2026-11-18 11:47:37
11 ᠰᠠᠷᠠᠶᠢᠨ 14 ᠦ ᠡᠳᠦᠷᠡᠴᠡ ᠨᠠᠭᠠᠰᠢ ᠥᠪᠥᠷ ᠮᠣᠩᠭᠣᠯᠳᠤ ᠪᠠᠷᠠᠭᠤᠨᠠᠴᠠ ᠵᠡᠭᠦᠨᠰᠢ ᠴᠠᠰᠤ ᠣᠷᠣᠵᠤ᠂ ᠬᠡᠰᠡᠭ ᠭᠠᠵᠠᠷᠲᠤ᠌ ᠶᠡᠬᠡ ᠴᠠᠰᠤ ᠣᠷᠣᠵᠠᠶ᠃ 16ᠤ ᠡᠳᠦᠷᠦᠨ 8 ᠴᠠᠭ ᠪᠣᠯᠲᠠᠯᠠ᠂ ᠪᠥᠬᠥ᠌ ᠣᠷᠣᠨᠤ 12 ᠠᠶ᠋ᠢᠮᠠᠭ ᠬᠣᠲᠠ᠂ 78 ᠬᠣᠰᠢᠭᠤ ᠰᠢᠶᠠᠨ᠂ 557 ᠥᠷᠲᠡᠭᠡ ᠴᠡᠭᠲᠦ᠍ ᠲᠣᠨᠳᠠᠰᠤ ᠪᠠᠭᠤᠵᠤ᠂ ᠰᠢᠯᠢᠶᠢᠨ ᠭᠤᠤᠯ ᠠᠶ᠋ᠢᠮᠠᠭᠤᠨ ᠰᠢᠯᠤᠭᠤᠨ ᠬᠥᠬᠡ ᠬᠣᠰᠢᠭᠤᠨᠤ ᠬᠠᠢᠯᠠᠷ ᠡᠴᠡ ᠴᠢᠭᠤᠯᠤᠯᠳᠦ ᠬᠠᠭᠠᠯᠭᠠ ᠭᠦᠷᠭᠦ ᠲᠦᠷᠭᠡᠨᠤ ᠵᠠᠰᠠᠮᠠᠯ ᠵᠠᠮᠤᠨ K1147 ᠣᠶ᠋ᠢᠷᠠ ᠬᠠᠪᠢᠶᠢᠨ ᠲᠣᠨᠳᠠᠰᠤᠨᠤ ᠬᠡᠮᠵᠢᠶᠡ 23.0 ᠮᠢᠯᠢᠮᠧᠲ᠋ᠷᠲᠦ᠍ ᠬᠦᠷᠴᠦ᠍᠂ ᠬᠥᠬᠡᠬᠣᠲᠠᠶᠢᠨ ᠬᠣᠲᠠᠶᠢᠨ ᠲᠣᠭᠣᠷᠢᠭᠲᠦ 17.0 ᠮᠢᠯᠢᠮᠧᠲ᠋ᠷᠲᠦ᠍ ᠬᠦᠷᠴᠡᠶ᠂ ᠲᠣᠰ ᠤᠳᠠᠭᠠᠨᠤ ᠴᠠᠰᠤ ᠪᠣᠯ ᠡᠪᠦᠯ ᠤᠷᠤᠭᠰᠠᠨᠠᠴᠠ ᠨᠠᠭᠠᠰᠢᠬᠢ ᠬᠠᠮᠤᠭᠤᠨ ᠶᠡᠬᠡ ᠴᠠᠰᠤ ᠪᠣᠯᠤᠨᠠ᠃
ᠨᠡᠯᠢᠶᠡᠳ ᠶᠡᠬᠡ ᠴᠠᠰᠤᠨᠤ ᠪᠠᠶ᠋ᠢᠳᠠᠯᠤᠨ ᠡᠮᠦᠨᠡ᠂ ᠥᠪᠥᠷ ᠮᠣᠩᠭᠣᠯᠤᠨ ᠴᠠᠭ ᠠᠭᠤᠷ᠂ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢ᠂ ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠬᠠᠮᠢᠶᠠᠷᠤᠯᠲᠠ ᠵᠡᠷᠭᠡ ᠰᠠᠯᠠᠭᠠ ᠮᠥᠴᠢᠷ ᠢᠵᠢᠯ ᠠᠯᠬᠤᠮᠢᠶᠠᠷ ᠭᠦᠳᠡᠯᠦᠯᠴᠡᠵᠦ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠰᠠᠭᠠᠳ ᠥᠬᠡᠶ ᠨᠡᠪᠲᠡᠷᠡᠬᠦ᠌᠂ ᠠᠮᠤᠷ ᠲᠦᠪᠰᠢᠨᠢ ᠪᠥᠬᠥ᠌ ᠬᠦᠴᠦᠨᠢᠶᠡᠷᠢᠶᠡᠨ ᠪᠠᠲᠤᠯᠠᠪᠠ᠃
ᠰᠡᠷᠡᠮᠵᠢᠯᠡᠭᠦᠯᠦᠯ ᠴᠠᠰᠤᠨ ᠡᠴᠡ ᠤᠷᠢᠳ ᠪᠠᠢᠬᠤ ᠵᠢ ᠪᠠᠳᠤᠯᠠᠪᠠ᠃ 15 ᠤ ᠡᠳᠦᠷᠦᠨ 10 ᠴᠠᠭᠲᠤ᠌᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ ᠶᠡᠭᠡ ᠴᠠᠰᠤᠨᠤ ᠬᠥᠬᠡ ᠥᠩᠭᠡᠶᠢᠨ ᠰᠡᠷᠡᠮᠵᠢᠶᠢᠨ ᠳᠣᠬᠢᠶᠠ ᠨᠡᠶ᠋ᠢᠲᠡᠯᠡᠵᠦ᠍᠂ ᠬᠡᠰᠡᠭ ᠭᠠᠵᠠᠷ ᠣᠷᠣᠨᠳᠤ ᠰᠡᠭᠦᠯᠡᠷᠨᠢ ᠰᠢᠷᠠ ᠥᠩᠭᠡ ᠪᠣᠯᠵᠣ ᠳᠡᠭᠡᠭᠰᠢᠯᠡᠭᠰᠡᠨ ᠪᠥᠭᠡᠳ ᠵᠠᠮ ᠳᠡᠭᠡᠷᠡ ᠮᠥᠰᠥ᠍ ᠬᠥᠯᠳᠡᠬᠦ᠌ ᠰᠡᠷᠡᠮᠵᠢᠶᠢᠨ ᠳᠣᠬᠢᠶᠠ ᠨᠡᠶ᠋ᠢᠲᠡᠯᠡᠵᠡᠶ᠃ ᠦᠬᠠᠶ ᠬᠣᠲᠠᠶᠢᠨ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠ ᠲᠡᠷᠡ ᠳᠠᠷᠤᠶᠳᠤᠨᠢ ᠬᠦᠨᠳᠦ ᠶᠡᠬᠡ ᠴᠠᠭ ᠠᠭᠤᠷᠤᠨ ᠭᠠᠮᠰᠢᠭ(ᠶᠡᠬᠡ ᠴᠠᠰᠤ)ᠤᠨ ᠳᠥᠷᠪᠡᠳᠦᠭᠡᠷ ᠳᠡᠰᠤᠨ ᠪᠠᠴᠢᠮ ᠪᠠᠶ᠋ᠢᠳᠠᠯ ᠢ ᠠᠷᠭᠠᠴᠠᠭᠠᠬᠤ ᠲᠥᠰᠦᠯ ᠢ ᠡᠬᠢᠯᠡᠭᠦᠯᠵᠦ᠍᠂ ᠮᠧᠬᠠᠨᠢᠭ + ᠵᠣᠬᠢᠶᠠᠮᠠᠯ ᠵᠠᠭᠪᠤᠷᠢ ᠬᠡᠷᠡᠭᠯᠡᠨ᠂ ᠭᠤᠤᠯ ᠳᠡᠳ᠋ ᠵᠠᠮ᠂ ᠬᠥᠭᠥᠷᠭᠡᠶᠢᠨ ᠨᠠᠯᠠᠤ ᠵᠠᠮ᠂ ᠵᠠᠮᠤᠨ ᠠᠭᠤᠯᠵᠠᠷᠲᠤ᠌ ᠮᠥᠰᠥ᠍ ᠴᠠᠰᠤ ᠠᠷᠢᠯᠭᠠᠬᠤ ᠠᠵᠢᠯ ᠢ ᠭᠤᠤᠯᠳᠠᠯᠭᠠᠲᠠᠶ ᠥᠷᠨᠢᠭᠦᠯᠪᠡ᠃ ᠲᠤᠬᠠᠶᠶᠢᠨ ᠭᠠᠵᠠᠷᠤᠨ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠪᠦᠭᠦᠢᠯᠠ ᠴᠠᠭᠳᠠᠭᠠ ᠨᠠᠷ ᠠᠵᠢᠯᠤᠨ ᠪᠠᠶ᠋ᠢᠷᠢᠳᠠᠭᠠᠨ ᠪᠠᠶ᠋ᠢᠵᠤ᠂ ᠭᠤᠤᠯᠳᠠᠯᠭᠠᠲᠠᠶ ᠵᠠᠮᠤᠨ ᠬᠡᠰᠡᠭᠲᠦ᠍ ᠲᠣᠭᠣᠷᠢᠨ ᠴᠠᠭᠳᠠᠵᠤ ᠵᠢᠭᠠᠨ ᠵᠢᠯᠣᠭᠣᠳᠬᠤᠪᠠᠨ ᠴᠢᠩᠭᠠᠳᠬᠠᠵᠤ᠂ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠬᠤ ᠲᠡᠷᠭᠡ ᠬᠥᠰᠬᠡᠶᠢ ᠬᠠᠪᠰᠤᠷᠤᠨ ᠠᠮᠤᠷ ᠲᠦᠪᠰᠢᠨᠢᠶᠡᠷ ᠠᠶᠠᠯᠠᠭᠤᠯᠪᠠ᠃
ᠠᠭᠠᠷᠤᠨ ᠳᠤᠯᠠᠭᠠᠨ ᠳᠤᠤᠷᠠ᠂ ᠴᠠᠰᠤ ᠣᠷᠣᠬᠰᠠᠨ᠂ ᠮᠠᠨᠠᠨᠲᠤᠭᠰᠠᠨ ᠵᠡᠷᠭᠡ ᠨᠥᠯᠥᠭᠡᠡᠴᠡ ᠪᠣᠯᠵᠣ᠂ 16 ᠤ ᠡᠳᠦᠷᠦᠨ 15 ᠴᠠᠭ ᠪᠣᠯᠲᠠᠯᠠ᠂ ᠣᠷᠣᠨᠤ ᠳᠣᠲᠣᠷᠠᠬᠢ G6 ᠪᠡᠭᠡᠵᠢᠩ ᠡᠴᠡ ᠲᠥᠪᠡᠳ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G16 ᠳ᠋ᠠᠨᠳ᠋ᠦ᠋ᠡᠭ ᠡᠴᠡ ᠰᠢᠯᠢᠡᠭᠬᠤᠳᠠ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G45 ᠳ᠋ᠠᠴᠢᠡᠭ ᠡᠴᠡ ᠭᠤᠸᠠᠡᠭᠵᠸᠦ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G55 ᠡᠷᠢᠶᠠᠨ ᠬᠤᠳᠠ ᠡᠴᠡ ᠭᠤᠸᠠᠡᠭᠵᠸᠦ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G1013 ᠬᠠᠢᠯᠠᠷ ᠡᠴᠡ ᠴᠢᠭᠤᠯᠤᠯᠳᠦ ᠬᠠᠭᠠᠯᠭᠠ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G1611 ᠭᠡᠰᠢᠭᠳᠡᠨ ᠬᠤᠰᠢᠭᠤ ᠡᠴᠡ ᠴᠸᠡᠭᠳ᠋ᠸ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G4515 ᠤᠯᠠᠭᠠᠨᠬᠠᠳᠠ ᠡᠴᠡ ᠰᠦᠢᠵᠦ᠋ᠡᠭ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G5511 ᠵᠢᠨᠢᠡᠭ ᠡᠴᠡ ᠠᠷᠤᠨ ᠬᠤᠰᠢᠭᠤ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G5516 ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤ ᠡᠴᠡ ᠴᠢᠭᠤᠯᠤᠯᠳᠦ ᠬᠠᠭᠠᠯᠭᠠ ᠭᠦᠷᠭᠦ ᠳᠦᠷᠭᠡᠨᠤ ᠵᠠᠮ᠂ G5901 ᠬᠥᠬᠡᠬᠣᠲᠠᠶᠢᠨ ᠬᠣᠲᠠᠶᠢᠨ ᠲᠣᠭᠣᠷᠢᠯ 10 ᠵᠤᠷᠪᠤᠰ ᠳᠦᠷᠭᠡᠨᠤ ᠵᠠᠮ᠂ ᠵᠢᠴᠢ G242 ᠨᠢᠭᠡᠳᠦᠭᠡᠷ ᠳᠡᠰᠤᠨ ᠵᠠᠰᠠᠮᠠᠯ ᠵᠠᠮᠳᠤ ᠲᠦᠷ ᠴᠠᠭᠤᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠵᠠᠬᠢᠷᠤᠨ ᠬᠠᠮᠢᠶᠠᠷᠤᠯᠲᠠ ᠶᠠᠪᠤᠭᠤᠯᠵᠤ᠂ ᠰᠦᠢᠳᠬᠡᠯ ᠬᠤᠷᠢᠶᠠᠬᠤ 79 ᠥᠷᠲᠡᠭᠡ ᠵᠢ ᠬᠠᠭᠠᠵᠤ᠂ ᠪᠤᠰᠤᠳ ᠵᠠᠮᠤᠨ ᠬᠡᠰᠡᠭᠲᠦ᠍ ᠬᠡᠪᠦᠨ ᠪᠠᠶ᠋ᠢᠳᠠᠯᠢᠶᠠᠷ ᠨᠡᠪᠲᠡᠷᠡᠭᠦᠯᠵᠦ ᠪᠠᠢᠨᠠ᠃
ᠵᠠᠮ ᠳᠡᠭᠡᠷᠠ ᠴᠠᠰᠦ ᠤᠷᠤᠬᠤᠳᠦ᠂ ᠴᠡᠪᠡᠷᠯᠡᠬᠦ᠌ᠵᠢ ᠠᠯᠭᠤᠷᠯᠠᠵᠤ ᠪᠣᠯᠬᠤ ᠦᠭᠡᠢ᠃ 16 ᠤ ᠡᠳᠦᠷᠦᠨ 10 ᠴᠠᠭ ᠪᠣᠯᠲᠠᠯᠠ᠂ ᠪᠥᠬᠥ᠌ ᠣᠷᠣᠨᠤ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠰᠠᠯᠠᠭᠠ ᠮᠥᠴᠢᠷ ᠲᠣᠭᠣᠷᠢᠨ ᠪᠠᠶ᠋ᠢᠴᠠᠭᠠᠬᠤ ᠠᠵᠢᠯᠲᠠᠨᠢ ᠨᠡᠶ᠋ᠢᠲᠡ 610 ᠬᠥᠮᠦᠨ ᠤᠳᠠᠭᠠ᠂ 240 ᠮᠠᠰᠢᠨ ᠲᠡᠷᠭᠡ᠂ 2.4 ᠲᠦᠮᠡᠨ ᠺᠢᠯᠣᠮᠧᠲ᠋ᠷ ᠠᠶᠠᠯᠠᠨ ᠴᠠᠭᠳᠠᠪᠠ; 216 ᠰᠠᠤᠷᠢ ᠴᠠᠰᠤ ᠴᠡᠪᠡᠷᠯᠡᠬᠦ᠌ ᠮᠠᠰᠢᠨ᠂ 1162 ᠲᠣᠨ ᠴᠠᠰᠤ ᠬᠠᠢᠯᠤᠭᠤᠯᠤᠭᠴᠢ ᠰᠠᠴᠤᠵᠤ᠂ 26 ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠬᠠᠯᠳᠤᠷᠢᠬᠤ ᠡᠴᠡ ᠰᠡᠷᠭᠡᠢᠯᠡᠬᠦ ᠮᠠᠲᠸᠷᠢᠶᠠᠯ᠂ 8065 ᠺᠢᠯᠣᠮᠧᠲᠷᠤᠨ ᠵᠠᠰᠠᠮᠠᠯ ᠵᠠᠮᠤᠨ ᠴᠠᠰᠤ ᠵᠢ ᠴᠡᠪᠡᠷᠯᠡᠵᠠᠢ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮ ᠬᠠᠮᠲᠤᠳᠤᠨᠢ ᠮᠥᠰᠥ᠍ ᠬᠥᠯᠳᠡᠬᠦ᠌ ᠵᠠᠮᠤᠨ ᠬᠡᠰᠡᠭ᠂ ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠬᠦᠴᠦᠨᠦ ᠬᠣᠶᠠᠷ ᠬᠤᠪᠢ ᠨᠠᠷᠢᠨ ᠲᠠᠩᠰᠠᠶᠢ ᠬᠥᠳᠡᠯᠦᠩᠭᠦᠶᠪᠡᠷ ᠰᠢᠨᠡᠳᠬᠡᠪᠡ᠃ ᠪᠥᠬᠥ᠌ ᠣᠷᠣᠨᠳᠤ 744 ᠬᠡᠰᠡᠭ ᠴᠠᠰᠤ ᠬᠤᠷᠠᠵᠤ ᠮᠥᠰᠥ᠍ ᠬᠥᠯᠳᠡᠬᠰᠡᠨ ᠵᠠᠮᠢ ᠵᠢᠭᠰᠠᠭᠠᠨ ᠪᠠᠶ᠋ᠢᠴᠠᠭᠠᠵᠤ᠂ 528 ᠰᠠᠯᠠᠭᠠ 6591 ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠡᠩᠨᠡᠭᠡᠶᠢ ᠪᠡᠯᠡᠳᠭᠡᠯ ᠭᠢᠯᠭᠡᠵᠦ᠂ 482 ᠪᠡᠯᠡᠳᠬᠡᠯ ᠴᠡᠭ᠂ 3723 ᠴᠠᠰᠤ ᠠᠷᠢᠯᠭᠠᠬᠤ ᠲᠣᠨᠣᠭᠯᠠᠯ᠂ 2.8 ᠲᠦᠮᠡᠨ ᠲᠣᠨ ᠴᠠᠰᠤ ᠬᠠᠶ᠋ᠢᠯᠤᠭᠤᠯᠤᠭᠴᠢ᠂ 2.9 ᠲᠦᠮᠡᠨ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲ᠋ᠷ ᠬᠠᠯᠳᠤᠷᠢᠬᠤ ᠡᠴᠡ ᠰᠡᠷᠭᠡᠶ᠋ᠢᠯᠡᠬᠦ᠌ ᠡᠯᠡᠰᠦ ᠲᠣᠬᠢᠷᠠᠭᠤᠯᠵᠠᠶ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠶᠢᠨ ᠲᠥᠪᠦᠨ ᠵᠠᠰᠠᠮᠠᠯ ᠵᠠᠮᠤᠨ ᠬᠠᠮᠢᠶᠠᠷᠤᠯᠲᠠ ᠪᠠ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠭᠠᠵᠠᠷᠤᠨ ᠳᠠᠷᠤᠭᠠ ᠰᠢᠶᠤᠤ ᠬᠠᠨ ᠢᠯᠡᠷᠬᠡᠶ᠋ᠢᠯᠡᠬᠦ᠌ᠳᠡᠭᠡᠨ᠂ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯ ᠪᠠ ᠪᠣᠷᠣᠭᠠᠨ ᠴᠠᠰᠤ ᠮᠥᠰᠥᠲᠦᠯᠦᠨ ᠴᠠᠭ ᠠᠭᠤᠷᠤᠨ ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠨ ᠰᠢᠢᠳᠪᠦᠷᠢᠯᠡᠬᠦ᠌ᠶᠢ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠳᠬᠠᠵᠤ᠂ ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠨ ᠵᠠᠮ ᠨᠡᠪᠳᠡᠷᠡᠯᠭᠡ ᠵᠢ ᠪᠠᠳᠤᠯᠠᠬᠤ ᠭᠦᠮᠦᠨ᠂ ᠮᠠᠰᠢᠨ ᠮᠧᠬᠠᠨᠢᠭ᠂ ᠡᠳ᠋ ᠪᠣᠳᠠᠰᠢ ᠲᠣᠬᠢᠷᠠᠭᠤᠯᠬᠤ ᠡᠷᠴᠢᠮᠢᠶᠡᠨ ᠴᠢᠩᠭᠠᠷᠠᠭᠤᠯᠵᠤ᠂ ᠴᠠᠰᠤᠴᠡᠪᠡᠷᠯᠡᠨ ᠮᠥᠰᠥ ᠠᠷᠢᠯᠭᠠᠬᠤᠳᠤ《ᠬᠥᠮᠦᠨ ᠨᠢ ᠠᠮᠠᠷᠠᠪᠠᠴᠦ ᠮᠠᠰᠢᠨ ᠨᠢ ᠵᠣᠭᠰᠣᠬᠤ ᠥᠬᠡᠶ》ᠪᠠᠶ᠋ᠢᠬᠤᠶᠢ ᠪᠡᠶᠡᠯᠡᠭᠦᠯᠵᠦ᠍᠂《ᠴᠠᠰᠤ ᠪᠤᠷᠤᠭᠠᠨ ᠤᠷᠤᠪᠠᠯ ᠴᠡᠪᠡᠷᠯᠡᠵᠦ᠍᠂ ᠴᠡᠪᠡᠷᠯᠡᠮᠡᠭᠴᠠ ᠶᠠᠪᠤᠵᠤ ᠪᠤᠯᠬᠤ》ᠬᠠᠷᠠᠯᠲᠠᠵᠢ ᠪᠡᠶᠡᠯᠡᠭᠦᠯᠦᠨᠠ ᠭᠡᠵᠡᠶ᠃
ᠴᠠᠰᠤᠨᠤ ᠪᠠᠶ᠋ᠢᠳᠠᠯᠤᠨ ᠡᠮᠦᠨᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠥᠬᠡᠬᠣᠲᠠᠶᠢᠨ ᠲᠣᠪᠴᠢᠶᠠᠶᠢᠨ ᠪᠦᠯᠦᠭᠯᠡᠯᠦᠨ ᠬᠢᠵᠠᠭᠠᠷᠲᠤ᠌ ᠺᠣᠮᠫᠠᠨᠢ ᠵᠤᠷᠴᠢᠬᠤ ᠲᠡᠷᠭᠡ ᠵᠢ ᠲᠣᠬᠢᠷᠠᠭᠤᠯᠬᠤ᠂ ᠮᠥᠰᠥ᠍ ᠴᠠᠰᠤᠶᠢ ᠠᠷᠢᠯᠭᠠᠬᠤ᠂ ᠲᠥᠬᠥᠭᠡᠷᠦᠮᠵᠢ ᠵᠢ ᠲᠣᠭᠣᠷᠢᠨ ᠪᠠᠶ᠋ᠢᠴᠠᠭᠠᠬᠤ᠂ ᠠᠶᠠᠨᠴᠢᠳᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠬᠤ᠂ ᠠᠮᠤᠷ ᠲᠦᠪᠰᠢᠨᠦ ᠰᠡᠷᠭᠡᠶ᠋ᠢᠯᠡᠯᠲᠡᠶᠢ ᠡᠮᠬᠢ ᠵᠢᠷᠤᠮᠲᠠᠶ ᠥᠷᠨᠢᠭᠦᠯᠵᠦ᠍᠂ ᠴᠠᠰᠤᠨᠤ ᠪᠠᠶ᠋ᠢᠳᠠᠯᠢᠶᠠᠷ ᠲᠡᠭᠡᠭᠡᠪᠦᠷᠢᠶᠢᠨ ᠲᠥᠰᠦᠯᠳᠦ ᠲᠣᠬᠢᠷᠠᠭᠤᠯᠤᠯᠲᠠ ᠬᠢᠪᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠨᠢᠰᠬᠡᠯᠦᠨ ᠪᠠᠭᠤᠳᠠᠯᠤᠨ ᠬᠢᠨ ᠬᠣᠯᠪᠣᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠍᠂ ᠪᠡᠯᠡᠳᠬᠡᠯ ᠲᠥᠬᠥᠭᠡᠷᠦᠮᠵᠢᠶᠢ ᠪᠠᠶ᠋ᠢᠴᠠᠭᠠᠨ ᠬᠠᠮᠠᠭᠠᠯᠠᠬᠤ ᠬᠢᠭᠡᠳ ᠬᠥᠯᠳᠡᠬᠦ᠌ᠡᠴᠡ ᠰᠡᠷᠭᠡᠶ᠋ᠢᠯᠡᠬᠦ᠌ ᠪᠠᠶ᠋ᠢᠴᠠᠭᠠᠯᠲᠠ᠂ ᠡᠳᠦᠷ ᠲᠤᠲᠤᠮᠤᠨ ᠲᠣᠭᠣᠷᠢᠨ ᠪᠠᠶ᠋ᠢᠴᠠᠭᠠᠯᠲᠠ᠂ ᠪᠠᠴᠢᠮ ᠪᠠᠶ᠋ᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠰᠡᠯᠪᠢᠨ ᠵᠠᠰᠠᠯᠲᠠ᠂ ᠲᠣᠭᠲᠠᠮᠠᠯ ᠬᠤᠭᠤᠴᠠᠭᠠᠲᠠᠶᠪᠠᠷ ᠰᠢᠯᠭᠠᠨ ᠪᠠᠶ᠋ᠢᠴᠠᠭᠠᠬᠤᠶᠢ ᠵᠡᠷᠭᠡᠪᠡᠷ ᠠᠬᠢᠭᠤᠯᠵᠤ᠂ ᠨᠠᠩ ᠪᠣᠳᠠᠲᠠᠶ ᠨᠠᠩ ᠨᠠᠷᠢᠯᠢᠭ ᠠᠷᠭᠠ ᠬᠡᠮᠵᠢᠶᠡᠪᠡᠷ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠠᠵᠢᠯᠯᠠᠭᠠᠨᠤ ᠪᠠᠲᠤᠯᠠᠭᠠᠶᠢᠨ ᠰᠠᠭᠤᠷᠢᠶᠢ ᠪᠡᠬᠢᠵᠢᠭᠦᠯᠪᠡ᠃
ᠴᠠᠭ ᠠᠭᠤᠷᠤᠨ ᠨᠥᠯᠥᠭᠡᠡᠴᠡ ᠪᠣᠯᠵᠣ᠂ ᠣᠳᠣᠬᠠᠨᠳᠤ ᠪᠥᠬᠥ᠌ ᠣᠷᠣᠨᠤ ᠶᠡᠬᠡᠩᠬᠢ ᠭᠠᠵᠠᠷ ᠣᠷᠣᠨᠤ ᠠᠭᠠᠷᠤᠨ ᠳᠤᠯᠠᠭᠠᠨ 4 °C ᠡᠴᠠ 8°C ᠪᠠᠭᠤᠷᠠᠵᠤ᠂ ᠬᠡᠰᠡᠭ ᠭᠠᠵᠠᠷ ᠣᠷᠣᠨᠤ ᠠᠭᠠᠷᠤᠨ ᠳᠤᠯᠠᠭᠠᠨ 8°C ᠡᠴᠡ ᠢᠯᠡᠭᠦᠦ ᠪᠠᠭᠤᠷᠠᠵᠤ᠂ 11 ᠰᠠᠷᠠᠶᠢᠨ 17᠂ 18 ᠤ ᠡᠳᠦᠷ ᠶᠡᠬᠡᠩᠬᠢ ᠭᠠᠵᠠᠷ ᠣᠷᠣᠨᠤ ᠠᠭᠠᠷᠤᠨ ᠳᠤᠯᠠᠭᠠᠨ 0°C ᠡᠴᠠ ᠳᠣᠷᠣᠭᠰᠢ ᠪᠣᠯᠵᠣ᠂ ᠣᠯᠠᠩᠬᠢ ᠭᠠᠵᠠᠷᠤᠨ ᠰᠥᠨᠢᠶᠢᠨ ᠠᠭᠠᠷᠤᠨ ᠳᠤᠯᠠᠭᠠᠨ ᠲᠡᠭᠡᠴᠡ ᠳᠣᠷᠣᠭᠰᠢ 10°C ᠪᠣᠯᠵᠣ᠂ 22 ᠤᠨ ᠡᠳᠦᠷ ᠪᠠᠰᠠ ᠰᠢᠨᠡ ᠨᠢᠭᠡ ᠡᠭᠡᠯᠵᠢᠶᠢᠨ ᠬᠦᠢᠲᠡᠨ ᠠᠭᠠᠷ ᠢ ᠤᠭᠲᠤᠬᠤ ᠪᠣᠯᠤᠨᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠴᠠᠭ ᠠᠭᠤᠷᠤᠨ ᠲᠣᠪᠴᠢᠶᠠᠨᠤ ᠲᠡᠷᠢᠭᠦᠨ ᠤᠷᠢᠳᠴᠢᠯᠠᠨ ᠮᠡᠳᠡᠭᠡᠯᠡᠭᠴᠢ ᠵᠢᠶᠠᠩ ᠵᠢᠩ ᠤᠯᠠᠨ ᠳᠦᠮᠠᠨᠳᠦ᠂ ᠴᠠᠰᠤ ᠣᠷᠣᠪᠠᠯ ᠵᠠᠮ ᠬᠠᠯᠲᠤᠷᠢᠭᠠ ᠳᠠᠢ᠂ ᠣᠯᠠᠨ ᠲᠦᠮᠡᠨ ᠭᠠᠳᠠᠭᠰᠢ ᠭᠠᠷᠬᠤᠳᠤ ᠯᠠᠪᠳᠠᠭᠤᠨᠢᠶᠠᠷ ᠠᠶᠠᠯᠠᠵᠤ᠂ ᠠᠮᠤᠷ ᠲᠦᠪᠰᠢᠨᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠶ᠃ ᠡᠭᠦᠨᠦ ᠬᠠᠮᠲᠤ᠌ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯ ᠬᠦᠷᠴᠦ᠍ ᠢᠷᠡᠬᠦ᠌ ᠦᠶᠡᠳᠦ ᠶᠡᠬᠡ ᠰᠠᠯᠬᠢ ᠰᠠᠯᠬᠢᠯᠠᠵᠤ ᠳᠤᠯᠠᠭᠠᠨᠤ ᠬᠡᠮᠵᠢᠶᠡ ᠪᠠᠭᠤᠷᠠᠨᠠ᠂ ᠣᠯᠠᠨ ᠵᠢᠡᠷ ᠵᠢᠠᠨ ᠶᠠᠪᠤᠵᠤ ᠰᠠᠭᠤᠬᠤᠳᠠᠭᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠵᠢᠠᠨ ᠵᠤᠵᠠᠭᠠᠯᠠᠬᠤ ᠵᠢ ᠠᠩᠬᠠᠷᠴᠤ᠌ ᠂ ᠬᠢᠮᠤᠷᠠᠬᠤᠠᠴᠠ ᠰᠡᠷᠭᠡᠶ᠋ᠢᠯᠡᠭᠡᠷᠡᠢ ᠭᠡᠵᠦ ᠰᠠᠨᠠᠭᠤᠯᠪᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃