2026-11-16 11:38:32



ᠨᠡᠢᠭᠡᠮ
✦ 14ᠦ ᠡᠳᠦᠷ᠂ 2026 ᠣᠨᠤ ᠬᠡᠪᠯᠡᠯᠦᠨ ᠤᠯᠤᠰᠤᠨ ᠦᠨᠳᠦᠰᠦᠨ ᠡᠮ ᠡᠮᠨᠡᠯᠭᠡᠶᠢᠨ ᠳᠠᠭᠠᠳᠬᠠᠯᠤᠨ ᠡᠮᠦᠨ ᠵᠦᠢᠯᠡᠰᠦᠨ ᠭᠠᠷᠴᠠᠭᠢ ᠨᠡᠢᠲᠡᠯᠡᠪᠡ᠃ ᠭᠠᠷᠴᠠᠭᠲᠤ 107 ᠵᠦᠢᠯᠦᠨ ᠡᠮᠦᠨ ᠵᠦᠢᠯᠡᠰᠢ ᠰᠢᠨᠡᠪᠡᠷ ᠨᠡᠮᠡᠵᠤ᠂ ᠡᠭᠦᠨᠳᠦ 51 ᠲᠥᠷᠥᠯᠦᠨ ᠰᠢᠨᠡᠶᠢ ᠡᠭᠦᠳᠬᠦ ᠡᠮ ᠪᠣᠶ᠃
✦ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠪᠦᠯᠦᠭᠯᠡᠯᠦᠨ 14ᠦ ᠡᠳᠦᠷᠦᠨ ᠮᠡᠳᠡᠭᠡᠶᠢ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠵᠢᠯᠦᠨ 1- 10 ᠰᠠᠷᠠ ᠪᠣᠯᠲᠠᠯᠠ ᠪᠥᠬᠥ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠬᠢᠨ ᠠᠶᠠᠨᠴᠢᠳᠢ ᠨᠡᠶ᠋ᠢᠲᠡ 41.3 ᠳ᠋ᠦᠩᠰᠢᠭᠤᠷ ᠬᠥᠮᠥᠨ ᠤᠳᠠᠭᠠ ᠬᠦᠷᠭᠡᠵᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 4.7% ᠪᠠᠷ ᠨᠡᠮᠡᠭᠳᠡᠵᠦ᠂ ᠲᠡᠦᠬᠡᠶᠢᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠰᠢᠨᠡ ᠲᠡᠮᠳᠡᠭᠯᠡᠯᠢ ᠡᠭᠦᠳᠪᠡ᠃
✦ ᠲᠦᠷᠦᠭᠦᠬᠡᠨ ᠮᠠᠨᠤ ᠤᠯᠤᠰᠤᠨ ᠪᠡᠶᠡᠪᠡᠨ ᠳᠠᠭᠠᠭᠠᠵᠤ ᠰᠤᠳᠤᠯᠤᠨ ᠦᠢᠯᠡᠳᠦᠭᠰᠡᠨ 10 ᠲᠣᠨᠤ ᠲᠠᠰᠤᠨ ᠴᠠᠬᠢᠯᠭᠠᠨ ᠬᠥᠳᠡᠯᠭᠡᠭᠦᠷᠲᠦ ᠬᠤᠳᠠᠯᠳᠤᠭᠠᠨᠤ ᠬᠡᠷᠡᠭᠯᠡᠭᠡᠨᠦ ᠨᠢᠰᠬᠡᠯ CE - 25A ᠱᠠᠨᠳᠦ᠋ᠩᠦᠨ ᠪᠢᠨᠵᠧᠦᠳᠦ ᠠᠩᠬᠠ ᠤᠳᠠᠭᠠ ᠵᠢᠯᠣᠭᠣᠴᠢᠲᠠᠢ ᠣᠶᠤᠨᠴᠢ ᠨᠢᠰᠦᠯᠲᠡᠶᠢ ᠪᠡᠶᠡᠯᠡᠭᠦᠯᠪᠡ᠃
✦ ᠠᠽᠢᠶᠠ ᠲᠢᠪ ᠨᠣᠮᠣᠬᠠᠨ ᠲᠠᠯᠠᠢᠶᠢᠨ ᠣᠷᠣᠨᠤ ᠠᠵᠤ ᠠᠬᠤᠢᠶᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠭᠤᠴᠢᠨ ᠭᠤᠷᠪᠠᠳᠤᠭᠠᠷ ᠤᠳᠠᠭᠠᠶᠢᠨ ᠤᠳᠤᠷᠢᠳᠬᠤ ᠬᠥᠮᠥᠰᠦᠨ ᠠᠯᠪᠠᠨ ᠶᠣᠰᠣᠨᠤ ᠪᠤᠰᠤ ᠬᠤᠷᠠᠯ 11 ᠰᠠᠷᠠᠶᠢᠨ 18 - 19ᠦ ᠡᠳᠦᠷ ᠪᠣᠯᠲᠠᠯᠠ ᠭᠤᠸᠠᠩᠳᠦ᠋ᠩᠦᠨ ᠱᠧᠨᠵᠧᠨᠳᠦ ᠶᠠᠪᠤᠭᠳᠠᠬᠤᠪᠡᠷ ᠪᠠᠢᠵᠤ᠂ ᠣᠳᠣᠬᠠᠨᠳᠤ ᠡᠯᠡ ᠲᠠᠯᠠᠵᠢᠨ ᠪᠡᠯᠡᠳᠬᠡᠯ ᠠᠵᠢᠯ ᠨᠢᠭᠡᠨᠲᠡ ᠳᠠᠭᠤᠰᠪᠠ᠃
✦ ᠤᠢᠷᠠᠳᠦ ᠠᠵᠤ ᠦᠢᠯᠡᠳᠪᠦᠷᠢ ᠪᠠ ᠮᠡᠳᠡᠭᠡ ᠵᠠᠩᠭᠢᠴᠢᠯᠠᠯᠲᠠᠶᠢᠨ ᠶᠠᠮᠤᠨ ᠵᠡᠷᠭᠡ ᠣᠯᠠᠨ ᠰᠠᠯᠠᠭᠠ ᠮᠥᠴᠢᠷ ᠬᠠᠮᠲᠤᠷᠠᠨ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠭᠰᠠᠨ 《ᠮᠠᠰᠢᠨ ᠲᠡᠷᠭᠡᠶᠢ ᠥᠭᠡᠷᠡᠴᠢᠯᠡᠨ ᠲᠣᠨᠣᠭᠯᠠᠬᠤ ᠵᠢ ᠬᠠᠮᠢᠶᠠᠷᠬᠤ ᠠᠷᠭᠠ》 ᠵᠢᠨ ᠲᠤᠬᠠᠢ ᠢᠯᠡᠪᠡᠷ ᠰᠠᠨᠠᠯ ᠬᠤᠷᠢᠶᠠᠵᠤ ᠡᠬᠢᠯᠡᠪᠡ᠃
✦ 14ᠦ ᠡᠳᠦᠷ᠂ ᠵᠢᠶᠠᠩᠰᠤᠶᠢᠨ ᠴᠠᠩᠵᠸᠦᠶᠢᠨ ᠰᠤᠳᠤᠯᠤᠨ ᠦᠢᠯᠡᠳᠦᠭᠰᠡᠨ ᠵᠢᠯᠣᠭᠣᠴᠢ ᠦᠭᠡᠢ ᠲᠣᠮᠣ᠌ ᠬᠡᠯᠪᠡᠷᠢᠶᠢᠨ ᠪᠠᠷᠠᠭᠠ ᠲᠡᠭᠡᠭᠡᠪᠦᠷᠢᠯᠡᠬᠦ ᠨᠢᠰᠬᠡᠯ W5000 ᠣᠷᠳᠣᠰᠲᠤ ᠲᠤᠷᠰᠢᠨ ᠨᠢᠰᠦᠯᠲᠡᠪᠡᠨ ᠪᠡᠶᠡᠯᠡᠭᠦᠯᠪᠡ᠃ ᠲᠤᠰ ᠨᠢᠰᠬᠡᠯ ᠤᠨ ᠬᠠᠮᠤᠭᠤᠨ ᠶᠡᠬᠡ ᠳᠠᠭᠠᠭᠠᠴᠠᠨᠢ 5 ᠲᠣᠨ᠂ ᠬᠠᠮᠤᠭ ᠬᠤᠯᠠ ᠨᠢᠰᠬᠦ ᠵᠠᠢ ᠨᠢ 2600 ᠺᠢᠯᠣᠮᠧᠲᠷ ᠪᠠᠢᠵᠤ᠂ ᠨᠢᠰᠬᠡᠯᠦᠨ 22 ᠲᠦᠮᠡᠨ ᠰᠡᠯᠪᠢᠭ ᠲᠣᠨᠣᠭᠢ ᠪᠦᠬᠦᠨᠢ ᠤᠯᠤᠰᠲᠠᠭᠠᠨ ᠦᠢᠯᠡᠳᠪᠦᠷᠢᠯᠡᠵᠡᠢ᠃
✦ 11 ᠰᠠᠷᠠᠠᠴᠠ ᠡᠬᠢᠯᠡᠨ ᠬᠢᠩᠭᠠᠨ ᠠᠢᠮᠠᠭ ᠷᠠᠰᠢᠶᠠᠨᠤ ᠴᠠᠰᠤ ᠮᠥᠰᠤᠨᠤ ᠬᠠᠯᠠᠭᠤᠨ ᠷᠠᠰᠢᠶᠠᠨᠢᠶᠠᠷ ᠬᠥᠲᠥᠴᠢ ᠪᠣᠯᠭᠠᠵᠤ᠂ ᠪᠥᠬᠥ ᠠᠢᠮᠠᠭ ᠬᠣᠰᠢᠭᠤ ᠰᠢᠶᠠᠨ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠂ 《ᠴᠠᠰᠥ ᠮᠥᠰᠤᠨᠤ ᠶᠡᠬᠡ ᠬᠢᠩᠭᠠᠨ· ᠳᠤᠮᠤᠭᠤᠨ ᠷᠠᠰᠢᠶᠠᠨ》 ᠵᠢᠠᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠨ ᠠᠷᠪᠠᠨ ᠶᠡᠬᠡ ᠪᠠᠷᠢᠮᠵᠢᠶᠠᠵᠢᠭ᠍ᠰᠠᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠦᠢᠯᠡᠳᠬᠦᠨᠢ ᠭᠠᠷᠭᠠᠵᠤ᠂ 2027 ᠣᠨᠤ 3 ᠰᠠᠷᠠ ᠪᠣᠯᠲᠠᠯᠠ ᠦᠢᠯᠡᠳᠦᠬᠦᠨᠵᠢᠡᠨ ᠪᠦᠬᠦᠨᠢ ᠭᠠᠷᠭᠠᠬᠤ ᠪᠤᠯᠤᠨᠠ᠃
✦ ᠤᠢᠷᠠᠳᠦ ᠪᠦᠬᠦ ᠤᠯᠤᠰᠤᠨ ᠬᠥᠳᠡᠯᠮᠦᠷᠢᠵᠢᠨ ᠵᠢᠱ᠌ᠢᠶᠡᠴᠢ᠂ ᠪᠦᠬᠦ ᠤᠯᠤᠰᠤᠨ ᠡᠯᠡᠰᠦᠷᠬᠡᠭᠵᠢᠯᠢ ᠰᠡᠷᠭᠡᠢᠯᠡᠵᠦ ᠡᠯᠡᠰᠦᠵᠢ ᠵᠠᠰᠠᠭᠰᠠᠨ ᠪᠠᠭᠠᠲᠤᠷ ᠶᠢᠨ ᠢᠦᠢ ᠵᠸᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠵᠢᠨ ᠲᠦᠩᠵᠸᠦ ᠰᠤᠷᠭᠠᠭᠤᠯᠢᠵᠢᠨ ᠲᠤᠭᠤᠷᠢᠭᠲᠦ ᠬᠦᠷᠴᠦ ᠳᠤᠰᠬᠠᠢ ᠮᠡᠳᠡᠭᠦᠯᠦᠯᠲᠡ ᠬᠢᠬᠦᠵᠢᠨ ᠬᠠᠮᠲᠤ᠂ ᠮᠤᠳᠤ ᠳᠠᠷᠢᠵᠤ ᠡᠯᠡᠰᠦᠵᠢ ᠵᠠᠰᠠᠭᠰᠠᠨ ᠲᠡᠮᠡᠴᠡᠯᠤᠨ ᠦᠯᠢᠭᠡᠷᠵᠢᠡᠨ ᠬᠤᠪᠢᠶᠠᠯᠴᠠᠪᠠ᠃ ᠡᠭᠦᠨᠤ ᠬᠠᠮᠲᠤ ᠶᠢᠨ ᠢᠦᠢ ᠵᠸᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠶᠡᠬᠡ ᠰᠤᠷᠭᠠᠭᠤᠯᠢᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢᠵᠢᠨ ᠦᠵᠡᠯ ᠰᠠᠨᠠᠭᠠ ᠤᠯᠤᠰ ᠲᠥᠷᠥᠵᠢᠨ ᠬᠥᠮᠥᠵᠢᠯᠢ ᠨᠢᠭᠡ ᠴᠤᠭᠴᠠᠵᠢᠭᠤᠯᠬᠤ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠵᠢᠨ 《ᠢᠷᠠᠭᠤ ᠠᠯᠳᠠᠷᠲᠤ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠤᠭᠴᠢ》 ᠪᠡᠷ ᠤᠷᠢᠭᠳᠠᠭᠰᠠᠨ ᠪᠠᠢᠨᠠ᠃
ᠠᠵᠤ ᠠᠬᠤᠢ
✦ ᠡᠨᠡ ᠵᠢᠯᠦᠨ ᠲᠦᠷᠦᠭᠦᠦ 10 ᠰᠠᠷᠠᠳᠤ᠂ ᠭᠠᠭᠴᠠᠮᠣᠳᠤ ᠬᠢᠯᠢᠶᠢᠨ ᠪᠣᠭᠣᠮᠲᠠᠶᠢᠨ ᠭᠠᠳᠠᠭᠠᠳᠤᠠᠴᠠ ᠣᠷᠣᠭᠤᠯᠵᠤ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠭᠰᠠᠨ ᠪᠠᠷᠠᠭᠠ 4000 ᠲᠦᠮᠡᠨ ᠲᠣᠨᠢ ᠳᠠᠪᠠᠵᠤ᠂ 4015.4 ᠲᠦᠮᠡᠨ ᠲᠣᠨᠳᠤ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 21.9%ᠪᠠᠷ ᠨᠡᠮᠡᠭᠳᠡᠵᠦ᠂ ᠪᠠᠷᠠᠭᠠᠨᠤ ᠥᠷᠲᠡᠭ ᠨᠢ 690.5 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠲᠦ ᠬᠦᠷᠴᠦ᠂ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 46.2% ᠵᠢᠡᠷ ᠨᠡᠮᠡᠭᠳᠡᠵᠦ᠂ ᠬᠡᠮᠵᠢᠶᠡ ᠨᠢ ᠴᠥᠮ ᠲᠡᠦᠬᠡᠶᠢᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠰᠢᠨᠡ ᠲᠡᠮᠳᠡᠭᠯᠡᠯᠢ ᠡᠭᠦᠳᠪᠡ᠃
ᠲᠠᠮᠢᠷ
✦ 14ᠦ ᠡᠳᠦᠷ᠂ ᠲᠦᠷᠭᠡᠨ ᠲᠡᠰᠢᠯᠲᠡᠶᠢᠨ ᠳᠡᠯᠡᠬᠡᠢᠶᠢᠨ ᠬᠤᠨᠳᠠᠭᠠᠲᠤ ᠤᠷᠤᠯᠳᠤᠭᠠᠨᠤ ᠪᠡᠭᠡᠵᠢᠩ ᠥᠷᠲᠡᠭᠡᠨᠦ ᠡᠷᠡᠭᠲᠡᠢᠶᠢᠨ 1500 ᠮᠧᠲᠷᠦᠨ ᠰᠢᠢᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨᠳᠤ᠂ ᠮᠢᠯᠠᠨᠤ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨᠤ ᠮᠠᠩᠯᠠᠢ ᠨᠢᠩ ᠵᠥᠩ ᠶᠠᠨ ᠠᠯᠲᠠᠨ ᠮᠧᠳᠠᠯ ᠬᠦᠷᠲᠡᠵᠦ᠂ 13ᠤ ᠡᠳᠦᠷ ᠡᠷᠡᠭᠲᠡᠢᠶᠢᠨ 1000 ᠮᠧᠲᠷᠤᠨ ᠲᠦᠷᠭᠡᠨ ᠳᠡᠰᠢᠯᠲᠡᠵᠢᠨ ᠤᠷᠤᠯᠳᠤᠭᠠᠨᠳᠦ ᠮᠠᠩᠯᠠᠢᠯᠠᠭᠰᠠᠨᠤ ᠳᠠᠷᠠᠭᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠩᠭᠢᠳᠤ ᠪᠠᠰᠠ ᠨᠢᠭᠡᠨ ᠠᠯᠲᠠᠨ ᠮᠧᠳᠠᠯ ᠨᠡᠮᠡᠪᠡ᠃
✦ 13ᠤ ᠡᠳᠦᠷ᠂ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠵᠣᠨᠤ ᠤᠯᠠᠷᠢᠯᠤᠨ ᠵᠠᠯᠠᠭᠤᠴᠤᠳᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭᠯᠠᠭᠠᠨ ᠰᠸᠨ᠋ᠸᠭᠠᠯᠤᠨ ᠨᠡᠶ᠋ᠢᠰᠯᠡᠯ ᠳ᠋ᠠᠺᠠᠷᠲᠦ ᠥᠨᠳᠥᠷᠯᠡᠵᠦ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠪᠦᠯᠬᠦᠮ 18 ᠠᠯᠲᠠᠨ ᠮᠧᠳᠠᠯ᠂ 8 ᠮᠥᠩᠭᠥᠨ ᠮᠧᠳᠠᠯ᠂ 7 ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠵᠦ᠂ ᠠᠯᠲᠠᠨ ᠮᠧᠳᠠᠯᠤᠨ ᠵᠢᠭ᠍ᠰᠠᠭᠠᠯᠲᠠ᠂ ᠱᠠᠩᠨᠠᠯᠤᠨ ᠮᠧᠳᠠᠯᠤᠨ ᠵᠢᠭ᠍ᠰᠠᠭᠠᠯᠲᠠᠳᠤ ᠲᠦᠷᠦᠭᠦᠯᠡᠪᠡ᠃
✦ 2026 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ BA ᠬᠤᠨᠳᠠᠭᠠᠲᠤ ᠤᠯᠠᠷᠢᠯᠤᠨ ᠬᠣᠢᠨᠠᠬᠢ ᠤᠷᠤᠯᠳᠤᠭᠠᠨᠤ ᠰᠢᠯᠢᠶᠢᠨ ᠭᠣᠣᠯᠤᠨ ᠭᠣᠣᠯ ᠲᠠᠯᠠᠪᠤᠷᠤᠨ ᠤᠷᠤᠯᠳᠤᠭᠠᠨᠤ ᠪᠢᠯᠧᠲᠢ 14ᠤ ᠡᠳᠦᠷᠡᠴᠡ ᠬᠤᠳᠠᠯᠳᠤᠵᠤ ᠡᠬᠢᠯᠡᠪᠡ᠃ ᠤᠷᠤᠯᠳᠤᠭᠠᠨᠤ ᠶᠠᠪᠤᠴᠠᠶᠢ ᠦᠨᠳᠦᠰᠦᠯᠡᠪᠡᠯ᠂ 11 ᠰᠠᠷᠠᠶᠢᠨ 20ᠤ ᠡᠳᠦᠷᠦᠨ 19᠄ 30ᠲᠤ ᠰᠢᠯᠢᠶᠢᠨ ᠭᠣᠣᠯ ᠠᠢᠮᠠᠭᠤᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠠᠩᠭᠢ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠲᠥᠯᠥᠭᠡᠯᠡᠭᠴᠢᠳᠦᠨ ᠠᠩᠭᠢᠲᠠᠢ ᠤᠷᠤᠯᠳᠤᠬᠤ ᠪᠣᠯᠣᠨᠠ᠃
ᠳᠡᠯᠡᠬᠡᠢ
✦ ᠶᠠᠫᠤᠨᠤ ᠵᠠᠭᠤᠴᠢᠯᠠᠭᠤᠷᠤᠨ 13ᠤ ᠡᠳᠦᠷᠤᠨ ᠮᠡᠳᠡᠭᠡᠵᠢ ᠦᠨᠳᠦᠰᠦᠯᠡᠪᠡᠯ᠂ ᠶᠠᠫᠤᠨᠤ ᠵᠠᠰᠠᠭᠤᠨ ᠣᠷᠳᠣᠨ ᠢᠷᠡᠬᠦ ᠲᠠᠪᠤᠨ ᠵᠢᠯᠳᠦ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠵᠠᠷᠤᠳᠠᠯᠢ ᠶᠡᠬᠡᠪᠡᠷ ᠨᠡᠮᠡᠭᠳᠡᠭᠦᠯᠬᠦᠪᠡᠷ ᠲᠥᠯᠥᠪᠯᠡᠵᠦ᠂ ᠡᠨᠡ ᠵᠢᠯᠦᠨ ᠡᠴᠦᠰᠲᠦ 《ᠠᠮᠤᠷᠢ ᠬᠠᠮᠠᠭᠠᠯᠠᠬᠤ ᠭᠤᠷᠪᠠᠨ ᠪᠢᠴᠢᠭ ᠮᠠᠲᠧᠷᠢᠶᠠᠯ》ᠳᠤ ᠵᠠᠰᠠᠪᠤᠷᠢ ᠣᠷᠣᠭᠤᠯᠬᠤᠳᠠᠭᠠᠨ 2027 — 2031 ᠣᠨ ᠪᠣᠯᠲᠠᠯᠠᠬᠢ ᠡᠳ᠋ᠦᠨ ᠵᠠᠰᠠᠭᠤᠨ ᠣᠨᠤ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ ᠵᠠᠷᠤᠳᠠᠯᠤᠨ ᠪᠦᠬᠦ ᠲᠣᠭᠠᠶᠢ 60 ᠲᠦᠮᠡᠨ ᠳ᠋ᠦᠩᠰᠢᠭᠤᠷ ᠶᠸᠨ (ᠠᠷᠠᠳᠤᠨ ᠵᠣᠭᠣᠰᠢᠶᠠᠷ ᠪᠠᠷᠤᠭ 2.5 ᠲᠦᠮᠡᠨ ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭ) ᠪᠣᠯᠭᠠᠨ ᠳᠡᠭᠡᠭᠰᠢᠯᠡᠭᠦᠯᠬᠦᠪᠡᠷ ᠪᠣᠳᠣᠯᠬᠢᠯᠠᠵᠤ ᠪᠤᠢ᠃
✦ ᠦᠺᠷᠠᠢᠨᠤ ᠶᠡᠷᠦᠩᠬᠡᠢᠯᠡᠭᠴᠢ ᠽᠸᠯᠢᠶᠠᠨᠰᠺᠢ 13ᠤ ᠡᠳᠦᠷ ᠰᠣᠷᠪᠣᠯᠵᠢᠯᠠᠭ᠍ᠴᠢᠳᠤᠨ ᠬᠤᠷᠠᠯ ᠳᠡᠭᠡᠷᠡ ᠢᠯᠡᠷᠬᠡᠢᠯᠡᠬᠦᠳᠡᠭᠡᠨ᠂ ᠠᠮᠧᠷᠢᠺᠠᠶᠢᠨ ᠲᠠᠯᠠᠶᠢᠨ ᠬᠢᠨ ᠠᠩᠬᠠ ᠤᠳᠠᠭᠠ ᠬᠡᠯᠡᠯᠴᠡᠭᠡ ᠬᠢᠬᠦ ᠲᠥᠰᠥᠪᠯᠡᠯ ᠳᠤᠷᠠᠳᠴᠤ᠂ ᠦᠺᠷᠠᠢᠨᠢ᠋ ᠳ᠋ᠤᠨᠪᠠᠰᠤᠨ ᠭᠠᠵᠠᠷ ᠣᠷᠣᠨᠢ ᠲᠠᠶᠠᠭᠳᠠᠭᠤᠯᠬᠤᠪᠡᠷ ᠳᠠᠮᠵᠢᠨ᠂ ᠤᠮᠠᠷᠠᠲᠤ ᠠᠲᠯᠠᠨᠲᠤᠨ ᠳᠠᠯᠠᠢᠶᠢᠨ ᠨᠡᠶ᠋ᠢᠲᠡᠶᠢᠨ ᠭᠡᠷᠡᠶᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠪᠦᠷᠢᠯᠳᠦᠭᠦᠨ ᠤᠯᠤᠰᠤᠨ ᠬᠢᠷᠢ ᠬᠡᠮᠢ ᠤᠯᠭᠤᠬᠤᠪᠡᠷ ᠰᠠᠨᠠᠭᠠᠴᠢᠯᠠᠪᠠ ᠭᠡᠪᠡ᠃
✦ ᠲᠥᠪ ᠲᠸᠯᠸᠢᠰᠤᠨ ᠮᠡᠳᠡᠭᠡᠵᠢ ᠦᠨᠳᠦᠰᠦᠯᠡᠪᠡᠯ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠴᠠᠭᠢᠶᠠᠷ 13ᠤ ᠡᠳᠦᠷ᠂ ᠠᠮᠧᠷᠢᠺᠠᠶᠢᠨ ᠬᠣᠯᠪᠣᠭᠠᠨᠤ ᠠᠭᠠᠷᠤᠨ ᠠᠶᠠᠯᠠᠯᠤᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠲᠣᠪᠴᠢᠶᠠ 《ᠣᠨᠴᠠᠭᠠᠶ ᠪᠠᠢᠳᠠᠯ ᠪᠠ ᠠᠮᠤᠷ ᠲᠦᠪᠰᠢᠨᠦ ᠰᠢᠯᠲᠠᠭᠠᠨ》 ᠵᠢᠡᠷ ᠰᠢᠯᠲᠠᠭ ᠪᠣᠯᠭᠠᠵᠤ᠂ ᠪᠥᠬᠥ ᠤᠯᠤᠰᠤᠨ ᠬᠡᠪᠴᠢᠶᠡᠨᠳᠡᠬᠢ ᠡᠭᠡᠯᠵᠢᠶᠢᠨ ᠨᠢᠰᠬᠡᠯᠦᠨ ᠨᠢᠰᠬᠦᠶᠢ ᠲᠦᠷ ᠵᠣᠭᠰᠤᠭᠠᠬᠤ ᠵᠠᠷᠯᠢᠭ᠋ᠢ ᠨᠡᠢᠲᠡᠯᠡᠵᠦ᠂ 15000 ᠰᠢᠬᠠᠮ ᠡᠭᠡᠯᠵᠢᠶᠢᠨ ᠨᠢᠰᠬᠡᠯᠤᠨ ᠨᠢᠰᠦᠯᠲᠡᠵᠢ ᠵᠤᠭᠰᠤᠭᠠᠭᠰᠠᠨ ᠪᠤᠶᠤ ᠬᠣᠢᠰᠢᠯᠠᠭᠤᠯᠪᠠ᠃
ᠦᠢᠯᠡᠴᠢᠯᠡᠭᠡ
✦ ᠤᠯᠠᠭᠠᠨᠴᠠᠪ ᠬᠣᠲᠠᠶᠢᠨ ᠬᠢᠨᠠᠨ ᠪᠤᠳᠤᠬᠤ ᠲᠣᠪᠴᠢᠶᠠᠶᠢᠨ ᠬᠠᠷᠢᠶᠠ ᠠᠵᠢᠯ ᠦᠢᠯᠡᠰᠦᠨ ᠨᠢᠭᠡᠴᠢ ᠠᠵᠢᠯᠲᠠᠨ ᠡᠯᠰᠡᠬᠦᠪᠡᠷ ᠪᠤᠢ᠃
ᠲᠠᠨᠤ ᠲᠤᠰᠠᠳᠤ
✦ ᠴᠢᠬᠢᠨ ᠤᠨᠵᠢᠯᠭᠠᠶᠢ ᠨᠤᠬᠤᠯᠠᠬᠤ ᠨᠢ ᠳᠠᠷᠤᠢ ᠲᠣᠯᠣᠭᠠᠢᠶᠢᠨ ᠬᠡᠰᠡᠭᠢ ᠢᠯᠢᠵᠦ ᠨᠤᠬᠤᠯᠠᠬᠤᠲᠠᠢ ᠠᠳᠠᠯᠢᠬᠠᠨ ᠪᠠᠢᠳᠠᠭ᠃ ᠥᠪᠡᠷᠦᠨ ᠲᠠᠭᠠᠯᠠᠮᠵᠢᠲᠠᠢ ᠰᠠᠨᠠᠭᠳᠠᠬᠤ ᠠᠷᠭᠠ ᠮᠠᠶᠢᠭ᠋ᠢᠶᠠᠷ ᠴᠢᠬᠢᠨ ᠤᠨᠵᠢᠯᠭᠠᠪᠡᠨ ᠬᠠᠯᠠᠲᠠᠯᠠ ᠨᠤᠬᠤᠯᠠᠪᠠᠯ᠂ ᠲᠠᠷᠢᠬᠢᠶᠢ ᠰᠡᠷᠭᠡᠭ ᠪᠤᠯᠭᠠᠬᠤᠵᠢᠨ ᠬᠠᠮᠲᠤ ᠬᠠᠷᠠᠭᠠᠵᠢ ᠳᠤᠳᠤᠷᠠᠭᠤᠯᠵᠤ᠂ ᠲᠣᠯᠣᠭᠠᠢ ᠡᠪᠡᠳᠬᠦ᠂ ᠴᠢᠬᠢ ᠱᠤᠤᠭᠢᠬᠤᠶᠢ ᠨᠠᠮᠳᠠᠭᠠᠬᠤ ᠦᠢᠯᠡᠳᠦᠯ ᠲᠠᠢ᠃
ᠵᠠᠯᠭᠠᠭᠠᠳ 《ᠪᠡᠶᠠᠨ ᠳᠡᠯᠭᠡᠷ》 ᠬᠡᠬᠦ ᠲᠠᠭᠤᠤ ᠪᠡᠷ ᠠᠶᠠ ᠪᠠᠷᠢᠵᠤ ᠨᠡᠪᠳᠡᠷᠡᠭᠦᠯᠬᠡ ᠪᠡᠨ ᠵᠢᠷᠭᠠᠭᠠᠶᠠ᠂ ᠲᠠ ᠪᠦᠬᠦᠨᠤ ᠬᠦᠯᠢᠶᠡᠨ ᠠᠪᠴᠤ᠌ ᠰᠤᠨᠤᠰᠤᠬ᠍ᠰᠠᠨᠳᠤ ᠪᠠᠶᠠᠷᠯᠠᠯᠠ᠂ ᠪᠠᠶᠠᠷᠳᠠᠢ!
(ᠢᠷᠡᠯᠳᠡ᠄ ᠰᠢᠨᠬᠤᠧᠠ ᠬᠤᠷᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠷᠠᠳᠤᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠠᠵᠤ ᠠᠬᠤᠢ ᠵᠢᠨ ᠡᠳᠦᠷᠤᠨ ᠰᠤᠨᠢᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ᠂ ᠮᠠᠨᠤ ᠤᠷᠤᠨᠤ ᠡᠯᠠ ᠠᠢᠮᠠᠭ ᠬᠤᠳᠠ᠂ ᠬᠤᠰᠢᠭᠤ ᠰᠢᠶᠠᠨᠤ ᠵᠢᠷᠬᠢᠶᠠᠶᠢᠨ ᠲᠠᠪᠴᠠᠩ)
-
ᠨᠠᠢᠷᠠᠭᠤᠯᠤᠭ᠍ᠴᠢ᠄
ᠭᠢᠯᠪᠡᠬᠡᠨ
-
ᠨᠡᠪᠲᠡᠷᠡᠭᠦᠯᠦᠭᠴᠢ᠄
ᠭᠢᠯᠪᠡᠬᠡᠨ
-
ᠮᠡᠷᠭᠡᠵᠢᠯ᠄
ᠬᠤ᠌ ᠰᠠᠷᠠᠨᠠ
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃