2026-10-28 16:19:12



ᠨᠡᠢᠭᠡᠮ
✦ᠮᠠᠨᠤ ᠤᠯᠤᠰᠤᠨ ᠰᠠᠯᠬᠢᠨ ᠬᠦᠴᠦᠨᠦ ᠴᠠᠬᠢᠯᠭᠠᠨ ᠪᠠ ᠨᠡᠷᠡᠨᠦ ᠡᠨᠧᠷᠭᠢᠶᠢᠨ ᠴᠠᠬᠢᠯᠭᠠᠨ ᠭᠠᠷᠭᠠᠯᠲᠠ ᠨᠡᠶ᠋ᠢᠲᠡ 20 ᠳ᠋ᠦᠩᠰᠢᠭᠤᠷ ᠺᠢᠯᠦᠸᠠᠲᠢ ᠳᠠᠪᠠᠪᠠ᠃
✦26ᠤ ᠡᠳᠤᠷ᠂ ᠮᠠᠨ ᠤ ᠤᠯᠤᠰ ᠤᠨ 《ᠪᠠᠷᠠᠭᠤᠨ ᠣᠷᠣᠨᠤ ᠴᠠᠬᠢᠯᠭᠠᠨᠢ ᠵᠡᠭᠦᠨᠰᠢ ᠬᠦᠷᠭᠡᠬᠦ》ᠭᠣᠣᠯᠳᠠᠯᠭᠠᠲᠠᠢ ᠢᠨᠵᠧᠨᠧᠷᠢᠩ ᠪᠤᠯᠬᠤ ᠭᠠᠨᠰᠤ — ᠵᠧᠵᠢᠶᠠᠩᠤᠨ 800 ᠺᠢᠯᠤᠸᠤᠯᠲᠤᠨ ᠣᠨᠴᠠ ᠥᠨᠳᠥᠷ ᠬᠦᠴᠦᠳᠡᠯᠲᠦ ᠲᠣᠭᠲᠠᠮᠠᠯ ᠭᠥᠶᠥᠳᠡᠯᠳᠦ ᠴᠠᠬᠢᠯᠭᠠᠨ ᠬᠦᠷᠭᠡᠬᠦ ᠢᠨᠵᠧᠨᠧᠷᠢᠩ ᠬᠥᠬᠡᠮᠥ᠋ᠷᠡᠨᠢ ᠳᠠᠪᠠᠨ ᠤᠲᠠᠰᠤ ᠲᠠᠲᠠᠵᠤ ᠬᠤᠯᠪᠤᠬᠤ ᠵᠢ ᠪᠡᠶᠡᠯᠡᠬᠦᠯᠪᠡ᠃
✦《ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢᠶᠢ ᠪᠦᠷᠢᠳᠬᠡᠨ ᠳᠠᠩᠰᠠᠯᠠᠬᠤ ᠬᠠᠮᠢᠶᠠᠷᠤᠯᠲᠠᠶᠢᠨ ᠳᠦᠷᠢᠮ》 ᠢ 2026 ᠣᠨᠤ 12 ᠰᠠᠷᠠᠶᠢᠨ 1 ᠦ ᠡᠳᠦᠷᠡᠴᠡ ᠡᠬᠢᠯᠡᠨ ᠬᠡᠷᠡᠭᠵᠢᠬᠦᠯᠬᠦ ᠪᠡᠷ ᠪᠤᠢ᠃
✦26ᠤ ᠡᠳᠤᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠡᠷᠡᠭᠯᠡᠭᠴᠢᠳᠦᠨ ᠨᠡᠢᠭᠡᠮᠯᠢᠭ ᠵᠡᠷᠭᠡ ᠭᠤᠷᠪᠠᠨ ᠰᠠᠯᠠᠭᠠ ᠮᠥᠴᠢᠷ ᠬᠠᠮᠲᠤᠷᠠᠨ 《ᠬᠤᠤᠰ ᠠᠷᠪᠠᠨ ᠨᠢᠭᠡᠨ》ᠤ ᠬᠡᠷᠡᠭᠯᠡᠭᠡᠨᠤ ᠰᠠᠨᠠᠭᠤᠯᠤᠮᠵᠢ ᠵᠢ ᠨᠡᠢᠲᠡᠯᠡᠵᠦ᠂ 《ᠦᠨᠡᠪᠡᠨ ᠪᠠᠭᠤᠷᠠᠭᠤᠯᠬᠤ ᠬᠠᠭᠤᠷᠮᠠᠭ ᠦᠵᠡᠭᠳᠡᠯ》ᠡᠴᠡ ᠰᠡᠷᠡᠮᠵᠢᠯᠡᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠬᠡᠷᠡᠭᠯᠡᠭᠴᠢᠳᠲᠦ ᠰᠠᠨᠠᠭᠤᠯᠪᠠ᠃
✦26 ᠤ ᠡᠳᠦᠷᠡᠴᠡ ᠡᠬᠢᠯᠡᠨ᠂ ᠲᠡᠮᠦᠷ ᠵᠠᠮ ᠤᠨ 12306 ᠬᠡᠷᠡᠭᠯᠡᠭᠴᠢᠶᠢᠨ ᠰᠢᠯᠵᠢᠶᠡ ( ᠰᠦᠯᠵᠢᠶᠡ ᠪᠠᠭᠲᠠᠨᠠ ) ᠳᠤ 《ᠪᠦᠯᠬᠦᠮᠨᠡᠢᠳᠡ ᠵᠢᠨ ᠪᠢᠯᠧᠲᠦᠨ ᠲᠤᠬᠠᠢᠯᠠᠭᠰᠠᠨ ᠠᠵᠢᠯᠤᠨ ᠬᠠᠷᠢᠯᠴᠠᠬᠤ ᠠᠷᠭᠠ ᠮᠠᠶᠢᠭ᠋ᠢ ᠪᠠᠢᠴᠠᠭᠠᠨ ᠯᠠᠪᠯᠠᠬᠤ》 ᠴᠢᠳᠠᠮᠵᠢᠶᠢ ᠰᠢᠨᠡᠪᠡᠷ ᠨᠡᠮᠡᠪᠡ᠃
✦ᠡᠨᠡ ᠵᠢᠯ ᠦᠨ ᠲᠦᠷᠦᠭᠦᠦ ᠭᠤᠷᠪᠠᠨ ᠤᠯᠠᠷᠢᠯᠳᠤ᠂ ᠮᠠᠨᠤ ᠤᠯᠤᠰᠤᠨ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠭᠰᠠᠨ ᠬᠥᠮᠥᠨ ᠦ ᠲᠣᠭᠠ 512.2 ᠳ᠋ᠦᠩᠰᠢᠭᠤᠷ ᠬᠥᠮᠥᠨ ᠤᠳᠠᠭᠠᠳᠤ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 1.2% ᠵᠢᠡᠷ ᠨᠡᠮᠡᠭᠳᠡᠪᠡ᠃
✦ᠤᠯᠤᠰᠤᠨ ᠲᠣᠭᠠ ᠪᠦᠷᠢᠳᠬᠡᠯᠤᠨ ᠲᠣᠪᠴᠢᠶᠠᠶᠢᠨ ᠨᠡᠢᠲᠡᠯᠡᠭᠰᠡᠨ ᠲᠣᠭᠠ ᠪᠠᠷᠢᠮᠲᠠᠶᠢ ᠦᠨᠳᠦᠰᠦᠯᠡᠪᠡᠯ᠂ 2025 ᠣᠨᠳᠤ ᠪᠥᠬᠥ ᠤᠯᠤᠰᠤᠨ ᠬᠣᠲᠠ ᠪᠠᠯᠭᠠᠰᠤᠨᠦ ᠬᠤᠪᠢᠶᠢᠨ ᠡᠵᠡᠩᠨᠡᠯᠲᠡᠶᠢᠨ ᠪᠤᠰᠤ ᠨᠢᠭᠡᠴᠢᠳᠤ ᠠᠵᠢᠯᠯᠠᠵᠤ ᠪᠠᠢᠭᠠ ᠬᠥᠮᠥᠰᠦᠨ ᠵᠢᠯᠦᠨ ᠳᠤᠮᠳᠠᠴᠢ ᠴᠠᠯᠢᠩ 129441 ᠲᠥᠭᠥᠷᠢᠭᠲᠦ ᠬᠦᠷᠦᠭᠰᠡᠨ ᠪᠠᠢᠨᠠ᠃
✦ᠥᠪᠥᠷ ᠮᠣᠩᠭᠣᠯᠤᠨ ᠴᠠᠬᠢᠯᠭᠠᠨ ᠬᠦᠴᠦᠨᠦ ᠪᠦᠯᠦᠭᠯᠡᠯᠦᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠲᠦᠷᠦᠭᠦᠬᠡᠨ ᠮᠠᠨᠤ ᠣᠷᠣᠨᠤ ᠪᠠᠷᠠᠭᠤᠨ ᠪᠡᠶᠡᠶᠢᠨ ᠴᠠᠬᠢᠯᠭᠠᠨ ᠲᠣᠣᠷᠤᠨ ᠰᠢᠨᠡ ᠡᠨᠧᠷᠭᠢᠶᠢᠨ ᠴᠠᠬᠢᠯᠭᠠᠨ ᠭᠠᠷᠭᠠᠭᠰᠠᠨ ᠬᠡᠮᠵᠢᠶᠡ 7.2 ᠳ᠋ᠦᠩᠰᠢᠭᠤᠷ ᠺᠢᠯᠦᠸᠠᠲ ᠴᠠᠭᠲᠤ ᠬᠦᠷᠴᠦ᠂ ᠠᠩᠬᠠ ᠤᠳᠠᠭᠠ ᠳ᠋ᠦᠩᠰᠢᠭᠤᠷ ᠺᠢᠯᠦᠸᠠᠲ ᠴᠠᠭᠢ ᠲᠠᠪᠠᠨ᠂ ᠲᠡᠦᠬᠡᠶᠢᠨ ᠲᠡᠮᠳᠡᠭᠯᠡᠯᠢ ᠰᠢᠨᠡᠳᠬᠡᠭᠰᠡᠨ ᠪᠠᠢᠨᠠ᠃
✦ᠡᠨᠡ ᠵᠢᠯᠦᠨ 1 — 9 ᠰᠠᠷᠠᠳᠤ᠂ ᠬᠥᠯᠥᠨ ᠪᠦᠢᠷ ᠬᠣᠲᠠ ᠵᠢᠨ ᠠᠭᠠᠷᠤᠨ ᠶᠠᠰᠤ ᠴᠢᠨᠠᠷ ᠦᠷᠭᠦᠯᠵᠢᠯᠡᠨ ᠲᠣᠭᠲᠠᠪᠤᠷᠢᠲᠠᠢ ᠰᠠᠢᠵᠢᠷᠠᠵᠤ᠂ ᠪᠦᠬᠥ ᠬᠣᠲᠠᠶᠢᠨ PM10 ᠂ PM2.5 ᠶᠢᠨ ᠳᠤᠮᠳᠠᠴᠢ ᠥᠳᠬᠡᠴᠡᠶᠢᠨ ᠬᠡᠮᠵᠢᠶᠡ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠠᠴᠠ ᠶᠡᠬᠡᠪᠠᠷ ᠪᠠᠭᠤᠷᠠᠵᠤ᠂ ᠠᠭᠠᠷᠤᠨ ᠴᠢᠨᠠᠷᠨᠢ ᠰᠢᠯᠢᠳᠡᠭ ᠡᠳᠦᠷᠤᠨ ᠲᠣᠭᠠᠶᠢᠨ ᠬᠠᠷᠢᠴᠠᠯ 100%ᠳᠤ ᠬᠦᠷᠴᠦ᠂ ᠪᠦᠬᠦ ᠣᠷᠣᠨᠳᠤ ᠨᠢᠭᠡᠳᠦᠭᠡᠷᠲᠦ ᠣᠷᠣᠪᠠ᠃
✦ᠤᠢᠷᠠᠳᠤ ᠦᠪᠤᠷ ᠮᠤᠩᠭᠤᠯᠤᠨ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠮᠠᠯ ᠡᠮᠨᠡᠯᠭᠡ ᠵᠢᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠫᠷᠤᠹᠰᠰᠤᠷ ᠬᠠᠰᠰᠦ᠋ᠷᠦᠩ ᠪᠠᠬᠰᠢ ᠳᠡᠭᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠵᠢᠡᠨ ᠪᠠᠬᠰᠢ ᠨᠠᠷ ᠵᠢᠡᠨ ᠳᠠᠢᠴᠢᠯᠠᠨ ᠦᠤᠰᠢᠨᠵᠤᠤ ᠪᠠᠯᠭᠠᠰᠤᠨᠤ ᠦᠤᠰᠢᠨᠵᠤᠤ ᠭᠠᠴᠠᠭᠠᠨᠤ ᠮᠠᠯ ᠠᠵᠤ ᠠᠬᠤᠢ ᠮᠠᠯ ᠡᠮᠨᠡᠯᠭᠡ ᠵᠢᠨ ᠬᠡᠷᠡᠭᠯᠡᠭᠡᠨᠤ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠬᠦᠯᠬᠦ ᠴᠡᠭᠢ ᠪᠠᠢᠭᠤᠯᠤᠬᠰᠠᠨ ᠪᠠᠢᠨᠠ᠃ ᠡᠨᠡᠬᠦ ᠮᠡᠷᠭᠡᠵᠢᠯ ᠲᠦᠭᠡᠮᠡᠯᠵᠢᠭᠦᠯᠬᠦ ᠴᠡᠭᠢ ᠦᠨᠳᠦᠰᠦᠨ ᠱᠠᠲᠤᠨᠤ ᠮᠠᠯᠵᠢᠯᠤᠨ ᠠᠷᠭᠠ ᠬᠡᠯᠪᠡᠷᠢ᠂ ᠮᠠᠯᠤᠨ ᠡᠪᠡᠳᠴᠢᠨ ᠬᠢᠵᠢᠭ᠂ ᠲᠡᠵᠢᠭᠡᠵᠦ ᠠᠷᠠᠴᠢᠯᠠᠬᠤ ᠵᠡᠷᠭᠡ ᠣᠯᠠᠨ ᠲᠠᠯᠠᠶᠢᠨ ᠬᠡᠷᠡᠭᠯᠡᠭᠡᠨᠦ ᠮᠡᠷᠭᠡᠵᠢᠯᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠲᠤ ᠤᠯᠠᠮᠵᠢᠯᠠᠬᠤ ᠵᠣᠷᠢᠯᠭᠠᠪᠡᠷ ᠪᠠᠢᠭᠤᠯᠵᠠᠢ᠃
✦《ᠰᠠᠢᠨ ᠡᠭᠦᠯᠳᠡᠷᠦᠨ ᠶᠠᠳᠠᠭᠤᠶᠢ ᠲᠡᠳᠬᠦᠬᠦ ᠢᠮᠠᠭᠠ》 ᠪᠣᠯ ᠤᠲᠤᠭ ᠬᠤᠰᠢᠭᠤᠨᠤ ᠠᠷᠪᠠᠰ ᠰᠤᠮᠤᠨᠤ ᠤᠯᠠᠭᠠᠠᠠᠤᠰᠤ ᠭᠠᠴᠠᠭᠠᠨᠤ ᠬᠠᠮᠲᠤ ᠵᠢᠨ ᠡᠳ᠋ ᠬᠥᠷᠥᠩᠭᠡᠶᠢ ᠠᠮᠢᠯᠠᠭᠤᠯᠵᠤ᠂ ᠣᠨᠴᠠᠯᠢᠭ᠍ᠲᠤ ᠮᠠᠯ ᠠᠵᠤ ᠠᠬᠤᠢᠶᠢᠨ ᠠᠵᠤ ᠦᠢᠯᠡᠰᠢ ᠬᠦᠴᠦᠷᠬᠡᠭᠵᠢᠭᠦᠯᠬᠦ ᠰᠢᠨᠡᠶᠢ ᠡᠭᠦᠳᠦᠭᠰᠡᠨ ᠦᠢᠯᠡᠳᠦᠯᠭᠡ ᠪᠠᠢᠵᠤ᠂ ᠠᠷᠪᠠᠰᠤᠨ ᠨᠣᠤᠯᠤᠭᠤᠷᠤᠨ ᠢᠮᠠᠭᠠᠨᠤ ᠬᠣᠪᠣᠷ ᠨᠠᠨᠳᠢᠨ ᠡᠭᠦᠯᠳᠡᠷᠢ ᠬᠠᠮᠠᠭᠠᠯᠠᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠩ ᠴᠤ᠌ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠲᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠠᠰᠢᠭ᠋ ᠲᠤᠰᠠᠶᠢ ᠡᠳ᠋ᠯᠡᠭᠦᠯᠵᠦ᠂ ᠣᠲᠣᠭ ᠬᠣᠰᠢᠭᠤᠨᠤ ᠮᠠᠯ ᠠᠵᠤ ᠠᠬᠤᠢᠶᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳᠤ ᠬᠦᠴᠦᠷᠬᠡᠭ ᠶᠡᠬᠡ ᠬᠥᠳᠡᠯᠭᠡᠭᠴᠢ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠨ ᠪᠠᠢᠨᠠ᠃
ᠰᠤᠶᠤᠯ
✦2026 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠤᠷᠠᠯᠢᠭ᠋ ᠪᠦᠲᠦᠭᠡᠯᠦᠨ ᠦᠵᠡᠭᠦᠯᠭᠡ ᠲᠦᠷᠦᠬᠦᠬᠡᠨ ᠬᠥᠬᠡᠨᠬᠣᠲᠠᠶᠢᠨ ᠤᠷᠠᠨ ᠵᠢᠷᠤᠭᠦᠨ ᠣᠷᠳᠣᠨᠳᠤ ᠡᠬᠢᠯᠡᠵᠡᠢ᠃
ᠲᠠᠮᠢᠷ
✦ᠥᠪᠥᠷ ᠮᠣᠩᠭᠣᠯᠤᠨ ᠰᠠᠭᠰᠤᠨ ᠪᠥᠮᠪᠥᠭᠡᠶᠢᠨ ᠤᠷᠤᠯᠳᠤᠭᠠᠨ ᠡᠨᠡ ᠡᠳᠤᠷᠤᠨ 19 : 00 ᠴᠠᠭᠲᠤ ᠡᠷᠢᠶᠡᠨ ᠬᠤᠲᠠᠶᠢᠨ ᠣᠯᠠᠨ ᠤᠯᠤᠰᠤᠨ ᠬᠤᠷᠠᠯ ᠦᠵᠡᠰᠬᠦᠯᠡᠩᠦᠨ ᠲᠥᠪᠲᠦ ᠡᠬᠢᠯᠡᠨ ᠶᠠᠪᠤᠬᠳᠠᠬᠤ ᠪᠡᠷ ᠪᠤᠢ᠃
✦54 ᠳ᠋ᠤᠭᠡᠷ ᠬᠤᠭᠤᠴᠠᠭᠠᠨᠤ ᠭᠢᠮᠨᠠᠰᠲ᠋ᠢᠺᠤᠨ ᠳᠡᠯᠡᠬᠡᠢᠶᠢᠨ ᠮᠠᠩᠯᠠᠢ ᠰᠢᠯᠭᠠᠷᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠬᠣᠯᠠᠨᠳ᠋ᠳᠤ ᠥᠨᠳᠥᠷᠯᠡᠵᠦ᠂ ᠽᠧᠦ ᠵᠢᠩ ᠶᠤᠸᠠᠨ ᠡᠷᠡᠭᠲᠡᠢᠶᠢᠨ ᠬᠣᠣᠰ ᠰᠠᠪᠠᠯᠠᠭᠤᠷᠤᠨ ᠲᠦᠷᠦᠯᠤᠨ ᠤᠷᠤᠯᠳᠤᠭᠠᠨᠳᠤ ᠮᠠᠩᠯᠠᠢᠯᠠᠪᠠ᠃
✦ᠰᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠮᠡᠳᠡᠭᠡ ᠵᠢ ᠦᠨᠳᠦᠰᠦᠯᠡᠪᠡᠯ᠂ ᠶᠠᠫᠤᠨᠤ ᠬᠡᠪᠯᠡᠯ ᠮᠡᠳᠡᠭᠡᠯᠡᠯᠦᠨ 26 ᠤ ᠡᠳᠦᠷ ᠮᠡᠳᠡᠭᠡᠯᠡᠭᠰᠡᠨᠢᠶᠡᠷ᠂ ᠶᠠᠫᠤᠨᠤ ᠤᠤᠯᠤᠨ ᠲᠡᠷᠢᠭᠦᠨ ᠰᠠᠢᠳ ᠹᠦᠺᠦ᠋ᠳᠠ ᠶᠠᠺᠤᠸ᠋ 22 ᠤᠨ ᠡᠳᠦᠷ ᠳᠤᠤᠺᠢᠤ᠋ᠳᠤ ᠨᠠᠰᠤ ᠪᠠᠷᠠᠪᠠ᠂ ᠨᠠᠰᠤᠨ ᠰᠡᠭᠦᠳᠡᠷ 90᠃
✦ᠪᠡᠭᠡᠵᠢᠩᠦᠨ ᠴᠠᠭᠢᠶᠠᠷ 10 ᠰᠠᠷᠠᠶᠢᠨ 27 ᠤ ᠡᠳᠦᠷᠦᠨ ᠥᠷᠯᠥᠭᠡ᠂ 2026 ᠣᠨᠤ《ᠠᠯᠲᠠᠨ ᠪᠥᠮᠪᠥᠭᠡᠶᠢᠨ ᠱᠠᠩᠨᠠᠯ》ᠤᠨ ᠱᠠᠩᠨᠠᠯ ᠣᠯᠭᠣᠬᠤ ᠶᠣᠰᠣᠯᠠᠯ ᠠᠨᠭ᠌ᠭ᠌ᠯᠢᠶᠢᠨ ᠯᠤᠨᠳᠤᠨᠳᠤ ᠶᠠᠪᠤᠭᠳᠠᠵᠤ᠂ 33 ᠨᠠᠰᠤᠲᠠᠢ ᠢᠩᠭ᠌ᠯᠠᠨᠳ᠋ᠤᠨ ᠠᠩᠭᠢᠶᠢᠨ ᠬᠦᠯ ᠪᠦᠮᠪᠦᠭᠡ ᠵᠢᠨ ᠳᠠᠮᠢᠷᠴᠢᠨ ᠺᠠᠢᠨ 2026 ᠣᠨᠤ 《ᠠᠯᠲᠠᠨ ᠪᠥᠮᠪᠥᠭᠡᠶᠢᠨ ᠱᠠᠩᠨᠠᠯ》ᠢ ᠭᠥᠷᠳᠡᠵᠦ᠂ ᠠᠩᠬᠠ ᠤᠳᠠᠭᠠ ᠡᠨᠡᠬᠦ᠌ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠭᠰᠡᠨ ᠪᠠᠢᠨᠠ᠃
✦ᠬᠦᠬᠡᠬᠤᠳᠠ ᠵᠢᠨ ᠠᠵᠢᠯ ᠤᠢᠯᠡᠰᠤᠨ ᠨᠢᠭᠡᠴᠢ ᠴᠢᠳᠠᠪᠤᠷᠢᠳᠠᠨ ᠤᠷᠢᠨ ᠡᠯᠰᠡᠬᠦ ᠪᠡᠷ ᠪᠤᠢ᠃
✦ᠢᠳᠡᠭᠡᠨᠦ ᠳᠠᠪᠤᠰᠤᠶᠢᠨ ᠣᠨᠴᠠᠭᠠᠶ ᠦᠢᠯᠡᠳᠦᠯᠦᠳᠡᠴᠡ ᠬᠤᠪᠢᠶᠠᠯᠴᠠᠶᠠ᠃
1. ᠲᠠᠬᠢᠶᠠᠨ ᠥᠨᠳᠡᠭᠡ ᠴᠢᠨᠠᠬᠤ ᠦᠶᠡᠰᠲᠦ ᠪᠠᠭᠠ ᠳᠠᠪᠤᠰᠤ ᠬᠢᠪᠡᠯ ᠥᠨᠳᠡᠭᠡᠨ ᠬᠠᠯᠢᠰᠤ ᠨᠢ ᠬᠠᠭᠠᠷᠠᠬᠤ ᠦᠭᠡᠢ ᠪᠠᠢᠳᠠᠭ᠃
2. ᠲᠣᠰᠣᠨ ᠳᠤ ᠪᠤᠴᠠᠯᠭᠠᠭᠰᠠᠨ ᠢᠳᠡᠭᠡᠨ ᠢ ᠬᠢᠬᠦ ᠦᠶᠡᠰ ᠲᠦ ᠲᠣᠭᠣᠭᠠᠨᠳᠠᠭᠠᠨ ᠪᠠᠭᠠ ᠳᠠᠪᠤᠰᠤ ᠬᠢᠪᠡᠯ ᠲᠣᠰᠣ᠌ ᠦᠰᠦᠷᠬᠦᠶᠢ ᠰᠡᠷᠭᠡᠢᠯᠡᠵᠦ ᠲᠠᠢᠯᠤᠨᠠ᠃
3. ᠠᠯᠢᠮᠠ᠂ ᠠᠯᠮᠤᠷᠠᠳ᠂ ᠲᠥᠮᠥᠰᠥ ᠵᠡᠷᠭᠡ ᠶᠢᠨ ᠬᠠᠯᠢᠰᠤ ᠶᠢ ᠠᠷᠢᠯᠭᠠᠭᠰᠠᠨᠤ ᠳᠠᠷᠠᠭᠠ ᠠᠮᠠᠷᠬᠠᠨ ᠥᠩᠭᠡ ᠨᠢ ᠬᠤᠪᠢᠷᠠᠳᠠᠭ᠃ ᠡᠢᠮᠦᠷᠬᠦ ᠪᠠᠢᠳᠠᠯ ᠳᠤ ᠬᠠᠯᠢᠰᠤᠯᠠᠭᠰᠠᠨᠤ ᠳᠠᠷᠠᠭᠠ ᠪᠠᠭᠠ ᠳᠠᠪᠤᠰᠤᠲᠠᠢ ᠤᠰᠤᠪᠠᠷ ᠤᠬᠢᠶᠠᠴᠢᠬᠠᠪᠠᠯ ᠥᠩᠭᠡ ᠨᠢ ᠬᠤᠪᠢᠷᠠᠬᠤᠶᠢ ᠰᠡᠷᠭᠡᠢᠯᠡᠵᠦ ᠲᠠᠢᠯᠤᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
-
ᠨᠡᠪᠲᠡᠷᠡᠭᠦᠯᠦᠭᠴᠢ᠄
ᠤᠷᠠᠨᠲᠠᠨᠠ
-
ᠮᠡᠷᠭᠡᠵᠢᠯ᠄
ᠬᠤ᠌ ᠰᠠᠷᠠᠨᠠ
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃