2026-05-11 16:43:09
ᠰᠡᠳᠬᠢᠯᠤᠨ ᠬᠦᠴᠦ
·ᠭᠦᠢᠯᠡᠰᠦ
ᠴᠡᠯ ᠪᠤᠭᠤᠷᠤᠯ ᠡᠵᠢ ᠮᠢᠨᠢ ᠠᠷᠬᠠᠢᠯᠴᠠᠭᠰᠠᠨ ᠬᠦᠮᠦᠰ ᠤᠨ ᠳᠤᠮᠳᠠᠭᠤᠷ ᠡᠮᠰᠢᠭᠡᠷ ᠤᠷᠤᠭᠤᠯᠵᠢᠡᠨ ᠥᠮᠥᠯᠵᠡᠭᠦᠯᠦᠭᠰᠡᠭᠡᠷ᠄ 《ᠮᠢᠨᠤ ᠮᠠᠭᠤ ᠦᠬᠢᠨ ᠬᠦᠷᠦᠭᠡᠳ ᠢᠷᠡᠪᠡ ᠤᠤ? ᠡᠮᠸ ᠨᠢ ᠬᠦᠯᠢᠶᠡᠭᠡᠳ ᠤᠳᠠᠯᠠ》 ᠭᠡᠵᠦ ᠮᠢᠨᠤ ᠵᠦᠭ ᠵᠢᠳᠬᠦᠯᠡᠨᠡ᠃

《ᠡᠵᠢ ᠡ!》 ᠭᠡᠵᠦ ᠪᠢ ᠳᠠᠭᠤ ᠠᠯᠳᠠᠨ ᠤᠷᠤᠭᠰᠢ ᠱᠤᠩᠭᠤᠯᠠᠭᠰᠠᠨᠵᠢᠡᠨ ᠬᠡᠨ ᠨᠢᠭᠡᠨᠤ ᠬᠥᠯᠳᠦ ᠳᠠᠭᠠᠷᠢᠭᠳᠠᠨ ᠲᠤᠩᠭᠤᠴᠢᠨ ᠭᠠᠵᠠᠷ ᠤᠢᠴᠢᠵᠠᠢ᠃
ᠨᠢᠭᠡ ᠮᠡᠳᠡᠬᠦᠳᠦ 《ᠡᠵᠢ ᠡ! ᠰᠡᠷᠡᠭᠡᠴᠢ᠂ ᠡᠵᠢ ᠡ ᠁》 ᠭᠡᠵᠦ ᠦᠬᠢᠨ ᠮᠢᠨᠢ ᠬᠤᠶᠠᠷ ᠮᠥᠷᠥᠵᠢ ᠴᠢᠨᠡᠭᠡ ᠮᠡᠳᠡᠨ ᠳᠦᠯᠬᠢᠵᠦ ᠳᠠᠳᠠᠨ ᠨᠢᠰᠦ ᠨᠢᠯᠪᠤᠰᠤᠪᠡᠨ ᠴᠤᠪᠤᠷᠠᠭᠤᠯᠤᠨ ᠪᠠᠢᠪᠠ᠃
ᠪᠦᠬᠦ ᠪᠡᠶᠡ ᠠᠯᠳᠠᠷᠠᠭᠰᠠᠨ ᠳᠡᠭᠡᠰᠦ ᠠᠳᠠᠯᠢ ᠰᠤᠯᠠᠷᠠᠵᠤ᠂ ᠨᠢᠳᠦᠪᠡᠨ ᠨᠡᠭᠡᠭᠡᠬᠦ ᠲᠡᠩᠬᠡᠬᠡ ᠦᠭᠡᠢ᠂ ᠲᠤᠯᠤᠭᠠᠢ ᠥᠩᠭᠢᠨᠡᠨ ᠳᠦᠩᠭᠢᠨᠡᠵᠦ ᠪᠠᠢᠪᠠ᠃ ᠪᠢ ᠡᠷᠯᠢᠭᠤᠨ ᠤᠷᠤᠨᠳᠦ ᠤᠴᠢᠭᠠᠳ ᠢᠷᠡᠪᠡᠤᠤ? ᠦᠨᠡᠨᠤ ᠭᠠᠵᠠᠷ ᠶᠠᠪᠤᠭᠠᠳ ᠤᠳᠠᠭᠰᠠᠨ ᠡᠵᠢ ᠲᠠᠢᠪᠡᠨ ᠬᠤᠶᠠᠷ ᠦᠭᠡᠴᠤ ᠰᠤᠯᠢᠵᠤ ᠠᠮᠵᠢᠭᠠ ᠦᠭᠡᠢ ᠪᠠᠢᠬᠤᠤᠤ? ᠪᠢ ᠵᠡᠭᠦᠳᠦ ᠦᠨᠡᠨᠤ ᠬᠤᠭᠤᠷᠤᠨᠳᠤ ᠠᠩᠰᠠᠯᠵᠠᠨ ᠠᠲᠠᠯᠠ᠄
— ᠡᠮᠴᠢ ᠡ᠂ ᠡᠵᠢᠵᠢᠨ ᠴᠢᠰᠤᠨ ᠳᠠᠷᠤᠯᠲᠠ ᠳᠡᠭᠰᠢᠷᠡᠵᠦ ᠪᠠᠢᠨᠠ᠂ ᠵᠢᠷᠦᠬᠡᠨ ᠴᠤᠬᠢᠯᠭᠠ ᠨᠢ ᠪᠠᠰᠠ ᠁ ᠦᠬᠢᠨᠤ ᠤᠬᠢᠯᠠᠩᠨᠠᠭᠰᠠᠨ ᠳᠠᠭᠤ ᠬᠤᠭᠤᠯᠠᠢ ᠬᠤᠯᠠᠡᠴᠡ ᠤᠢᠷᠠᠳᠤᠨ ᠰᠤᠨᠤᠰᠳᠠᠵᠤ ᠪᠠᠢᠯᠠ᠃
ᠲᠤᠳᠤᠷᠠ ᠤᠪᠤᠭᠠ ᠰᠠᠷᠠᠭᠤᠯᠵᠢᠵᠤ᠂ ᠨᠢᠳᠦᠪᠡᠨ ᠠᠭᠠᠵᠢᠮᠵᠢᠡᠷ ᠨᠡᠭᠡᠭᠡᠬᠦᠳᠦ ᠦᠬᠢᠨ ᠤᠯᠠᠭᠠᠨ ᠰᠤᠳᠠᠰᠤ ᠬᠦᠶᠦᠭᠰᠡᠨ ᠨᠢᠳᠦᠪᠡᠷ ᠨᠠᠮᠠᠵᠢ ᠴᠤᠭᠤ ᠰᠢᠷᠳᠡᠨ ᠵᠤᠭᠰᠤᠵᠤ ᠪᠠᠢᠪᠠ᠃ ᠬᠠᠮᠠᠷᠵᠢᠡᠷ ᠬᠦᠴᠢᠯᠳᠦ᠋ᠷᠦᠭᠴᠢ ᠠᠮᠢᠰᠬᠤᠯᠯᠠᠵᠤ᠂ ᠡᠪᠴᠢᠭᠦᠦ ᠴᠡᠭᠡᠵᠢᠨᠳᠦ ᠤᠯᠠᠨ ᠨᠠᠭᠠᠯᠲᠠ ᠲᠠᠢ᠂ ᠪᠡᠶᠡᠵᠢᠨ ᠳᠡᠭᠡᠭᠦᠷ ᠠᠭᠠᠯᠵᠢᠨ ᠲᠤᠤᠷ ᠠᠳᠠᠯᠢ ᠰᠦᠯᠵᠢᠯᠳᠦᠭᠰᠡᠨ ᠡᠮᠴᠢᠯᠡᠭᠡᠨᠤ ᠳᠥᠭᠥᠬᠡᠷᠦᠮᠵᠢᠵᠢᠨ ᠤᠳᠠᠰᠤ ᠬᠠᠷᠠᠭᠳᠠᠨᠠ᠃ 《ᠡᠵᠢ ᠡ᠂ ᠮᠡᠰᠡ ᠵᠠᠰᠠᠯ ᠠᠮᠵᠢᠯᠲᠠ ᠲᠠᠢ ᠪᠤᠯᠤᠭᠰᠠᠨ》 ᠭᠡᠵᠦ ᠦᠬᠢᠨ ᠮᠢᠨᠤ ᠭᠠᠷᠢ ᠴᠢᠩᠭᠠᠬᠠᠨ ᠠᠳᠬᠤᠭᠰᠠᠭᠠᠷ ᠬᠤᠭᠤᠯᠠᠢ ᠡᠷᠢᠶᠡᠨᠳᠦᠭᠦᠯᠦᠨ ᠶᠠᠷᠢᠬᠤᠵᠢ ᠨᠢ ᠰᠤᠨᠤᠰᠬᠤᠪᠡᠷ ᠮᠢᠨᠤ ᠨᠢᠯᠪᠤᠰᠤ ᠨᠢᠳᠦᠨ ᠤᠬᠤᠷᠬᠠᠢᠡᠴᠡ ᠲᠡᠯᠡᠷᠡᠨ ᠭᠠᠷᠴᠤ ᠪᠠᠢᠬᠤ ᠨᠢ ᠮᠡᠳᠡᠷᠡᠭᠳᠡᠵᠦ ᠪᠠᠢᠯᠠ᠃

ᠴᠡᠭᠡᠨ ᠳ᠋ᠸᠩᠤᠨ ᠭᠡᠷᠡᠯᠳᠦ ᠤᠷᠤᠵᠢᠨ ᠬᠠᠵᠠᠭᠤᠳᠦ ᠮᠤᠳᠤ ᠠᠳᠠᠯᠢ ᠭᠤᠵᠤᠢᠨ ᠵᠤᠭᠰᠤᠭᠰᠠᠨ ᠡᠪᠦᠭᠡᠨᠤ ᠴᠢᠷᠠᠢ ᠤᠯᠠᠮ ᠴᠤᠩᠬᠢᠭᠠᠷ ᠬᠠᠷᠠᠭᠳᠠᠨᠠ᠃ ᠪᠢ ᠥᠷᠯᠥᠭᠡᠵᠢᠨ ᠶᠢᠰᠦᠨ ᠴᠠᠭᠲᠦ ᠮᠡᠰᠡ ᠵᠠᠰᠠᠯᠤᠨ ᠲᠠᠰᠤᠭᠲᠦ ᠤᠷᠤᠭᠰᠠᠨᠵᠢᠡᠨ ᠲᠤᠳᠤᠷᠬᠠᠢ ᠴᠡᠭᠡᠵᠢᠯᠡᠵᠦ ᠪᠠᠢᠨᠠ᠃ ᠮᠡᠰᠡ ᠵᠠᠰᠠᠯᠤᠨ ᠥᠷᠥᠭᠡ ᠤᠷᠤᠭᠤ ᠳᠦᠯᠬᠢᠵᠦ ᠶᠠᠪᠤᠭᠰᠠᠨ ᠡᠷᠯᠢᠭᠤᠨ ᠡᠯᠴᠢ ᠭᠡᠮᠡᠷ ᠥᠪᠴᠢ ᠬᠦᠬᠡᠪᠡᠷ ᠬᠤᠪᠴᠠᠯᠠᠵᠤ᠂ ᠠᠮᠠᠪᠴᠢᠵᠢᠨ ᠳᠡᠭᠡᠭᠦᠷ ᠠᠯᠠᠭ ᠨᠢᠳᠦ ᠨᠢ ᠠᠯᠠᠬᠤ ᠦᠭᠡᠷ ᠠᠳᠠᠯᠢ ᠬᠦᠯᠢᠪᠡᠯᠵᠡᠭᠰᠡᠨ ᠢᠳᠡᠷ ᠨᠠᠰᠤᠨᠤ ᠡᠷᠡᠵᠢ ᠬᠠᠷᠠᠬᠤᠡᠴᠡ ᠰᠡᠳᠬᠢᠯ ᠳᠤᠯᠭᠢᠰᠴᠤ ᠪᠠᠢᠭᠰᠠᠨᠴᠤ ᠶᠡᠭᠦᠯᠡᠵᠦ ᠪᠠᠢᠭᠠ ᠡᠮᠢ ᠪᠠᠷᠠᠭᠤᠨ ᠭᠠᠷᠵᠢᠡᠷᠵᠢᠡᠨ ᠳᠡᠭᠡᠷᠡ ᠡᠷᠭᠦᠵᠦ ᠨᠢᠳᠦᠪᠡᠷᠵᠢᠡᠨ ᠢᠨᠢᠶᠡᠭᠰᠡᠨ ᠰᠤᠪᠢᠯᠠᠭᠴᠢ ᠦᠬᠢᠨᠢ ᠬᠠᠷᠠᠭᠠᠳ ᠬᠦᠭᠡᠷᠦᠬᠦᠢ ᠦᠬᠢᠨ ᠲᠠᠢ ᠮᠢᠨᠢ ᠨᠠᠰᠤ ᠬᠤᠷᠠᠭᠤᠨ ᠪᠠᠢᠬᠠ ᠭᠡᠵᠦ ᠪᠤᠳᠤᠪᠠ᠃ ᠮᠡᠰᠡ ᠵᠠᠰᠠᠯᠤᠨ ᠤᠷᠤᠨᠡᠴᠡ ᠪᠠᠭᠤᠵᠤ ᠳᠡᠢᠯᠬᠦ ᠦᠭᠡᠢ ᠴᠠᠭᠠᠰᠢ ᠶᠠᠪᠤᠴᠢᠬᠠᠪᠠᠯ ᠶᠠᠭᠠᠬᠢᠳᠠᠭ ᠪᠢᠯᠡ⁈ ᠵᠠᠶᠠᠭᠠ ᠮᠡᠳᠡᠭᠰᠡᠨ ᠬᠡᠷᠡᠭ᠂ ᠤᠰᠤ ᠤᠤᠭᠤᠬᠤ ᠬᠤᠪᠢ ᠲᠥᠭᠡᠷᠭᠡ ᠦᠭᠡᠢ ᠪᠤᠯ ᠶᠠᠭᠠᠬᠢᠬᠤ ᠪᠤᠢ᠃ ᠤᠯᠢᠭᠵᠢᠡᠨ ᠪᠠᠷᠠᠭᠰᠠᠨ ᠦᠮᠡᠨ ᠤᠯᠤᠭᠰᠠᠨ ᠬᠦᠮᠦᠨ ᠡᠷᠯᠢᠭᠤᠨ ᠳᠠᠩᠰᠠᠨᠳᠦ ᠨᠢᠭᠡᠨᠲᠡ ᠨᠡᠷᠡᠪᠡᠨ ᠳᠠᠩᠰᠠᠯᠠᠭᠤᠯᠤᠭᠰᠠᠨ ᠪᠠᠢᠭᠠ ᠬᠤᠢᠨᠠ᠃ ᠡᠪᠦᠭᠡᠨ ᠦᠬᠢᠨ ᠬᠤᠶᠠᠭᠤᠯᠠ ᠮᠢᠨᠢ ᠵᠠᠪᠠᠯ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠬᠦ ᠭᠡᠳ ᠁ ᠦᠭᠡᠢ ᠪᠤᠯ ᠵᠢᠷᠠ ᠬᠦᠷᠴᠦ ᠵᠠᠵᠢᠨ ᠦᠰᠦ ᠨᠢᠭᠡᠨᠲᠡ ᠴᠠᠢᠴᠢᠬᠠᠭᠰᠠᠨ ᠬᠦᠮᠦᠨ᠃ ᠵᠤᠭᠤᠰ ᠮᠥᠩᠭᠥᠪᠡᠨ ᠦᠷᠡᠵᠦ ᠭᠦᠢᠴᠡᠭᠡᠳ ᠵᠠᠰᠠᠷᠠᠵᠤ ᠡᠳᠡᠭᠡᠷᠡᠵᠦ ᠳᠡᠢᠯᠬᠦ ᠦᠭᠡᠢ ᠶᠤᠮ ᠪᠤᠯ ᠠᠯᠢ ᠪᠠᠢᠭᠰᠠᠨᠵᠢᠡᠨ ᠪᠠᠷᠠᠵᠤ 《ᠡᠯᠵᠢᠭᠡᠴᠤ ᠦᠭᠡᠢ ᠭᠤᠷᠪᠠᠨ ᠯᠠᠩᠴᠤ ᠦᠭᠡᠢ》 ᠦᠯᠢᠭᠡᠷ ᠪᠤᠯᠤᠨᠠ᠃ ᠦᠬᠦᠬᠦ ᠡᠪᠡᠳᠴᠢᠨᠢ ᠰᠠᠬᠢᠭᠤᠯᠰᠤᠨ ᠭᠡᠳ ᠶᠠᠭᠠᠬᠢᠬᠤ ᠪᠤᠢ ᠁ ᠦᠬᠢᠨ ᠤᠬᠢᠯᠠᠵᠤ ᠤᠨᠵᠢᠭᠠᠳ ᠴᠠᠪᠠᠤ ᠠᠳᠠᠯᠢ ᠨᠤᠤᠷᠠᠭᠠᠳ ᠪᠤᠯᠬᠤ ᠦᠭᠡᠢ ᠶᠤᠮ ᠴᠢᠨᠢ ᠠᠷᠭᠠ ᠦᠭᠡᠢ ᠮᠡᠰᠡ ᠵᠠᠰᠠᠯ ᠬᠢᠬᠦᠵᠢ ᠵᠥᠪᠰᠢᠶᠡᠷᠡᠭᠰᠡᠨ ᠭᠠᠷᠤᠨ ᠦᠰᠦᠭ ᠵᠢᠷᠤᠭᠰᠠᠨ ᠶᠤᠮ᠃ ᠬᠡᠦᠬᠡᠳᠤᠨ ᠰᠠᠨᠠᠭᠠᠪᠡᠷ ᠤᠷᠤᠭᠰᠠᠨ ᠦᠭᠡᠢ ᠪᠤᠯ ᠲᠠᠭᠠᠷᠠᠬᠤ ᠪᠠᠢᠵᠠᠢ᠃ ᠦᠮᠡᠨᠤ ᠰᠡᠭᠦᠯᠴᠢᠵᠢᠨ ᠬᠤᠭᠤᠴᠠᠭᠠ ᠭᠡᠪᠠᠯ ᠡᠳᠡᠭᠡᠷᠡᠬᠦ ᠪᠤᠯᠤᠯᠴᠠᠭᠠ ᠬᠤᠮᠰᠠ ᠪᠠᠢᠬᠠ᠃ ᠬᠦᠦ ᠮᠢᠨᠢ ᠬᠠᠷᠢ ᠤᠯᠤᠰᠲᠦ ᠰᠤᠶᠤᠯᠤᠨ ᠮᠥᠷ ᠬᠥᠭᠡᠭᠡᠵᠦ ᠪᠠᠢᠨᠠ᠃ ᠦᠬᠢᠨ ᠪᠠᠰᠠ ᠠᠵᠢᠯ ᠠᠯᠪᠠ ᠲᠠᠢ᠂ ᠠᠩᠭᠠ ᠦᠷᠡ ᠲᠠᠢ ᠬᠦᠮᠦᠨ ᠁ ᠮᠢᠨᠤ ᠳᠤᠳᠤᠷᠠ ᠤᠷᠪᠠᠯᠳᠤᠵᠤ᠂ ᠡᠯᠳᠡᠪ ᠡᠰᠡᠨ ᠪᠤᠳᠤᠯ ᠰᠢᠪᠠᠭᠤ ᠰᠢᠭ᠋ ᠵᠢᠷᠭᠢᠵᠦ ᠪᠠᠢᠲᠠᠯᠠ ᠡᠮᠴᠢ ᠰᠤᠪᠢᠯᠠᠭᠴᠢ ᠨᠠᠭᠠᠰᠢ ᠴᠠᠭᠠᠰᠢ ᠪᠤᠵᠢᠭᠢᠨᠠᠯᠳᠤᠵᠤ ᠪᠠᠢᠭᠰᠠᠨᠵᠢᠡᠨ ᠨᠢᠭᠡ ᠰᠤᠪᠢᠯᠠᠭᠴᠢ ᠦᠬᠢᠨ ᠬᠠᠮᠠᠷᠲᠦ ᠨᠢᠭᠡ ᠶᠠᠭᠤᠮᠠ ᠤᠢᠷᠠᠳᠤᠭᠤᠯᠤᠮᠠᠭᠴᠠ ᠪᠢ ᠮᠡᠳᠡᠭᠡ ᠠᠯᠳᠠᠵᠤ ᠤᠷᠬᠢᠵᠠᠢ᠃

ᠪᠢ ᠦᠬᠢᠨ ᠤᠷᠤᠭᠤ ᠦᠬᠡ ᠶᠠᠷᠢᠬᠤ ᠭᠡᠬᠦᠳᠦ ᠤᠷᠤᠭᠤᠯ ᠠᠮᠠ ᠵᠥᠪ ᠵᠠᠷᠤᠭᠳᠠᠭᠰᠠᠨ ᠦᠭᠡᠢ᠃ ᠦᠨᠡᠨᠳᠡᠭᠡᠨ ᠪᠢ ᠴᠢᠨᠢ 《ᠡᠵᠢ》 ᠭᠡᠰᠡᠨ ᠨᠡᠷᠡ ᠳᠡᠭᠡᠨ ᠬᠢᠷᠢ ᠲᠡᠩᠴᠡᠮᠡᠷ ᠦᠭᠡᠢ ᠶᠠᠪᠤᠭᠰᠠᠨ ᠭᠡᠵᠦ ᠪᠡᠶᠡᠪᠡᠨ ᠵᠢᠮᠡᠯᠡᠳᠡᠭ ᠶᠤᠮ᠃ ᠬᠡᠦᠬᠡᠳᠵᠢᠡᠨ ᠪᠠᠯᠴᠢᠷ ᠪᠠᠭᠠᠡᠴᠡ ᠨᠢ ᠬᠠᠢᠷᠠᠯᠠᠵᠤ ᠬᠠᠷᠠᠭᠠᠯᠵᠠᠬᠤᠵᠢ ᠮᠡᠳᠡᠭᠰᠡᠨ ᠦᠭᠡᠢ᠂ ᠡᠮᠡᠭᠡ ᠡᠵᠢᠳᠦ ᠨᠢ ᠬᠠᠶᠠᠴᠢᠬᠠᠭᠠᠳ ᠬᠦᠯᠥᠰᠥᠨ ᠠᠵᠢᠯ ᠬᠢᠨᠡ ᠭᠡᠳ ᠭᠦᠶᠦᠴᠢᠬᠡᠭᠰᠡᠨ ᠬᠦᠮᠦᠨ᠃ ᠲᠡᠷᠡ ᠵᠠᠭᠤᠭᠠᠳ ᠬᠤᠨᠢ ᠢᠮᠠᠭᠠᠪᠡᠨ ᠬᠠᠷᠢᠭᠤᠯᠤᠭᠠᠳ ᠠᠮᠢᠳᠤᠷᠠᠯ ᠳᠡᠭᠡᠭᠰᠢᠯᠡᠬᠦ ᠦᠭᠡᠢ᠂ ᠬᠡᠦᠬᠡᠳᠵᠢᠡᠨ ᠢᠷᠡᠭᠡᠳᠦᠢᠳᠦ ᠰᠠᠢᠨ ᠰᠠᠢᠬᠠᠨ ᠶᠠᠪᠤᠭᠤᠯᠬᠤ ᠬᠡᠪᠡᠯ ᠵᠤᠭᠤᠰ ᠴᠤᠭᠯᠠᠭᠤᠯᠬᠤ ᠦᠭᠡᠢ ᠪᠤᠯ ᠪᠤᠯᠬᠤ ᠦᠭᠡᠢ ᠭᠡᠵᠦ ᠪᠤᠳᠤᠬᠤᠳᠠᠭᠠᠨ ᠨᠢᠯᠪᠤᠰᠤᠪᠡᠨ ᠲᠤᠳᠤᠭᠰᠢᠪᠡᠨ ᠵᠠᠯᠬᠢᠨ ᠪᠠᠢᠵᠤ ᠨᠤᠲᠤᠭᠡᠴᠡᠪᠡᠨ ᠰᠠᠯᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃ ᠰᠤᠶᠤᠯᠤᠨ ᠬᠢᠷᠢ ᠬᠡᠮᠵᠢᠶᠡ ᠥᠨᠳᠥᠷ ᠪᠢᠰᠢ ᠬᠦᠮᠦᠨ ᠪᠡᠶᠡᠵᠢᠨ ᠬᠥᠴᠦ᠂ ᠰᠥᠰᠥ ᠵᠤᠷᠢᠭᠵᠢᠡᠨ ᠲᠦᠰᠢᠭᠯᠡᠬᠦᠡᠴᠡ ᠤᠨᠳᠤᠤ ᠠᠷᠭᠠ ᠪᠠᠢᠬᠤ ᠦᠭᠡᠢ ᠭᠡᠳᠡᠭᠢ ᠬᠦᠮᠦᠨᠤ ᠭᠠᠵᠠᠷ ᠬᠥᠨᠳᠡᠯᠡᠨᠤ ᠨᠤᠲᠤᠭᠲᠦ ᠬᠦᠷᠦᠭᠡᠳ ᠰᠠᠶᠢ ᠤᠬᠠᠵᠠᠢ᠃ ᠡᠳᠦᠢᠴᠢᠨᠡᠭᠡᠨ ᠵᠢᠯ ᠶᠠᠭᠤ ᠡᠰᠡ ᠬᠢᠭᠰᠡᠨ ᠦᠭᠡᠢ ᠪᠤᠢ᠃ ᠪᠠᠷᠢᠯᠭᠠ ᠳᠡᠭᠡᠷᠡ ᠬᠤᠭᠤᠯᠠ ᠬᠢᠬᠦ᠂ ᠭᠡᠷ ᠴᠤᠬᠤᠢᠳᠠᠬᠤ᠂ ᠭᠡᠷ ᠴᠡᠪᠡᠷᠯᠡᠬᠦ᠂ ᠨᠠᠰᠤᠲᠠᠨ ᠠᠰᠠᠷᠠᠬᠤ ᠁ ᠬᠢᠭᠰᠡᠨ ᠦᠭᠡᠢ ᠠᠵᠢᠯ ᠪᠠᠷᠤᠭ ᠪᠠᠢᠬᠤ ᠦᠭᠡᠢ ᠭᠡᠵᠦ ᠬᠡᠯᠡᠬᠦᠳᠦ ᠢᠯᠡᠭᠦᠳᠡᠬᠦ ᠦᠭᠡᠢ᠃ ᠵᠠᠷᠢᠮᠳᠠᠭᠠᠨ ᠶᠠᠳᠠᠷᠠᠬᠤᠵᠢᠨ ᠲᠤᠢᠯᠳᠦ ᠲᠤᠯᠤᠭᠠᠳ ᠬᠥᠯᠵᠢᠡᠨ ᠴᠢᠷᠦᠭᠡᠳ ᠲᠦᠷᠢᠶᠡᠰᠦᠨ ᠭᠡᠷ ᠤᠷᠤᠭᠤᠪᠡᠨ ᠭᠤᠢᠭᠤᠷᠠᠬᠤᠳᠠᠭᠠᠨ ᠠᠮᠢᠳᠤᠷᠠᠯᠳᠦ ᠤᠢ ᠭᠤᠳᠤᠳᠠᠭ ᠤᠳᠠᠭᠠ ᠲᠠᠢᠴᠤ ᠠᠷᠤ ᠭᠡᠷᠲᠡᠭᠡᠨ ᠪᠠᠢᠭᠠ ᠠᠭᠰᠢᠷᠠᠭᠠ ᠨᠠᠰᠤᠲᠠᠨ᠂ ᠡᠯᠢᠭᠡ ᠵᠢᠷᠦᠬᠡᠨᠤᠪᠡᠨ ᠲᠠᠰᠤᠷᠬᠠᠢ ᠠᠩᠭᠠ ᠦᠷᠡᠪᠡᠨ ᠪᠤᠳᠤᠮᠠᠭᠴᠠ ᠪᠡᠶᠡ ᠴᠢᠩᠭᠠᠷᠠᠨ᠂ ᠵᠤᠷᠢᠭ ᠡᠷᠴᠢᠯᠡᠭᠳᠡᠵᠦ᠂ ᠤᠷᠮᠠ ᠰᠡᠷᠭᠦᠳᠡᠭ᠃ 《ᠦᠷᠡᠵᠢᠨ ᠲᠥᠯᠥᠭᠡ ᠦᠭᠦᠵᠦ᠂ ᠵᠤᠯᠵᠠᠭᠠᠵᠢᠨ ᠲᠥᠯᠥᠭᠡ ᠵᠤᠳᠠᠨᠠ》 ᠭᠡᠳᠡᠭᠤᠨ ᠤᠳᠬᠠ ᠰᠠᠨᠠᠭᠠᠵᠢ ᠡᠵᠢ ᠰᠠᠭᠤᠬᠤ ᠦᠭᠡᠢ ᠪᠤᠯ ᠶᠠᠭᠠᠬᠢᠨ ᠮᠡᠳᠡᠷᠡᠵᠦ ᠳᠡᠢᠯᠬᠦ ᠠᠵᠢ᠃ ᠬᠡᠳᠦᠢᠪᠡᠷ ᠬᠦᠦ ᠦᠬᠢᠨᠳᠡᠭᠡᠨ ᠡᠳ᠋ ᠪᠤᠳᠠᠰᠤᠨ ᠲᠠᠯᠠᠪᠡᠷ ᠡᠯᠪᠡᠭ ᠳᠡᠯᠪᠡᠭ ᠬᠠᠩᠭᠠᠯᠲᠠ ᠲᠠᠢ ᠪᠤᠯᠭᠠᠵᠤ ᠴᠢᠳᠠᠭᠰᠠᠨᠴᠤ ᠡᠩᠭᠡᠷᠲᠡᠭᠡᠨ ᠡᠷᠬᠡᠯᠡᠭᠦᠯᠵᠦ᠂ ᠡᠬᠡᠵᠢᠨ ᠬᠠᠢᠷᠠᠪᠡᠨ ᠴᠠᠭ ᠮᠥᠴᠡ ᠦᠭᠡᠢ ᠬᠦᠷᠭᠡᠵᠦ ᠳᠡᠢᠯᠦᠭᠰᠡᠨ ᠦᠭᠡᠢᠳᠡᠭᠡᠨ ᠬᠠᠷᠠᠮᠰᠠᠵᠤ ᠵᠤᠪᠠᠳᠠᠭ᠃ ᠥᠨᠥ ᠦᠬᠢᠨ ᠦᠷᠡᠪᠡᠨ ᠢᠩᠭᠢᠵᠦ ᠤᠬᠢᠯᠠᠭᠤᠯᠵᠤ ᠵᠤᠪᠠᠭᠠᠬᠤ ᠡᠷᠬᠡ ᠪᠠᠢᠬᠤ ᠦᠭᠡᠢ ᠯᠡ ᠭᠡᠵᠦ ᠪᠤᠳᠤᠬᠤᠡᠴᠡ ᠵᠢᠷᠦᠭᠡᠵᠢ ᠵᠡᠭᠦᠦᠪᠡᠷ ᠴᠢᠴᠢᠵᠦ ᠪᠠᠢᠮᠠᠷ᠃ ᠰᠠᠨᠠᠭᠠ ᠵᠠᠶᠠᠭᠠ ᠨᠡᠢᠯᠡᠳᠡᠭ ᠦᠭᠡᠢ ᠬᠤᠷᠸᠠᠵᠢ ᠶᠠᠭᠠᠬᠢᠨᠠᠮ ᠪᠢᠯᠡ⁈

ᠨᠢᠳᠤᠨᠤᠨᠤ ᠡᠨᠡ ᠦᠶᠡᠰ ᠪᠠᠢᠨ ᠪᠠᠢᠨ ᠴᠢᠴᠠᠭᠠ ᠠᠯᠳᠠᠵᠤ ᠪᠠᠢᠭᠰᠠᠨ ᠴᠤ᠌ ᠡᠷᠬᠢᠯᠡᠭᠰᠡᠨ ᠬᠣᠭᠣᠯᠠᠨ ᠭᠡᠷᠦᠨ ᠣᠷᠣᠯᠭᠠ ᠮᠢᠨᠢ ᠵᠠᠷᠤᠯᠭᠠᠳᠠᠭᠠᠨ ᠬᠦᠷᠴᠦ ᠲᠡᠶ᠋ᠢᠯᠬᠦ ᠦᠭᠡᠢ ᠲᠣᠯᠣᠭᠠᠢ ᠡᠪᠡᠳᠬᠡᠵᠦ ᠪᠠᠢᠭᠰᠠᠨᠠᠴᠠ ᠪᠠᠷᠤᠭ ᠢᠳᠡᠭᠰᠡᠨ ᠤᠤᠭᠤᠭᠰᠠᠨ ᠵᠣᠬᠢᠭ᠍ᠰᠠᠨ ᠦᠭᠡᠢᠡᠴᠡ ᠪᠤᠯᠤᠭᠰᠠᠨ ᠪᠠᠢᠬᠠ ᠭᠡᠵᠦ ᠰᠠᠨᠠᠭᠠᠨᠳᠠᠭᠠᠨ ᠠᠪᠤᠭᠰᠠᠨ ᠦᠭᠡᠢ᠂ ᠡᠮᠦᠨ ᠳᠡᠯᠭᠡᠭᠦᠷᠡᠴᠡ ᠪᠠᠭᠠ ᠰᠠᠭᠠ ᠡᠮᠲᠠᠩ ᠤᠤᠭᠤᠭᠠᠳ ᠯᠠ ᠥᠩᠭᠡᠷᠡᠬᠡᠵᠦ ᠪᠠᠢᠵᠠᠢ᠃ ᠡᠷᠡ ᠡᠮᠡ ᠬᠣᠶᠠᠭᠤᠯᠠᠪᠠᠨ ᠠᠷᠪᠠᠭᠠᠳ ᠵᠢᠯ ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠵᠣᠭᠣᠰᠢᠶᠠᠷᠢᠶᠠᠨ ᠬᠣᠭᠣᠯᠠᠨ ᠭᠡᠷ ᠡᠷᠬᠢᠯᠡᠭᠡᠳ ᠣᠪᠣᠭᠠ ᠤᠷᠤᠯᠭᠠ ᠲᠠᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠵᠦᠢᠯ ᠵᠦᠢᠯᠦᠨ ᠰᠢᠯᠲᠠᠭᠠᠨᠠᠴᠠ ᠪᠣᠯᠵᠤ ᠬᠣᠭᠣᠯᠠᠨ ᠭᠡᠷᠦᠨ ᠣᠷᠣᠯᠭᠠ ᠨᠢ ᠵᠠᠷᠤᠯᠭᠠᠳᠠᠭᠠᠨ ᠬᠦᠷᠬᠦᠪᠡᠨ ᠪᠣᠯᠢᠭᠠᠳ ᠪᠠᠢᠬᠤᠳᠤ ᠪᠡᠶᠡᠪᠡᠨ ᠬᠠᠮᠢᠶᠠᠷᠬᠤ ᠵᠠᠪ ᠬᠠᠮᠢᠭᠠ ᠪᠠᠢᠬᠤ ᠪᠣᠢ᠃ ᠬᠣᠭᠣᠯᠠᠨ ᠭᠡᠷᠢᠶᠡᠨ ᠶᠠᠭᠠᠬᠢᠵᠤ ᠡᠵᠡᠩᠨᠡᠪᠡᠯ ᠵᠣᠬᠢᠬᠤ ᠲᠤᠬᠠᠢ ᠲᠠᠷᠢᠬᠢᠪᠠᠨ ᠰᠢᠪᠬᠠᠵᠤ ᠪᠤᠬᠢᠨᠢᠳᠤᠵᠤ ᠪᠠᠢᠪᠠ᠃

ᠳᠡᠭᠡᠷᠡ ᠭᠠᠷᠠᠭᠤᠨ ᠬᠣᠶᠠᠷᠤᠨ ᠦᠳᠡᠶᠢᠨ ᠬᠣᠢᠨᠠ ᠭᠡᠳᠡᠰᠦ ᠬᠠᠳᠬᠤᠯᠠᠵᠤ ᠡᠪᠡᠳᠦᠭᠡᠳ ᠲᠡᠰᠬᠦ ᠦᠭᠡᠢ ᠪᠣᠯᠬᠣᠷ ᠠᠷᠭᠠ ᠪᠤᠰᠤ ᠡᠮᠨᠡᠯᠭᠡᠳᠦ ᠬᠦᠷᠴᠦ ᠪᠠᠢᠴᠠᠭᠠᠯᠭᠠᠭᠰᠠᠨ ᠴᠢᠨᠢ ᠭᠡᠳᠡᠰᠦᠨ ᠥᠮᠡᠨᠦ ᠰᠡᠭᠦᠯᠴᠢᠶᠢᠨ ᠬᠤᠭᠤᠴᠠᠭᠠ ᠭᠡᠰᠡᠨ ᠤᠨᠤᠰᠢᠯᠠᠯᠲᠠ ᠤᠯᠵᠤ ᠶᠠᠭᠤ ᠶᠠᠭᠠᠬᠢᠬᠤᠪᠡᠨ ᠤᠯᠵᠤ ᠶᠠᠳᠠᠨ ᠠᠯᠮᠠᠢᠷᠠᠵᠠᠢ᠃ ᠡᠮᠴᠢ ᠳᠠᠷᠤᠢᠳᠤᠨᠢ ᠡᠮᠨᠡᠯᠭᠡᠳᠦ ᠰᠠᠭᠤᠬᠤ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠳᠠᠭᠰᠠᠨ ᠴᠤ᠌ ᠪᠢ ᠬᠡᠨᠳᠦ ᠴᠦ᠍ ᠬᠡᠯᠡᠬᠦ ᠦᠭᠡᠢᠪᠡᠷ ᠰᠢᠢᠳᠴᠦ ᠭᠡᠷᠲᠡᠬᠡᠨ ᠬᠠᠷᠢᠪᠠ᠃ ᠠᠮᠢᠳᠤᠷᠠᠯ᠂ ᠦᠬᠦᠯ ᠬᠣᠶᠠᠷ ᠡᠭᠦᠳᠡᠪᠡᠷ ᠡᠭᠡᠯᠵᠢᠯᠡᠨ ᠥᠩᠭᠡᠯᠵᠡᠭᠰᠡᠨ ᠡᠳᠦᠷ ᠬᠣᠨᠣᠭᠤᠳᠢ ᠥᠩᠭᠡᠷᠡᠭᠡᠬᠦ ᠭᠡᠵᠦ ᠬᠡᠴᠡᠭᠦᠦ ᠰᠢᠯᠭᠠᠯᠲᠠ ᠪᠠᠢᠵᠠᠢ᠃ ᠲᠣᠭᠠᠲᠠᠢ ᠡᠳᠦᠷ ᠬᠣᠨᠣᠭᠤᠳᠢᠶᠠᠨ ᠶᠠᠭᠠᠬᠢᠵᠤ ᠥᠩᠭᠡᠷᠡᠭᠡᠬᠦ ᠲᠤᠬᠠᠢ᠂ ᠬᠤᠶᠠᠷ ᠬᠡᠦᠬᠡᠳᠦᠨᠢᠶᠡᠨ ᠠᠮᠢᠳᠤᠷᠠᠯᠢ ᠶᠠᠭᠠᠬᠢᠵᠤ ᠲᠣᠬᠢᠷᠠᠭᠤᠯᠬᠤ ᠲᠤᠬᠠᠢ ᠪᠤᠳᠤᠯ ᠪᠦᠬᠦ ᠣᠶᠤᠨᠢ ᠮᠢᠨᠢ ᠡᠵᠡᠮᠳᠡᠵᠦ ᠪᠠᠢᠪᠠ᠃ ᠡᠪᠦᠭᠡᠨ ᠴᠦ᠍ ᠶᠠᠭᠠᠬᠢᠮᠠᠢ᠂ ᠨᠠᠳᠠᠠᠴᠠ ᠰᠡᠭᠦᠯᠡᠷ ᠪᠠᠰᠠ ᠨᠢᠭᠡᠶᠢ ᠣᠯᠣᠭᠠᠳ ᠠᠮᠢᠳᠤᠷᠠᠬᠤ ᠪᠠᠢᠯ ᠦᠭᠡᠢ᠂ ᠬᠥᠭᠡᠷᠦᠬᠦᠢ ᠮᠢᠨᠤ ᠬᠣᠶᠠᠷ ᠬᠡᠦᠬᠡᠳ ᠁ ᠭᠡᠵᠦ ᠪᠣᠳᠣᠬᠤᠠᠴᠠ ᠵᠢᠷᠦᠬᠡ ᠭᠣᠣᠯ ᠬᠠᠢᠯᠤᠭᠠᠳ ᠶᠠᠪᠤᠴᠢᠬᠠᠨᠠ᠃
ᠵᠢᠷᠭᠠᠯ ᠵᠣᠪᠠᠯᠠᠩᠢᠶᠠᠨ ᠬᠤᠪᠢᠶᠠᠯᠴᠠᠭᠰᠠᠨ ᠡᠷᠡ ᠡᠮᠡ ᠭᠡᠵᠦ ᠡᠯᠢᠭᠡ ᠨᠢᠭᠡᠲᠡᠢ ᠪᠠᠢᠵᠠᠢ᠃ ᠡᠪᠦᠭᠡᠨ ᠮᠠᠨᠢ ᠮᠢᠨᠤ ᠪᠠᠢᠳᠠᠯ ᠣᠨᠳᠣᠣ ᠪᠠᠢᠬᠤᠶᠢ ᠨᠡᠪᠲᠡ ᠬᠠᠷᠠᠴᠢᠬᠠᠭᠠᠳ᠂ ᠨᠠᠮᠠᠶᠢ ᠰᠢᠷᠭᠠᠭᠠᠭᠰᠠᠭᠠᠷ ᠪᠠᠢᠵᠤ ᠦᠨᠡᠨᠢ ᠣᠯᠵᠤ ᠥᠬᠢᠨᠳᠦ ᠬᠡᠯᠡ ᠬᠦᠷᠭᠡᠭᠰᠡᠨ ᠪᠠᠢᠵᠠᠢ᠃
《ᠡᠮᠧ ᠠ᠋ ! ᠡᠮᠴᠢ ᠲᠠᠨᠤ ᠮᠡᠰᠡ ᠵᠠᠰᠠᠯᠢ ᠰᠠᠨᠠᠭᠠᠨᠠᠴᠠ ᠭᠠᠳᠠᠭᠤᠷ ᠠᠮᠵᠢᠯᠲᠠᠲᠠᠢ ᠪᠣᠯᠤᠭᠰᠠᠨ ᠭᠡᠵᠦ ᠪᠠᠢᠨᠠ᠃ ᠳᠥᠷᠪᠡ ᠤᠳᠠᠭᠠ ᠬᠢᠮᠢᠶᠢᠨ ᠵᠠᠰᠠᠯ ᠬᠢᠪᠡᠯ ᠨᠢᠭᠡᠮᠦᠰᠦᠨ ᠢᠯᠠᠷᠢᠰᠢᠨᠠ ᠭᠡᠵᠦ ᠪᠠᠲᠤᠲᠠᠢ ᠶᠠᠷᠢᠵᠤ ᠪᠠᠢᠨᠠ》 ᠭᠡᠵᠦ ᠥᠬᠢᠨ ᠴᠢᠬᠢᠨᠦ ᠬᠠᠵᠠᠭᠤᠳᠤ ᠳᠣᠭᠳᠣᠯᠤᠨ ᠰᠢᠪᠡᠨᠡᠭᠰᠡᠨᠢᠶᠡᠨ᠄《ᠳᠡᠭᠦᠦ ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢᠰᠬᠡᠯᠡᠴᠡ ᠪᠠᠭᠤᠨᠠ᠂ ᠲᠠ ᠰᠠᠨᠠᠭᠠ ᠠᠮᠤᠷ ᠪᠠᠢ》 ᠭᠡᠵᠦ ᠬᠡᠯᠡᠬᠦᠳᠦ ᠨᠢ ᠬᠣᠭᠣᠯᠠᠢ ᠨᠢ ᠦᠯᠦ ᠮᠡᠳᠡᠭ ᠴᠡᠴᠡᠷᠬᠢᠯᠡᠵᠦ ᠪᠠᠢᠯᠠ᠃ ᠢᠱ᠌ᠢ᠂ ᠬᠦᠦᠶᠢᠨ ᠰᠤᠷᠤᠯᠭᠠᠶᠢ ᠰᠠᠭᠠᠲᠠᠴᠢᠬᠠᠭᠰᠠᠨ ᠪᠢᠯᠡᠤᠤ ᠭᠡᠰᠡᠨ ᠪᠣᠳᠤᠯ ᠵᠢᠷᠢᠰᠬᠢᠭᠰᠡᠨ ᠴᠦ᠍ ᠬᠣᠶᠠᠷ ᠵᠢᠯ ᠠᠭᠤᠯᠵᠠᠭᠠ ᠦᠭᠡᠢ ᠬᠦᠦᠲᠠᠢᠪᠡᠨ ᠠᠭᠤᠯᠵᠠᠬᠤ ᠰᠠᠨ ᠭᠡᠰᠡᠨ ᠬᠦᠰᠡᠯ ᠣᠷᠭᠢᠯᠤᠨ ᠪᠠᠢᠪᠠ᠃ ᠬᠥᠮᠥᠨ ᠡᠪᠡᠳᠴᠢᠨ ᠣᠯᠬᠤᠠᠴᠠ ᠡᠮᠦᠨᠡ ᠡᠷᠡᠭᠦᠯ ᠮᠡᠨᠳᠦᠪᠡᠨ ᠠᠩᠬᠠᠷᠳᠠᠭ ᠦᠭᠡᠢ ᠪᠠᠢᠵᠠᠢ᠃
《ᠡᠢᠮᠦ ᠲᠣᠮᠣᠭᠠᠲᠠᠢ ᠬᠡᠦᠬᠡᠳᠦᠳ ᠡᠵᠢ ᠦᠭᠡᠢᠪᠡᠷ ᠶᠠᠭᠠᠬᠢᠵᠤ ᠪᠣᠯᠬᠤ ᠪᠣᠢ᠃ ᠴᠢ ᠥᠪᠡᠷᠢᠪᠡᠨ ᠴᠢᠩᠭᠠᠯᠠ᠃ ᠴᠢᠨᠦ ᠰᠡᠳᠬᠢᠯᠦᠨ ᠬᠦᠴᠦ ᠬᠢᠵᠠᠭᠠᠷ ᠦᠭᠡᠢ ᠭᠡᠳᠡᠭᠢ ᠪᠢ ᠢᠲᠡᠭᠡᠵᠦ ᠪᠠᠢᠨᠠ》 ᠭᠡᠵᠦ ᠡᠪᠦᠭᠡᠨ ᠮᠠᠨᠢ ᠮᠢᠨᠤ ᠳᠡᠷᠡᠶᠢ ᠵᠠᠰᠠᠬᠤᠢᠴᠠ ᠪᠣᠯᠵᠤ ᠳᠦᠳᠦᠨᠡᠨᠡ᠃ ᠲᠡᠢᠮᠦ ᠠ᠋᠂ ᠪᠢ ᠬᠣᠶᠠᠷ ᠬᠡᠦᠬᠡᠳᠢᠶᠡᠨ ᠭᠡᠵᠦ ᠭᠠᠭᠴᠠ ᠪᠣᠳᠤᠯᠢᠶᠠᠷ ᠠᠯᠢᠪᠠ ᠬᠦᠴᠢᠷᠢ ᠢᠯᠠᠭᠠᠳ ᠯᠠ ᠢᠷᠡᠭᠰᠡᠨ᠂ ᠪᠢ ᠡᠭᠦᠷᠭᠡᠪᠡᠨ ᠭᠦᠢᠴᠡᠭᠡᠵᠦ ᠳᠠᠭᠤᠰᠤᠭᠠ ᠦᠭᠡᠢ᠂ ᠬᠦᠦᠶᠢᠨᠢᠶᠡᠨ ᠪᠠᠷᠢ ᠪᠠᠭᠤᠯᠭᠠᠬᠤᠶᠢ ᠬᠠᠷᠠᠭᠠ ᠦᠭᠡᠢ ᠪᠠᠢᠭᠰᠠᠭᠠᠷ᠂ ᠲᠠᠬᠢᠭᠠᠳ ᠣᠮᠪᠣᠯᠣ᠌ ᠁ ᠦᠭᠡ ᠬᠡᠯᠡᠪᠡᠷ ᠢᠯᠡᠳᠬᠡᠵᠦ ᠳᠡᠢᠯᠦᠰᠢ ᠦᠭᠡᠢ ᠨᠢᠭᠡᠨ ᠵᠦᠢᠯᠦᠨ ᠬᠠᠯᠠᠭᠤᠨ ᠤᠷᠤᠰᠬᠠᠯ ᠪᠦᠬᠦ ᠪᠡᠶᠡ ᠤᠷᠤᠭᠤ ᠭᠦᠶᠦᠵᠦ ᠪᠠᠢᠮᠠᠷ ᠪᠣᠯᠬᠤᠪᠠᠷ ᠮᠢᠨᠤ ᠰᠡᠳᠬᠢᠯ ᠵᠢᠷᠦᠬᠡ ᠠᠭᠠᠵᠢᠮᠢᠶᠠᠷ ᠲᠠᠢᠪᠤᠰᠢᠷᠠᠵᠤ ᠪᠠᠢᠪᠠ ᠁
(《ᠥᠪᠥᠷ ᠮᠤᠩᠭᠤᠯᠤᠨ ᠡᠮᠡᠭᠲᠡᠢᠴᠦᠳ》 ᠰᠡᠳᠬᠦᠯᠠᠴᠠ ᠰᠣᠩᠭᠣᠪᠠ)
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃