ᠤᠷᠮᠠ ᠵᠤᠷᠢᠬᠢ ᠬᠥᠭ᠌ᠵᠢᠭᠡᠭ᠌ᠰᠡᠨ ᠮᠥᠡᠭ᠌ᠭᠦᠨ ᠡᠪᠤᠯᠤᠨ ᠪᠤᠯᠵᠤᠭᠠ᠂ ᠥᠵᠡᠰᠭᠦᠯᠠᠩᠳᠤ ᠰᠠᠢᠬᠠᠨ ᠥᠪᠥᠷ ᠮᠤᠩᠭᠤᠯᠤᠨ ᠪᠠᠢᠭᠤᠯᠤᠯᠳᠠᠶ᠋ᠢ ᠴᠤᠬ᠍ᠴᠠᠯᠠᠨᠠ᠃ ᠬᠤᠷᠢᠨ ᠬᠡᠳᠦᠨ ᠡᠳᠤᠷᠤᠨ ᠲᠠᠷᠠᠭᠠ ᠠᠷᠪᠠᠨ ᠲᠥᠷᠪᠡᠳᠤᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠤᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠡᠬᠢᠯᠠᠯᠳᠠᠶ᠋ᠢᠨ ᠶᠤᠰᠤᠯᠠᠯ ᠬᠥᠯᠥᠨ ᠪᠤᠢᠷ ᠬᠤᠳᠠᠳᠤ ᠥᠪᠡᠳᠡᠭ᠌ᠰᠢ ᠶᠡᠭᠡᠪᠠᠷ ᠶᠠᠪᠤᠬ᠍ᠳᠠᠬᠤ ᠪᠤᠯᠤᠨᠠ᠃ ᠪᠡᠭᠡᠵᠢᠩᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠠᠴᠠ ᠡᠮᠦᠨᠡᠬᠢ ᠤᠯᠤᠰᠤᠨ ᠳᠣᠲᠣᠭᠠᠳᠤᠳᠠᠬᠢ ᠬᠡᠪᠴᠢᠶᠡᠪᠠᠷ ᠬᠠᠮᠤᠭᠤᠨ ᠶᠡᠭᠡ᠂ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠴᠢᠨᠠᠷᠢᠶᠠᠷ ᠬᠠᠮᠤᠭᠤᠨ ᠴᠢᠩᠭᠠ᠂ ᠬᠢᠷᠢ ᠬᠡᠮᠵᠢᠶᠡᠪᠠᠷ ᠬᠠᠮᠤᠭᠤᠨ ᠥᠨᠳᠥᠷ ᠲᠥᠪᠱᠢᠨ ᠪᠥᠬᠦᠢ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠲᠤᠰ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨ ᠡᠪᠤᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯᠤᠨ ᠬᠦᠨᠳᠦ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠭ᠌ᠰᠡᠨᠢᠶᠠᠷ ᠥᠯᠥ᠍ ᠪᠠᠷᠠᠮ᠂ ᠪᠥᠬᠦ᠌ ᠤᠯᠤᠰᠤᠨ ᠡᠯᠠ ᠡᠳᠡᠭᠡᠳᠤᠨᠬᠢᠨᠤ ᠴᠠᠰᠤ ᠮᠥᠰᠥᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠬᠤ ᠤᠷᠮᠠ ᠵᠤᠷᠢᠬᠢ ᠬᠥᠭ᠌ᠵᠢᠬᠡᠬᠦ᠌ 《ᠱᠢᠯᠭᠠᠭᠤᠷ》 ᠤᠨ ᠡᠬᠦᠷᠭᠡᠶ᠋ᠢ ᠴᠤ᠌ ᠡᠬᠦᠷᠭᠡᠯᠡᠭ᠌ᠰᠡᠨ ᠪᠠᠢᠳᠠᠬ᠃
ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠷᠤᠯᠳᠤᠭᠠᠨᠤ ᠲᠥᠷᠥᠯᠲᠠᠢ ᠨᠢᠬᠡᠳᠤᠯᠳᠠᠢ ᠪᠠᠢᠯᠭᠠᠨᠠ
ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠰᠤᠷᠢᠭᠠ ᠪᠤᠯᠪᠠᠰᠤᠷᠠᠯᠤᠨ ᠡᠬᠦᠷᠭᠡᠶ᠋ᠢ ᠡᠬᠦᠷᠭᠡᠯᠡᠭ᠌ᠰᠡᠨᠤ ᠬᠤᠪᠢᠳᠤ᠂ ᠲᠤᠰ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨ ᠡᠯᠠ ᠤᠷᠤᠯᠳᠤᠭᠠᠨᠤ ᠲᠥᠷᠥᠯᠢ ᠲᠤᠬᠢᠷᠠᠭᠤᠯᠬᠤᠳᠠᠭᠠᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠲᠥᠷᠥᠯ ᠵᠦᠶᠯᠲᠠᠢ ᠨᠢᠭᠡᠳᠦᠯᠲᠡᠶ ᠪᠠᠢᠯᠭᠠᠬᠤᠶ᠋ᠢ ᠪᠠᠷᠢᠮᠳᠠᠯᠠᠪᠠ᠃ ᠡᠬᠦᠨᠳᠤ ᠲᠤᠰ ᠬᠤᠭᠤᠴᠠᠭᠠᠨᠤ ᠲᠡᠮᠢᠷᠤᠨ ᠴᠤᠬ᠍ᠯᠠᠭᠠᠨ 7 ᠶᠡᠭᠡ ᠲᠥᠷᠥᠯ᠂ 15 ᠬᠤᠪᠢᠶᠠᠷᠢ ᠲᠥᠷᠥᠯ᠂ 109 ᠪᠠᠭᠠ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨ ᠲᠣᠬᠢᠷᠠᠭᠤᠯᠵᠤ᠂ 2022 ᠣᠨᠤ ᠪᠡᠭᠡᠵᠢᠩᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠲᠥᠷᠥᠯ ᠵᠦᠶᠯᠲᠠᠢ ᠨᠢᠭᠡᠳᠦᠯᠲᠡᠶ ᠪᠤᠯᠭᠠᠪᠠ᠃
ᠡᠭᠦᠨᠠᠴᠠ ᠭᠠᠳᠠᠨᠠ᠂ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠬᠤᠶᠠᠷ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨ᠂ ᠲᠦᠷᠭᠡᠨ ᠲᠡᠱᠢᠯᠲᠡᠶ᠋ᠢ ᠪᠠᠭ᠍ᠲᠠᠭᠠᠭ᠍ᠰᠠᠨ ᠣᠯᠠᠨ ᠲᠥᠷᠥᠯᠳᠤ ᠵᠠᠯᠠᠭᠤᠴᠤᠳᠤᠨ ᠳᠤᠭᠤᠢ᠍ᠯᠠᠩᠤᠨ ᠤᠷᠤᠯᠳᠤᠭᠠᠨ ᠲᠣᠬᠢᠷᠠᠭᠤᠯᠪᠠ； ᠬᠦᠷᠳᠦᠲᠦ ᠲᠡᠱᠢᠯᠲᠡ᠂ ᠬᠦᠷᠳᠦᠲᠦ ᠲᠡᠱᠢᠯᠲᠡᠶ᠋ᠢᠨ ᠮᠥᠰᠤᠨ ᠪᠥᠮᠪᠦᠭᠡ ᠵᠡᠷᠭᠡ ᠤᠷᠤᠯᠳᠤᠭᠠᠨᠤ ᠲᠥᠷᠥᠯᠢ ᠠᠩᠬᠠ ᠤᠳᠠᠭᠠ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠷᠤᠯᠳᠤᠭᠠᠨᠳᠤ ᠤᠷᠤᠭᠤᠯᠪᠠ᠃ ᠱᠢᠨᠡ ᠤᠷᠤᠯᠳᠤᠭᠠᠨᠤ ᠲᠥᠷᠥᠯᠤᠨ ᠲᠤᠬᠢᠷᠠᠭᠤᠯᠤᠯᠳᠠᠨᠢ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠤ ᠴᠢᠳᠠᠪᠤᠷᠢᠲᠠᠨᠤ ᠡᠩᠨᠡᠭᠡᠶ᠋ᠢᠨ ᠪᠤᠵᠠᠭᠠᠢᠷᠠᠯᠳᠠᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠵᠦ᠍᠂ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠬᠤ ᠪᠦᠷᠬᠦᠴᠡᠶ᠋ᠢ ᠥᠷᠭᠡᠳᠭᠡᠬᠦ᠌ ᠪᠣᠯᠤᠨᠠ᠃
ᠲᠤᠰ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠤᠷᠤᠯᠳᠤᠭᠠᠨᠤ ᠲᠥᠷᠥᠯ ᠪᠤᠯᠤᠬ᠍ᠰᠠᠨ ᠭᠤᠯᠭᠤᠭᠤᠷ ᠬᠦᠷᠳᠦ + ᠫᠤᠤᠳᠠᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨ ᠨᠢᠳᠤᠨᠤᠨᠤ 7 ᠰᠠᠷ ᠠᠳᠤ ᠠᠮᠵᠢᠯᠳᠠᠲᠠᠢ ᠶᠠᠪᠤᠬ᠍ᠳᠠᠪᠠ᠃ ᠡᠨᠡᠨᠢ ᠮᠥᠨ ᠴᠦ᠍ ᠵᠣᠨᠤ ᠤᠯᠠᠷᠢᠯᠤᠨ ᠤᠷᠤᠯᠳᠤᠭᠠᠨᠤ ᠲᠥᠷᠥᠯᠢ ᠠᠩᠬᠠ ᠤᠳᠠᠭᠠ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠣᠷᠣᠭᠤᠯᠤᠭ᠍ᠰᠠᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠡᠨᠡ ᠲᠤᠬᠠᠢ ᠥᠪᠥᠷ ᠮᠣᠩᠭᠤᠯᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠯᠢ ᡁᠢ ᠶᠢᠤ᠄ 《ᠡᠨᠡ ᠪᠣᠯ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠲᠥᠷᠥᠯᠢ ᠨᠠᠩ ᠰᠠᠢᠲᠤᠷ ᠲᠦᠭᠡᠮᠡᠯᠵᠢᠭᠦᠯᠵᠦ᠍᠂ ᠪᠡᠭᠡᠵᠢᠩᠤᠨ 2022 ᠣᠨᠤ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠲᠠᠢ ᠨᠠᠩ ᠰᠠᠢᠲᠤᠷ ᠵᠣᠯᠭᠠᠭᠤᠯᠵᠤ᠂ ᠨᠠᠩ ᠣᠯᠠᠨ ᠬᠥᠮᠦᠰᠢ ᠴᠠᠰᠤ ᠮᠥᠰᠥᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ ᠶᠤᠮ》 ᠬᠡᠵᠥ᠍ ᠲᠠᠢᠯᠪᠤᠷᠢᠯᠡᠵᠥ᠍ ᠪᠢᠯᠠ᠃
ᠬᠠᠲᠠᠭᠤ ᠵᠥᠭᠡᠯᠡᠨ ᠲᠣᠨᠤᠭᠢ ᠲᠡᠭᠡᠳᠤ ᠪᠠᠷᠢᠮᠵᠢᠶᠠᠪᠠᠷ ᠤᠬ᠍ᠰᠠᠷᠠᠨᠠ
ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠨᠢ ᠲᠠᠮᠢᠷᠴᠢᠳᠤᠨ ᠨᠢᠭᠡ ᠤᠳᠠᠭᠠᠨᠤ ᠰᠤᠷᠢᠯᠳᠠ ᠪᠣᠯᠬᠤᠪᠠᠷ ᠥᠯᠥ᠍ ᠪᠠᠷᠠᠮ᠂ ᠤᠷᠤᠯᠳᠤᠭᠠᠨᠢ ᠲᠠᠭᠠᠭᠠᠨ ᠬᠥᠢᠴᠡᠳᠭᠡᠭ᠌ᠴᠢᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠪᠠᠰᠠ ᠨᠢᠭᠡ ᠤᠳᠠᠭᠠᠨᠤ ᠬᠠᠳᠠᠭᠤ ᠱᠢᠯᠭᠠᠯᠲᠠ ᠪᠣᠯᠬᠤ ᠶᠤᠮ᠃
ᠥᠨᠳᠥᠷ ᠠᠭᠤᠯᠠᠶ᠋ᠢᠨ ᠴᠡᠨᠡᠯᠡᠯᠲᠡ （ᠮᠡᠷᠭᠡᠵᠢᠯᠤᠨ ᠲᠥᠷᠥᠯ） ᠪᠣᠯᠤᠨ ᠳ᠋ᠠᠩ ᠬᠠᠪᠳᠠᠰᠤᠳᠤ ᠴᠠᠨᠠᠯᠠᠯᠳᠠᠶ᠋ᠢᠨ ᠶᠡᠭᠡ ᠡᠷᠭᠢᠯᠲᠡᠶ᠋ᠢᠨ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨ ᠤᠯᠠᠭᠠᠨᠬᠠᠳᠠ ᠬᠤᠲᠠᠶ᠋ᠢᠨ ᠬᠠᠷᠠᠴᠢᠨ ᠬᠤᠱᠢᠭᠤᠨᠤ ᠮᠠᠢᠷᠠᠨ ᠭᠤᠤ ᠴᠡᠨᠡᠯᠡᠯᠲᠡᠶ᠋ᠢᠨ ᠲᠠᠯᠠᠪᠠᠢᠳᠤ ᠶᠠᠪᠤᠭ᠍ᠳᠠᠵᠠᠢ᠃ ᠡᠭᠦᠨᠳᠤ ᠮᠠᠢᠷᠠᠨ ᠭᠤᠤ ᠴᠡᠨᠡᠯᠡᠯᠲᠡᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ ᠰᠣᠶᠣᠯ ᠵᠤᠭᠠᠴᠠᠯᠤᠨ ᠠᠵᠤ ᠦᠢᠯᠡᠰᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠯᠢᠦ ᠱᠧᠩ᠄ 《ᠮᠠᠢᠷᠠᠨ ᠭᠤᠤ ᠴᠡᠨᠡᠯᠡᠯᠲᠡᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠬᠠᠲᠠᠭᠤ ᠲᠣᠨᠤᠭ ᠲᠥ᠋ᠬᠦᠭᠡᠷᠦᠮᠵᠢᠨᠢ ᠨᠢᠭᠡᠨᠲᠡ ᠣᠯᠠᠨ ᠤᠯᠤᠰᠤᠨ ᠴᠠᠰᠤ ᠮᠥᠰᠥᠨᠤ ᠬᠤᠯᠪᠣᠭᠠᠶ᠋ᠢᠨ ᠨᠤᠳᠠᠯᠠᠯᠳᠡᠶ᠋ᠢ ᠠᠮᠵᠢᠯᠳᠠᠲᠠᠢ ᠦᠩᠭᠡᠷᠡᠭᠡᠭ᠌ᠰᠡᠨ ᠪᠠᠢᠨᠠ》 ᠬᠡᠵᠥ᠍ ᠪᠠᠢᠯᠠ᠃
ᠮᠠᠢᠷᠠᠨ ᠭᠤᠤ ᠥᠨᠳᠤᠷ ᠠᠭᠤᠯᠠᠨᠤ ᠴᠠᠨᠠᠯᠠᠯᠳᠠᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ 600 ᠭᠠᠷᠤᠢ ᠮᠧᠲᠷ ᠤᠷᠳᠤ ᠤᠷᠤᠯᠳᠤᠭᠠᠨᠤ ᠵᠠᠮ ᠪᠠ ᠪᠣᠯᠪᠠᠰᠤᠷᠠᠯᠤᠨ ᠵᠠᠮᠤᠨ ᠬᠤᠶᠠᠷ ᠬᠠᠵᠠᠭᠤᠪᠠᠷ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤ A ᠲᠣᠤᠷ ᠪᠠ B ᠲᠣᠤᠷ ᠤᠭ᠍ᠰᠠᠷᠠᠭ᠍ᠰᠠᠨ ᠪᠠᠢᠳᠠᠭ᠃ ᠥᠨᠳᠥᠷ ᠠᠭᠤᠯᠠᠶ᠋ᠢᠨ ᠴᠡᠨᠡᠯᠡᠯᠲᠡ ᠵᠡᠷᠭᠡ ᠤᠷᠤᠯᠳᠤᠭᠠᠨᠳᠤ ᠲᠠᠮᠢᠷᠴᠢᠳᠤᠨ ᠭᠤᠯᠭᠤᠬᠤ ᠬᠤᠷᠳᠤᠴᠠᠨᠢ ᠮᠠᠰᠢ ᠲᠦᠷᠭᠡᠨ᠂ ᠬᠠᠷᠠᠬᠤᠳᠤ ᠨᠢᠮᠭᠡᠨ ᠪᠤᠯᠪᠠᠴᠤ᠌ ᠡᠨᠡᠬᠦ᠌ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠤᠤᠷᠤᠨ ᠬᠠᠷᠢᠮᠠᠬᠠᠶ ᠴᠢᠨᠠᠷ ᠪᠠ ᠤᠶᠠᠨ ᠬᠠᠳᠠᠨ ᠴᠢᠨᠠᠷᠨᠢ ᠲᠦᠢᠯᠤᠨ ᠰᠠᠢᠨ ᠪᠠᠢᠵᠤ᠂ ᠲᠠᠮᠢᠷᠴᠢᠳᠤᠨ ᠪᠡᠶᠠ ᠮᠠᠬᠠᠪᠤᠳᠤᠨ ᠱᠢᠷᠬᠠᠳᠤᠯᠢ ᠰᠡᠷᠭᠡᠢᠯᠡᠨ ᠬᠠᠮᠠᠭᠠᠯᠠᠬᠤᠳᠤ ᠴᠢᠬᠤᠯᠠ ᠦᠶᠯᠡᠳᠦᠯ ᠦᠵᠡᠭᠦᠯᠳᠡᠭ᠃ ᠯᠢᠦ ᠱᠧᠩᠤᠨ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠪᠣᠶ ᠪᠦᠬᠦᠢ ᠪᠣᠯᠪᠠᠰᠤᠷᠠᠯᠤᠨ ᠵᠠᠮ ᠪᠣᠯᠤᠨ ᠤᠷᠤᠯᠳᠤᠭᠠᠨᠤ ᠵᠠᠮᠳᠤ ᠴᠦᠮ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠣᠤᠷ ᠭᠡᠷᠡᠭ᠌ᠯᠡᠳᠡᠭ᠃ ᠲᠡᠷᠡᠨᠢ ᠴᠥᠮ ᠣᠯᠠᠨ ᠤᠯᠤᠰᠤᠨ ᠴᠠᠰᠤ ᠮᠥᠰᠤᠨᠤ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠬᠤᠯᠪᠣᠭᠠᠳᠤ ᠨᠤᠳᠠᠯᠠᠬ᠍ᠳᠠᠬ᠍ᠰᠠᠨ ᠲᠥᠷᠥᠯ ᠲᠡᠮᠳᠡᠭᠢ ᠬᠡᠷᠡᠭ᠌ᠯᠡᠵᠦ᠍ ᠪᠠᠢᠭᠠ ᠭᠡᠨᠡ᠃
《ᠬᠥᠯᠥᠨ ᠪᠤᠢᠷ ᠬᠤᠳᠠ ᠪᠥᠬᠦ᠌ ᠤᠯᠤᠰᠤᠨ ᠴᠢᠨᠠᠷᠲᠠᠶ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠢ ᠡᠷᠬᠢᠯᠡᠭ᠌ᠰᠡᠨ ᠲᠤᠷᠱᠢᠯᠭᠠ ᠳᠤᠲᠠᠮᠠᠭ᠂ ᠭᠡᠪᠡᠴᠦ᠍ ᠪᠢᠳᠡᠨᠤ ᠰᠠᠢᠨ ᠳᠤᠷᠠᠴᠤᠤᠯᠤᠨ ᠦᠶᠯᠡᠴᠢᠯᠡᠭᠡᠨᠤ ᠠᠵᠢᠯ ᠨᠢᠭ᠍ᠲᠠᠠᠴᠠ ᠨᠢᠭ᠍ᠲᠠ᠂ ᠨᠠᠩ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨᠬᠢ ᠪᠣᠯᠭᠠᠬᠤᠪᠠᠷ ᠴᠢᠷᠮᠠᠢᠨᠠ》 ᠬᠡᠵᠥ᠍ ᠲᠤᠰ ᠬᠤᠭᠤᠴᠠᠭᠠᠨᠤ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠬᠥᠯᠥᠨ ᠪᠤᠢᠷ ᠬᠤᠳᠠᠶ᠋ᠢᠨ ᠭᠦᠶᠴᠡᠳᠭᠡᠬᠦ᠌ ᠺᠤᠮᠢᠰᠤᠨ ᠰᠠᠢᠨ ᠳᠤᠷᠠᠴᠤᠤᠯᠤᠨ ᠦᠶᠯᠡᠴᠢᠯᠡᠭᠡᠨᠤ ᠠᠵᠢᠯᠤᠨ ᠭᠠᠵᠠᠷᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠵᠠᠩ ᠯᠸᠢ ᠢᠲᠡᠭᠡᠯ ᠲᠡᠭᠦᠯᠲᠡᠷ ᠬᠡᠯᠡᠨᠠ᠃
ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠳᠤ 2000 ᠰᠠᠢᠨ ᠳᠤᠷᠠᠴᠤᠤᠯ ᠲᠤᠳᠤᠨᠤ ᠥᠢᠯᠡᠴᠢᠯᠡᠭᠡ ᠬᠠᠨᠭ᠌ᠭᠠᠬᠤᠪᠠᠷ ᠪᠡᠯᠡᠭᠡᠨ ᠪᠤᠯᠪᠠ᠃ ᠬᠥᠯᠥᠨ ᠪᠤᠢᠷ ᠬᠤᠳᠠᠶ᠋ᠢᠨ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠤᠶᠤᠲᠠᠨ ᠮᠧᠩ ᠶᠤᠸᠠᠨ ᠪᠣᠯ ᠲᠡᠲᠡᠨᠤ ᠨᠢᠭᠡ ᠭᠡᠱᠢᠭᠦᠨ ᠪᠣᠯᠬᠤ ᠶᠤᠮ᠃ 《ᠮᠠᠨᠤ ᠨᠤᠲᠤᠭᠲᠤ ᠪᠦᠬᠦ᠌ ᠤᠯᠤᠰᠤᠨ ᠴᠢᠨᠠᠷᠲᠠᠶ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ ᠡᠷᠬᠢᠯᠡᠨ ᠶᠠᠪᠤᠬ᠍ᠳᠠᠭᠤᠯᠵᠥ᠍ ᠪᠠᠢᠬᠤᠳᠤ ᠰᠠᠢᠨ ᠲᠤᠷᠠᠶ᠋ᠢᠨ ᠦᠢᠯᠡᠴᠢᠯᠡᠭᠡᠳᠤ ᠤᠷᠤᠯᠴᠠᠨ᠂ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠨᠢᠭᠡ ᠬᠤᠪᠢ ᠬᠦᠴᠦᠨᠢᠶᠠᠨ ᠡᠷᠭᠦᠬᠦ᠌ ᠪᠤᠯᠤᠬ᠍ᠰᠠᠨᠳᠠᠭᠠᠨ ᠮᠠᠰᠢ ᠶᠡᠭᠡ ᠪᠡᠶᠡᠷᠯᠡᠨ ᠣᠮᠣᠭ᠍ᠰᠢᠵᠤ ᠪᠠᠢᠨᠠ！》 ᠬᠡᠵᠥ᠍ ᠲᠡᠷᠡ ᠬᠡᠯᠡᠨᠠ᠃
《ᠪᠢ ᠨᠢᠭᠡᠨᠲᠡ ᠪᠡᠭᠡᠵᠢᠩᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠰᠠᠢᠨ ᠳᠤᠷᠠᠴᠤᠤᠯᠤᠨ ᠥᠢᠯᠡᠴᠢᠯᠡᠬᠡᠨᠤ ᠡᠩᠨᠡᠭᠡᠳᠤ ᠨᠡᠷᠡ ᠮᠡᠳᠡᠭᠦᠯᠵᠡᠶ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠰᠠᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭᠡᠨᠢ ᠨᠠᠳᠠᠳᠤ ᠨᠠᠩ ᠣᠯᠠᠨ ᠲᠤᠷᠱᠢᠯᠭᠠ ᠬᠤᠷᠠᠮᠳᠤᠭᠤᠯᠤᠨ ᠥᠭ᠌ᠴᠦ᠂ ᠪᠡᠭᠡᠵᠢᠩᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠰᠠᠢᠨ ᠳᠤᠷᠠᠴᠤᠤᠯᠤᠨ ᠦᠢᠯᠡᠴᠢᠯᠡᠭ᠌ᠴᠢ ᠪᠣᠯᠬᠤ ᠬᠥᠰᠡᠯ ᠵᠤᠷᠢᠬᠢ ᠮᠢᠨᠢ ᠨᠡᠩ ᠬᠥᠪᠴᠢᠯᠠᠵᠠᠢ》 ᠬᠡᠵᠥ᠍ ᠮᠸᠡᠭ ᠶᠤᠸᠠᠨ ᠬᠡᠯᠡᠵᠥ᠍ ᠪᠠᠢᠯᠠ᠃
ᠪᠦᠬᠦ᠌ ᠠᠷᠠᠳᠢᠶᠠᠷᠢᠶᠠᠨ ᠴᠠᠰᠤ ᠮᠥᠰᠥᠨᠤ ᠠᠵᠢᠯᠯᠠᠭᠠᠳᠤ ᠤᠷᠤᠯᠴᠠᠨᠠ
ᠨᠠᠩ ᠣᠯᠠᠨ ᠬᠥᠮᠦᠨᠳᠤ ᠴᠠᠰᠤ ᠮᠥᠰᠥᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠢ ᠨᠠᠩ ᠰᠠᠢᠨ ᠮᠡᠳᠡᠷᠡᠭᠦᠯᠵᠦ᠍᠂ ᠲᠡᠳᠡᠨᠢ ᠴᠠᠰᠤ ᠮᠥᠰᠥᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠣᠷᠣᠯᠴᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠳᠤ ᠪᠠᠰᠠ ᠠᠩᠬᠠ ᠤᠳᠠᠭᠠ ᠣᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠳᠠᠢ ᠴᠠᠰᠤᠨ ᠳᠡᠭᠡᠷᠡᠬᠢ ᠬᠥᠯ ᠪᠥᠮᠪᠦᠭᠡ ᠪᠠ ᠮᠥᠰᠥᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠣᠩᠭᠤᠴᠠ ᠭᠡᠬᠦ᠌ ᠬᠤᠶᠠᠷ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨᠢ ᠲᠣᠬᠢᠷᠠᠭᠤᠯᠪᠠ᠃ 18 ᠵᠢᠯᠤᠨ ᠤᠰᠤᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠤᠡᠭ᠌ᠭᠤᠴᠠᠶ᠋ᠢᠨ ᠥᠢᠯᠡᠰᠲᠤ ᠬᠥᠴᠥᠪᠠᠨ ᠱᠢᠪᠬᠠᠵᠥ᠍ ᠶᠠᠪᠤᠬ᠍ᠰᠠᠨ ᠲᠤᠷᠱᠢᠯᠭᠠᠪᠠᠷ ᠥᠯᠡᠮᠵᠢ ᠲᠠᠮᠢᠷᠴᠢᠨ ᠯᠢ ᠶᠢᠩ ᠪᠣᠯ ᠥᠪᠥᠷ ᠮᠣᠩᠭᠤᠯᠤᠨ ᠮᠥᠰᠥᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠤᠡᠭ᠌ᠭᠤᠴᠠᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠠᠩᠭᠢᠶ᠋ᠢᠨ ᠶᠡᠷᠦᠩᠬᠡᠶ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠪᠤᠯᠬᠤ ᠶᠤᠮ᠂ ᠲᠡᠭᠦᠨᠤ ᠲᠠᠭᠠᠭᠤᠯᠤᠨ ᠪᠣᠯᠪᠠᠰᠤᠷᠠᠭᠤᠯᠤᠭ᠍ᠰᠠᠨ ᠡᠷᠡᠭ᠌ᠲᠡᠶ᠂ ᠡᠮᠡᠭ᠌ᠲᠡᠶᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠠᠩᠭᠢᠶ᠋ᠢᠨ ᠲᠠᠮᠢᠷᠴᠢᠨᠤ ᠳᠣᠲᠣᠷᠠ ᠪᠠᠭ᠍ᠰᠢ ᠠᠵᠢᠯᠳᠠᠨ᠂ ᠠᠯᠪᠠᠲᠠᠨ ᠵᠢᠴᠢ ᠮᠠᠯᠴᠢᠨ ᠪᠠᠢᠵᠤ᠂ ᠴᠥᠭᠡᠨ ᠪᠤᠰᠤ ᠲᠠᠮᠢᠷᠴᠢᠨᠨᠢ ᠠᠩᠬᠠ ᠤᠳᠠᠭᠠ ᠡᠨᠡ ᠬᠦ᠌ ᠲᠥᠷᠥᠯᠤᠨ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠵᠥ᠍ ᠪᠤᠢ᠃
《ᠡᠨᠡ ᠤᠳᠠᠭᠠᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠤᠷᠤᠯᠴᠠᠬᠤᠨᠢ ᠮᠥᠨ ᠴᠦ᠍ ᠨᠢᠬᠡᠨ ᠰᠤᠷᠤᠯᠴᠠᠯᠭᠠ ᠮᠥᠨ᠂ ᠤᠷᠤᠯᠳᠤᠭᠠᠨ ᠳᠠᠭᠤᠰᠤᠭ᠍ᠰᠠᠨᠤ ᠳᠠᠷᠠᠭᠠ ᠯᠤᠤᠲᠤ ᠤᠡᠭ᠌ᠭᠤᠴᠠᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠤ ᠲᠤᠬᠠᠢ ᠬᠢᠴᠢᠶᠠᠯ ᠬᠥᠮᠥᠵᠢᠯᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠥᠷᠢᠶᠠᠨᠳᠤ ᠣᠷᠣᠭᠤᠯᠬᠤᠪᠠᠷ ᠴᠢᠷᠮᠠᠢᠵᠥ᠍ ᠪᠠᠢᠨᠠ᠃ 33 ᠨᠠᠰᠤᠲᠠᠶ ᠴᠢ ᠪᠠᠶ ᠬᠤ᠌ ᠪᠣᠯ ᠤᠯᠠᠭᠠᠨᠴᠠᠪ ᠬᠤᠲᠠᠶ᠋ᠢᠨ ᠯᠢᠶᠠᠩᠴᠧᠩ ᠱᠢᠶᠠᠨᠤ ᠨᠢᠭᠡᠨ ᠲᠠᠮᠢᠷᠤᠨ ᠪᠠᠭ᠍ᠰᠢ ᠪᠤᠯᠬᠤ ᠶᠤᠮ᠂ ᠲᠡᠭᠦᠨᠤ ᠨᠤᠲᠤᠭᠲᠤ ᠮᠥᠰᠥᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠣᠩᠭᠤᠴᠠᠨᠤ ᠲᠤᠬᠠᠢ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠢ ᠶᠡᠷᠦᠠᠴᠠ ᠥᠷᠨᠢᠭᠦᠯᠵᠦ᠍ ᠥᠩᠭᠡᠷᠡᠭ᠌ᠰᠡᠨ ᠥᠬᠡᠶ ᠭᠡᠨᠡ》 ᠬᠡᠵᠥ᠍ ᠲᠠᠰᠭᠠᠯᠵᠢᠭᠤᠯᠤᠬ᠍ᠴᠢ ᠯᠢ ᠶᠢᠩ ᠲᠠᠨᠢᠯᠴᠠᠭᠤᠯᠵᠥ᠍ ᠪᠢᠯᠠ᠃
ᠥᠢᠯᠠᠭᠠᠬ᠍ᠰᠠᠨᠢᠶᠠᠷ᠂ ᠮᠥᠰᠥᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠣᠩᠭᠤᠴᠠ ᠪᠣᠯᠤᠨ ᠤᠰᠤᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠣᠩᠭᠤᠴᠠᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠳᠦᠷᠢᠮᠨᠢ ᠶᠡᠭᠡ ᠲᠥᠯᠥᠪ ᠠᠳᠠᠯᠢᠪᠲᠤᠷ ᠪᠣᠯᠪᠠᠴᠤ᠌ ᠥᠪᠡᠷᠮᠢᠴᠡ ᠮᠡᠷᠭᠡᠵᠢᠯᠤᠨ ᠠᠷᠭᠠ ᠪᠠᠷᠢᠯᠲᠠᠢ ᠪᠠᠢᠵᠤ᠂ ᠨᠢᠭᠡ ᠵᠦᠶᠯᠤᠨ ᠰᠡᠳᠡᠯᠲᠡ ᠥᠭ᠌ᠬᠦ ᠮᠥᠷᠲᠡᠭᠡᠨ ᠪᠦᠯᠬᠦᠮᠤᠨ ᠬᠠᠮᠵᠢᠯᠴᠠᠭᠠᠶ᠋ᠢ ᠱᠢᠯᠭᠠᠬᠤ ᠬᠥᠳᠡᠯᠭᠡᠭᠡᠨ ᠪᠣᠯᠤᠨᠠ᠃ ᠯᠢ ᠶᠢᠩᠤᠨ ᠬᠡᠯᠡᠬᠦ᠌ᠪᠠᠷ᠂ ᠣᠯᠠᠨ ᠲᠥᠮᠡᠨᠤ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠬᠤ ᠤᠷᠠᠮᠠᠰ ᠬᠥᠭ᠌ᠵᠢᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠶᠠᠪᠤᠬᠤ ᠲᠤᠲᠤᠮ ᠨᠡᠩ ᠣᠯᠠᠨ ᠬᠥᠮᠦᠰ ᠮᠥᠰᠥᠨ ᠳᠡᠭᠡᠷᠡᠬᠢ ᠯᠤᠤᠲᠤ ᠣᠩᠭᠤᠴᠠᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠪᠠᠭ᠍ᠠᠳᠠᠢ ᠪᠤᠯᠬᠤ ᠶᠤᠮ ᠡ ᠭᠡᠵᠦ᠍ ᠪᠠᠢᠯᠠ᠃
ᠤᠳᠤᠬᠠᠨᠳᠤ ᠤᠷᠮᠠ ᠵᠤᠷᠢᠬᠢ ᠬᠥᠭ᠌ᠵᠢᠭᠡᠭ᠌ᠰᠡᠨ ᠮᠥᠡᠭ᠌ᠭᠦᠨ ᠡᠪᠤᠯᠤᠨ ᠪᠤᠯᠵᠤᠭᠠ ᠤᠯᠠᠨ ᠳᠤᠭᠤᠯᠳᠠᠨᠠ᠃ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠥᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠬ᠍ᠯᠠᠭᠠᠨᠤ ᠭᠤᠤᠯ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠠᠢ ᠬᠥᠯᠥᠨ ᠪᠤᠢᠷ ᠬᠤᠲᠠᠶ᠋ᠢ ᠪᠠᠭ᠍ᠲᠠᠭᠠᠭ᠍ᠰᠠᠨ ᠥᠪᠥᠷ ᠮᠣᠩᠭᠤᠯᠤᠨ ᠣᠯᠠᠨ ᠭᠠᠵᠠᠷᠤᠨᠬᠢᠨ ᠴᠠᠰᠤ ᠮᠥᠰᠤᠨᠤ ᠨᠠᠢᠷ᠂ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠨᠠᠭᠠᠳᠤᠮ ᠵᠡᠷᠭᠡ ᠠᠯᠢ ᠣᠯᠠᠨ ᠠᠵᠢᠯᠯᠠᠭᠠ ᠦᠷᠨᠢᠭᠦᠯᠵᠦ᠍᠂ ᠪᠦᠬᠦ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠠᠴᠠ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠴᠠᠰᠤ ᠮᠥᠰᠤᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠤ ᠪᠠᠭ᠍ᠠᠳᠠᠳᠤᠨ ᠤᠷᠮᠠᠶ᠋ᠢ ᠲᠠᠳᠠᠵᠥ᠍᠂ ᠡᠨᠡ ᠬᠦ᠌ ᠴᠠᠰᠤ ᠮᠥᠰᠤᠨᠤ ᠦᠪᠡᠳᠡᠭ᠌ᠰᠢ ᠴᠤᠭ᠍ᠯᠠᠭᠠᠨᠤ ᠬᠠᠪᠤ ᠴᠠᠩᠭᠡᠯᠢ ᠬᠠᠮᠲᠤᠪᠠᠷ ᠡᠳ᠋ᠯᠡᠬᠦ᠌ ᠵᠠᠪᠱᠢᠶᠠᠨ ᠬᠠᠩᠭᠠᠵᠤ ᠪᠤᠢ᠃
ᠬᠥᠬᠡᠬᠤᠲᠠᠶ᠋ᠢᠨ ᠬᠤᠢᠲᠤ ᠲᠡᠭᠦᠷᠭᠡᠳᠤ ᠪᠠᠢᠭᠠ ᠥᠪᠥᠷ ᠮᠣᠩᠭᠤᠯᠤᠨ ᠮᠣᠷᠢᠨ ᠤᠷᠤᠯᠳᠤᠭᠠᠨᠤ ᠲᠠᠯᠠᠪᠠᠢ ᠴᠤ᠌ ᠤᠷᠴᠢᠮ ᠴᠠᠰᠤ ᠮᠥᠰᠤᠪᠠᠷ ᠬᠤᠴᠢᠬ᠍ᠳᠠᠨ᠂ ᠨᠡᠩ ᠰᠠᠢᠨ ᠦᠵᠡᠮᠦᠷᠢ ᠭᠠᠷᠭᠠᠬᠤᠶ᠋ᠢᠨ ᠲᠦᠯᠦᠭᠡ ᠵᠤᠬᠢᠶᠠᠮᠠᠯ ᠴᠠᠰᠤ ᠮᠥᠰᠤ ᠬᠢᠬᠦ᠌ ᠮᠠᠱᠢᠨ ᠲᠤᠨᠤᠬ ᠴᠤ᠌ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠬ᠍ᠰᠠᠭᠠᠷ᠃ ᠥᠪᠥᠷ ᠮᠣᠩᠭᠤᠯᠤᠨ ᠮᠥᠰᠥᠨ ᠪᠥᠮᠪᠦᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠤᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠯᠢ ᠱᠢᠤᠸᠠᠢ ᠮᠢᠨᠤ ᠬᠡᠯᠡᠬᠦ᠌ᠪᠠᠷ᠂ ᠮᠣᠷᠢᠨ ᠣᠷᠣᠯᠳᠤᠭᠠᠨᠤ ᠲᠠᠯᠠᠪᠠᠢ ᠳᠠᠷᠠᠭᠠᠯᠠᠨ ᠭᠤᠷᠪᠠᠨ ᠵᠢᠯ ᠴᠠᠰᠤ ᠮᠥᠰᠤᠨᠳᠤ ᠬᠤᠴᠢᠭ᠍ᠳᠠᠪᠠ᠃ ᠬᠥᠮᠦᠰᠤᠨ ᠴᠠᠰᠤ ᠮᠥᠰᠥᠨᠤ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠳᠤ ᠤᠷᠤᠯᠴᠠᠬᠤ ᠤᠷᠮᠠ ᠰᠡᠳᠭᠢᠯᠭᠡ ᠠᠭᠠᠵᠢᠮᠢᠶᠠᠷ ᠨᠡᠮᠡᠭ᠌ᠳᠠᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂ ᠠᠳᠡ ᠢᠷᠡᠵᠦ᠍ ᠨᠠᠭᠠᠳᠭᠤ ᠬᠥᠮᠦᠨ ᠴᠦ᠍ ᠶᠠᠪᠤᠬᠤ ᠲᠤᠲᠤᠮ ᠣᠯᠠᠱᠢᠷᠠᠵᠦ᠍ ᠪᠠᠢᠭᠠ ᠠᠵᠢ᠃ ᠥᠢᠯᠠᠭᠠᠬ᠍ᠰᠠᠨᠢᠶᠠᠷ᠂ 2017 — 2018 ᠣᠨᠤ ᠴᠠᠰᠤᠲᠤ ᠤᠯᠠᠷᠢᠯᠳᠤ ᠠᠳᠡ ᠢᠷᠡᠭ᠌ᠰᠡᠨ ᠬᠥᠮᠥᠨᠤ ᠲᠤᠭᠠ ᠲᠥᠮᠡ ᠭᠠᠷᠤᠢ ᠬᠥᠮᠦᠨ ᠤᠳᠠᠭᠠᠶ᠋ᠢ ᠲᠠᠪᠠᠵᠥ᠍᠂ 2018 — 2019 ᠣᠨᠤ ᠴᠠᠰᠤᠲᠤ ᠤᠯᠠᠷᠢᠯ ᠪᠠ ᠤᠳᠤᠬᠠᠨ ᠪᠤᠯᠳᠠᠯᠠ ᠨᠢᠬᠡᠨᠳᠠ 6 ᠲᠦᠮᠡ ᠭᠠᠷᠤᠶ ᠵᠤᠴᠢᠳᠢᠶᠠᠨ ᠤᠬ᠍ᠳᠤᠵᠥ᠍ ᠪᠤᠢ᠃