2026-09-25 15:29:00
ᠬᠠᠯᠠᠭᠤᠨ ᠰᠢᠷᠤᠢ ᠡᠴᠡ ᠤᠨᠳᠤᠷᠬᠤ ᠲᠠᠭᠤᠨ
·ᠲᠠᠶᠠᠩ
ᠰᠡᠩᠭᠡ ᠡᠪᠦᠭᠡᠨ ᠨᠠᠷᠠᠪᠴᠢᠨ ᠳ᠋ᠦ ᠪᠠᠨ ᠰᠠᠭᠤᠭᠠᠳ ᠴᠤᠩᠬᠤᠨᠤ ᠭᠠᠳᠠᠨᠠᠬᠢ ᠵᠢ ᠮᠡᠯᠡᠷᠡᠨ ᠰᠢᠷᠳᠡᠨᠡ᠃ ᠰᠡᠳᠬᠢᠯ ᠵᠢᠡᠨ ᠠᠭᠤᠵᠢᠷᠠᠳᠠᠯᠠ ᠠᠮᠢᠰᠬᠤᠬᠤ ᠴᠡᠩᠬᠡᠭ ᠠᠭᠠᠷ ᠡᠨᠳᠡ ᠠᠯᠠᠭᠠ᠂ ᠬᠠᠷᠠᠭᠠ ᠪᠡᠯᠴᠢᠭᠡᠮᠡ ᠰᠠᠷᠠᠭᠤᠯ ᠲᠠᠯᠠ ᠴᠦ ᠠᠯᠠᠭᠠ᠃ ᠲᠠᠪᠬᠤᠷᠯᠠᠨ ᠰᠦᠭᠯᠡᠢᠭᠦ ᠦᠨᠳᠦᠷ ᠦᠨᠳᠦᠷ ᠠᠰᠠᠷ ᠲᠠᠬᠳᠤ ᠵᠢ ᠬᠠᠷᠠᠭᠠᠳ ᠰᠡᠩᠬᠡ ᠡᠪᠦᠭᠡᠨ ᠤ ᠠᠮᠢᠰᠬᠤᠯ ᠨᠢ ᠴᠢᠬᠤᠯᠳᠠᠬᠤ ᠰᠢᠭ᠋ ᠪᠤᠯᠤᠨᠠ᠃

ᠰᠡᠩᠬᠡ ᠡᠪᠦᠭᠡᠨ ᠡᠨᠡ ᠵᠢᠯ ᠨᠠᠶᠠ ᠵᠢᠨ ᠲᠠᠪᠠᠭᠠ ᠲᠠᠪᠠᠵᠤ᠂ ᠲᠡᠩᠬᠡᠯᠡᠭᠦᠨ ᠰᠠᠢᠬᠠᠨ ᠪᠡᠶᠠ ᠵᠢ ᠨᠢ ᠶᠠᠭᠠᠬᠢᠬᠤ ᠵᠢᠨ ᠠᠷᠭᠠ ᠦᠭᠡᠢ ᠨᠠᠰᠤ ᠲᠠᠷᠤᠵᠠᠢ᠃ ᠠᠷᠪᠠᠨ ᠵᠢᠯ ᠤᠨ ᠡᠮᠦᠨᠡ ᠭᠠᠬᠴᠠᠭᠠᠷ ᠨᠤᠳᠤᠭᠲᠦ ᠪᠠᠨ ᠠᠵᠤ ᠲᠦᠷᠦᠵᠦ ᠪᠠᠢᠬᠤ ᠳ᠋ᠤ ᠨᠢ ᠦᠷᠡ ᠬᠡᠤᠭᠡᠳ ᠨᠢ ᠰᠠᠨᠠᠭᠠ ᠠᠮᠤᠷ ᠦᠭᠡᠢ ᠪᠤᠯᠬᠤᠷ ᠬᠤᠳᠠ ᠳ᠋ᠦ ᠲᠤᠰᠴᠤ ᠠᠪᠴᠢᠷᠠᠭᠠᠳ ᠦᠨᠡᠭᠡᠷ ᠴᠦ ᠠᠴᠢᠯᠠᠯ ᠵᠢᠷᠤᠮ ᠢ᠋ ᠬᠦᠢᠴᠡᠳᠭᠡᠵᠤ᠂ ᠲᠤᠬᠢᠯᠢᠭ ᠰᠠᠢᠬᠠᠨ ᠦᠷᠦᠭᠡᠨ ᠳ᠋ᠦ ᠵᠦᠭᠡᠯᠡᠨ ᠲᠠᠪᠠᠳᠠᠢ ᠤᠷᠤᠨ ᠲᠡᠭᠡᠷᠡ ᠤᠨᠳᠠᠭᠤᠯᠵᠤ᠂ ᠢᠳᠡᠵᠤ ᠤᠤᠭᠤᠬᠤ ᠪᠡᠯᠡᠨ᠂ ᠶᠠᠪᠤᠵᠤ ᠰᠠᠭᠤᠬᠤ ᠲᠦᠭᠦᠮ᠂ ᠪᠠᠢᠳᠠᠭ ᠰᠠᠢᠨ ᠨᠦᠬᠦᠴᠡᠯ ᠢ᠋ ᠬᠠᠩᠭᠠᠵᠠᠢ᠃ ᠡᠴᠢᠨᠡᠭᠡᠨ ᠵᠢᠯ ᠤ᠋ᠨ ᠲᠤᠷᠰᠢ ᠲᠤᠭᠤᠰᠬᠠᠨ ᠭᠠᠵᠠᠷ ᠵᠢᠡᠷ ᠠᠯᠬᠤᠬᠤ ᠪᠦᠷᠢ ᠵᠦᠯᠭᠡᠨ ᠨᠤᠭᠤᠭᠠᠨ ᠲᠠᠯᠠ ᠨᠢ ᠪᠤᠳᠤᠬᠳᠠᠨ᠂ ᠮᠠᠰᠢᠨ ᠮᠤᠲ᠋ᠤᠷ ᠤ᠋ᠨ ᠱᠤᠤᠬᠢᠶᠠᠨ ᠢ ᠰᠤᠨᠤᠰᠬᠤ ᠪᠦᠷᠢ ᠬᠤᠨᠢ ᠮᠠᠯ ᠤ᠋ᠨ ᠬᠢᠨᠢ ᠮᠠᠢᠯᠠᠯᠳᠤᠭᠠᠨ ᠰᠠᠨᠠᠬᠳᠠᠵᠤ᠂ ᠬᠤᠳᠠ ᠭᠠᠵᠠᠷ ᠤ᠋ᠨ ᠠᠮᠳᠠᠳᠠᠨ ᠢ᠋ ᠢᠳᠡᠭᠦ ᠪᠦᠷᠢ ᠡᠭᠡᠭᠦᠨ ᠰᠠᠢᠬᠠᠨ ᠰᠦ᠋ ᠲᠠᠢ ᠴᠠᠢ ᠨᠢ ᠪᠤᠳᠤᠬᠳᠠᠨ᠂ ᠶᠠᠭᠤ ᠪᠤᠯᠭᠠᠨ ᠳ᠋ᠦ ᠨᠢ ᠨᠢᠭᠡ ᠯᠡ ᠲᠠᠰᠬᠤ ᠦᠭᠡᠢ ᠪᠠᠢᠬᠰᠠᠨ ᠴᠤ ᠦᠷᠠ ᠬᠡᠤᠭᠡᠳ ᠲᠦ ᠪᠠᠨ ᠪᠤᠤ ᠯᠡ ᠲᠠᠷᠤᠭᠠᠰᠤ ᠪᠤᠯᠤᠶᠠ ᠬᠡᠰᠡᠨ ᠪᠤᠳᠤᠯ ᠳ᠋ᠦ ᠪᠠᠨ ᠠᠷᠭᠠᠮᠵᠢᠬᠳᠠᠨ ᠰᠠᠭᠤᠬᠰᠠᠭᠠᠷ᠃ ᠵᠠᠯᠠᠭᠤ ᠬᠦᠮᠦᠰ ᠠᠵᠢᠯ ᠠᠮᠢᠳᠤᠷᠠᠯ ᠬᠡᠳ ᠵᠦᠭ ᠵᠦᠭ ᠲᠦ ᠪᠠᠨ ᠮᠤᠩᠭᠠᠨᠢᠨᠠ᠂ ᠬᠡᠨ ᠨᠢ ᠴᠦ ᠬᠡᠳ ᠡᠪᠦᠭᠡᠨ ᠳ᠋ᠦ ᠬᠠᠨᠢ ᠪᠤᠯᠵᠤ ᠵᠤᠭᠤᠬᠳᠠᠬᠤ ᠵᠠᠪ ᠦᠭᠡᠢ᠃ ᠭᠠᠬᠴᠠ ᠤᠮᠪᠤᠯᠤ ᠦᠬᠢᠨ ᠨᠢ ᠦᠨᠢᠷ ᠠᠮᠠᠷᠠᠯᠳᠠ ᠵᠢᠨ ᠡᠳᠦᠷ ᠪᠤᠯᠬᠤ ᠪᠦᠷᠢ ᠡᠪᠦᠭᠡ ᠳ᠋ᠦ ᠪᠠᠨ ᠬᠠᠨᠢ ᠪᠤᠯᠵᠤ᠂ ᠡᠪᠦᠭᠡ ᠵᠢᠨ ᠵᠢᠡᠨ ᠬᠠᠭᠤᠴᠢᠯᠠᠬᠤ ᠤᠷᠢᠳᠦ ᠵᠢᠨ ᠦᠯᠢᠭᠡᠷ ᠤ᠋ᠳ ᠢ᠋ ᠰᠤᠨᠤᠰᠴᠤ᠂ ᠶᠠᠷᠢᠶᠠ ᠬᠦᠭᠡᠷᠦᠭᠡ ᠪᠤᠯᠤᠨ ᠡᠪᠦᠭᠡ ᠪᠠᠨ ᠪᠠᠶᠠᠰᠬᠠᠳᠠᠭ ᠪᠠᠢᠯᠠ᠃

ᠶᠠᠭᠤᠨ ᠡᠴᠡ ᠪᠤᠯᠤᠬᠰᠠᠨ ᠢ᠋ ᠪᠤᠤ ᠮᠡᠳᠡ᠂ ᠤᠢᠷᠠ ᠡᠴᠡ ᠰᠡᠩᠭᠡ ᠡᠪᠦᠭᠡᠨ ᠤ᠋ ᠦᠭᠡ ᠲᠠᠭᠤ ᠴᠦᠭᠡᠷᠡᠵᠤ᠂ ᠵᠦᠩᠳᠡᠭᠡᠨ ᠯᠡ ᠲᠦᠩᠰᠦᠢᠨ ᠰᠠᠭᠤᠬᠤ ᠪᠤᠯᠴᠢᠬᠠᠪᠠ᠃ ᠨᠠᠮᠤᠷ ᠤ᠋ᠨ ᠨᠠᠯᠠᠭᠠᠷᠬᠠᠨ ᠨᠢᠭᠡᠨ ᠦᠳᠡᠰᠢ᠂ ᠦᠨᠢᠷ ᠦᠬᠢᠨ ᠤᠭ᠋ ᠤ᠋ᠨ ᠠᠳᠠᠯᠢ ᠡᠪᠦᠭᠡ ᠳ᠋ᠦ ᠪᠠᠨ ᠬᠠᠨᠢ ᠪᠤᠯᠵᠤ ᠰᠠᠭᠤᠵᠤ ᠪᠠᠢᠯᠠ᠃ ᠰᠡᠩᠭᠡ ᠡᠪᠦᠭᠡᠨ ᠭᠠᠳᠠᠬᠰᠢ ᠰᠢᠷᠳᠡᠨ ᠲᠤᠩ ᠤᠳᠠᠭᠠᠨ ᠪᠤᠳᠤᠯ ᠪᠤᠯᠵᠤ ᠪᠠᠢᠬᠰᠠᠨ ᠵᠢᠡᠨ ᠄
— ᠨᠤᠳᠤᠭ ᠲᠦ ᠪᠠᠨ ᠬᠠᠷᠢᠵᠤ ᠦᠵᠡᠭᠦ ᠰᠠᠨ ᠬᠡᠴᠢᠭᠡᠪᠡ᠃
ᠲᠡᠭᠦᠨ ᠡᠴᠡ ᠬᠤᠢᠰᠢ ᠰᠡᠩᠭᠡ ᠡᠪᠦᠭᠡᠨ ᠦᠭᠡ ᠲᠤᠤᠭᠠᠷᠬᠤ ᠪᠡᠨ ᠨᠢᠭᠡᠮᠰᠦᠨ ᠪᠤᠯᠢᠪᠠ᠃ ᠦᠷᠡ ᠬᠡᠤᠭᠡᠳ ᠨᠢ ᠶᠡᠭᠡᠳᠡ ᠰᠠᠨᠳᠤᠷᠴᠤ᠂ ᠬᠤᠵᠢᠮᠳᠠᠭᠤ ᠮᠡᠳᠡᠭᠰᠡᠨ ᠳ᠋ᠦ ᠪᠠᠨ ᠬᠡᠮᠰᠢᠨ ᠡᠮᠴᠢ ᠲᠤᠮᠴᠢ ᠳ᠋ᠦ ᠦᠵᠡᠭᠦᠯᠵᠦ ᠬᠠᠷᠠᠭᠤᠯᠤᠬᠰᠠᠨ ᠴᠦ ᠠᠯᠢ ᠨᠢ ᠴᠦ ᠴᠢᠪ ᠬᠡᠮᠡᠨ ᠬᠠᠷᠢᠭᠤᠯᠵᠤ ᠴᠢᠳᠠᠯ ᠦᠭᠡᠢ ᠄
— ᠶᠡᠭᠡ ᠰᠤᠨᠢᠨ ᠶᠤᠮ ᠳ᠋ᠠ᠂ ᠬᠦᠮᠦᠨ ᠦᠳᠡᠯᠦᠭᠡᠳ ᠬᠡᠯᠡ ᠪᠠᠨ ᠠᠯᠳᠠᠨᠠ ᠬᠡᠵᠤ ᠪᠠᠢᠳᠠᠭ ᠦᠭᠡᠢ ᠶᠤᠮ ᠳ᠋ᠠ ᠬᠡᠳ ᠲᠤᠯᠤᠭᠠᠢ ᠰᠡᠭᠰᠦᠷᠦᠨᠡ᠃ ᠲᠡᠭᠡᠭᠡᠳ ᠯᠡ ᠰᠡᠩᠭᠡ ᠡᠪᠦᠭᠡᠨ ᠬᠡᠯᠡ ᠦᠭᠡᠢ ᠪᠤᠯᠪᠠ᠃ ᠬᠡᠤᠭᠡᠳ ᠠᠴᠢ ᠨᠠᠷ ᠨᠢ ᠡᠪᠦᠭᠡᠨ ᠤ᠋ ᠬᠡᠯᠡ ᠵᠢ ᠰᠡᠷᠭᠦᠭᠡᠭᠦ ᠬᠡᠵᠤ ᠵᠤᠭᠤᠭ ᠲᠡᠯᠭᠡᠨ ᠦᠭᠡ ᠶᠠᠷᠢᠬᠰᠠᠨ ᠴᠦ ᠨᠡᠮᠡᠷᠢ ᠪᠤᠯᠤᠬᠰᠠᠨ ᠦᠭᠡᠢ᠂ ᠰᠡᠩᠭᠡ ᠡᠪᠦᠭᠡᠨ ᠤ᠋ ᠨᠢᠳᠦᠨ ᠳ᠋ᠦ ᠨᠢ ᠪᠠᠰᠠ ᠨᠢᠭᠡᠨ ᠲᠠᠪᠬᠤᠷ ᠭᠤᠨᠢᠭ ᠨᠡᠮᠡᠭᠳᠡᠭᠰᠡᠨ ᠮᠡᠳᠦ ᠁

ᠦᠨᠢᠷ ᠦᠬᠢᠨ ᠡᠪᠦᠭᠡ ᠵᠢᠡ ᠵᠢᠡᠨ ᠭᠠᠷ ᠡᠴᠡ ᠬᠦᠳᠦᠯᠦᠭᠡᠳ ᠴᠡᠯᠭᠡᠮᠡ ᠨᠤᠭᠤᠭᠠᠨ ᠲᠠᠯᠠ ᠲᠡᠭᠡᠷᠡ ᠠᠯᠬᠤᠨᠠ᠃ ᠬᠢᠰᠬᠢᠨ ᠦᠩᠭᠡᠷᠡᠭᠦ ᠢᠮᠠᠬᠤ ᠭᠠᠵᠠᠷ ᠪᠤᠯᠭᠠᠨ ᠨᠢ ᠲᠡᠴᠢᠨᠡᠭᠡᠨ ᠡᠭᠡᠯᠢᠳᠡᠢ ᠰᠠᠨᠠᠬᠳᠠᠵᠤ᠂ ᠠᠮᠢᠰᠬᠤᠨ ᠤᠷᠤᠭᠤᠯᠬᠤ ᠠᠭᠠᠷ ᠨᠢ ᠬᠦᠷᠳᠡᠯᠠ ᠰᠡᠳᠬᠢᠯ ᠵᠢᠷᠤᠭᠡ ᠵᠢ ᠠᠷᠭᠤᠰᠬᠠᠨ᠂ ᠢᠯᠪᠢᠨ ᠭᠠᠷᠬᠤ ᠰᠡᠷᠢᠭᠦᠨ ᠰᠠᠯᠬᠢ ᠨᠢ ᠴᠦ ᠲᠡᠢᠮᠦ ᠯᠡ ᠠᠶᠠᠳᠠᠢ ᠵᠦᠭᠡᠯᠡᠨ᠃ ᠡᠪᠦᠭᠡ ᠨᠢ ᠲᠡᠷᠳᠡᠭᠡ ᠬᠤᠯᠡ ᠡᠴᠡ ᠪᠦᠷᠳᠦᠯᠵᠡᠭᠦ ᠠᠭᠤᠯᠠ ᠬᠠᠢᠷᠬᠠᠨ ᠨᠤᠭᠤᠳ ᠢ᠋ ᠰᠠᠷᠠᠪᠴᠢᠯᠠᠨ ᠬᠠᠷᠠᠵᠤ᠂ ᠲᠡᠷᠬᠡᠳᠡᠬᠢ ᠪᠢᠴᠢᠬᠠᠨ ᠲᠤᠪᠤ ᠨᠤᠭᠤᠳ ᠢ᠋ ᠵᠦᠭᠡᠯᠡᠨ ᠬᠠᠷᠠᠴᠠ ᠪᠠᠷ ᠵᠢᠡᠨ ᠢᠯᠪᠢᠨ ᠦᠩᠭᠡᠷᠡᠵᠤ᠂ ᠬᠤᠶᠠᠭᠤᠯᠠ ᠪᠠᠨ ᠬᠦᠳᠦᠯᠦᠯᠴᠡᠨ ᠠᠯᠬᠤᠬᠰᠠᠭᠠᠷ ᠪᠠᠢᠳᠠᠯᠠ ᠬᠡᠷ ᠤᠨ ᠬᠢᠨᠢ ᠪᠠᠷᠠ ᠬᠠᠷᠠᠬᠳᠠᠯᠠ᠃ ᠲᠡᠷᠡᠭᠡᠨ ᠭᠱᠠᠨ ᠳ᠋ᠦ ᠡᠪᠦᠭᠡ ᠨᠢ ᠦᠪᠡᠷ ᠤ᠋ᠨ ᠮᠡᠳᠡᠯ ᠦᠭᠡᠢ ᠬᠡᠨᠡᠳᠳᠡ᠄
— ᠨᠤᠳᠤᠭ ᠮᠢᠨᠢ! ᠬᠡᠮᠡᠨ ᠬᠠᠰᠬᠢᠷᠤᠭᠠᠳ ᠪᠠᠷᠤᠭ ᠯᠡ ᠬᠦᠶᠦᠭᠦ ᠰᠢᠬᠠᠭᠤ ᠪᠦᠳᠦᠴᠢᠨ ᠬᠠᠯᠳᠤᠴᠢᠨ ᠬᠡᠷ ᠵᠦᠭ ᠵᠢᠡᠨ ᠲᠡᠮᠡᠤᠯᠪᠡ᠃ ᠦᠨᠢᠷ ᠦᠬᠢᠨ ᠡᠪᠦᠭᠡ ᠵᠢᠡ ᠵᠢᠡᠨ ᠬᠡᠯᠡ ᠨᠢ ᠰᠡᠷᠭᠦᠭᠰᠡᠨ ᠳ᠋ᠦ ᠭᠠᠢᠬᠠᠨ ᠪᠠᠶᠠᠰᠴᠤ᠂ ᠨᠡᠭᠡᠨ ᠬᠦᠷᠦᠭᠡᠳ ᠭᠠᠷ ᠡᠴᠡ ᠨᠢ ᠠᠳᠬᠤᠬᠤ ᠬᠡᠳᠡᠯᠠ ᠶᠠᠮᠠᠷ ᠨᠢᠭᠡᠨ ᠲᠠᠯᠳᠠ ᠵᠢᠨ ᠬᠦᠴᠦᠨ ᠵᠦᠢᠯ ᠳ᠋ᠦ ᠬᠢᠵᠠᠭᠠᠷᠯᠠᠬᠳᠠᠨ᠂ ᠭᠠᠷ ᠨᠢ ᠦᠪᠡᠷ ᠤ᠋ᠨ ᠬᠢᠨᠢ ᠮᠡᠳᠡᠯ ᠵᠢᠡᠷ ᠬᠦᠳᠡᠯᠵᠤ ᠦᠭᠭᠦ ᠦᠭᠡᠢ ᠪᠠᠢᠯᠠ᠃ ᠲᠡᠷᠡ ᠪᠠᠷ ᠡᠪᠦᠭᠡ ᠵᠢᠡ ᠵᠢᠡᠨ ᠤᠯᠠᠮ ᠵᠢᠡᠷ ᠬᠤᠯᠠᠳᠤᠨ ᠵᠢᠵᠢᠭᠷᠡᠭᠦ ᠪᠠᠷᠠ ᠵᠢ ᠬᠠᠷᠠᠨ ᠬᠠᠷᠠᠨ᠂ ᠵᠡᠭᠦᠳᠦᠨ ᠡᠴᠡ ᠪᠠᠨ ᠰᠡᠷᠡᠪᠡ ᠁

ᠤᠯᠠᠨ ᠵᠢᠯ ᠤ᠋ᠨ ᠲᠠᠷᠠᠭᠠ᠂ ᠦᠨᠢᠷ ᠡᠪᠦᠭᠡ ᠵᠢᠡᠨ ᠵᠢᠡᠨ ᠨᠤᠳᠤᠭ ᠲᠦ ᠲᠠᠬᠢᠨ ᠢᠷᠡᠭᠦ ᠳ᠋ᠦ ᠠᠯᠢᠪᠠ ᠪᠦᠬᠦᠨ ᠨᠢ ᠰᠡᠳᠬᠢᠯ ᠳ᠋ᠦ ᠲᠤᠯᠠᠭᠠᠬᠠᠨ ᠰᠠᠨᠠᠬᠳᠠᠵᠤ ᠪᠠᠢᠯᠠ᠃ ᠡᠪᠦᠭᠡ ᠨᠢ ᠨᠤᠳᠤᠭᠤᠨ ᠰᠢᠷᠤᠢ ᠳ᠋ᠦ ᠪᠠᠨ ᠰᠢᠩᠭᠡᠵᠤ᠂ ᠡᠨᠡ ᠬᠦ ᠭᠠᠵᠠᠷ ᠰᠢᠷᠤᠢ ᠲᠠᠢ ᠪᠠᠨ ᠨᠢᠭᠡ ᠴᠤᠬᠴᠠ ᠪᠤᠯᠤᠬᠰᠠᠨ ᠪᠤᠯᠬᠤᠷ ᠨᠤᠳᠤᠭ ᠵᠢᠡᠨ ᠬᠠᠷᠠᠬᠤ ᠪᠦᠷᠢ ᠡᠪᠦᠭᠡ ᠲᠠᠢ ᠪᠠᠨ ᠤᠴᠠᠷᠠᠬᠰᠠᠨ ᠮᠡᠳᠦ ᠡᠭᠡᠯᠢᠳᠡᠢ ᠰᠠᠨᠠᠬᠳᠠᠯ ᠦᠭᠡᠢ ᠶᠠᠭᠠᠬᠢᠬᠤ ᠪᠤᠢ᠃
(《2024· ᠪᠤᠭᠤᠨᠢ ᠦᠭᠦᠯᠡᠯᠭᠡ》 ᠨᠤᠮ ᠡᠴᠡ ᠰᠤᠩᠭᠤᠪᠠ)
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃