2026-11-02 17:27:06
10 ᠰᠠᠷᠠᠶᠢᠨ 30ᠤ ᠡᠳᠦᠷ 2026 ᠣᠨᠤ ᠪᠥᠬᠥ ᠤᠯᠤᠰᠤᠨ ᠠᠮᠤ ᠲᠣᠰᠣ᠌ ᠪᠠ ᠰᠢᠷᠠ ᠪᠤᠷᠴᠠᠭᠤᠨ ᠠᠵᠤ ᠦᠢᠯᠡᠰᠦᠨ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨ ᠵᠧᠩᠵᠧᠦᠳᠦ ᠶᠠᠪᠤᠭᠳᠠᠪᠠ᠃ ᠥᠪᠥᠷ ᠮᠣᠩᠭᠣᠯᠤᠨ 180 ᠭᠠᠷᠤᠢ ᠲᠥᠷᠥᠯᠦᠨ ᠣᠨᠴᠠᠯᠢᠭ᠍ᠲᠤ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨᠳᠤ ᠣᠷᠣᠯᠴᠠᠪᠠ᠃

ᠲᠣᠰ ᠤᠳᠠᠭᠠᠨᠤ ᠦᠵᠡᠰᠬᠦᠯᠡᠩᠦᠨ ᠴᠤᠭᠯᠠᠭᠠᠨ ᠨᠢ 《ᠠᠮᠤ ᠲᠣᠰᠣᠨᠤ ᠠᠵᠤ ᠦᠢᠯᠡᠰᠢ ᠬᠥᠭᠵᠢᠭᠦᠯᠵᠦ᠂ ᠠᠮᠤ ᠪᠤᠳᠠᠭᠠᠨᠤ ᠠᠮᠤᠷ ᠲᠦᠪᠰᠢᠨᠢ ᠪᠠᠲᠤᠯᠠᠬᠤ》 ᠪᠡᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠤ᠂ ᠠᠮᠤ ᠲᠣᠰᠣ᠌ ᠪᠠ ᠰᠢᠷᠠ ᠪᠤᠷᠴᠠᠭᠤᠨ ᠠᠵᠤ ᠦᠢᠯᠡᠰᠦᠨ ᠰᠢᠨᠡ ᠲᠥᠷᠥᠯ ᠵᠦᠢᠯ᠂ ᠰᠢᠨᠡ ᠮᠡᠷᠭᠡᠵᠢᠯ᠂ ᠰᠢᠨᠡ ᠲᠣᠨᠣᠭ ᠲᠥᠬᠦᠭᠡᠷᠦᠮᠵᠢ᠂ ᠰᠢᠨᠡ ᠡᠵᠡᠩᠨᠡᠯᠲᠡᠶᠢᠨ ᠬᠡᠯᠪᠡᠷᠢ ᠵᠢ ᠲᠥᠪᠯᠡᠷᠡᠭᠦᠯᠦᠨ ᠳᠡᠯᠭᠡᠨ ᠦᠵᠡᠭᠦᠯᠵᠦ᠂ ᠦᠢᠯᠡᠳᠪᠦᠷᠢᠯᠡᠯ ᠪᠣᠷᠤᠯᠠᠭᠤᠯᠭᠠᠶᠢ ᠵᠣᠯᠭᠠᠭᠤᠯᠬᠤ᠂ ᠲᠦᠷᠦᠯ ᠲᠡᠮᠳᠡᠭᠢ ᠲᠠᠨᠢᠯᠴᠠᠭᠤᠯᠬᠤ ᠪᠠ ᠠᠵᠤ ᠦᠢᠯᠡᠰᠦᠨ ᠰᠣᠯᠢᠯᠴᠠᠭᠠᠨᠤ ᠲᠠᠪᠴᠠᠩᠢ ᠪᠣᠶ ᠪᠣᠯᠭᠠᠪᠠ᠃ ᠥᠪᠥᠷ ᠮᠣᠩᠭᠣᠯ ᠪᠥᠬᠥ ᠣᠷᠣᠨᠤ 12 ᠠᠢᠮᠠᠭ ᠬᠣᠲᠠ᠂ 48 ᠠᠵᠤ ᠠᠬᠤᠢᠯᠠᠯᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠦᠵᠡᠰᠬᠦᠯᠡᠩᠳᠦ ᠣᠷᠣᠯᠴᠠᠭᠤᠯᠵᠤ᠂ ᠪᠦᠲᠦᠭᠡᠭᠳᠡᠬᠦᠨᠳᠦ ᠠᠮᠤ ᠳᠤᠰᠤᠨᠤ ᠢᠳᠡᠭᠡᠨ᠂ ᠴᠠᠭᠠᠨ ᠢᠳᠡᠭᠡᠨ᠂ ᠤᠯᠠᠭᠠᠨ ᠢᠳᠡᠭᠡᠨ᠂ ᠰᠤᠯᠠ ᠢᠳᠡᠭᠡᠨ᠂ ᠠᠮᠲᠠ ᠣᠷᠣᠭᠤᠯᠬᠤ ᠡᠳ᠋ ᠵᠢᠴᠢ ᠡᠯᠡ ᠲᠥᠷᠥᠯᠦᠨ ᠣᠨᠴᠠᠯᠢᠭ᠍ᠲᠤ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠢ ᠬᠠᠮᠤᠷᠴᠤ᠂ 《ᠠᠮᠤ ᠵᠢᠨ ᠰᠠᠡᠭ》ᠤᠨ ᠪᠣᠳᠠᠲᠤ ᠬᠦᠴᠦᠨᠢ ᠪᠥᠬᠥ ᠲᠠᠯᠠᠪᠠᠷ ᠢᠯᠡᠷᠡᠭᠦᠯᠪᠡ ᠃

《ᠨᠤᠲᠤᠭᠤᠨ ᠣᠨᠴᠠ ᠭᠠᠷᠤᠯᠲᠠ》 ᠵᠢᠨ ᠲᠣᠮᠣ᠌ ᠰᠢᠶᠠᠨᠤ ᠲᠠᠨᠢᠯᠴᠠᠭᠤᠯᠭᠠᠶᠢᠨ ᠭᠣᠭᠴᠣᠭᠠᠳᠤ᠂ 《ᠠᠤᠬᠠᠨ ᠳ᠋ᠤ ᠭᠠᠭᠴᠠ ᠨᠠᠷᠢᠮᠤ ᠯᠠ ᠪᠠᠢᠬᠤ ᠪᠢᠰᠢ》 ᠭᠡᠳᠡᠭᠢᠶᠡᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠭᠰᠠᠨ ᠲᠤᠰᠬᠠᠢ ᠰᠡᠳᠦᠪᠲᠦ ᠲᠠᠨᠢᠯᠴᠠᠭᠤᠯᠭᠠ ᠨᠢ ᠲᠦᠷᠦᠯ ᠳᠡᠮᠳᠡᠭᠢ ᠬᠥᠮᠥᠰᠦᠨ ᠰᠡᠳᠬᠢᠯᠳᠦ ᠬᠠᠳᠠᠩᠰᠢᠭᠤᠯᠵᠤ᠂ 《ᠨᠠᠷᠠᠲᠤ ᠠᠵᠤ ᠠᠬᠤᠢᠯᠠᠯ ᠨᠠᠷᠠᠲᠤ ᠪᠦᠲᠦᠭᠡᠭᠳᠡᠬᠦᠨ》ᠢ ᠲᠠᠨᠢᠯᠴᠠᠭᠤᠯᠬᠤ ᠭᠣᠭᠴᠣᠭᠠᠳᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠾᠧᠩ ᠹᠧᠩ ᠪᠦᠯᠦᠭᠯᠡᠯᠦᠨ ᠶᠢᠨ ᠯᠢᠶᠠᠡᠭ ᠭᠤᠯᠢᠷᠤᠨ ᠦᠢᠯᠡᠰᠦᠨ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠣᠮᠫᠠᠨᠢ ᠵᠢᠨ 《ᠳᠠᠯᠠᠨ ᠵᠢᠯ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠰᠲᠦ ᠬᠦᠨ ᠦᠨᠳᠦᠰᠦᠯᠡᠵᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠤᠳᠠᠭᠠᠨ ᠠᠶᠠᠭᠠᠶᠢ ᠪᠠᠲᠤ ᠪᠡᠬᠢ ᠪᠠᠷᠢᠰᠤᠭᠠᠢ》 ᠭᠡᠬᠦ ᠰᠡᠳᠦᠪᠢᠶᠡᠷ ᠲᠤᠰᠬᠠᠢ ᠰᠡᠳᠦᠪᠲᠦ ᠲᠠᠨᠢᠯᠴᠠᠭᠤᠯᠭᠠ ᠬᠢᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠮᠤ ᠲᠣᠰᠣᠨᠤ ᠠᠵᠤ ᠠᠬᠤᠢᠯᠠᠯᠤᠨ ᠬᠠᠷᠢᠭᠤᠴᠠᠯᠭᠠ ᠪᠠ ᠡᠭᠦᠷᠭᠡᠯᠡᠯᠢ ᠳᠤᠭᠠᠴᠢᠭᠰᠠᠨ ᠪᠠᠢᠨᠠ᠃

ᠥᠪᠥᠷ ᠮᠣᠩᠭᠣᠯᠳᠤ 1.7 ᠳ᠋ᠦᠩᠰᠢᠭᠤᠷ ᠮᠦ᠍ ᠲᠠᠷᠢᠶᠠᠨ ᠭᠠᠵᠠᠷᠲᠠᠢ ᠪᠠᠢᠵᠤ᠂ ᠪᠥᠬᠥ ᠤᠯᠤᠰᠤᠨ ᠴᠥᠭᠡᠨ ᠲᠣᠭᠠᠨᠤ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠬᠠᠳᠠᠭᠠᠯᠠᠯᠲᠠᠶᠢᠨ ᠬᠡᠮᠵᠢᠶᠡ ᠨᠢ ᠳ᠋ᠦᠩᠰᠢᠭᠤᠷ ᠮᠦ᠍ᠶᠢ ᠳᠠᠪᠠᠭᠰᠠᠨ ᠮᠤᠵᠢ ᠣᠷᠣᠨ ᠪᠣᠯᠣᠨᠠ; 4400 ᠲᠦᠮᠡᠨ ᠮᠦ᠍ ᠬᠠᠷᠠ ᠬᠦᠷᠦᠰᠦᠳᠤ ᠭᠠᠵᠠᠷ ᠨᠢ ᠪᠥᠬᠥ ᠤᠯᠤᠰᠤᠨ ᠭᠤᠷᠪᠠᠳᠤᠭᠠᠷᠲᠤ ᠵᠢᠭ᠍ᠰᠠᠭᠠᠭᠳᠠᠪᠠ; ᠪᠥᠬᠥ ᠣᠷᠣᠨᠤ ᠠᠮᠤ ᠪᠤᠳᠠᠭᠠᠨᠤ ᠤᠨᠠᠯᠲᠠ 840 ᠳ᠋ᠦᠩᠰᠢᠭᠤᠷ ᠵᠢᠩᠡᠴᠡ ᠳᠡᠭᠡᠭᠰᠢ ᠬᠡᠮᠵᠢᠶᠡᠨᠳᠦ ᠲᠣᠭᠲᠠᠪᠤᠷᠢᠵᠢᠵᠤ᠂ ᠪᠥᠬᠥ ᠤᠯᠤᠰᠤᠨ ᠲᠠᠪᠤᠳᠤᠭᠠᠷᠲᠤ ᠲᠣᠭᠲᠠᠭᠤᠨᠢᠶᠠᠷ ᠪᠠᠢᠷᠢᠯᠠᠵᠤ᠂ ᠵᠢᠯ ᠪᠦᠷᠢ ᠭᠠᠳᠠᠭ᠍ᠰᠢ 500 ᠳ᠋ᠦᠩᠰᠢᠭᠤᠷ ᠵᠢᠩ ᠠᠮᠤ ᠪᠤᠳᠠᠭᠠ ᠭᠠᠷᠭᠠᠵᠤ ᠪᠠᠢᠨᠠ᠃ ᠥᠪᠥᠷ ᠮᠣᠩᠭᠣᠯᠳᠤ 8 ᠳ᠋ᠦᠩᠰᠢᠭᠤᠷ ᠮᠦ᠍ ᠥᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠪᠡᠯᠴᠢᠭᠡᠷᠲᠠᠢ ᠪᠠᠢᠵᠤ᠂ ᠮᠠᠯᠤᠨ ᠲᠣᠭᠠ ᠲᠣᠯᠣᠭᠠᠢ 7000 ᠲᠦᠮᠡ ᠰᠢᠬᠠᠮ ᠪᠠᠢᠵᠤ᠂ ᠦᠨᠢᠶᠡᠨ ᠰᠦ᠂ ᠬᠣᠨᠢᠨ ᠮᠢᠬᠠ᠂ ᠦᠬᠡᠷᠦᠨ ᠮᠢᠬᠠ᠂ ᠢᠮᠠᠭᠠᠨ ᠨᠣᠤᠯᠤᠭᠤᠷᠤᠨ ᠭᠠᠷᠤᠯᠲᠠ ᠪᠥᠬᠥ ᠤᠯᠤᠰᠤᠨ ᠨᠢᠭᠡᠳᠦᠭᠡᠷᠲᠦ ᠲᠣᠭᠲᠠᠭᠤᠨ ᠪᠠᠢᠷᠢᠯᠠᠵᠤ ᠪᠠᠢᠨᠠ᠃ ᠣᠢᠷᠠᠶᠢᠨ ᠵᠢᠯᠡᠴᠡ ᠤᠯᠤᠰᠤᠨ ᠴᠢᠬᠤᠯᠠ ᠮᠠᠯᠤᠨ ᠠᠰᠢᠭ᠋ ᠰᠢᠮᠡ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠦ ᠦᠢᠯᠡᠳᠪᠦᠷᠢᠯᠡᠯᠦᠨ ᠰᠠᠭᠤᠷᠢᠨᠢ ᠰᠠᠢᠲᠤᠷ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠬᠤᠶᠢᠨ ᠲᠣᠭᠣᠷᠢᠨᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠠᠴᠠ ᠦᠷᠡᠶᠢᠨ ᠴᠢᠫᠤᠨ ᠢᠨᠵᠧᠨᠧᠷᠢᠩ᠂ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠦᠷᠢᠯᠡᠯᠦᠨ ᠴᠢᠳᠠᠪᠤᠷᠢᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠢᠨᠵᠧᠨᠧᠷᠢᠩ᠂ ᠡᠷᠳᠡᠨᠢ ᠰᠢᠰᠢᠶᠢᠨ ᠠᠮᠢᠳᠤ ᠪᠣᠳᠠᠰᠤᠨ ᠦᠢᠯᠡᠳᠬᠡᠯᠦᠨ ᠠᠵᠤ ᠦᠢᠯᠡᠰᠦᠨ ᠰᠢᠯᠢᠳᠡᠭᠢ ᠪᠣᠢᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩ ᠵᠡᠷᠭᠡ 《ᠠᠷᠪᠠᠨ ᠶᠡᠬᠡ ᠢᠨᠵᠧᠨᠧᠷᠢᠩ》ᠢ ᠬᠡᠷᠡᠭᠵᠢᠭᠦᠯᠵᠦ᠂ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠡᠯᠪᠡᠷᠢᠶᠢ ᠬᠤᠪᠢᠷᠠᠭᠤᠯᠤᠨ ᠳᠡᠰ ᠳᠡᠪᠰᠢᠭᠦᠯᠬᠦᠶᠢ ᠲᠦᠷᠭᠡᠳᠬᠡᠨ ᠠᠬᠢᠭᠤᠯᠵᠤ᠂ ᠪᠦᠬᠦ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢᠨ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭᠰᠢᠯᠡᠭᠦᠯᠦᠨ ᠦᠷᠡ ᠠᠰᠢᠭ᠋ᠢ ᠨᠡᠮᠡᠭᠳᠡᠭᠦᠯᠵᠤ ᠪᠠᠢᠨᠠ᠃
ᠳᠠᠷᠠᠭᠠᠴᠢᠶᠢᠨ ᠠᠯᠬᠤᠮᠳᠤ᠂ ᠥᠪᠥᠷ ᠮᠣᠩᠭᠣᠯ ᠦᠷᠭᠦᠯᠵᠢᠯᠡᠨ ᠳᠠᠪᠠᠭᠤᠯᠢᠭᠳᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠡᠬᠢ ᠪᠠᠶᠠᠯᠢᠭ᠋ᠲᠤ ᠲᠦᠰᠢᠭᠯᠡᠵᠦ᠂ ᠠᠮᠤ ᠪᠤᠳᠠᠭᠠᠨᠤ ᠠᠮᠤᠷ ᠲᠦᠪᠰᠢᠨᠢ ᠪᠠᠲᠤᠯᠠᠬᠤ ᠴᠢᠬᠤᠯᠠ ᠶᠡᠬᠡ ᠬᠠᠷᠢᠭᠤᠴᠠᠯᠭᠠᠶᠢ ᠪᠠᠲᠤ ᠡᠭᠦᠷᠭᠡᠯᠡᠵᠦ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠲᠦᠷᠦᠯ ᠲᠡᠮᠳᠡᠭᠦᠨ ᠪᠠᠢᠭᠤᠯᠤᠯᠲᠠᠶᠢ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠳᠬᠠᠵᠤ᠂ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠬᠤ ᠠᠷᠭᠠ ᠵᠠᠮᠢ ᠥᠷᠭᠡᠳᠬᠡᠵᠦ᠂ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠭᠰᠠᠨ ᠦᠢᠯᠡᠳᠪᠦᠷᠢᠯᠡᠯ ᠪᠣᠷᠤᠯᠠᠭᠤᠯᠭᠠᠶᠢᠨ ᠬᠡᠯᠬᠢᠶᠡᠶᠢ ᠨᠡᠪᠲᠡᠷᠡᠭᠦᠯᠦᠨᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠵᠣᠣ ᠱᠦ᠍ ᠭᠤᠸᠠᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃