2026-10-20 11:11:05



ᠨᠡᠢᠭᠡᠮ
✦ ᠮᠠᠨᠤ ᠤᠯᠤᠰ ᠨᠢᠭᠡᠨᠲᠡ 1775 ᠵᠦᠢᠯᠦᠨ ᠢᠳᠡᠭᠡᠨᠦ ᠠᠮᠤᠷ ᠲᠦᠪᠰᠢᠨᠦ ᠤᠯᠤᠰᠤᠨ ᠪᠠᠷᠢᠮᠵᠢᠶᠠᠶᠢ ᠨᠡᠢᠲᠡᠯᠡᠪᠡ᠃
✦ ᠲᠦᠷᠦᠭᠦᠦ ᠭᠤᠷᠪᠠᠨ ᠤᠯᠠᠷᠢᠯᠳᠤ ᠠᠷᠠᠳᠤᠨ ᠰᠢᠭᠦᠬᠦ ᠬᠣᠷᠢᠶᠠ ᠡᠯᠡ ᠲᠥᠷᠥᠯᠦᠨ ᠬᠡᠷᠡᠭᠢ 3271.25 ᠲᠦᠮᠡᠨ ᠬᠤᠪᠢ ᠭᠥᠯᠢᠶᠡᠨ ᠠᠪᠴᠤ ᠰᠢᠢᠳᠪᠦᠷᠢᠯᠡᠪᠡ᠃
✦ 10 ᠰᠠᠷᠠᠶᠢᠨ 17ᠤ ᠡᠳᠦᠷ ᠨᠡᠢᠲᠡᠯᠡᠭᠰᠡᠨ 《ᠳᠤᠮᠳᠠᠳᠤ ᠤᠯᠤᠰᠤᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠴᠠᠭᠠᠨ ᠭᠠᠳᠠᠷᠲᠤ ᠪᠢᠴᠢᠭ》ᠢ ᠦᠨᠳᠦᠰᠦᠯᠡᠪᠡᠯ᠂ 2025 ᠣᠨᠳᠤ ᠮᠠᠨᠤ ᠤᠯᠤᠰᠤᠨ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠭᠤᠯᠢ ᠡᠴᠡ ᠲᠡᠭᠦᠰᠦᠭᠰᠡᠨ ᠰᠤᠷᠤᠭ᠍ᠴᠢ 582.04 ᠲᠦᠮᠡ ᠬᠦᠷᠴᠦ᠂ ᠳᠤᠮᠳᠠ ᠵᠡᠷᠭᠡᠶᠢᠨ ᠠᠵᠢᠯ ᠮᠡᠷᠭᠡᠵᠢᠯᠦᠨ ᠰᠤᠷᠭᠠᠭᠤᠯᠢ ᠡᠴᠡ ᠲᠡᠭᠦᠰᠦᠭᠰᠡᠨ ᠰᠤᠷᠤᠭ᠍ᠴᠢ 521.82 ᠲᠦᠮᠡᠳᠦ ᠬᠦᠷᠦᠭᠰᠡᠨ ᠪᠠᠢᠨᠠ᠃
✦ ᠡᠨᠡ ᠵᠢᠯᠦᠨ ᠲᠦᠷᠦᠭᠦᠦ ᠭᠤᠷᠪᠠᠨ ᠤᠯᠠᠷᠢᠯᠳᠤ᠂ ᠪᠥᠬᠥ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠨ ᠠᠶᠠᠨᠴᠢᠳᠢ ᠨᠡᠶ᠋ᠢᠲᠡ 37.1 ᠳ᠋ᠦᠩᠰᠢᠭᠤᠷ ᠬᠥᠮᠥᠨ ᠤᠳᠠᠭᠠ ᠬᠦᠷᠭᠡᠵᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 4.8%ᠪᠠᠷ ᠨᠡᠮᠡᠭᠳᠡᠵᠦ᠂ ᠲᠡᠦᠬᠡᠶᠢᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠰᠢᠨᠡ ᠲᠡᠮᠳᠡᠭᠯᠡᠯ ᠢ ᠡᠭᠦᠳᠴᠡᠢ᠃
✦ ᠤᠢᠷᠠᠳᠤ ᠤᠯᠤᠰᠤᠨ ᠺᠢᠨᠣ᠋ ᠵᠢᠨ ᠳᠤᠪᠴᠢᠶᠠ᠂ ᠪᠡᠶᠡ ᠵᠢᠨ ᠳᠠᠮᠢᠷᠤᠨ ᠶᠡᠷᠤᠩᠬᠡᠢ ᠳᠤᠪᠴᠢᠶᠠ ᠬᠠᠮᠳᠤᠷᠠᠨ 《〈ᠺᠢᠨᠣ᠋ ᠦᠵᠡᠬᠦᠶᠢᠨ ᠬᠠᠮᠲᠤ ᠪᠡᠶᠡᠪᠠᠨ ᠴᠢᠭᠢᠷᠠᠭᠵᠢᠭᠤᠯᠬᠤ〉 ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ ᠺᠢᠨᠣ᠋ ᠪᠣᠯᠣᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠦᠢᠯᠡᠰᠦᠨ ᠬᠣᠣᠰ ᠴᠢᠭᠯᠡᠯᠢᠶᠡᠷ ᠬᠥᠭᠵᠢᠭᠦᠯᠬᠦᠶᠢ ᠠᠬᠢᠭᠤᠯᠬᠤ ᠲᠤᠬᠠᠢ ᠮᠡᠳᠡᠭᠳᠡᠯ》ᠢ ᠳᠠᠷᠤᠮᠠᠯᠯᠠᠨ ᠲᠠᠷᠬᠠᠭᠠᠪᠠ᠃
✦ ᠤᠢᠷᠠᠳᠤ ᠬᠤᠸᠠ ᠸᠸᠢ ᠵᠢᠨ ᠬᠤᠷᠢᠨᠭᠡᠷᠲᠡᠬᠢᠳ᠋ᠠᠢᠲ᠋ᠠ ᠵᠢᠨ ᠲᠦᠪᠤᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠡᠮᠦᠨᠡ ᠲᠤᠭᠤᠷᠢᠭᠤᠨ 3ᠳᠤᠭᠠᠷ ᠨᠤᠮᠸᠷᠲᠤ ᠪᠠᠷᠢᠯᠭᠠ ᠠᠵᠢᠯ ᠳᠠᠭᠤᠰᠪᠠ᠃ ᠡᠨᠡ ᠪᠤᠯ ᠬᠤᠸᠠ ᠸᠸᠢ ᠵᠢᠨ ᠤᠮᠠᠷᠠᠳᠤ ᠤᠷᠤᠨᠳᠤ ᠪᠠᠢᠷᠢᠰᠢᠭᠤᠯᠤᠬᠰᠠᠨ ᠠᠩᠬᠠᠳᠠᠬᠴᠢ 3Dᠳ᠋ᠠᠢᠲ᠋ᠠ ᠵᠢᠨ ᠲᠦᠪ ᠪᠤᠯᠤᠨᠠ᠃
✦ ᠤᠢᠷᠠᠳᠤ ᠰᠥᠨᠢᠳ ᠬᠣᠨᠢᠨᠦ ᠲᠦᠷᠭᠡᠨ ᠦᠷᠡᠵᠢᠯᠲᠡᠶᠢᠨ ᠰᠢᠨᠡ ᠡᠭᠦᠯᠳᠡᠷᠦᠨ ᠰᠢᠰᠲᠧᠮᠦᠨ ᠪᠣᠢᠵᠢᠭᠤᠯᠤᠯᠲᠠᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦᠨ ᠦᠷᠡ ᠪᠦᠲᠦᠭᠡᠯᠢ ᠬᠢᠨᠠᠨ ᠲᠣᠭᠲᠠᠭᠠᠵᠤ ᠦᠨᠡᠯᠡᠬᠦ ᠬᠤᠷᠠᠯ ᠠᠮᠵᠢᠯᠲᠠᠲᠠᠢ ᠥᠨᠳᠥᠷᠯᠡᠪᠡ᠃ ᠤᠯᠤᠰᠤᠨ ᠳᠣᠲᠣᠭᠠᠳᠤᠶᠢᠨ ᠡᠷᠬᠡ ᠰᠦᠷᠲᠦ 9 ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠢᠶᠡᠷ ᠪᠦᠷᠢᠯᠳᠦᠭᠰᠡᠨ ᠬᠢᠨᠠᠨ ᠲᠣᠭᠲᠠᠭᠠᠬᠤ ᠳᠤᠭᠤᠢᠯᠠᠩ ᠲᠤᠬᠠᠢᠶᠢᠨ ᠭᠠᠵᠠᠷ ᠲᠤᠨᠢ ᠬᠢᠨᠠᠨ ᠲᠣᠭᠲᠠᠭᠠᠯᠲᠠᠶᠢ ᠪᠠᠲᠤᠯᠠᠭᠰᠠᠨ ᠪᠠᠢᠨᠠ᠃
✦ ᠤᠢᠷᠠᠳᠤ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠶᠠᠮᠤᠨᠤ ᠠᠯᠪᠠᠨ ᠲᠢᠩᠬᠢᠮ ᠡᠴᠡ 2025 ᠣᠨᠤ 《ᠮᠠᠨᠤ ᠭᠡᠷᠦᠨ ᠡᠭᠦᠳᠡᠨᠳᠠᠬᠢ ᠲᠡᠷᠡ ᠵᠠᠮ》 ᠭᠣᠣᠯ ᠰᠡᠳᠦᠪᠲᠦ ᠤᠬᠠᠭᠤᠯᠭᠠᠶᠢᠨ ᠠᠵᠢᠯᠯᠠᠭᠠᠶᠢᠨ ᠦᠷᠡ ᠪᠦᠲᠦᠮᠵᠢᠪᠠᠷ ᠲᠣᠪᠣᠢᠮᠠ ᠵᠠᠮ ᠱᠤᠭᠤᠮ ᠪᠠ ᠪᠠᠢᠭᠤᠯᠭᠠ ᠨᠢᠭᠡᠴᠢᠶᠢ ᠬᠥᠬᠢᠭᠦᠯᠦᠨ ᠰᠠᠢᠰᠢᠶᠠᠪᠠ᠃ ᠡᠭᠦᠨᠳᠦ ᠰᠢᠯᠢ ᠵᠢᠨ ᠭᠣᠣᠯ ᠠᠢᠮᠠᠭᠤᠨ ᠪᠠᠷᠠᠭᠤᠨ ᠦᠵᠦᠮᠦᠴᠢᠨ ᠬᠣᠰᠢᠭᠤᠨᠤ ᠲᠠᠯᠠ ᠨᠤᠲᠤᠭᠤᠨ 《99 ᠨᠣᠮᠧᠷᠲᠤ ᠵᠠᠰᠠᠮᠠᠯ ᠵᠠᠮ》 ᠨᠢ ᠦᠷᠡ ᠪᠦᠲᠦᠮᠵᠢ ᠪᠡᠷ ᠲᠣᠪᠣᠢᠮᠠ ᠵᠠᠮ ᠱᠤᠭᠤᠮᠢᠶᠠᠷ ᠦᠨᠡᠯᠡᠭᠳᠡᠵᠦ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠦ ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢᠶᠢᠨ ᠲᠢᠩᠬᠢᠮ ᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠦᠷᠡ ᠪᠦᠲᠦᠮᠵᠢᠪᠡᠷ ᠲᠣᠪᠣᠢᠮᠠ ᠪᠠᠢᠭᠤᠯᠭᠠ ᠨᠢᠭᠡᠴᠢ ᠪᠡᠷ ᠦᠨᠡᠯᠡᠭᠳᠡᠭᠰᠡᠨ ᠪᠠᠢᠨᠠ᠃
✦ ᠤᠢᠷᠠᠳᠤ ᠣᠷᠳᠣᠰ ᠬᠣᠲᠠᠶᠢᠨ ᠱᠤᠸᠠᠩ ᠰᠢᠨ ᠬᠢᠮᠢᠶᠢᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠰᠡᠭᠦᠯᠦᠨ ᠬᠡᠢᠶᠢ ᠶᠡᠷᠦᠩᠬᠡᠢᠯᠡᠨ ᠠᠰᠢᠭ᠍ᠯᠠᠬᠤ ᠵᠢᠯᠳᠦ 20 ᠲᠦᠮᠡᠨ ᠲᠣᠨ ᠨᠡᠭᠦᠷᠡᠰᠦ ᠬᠦᠴᠢᠯᠦᠨ ᠬᠣᠶᠠᠷ ᠮᠧᠲ᠋ᠢᠯᠲᠦ ᠡᠰᠲᠧᠷ ᠢ ᠢᠵᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠵᠢᠯᠳᠦ 6 ᠲᠦᠮᠡᠨ ᠲᠣᠨ ᠨᠡᠭᠦᠷᠡᠰᠦ ᠬᠦᠴᠢᠯᠦᠨ ᠮᠧᠲ᠋ᠢᠯ ᠡᠰᠲᠧᠷ ᠂ ᠨᠡᠭᠦᠷᠡᠰᠦ ᠬᠦᠴᠢᠯᠦᠨ ᠬᠣᠶᠠᠷ ᠡᠲ᠋ᠢᠯᠳᠦ ᠡᠰᠲᠧᠷ ᠦᠢᠯᠡᠳᠪᠦᠷᠢᠯᠡᠬᠦ ᠲᠥᠷᠥᠯ ᠵᠦᠢᠯ ᠠᠰᠢᠭ᠍ᠯᠠᠯᠲᠠᠳᠤ ᠣᠷᠣᠵᠠᠢ᠃ ᠲᠤᠰ ᠲᠥᠷᠥᠯ ᠵᠦᠢᠯ ᠨᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠨᠧᠷᠭᠢ ᠬᠠᠳᠠᠭᠠᠯᠠᠬᠤ ᠵᠢᠴᠢ ᠰᠢᠨᠡ ᠡᠨᠧᠷᠭᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢᠨ ᠴᠠᠬᠢᠯᠭᠠᠨ ᠵᠠᠳᠠᠯᠤᠯᠤᠨ ᠰᠢᠩᠭᠡᠨᠦ ᠠᠭᠤᠰᠬᠠᠭ᠍ᠴᠢᠶᠢᠨ ᠬᠦᠷᠢᠶᠡᠨᠦ ᠬᠣᠭᠣᠰᠤᠨᠢ ᠨᠥᠬᠥᠪᠦᠷᠢᠯᠡᠪᠡ᠃
ᠠᠵᠤ ᠠᠬᠤᠢ
✦ ᠡᠨᠡ ᠵᠢᠯᠤᠨ ᠲᠦᠷᠦᠭᠦᠦ ᠭᠤᠷᠪᠠᠨ ᠤᠯᠠᠷᠢᠯᠳᠤ᠂ ᠭᠠᠭᠴᠠᠮᠣᠳᠤ ᠬᠢᠯᠢᠶᠢᠨ ᠪᠣᠭᠣᠮᠲᠠᠶᠢᠨ ᠪᠠᠷᠠᠭᠠ ᠵᠥᠭᠡᠭᠡᠪᠦᠷᠢᠯᠡᠭᠰᠡᠨ ᠬᠡᠮᠵᠢᠶᠡ 3815.6 ᠲᠦᠮᠡᠨ ᠲᠣᠨᠳᠤ ᠬᠦᠷᠴᠦ᠂ ᠠᠷᠠᠯᠵᠢᠶᠠᠨᠦ ᠥᠷᠲᠡᠭ 645 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠴᠥᠮ ᠲᠡᠦᠬᠡᠶᠢᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠰᠢᠨᠡ ᠲᠡᠮᠳᠡᠭᠯᠡᠯᠢ ᠡᠭᠦᠳᠴᠡᠢ᠃
ᠰᠣᠶᠣᠯ
✦ 10 ᠰᠠᠷᠠᠶᠢᠨ 17ᠦ ᠡᠳᠦᠷ᠂ ᠰᠢᠷᠠ ᠮᠥᠷᠡᠨ ᠦ ᠰᠠᠪᠠ ᠭᠠᠵᠠᠷᠦᠨ ᠠᠮᠠᠨ ᠤᠯᠠᠮᠵᠢᠯᠠᠯᠤᠨ ᠰᠣᠶᠣᠯᠤᠨ ᠠᠭᠤᠰᠤᠯᠴᠠᠭᠠᠨᠤ ᠰᠤᠳᠤᠯᠭᠠᠨ ᠬᠢᠭᠡᠳ 2026 ᠣᠨ ᠤ ᠣᠪᠣᠭ ᠂ ᠭᠡᠷᠦᠨ ᠴᠠᠳᠢᠭ᠋ᠤᠨ ᠰᠤᠳᠤᠯᠭᠠᠨᠤ ᠬᠤᠷᠠᠯ ᠤᠯᠠᠭᠠᠨᠬᠠᠳᠠ ᠬᠤᠲᠠᠳᠤ ᠶᠠᠪᠤᠭᠳᠠᠪᠠ᠃
✦ ᠤᠢᠷᠠᠳᠤ ᠲᠦᠩᠯᠢᠶᠣᠣ ᠬᠤᠲᠠᠶᠢᠨ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠤᠳᠠᠨᠲᠠᠯᠠᠶᠢᠨ《ᠪᠠᠲᠤᠴᠠᠭᠠᠨ》 ᠢ ᠰᠣᠨᠢᠷᠬᠠᠬᠤ ᠰᠢᠷᠢᠰ ᠠᠵᠢᠯᠯᠠᠭᠠ ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠤᠳᠠᠨᠲᠠᠯᠠᠶᠢᠨ ᠪᠠᠲᠤᠴᠠᠭᠠᠨᠤ ᠣᠢ ᠰᠢᠭᠤᠢᠶᠢᠨ ᠴᠡᠴᠡᠷᠯᠢᠭᠲᠦ ᠶᠠᠪᠤᠭᠳᠠᠵᠤ᠂ ᠲᠥᠷᠪᠡᠨ ᠵᠦᠭ ᠨᠠᠢ᠍ᠮᠠᠠ ᠵᠣᠪᠬᠢᠰᠤᠨ ᠵᠢᠭᠤᠯᠴᠢᠯᠠᠭᠰᠠᠳᠲᠤ ᠪᠠᠲᠤᠴᠠᠭᠠᠨᠤ ᠭᠤᠶᠤ ᠦᠵᠡᠮᠵᠢ ᠵᠢ ᠰᠣᠨᠢᠷᠬᠠᠭᠤᠯᠪᠠ᠃
✦ ᠤᠢᠷᠠᠳᠤ ᠤᠷᠠᠳᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠴᠤᠠᠠᠠᠦ᠋ᠨᠳᠤᠷ ᠪᠠᠯᠭᠠᠰᠤᠨᠤ ᠰᠢᠨᠠᠠᠣᠰᠤ ᠭᠠᠴᠠᠭᠠᠨᠤ ᠮᠠᠯᠴᠢᠨ᠂ ᠨᠤᠮᠤᠶᠢᠨ ᠳᠠᠷᠬᠠᠨ ᠬᠠᠪᠤᠷᠠ᠂ ᠭᠡᠷᠭᠡᠢ ᠨᠠᠷᠠᠨᠮᠠᠨᠳᠤᠯᠠ ᠬᠣᠶᠠᠷᠠᠴᠠ 《ᠤᠷᠠᠨ ᠤᠷᠠᠳ》 ᠤᠯᠠᠮᠵᠢᠯᠠᠯᠲᠤ ᠨᠤᠮᠤ ᠰᠤᠮᠤᠶᠢᠨ ᠦᠢᠯᠡᠳᠪᠦᠷᠢ ᠪᠠᠢᠭᠤᠯᠤᠭᠳᠠᠭᠰᠠᠨ 10 ᠵᠢᠯᠦᠨ ᠣᠢᠶᠢᠨ ᠡᠪᠡᠷ ᠨᠤᠮᠤᠶᠢᠨ ᠮᠢᠯᠢᠶᠠᠯᠭᠠᠶᠢᠨ ᠪᠠᠶᠠᠷ ᠨᠠᠭᠠᠳᠤᠮ ᠵᠢᠴᠢ ᠡᠩᠬᠦᠷᠡᠢ ᠥᠬᠢᠨ ᠪᠠᠶᠠᠷᠰᠠᠢᠬᠠᠨᠤ ᠥᠷᠪᠥᠭᠡ ᠬᠥᠨᠳᠡᠬᠦ ᠨᠠᠢᠷᠤᠨ ᠨᠤᠮᠤ ᠰᠤᠮᠤᠶᠢᠨ ᠣᠷᠤᠯᠳᠤᠭᠠᠨᠢᠶᠠᠨ ᠴᠤᠠᠠᠠᠦ᠋ᠨᠳᠤᠷ ᠪᠠᠯᠭᠠᠰᠤᠨᠳᠤ ᠶᠠᠪᠤᠭᠳᠠᠭᠤᠯᠵᠤ᠂ ᠬᠣᠯᠠ ᠣᠢᠷᠠᠡᠴᠡ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠰᠠᠳᠤᠨ ᠳᠥᠷᠥᠯ᠂ ᠠᠨᠳᠠ ᠨᠠᠢᠵᠠ ᠵᠢᠴᠢ 100 ᠭᠠᠷᠤᠢ ᠨᠤᠮᠤᠶᠢᠨ ᠪᠠᠬᠠᠲᠠᠨᠢᠶᠠᠨ ᠪᠠᠶᠠᠷᠯᠠᠭᠤᠯᠤᠯᠠ᠃
ᠲᠠᠮᠢᠷ
✦ 18 ᠤ ᠣᠷᠣᠢ᠂ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠽᠢᠶᠠ ᠲᠢᠪᠦᠨ ᠵᠡᠮᠳᠡᠭᠴᠦᠳᠦᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨ ᠶᠠᠫᠤᠨᠤ ᠨᠠᠭᠤᠶᠠᠳᠤ ᠡᠬᠢᠯᠡᠪᠡ᠃ ᠲᠣᠰ ᠬᠤᠭᠤᠴᠠᠭᠠᠨᠤ ᠠᠽᠢᠶᠠ ᠲᠢᠪᠦᠨ ᠵᠡᠮᠳᠡᠭᠴᠦᠳᠦᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠳᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ ᠨᠡᠶ᠋ᠢᠲᠡ 312 ᠲᠠᠮᠢᠷᠴᠢᠨ ᠲᠣᠮᠢᠯᠠᠵᠤ᠂ 17 ᠶᠡᠬᠡ ᠲᠥᠷᠥᠯ᠂ 335 ᠪᠠᠭᠠ ᠲᠥᠷᠥᠯᠦᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠪᠣᠯᠣᠨᠠ᠃
✦ 2026 ᠪᠡᠭᠡᠵᠢᠩᠦᠨ ᠮᠠᠷᠠᠽᠤᠨ ᠤᠷᠤᠯᠳᠤᠭᠠᠨ ᠳᠡᠭᠡᠷᠡ᠂ ᠡᠸᠽᠢᠤᠫᠢᠶᠠ ᠵᠢᠨ ᠲᠠᠮᠢᠷᠴᠢᠨ ᠡᠷᠡᠭᠲᠡᠢᠶᠢᠨ ᠳᠤᠭᠤᠢᠯᠠᠩᠤᠨ ᠲᠦᠷᠦᠭᠦᠦ ᠭᠤᠷᠪᠠᠨ ᠨᠡᠷᠡᠰᠲᠦ ᠣᠷᠣᠭᠰᠠᠨ ᠪᠥᠭᠡᠳ ᠪᠦᠷ ᠤᠷᠤᠯᠳᠤᠭᠠᠨᠤ ᠲᠡᠮᠳᠡᠭᠯᠡᠯᠢ ᠡᠭᠦᠳᠴᠡᠢ᠃
ᠳᠡᠯᠡᠬᠡᠢ
✦ ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠣᠷᠣᠰᠤᠨ ᠣᠯᠠᠨ ᠭᠠᠵᠠᠷᠵᠢᠯᠣᠭᠣᠴᠢ ᠦᠭᠡᠢ ᠨᠢᠰᠬᠡᠯᠦᠨ ᠳᠠᠭᠠᠷᠢᠯᠲᠠᠳᠤ ᠤᠴᠠᠷᠠᠵᠤ᠂ ᠣᠷᠣᠰᠤᠨ ᠠᠭᠠᠷᠤᠨ ᠰᠡᠷᠭᠡᠢᠯᠡᠯᠲᠡᠶᠢᠨ ᠴᠡᠷᠢᠭ ᠠᠩᠭᠢ ᠦᠺᠷᠠᠢᠨᠤ ᠵᠢᠯᠣᠭᠣᠴᠢ ᠦᠭᠡᠢ ᠨᠢᠰᠬᠡᠯᠢ 1015 ᠬᠠᠷᠪᠤᠵᠤ ᠤᠨᠠᠭᠠᠵᠠᠢ᠃
✦ ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ 17 ᠤ ᠡᠳᠦᠷ ᠹᠷᠠᠨᠼᠢᠶᠢᠨ ᠣᠯᠠᠨ ᠭᠠᠵᠠᠷᠲᠤ ᠰᠦᠷᠲᠦ ᠵᠢᠭ᠍ᠰᠠᠭᠠᠯ ᠶᠠᠪᠤᠭᠤᠯᠬᠤ ᠪᠠ ᠡᠰᠡᠷᠭᠦᠴᠡᠯ ᠲᠠᠯᠪᠢᠬᠤ ᠠᠵᠢᠯᠯᠠᠭᠠ ᠶᠠᠪᠤᠬᠳᠠᠵᠦ᠂ ᠬᠦᠮᠦᠰ ᠰᠢᠲᠠᠭᠠᠯᠭᠠᠶᠢᠨ ᠲᠣᠰᠣᠨᠤ ᠦᠨᠡ᠂ ᠠᠮᠢᠳᠤᠷᠠᠯᠤᠨ ᠥᠪᠡᠷᠦᠨ ᠥᠷᠲᠡᠭ᠂ ᠰᠤᠷᠭᠠᠨ ᠬᠥᠮᠦᠵᠢᠯ ᠪᠠ ᠣᠯᠠᠨ ᠨᠡᠶ᠋ᠢᠲᠡᠶᠢᠨ ᠦᠢᠯᠡᠴᠢᠯᠡᠭᠡ ᠵᠡᠷᠭᠡ ᠳᠠᠯᠠ ᠪᠡᠷ ᠰᠠᠨᠠᠯ ᠲᠠᠢ ᠪᠠᠢᠭᠠ ᠪᠡᠨ ᠢᠯᠡᠷᠬᠡᠢᠯᠡᠵᠡᠢ᠂ ᠬᠡᠰᠡᠭ ᠭᠠᠵᠠᠷ ᠣᠷᠣᠨᠳᠤ ᠰᠢᠳᠠᠭᠠᠵᠦ ᠪᠠᠯᠪᠠᠴᠢᠬᠰᠠᠨ ᠬᠡᠷᠡᠭ ᠭᠠᠷᠴᠤ᠂ ᠬᠡᠳᠦᠨ ᠵᠠᠭᠤᠨ ᠬᠥᠮᠥᠨ ᠪᠠᠷᠢᠪᠴᠢᠯᠠᠭᠳᠠᠵᠠᠢ᠃
ᠦᠢᠯᠡᠴᠢᠯᠡᠭᠡ
✦ ᠦᠪᠤᠷ ᠮᠤᠩᠭᠤᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠠᠷᠢᠶᠠᠳᠤ ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠ ᠴᠢᠳᠠᠪᠤᠷᠢᠳᠠᠨ ᠤᠷᠢᠨ ᠡᠯᠰᠡᠵᠤ ᠪᠤᠢ᠃

ᠵᠠᠯᠭᠠᠭᠠᠳ 《ᠬᠠᠢᠷᠠ ᠵᠢᠨ ᠵᠦᠩ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨ ᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨ ᠳ᠋ᠦ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ︕
(ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠ ᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ)
-
ᠨᠠᠢᠷᠠᠭᠤᠯᠤᠭ᠍ᠴᠢ᠄
ᠤᠷᠠᠨᠲᠠᠨᠠ
-
ᠨᠡᠪᠲᠡᠷᠡᠭᠦᠯᠦᠭᠴᠢ᠄
ᠤᠷᠠᠨᠲᠠᠨᠠ
-
ᠮᠡᠷᠭᠡᠵᠢᠯ᠄
ᠬᠠᠢ ᠯᠢ ᠶᠠᠨ
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃