠡᠪᠦᠷᠢᠶ᠋ᠢᠨ ᠥᠪᠡᠷᠦ᠋ᠨ ᠥᠷᠲᠡᠭᠢ᠋ ᠪᠦᠲᠦᠮᠵᠢᠲᠡᠢᠪᠡᠷ ᠪᠠᠭᠤᠷᠠᠭᠤᠯᠵᠠᠢ᠃ ᠭᠡᠷᠤᠨ ᠬᠦᠷᠢᠶᠡ ᠨᠢ ᠴᠦ᠍ ᠭᠦᠢᠴᠡᠳ ᠠᠰᠢᠭᠯᠠᠭᠳᠠᠵᠤ᠂ ᠬᠦᠷᠢᠶᠠᠨ ᠭᠠᠳᠠᠨᠠ ᠪᠠᠨ ᠵᠢᠮᠢᠰᠦ᠋ᠨ ᠮᠣᠳᠣ ᠳᠠᠷᠢᠵᠤ᠂ ᠬᠦᠷᠢᠶᠡᠨ ᠳᠣᠲᠣᠷᠠᠪᠠᠨ ᠢᠳᠡᠰᠢᠨ ᠨᠣᠭᠣᠭᠠᠨᠤ ᠬᠠᠰᠢᠶᠠ ᠭᠠᠷᠭᠠᠵᠤ᠂ ᠵᠤᠨ ᠨᠠᠮᠤᠷᠤ᠋ᠨ ᠤᠯᠠᠷᠢᠯᠳ᠋ᠤ᠌ ᠢᠳᠡᠰᠢᠨ ᠨᠣᠭᠣᠭᠠᠪᠠᠨ ᠦᠨᠳᠦᠰᠦᠨᠳᠡᠭᠡᠨ ᠥᠪᠡᠷᠢ᠋ᠶ᠋ᠡᠨ ᠬᠠᠩᠭᠠᠳᠠᠭ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠲᠡᠷᠡ ᠪᠠᠰᠠ 50 ᠲᠠᠬᠢᠶᠠ ᠲᠡᠵᠢᠭᠡᠵᠦ᠂ ᠨᠢᠭᠡ ᠲᠠᠬᠢᠶᠠ ᠵᠢ 150 ᠲᠥᠭᠥᠷᠢᠭ ᠣᠷᠴᠢᠮ ᠬᠤᠳᠠᠯᠳᠤᠵᠤ ᠪᠠᠢᠨᠠ᠃ ᠨᠢᠭᠡᠨ ᠵᠢᠵᠢᠬᠬᠡᠨ ᠬᠦᠷᠢᠶᠡ ᠬᠠᠰᠢᠶᠠ ᠡᠴᠨ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠵᠣᠯ ᠵᠢᠷᠭᠠᠯᠲᠠᠢ ᠪᠠᠢᠯᠠ᠃
ᠵᠠᠩ ᠯᠧᠢᠶ᠋ᠢᠨ ᠪᠠᠶᠠᠰᠤᠯ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠯ ᠨᠢ ᠶᠠᠭ ᠪᠠ ᠢ ᠲᠣᠰᠬᠣᠨᠤ᠋ ᠠᠵᠤ ᠦᠢᠯᠡᠰᠦ᠋ᠨ ᠥᠷᠨᠢᠯᠲᠡᠶ᠋ᠢᠨ ᠬᠤᠷᠢᠶᠠᠩᠭᠤᠢ ᠵᠢᠷᠤᠬᠯᠠᠯ ᠪᠣᠯᠤᠨᠠ᠃ ᠨᠠᠮᠤ᠋ᠨ ᠪᠠᠢᠭᠤᠯᠤᠯᠲᠠᠪᠠᠷ ᠵᠢᠯᠣᠭᠣᠳᠤᠮᠵᠢ ᠪᠣᠯᠭᠠᠨ᠂ ᠪᠠ ᠢ ᠲᠣᠰᠬᠣᠨ ᠨᠢ ᠭᠡᠷ ᠪᠦᠯᠢᠶᠢᠨ ᠲᠠᠷᠢᠮᠠᠯ ᠲᠡᠵᠢᠭᠡᠪᠦᠷᠢᠶ᠋ᠢ ᠲᠣᠰᠬᠣᠨᠤ᠋ ᠠᠷᠠᠳᠤ᠋ᠨ ᠣᠷᠣᠯᠭᠠᠶ᠋ᠢ ᠨᠡᠮᠡᠭᠳᠡᠭᠦᠯᠬᠦ ᠴᠢᠬᠤᠯᠠ ᠠᠵᠤ ᠦᠢᠯᠡᠰ ᠪᠣᠯᠭᠠᠵᠤ᠂ ᠲᠠᠷᠢᠶᠠᠴᠢᠨ ᠡᠷᠦᠬᠡᠶ᠋ᠢ ᠵᠣᠷᠢᠭᠵᠢᠭᠤᠯᠤᠨ ᠪᠠᠭᠠ ᠬᠡᠯᠪᠡᠷᠢᠶ᠋ᠢᠨ ᠦᠬᠡᠷ ᠬᠣᠨᠢ ᠪᠠ ᠭᠡᠷᠦ᠋ᠨ ᠵᠢᠭᠦᠷᠲᠡᠨᠢ᠋ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦᠶᠢ ᠠᠬᠢᠭᠤᠯᠵᠤ᠂ ᠭᠡᠷᠦᠨᠢᠶᠡᠨ ᠤᠢᠷᠠᠯᠴᠠᠭᠠ ᠦᠢᠯᠡᠰ ᠪᠤᠰᠬᠠᠵᠤ᠂ ᠬᠣᠯᠠ ᠶᠠᠪᠤᠵᠤ ᠬᠦᠯᠦᠰᠦᠨ ᠠᠵᠢᠯ ᠬᠢᠬᠦ ᠬᠡᠷᠡᠭ ᠦᠭᠡᠢ ᠪᠤᠯᠭᠠᠪᠠ᠃
︽ᠡᠨᠡ ᠵᠢᠯᠤᠨ 8 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢ ᠪᠣᠯᠲᠠᠯᠠ᠂ ᠪᠦᠬᠦ ᠲᠣᠰᠬᠣᠨ ᠨᠡᠢᠲᠡ 11.5 ᠲᠦᠮᠡᠨ ᠮᠢᠬᠠᠨᠤ ᠬᠤᠨᠢ᠂ 300 ᠭᠠᠷᠤᠢ ᠦᠬᠡᠷ᠂ 2500 ᠭᠠᠷᠤᠢ ᠭᠠᠬᠠᠢ᠂ 1 ᠲᠦᠮᠡ ᠭᠠᠷᠤᠢ ᠲᠠᠬᠢᠶᠠ ᠲᠡᠵᠢᠭᠡᠵᠦ ᠪᠠᠢᠪᠠ︾ ᠭᠡᠵᠦ ᠪᠠ ᠢ ᠲᠣᠰᠬᠣᠨᠤ᠋ ᠨᠠᠮᠤ᠋ᠨ ᠡᠭᠦᠷᠦ᠋ᠨ ᠱᠦᠵᠢ ᠳᠠᠩ ᠵᠠᠨ ᠵᠢᠶᠠᠩ ᠲᠠᠨᠢᠯᠴᠠᠭᠤᠯᠤᠨᠠ᠃
ᠭᠡᠷᠤᠨ ᠬᠦᠷᠢᠶᠡ ᠬᠠᠰᠢᠶᠠ ᠨᠢ ᠲᠣᠮᠣ ᠪᠢᠰᠢ ᠪᠣᠯᠪᠠᠴᠤ ᠲᠠᠷᠢᠶᠠᠴᠢᠨ ᠠᠢᠯᠤ᠋ᠨ ᠭᠡᠷᠤᠨ ᠬᠠᠶᠠᠭᠠᠨᠳᠡᠬᠢ 《ᠡᠷᠳᠡᠨᠢ ᠵᠢᠨ ᠰᠠᠩ》 ᠪᠤᠯᠵᠥ ᠪᠤᠢ᠃ ᠣᠢᠷᠠᠶ᠋ᠢᠨ ᠵᠢᠯᠡᠴᠡ᠂ ᠯᠢᠨ ᠾᠧ ᠲᠣᠭᠣᠷᠢᠭ ᠨᠠᠮᠤ᠋ᠨ ᠪᠠᠢᠭᠤᠯᠤᠯᠲᠠᠪᠠᠷ ᠬᠥᠲᠥᠯᠤᠨ ᠳᠠᠭᠠᠭᠤᠯᠬᠤᠶ᠋ᠢ ᠪᠠᠷᠢᠮᠲᠠᠯᠠᠨ᠂ ᠬᠥᠳᠡᠭᠡ ᠲᠣᠰᠬᠣᠨᠤ᠋ ᠰᠤᠯᠠ ᠲᠠᠯᠪᠢᠬᠳᠠᠵᠤ ᠪᠠᠢᠭᠠ ᠬᠦᠷᠢᠶᠡ ᠬᠠᠰᠢᠶᠠᠶ᠋ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠠᠮᠢᠳᠤᠯᠢᠭᠵᠢᠭᠤᠯᠵᠤ᠂ ᠭᠡᠷ ᠪᠦᠯᠢᠶᠢᠨ ᠲᠠᠷᠢᠵᠤ ᠲᠡᠵᠢᠬᠡᠬᠦ ᠦᠢᠯᠡᠰᠢ᠋ ᠶᠡᠬᠡ ᠪᠡᠷ ᠪᠣᠢᠵᠢᠭᠤᠯᠵᠤ᠂ ᠰᠤᠯᠠ ᠲᠠᠯᠪᠢᠬᠳᠠᠵᠤ ᠪᠠᠢᠭᠠ ᠬᠤᠭᠤᠰᠤᠨ ᠭᠠᠵᠠᠷᠢ᠋ ᠣᠷᠣᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠬᠥᠷᠥᠰᠥ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠪᠠ᠃ ᠲᠠᠷᠢᠶᠠᠴᠢᠨ ᠠᠢᠯᠤ᠋ᠨ ᠵᠢᠵᠢᠭ ᠬᠦᠷᠢᠶᠡ ᠨᠢ ᠲᠣᠰᠬᠣᠨᠢ᠋ ᠭᠣᠶᠣᠵᠢᠭᠤᠯᠤᠭᠰᠠᠨᠢ᠋ᠶ᠋ᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠲᠣᠰᠬᠣᠨᠤ᠋ ᠠᠷᠠᠳᠤ᠋ᠨ ᠵᠤᠭᠤᠰᠤᠨᠤ ᠴᠦᠩᠬᠦᠵᠢ ᠲᠦᠭᠦᠷᠭᠡᠵᠦ᠂ ᠬᠥᠳᠡᠭᠡ ᠲᠣᠰᠬᠣᠨᠢ᠋ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳ᠋ᠤ᠌ ᠲᠠᠰᠤᠷᠠᠰᠢ ᠦᠭᠡᠢ ᠳᠣᠲᠣᠭᠠᠳᠤ ᠬᠥᠳᠡᠯᠭᠡᠬᠦ ᠬᠦᠴᠦᠨ ᠨᠡᠮᠡᠷᠢᠯᠡᠪᠡ᠃
ᠡᠳᠦᠭᠡ᠂ ᠬᠦᠷᠢᠶᠠ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢ ᠨᠢ ᠨᠢᠭᠡᠨᠲᠡ ᠯᠢᠨ ᠾᠧ ᠲᠤᠭᠤᠷᠢᠭᠲᠤ ᠥᠷᠭᠡᠨᠢᠶᠡᠷ ᠳᠡᠯᠭᠡᠷᠡᠵᠡᠢ᠃ ᠱᠤᠸᠠᠩ ᠾᠧ ᠪᠠᠯᠭᠠᠰᠤᠨᠤ᠋ ᠶᠤᠸᠠᠢᠶ᠋ᠢᠨ ᠲᠣᠰᠬᠣᠨᠤ᠋ ᠵᠠᠩ ᠼᠦᠢ ᠯᠠᠨᠤ᠋ ᠭᠡᠷᠤᠨ ᠬᠦᠷᠢᠶᠡᠨ ᠳᠣᠲᠣᠷᠠ ᠲᠠᠬᠢᠶᠠ ᠨᠤᠭᠤᠰᠤ ᠭᠠᠭᠠᠯᠠᠨ ᠬᠣᠨᠢ ᠬᠤᠷᠠᠭᠠ ᠮᠠᠢᠯᠠᠵᠤ᠂ ᠭᠠᠬᠠᠢᠶ᠋ᠢᠨ ᠬᠠᠰᠢᠶᠠᠨᠳᠤᠨᠢ ᠲᠠᠷᠭᠤᠨ ᠭᠠᠬᠠᠢ ᠲᠦᠭᠦᠷᠡᠩ ᠪᠠᠢᠵᠤ᠂ ᠦᠨᠡᠨ ᠪᠣᠳᠠᠲᠠᠢ ᠠᠰᠢᠭ ᠣᠷᠣᠯᠭᠠ ᠠᠭᠤᠯᠤᠭᠳᠠᠨᠠ᠃ ᠵᠠᠩ ᠼᠦᠢ ᠯᠠᠨ ᠬᠦᠷᠢᠶᠠ ᠬᠠᠰᠢᠶᠠ ᠳ᠋ᠠᠭᠠᠨ ᠲᠦᠰᠢᠭᠯᠡᠨ ᠣᠯᠠᠨ ᠡᠰᠢᠲᠦ ᠲᠤᠰᠠᠯᠠᠬᠤ ᠠᠵᠤ ᠠᠬᠤᠢᠶ᠋ᠢ ᠬᠥᠭᠵᠢᠭᠦᠯᠵᠦ᠂ ᠡᠨᠡ ᠵᠢᠯ ᠨᠡᠢᠲᠡ 120 ᠭᠠᠷᠤᠢ ᠲᠠᠬᠢᠶᠠ ᠲᠡᠵᠢᠭᠡᠨ᠂ ᠪᠠᠰᠠ 2 ᠭᠠᠬᠠᠢ᠂ 20 ᠭᠠᠷᠤᠢ ᠬᠣᠨᠢ ᠲᠡᠵᠢᠭᠡᠨ ᠠᠷᠠᠴᠢᠯᠠᠵᠤ᠂ ᠵᠢᠱ᠌ᠢᠯᠲᠡ ᠪᠡᠷ 3 ᠲᠦᠮᠡ ᠭᠠᠷᠤᠢ ᠲᠥᠭᠥᠷᠢᠭᠦ᠋ᠨ ᠣᠷᠣᠯᠭᠠ ᠡᠬᠦᠳᠬᠦ ᠪᠣᠯᠤᠨᠠ᠃
︽ᠮᠠᠨᠤ᠋ ᠭᠡᠷᠦ᠋ᠨ ᠵᠢᠵᠢᠭ ᠨᠣᠭᠣᠭᠠᠨᠤ ᠬᠠᠰᠢᠶᠠᠵᠢ ᠬᠠᠷᠠ ᠳ᠋ᠠ᠂ ᠴᠢᠨᠵᠦᠦ᠂ ᠪᠤᠷᠴᠠᠭ᠂ ᠡᠷᠳᠡᠨᠢ ᠰᠢᠰᠢ ᠪᠦᠷ ᠪᠠᠢᠨᠠ᠂ ᠵᠢᠭᠠᠬᠠᠨᠴᠤ ᠲᠠᠷᠢᠶᠠᠨᠤ ᠡᠮ ᠣᠷᠣᠭᠤᠯᠤᠭᠰᠠᠨ ᠦᠭᠡᠢ᠂ ᠰᠢᠭᠤᠳ ᠲᠠᠰᠤᠳᠠᠵᠤ ᠠᠪᠤᠭᠠᠳ ᠢᠳᠡᠵᠦ ᠪᠤᠯᠤᠨᠠ᠂ ᠡᠳᠦᠷ ᠲᠤᠲᠤᠮᠤ᠋ᠨ ᠨᠣᠭᠣᠭᠠ ᠬᠤᠳᠠᠯᠳᠤᠨ ᠠᠪᠬᠤ ᠵᠠᠷᠤᠳᠠᠯᠢ᠋ᠶ᠋ᠠᠨ ᠠᠷᠪᠢᠯᠠᠭᠰᠠᠨ ᠮᠥᠷᠲᠡᠭᠡᠨ ᠪᠣᠬᠢᠷᠲᠤᠯ ᠦᠭᠡᠢ ᠡᠷᠡᠭᠦᠯ ᠢᠳᠡᠭᠡᠨ ᠢᠳᠡᠵᠦ᠂ ᠠᠮᠢᠳᠤᠷᠠᠯ ᠮᠠᠰᠢ ᠲᠠᠭᠠᠯᠠᠮᠵᠢᠲᠠᠢ ᠰᠠᠢᠬᠠᠨ ᠪᠠᠢᠨᠠ︾ ᠭᠡᠵᠦ ᠵᠠᠩ ᠼᠦᠢ ᠯᠠᠨ ᠢᠨᠢᠶᠡᠮᠰᠦᠭᠯᠡᠨ ᠬᠡᠯᠡᠨᠡ᠃
ᠶᠤᠸᠠᠢ ᠵᠢᠨ ᠲᠣᠰᠬᠣᠨᠤ᠋ ᠨᠠᠮᠤ᠋ᠨ ᠡᠭᠦᠷᠦ᠋ᠨ ᠱᠦᠵᠢ ᠵᠣᠣ ᠳᠧ ᠯᠦᠩᠦ᠋ᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨᠢ᠋ᠶ᠋ᠠᠷ᠂ ᠣᠳᠣᠬᠠᠨᠳ᠋ᠤ᠌ ᠪᠦᠬᠦ ᠲᠣᠰᠬᠣᠨᠳ᠋ᠤ᠌ ᠨᠡᠢᠲᠡ 87 ᠲᠠᠷᠢᠶᠠᠴᠢᠨ ᠡᠷᠦᠬᠡ ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠶ᠋ᠢ ᠬᠥᠭᠵᠢᠭᠦᠯᠵᠦ᠂ ᠢᠳᠡᠰᠢᠨ ᠨᠣᠭᠣᠭᠠ᠂ ᠵᠢᠮᠢᠰᠤᠨ ᠮᠤᠳᠤᠶᠢᠨ ᠲᠠᠯᠠᠪᠠᠢ ᠪᠠᠷᠤᠭ 30 ᠮᠦ᠍᠂ 2600 ᠲᠠᠬᠢᠶᠠ᠂ 400 ᠢᠯᠡᠭᠦᠦ ᠭᠠᠬᠠᠢ᠂ 5000 ᠭᠠᠷᠤᠢ ᠬᠣᠨᠢ ᠲᠡᠵᠢᠭᠡᠵᠦ᠂ ᠲᠠᠷᠢᠵᠦ ᠲᠡᠵᠢᠬᠡᠬᠦᠶ᠋ᠢ ᠠᠭᠤᠰᠤᠯᠴᠠᠭᠤᠯᠬᠤ ᠬᠥᠭᠵᠢᠯᠲᠡᠶ᠋ᠢᠨ ᠬᠡᠪ ᠵᠠᠭᠪᠤᠷᠢ᠋ ᠪᠣᠢ ᠪᠣᠯᠭᠠᠵᠤ᠂ ᠡᠷᠦᠬᠡ ᠪᠦᠷᠢᠳ᠋ᠦ᠍ ᠳᠤᠮᠳᠠᠴᠢᠪᠠᠷ ᠵᠢᠯ ᠪᠦᠷᠢ 4000 ᠭᠠᠷᠤᠢ ᠲᠥᠭᠥᠷᠢᠭᠦ᠋ᠨ ᠣᠷᠣᠯᠭᠠ ᠨᠡᠮᠡᠭᠳᠡᠭᠦᠯᠵᠦ᠂ ᠲᠣᠰᠬᠣᠨᠤ᠋ ᠠᠷᠠᠳ ᠭᠡᠷᠡᠴᠡᠪᠡᠨ ᠭᠠᠷᠬᠤ ᠦᠭᠡᠢᠪᠡᠷ ᠣᠷᠣᠯᠭᠠ ᠪᠠᠨ ᠲᠣᠭᠲᠠᠭᠤᠨᠢ᠋ᠶ᠋ᠠᠷ ᠨᠡᠮᠡᠭᠳᠡᠭᠦᠯᠵᠦ ᠳᠡᠢᠯᠦᠨᠡ᠃
ᠯᠢᠨ ᠾᠧ ᠲᠤᠭᠤᠷᠢᠭ ᠨᠢ ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠵᠢ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤ᠋ᠨ 《ᠨᠢᠭᠡ ᠲᠤᠰᠬᠤᠨ ᠨᠢᠭᠡ ᠲᠦᠷᠦᠯ ᠲᠡᠮᠳᠡᠭ》ᠦᠨ ᠭᠣᠣᠯᠯᠠᠬᠤ ᠠᠵᠤ ᠦᠢᠯᠡᠰᠢ ᠪᠤᠢᠵᠢᠭᠤᠯᠬᠤᠲᠡᠢ ᠣᠷᠭᠠᠨᠢᠭᠢ᠋ᠶ᠋ᠠᠷ ᠤᠶᠠᠯᠳᠤᠭᠤᠯᠵᠤ᠂ ᠭᠡᠷᠤᠨ ᠬᠦᠷᠢᠶᠡᠶᠢᠨ 《ᠵᠢᠵᠢᠭ ᠤᠷᠤᠨ ᠵᠠᠢ》 ᠶ᠋ᠢ ᠲᠠᠷᠢᠶᠠᠴᠢᠳᠤ᠋ᠨ 《ᠣᠷᠣᠯᠭᠠ ᠪᠠᠨ ᠨᠡᠮᠡᠭᠳᠡᠭᠦᠯᠬᠦ ᠬᠦᠷᠢᠶᠡᠯᠡᠩ》 ᠪᠣᠯᠭᠠᠨ ᠪᠦᠲᠦᠭᠡᠨ ᠪᠠᠢᠭᠤᠯᠬᠤᠪᠠᠷ ᠴᠢᠷᠮᠠᠢᠵᠤ ᠪᠠᠢᠨᠠ᠃ ᠡᠭᠦᠨᠦ᠌ ᠬᠠᠮᠲᠤ ᠲᠥᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠳ᠋ᠤ᠌ ᠨᠥᠬᠥᠪᠥᠷᠢ ᠥᠭᠬᠦ ᠰᠠᠨᠠᠯ ᠨᠡᠢᠲᠡᠯᠡᠵᠦ᠂ ᠲᠠᠷᠢᠶᠠᠴᠢᠨ ᠡᠷᠦᠬᠡᠶ᠋ᠢ ᠵᠢᠯᠣᠭᠣᠳᠤᠨ ᠭᠡᠷᠤᠨ ᠬᠠᠶᠠᠭᠠᠨᠳᠠᠭᠠᠨ ᠢᠳᠡᠪᠬᠢᠲᠡᠢ ᠪᠡᠷ ᠲᠦᠬᠦᠭᠡᠷᠦᠮᠵᠢᠲᠦ ᠲᠠᠷᠢᠶᠠᠯᠠᠩᠢ ᠬᠥᠭᠵᠢᠭᠦᠯᠵᠦ᠂ ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠶ᠋ᠢ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠬᠥᠳᠡᠭᠡ ᠲᠣᠰᠬᠣᠨᠤ᠋ ᠬᠥᠭᠵᠢᠯᠲᠡᠶ᠋ᠢᠨ ᠣᠨᠴᠠᠯᠢᠭᠲᠤ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠣᠯᠭᠠᠵᠠᠢ᠃ ᠣᠳᠣᠬᠠᠨᠳ᠋ᠤ᠌᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠲᠤ᠌ ᠨᠢᠭᠡᠨᠲᠡ 6 ᠬᠦᠷᠢᠶᠡ ᠬᠠᠰᠢᠶᠠᠨ ᠤ᠋ ᠠᠵᠤ ᠠᠬᠤᠢᠶ᠋ᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠲᠣᠰᠬᠣᠨᠢ᠋ ᠪᠠᠢᠭᠤᠯᠵᠤ᠂ ᠶᠠᠳᠠᠭᠤᠠ᠋ᠴᠠ ᠠᠩᠭᠢᠵᠢᠷᠠᠭᠰᠠᠨ ᠡᠷᠦᠬᠡᠳᠦ 51.5 ᠲᠦᠮᠡ ᠭᠠᠷᠤᠢ ᠲᠥᠭᠥᠷᠢᠭᠦ᠋ᠨ ᠱᠠᠩᠨᠠᠯ ᠨᠥᠬᠥᠪᠥᠷᠢ ᠣᠯᠭᠣᠵᠤ᠂ ᠲᠠᠷᠢᠶᠠᠴᠢᠨ ᠡᠷᠦᠬᠡᠶ᠋ᠢᠨ ᠬᠥᠭᠵᠢᠯᠲᠡᠶ᠋ᠢᠨ ᠥᠪᠡᠷᠦ᠋ᠨ ᠥᠷᠲᠡᠭᠢ᠋ ᠲᠠᠰᠤᠷᠠᠯᠲᠠ ᠦᠭᠡᠢ ᠪᠠᠭᠤᠷᠠᠭᠤᠯᠵᠤ᠂ ᠣᠯᠠᠨ ᠡᠰᠢᠴᠢᠯᠡᠭᠰᠡᠨ ᠣᠷᠣᠯᠭᠠᠶ᠋ᠢ ᠨᠡᠮᠡᠭᠳᠡᠭᠦᠯᠬᠦ ᠠᠷᠭᠠ ᠵᠠᠮᠢ᠋ ᠥᠷᠭᠡᠳᠬᠡᠵᠦ᠂ ᠬᠥᠳᠡᠭᠡ ᠲᠣᠰᠬᠣᠨᠢ᠋ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠰᠠᠭᠤᠷᠢᠶ᠋ᠢ ᠪᠡᠬᠢᠵᠢᠭᠦᠯᠪᠡ᠃
︽ᠪᠢᠳᠡ ᠨᠠᠮᠤ᠋ᠨ ᠪᠠᠢᠭᠤᠯᠤᠯᠲᠠᠪᠠᠷ ᠬᠥᠲᠥᠯᠦᠨ ᠳᠠᠭᠠᠭᠤᠯᠬᠤᠶ᠋ᠢ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠳᠬᠠᠵᠤ᠂ ᠬᠥᠳᠡᠭᠡ ᠲᠣᠰᠬᠣᠨᠤ᠋︿ᠰᠤᠯᠠ ᠰᠡᠯᠡᠭᠦᠦ ᠲᠠᠯᠪᠢᠬᠳᠠᠵᠤ ᠪᠠᠢᠭᠠ ᠭᠠᠵᠠᠷ ᠰᠢᠷᠤᠢ﹀ ᠵᠢ ᠨᠤᠭᠤᠭᠠᠷᠠᠭᠤᠯᠵᠤ᠂︿ᠵᠢᠵᠢᠭ ᠭᠡᠷᠤᠨ ᠬᠦᠷᠢᠶᠡ﹀ ᠶ᠋ᠢ ᠴᠢᠷᠮᠠᠢᠨ︿ᠲᠤᠮᠤ ᠦᠢᠯᠡᠰ﹀ ᠪᠣᠯᠭᠠᠵᠤ᠂ ᠠᠵᠤ ᠦᠢᠯᠡᠰ ᠬᠥᠭᠵᠢᠭᠰᠡᠨ᠂ ᠤᠷᠤᠰᠢᠨ ᠰᠠᠭᠤᠷᠢᠰᠢᠬᠤᠳ᠋ᠤ᠌ ᠲᠣᠬᠢᠷᠠᠮᠵᠢᠲᠠᠢ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠬᠥᠳᠡᠭᠡ ᠲᠣᠰᠬᠣᠨᠢ᠋ ᠵᠢᠷᠤᠭᠯᠠᠨᠠ︾ ᠭᠡᠵᠦ ᠯᠢᠨ ᠾᠧ ᠲᠣᠭᠣᠷᠢᠭᠤ᠋ᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠪᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦ᠋ᠨ ᠲᠣᠪᠴᠢᠶᠠᠶ᠋ᠢᠨ ᠨᠠᠮᠤ᠋ᠨ ᠤᠳᠤᠷᠢᠳᠬᠤ ᠳᠤᠭᠤᠢᠯᠠᠩᠤ᠋ᠨ ᠪᠦᠷᠢᠯᠳᠦᠬᠦᠨ ᠰᠦᠨ ᠯᠢᠶᠠᠨ ᠱᠧᠩ ᠬᠡᠯᠡᠪᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃