ᠲᠡᠷᠢᠭᠦᠨ ᠨᠢᠭᠤᠷ>ᠵᠢᠷᠭᠢᠶ᠎ᠡ> ᠤᠶᠠᠩᠭᠠᠲᠤ ᠨᠤᠮ

2020-06-30 10:20:06

ᠵᠣᠬᠢᠶᠠᠭ᠍ᠴᠢ᠄ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄

︽ ᠬᠡᠷᠪᠡ ᠲᠤᠯᠤᠭᠠᠨ ᠵᠢᠯ᠎ᠤᠨ ᠡᠮᠤᠨᠡᠬᠢ ᠪᠤᠷᠤᠭᠠᠨ᠎ᠲᠠᠢ ᠰᠦᠨᠢ ᠨᠦᠬᠦᠬᠡ ᠪᠦᠰᠡᠬᠦᠢ᠎ᠲᠠᠢ ᠠᠭᠤᠯᠵᠠᠭ᠎ᠠ ᠦᠬᠡᠢ ᠰᠠᠨ ᠪᠤᠯ ᠬᠦᠤ ᠮᠢᠨᠢ ᠤᠳᠤ ᠶᠠᠮᠠᠷ ᠪᠠᠶᠢᠬᠤ ᠪᠤᠯ ᠳ᠋ᠠ ᠁ ︾ ᠬᠡᠵᠤ ᠪᠤᠳᠤᠨ ᠬᠦᠤ᠎ᠶᠢᠨ᠎ᠢᠶᠡᠨ ᠬᠦᠢᠳᠠᠨ ᠭᠠᠷ᠎ᠡᠴᠠ ᠪᠠᠷᠢᠬᠤ᠎ᠳ᠋ᠤ ᠰᠢᠷᠬᠢᠭᠰᠡᠨ ᠨᠢᠳᠤᠨ᠎ᠳ᠋ᠤ᠎ᠨᠢ ᠨᠢᠯᠪᠤᠰᠤ ᠵᠠᠶᠢᠷᠳᠤᠵᠤ ᠪᠠᠶᠢᠪᠠ ᠃ ᠠᠶᠠᠨ ᠤᠬᠠᠭ᠎ᠠ ᠦᠬᠡᠢ ᠮᠠᠨᠠᠷᠠᠭᠰᠠᠨ ᠬᠦᠤ᠎ᠶᠢᠨ᠎ᠢᠶᠡᠨ ᠬᠠᠵᠠᠭᠤ᠎ᠳ᠋ᠤ ᠡᠳᠤᠷᠵᠢᠨ ᠰᠦᠨᠢᠵᠢᠨ ᠡᠶᠢᠨ ᠬᠦ ᠨᠢᠯᠪᠤᠰᠤ᠎ᠪᠠᠨ ᠬᠠᠳᠠᠳᠠᠯ᠎ᠠ ᠬᠠᠷᠡᠨ ᠰᠠᠭᠤᠵᠦ ᠂ ᠶᠡᠷᠦ ᠪᠤᠰᠤ᠎ᠶᠢᠨ ᠭᠠᠶᠢᠬᠠᠮᠰᠢᠭ ᠡᠬᠦᠰᠴᠤ ᠬᠦᠤ᠎ᠪᠠᠨ ᠰᠡᠷᠭᠦᠵᠤ ᠢᠷᠡᠬᠦ᠎ᠶᠢ᠎ᠨᠢ ᠬᠦᠰᠡᠨ ᠬᠦᠯᠢᠶᠠᠵᠤ ᠂ ᠲᠠᠭᠠᠳᠬᠠᠨ ᠵᠠᠯᠪᠠᠷᠢᠭᠰᠠᠭᠠᠷ ᠁

8.jpg

ᠲᠤᠯᠤᠭᠠᠨ ᠵᠢᠯ᠎ᠤᠨ ᠡᠮᠤᠨ᠎ᠠ ᠠᠶᠠᠨ ᠭᠡᠷᠭᠡᠢ ᠬᠡᠷᠡᠯᠮ᠎ᠠ᠎ᠲᠠᠢ᠎ᠪᠠᠨ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠵᠢᠭᠠᠬᠠᠨ ᠮᠦᠩᠭᠦ᠎ᠪᠠᠷ᠎ᠢᠶᠡᠨ ᠨᠢᠬᠡᠨ ᠵᠢᠵᠢᠭ ᠪᠠᠭᠤᠳᠠᠯ ᠡᠷᠬᠢᠯᠡᠵᠤ ᠂ ᠡᠷᠳᠡᠯᠡᠵᠤ ᠤᠷᠤᠶᠢᠯᠠᠨ ᠪᠠᠶᠢᠵᠤ ᠠᠮᠢᠳᠤᠷᠠᠯ᠎ᠢᠶᠡᠨ ᠨᠡᠯᠢᠶᠠᠳ ᠦᠬᠡᠳᠠ᠎ᠨᠢ ᠲᠠᠳᠠᠭᠰᠠᠨ ᠪᠠᠶᠢᠵᠠᠢ ᠃ ᠬᠡᠳᠡᠯ᠎ᠠ ᠨᠢᠬᠡᠨ ᠶᠠᠪᠤᠳᠠᠯ ᠡᠨᠡ ᠪᠦᠬᠦᠨ᠎ᠢ ᠦᠬᠡᠷᠡᠴᠢᠯᠡᠭᠰᠡᠨ ᠪᠠᠶᠢᠪᠠ ᠃

u=3988587666,573469345&fm=26&gp=0.gif

ᠪᠤᠷᠤᠭᠠᠨ ᠱᠠᠬᠢᠭᠰᠠᠨ ᠰᠦᠨᠢ᠎ᠪᠠᠷ ᠨᠢᠯᠬ᠎ᠠ ᠬᠡᠤᠬᠡᠳ ᠲᠡᠪᠡᠷᠢᠭᠰᠡᠨ ᠵᠠᠯᠠᠭᠤ ᠪᠦᠰᠡᠬᠦᠢ ᠢᠷᠡᠵᠠᠢ ᠃ ᠬᠠᠮᠤᠭ ᠬᠤᠪᠴᠠᠰᠤ᠎ᠨᠢ ᠱᠠᠯᠠᠪ ᠨᠤᠷᠤᠭᠰᠠᠨ ᠲᠡᠷᠨ ᠪᠦᠰᠡᠬᠦᠢ ᠲᠠᠭᠵᠢᠨ ᠴᠡᠴᠡᠷᠡᠵᠤ ᠡᠪᠤᠷ᠎ᠲᠠᠬᠢ ᠬᠡᠤᠬᠡᠳ᠎ᠨᠢ ᠴᠤ ᠤᠬᠢᠯᠠᠭᠠᠳ ᠬᠤᠭᠤᠯᠠᠢ᠎ᠨᠢ ᠰᠦᠬᠡᠭᠰᠡᠨ ᠪᠠᠶᠢᠯ᠎ᠠ ᠃

- ᠠᠬ᠎ᠠ ᠡ ᠂ ᠦᠷᠦᠬᠡ ᠪᠠᠶᠢᠨ᠎ᠠ ‍ᠤᠤ ︖

- ᠪᠦᠷ ᠲᠦᠬᠦᠷᠴᠢᠭᠡᠭᠰᠡᠨ ᠰᠢᠤ ᠂ ᠠᠭᠤᠴᠢᠯᠠᠭᠠᠷᠠᠢ ︕

- ᠲᠠᠨ᠎ᠢ ᠭᠤᠶᠤᠶ᠎ᠠ ᠂ ᠬᠡᠳᠤᠨ ᠭᠠᠵᠠᠷ᠎ᠢᠶᠠᠷ ᠤᠷᠤᠭᠠᠳ ᠪᠦᠷ ᠬᠡᠷ ᠤᠯᠤᠭ᠎ᠠ ᠦᠬᠡᠢ ᠁

ᠠᠶᠤᠩᠭ᠎ᠠ ᠪᠤᠷᠤᠭᠠᠨ᠎ᠲᠠᠢ ᠬᠠᠷᠠᠩᠭᠤᠢ ᠰᠦᠨᠢ ᠰᠢᠬᠦᠷ ᠴᠤ ᠦᠬᠡᠢ ᠭᠠᠭᠴᠠ ᠪᠡᠶ᠎ᠠ ᠪᠦᠰᠡᠬᠦᠢ ᠬᠡᠤᠬᠡᠳ ᠲᠡᠪᠡᠷᠢᠭᠡᠳ ᠲᠡᠪᠡᠳᠡᠵᠤ ᠶᠠᠪᠤᠭ᠎ᠠ᠎ᠶᠢ᠎ᠨᠢ ᠬᠠᠷᠠᠭᠠᠳ ᠠᠶᠠᠨ ᠭᠠᠶᠢᠬᠠᠰᠢ ᠲᠦᠷᠦᠭᠰᠡᠨ ᠪᠤᠯᠪᠠᠴᠤ ᠪᠤᠷᠤᠭᠠᠨ᠎ᠳ᠋ᠤ ᠪᠤᠴᠠᠭᠠᠴᠢᠬᠠᠵᠤ ᠴᠢᠳᠠᠭ᠎ᠠ ᠦᠬᠡᠢ ᠃ ᠬᠤᠷᠢᠶᠠᠯᠭ᠎ᠠ᠎ᠶᠢᠨ ᠬᠡᠷ᠎ᠢᠶᠡᠨ ᠵᠠᠶᠢᠴᠢᠯᠠᠵᠤ ᠦᠭᠬᠦᠭᠰᠡᠨ᠎ᠳ᠋ᠤ ᠲᠡᠷᠨ ᠡᠮᠡᠭᠲᠡᠢ ᠶᠡᠬᠡᠳᠠ ᠲᠠᠯᠠᠷᠬᠠᠪᠠ ᠃

ᠲᠠᠷᠠᠭ᠎ᠠ ᠡᠳᠤᠷ᠎ᠨᠢ ᠵᠤᠴᠢᠳ ᠶᠠᠪᠤᠭᠠᠳ ᠲᠠᠭᠤᠰᠬᠤ᠎ᠳ᠋ᠤ ᠨᠦᠬᠦᠬᠡ ᠦᠷᠦᠬᠡ ᠬᠠᠷᠢᠨ ᠲᠠᠭ ᠴᠢᠭ᠋ ᠃ ᠲᠠᠨᠢᠬᠤ ᠦᠬᠡᠢ ᠪᠦᠰᠡᠬᠦᠢ᠎ᠶᠢᠨ ᠦᠷᠦᠭᠡᠨ᠎ᠳ᠋ᠤ ᠤᠷᠤᠬᠤ᠎ᠡᠴᠠ᠎ᠪᠠᠨ ᠡᠷᠡᠭᠡᠯᠡᠵᠤ ᠬᠡᠷᠡᠯᠮ᠎ᠠ᠎ᠪᠠᠨ ᠦᠵᠡᠭᠡᠳ ᠢᠷ᠎ᠠ ᠬᠡᠰᠡᠨ᠎ᠳ᠋ᠤ ᠂ ᠠᠪᠠᠭᠠᠢ᠎ᠨᠢ ᠬᠠᠷᠢᠨ ᠴᠢ ᠶᠠᠭᠠᠬᠢᠭᠰᠠᠨ ᠬᠡᠷᠡᠭ᠎ᠲᠤ ᠲᠤᠷᠠᠳᠠᠢ ᠶᠤᠮ ᠪᠤᠢ ᠬᠡᠵᠤ ᠤᠨᠳᠤᠭᠤᠴᠠᠵᠠᠢ ᠃ ᠦᠳᠠ᠎ᠶᠢᠨ ᠬᠤᠶᠢᠨ᠎ᠠ ᠪᠤᠯᠬᠤ᠎ᠳ᠋ᠤ ᠦᠷᠦᠬᠡᠨ᠎ᠡᠴᠠ ᠬᠡᠤᠬᠡᠳ᠎ᠤᠨ ᠤᠬᠢᠯᠠᠬᠤ ᠲᠠᠭᠤᠨ ᠵᠤᠭᠰᠤᠬᠤ ᠦᠬᠡᠢ ᠪᠤᠯᠬᠤᠷ ᠠᠶᠠᠨ ᠬᠠᠭᠠᠯᠭ᠎ᠠ᠎ᠶᠢ᠎ᠨᠢ ᠲᠤᠭᠰᠢᠵᠤ ᠦᠵᠡᠪᠡ ᠃ ᠲᠡᠭᠡᠭᠡᠳ ᠶᠠᠮᠠᠷ ᠴᠤ ᠴᠢᠮᠡᠭᠡ ᠠᠨᠢᠷ ᠦᠬᠡᠢ ᠪᠤᠯᠬᠤᠷ ᠤᠷᠤᠭᠠᠳ ᠦᠵᠡᠪᠡᠯ ᠨᠦᠬᠦᠬᠡ ᠡᠮᠡᠭᠲᠡᠢ ᠦᠯᠦᠬᠡᠢ᠎ᠲᠠᠢ ᠬᠡᠤᠬᠡᠳ᠎ᠢᠶᠡᠨ ᠤᠷᠬᠢᠭᠠᠳ ᠴᠤᠩᠬᠤ᠎ᠪᠠᠷ ᠭᠠᠷᠤᠭᠠᠳ ᠠᠷᠢᠯᠴᠢᠬᠠᠵᠠᠢ ᠃ ᠪᠠᠯᠠᠭᠳᠠᠭᠰᠠᠨ ᠠᠶᠠᠨ ᠬᠡᠤᠬᠡᠳ᠎ᠤᠨ ᠤᠬᠢᠯᠠᠬᠤ ᠲᠠᠭᠤᠨ᠎ᠳ᠋ᠤ ᠰᠡᠬᠡᠰᠬᠢᠵᠤ ᠦᠯᠦᠭᠡᠢ᠎ᠲᠠᠢ ᠨᠢᠯᠬ᠎ᠠ᠎ᠶᠢ ᠲᠡᠪᠡᠷᠢᠵᠤ ᠠᠪᠬᠤ᠎ᠳ᠋ᠤ ᠨᠢᠳᠤᠨ᠎ᠳ᠋ᠤ ᠲᠤᠯᠠᠭᠠᠬᠠᠨ ᠬᠦᠬᠡᠷᠤᠬᠦᠨ ᠬᠡᠤᠬᠡᠳ ᠪᠠᠶᠢᠯ᠎ᠠ ᠃ ᠤᠬᠢᠯᠠᠵᠤ ᠪᠠᠶᠢᠭ᠎ᠠ᠎ᠶᠢ᠎ᠨᠢ ᠬᠠᠷᠠᠬᠤ᠎ᠳ᠋ᠤ ᠬᠠᠮᠢᠭ᠎ᠠ ᠨᠢᠬᠡ ᠭᠠᠵᠠᠷ᠎ᠨᠢ ᠡᠪᠡᠳᠴᠤ ᠪᠠᠶᠢᠮᠠᠷ ᠃ ᠦᠯᠦᠭᠡᠢ᠎ᠶᠢ᠎ᠨᠢ ᠲᠡᠯᠭᠡᠵᠤ ᠦᠵᠡᠭᠡᠳ ᠦᠪᠡᠷ᠎ᠤᠨ ᠡᠷᠭᠡ ᠦᠬᠡᠢ ᠲᠠᠭᠤ ᠠᠯᠳᠠᠯ᠎ᠠ ᠃ ᠤᠤᠯ᠎ᠨᠢ ᠵᠠᠮᠳᠡᠭ ᠬᠡᠤᠬᠡᠳ ᠪᠠᠶᠢᠵᠠᠢ ᠯᠡ ᠳ᠋ᠠ ᠃

ᠶᠠᠭᠠᠬᠢᠬᠤ᠎ᠪᠠᠨ ᠤᠯᠵᠤ ᠶᠠᠳᠠᠭᠰᠠᠨ ᠲᠡᠷᠡᠪᠡᠷ ᠪᠤᠴᠠᠭᠠᠭᠠᠳ ᠪᠤᠭᠤᠬᠤ᠎ᠶᠢ ᠵᠠᠪᠳᠤᠳᠠᠯ᠎ᠠ ᠬᠡᠷᠡᠯᠮ᠎ᠠ ᠤᠷᠤᠵᠤ ᠢᠷᠡᠪᠡ ᠃ ᠲᠡᠭᠡᠭᠡᠳ ᠬᠡᠤᠬᠡᠳ᠎ᠢ ᠦᠵᠡᠭᠰᠡᠨ᠎ᠢᠶᠡᠨ ᠄ ︽ ᠬᠡᠷ ᠤᠷᠤᠨ ᠲᠦᠬᠦᠷᠴᠢᠭᠡᠭᠰᠡᠨ ᠪᠠᠶᠢᠬᠤ᠎ᠳ᠋ᠤ ᠮᠠᠭᠤ ᠡᠮ᠎ᠠ᠎ᠶᠢ ᠤᠷᠤᠭᠤᠯᠤᠭᠠᠳ ᠬᠤᠬᠢ ᠴᠢᠨᠢ ︕ ᠤᠳᠤ ᠶᠠᠭᠠᠬᠢᠬᠤ᠎ᠪᠠᠨ ᠴᠢ ᠦᠪᠡᠷ᠎ᠢᠶᠡᠨ ᠮᠡᠳᠠ ᠂ ᠪᠢ ᠴᠤ ᠯᠠᠪ ᠬᠠᠮᠢᠶᠠᠷᠬᠤ ᠦᠬᠡᠢ ᠁ ︾ ᠬᠡᠵᠤ ᠵᠠᠩᠨᠠᠵᠤ ᠭᠠᠷᠤᠯ᠎ᠠ ᠃ ᠠᠶᠠᠨ ᠦᠯᠦᠰᠤᠭᠡᠳ ᠲᠡᠰᠬᠦ ᠠᠯᠳᠠᠷᠠᠵᠤ ᠪᠠᠶᠢᠭ᠎ᠠ ᠨᠢᠯᠬ᠎ᠠ ᠠᠮᠢᠳᠠᠨ᠎ᠢ ᠬᠠᠷᠠᠭᠠᠳ ᠦᠷᠦᠪᠳᠦᠬᠦ᠎ᠳ᠋ᠡᠭᠡᠨ ᠦᠨᠢᠶᠡᠨ ᠰᠦ᠎ᠪᠠᠷ ᠤᠭᠵᠢᠪᠠ ᠃ ᠬᠡᠤᠬᠡᠳ᠎ᠤᠨ ᠬᠡᠳᠡᠰᠤ᠎ᠨᠢ ᠴᠠᠳᠤᠭᠰᠠᠨ ᠪᠤᠯᠤᠯᠳᠠᠢ ᠂ ᠤᠬᠢᠯᠠᠬᠤ᠎ᠪᠠᠨ ᠪᠤᠯᠢᠵᠤ ᠤᠳᠠᠯ ᠦᠬᠡᠢ ᠦᠨᠡᠬᠡᠴᠢᠯᠨᠨ ᠤᠨᠳᠠᠭᠠᠳ ᠦᠭᠪᠠ ᠃ ᠡᠪᠤᠷ᠎ᠲᠠᠬᠢ ᠬᠡᠤᠬᠡᠳ᠎ᠢ ᠬᠠᠷᠠᠬᠤ᠎ᠳ᠋ᠤ ᠦᠷᠦᠴᠨ᠎ᠨᠢ ᠵᠦᠬᠡᠯᠡᠷᠡᠵᠤ ᠄ ︽ ᠠᠪᠤ᠋ ᠡᠵᠢ᠎ᠨᠢ ᠬᠦᠷᠳᠡᠯ᠎ᠠ ᠬᠠᠶᠠᠭᠠᠳ ᠶᠠᠪᠤᠴᠢᠬᠠᠳᠠᠭ ᠶᠠᠮᠠᠷ ᠦᠢᠯᠨ᠎ᠲᠠᠢ ᠦᠷ᠎ᠠ ᠪᠤᠢ ᠴᠢ ᠁ ︾ ᠬᠡᠵᠤ ᠬᠦᠤ᠎ᠶᠢᠨ ᠨᠢᠭᠤᠷ᠎ᠢ ᠬᠦᠩᠭᠡᠨ ᠢᠯᠢᠬᠦ᠎ᠳ᠋ᠤ ᠴᠠᠭᠠᠳᠤᠬᠢ᠎ᠨᠢ ᠭᠠᠷ᠎ᠢ᠎ᠨᠢ ᠲᠠᠭᠠᠭᠤᠯᠤᠨ ᠮᠦᠮᠦ ᠬᠠᠶᠢᠨ ᠵᠢᠭᠠᠬᠠᠨ ᠤᠷᠤᠭᠤᠯ᠎ᠢᠶᠡᠨ ᠦᠮᠦᠯᠵᠡᠬᠦᠯᠬᠦ᠎ᠨᠢ ᠲᠡᠩᠳᠡᠬᠦᠤ ᠦᠬᠦᠬᠡᠷᠳᠦᠮ᠎ᠡ ᠦᠷᠤ ᠡᠪᠡᠳᠤᠮᠡᠷ ᠪᠠᠶᠢᠯ᠎ᠠ ᠃

ᠠᠶᠠᠨ ᠦᠯᠦᠬᠡᠢ᠎ᠲᠠᠢ ᠬᠡᠤᠬᠡᠳ᠎ᠢ ᠲᠡᠪᠡᠷᠢᠭᠰᠡᠬᠡᠷ ᠴᠠᠭᠳᠠᠭᠠᠨ᠎ᠤ ᠭᠠᠵᠠᠷ᠎ᠲᠤ ᠬᠦᠷᠴᠡᠢ ᠃ ᠨᠦᠬᠦᠬᠡ ᠬᠦᠮᠦᠰ ᠡᠨᠡ ᠲᠡᠷᠡ᠎ᠶᠢ ᠠᠰᠠᠭᠤᠵᠤ ᠯᠠᠪᠯᠠᠨ ᠲᠡᠮᠳᠡᠭᠯᠡᠬᠦᠶᠢᠴᠡ ᠪᠤᠯᠤᠭᠰᠠᠨ᠎ᠢᠶᠡᠨ ᠠᠰᠠᠭᠤᠳᠠᠯ᠎ᠢ ᠲᠤᠳᠤᠷᠬᠠᠶᠢᠯᠠᠳᠠᠯ᠎ᠠ ᠭᠡᠳᠤ ᠬᠤᠨᠤᠭ ᠬᠦᠯᠢᠶᠠᠵᠤ ᠪᠠᠢ ᠬᠡᠳ ᠪᠤᠴᠠᠭᠠᠪᠡ ᠃

ᠠᠶᠠᠨ ᠬᠡᠷᠡᠯᠮ᠎ᠠ ᠬᠤᠶᠠᠷ ᠬᠡᠳᠤᠨ ᠡᠳᠤᠷ ᠵᠦᠷᠢᠬᠦᠤ ᠪᠤᠷᠤᠭᠤ ᠬᠠᠷᠠᠵᠤ ᠵᠢᠭᠠᠬᠠᠨ ᠬᠦᠤ᠎ᠶᠢ ᠲᠤᠳᠤᠮᠳᠠᠯ᠎ᠠ ᠃ ᠠᠶᠠᠨ᠎ᠤ ᠬᠦᠤ᠎ᠨᠢ ᠶᠡᠭᠡ ᠬᠤᠳᠠ᠎ᠳ᠋ᠤ ᠰᠤᠷᠤᠯᠴᠠᠳᠠᠭ ᠃ ᠨᠢᠯᠬ᠎ᠠ ᠠᠮᠢᠳᠠᠨ᠎ᠲᠠᠢ ᠤᠶᠢᠷᠠᠳᠤᠭ᠎ᠠ ᠦᠬᠡᠢ ᠤᠳᠠᠴᠢᠬᠠᠭᠰᠠᠨ ᠪᠤᠯᠬᠤᠷ ᠪᠠᠷᠤᠭ ᠯᠡ ᠠᠩᠬ᠎ᠠ ᠬᠡᠤᠬᠡᠳ᠎ᠲᠠᠢ ᠪᠤᠯᠵᠤ ᠪᠠᠶᠢᠭ᠎ᠠ ᠶᠤᠮ ᠰᠢᠭ᠋ ᠬᠤᠶᠠᠭᠤᠯᠠ ᠰᠠᠨᠳᠤᠷᠴᠤ ᠂ ᠬᠡᠤᠬᠡᠳ ᠡᠪᠡᠳᠴᠤ ᠰᠢᠨᠠᠯᠤᠨ ᠤᠬᠢᠯᠠᠬᠤ᠎ᠪᠠᠷ᠎ᠨᠢ ᠪᠦᠷ ᠴᠤ ᠪᠠᠷᠢᠵᠤ ᠲᠠᠯᠪᠢᠬᠤ᠎ᠪᠠᠨ ᠤᠯᠵᠤ ᠶᠠᠳᠠᠨ᠎ᠠ ᠃ ᠬᠡᠬᠦ᠎ᠳ᠋ᠡᠭᠡᠨ ᠪᠦᠬᠦ ᠵᠦᠢᠯ᠎ᠤᠨ ᠡᠮᠤᠨ᠎ᠠ ᠠᠶᠠᠨ ᠯᠡ ᠬᠦᠶᠦᠨ᠎ᠠ ᠃ ᠰᠦᠨᠢ᠎ᠳ᠋ᠡᠭᠡᠨ ᠴᠦ ᠡᠪᠤᠷᠯᠡᠵᠤ ᠤᠨᠳᠠᠨ᠎ᠠ ᠃ ᠬᠦᠤ ᠠᠶᠠᠨ᠎ᠳ᠋ᠤ ᠨᠢᠬᠡ ᠯᠡ ᠡᠬᠡᠯᠢᠳᠠᠢ ᠂ ᠨᠢᠳᠤ ᠰᠠᠯᠭᠠᠯ ᠦᠬᠡᠢ ᠲᠠᠭᠠᠭᠤᠯᠤᠭᠠᠳ ᠬᠠᠷᠠᠨ᠎ᠠ ᠃ ᠬᠠᠵᠠᠭᠤ᠎ᠳ᠋ᠤᠨᠢ ᠪᠠᠶᠢᠪᠠᠯ ᠠᠩᠭᠠᠯᠵᠠᠭᠠᠳ ᠂ ᠲᠤᠯᠤᠭᠠᠢ᠎ᠪᠠᠨ ᠡᠪᠤᠷ᠎ᠲᠤᠨᠢ ᠨᠠᠭᠠᠯᠳᠤᠭᠤᠯᠤᠨ ᠡᠷᠬᠡᠯᠡᠨ᠎ᠡ ᠂ ᠪᠠᠶᠢᠬᠤ ᠦᠬᠡᠢ ᠪᠤᠯ ᠤᠬᠢᠯᠠᠨ᠎ᠡ ᠃ ᠬᠠᠶᠠ ᠤᠷᠤᠭᠤᠯ᠎ᠢᠶᠡᠨ ᠬᠦᠬᠦᠵᠤ ᠬᠦᠬᠡᠷᠤᠬᠦᠨ ᠵᠠᠩ ᠭᠠᠷᠭᠠᠵᠤ ᠠᠶᠠᠨ᠎ᠢ ᠢᠨᠢᠶᠠᠯᠭᠡᠨ᠎ᠠ ᠁ ᠲᠡᠷᠨ ᠬᠤᠶᠠᠷ ᠬᠡᠳᠤᠨ ᠬᠤᠨᠤᠭ᠎ᠤᠨ ᠲᠤᠳᠤᠷ᠎ᠠ ᠡᠶᠢᠨ ᠬᠦ ᠡᠬᠡᠨᠡᠭᠰᠢᠨ ᠲᠠᠰᠤᠯᠴᠠᠯ᠎ᠠ ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄
兼容浏览器的HTML页面