2019 ᠤᠨᠤ 12 ᠰᠠᠷᠠᠶ᠋ᠢᠨ 27 — 30 ᠤ ᠡᠳᠦᠷ ᠪᠤᠯᠲᠠᠯᠠ᠂ ᠠᠷᠪᠠᠨ ᠳᠦᠷᠪᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠤᠯᠠᠭᠠᠨᠬᠠᠳᠠ ᠤᠷᠤᠯᠳᠤᠭᠠᠨᠤ ᠲᠤᠭᠤᠷᠢᠭᠤᠨ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠤᠷᠤᠯᠳᠤᠭᠠᠨ ᠮᠡᠢᠷᠡᠨ ᠭᠤᠤ ᠴᠠᠨᠠᠯᠠᠯᠲᠠᠶ᠋ᠢᠨ ᠲᠠᠯᠠᠪᠠᠢᠳᠤ ᠢᠳᠡ ᠬᠦᠭᠲᠠᠢ ᠶᠠᠪᠤᠭ᠍ᠳᠠᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠠᠴᠠ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠰᠤᠳᠤᠨ ᠱᠢᠯᠢᠳᠡᠭ ᠲᠠᠮᠢᠷᠴᠢᠳ ᠴᠢᠳᠠᠯ ᠤᠬᠠᠭᠠᠨᠢᠶᠠᠨ ᠱᠢᠯᠭᠠᠵᠤ᠂ ᠮᠦᠰᠦ ᠴᠠᠰᠤᠨᠤ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠤ ᠷᠢᠳᠢ ᠱᠢᠳᠢᠶ᠋ᠢ ᠦᠵᠡᠭ᠌ᠴᠢᠳ ᠤᠯᠠᠨᠳᠤ ᠭᠠᠢᠬᠠᠭᠤᠯᠤᠯᠠ᠃
《ᠡᠨᠡ ᠪᠤᠯ ᠮᠢᠨᠦ᠍ ᠬᠠᠮᠤᠭᠤᠨ ᠠᠩᠬᠠᠨᠤ ᠠᠯᠲᠠᠨ ᠮᠧᠳᠡᠯ ᠪᠤᠯᠤᠨᠠ》 ᠭᠡᠵᠦᠨᠢ ᠶᠤᠸᠠᠢ ᠮᠢᠩ ᠪᠠᠶᠠᠷᠲᠠᠢ ᠬᠡᠯᠡᠨᠡ᠃ ᠡᠮᠡᠭ᠌ᠲᠡᠢᠶ᠋ᠢᠨ ᠳᠤᠭᠤᠢ᠍ᠢᠯᠠᠩᠤᠨ 68 ᠲᠠᠮᠢᠷᠴᠢᠨᠤ ᠳᠤᠮᠳᠠᠠᠴᠠ ᠴᠤᠯᠭᠤᠷᠠᠨ ᠭᠠᠷᠴᠤ᠌᠂ ᠠᠯᠲᠠᠨ ᠮᠧᠳᠡᠯᠢ ᠡᠩᠭᠡᠷᠲᠡᠭᠡᠨ ᠬᠢᠯᠡᠯᠵᠡᠭᠤᠯᠤᠨ ᠵᠤᠭ᠍ᠰᠤᠬᠤᠳᠠᠭᠠᠨ ᠲᠡᠷᠡ ᠠᠴᠢᠳᠤ ᠲᠠᠰᠭᠠᠯᠵᠢᠭᠤᠯᠤᠭ᠍ᠴᠢᠶ᠋ᠢᠨᠢᠶᠠᠨ ᠵᠢᠭᠠᠨ ᠵᠢᠯᠤᠭᠤᠳᠤᠯᠭᠠᠳᠤ ᠲᠠᠯᠠᠷᠬᠠᠬᠤᠪᠠᠨ ᠮᠠᠷᠲᠠᠭᠠ ᠦᠭᠡᠢ᠂ ᠤᠯᠤᠰᠤᠨ ᠰᠠᠢᠨ ᠲᠦᠷᠦᠶ᠋ᠢᠨ ᠪᠤᠳᠤᠯᠭᠠᠠᠴᠠ ᠠᠱᠢᠭ ᠬᠦᠷᠲᠡᠭ᠌ᠰᠡᠨᠢᠶᠠᠨ ᠴᠤ᠌ ᠴᠡᠭᠡᠵᠢᠯᠡᠭ᠌ᠰᠡᠭᠡᠷ᠃ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠤᠷᠤᠯᠳᠤᠭᠠᠨᠢ ᠬᠤᠷᠳᠤᠴᠠᠶ᠋ᠢᠨ ᠲᠦᠷᠦᠯ ᠪᠠ ᠮᠡᠷᠭᠡᠵᠢᠯᠤᠨ ᠲᠦᠷᠦᠯ ᠭᠡᠵᠦ᠍ ᠬᠤᠪᠢᠶᠠᠵᠤ᠂ ᠬᠤᠷᠳᠤᠴᠠᠶ᠋ᠢᠨ ᠲᠦᠷᠦᠯᠳᠤ ᠲᠦᠷᠭᠡᠨ ᠪᠠᠭᠤᠬᠤ᠂ ᠬᠡᠳᠦ ᠶᠡᠭᠡ ᠲᠤᠤᠷ ᠬᠤᠶᠠᠷ ᠲᠦᠷᠦᠯᠢ ᠪᠠᠭ᠍ᠲᠠᠭᠠᠵᠤ᠂ ᠨᠢᠭᠡ ᠤᠳᠠᠭᠠᠨᠤ ᠴᠠᠨᠠᠯᠠᠯᠲᠠ ᠬᠢᠭ᠌ᠰᠡᠨ ᠬᠢᠷᠢ ᠪᠦᠲᠦᠮᠵᠢᠪᠠᠷ ᠤᠷᠤᠯᠳᠤᠭᠠᠨᠤ ᠡᠴᠦᠰᠤᠨ ᠳ᠋ᠦᠩᠢ ᠲᠤᠭ᠍ᠲᠠᠭᠠᠳᠠᠭ᠃ ᠮᠡᠷᠭᠡᠵᠢᠯᠤᠨ ᠲᠦᠷᠦᠯᠳᠤ ᠶᠡᠭᠡ ᠲᠤᠤᠷ ᠪᠡ ᠲᠤᠤᠷᠤᠨ ᠬᠤᠶᠠᠷ ᠲᠦᠷᠦᠯᠢ ᠪᠠᠭ᠍ᠲᠠᠭᠠᠵᠤ᠂ ᠬᠤᠶᠠᠷ ᠤᠳᠠᠭᠠᠨᠤ ᠴᠠᠨᠠᠯᠠᠯᠲᠠ ᠬᠢᠭ᠌ᠰᠡᠨ ᠶᠡᠷᠦᠩᠬᠡᠢ ᠬᠢᠷᠢ ᠪᠦᠲᠦᠮᠵᠢᠪᠠᠷ ᠤᠷᠤᠯᠳᠤᠭᠠᠨᠤ ᠡᠴᠦᠰᠤᠨ ᠳ᠋ᠦᠩᠢ ᠲᠤᠭ᠍ᠲᠠᠭᠠᠨᠠ᠃ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠵᠠᠮ ᠳᠠᠭᠠᠤ ᠤᠯᠠᠭᠠᠨ ᠬᠦᠭᠡ ᠦᠩᠭᠡᠶ᠋ᠢᠨ ᠲᠤᠭᠤᠨ ᠡᠭᠦᠳᠡ ᠪᠤᠰᠭᠠᠵᠤ᠂ ᠲᠠᠮᠢᠷᠴᠢᠳ ᠵᠠᠪᠠᠯ ᠡᠳᠡᠭᠡᠷ ᠡᠭᠦᠳᠡᠶ᠋ᠢ ᠵᠠᠬᠠ ᠳᠠᠷᠠᠭᠠᠯᠠᠨ ᠲᠤᠭᠤᠷᠢᠨ ᠦᠩᠭᠡᠷᠡᠬᠦ᠌ ᠬᠡᠷᠡᠭ᠌ᠲᠡᠢ᠂ ᠤᠷᠬᠢᠭ᠍ᠳᠠᠭᠤᠯᠬᠤ ᠪᠤᠶᠤ ᠳᠡᠭᠡᠭᠦᠷᠨᠢ ᠳᠠᠷᠤᠵᠤ ᠭᠠᠷᠪᠠᠯ ᠳᠦᠷᠢᠮᠠᠴᠠ ᠵᠦᠷᠢᠴᠡᠭ᠌ᠰᠡᠨᠢᠶᠠᠷ ᠪᠤᠳᠤᠳᠠᠭ᠃
12 ᠰᠠᠷᠠᠶ᠋ᠢᠨ 29 ᠤ ᠡᠳᠦᠷᠤᠨ 9᠄ 30 ᠲᠤ᠌᠂ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠲᠤᠤᠷᠤᠨ ᠤᠷᠤᠯᠳᠤᠭᠠᠨ ᠡᠬᠢᠯᠡᠪᠡ᠃ ᠮᠡᠢᠷᠡᠨ ᠭᠤᠤᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠲᠠᠯᠠᠪᠠᠢᠳᠤ ᠮᠠᠨᠠᠨ ᠬᠦᠳᠡᠩ ᠲᠤᠨᠤᠷᠠᠵᠤ᠂ ᠬᠤᠯᠠ ᠤᠢ᠍ᠢᠷᠠᠶ᠋ᠢᠨ ᠪᠠᠷᠠ ᠳᠤᠲᠤᠬᠠᠨ ᠬᠠᠷᠠᠭ᠍ᠳᠠᠬᠤ ᠦᠭᠡᠢ ᠪᠠᠢᠯᠠ᠃ ᠰᠠᠨᠠᠭᠠᠨᠠᠴᠠ ᠭᠠᠳᠠᠭᠤᠷ ᠡᠢᠮᠦᠷᠬᠦᠦ ᠠᠭᠤᠷ ᠠᠮᠢᠰᠭᠤᠯᠨᠢ ᠴᠤ᠌ ᠲᠠᠮᠢᠷᠴᠢᠳᠤᠨ ᠤᠷᠤᠯᠳᠤᠭᠠᠨᠤ ᠬᠢᠷᠢ ᠪᠦᠲᠦᠮᠵᠢᠶ᠋ᠢ ᠦᠴᠦᠬᠡᠨ ᠴᠤ᠌ ᠨᠦᠯᠦᠭᠡᠯᠡᠭ᠌ᠰᠡᠨ ᠦᠭᠡᠢ᠃ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠲᠤᠤᠷᠤᠨ ᠤᠷᠤᠯᠳᠤᠭᠠᠨᠤ ᠡᠷᠡᠭ᠌ᠲᠡᠢᠶ᠋ᠢᠨ ᠳᠤᠭᠤᠢ᠍ᠢᠯᠠᠩᠤᠨ ᠮᠠᠩᠯᠠᠢᠯᠠᠭ᠍ᠴᠢ᠂ ᠭᠢᠷᠢᠨ ᠮᠤᠵᠢᠶ᠋ᠢᠨ ᠲᠦᠯᠦᠭᠡᠯᠡᠭ᠌ᠴᠢᠶ᠋ᠢᠨ ᠪᠦᠯᠭᠦᠮᠤᠨ ᠵᠠᠩ ᠶᠠᠩ ᠮᠢᠩᠤᠨ ᠬᠡᠯᠡᠭ᠌ᠰᠡᠨᠴᠢᠯᠡᠨ 《ᠶᠡᠷᠦᠨᠢ ᠡᠢᠮᠦ᠍ ᠠᠭᠤᠷ ᠠᠮᠢᠰᠭᠤᠯᠳᠤ ᠤᠯᠠᠨ ᠤᠳᠠᠭᠠ ᠪᠤᠯᠪᠠᠰᠤᠷᠠᠵᠤ ᠪᠠᠢᠭ᠍ᠰᠠᠨ ᠪᠤᠯᠬᠤᠷ᠂ ᠡᠨᠡᠨᠢ ᠪᠢᠳᠡᠨᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠰᠠᠨᠠᠭᠠᠱᠢᠷᠠᠮᠠᠷ ᠵᠦᠢᠯ ᠪᠢᠰᠢ᠂ ᠰᠤᠨᠢᠨ ᠶᠠᠪᠤᠳᠠᠯ ᠴᠤ᠌ ᠪᠢᠰᠢ》 ᠪᠠᠢᠵᠠᠢ᠃
ᠲᠤᠰ ᠤᠳᠠᠭᠠᠨᠤ ᠦᠨᠳᠦᠷ ᠠᠭᠤᠯᠠᠶ᠋ᠢᠨ ᠴᠠᠨᠠᠯᠠᠯᠲᠠᠶ᠋ᠢᠨ ᠲᠤᠤᠷᠤᠨ ᠤᠷᠤᠯᠳᠤᠭᠠᠨᠳᠤ ᠬᠠᠷᠠᠮᠦᠷᠡᠨ᠂ ᠭᠢᠷᠢᠨ᠂ ᠱᠢᠨᠵᠢᠶᠠᠩ᠂ ᠦᠪᠦᠷ ᠮᠤᠩᠭᠤᠯ ᠵᠡᠷᠭᠡ 21 ᠲᠦᠯᠦᠭᠡᠯᠡᠭ᠌ᠴᠢᠶ᠋ᠢᠨ ᠪᠦᠯᠬᠦᠮᠤᠨ 112 ᠲᠠᠮᠢᠷᠴᠢᠨ ᠤᠷᠤᠯᠴᠠᠵᠤ᠂ 4 ᠴᠠᠭ ᠭᠠᠷᠤᠢᠶ᠋ᠢᠨ ᠦᠷᠢᠰᠦᠯᠳᠦᠭᠡᠨᠢᠶᠠᠷ ᠳᠠᠮᠵᠢᠨ᠂ ᠳᠤᠮᠳᠠᠳᠤ ᠤᠯᠤᠰᠢ ᠲᠦᠯᠦᠭᠡᠯᠡᠨ 2018 ᠤᠨᠤ ᠴᠠᠩ ᠫᠢᠩᠤᠨ ᠡᠪᠦᠯᠤᠨ ᠤᠯᠠᠷᠢᠯᠤᠨ ᠤᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠤᠷᠤᠯᠴᠠᠭ᠍ᠰᠠᠨ ᠭᠢᠷᠢᠨ ᠮᠤᠵᠢᠶ᠋ᠢᠨ ᠲᠦᠯᠦᠭᠡᠯᠡᠭ᠌ᠴᠢᠶ᠋ᠢᠨ ᠪᠦᠯᠭᠦᠮᠤᠨ ᠵᠠᠩ ᠶᠠᠩ ᠮᠢᠩ ᠡᠷᠡᠭ᠌ᠲᠡᠢᠶ᠋ᠢᠨ ᠳᠤᠭᠤᠢ᠍ᠢᠯᠠᠩᠤᠨ ᠲᠡᠷᠢᠭᠦᠨ ᠨᠡᠷᠡᠰᠲᠤ ᠲᠤᠳᠤᠷᠠᠪᠠ᠃