2026-10-27 16:18:09



ᠨᠡᠢᠭᠡᠮ
✦ᠨᠠᠮᠤᠨ ᠲᠥᠪ ᠬᠤᠷᠢᠶᠠ ᠵᠢᠨ ᠪᠠᠢᠷᠢᠯᠠᠭᠤᠯᠤᠯᠲᠠᠶᠢ ᠦᠨᠳᠦᠰᠦᠯᠡᠨ᠂ ᠬᠣᠷᠢᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠥᠪ ᠬᠤᠷᠢᠶᠠ ᠵᠢᠨ ᠳᠣᠯᠣᠳᠤᠭᠠᠷ ᠡᠭᠡᠯᠵᠢᠶᠢᠨ ᠲᠣᠭᠣᠷᠢᠨ ᠪᠠᠢᠴᠠᠭᠠᠯᠲᠠᠶᠢᠨ ᠬᠠᠷᠢᠭᠤ ᠲᠤᠰᠬᠠᠬᠤ ᠠᠵᠢᠯ ᠣᠢᠷᠠᠳᠤ ᠳᠠᠭᠤᠰᠪᠠ᠃
✦ᠤᠯᠤᠰᠤᠨ ᠲᠣᠭᠠ ᠪᠦᠷᠢᠳᠬᠡᠯᠤᠨ ᠲᠣᠪᠴᠢᠶᠠᠶᠢᠨ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ ᠬᠡᠪᠯᠡᠭᠦᠯᠦᠭᠰᠡᠨ《ᠲᠤᠮᠳᠠᠳᠤ ᠤᠯᠤᠰᠦᠨ ᠲᠣᠭᠠ ᠪᠦᠷᠢᠳᠬᠡᠯᠦᠨ 2026 ᠣᠨᠤ ᠲᠣᠯᠢ》ᠳᠤ ᠢᠯᠡᠷᠡᠭᠦᠯᠦᠭᠰᠡᠨᠢᠶᠡᠷ᠂ 2025 ᠣᠨᠤ ᠪᠦᠬᠦ ᠵᠢᠯᠳᠤ ᠪᠦᠬᠥ ᠤᠯᠤᠰᠤᠨ ᠣᠷᠣᠭ ᠳᠠᠩᠰᠠᠯᠠᠭᠤᠯᠤᠭᠰᠠᠨ ᠬᠥᠮᠥᠨᠦ ᠲᠣᠭᠠ 676 ᠲᠦᠮᠡ 5100 ᠬᠣᠣᠰᠲᠤ ᠬᠦᠷᠴᠡᠢ᠃
✦10 ᠰᠠᠷᠠᠶᠢᠨ 24ᠦ ᠡᠳᠦᠷ᠂ ᠲᠠᠪᠤᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠪᠥᠬᠥ ᠤᠯᠤᠰᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠳᠤᠪᠴᠢᠶᠠ ᠵᠢᠨ ᠲᠦᠷᠦᠭᠦᠴᠦᠳᠦᠨ ᠶᠠᠷᠢᠶᠠᠨᠤ ᠲᠠᠪᠴᠠᠩᠳᠤ᠂ ᠵᠣᠬᠢᠶᠠᠨ ᠪᠠᠢᠭᠤᠯᠬᠤ ᠺᠣᠮᠢᠰᠠᠴᠠ ᠣᠷᠣᠨ ᠨᠤᠲᠤᠭᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ 100 ᠬᠡᠷᠡᠭᠦᠨ ᠵᠢᠱ᠌ᠢᠶᠡᠶᠢ ᠨᠡᠢᠲᠡᠯᠡᠪᠡ᠃ ᠡᠭᠦᠨᠳᠤ ᠣᠳᠤᠭ ᠬᠣᠰᠢᠭᠤᠨᠤ ᠰᠤᠷᠭᠠᠨ ᠬᠥᠮᠦᠵᠢᠯ ᠪᠡᠶᠡᠶᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠶᠢᠨ ᠮᠡᠳᠡᠭᠦᠯᠦᠨ ᠬᠦᠷᠭᠡᠭᠰᠡᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠥᠭᠡᠷᠡᠴᠢᠯᠡᠯᠲᠡᠶᠢᠨ ᠲᠤᠷᠰᠢᠯᠲᠠᠶᠢᠨ ᠴᠡᠭᠦᠨ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ ᠬᠡᠷᠡᠭᠦᠨ ᠵᠢᠱ᠌ᠢᠶᠡ ᠠᠮᠵᠢᠯᠲᠠᠲᠠᠢᠪᠡᠷ ᠰᠣᠩᠭᠣᠭᠳᠠᠪᠠ᠃
✦ᠤᠢᠷᠠᠳᠤ ᠲᠦᠩᠯᠢᠶᠣᠣ ᠬᠤᠲᠠᠶᠢᠨ ᠵᠠᠰᠠᠮᠠᠯ ᠵᠠᠮᠢ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠲᠥᠪᠡᠴᠡ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠶᠡᠷᠦᠩᠬᠡᠢ ᠪᠡᠯᠡ ᠣᠷᠣᠭᠤᠯᠤᠯᠲᠠ ᠨᠢ 8.3 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭ᠂ ᠶᠡᠷᠦᠩᠬᠡᠢ ᠤᠷᠳᠤ ᠨᠢ ᠪᠠᠷᠤᠭ 570 ᠺᠢᠯᠣᠮᠧᠲᠷᠦᠨ ᠤᠯᠤᠰᠤᠨ ᠪᠠ ᠮᠤᠵᠢᠶᠢᠨ ᠭᠣᠣᠯ ᠱᠤᠭᠤᠮᠢ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠢᠨᠵᠧᠨᠧᠷᠢᠩ ᠨᠢ ᠪᠦᠬᠦᠨᠢᠶᠡᠷᠢᠶᠡᠨ ᠠᠵᠢᠯ ᠳᠠᠭᠤᠰᠴᠤ ᠲᠡᠷᠭᠡ ᠨᠡᠪᠲᠡᠷᠡᠪᠡ᠃ ᠲᠤᠰ ᠢᠨᠵᠧᠨᠧᠷᠢᠩᠦᠨ ᠵᠠᠮᠤᠨ ᠲᠣᠣᠷᠵᠢᠯ ᠨᠢ ᠲᠦᠩᠯᠢᠶᠣᠣ ᠬᠤᠲᠠᠶᠢᠨ 6 ᠬᠣᠰᠢᠭᠤ ᠰᠢᠶᠠᠨᠢ ᠬᠠᠮᠤᠷᠴᠤ᠂ ᠤᠢᠷᠠᠶᠢᠨ ᠵᠢᠯᠠᠴᠠ ᠨᠠᠭᠠᠰᠢᠬᠢ ᠲᠦᠩᠯᠢᠶᠤᠤ ᠬᠣᠲᠠᠶᠢᠨ ᠤᠯᠤᠰᠤᠨ ᠪᠠ ᠮᠤᠵᠢᠶᠢᠨ ᠭᠣᠣᠯ ᠱᠤᠭᠤᠮᠢ ᠠᠷᠠᠴᠢᠯᠠᠨ ᠬᠠᠮᠠᠭᠠᠯᠠᠬᠤ ᠬᠡᠪᠴᠢᠶᠡᠪᠡᠷ ᠬᠠᠮᠤᠭᠤᠨ ᠶᠡᠬᠡ᠂ ᠪᠠᠷᠢᠮᠵᠢᠶᠠᠪᠡᠷ ᠬᠠᠮᠤᠭᠤᠨ ᠥᠨᠳᠥᠷ᠂ ᠭᠢᠯᠠᠰ ᠴᠡᠭᠢᠶᠡᠷ ᠬᠠᠮᠤᠭᠤᠨ ᠲᠥᠪᠯᠡᠷᠡᠩᠭᠦᠢ ᠰᠢᠰᠲᠧᠮᠲᠦ ᠴᠢᠨᠠᠷᠲᠠᠢ ᠢᠨᠵᠧᠨᠧᠷᠢᠩ ᠪᠣᠯᠣᠨᠠ᠃
✦ᠤᠷᠴᠢᠮᠬᠠᠨ ᠣᠲᠤᠭᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠦ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠥᠪᠯᠡᠯ 2026 ᠣᠨᠤ ᠪᠦᠬᠦ ᠬᠣᠰᠢᠭᠤᠨᠤ《ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠲᠤ ᠴᠣᠭᠴᠠᠯᠠᠬᠤ》ᠣᠷᠴᠢᠭᠤᠯᠤᠭ᠍ᠴᠢᠶᠢᠨ ᠲᠤᠰᠬᠠᠢ ᠰᠡᠳᠦᠪᠲᠦ ᠪᠣᠯᠪᠠᠰᠤᠷᠠᠯ ᠡᠷᠬᠢᠯᠡᠵᠤ᠂ ᠪᠦᠬᠥ ᠬᠣᠰᠢᠭᠤᠨᠤ ᠣᠷᠴᠢᠭᠤᠯᠭᠠᠶᠢᠨ ᠠᠵᠢᠯᠲᠠᠢ ᠬᠠᠮᠢᠶᠠᠲᠠᠢ 50 ᠭᠠᠷᠤᠢ ᠬᠥᠮᠥᠨ ᠪᠣᠯᠪᠠᠰᠤᠷᠠᠯᠳᠤ ᠣᠷᠣᠯᠴᠠᠪᠠ᠃
✦ᠤᠢᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠤᠲᠤᠭ ᠬᠣᠰᠢᠭᠤᠨᠤ ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠲᠥᠪ ᠨᠢ《ᠨᠡᠢᠭᠡᠮᠦᠨ ᠪᠠᠲᠤᠯᠠᠭᠠᠶᠢᠨ ᠦᠢᠯᠡᠴᠢᠯᠡᠭᠡᠶᠢ ᠲᠦᠮᠡᠨ ᠡᠷᠦᠬᠡᠳᠦ ᠣᠷᠣᠭᠤᠯᠬᠤ》ᠭᠣᠣᠯ ᠰᠡᠳᠦᠪᠲᠦ ᠤᠬᠠᠭᠤᠯᠭᠠᠶᠢᠨ ᠠᠵᠢᠯᠯᠠᠭᠠᠶᠢ ᠥᠷᠨᠢᠭᠦᠯᠵᠦ᠂ ᠠᠵᠤ ᠠᠬᠤᠢᠯᠠᠯ᠂ ᠨᠡᠢᠭᠡᠮ ᠲᠣᠭᠣᠷᠢᠭ᠋᠂ ᠭᠠᠴᠠᠭᠠ ( ᠲᠣᠰᠬᠣᠨ )᠂ ᠠᠵᠢᠯ ᠶᠠᠪᠤᠳᠠᠯ ᠭᠦᠢᠴᠡᠳᠬᠡᠬᠦ ᠶᠡᠬᠡ ᠲᠢᠩᠬᠢᠮ ᠵᠡᠷᠭᠡ ᠲᠠᠯᠠᠪᠤᠷ ᠭᠠᠵᠠᠷᠲᠤ 5 ᠤᠳᠠᠭᠠ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠦᠨ᠂ 3500 ᠭᠠᠷᠤᠢ ᠬᠥᠮᠥᠨᠢ ᠬᠠᠮᠤᠷᠴᠤ᠂ 5000 ᠭᠠᠷᠤᠢ ᠬᠤᠪᠢ ᠤᠬᠠᠭᠤᠯᠭᠠᠶᠢᠨ ᠬᠠᠭᠤᠳᠠᠰᠤ ᠲᠠᠷᠬᠠᠭᠠᠵᠤ᠂ ᠠᠷᠠᠳᠲᠤ ᠠᠰᠢᠭ᠋ ᠬᠦᠷᠲᠡᠭᠡᠬᠦ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠨᠠᠷᠢᠯᠢᠭ᠋ ᠣᠨᠣᠴᠠᠲᠠᠢᠪᠠᠷ ᠣᠯᠠᠨ ᠲᠦᠮᠡᠨᠦ ᠳᠡᠷᠭᠡᠳᠡ ᠬᠦᠷᠭᠡᠪᠡ᠃
✦2026 ᠣᠨᠤ ᠡᠷᠳᠡᠨᠢ ᠰᠢᠰᠢᠶᠢᠨ ᠲᠠᠯᠠᠪᠠᠢ ᠨᠢᠭᠡᠴᠢᠶᠢᠨ ᠤᠨᠠᠯᠲᠠᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ《ᠬᠣᠶᠠᠷᠢ ᠳᠡᠭᠡᠭᠰᠢᠯᠡᠭᠦᠯᠬᠦ》ᠲᠥᠷᠥᠯ ᠵᠦᠢᠯᠦᠨ ᠤᠨᠠᠯᠲᠠᠶᠢ ᠬᠡᠮᠵᠢᠬᠦ ᠠᠵᠢᠯᠯᠠᠭᠠ ᠤᠷᠴᠢᠮᠬᠠᠨ ᠣᠲᠣᠭᠤᠨ ᠡᠮᠦᠨᠡᠲᠦ ᠬᠣᠰᠢᠭᠤᠨᠤ ᠨᠠᠩᠰᠤ ᠪᠠᠯᠭᠠᠰᠤᠨᠤ ᠰᠦᠯᠳᠡ ᠭᠠᠴᠠᠭᠠᠨᠳᠤ ᠶᠠᠪᠤᠭᠳᠠᠪᠠ᠃ ᠮᠡᠷᠭᠡᠵᠢᠯᠤᠨ ᠠᠵᠢᠯᠳᠠᠳᠤᠨ ᠬᠢᠨᠠᠨ ᠰᠢᠯᠭᠠᠬᠰᠠᠨᠤ ᠳᠠᠷᠠᠭᠠᠬᠢ ᠪᠤᠳᠠᠳᠤ ᠳᠤᠭᠠ ᠪᠠᠷᠢᠮᠳᠠ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠮᠦ᠍ ᠪᠦᠷᠢ ᠵᠢᠨ ᠳᠤᠮᠳᠠᠴᠢ ᠤᠨᠠᠯᠳᠠ 500 — 600 ᠵᠢᠩ ᠤᠷᠴᠢᠮ ᠨᠡᠮᠡᠭᠳᠡᠵᠤ᠂ ᠤᠯᠠᠨᠤ ᠰᠡᠳᠬᠢᠯᠢ ᠪᠠᠶᠠᠰᠬᠠᠬᠰᠠᠨ ᠪᠠᠢᠨᠠ᠃
✦ᠣᠳᠣᠬᠠᠨᠳᠤ ᠲᠦᠩᠯᠢᠶᠣᠣ ᠬᠤᠳᠠᠶᠢᠨ ᠡᠷᠳᠡᠨᠢ ᠰᠢᠰᠢᠶᠢᠨ ᠨᠠᠮᠤᠷᠤᠨ ᠬᠤᠷᠢᠶᠠᠯᠲᠠ ᠶᠠᠭ ᠡᠮᠬᠢ ᠵᠢᠷᠤᠮᠲᠠᠢ ᠶᠠᠪᠤᠭᠳᠠᠵᠤ ᠪᠣᠶ᠃ ᠪᠦᠬᠦ ᠬᠤᠲᠠᠪᠠᠷᠢᠶᠠᠨ ᠡᠯᠡ ᠲᠥᠷᠥᠯᠤᠨ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠮᠠᠰᠢᠨᠢ 9151 ᠰᠠᠭᠤᠷᠢ ᠬᠥᠳᠡᠯᠭᠡᠨ᠂ 7.74 ᠲᠦᠮᠡᠨ ᠲᠠᠷᠢᠶᠠᠯᠠᠩᠤᠨ ᠮᠠᠰᠢᠨᠤ ᠮᠡᠷᠭᠡᠵᠢᠯᠲᠡᠨ᠂ 1.10 ᠲᠦᠮᠡᠨ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠮᠠᠰᠢᠨᠤ ᠵᠢᠯᠣᠭᠣᠴᠢ ᠲᠠᠷᠢᠶᠠᠨ ᠭᠠᠵᠠᠷᠲᠤ ᠭᠠᠪᠰᠢᠭᠠᠢᠯᠠᠨ ᠠᠵᠢᠯᠯᠠᠵᠤ᠂ 1066 ᠲᠦᠮᠡᠨ ᠮᠦ᠍ ᠲᠠᠷᠢᠶᠠᠶᠢ ᠮᠠᠰᠢᠨ ᠵᠢᠡᠷ ᠬᠠᠳᠤᠨ ᠬᠤᠷᠢᠶᠠᠵᠤ ᠪᠣᠶ᠃
✦ᠤᠢᠷᠠᠳᠤ 2026 ᠣᠨᠤ ᠤᠯᠠᠭᠠᠨᠬᠠᠳᠠ ᠬᠤᠲᠠᠶᠢᠨ ᠴᠡᠷᠢᠭᠤᠨ ᠠᠯᠪᠠᠠᠴᠠ ᠬᠠᠯᠠᠭᠳᠠᠭᠰᠠᠳ ᠵᠢᠴᠢ ᠶᠡᠬᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠳᠤᠨ ᠲᠤᠰᠬᠠᠢ ᠲᠠᠯᠠᠪᠡᠶ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨ ᠥᠪᠥᠷ ᠮᠣᠩᠭᠣᠯᠤᠨ ᠵᠡᠭᠦᠨ ᠪᠡᠶᠡᠶᠢᠨ ᠴᠢᠳᠠᠪᠤᠷᠢᠲᠠᠨᠦ ᠵᠠᠬᠠ ᠳᠡᠯᠭᠡᠭᠦᠷᠲᠦ ᠡᠬᠢᠯᠡᠪᠡ᠃ ᠲᠤᠰ ᠤᠳᠠᠭᠠᠨ ᠤ ᠠᠵᠢᠯᠲᠠᠨ ᠡᠯᠰᠡᠬᠦ ᠴᠤᠭᠯᠠᠭᠠᠨᠳᠤ 90 ᠬᠥᠮᠥᠨ ᠬᠡᠷᠡᠭᠯᠡᠬᠦ ᠪᠠᠢᠭᠤᠯᠭᠠ ᠨᠢᠭᠡᠴᠢ ᠣᠷᠣᠯᠴᠠᠵᠤ᠂ 1653 ᠲᠤᠰᠬᠠᠢ ᠠᠵᠢᠯᠤᠨ ᠪᠠᠢᠷᠢ ᠬᠠᠩᠭᠠᠵᠠᠢ᠃
✦24ᠦ ᠡᠳᠦᠷ᠂ ᠠᠯᠠᠱᠠ ᠠᠢᠮᠠᠭᠤᠨ 《ᠲᠠᠪᠤᠨ ᠡᠷᠳᠡᠨᠢ》 ᠬᠤᠨᠳᠠᠭᠠᠲᠤ ᠦᠯᠢᠭᠡᠷ ᠶᠠᠷᠢᠬᠤ ᠤᠷᠤᠯᠳᠤᠭᠠᠨᠤ ᠰᠢᠭᠰᠢᠭᠡ ᠤᠷᠤᠯᠳᠤᠭᠠᠨ ᠵᠢᠴᠢ ᠱᠠᠩᠨᠠᠯ ᠣᠯᠭᠣᠬᠤ ᠶᠣᠰᠣᠯᠠᠯ ᠠᠯᠠᠱᠠ ᠠᠢᠮᠠᠭᠤᠨ ᠠᠬᠠᠮᠠᠳ ᠺᠠᠳ᠋ᠷᠴᠤᠳᠤᠨ ᠬᠥᠳᠡᠯᠭᠡᠭᠡᠨᠦ ᠲᠥᠪᠲᠦ ᠶᠠᠪᠤᠭᠳᠠᠪᠠ᠃ ᠤᠷᠤᠯᠳᠤᠭᠠᠨᠳᠤ ᠠᠯᠠᠱᠠ ᠨᠤᠲᠤᠭᠲᠤ ᠦᠶᠡ ᠳᠠᠮᠵᠢᠨ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠮᠣᠩᠭᠣᠯ ᠠᠷᠠᠳᠤᠨ ᠠᠮᠠᠨ ᠦᠯᠢᠭᠡᠷᠢᠶᠡᠷ ᠭᠣᠣᠯ ᠪᠣᠯᠭᠠᠵᠤ᠂ ᠣᠷᠣᠯᠴᠠᠭᠰᠠᠳᠢ 5 ᠳᠤᠭᠤᠢᠯᠠᠩ ᠬᠤᠪᠢᠶᠠᠨ᠂ ᠠᠩᠬᠠᠨᠤ ᠰᠢᠯᠭᠠᠷᠠᠭᠤᠯᠤᠯᠲᠠᠪᠠᠷ 45 ᠦᠯᠢᠭᠡᠷᠢ ᠰᠢᠭ᠌ᠰᠢᠨ ᠦᠯᠡᠳᠡᠭᠡᠵᠦ᠂ ᠰᠢᠭᠰᠢᠭᠡ ᠤᠷᠤᠯᠳᠤᠭᠠᠨᠢᠶᠠᠷ ᠳᠠᠮᠵᠢᠭᠤᠯᠤᠨ ᠡᠴᠦᠰᠦᠨ ᠳ᠋ᠦᠩᠢ ᠰᠢᠯᠭᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃
✦24 ᠦ ᠡᠳᠦᠷ ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠡᠷᠬᠡᠬᠠᠰᠢᠬᠠ ᠰᠤᠮᠤᠨᠤ ᠪᠠᠶᠠᠨᠨᠠᠭᠤᠷ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠨᠠᠰᠤᠨᠸᠴᠢᠷ ᠬᠥᠪᠥᠩ ᠢᠬᠡᠷᠡ ᠲᠠᠭᠠᠶᠢᠨ ᠠᠳᠤᠭᠤᠨ ᠰᠣᠶᠣᠯᠤᠨ ᠨᠠᠢᠷ ᠡᠷᠬᠢᠯᠡᠨ᠂ 60 ᠭᠠᠷᠤᠢ ᠬᠤᠷᠳᠤᠨ ᠬᠥᠯᠥᠭ ᠤᠷᠤᠯᠳᠤᠭᠤᠯᠵᠤ᠂ 200 ᠭᠠᠷᠤᠢ ᠨᠠᠭᠠᠳᠤᠮᠴᠢᠨ ᠬᠤᠷᠠᠨ ᠴᠤᠬᠯᠠᠷᠠᠬᠰᠠᠨ ᠰᠠᠢᠬᠠᠨ ᠨᠠᠢᠷ ᠪᠣᠯᠵᠤ᠂ ᠬᠣᠯᠠ ᠣᠢᠷᠠᠶᠢᠨ ᠮᠠᠯᠴᠢᠨ ᠲᠦᠮᠡᠨᠢᠶᠡᠨ ᠪᠠᠶᠠᠰᠬᠠᠯᠠ᠃
✦ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨᠤ ᠵᠡᠭᠦᠨ ᠰᠢᠪᠠᠷᠲᠠᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ《ᠨᠣᠮᠤᠨ ᠠᠩᠬᠢᠯᠤᠭᠤᠨ》 ᠬᠣᠣᠰ ᠬᠡᠯᠡᠨᠤ ᠤᠷᠠᠨ ᠤᠩᠰᠢᠯᠭᠠᠶᠢᠨ ᠤᠷᠣᠯᠳᠤᠭᠠᠨ ᠤᠷᠴᠢᠮᠬᠠᠨ ᠶᠠᠪᠤᠬᠳᠠᠵᠤ᠂ ᠰᠤᠷᠤᠭ᠍ᠴᠢᠳ ᠭᠣᠴᠣ᠌ ᠰᠠᠢᠬᠠᠨ ᠪᠦᠲᠦᠭᠡᠯᠢᠶᠡᠷᠢᠶᠡᠨ ᠠᠭᠤᠤ ᠶᠡᠬᠡ ᠡᠬᠡ ᠤᠯᠤᠰᠢᠶᠡᠨ ᠮᠠᠭᠲᠠᠨ ᠳᠠᠭᠤᠯᠠᠵᠤ᠂ ᠡᠬᠡ ᠤᠯᠤᠰᠤᠨᠢᠶᠠᠨ ᠬᠥᠭᠵᠢᠯ ᠮᠠᠨᠳᠤᠯᠢ ᠬᠦᠰᠡᠨ ᠬᠤᠷᠤᠢᠯᠠᠵᠠᠢ᠃
✦25ᠤ ᠡᠳᠦᠷ᠂ 2026 ᠫᠢᠩᠫᠠᠩ ᠪᠥᠮᠪᠥᠭᠡᠶᠢᠨ ᠠᠽᠢᠶᠠ ᠲᠢᠪᠦᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨᠤ ᠰᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ᠂ ᠺᠤᠸᠠᠢ ᠮᠠᠨ/ ᠸᠠᠩ ᠢᠳᠢ ᠡᠮᠡᠭᠲᠡᠢᠶᠢᠨ ᠬᠣᠣᠰᠯᠠᠯᠤᠨ ᠮᠠᠩᠯᠠᠢ ᠪᠣᠯᠵᠤ᠂ ᠴᠧᠨ ᠢ ᠡᠮᠡᠭᠲᠡᠢᠶᠢᠨ ᠭᠠᠭᠴᠠ ᠬᠥᠮᠥᠨᠦ ᠮᠠᠩᠯᠠᠢ ᠪᠡᠷ ᠳᠤᠳᠤᠷᠠᠬᠰᠠᠨ ᠪᠠᠢᠨᠠ᠃
✦ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠠᠮᠧᠷᠢᠺᠠ 11 ᠰᠠᠷᠠᠶᠢᠨ 3ᠤ ᠡᠳᠦᠷ ᠡᠴᠡ ᠳᠤᠮᠳᠠ ᠬᠤᠭᠤᠴᠠᠭᠠᠨᠤ ᠰᠣᠩᠭᠣᠭᠤᠯᠢᠪᠠᠨ ᠤᠭᠲᠤᠨ ᠠᠪᠬᠤ ᠪᠡᠷ ᠪᠠᠢᠵᠤ᠂ ᠪᠥᠬᠥᠳᠡ ᠨᠠᠢᠷᠠᠮᠳᠠᠬᠤ ᠨᠠᠮ ᠪᠣᠯᠣᠨ ᠠᠷᠠᠳᠴᠢᠯᠠᠭᠰᠠᠨ ᠨᠠᠮ ᠣᠢᠷᠠᠳᠤ ᠣᠯᠠᠨ ᠤᠳᠠᠭᠠᠨᠤ ᠲᠣᠮᠣ᠌ ᠬᠡᠯᠪᠡᠷᠢᠶᠢᠨ ᠰᠣᠩᠭᠣᠭᠤᠯᠢᠶᠢᠨ ᠴᠤᠭᠯᠠᠭᠠᠨ ᠡᠷᠭᠢᠯᠡᠵᠦ᠂ ᠠᠮᠧᠷᠢᠺᠠᠶᠢᠨ ᠶᠡᠷᠦᠩᠬᠡᠢᠯᠡᠭᠴᠢ ᠲᠸᠷᠠᠮᠫᠦ᠋᠂ ᠤᠤᠯᠤᠨ ᠶᠡᠷᠦᠩᠬᠡᠢᠯᠡᠭᠴᠢ ᠣᠤᠪᠠᠮᠠ ᠵᠡᠷᠭᠡ ᠤᠯᠤᠰ ᠲᠥᠷᠥᠶᠢᠨ ᠴᠢᠬᠤᠯᠠ ᠬᠥᠮᠥᠰ ᠰᠣᠩᠭᠣᠭᠤᠯᠢᠳᠤ ᠣᠷᠣᠯᠴᠠᠬᠤᠪᠠᠷ ᠪᠠᠢᠨᠠ᠃
✦ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠣᠷᠣᠰᠤᠨ ᠵᠠᠭᠤᠴᠢᠯᠠᠭᠤᠷᠤᠨ ᠮᠡᠳᠡᠭᠡᠯᠡᠭᠰᠡᠨᠢᠶᠡᠷ᠂ ᠣᠷᠣᠰᠤᠨ ᠶᠡᠷᠦᠩᠬᠡᠢᠯᠡᠭᠴᠢᠶᠢᠨ ᠲᠤᠰᠠᠯᠠᠭ᠍ᠴᠢ ᠡᠴᠡ ᠰᠣᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦᠳᠡᠭᠡᠨ ᠣᠷᠣᠰᠤᠨ ᠬᠢᠨ 11 ᠰᠠᠷᠠᠶᠢᠨ 4ᠦ ᠡᠳᠦᠷᠡᠴᠡ ᠰᠡᠭᠦᠯᠡᠷ ᠣᠷᠣᠰ ᠠᠮᠧᠷᠢᠺᠠ ᠦᠺᠷᠠᠢᠨ ᠭᠤᠷᠪᠠᠨ ᠲᠠᠯᠠᠶᠢᠨ ᠬᠡᠯᠡᠯᠴᠡᠭᠡᠶᠢ ᠰᠡᠷᠭᠦᠭᠡᠬᠦ ᠳᠤᠷᠠᠲᠠᠢ ᠪᠠᠢᠨᠠ ᠭᠡᠵᠡᠢ᠃
✦ᠳᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠨ ᠤᠯᠤᠰᠤᠨ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠦᠪᠤᠷ ᠮᠤᠩᠭᠤᠯᠤᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢ ᠠᠵᠢᠯᠳᠠᠨ ᠡᠯᠰᠡᠵᠤ ᠪᠤᠢ᠃
ᠲᠠᠨ ᠤ ᠲᠤᠰᠡ ᠳ᠋ᠤ
✦ᠣᠷᠣᠢ ᠶᠢᠨ ᠬᠣᠭᠣᠯᠠ ᠢᠳᠡᠬᠦ ᠦᠭᠡᠢ ᠪᠣᠯ ᠮᠠᠷᠢᠶᠠ ᠰᠢᠭᠤᠷᠠᠨᠠᠤᠤ?
ᠣᠷᠣᠢᠶᠢᠨ ᠬᠣᠭᠣᠯᠠ ᠢᠳᠡᠬᠦ ᠦᠭᠡᠢ ᠪᠣᠯ ᠣᠬᠣᠷ ᠬᠤᠭᠤᠴᠠᠭᠠᠨᠳᠤ ᠪᠡᠶᠡᠶᠢᠨ ᠬᠦᠨᠳᠦ ᠠᠮᠠᠷᠬᠠᠨ ᠪᠠᠭᠤᠷᠠᠬᠤ ᠪᠣᠯᠪᠠᠴᠤ ᠡᠨᠡᠬᠦ ᠠᠷᠭᠠ ᠨᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠢᠰᠢ ᠶᠤᠮ᠃ ᠤᠴᠢᠷ ᠨᠢ ᠣᠷᠣᠢᠶᠢᠨ ᠬᠣᠭᠣᠯᠠ ᠢᠳᠡᠬᠦ ᠦᠭᠡᠢ ᠪᠣᠯ ᠥᠯᠥᠰᠬᠦ ᠲᠥᠷᠥᠭᠳᠡᠯ ᠤᠯᠠᠮ ᠴᠢᠩᠭᠠᠷᠠᠵᠤ᠂ ᠳᠠᠷᠠᠭᠠ ᠡᠷᠡᠨᠦ ᠬᠣᠭᠣᠯᠠᠪᠠᠨ ᠬᠡᠲᠦᠷᠡᠲᠡᠯᠡ ᠢᠳᠡᠴᠢᠬᠡᠬᠦ ᠭᠡᠳ ᠪᠠᠢᠳᠠᠭ᠃ ᠡᠭᠦᠨᠡᠴᠡ ᠭᠠᠳᠠᠨᠠ ᠵᠠᠷᠢᠮ ᠬᠥᠮᠥᠨ ᠣᠷᠣᠢᠶᠢᠨ ᠬᠣᠭᠣᠯᠠᠪᠠᠨ ᠢᠳᠡᠬᠦ ᠦᠭᠡᠢ ᠪᠣᠯ ᠰᠥᠨᠢ ᠴᠢᠰᠤᠨ ᠰᠢᠬᠢᠷ ᠳᠣᠣᠷᠠ ᠪᠣᠯᠵᠤ ᠮᠡᠳᠡᠨᠡ᠃ ᠡᠢᠮᠦᠡᠴᠡ ᠮᠠᠷᠢᠶᠠ ᠰᠢᠭᠤᠷᠠᠭᠤᠯᠬᠤ ᠬᠤᠭᠤᠴᠠᠭᠠᠨᠳᠤ ᠣᠷᠣᠢᠶᠢᠨ ᠬᠣᠭᠣᠯᠠᠨᠳᠠᠭᠠᠨ ᠰᠢᠮᠡ ᠲᠡᠵᠢᠭᠡᠯ ᠲᠡᠩᠴᠡᠭᠦᠷᠢᠲᠡᠢ ᠮᠥᠷᠲᠡᠭᠡᠨ ᠰᠢᠩᠭᠡᠭᠡᠬᠦᠳᠦ ᠠᠮᠠᠷᠬᠠᠨ ᠬᠣᠭᠣᠯᠠᠶᠢ ᠢᠳᠡᠪᠡᠯ ᠵᠣᠬᠢᠨᠠ᠃
(ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠ ᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ)
- ᠨᠠᠢᠷᠠᠭᠤᠯᠤᠭ᠍ᠴᠢ᠄
-
ᠨᠡᠪᠲᠡᠷᠡᠭᠦᠯᠦᠭᠴᠢ᠄
ᠤᠷᠠᠨᠲᠠᠨᠠ
-
ᠮᠡᠷᠭᠡᠵᠢᠯ᠄
ᠬᠠᠢ ᠯᠢ ᠶᠠᠨ
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃