ᠠᠯᠳᠠᠷ ᠵᠠᠩᠭᠠᠷᠤᠨ ᠭᠠᠪᠢᠶᠠ
ᠠᠷᠤ ᠪᠤᠮᠪᠠᠶ᠋ᠢᠨ ᠵᠢᠷᠭᠠᠯ
ᠠᠮᠵᠢᠯᠳᠠ ᠤᠯᠠᠮᠵᠢᠯᠠᠯᠢᠶᠠᠷ ᠠᠮᠢᠯᠠᠭ᠍ᠳᠠᠨ
ᠠᠯᠳᠠᠨ ᠳᠠᠢᠰᠠᠶ᠋ᠢ ᠬᠡᠷᠡᠯᠳᠦᠭᠦᠯᠦᠯᠡ᠃
ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠤᠨ ᠦᠪ
ᠤᠷᠠᠯᠢᠭ ᠰᠠᠢᠬᠠᠨ ᠱᠢᠳᠠᠷᠠ
ᠤᠷᠠ ᠤᠬᠠᠭᠠᠨᠢᠶᠠᠨ ᠱᠢᠯᠭᠠᠵᠤ
ᠤᠷᠠᠨ ᠰᠡᠢᠯᠪᠤᠷᠢᠪᠠᠨ ᠭᠠᠢᠬᠠᠭᠤᠯᠤᠯᠠ ᠃
11 ᠰᠠᠷᠠᠶ᠋ᠢᠨ 28 ᠤ ᠦᠳᠡᠶ᠋ᠢᠨ ᠬᠤᠢᠨᠠ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠭ᠍ᠴᠢᠳᠤᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠪᠤᠯᠪᠠᠰᠤᠷᠠᠯᠤᠨ ᠲᠦᠯᠦᠪᠯᠡᠭᠡᠶ᠋ᠢᠨ 《ᠵᠠᠩᠭᠠᠷ》 ᠤᠯᠠᠮᠵᠢᠯᠠᠭ᠍ᠴᠢᠳ ᠪᠤᠯᠤᠨ 《ᠮᠤᠩᠭᠤᠯ ᠱᠢᠳᠠᠷᠠ》 ᠶ᠋ᠢᠨ ᠮᠤᠳᠤᠨ ᠰᠡᠢᠯᠦᠮᠡᠯᠤᠨ ᠤᠷᠠ ᠮᠡᠷᠭᠡᠵᠢᠯᠤᠨ ᠤᠯᠠᠮᠵᠢᠯᠠᠭ᠍ᠴᠢᠳᠤᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠶ᠋ᠢᠨ ᠨᠢᠭᠡ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠳᠤ ᠪᠤᠯᠪᠠᠰᠤᠷᠠᠯ ᠳᠡᠭᠦᠰ ᠠᠮᠵᠢᠯᠳᠠᠲᠠᠢ ᠦᠨᠳᠦᠷᠯᠠᠵᠤ᠂ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡᠶ᠋ᠢᠨ ᠳᠤᠭ᠍ᠯᠠᠯᠳᠠᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠠᠭᠤᠤ ᠬᠦᠭ᠌ᠵᠢᠮᠤᠨ ᠳᠢᠩᠬᠢᠮᠳᠤ ᠶᠠᠪᠤᠭ᠍ᠳᠠᠯᠠ᠃
ᠦᠪᠦᠷ ᠮᠤᠩᠭᠤᠯᠤᠨ ᠰᠤᠶᠤᠯ ᠪᠡ ᠵᠢᠭᠤᠯᠴᠢᠯᠠᠯᠤᠨ ᠲᠢᠩᠬᠢᠮ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠭᠡ ᠰᠤᠷᠭᠠᠭᠤᠯᠢᠠᠴᠠ ᠭᠤᠤᠯᠯᠠᠨ ᠡᠷᠬᠢᠯᠡᠭ᠌ᠰᠡᠨ 《ᠵᠠᠩᠭᠠᠷ》 ᠬᠢᠬᠡᠳ 《ᠮᠤᠩᠭᠤᠯ ᠱᠢᠳᠠᠷᠠ》 ᠶ᠋ᠢᠨ ᠮᠤᠳᠤᠨ ᠰᠡᠢᠯᠦᠮᠡᠯᠤᠨ ᠤᠷᠠ ᠮᠡᠷᠭᠡᠵᠢᠯᠨᠢ ᠠᠷᠠᠳᠤᠨ ᠳᠤᠮᠳᠠᠬᠢ ᠪᠢᠰᠢ ᠬᠠᠷᠢᠨ ᠤᠯᠤᠰᠤᠨ ᠲᠦᠯᠦᠪᠵᠢᠭᠦᠯᠭᠡᠪᠠᠷ᠂ ᠭᠠᠭ᠍ᠴᠠ ᠬᠤᠶᠠᠷᠢᠶᠠᠷ ᠪᠢᠰᠢ ᠬᠠᠷᠢᠨ ᠡᠩᠨᠡᠭᠡ ᠠᠩᠬᠢᠪᠠᠷ᠂ ᠰᠠᠯᠤᠩᠬᠢ ᠪᠤᠳᠠᠷᠬᠠᠢ ᠪᠢᠰᠢ ᠬᠠᠷᠢᠨ ᠲᠦᠪᠯᠡᠷᠡᠩᠬᠦᠢ ᠶᠡᠭᠡ ᠬᠡᠪᠴᠢᠶᠡᠪᠠᠷ ᠦᠪᠯᠡᠨ ᠤᠯᠠᠮᠵᠢᠯᠠᠭ᠍ᠳᠠᠵᠤ᠂ ᠨᠢᠭᠡ ᠪᠦᠯᠦᠭ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠭ᠍ᠴᠢᠶ᠋ᠢ ᠬᠦᠮᠦᠵᠢᠭᠦᠯᠦᠨ ᠪᠤᠯᠪᠠᠰᠤᠷᠠᠭᠤᠯᠤᠭ᠍ᠰᠠᠨ ᠪᠠᠢᠨᠠ᠃ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡᠶ᠋ᠢᠨ ᠳᠤᠭ᠍ᠯᠠᠯᠳᠠ ᠳᠡᠭᠡᠷᠡ᠂ 《ᠵᠠᠩᠭᠠᠷᠤᠨ ᠮᠠᠭ᠍ᠳᠠᠭᠠᠯ》᠂ 《ᠮᠤᠩᠭᠤᠯ ᠱᠢᠳᠠᠷᠠᠶ᠋ᠢᠨ ᠮᠠᠭ᠍ᠳᠠᠭᠠᠯ》᠂ 《ᠵᠠᠩᠭᠠᠷᠤᠨ ᠦᠯᠢᠭᠡᠷ》᠂ 《ᠵᠠᠩᠭᠠᠷ ᠬᠤᠶᠠᠭ᠍ᠯᠠᠵᠤ ᠮᠤᠷᠳᠠᠬᠤ》᠂ 《ᠵᠠᠩᠭᠠᠷᠤᠨ ᠠᠷᠪᠠᠨ ᠬᠤᠶᠠᠷ ᠪᠠᠭᠠᠳᠤᠷᠤᠨ ᠮᠠᠭ᠍ᠳᠠᠭᠠᠯ》᠂ 《ᠠᠪᠤᠷᠠᠯᠳᠤ ᠪᠤᠭ᠍ᠳᠠ ᠬᠡᠰᠡᠷ ᠠᠯᠳᠠᠨ ᠳᠡᠯᠡᠭᠡᠢᠳᠤ ᠪᠠᠭᠤᠭ᠍ᠰᠠᠨᠨᠢ》᠂ 《ᠵᠢᠷᠤᠭᠠ ᠬᠡᠭᠡᠷ ᠵᠢᠷᠤᠭᠠ ᠬᠠᠷᠠ》᠂ 《ᠨᠠᠷᠢᠨ ᠬᠦᠭᠡ》᠂ 《ᠵᠠᠩᠭᠠᠷᠤᠨ ᠨᠤᠳᠤᠭ · ᠳᠠᠪᠤᠨ ᠬᠤᠱᠢᠭᠤ ᠮᠠᠯᠤᠨ ᠮᠠᠭ᠍ᠳᠠᠭᠠᠯ》᠂ 《ᠪᠤᠮᠪᠠᠶ᠋ᠢᠨ ᠤᠷᠤᠨᠤ ᠮᠠᠭ᠍ᠳᠠᠭᠤ》᠂ 《ᠤᠷᠭᠤᠭᠠ ᠬᠤᠯᠪᠤᠭᠠ》᠂ 《ᠪᠠᠶᠠᠷᠤᠨ ᠮᠠᠩᠯᠠᠢ ᠪᠠᠶᠠᠰᠭᠤᠯᠠᠩᠳᠤ ᠠᠮᠵᠢᠯᠳᠠ》 ᠬᠡᠬᠦ᠌ ᠠᠷᠪᠠᠨ ᠬᠤᠶᠠᠷ ᠳᠤᠭ᠍ᠯᠠᠯᠳᠠᠨᠢ ᠬᠤᠭᠤᠷ ᠴᠤᠭᠤᠷᠤᠨ ᠡᠭᠡᠱᠢᠭᠢᠶᠠᠷ ᠠᠮᠢᠯᠠᠭ᠍ᠳᠠᠨ᠂ ᠳᠤᠪᠱᠢᠭᠤᠷ ᠬᠡᠩᠭᠡᠷᠭᠡᠶ᠋ᠢᠨ ᠬᠦᠭᠢᠶᠠᠷ ᠪᠤᠰᠴᠤ᠌᠂ ᠬᠦᠬᠡᠮᠠᠢ ᠬᠤᠭᠤᠯᠠᠢᠶ᠋ᠢᠨ ᠤᠶᠠᠩᠭᠠᠪᠠᠷ ᠳᠡᠯᠡᠭᠡᠢ ᠶᠢᠷᠲᠢᠨᠴᠤᠶ᠋ᠢ ᠰᠡᠷᠭᠦᠭᠡᠯᠡ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠬᠦᠭ᠌ᠵᠢᠭᠦᠯᠬᠦ᠌ᠶ᠋ᠢ ᠲᠡᠬᠡᠳᠦ ᠬᠡᠮᠵᠢᠶᠡᠪᠠᠷ ᠴᠢᠬᠤᠯᠠᠴᠢᠯᠠᠨ ᠦᠵᠡᠵᠤ᠂ ᠦᠪᠦᠷ ᠮᠤᠩᠭᠤᠯᠳᠤ ᠱᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤᠳᠠᠭᠠᠨ ᠴᠦᠭᠡᠨ ᠳᠤᠭᠠᠳᠤ ᠦᠨᠳᠦᠰᠦᠲᠡᠨᠤ ᠰᠤᠶᠤᠯᠤᠨ ᠬᠠᠮᠠᠭᠠᠯᠠᠯᠳᠠ ᠪᠠ ᠤᠯᠠᠮᠵᠢᠯᠠᠯᠢ ᠴᠢᠬᠤᠯᠠᠴᠢᠯᠠᠬᠤ ᠬᠡᠷᠡᠭ᠌ᠳᠠᠢ ᠬᠡᠵᠤ ᠵᠢᠭᠠᠵᠤ ᠭᠠᠷᠭᠠᠪᠠ᠃ 《ᠳᠤᠮᠳᠠᠳᠤ ᠤᠯᠤᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠭ᠍ᠴᠢᠳᠤᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠪᠤᠯᠪᠠᠰᠤᠷᠠᠯᠤᠨ ᠲᠦᠯᠦᠪᠯᠡᠭᠡ》 ᠪᠤᠯ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠢ ᠤᠯᠠᠮᠵᠢᠯᠠᠨ ᠬᠠᠮᠠᠭᠠᠯᠬᠠᠤ ᠴᠢᠬᠤᠯᠠ ᠢᠨᠵᠧᠨᠧᠷᠢᠩ ᠪᠠᠢᠵᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠤᠯ ᠲᠤᠰ ᠲᠦᠯᠦᠪᠯᠡᠭᠡᠳᠤ ᠤᠷᠤᠯᠴᠠᠭ᠍ᠰᠠᠨ ᠨᠢᠭᠡᠳᠦᠭᠡᠷ ᠪᠦᠯᠦᠭᠤᠨ ᠶᠡᠭᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠪᠤᠯᠬᠤ ᠶᠤᠮ᠃ ᠲᠤᠰ ᠤᠳᠠᠭᠠᠨᠤ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠪᠠᠷ ᠳᠠᠮᠵᠢᠭᠤᠯᠵᠤ᠂ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠭ᠌ᠴᠢᠳ ᠰᠠᠨᠠᠭᠠ ᠪᠤᠳᠤᠯ᠂ ᠤᠷᠠ ᠮᠡᠷᠭᠡᠵᠢᠯ᠂ ᠤᠨᠤᠯ ᠰᠤᠷᠤᠯᠴᠠᠯᠭᠠᠪᠠᠨ ᠰᠤᠯᠢᠯᠴᠠᠨ᠂ ᠲᠤᠰᠭᠠᠢ ᠰᠡᠳᠦᠪᠳᠦ ᠬᠢᠴᠢᠶᠡᠯ᠂ ᠳᠤᠭᠤᠷᠢᠨ ᠦᠵᠡᠭᠦ᠌᠂ ᠦᠢᠯᠡᠳᠦᠯᠭᠡ ᠵᠡᠷᠭᠡ ᠠᠷᠭᠠ ᠬᠡᠯᠪᠡᠷᠢᠪᠠᠷ ᠬᠠᠷᠠᠭᠠ ᠰᠤᠨᠤᠷᠢᠶᠠᠨ ᠳᠡᠯᠡᠵᠤ᠂ ᠮᠡᠳᠡᠯᠭᠡ ᠮᠡᠳᠡᠴᠡᠪᠠᠨ ᠳᠡᠭᠡᠭ᠌ᠰᠢᠯᠡᠭᠦᠯᠤᠨ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢᠶᠠᠨ ᠰᠠᠢᠬᠠᠨ ᠬᠡᠭ᠌ᠴᠢ ᠦᠪᠯᠡᠨ ᠠᠪᠤᠭ᠍ᠰᠠᠨ ᠪᠠᠢᠨᠠ᠃
ᠦᠪᠦᠷ ᠮᠤᠩᠭᠤᠯᠤᠨ ᠦᠨᠳᠦᠰᠦᠳᠡᠨᠤ ᠵᠠᠩ ᠦᠢᠯᠡ ᠰᠤᠶᠤᠯᠢ ᠰᠤᠳᠤᠯᠬᠤ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠲᠡᠷᠢᠬᠦᠨᠤ ᠳᠤᠰᠭᠠᠢ ᠮᠡᠷᠭᠡᠵᠢᠯᠳᠡᠨ᠂ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠫᠷᠤᠹᠧᠰᠰᠤᠷ ᠵᠠᠭᠠᠷ ᠰᠤᠷᠪᠤᠯᠵᠢᠯᠠᠭᠠ ᠬᠦᠯᠢᠶᠡᠬᠦ᠌ᠳᠡᠭᠡᠨ᠄ 《ᠵᠠᠩᠭᠠᠷᠤᠨ ᠳᠤᠤᠯᠢ ᠪᠤᠯ ᠮᠠᠨᠤ ᠤᠯᠤᠰᠤᠨ ᠭᠤᠷᠪᠠᠨ ᠶᠡᠭᠡ ᠪᠠᠭᠠᠳᠤᠷᠤᠨ ᠳᠤᠤᠯᠢᠶ᠋ᠢᠨ ᠨᠢᠭᠡᠨᠢ ᠪᠠᠢᠵᠤ᠂ ᠮᠦᠨᠴᠦ᠍ ᠳᠡᠯᠡᠭᠡᠢᠶ᠋ᠢᠨ ᠰᠤᠶᠤᠯᠤᠨ ᠰᠠᠩᠳᠤ ᠮᠠᠰᠢ ᠶᠡᠭᠡ ᠠᠯᠳᠠᠷᠳᠠᠢ ᠳᠤᠤᠯᠢ ᠮᠦᠨ᠃ ᠶᠡᠷᠦᠩᠬᠡᠢ ᠱᠦᠵᠢ ᠰᠢᠶ᠋ᠢᠨ ᠫᠢᠩ ᠦᠪᠦᠷ ᠮᠤᠩᠭᠤᠯᠳᠤ ᠢᠷᠡᠵᠤ ᠱᠢᠨᠵᠢᠯᠡᠨ ᠪᠠᠢᠴᠠᠭᠠᠬᠤᠳᠠᠭᠠᠨ ᠬᠡᠰᠡᠷᠤᠨ ᠤᠯᠠᠮᠵᠢᠯᠠᠭ᠍ᠴᠢᠳᠢ ᠬᠦᠯᠢᠶᠡᠨ ᠠᠪᠴᠤ᠌ ᠠᠭᠤᠯᠵᠠᠭᠠᠳ ᠦᠨᠳᠦᠰᠦᠲᠡᠨᠤ ᠱᠢᠯᠢᠳᠡᠭ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠬᠤ ᠴᠢᠬᠤᠯᠠ ᠴᠢᠨᠠᠷᠢ ᠵᠢᠭᠠᠵᠤ ᠭᠠᠷᠭᠠᠭ᠍ᠰᠠᠨ ᠪᠠᠢᠨᠠ᠃ ᠮᠠᠨᠤ ᠡᠨᠡ ᠤᠳᠠᠭᠠᠨᠤ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠶ᠋ᠢᠨ ᠨᠢᠭᠡ ᠠᠭᠤᠯᠭᠠᠨᠢ 〈ᠵᠠᠩᠭᠠᠷ〉 ᠢ ᠤᠯᠠᠮᠵᠢᠯᠠᠬᠤ ᠪᠤᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠡᠨᠡᠨᠢ ᠶᠠᠭ ᠶᠡᠷᠦᠩᠬᠡᠢ ᠱᠦᠵᠢᠶ᠋ᠢᠨ ᠴᠢᠬᠤᠯᠠ ᠵᠢᠭᠠᠪᠤᠷᠢᠶ᠋ᠢᠨ ᠵᠤᠷᠢᠭ ᠰᠠᠨᠠᠭᠠᠶ᠋ᠢ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ ᠪᠠᠢᠭᠠᠶ᠋ᠢᠨ ᠪᠤᠳᠠᠳᠤ ᠢᠯᠡᠷᠡᠯ ᠪᠤᠯᠵᠤ᠂ ᠦᠨᠳᠦᠰᠦᠲᠡᠨᠤ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠵᠠᠯᠭᠠᠮᠵᠢᠯᠠᠨ ᠬᠦᠭ᠌ᠵᠢᠬᠦᠯᠬᠦ᠌ᠶ᠋ᠢᠨ ᠴᠢᠬᠤᠯᠠ ᠨᠢᠭᠡ ᠠᠭᠤᠯᠭᠠ ᠪᠤᠯᠤᠭ᠍ᠰᠠᠨ ᠪᠠᠢᠨᠠ᠃ ᠮᠤᠳᠤᠨ ᠱᠢᠳᠠᠷᠠ ᠪᠤᠯ ᠤᠷᠠ ᠤᠬᠠᠭᠠᠨᠢ ᠬᠠᠷᠠᠭᠤᠯᠤᠭ᠍ᠰᠠᠨ ᠠᠷᠠᠳ ᠤᠯᠠᠨᠤ ᠤᠶᠤᠨᠤ ᠪᠦᠳᠦᠭᠡᠯ ᠮᠦᠨ᠂ ᠮᠤᠩᠭᠤᠯ ᠱᠢᠳᠠᠷᠠᠶ᠋ᠢ ᠳᠤᠭ᠍ᠯᠠᠵᠤ ᠨᠠᠭᠠᠳᠭᠤ ᠳᠠᠯᠠᠪᠠᠷ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠲᠠᠢᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠤᠩᠭᠤᠯ ᠱᠢᠳᠠᠷᠠᠶ᠋ᠢ ᠤᠷᠠᠯᠠᠵᠤ ᠰᠡᠢᠯᠬᠦ᠌ᠨᠢ ᠪᠠᠰᠠ ᠴᠢᠬᠤᠯᠠ ᠨᠢᠭᠡᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠶᠤᠮ᠃ ᠡᠨᠡ ᠤᠳᠠᠭᠠ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠳᠤ ᠤᠷᠤᠯᠴᠠᠭ᠍ᠰᠠᠨ ᠡᠳᠡᠭᠡᠷ ᠠᠷᠠᠳᠤᠨ ᠤᠷᠠᠯᠢᠭ᠍ᠴᠢᠳ ᠤᠨᠤᠯᠤᠨ ᠮᠡᠳᠡᠯᠭᠡᠪᠠᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠳᠡᠭᠡᠭ᠌ᠰᠢᠯᠡᠭᠦᠯᠵᠤ᠂ ᠦᠢᠯᠡᠳᠦᠯᠭᠡᠶ᠋ᠢᠨ ᠳᠤᠮᠳᠠ ᠦᠪᠡᠷ ᠦᠪᠡᠷᠤᠨ ᠠᠪᠢᠶᠠᠰ ᠪᠢᠯᠢᠭᠢᠶᠠᠨ ᠪᠠᠳᠠᠷᠠᠭᠤᠯᠵᠤ᠂ ᠮᠤᠳᠤᠨ ᠰᠡᠢᠯᠦᠮᠡᠯᠤᠨ ᠷᠢᠳᠢ ᠱᠢᠳᠢᠶ᠋ᠢ ᠤᠯᠠᠨᠠ ᠬᠠᠷᠠᠭᠤᠯᠪᠠ᠃ ᠵᠠᠩᠭᠠᠷᠤᠨ ᠳᠤᠤᠯᠢ ᠪᠠ ᠮᠤᠩᠭᠤᠯ ᠱᠢᠳᠠᠷᠠ ᠪᠤᠯ ᠦᠨᠢ ᠤᠳᠠᠭᠠᠨ ᠳᠡᠦᠭᠡᠶ᠋ᠢᠨ ᠤᠷᠤᠰᠭᠠᠯᠢᠶᠠᠷ ᠤᠯᠠᠮᠵᠢᠯᠠᠭ᠍ᠳᠠᠵᠤ ᠢᠷᠡᠭ᠌ᠰᠡᠨ ᠠᠷᠠᠳᠤᠨ ᠤᠷᠠᠯᠢᠭ ᠮᠦᠨ᠂ ᠡᠭᠦᠨᠢ ᠤᠯᠠᠮᠵᠢᠯᠠᠵᠤ ᠵᠠᠯᠭᠠᠮᠵᠢᠯᠠᠵᠤ ᠴᠢᠨᠠᠭ᠍ᠰᠢᠳᠠ ᠤᠬᠠᠭᠤᠯᠤᠨ ᠳᠡᠯᠭᠡᠷᠡᠭᠦᠯᠬᠦ᠌ ᠪᠤᠯ ᠮᠠᠨᠤ ᠡᠮᠦᠨᠡ ᠳᠠᠯᠪᠢᠭ᠍ᠳᠠᠵᠤ ᠪᠠᠢᠭᠠ ᠴᠢᠬᠤᠯᠠ ᠡᠭᠦᠷᠭᠡ ᠮᠦᠨ》 ᠬᠡᠪᠡ᠃
ᠠᠯᠠᠱᠠ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠱᠢᠭᠤᠠᠴᠠ ᠠᠷᠤ ᠬᠤᠷᠴᠢᠨ ᠨᠤᠳᠤᠭ᠂ ᠠᠪᠠᠭᠠ ᠬᠤᠱᠢᠭᠤᠠᠴᠠ ᠬᠤᠷᠴᠢᠨ ᠵᠠᠭᠦᠨ ᠭᠠᠷᠤᠨ ᠬᠤᠢᠳᠦ ᠬᠤᠱᠢᠭᠤ᠂ ᠤᠷᠳᠤᠰ ᠨᠤᠳᠤᠭᠠᠴᠠ ᠬᠦᠪᠡᠭᠡᠳᠤ ᠱᠢᠷᠠ ᠁ ᠪᠦᠬᠦ᠌ ᠤᠷᠤᠨᠤ ᠡᠯᠡ ᠠᠢᠮᠠᠭ ᠬᠤᠱᠢᠭᠤᠠᠴᠠ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠦᠪᠯᠡᠨ ᠤᠯᠠᠮᠵᠢᠯᠠᠭ᠍ᠴᠢᠳ ᠪᠠᠰᠠ ᠪᠤᠳᠤᠯ ᠲᠦᠷᠦᠭ᠌ᠳᠡᠯᠢᠶᠠᠨ ᠬᠤᠪᠢᠶᠠᠯᠴᠠᠯᠠ᠄ ᠪᠢ ᠪᠤᠯ ᠬᠤᠭᠤᠷ ᠪᠠᠷᠢᠵᠤ ᠬᠤᠯᠪᠤᠭᠠ ᠶᠠᠷᠢᠵᠤ ᠬᠡᠰᠡᠷᠤᠨ ᠳᠤᠤᠯᠢ ᠬᠠᠢᠯᠵᠤ ᠪᠠᠢᠭ᠍ᠰᠠᠨ ᠠᠷᠤ ᠬᠤᠷᠴᠢᠨᠤ ᠤᠳᠭᠤᠨᠪᠠᠶᠠᠷ ᠶᠤᠮ᠂ ᠲᠤᠰ ᠤᠳᠠᠭᠠᠨᠤ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠳᠤ ᠤᠷᠤᠯᠴᠠᠭᠠᠳ ᠮᠠᠰᠢ ᠶᠡᠭᠡ ᠤᠯᠤᠯᠳᠠᠲᠠᠢ᠂ ᠵᠠᠩᠭᠠᠷᠤᠨ ᠳᠤᠤᠯᠢᠶ᠋ᠢᠨ ᠳᠤᠬᠠᠢ ᠮᠠᠰᠢ ᠤᠯᠠᠨ ᠤᠢ᠍ᠢᠯᠠᠭᠠᠯᠳᠠᠲᠠᠢ ᠪᠤᠯᠵᠤ᠂ ᠠᠮᠠᠨ ᠤᠷᠠᠯᠢᠭᠤᠨ ᠭᠠᠢᠬᠠᠮᠱᠢᠭᠢ ᠨᠡᠩ ᠬᠦᠨᠵᠡᠭᠡᠢ ᠳᠠᠨᠢᠵᠤ ᠪᠢᠱᠢᠷᠡᠭ᠌ᠰᠡᠨ ᠶᠤᠮ； ᠪᠠᠭ᠍ᠰᠢ ᠨᠠᠷᠠᠴᠠ ᠪᠢᠳᠡᠨᠳᠤ ᠵᠠᠩᠭᠠᠷᠤᠨ ᠳᠤᠤᠯᠢᠶ᠋ᠢᠨ ᠤᠨᠤᠯᠤᠨ ᠳᠤᠬᠠᠢ ᠮᠠᠰᠢ ᠰᠠᠢᠬᠠᠨ ᠬᠢᠴᠢᠶᠡᠯ ᠤᠷᠤᠵᠦ᠍ ᠦᠭ᠌ᠭᠦᠭ᠌ᠰᠡᠨ᠂ ᠤᠯᠠᠨ ᠭᠠᠵᠠᠷᠠᠴᠠ ᠬᠦᠷᠦᠯᠴᠡᠨ ᠢᠷᠡᠭ᠌ᠰᠡᠨ ᠬᠠᠮᠳᠤ ᠰᠤᠷᠤᠭ᠍ᠴᠢᠳᠠᠴᠠᠪᠠᠨ ᠪᠠᠰᠠ ᠤᠯᠠᠨ ᠶᠠᠭᠤᠮᠠ ᠰᠤᠷᠤᠯᠠ； ᠨᠤᠳᠤᠭ ᠨᠤᠳᠤᠭᠤᠨ ᠰᠠᠢᠬᠠᠨ ᠠᠪᠢᠶᠠᠰᠯᠢᠭ ᠬᠦᠮᠦᠰᠲᠠᠢ ᠳᠠᠨᠢᠯᠴᠠᠵᠤ᠂ ᠦᠨᠳᠦᠰᠦᠲᠡᠨᠤᠪᠠᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠢ ᠦᠪᠯᠡᠨ ᠵᠠᠯᠭᠠᠮᠵᠢᠯᠠᠵᠤ ᠶᠠᠪᠤᠬᠤ ᠪᠤᠯ ᠪᠢᠳᠡᠨᠤ ᠳᠠᠷᠬᠠᠨ ᠡᠭᠦᠷᠭᠡ ᠮᠦᠨ᠂ ᠵᠠᠩᠭᠠᠷ ᠤᠷᠠᠯᠢᠭᠢᠶᠠᠨ ᠨᠡᠩ ᠳᠡᠭᠡᠳᠦᠯᠡᠨ ᠬᠦᠨᠳᠦᠯᠡᠵᠤ᠂ ᠨᠡᠩ ᠰᠠᠢᠳᠤᠷ ᠬᠦᠭ᠌ᠵᠢᠭᠦᠯᠦᠨ ᠪᠠᠳᠠᠷᠠᠭᠤᠯᠬᠤᠪᠠᠷ ᠴᠢᠷᠮᠠᠢᠨ ᠠᠵᠢᠯᠯᠠᠨᠠ； ᠤᠤᠯᠨᠢ ᠪᠢ ᠲᠦᠷᠪᠡᠨ ᠤᠳᠠᠰᠤᠳᠤ ᠬᠤᠭᠤᠷᠢᠶᠠᠨ ᠪᠠᠷᠢᠭᠠᠳ ᠦᠯᠢᠭᠡᠷ ᠬᠤᠯᠪᠤᠭᠠ ᠶᠠᠷᠢᠳᠠᠭ ᠪᠠᠢᠯᠠ᠂ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠳᠤ ᠢᠷᠡᠭᠡᠳ ᠳᠤᠪᠱᠢᠭᠤᠷ ᠬᠦᠭ᠌ᠵᠢᠮᠳᠡᠵᠤ ᠵᠠᠩᠭᠠᠷ ᠬᠠᠢᠯᠠᠬᠤᠶ᠋ᠢ ᠰᠤᠷᠤᠯᠠ； ᠤᠤᠯᠨᠢ ᠪᠢ ᠮᠤᠷᠢᠨ ᠬᠤᠭᠤᠷᠢ ᠬᠢᠳᠡᠭ ᠪᠠᠢᠭ᠍ᠰᠠᠨ᠂ ᠡᠨᠡ ᠤᠳᠠᠭᠠ ᠪᠤᠯᠪᠠᠰᠤᠷᠠᠯᠤᠨ ᠠᠩᠬᠢᠳᠤ ᠢᠷᠡᠭᠡᠳ ᠮᠤᠩᠭᠤᠯ ᠱᠢᠳᠠᠷᠠᠶ᠋ᠢ ᠳᠡᠯᠡᠭᠡᠢᠳᠤ ᠳᠦᠯᠬᠢᠵᠤ ᠭᠠᠷᠭᠠᠬ᠍ᠰᠡᠨ ᠠ᠊ · ᠨᠤᠷᠪᠤ ᠪᠠᠭ᠍ᠰᠢᠶ᠋ᠢᠨ ᠭᠠᠷᠤᠨ ᠱᠠᠪᠢ ᠪᠤᠯᠵᠤ ᠠᠮᠵᠢᠯᠳᠠᠲᠠᠢ ᠳᠡᠭᠦᠰᠭᠦ ᠪᠤᠯᠤᠭ᠍ᠰᠠᠨᠳᠠᠭᠠᠨ ᠮᠠᠰᠢ ᠶᠡᠭᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ᠂ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠰᠤᠶᠤᠯ ᠪᠤᠯ ᠠᠭᠤᠳᠠᠯᠤᠭᠠᠳ ᠪᠠᠷᠠᠰᠢ ᠦᠭᠡᠢ ᠰᠠᠩᠤᠨ ᠳᠠᠯᠠᠢ ᠶᠤᠮ᠂ ᠡᠭᠦᠨᠠᠴᠠ ᠬᠤᠵᠢᠮ ᠪᠢ ᠮᠤᠩᠭᠤᠯ ᠱᠢᠳᠠᠷᠠᠪᠠᠨ ᠰᠠᠢᠳᠤᠷ ᠰᠡᠢᠯᠵᠤ᠂ ᠮᠤᠷᠢᠨ ᠬᠤᠭᠤᠷ ᠪᠠ ᠮᠤᠷᠢᠨ ᠡᠳ᠋ᠯᠡᠯᠤᠳᠢᠶᠠᠨ ᠪᠠᠰᠠ ᠤᠷᠠᠯᠢᠭ ᠰᠠᠢᠬᠠᠨ ᠵᠤᠬᠢᠶᠠᠨᠠ； ᠮᠤᠩᠭᠤᠯ ᠱᠢᠳᠠᠷᠠ ᠪᠠ ᠵᠠᠩᠭᠠᠷᠤᠨ ᠳᠤᠤᠯᠢᠶ᠋ᠢ ᠬᠠᠮᠳᠤᠳᠤᠨᠢ ᠰᠤᠷᠤᠯᠴᠠᠭᠤᠯᠤᠭ᠍ᠰᠠᠨ ᠪᠤᠯ ᠶᠡᠭᠡ ᠰᠠᠢᠨ ᠶᠠᠪᠤᠳᠠᠯ ᠶᠤᠮ᠂ ᠮᠤᠩᠭᠤᠯ ᠱᠢᠳᠠᠷᠠᠶ᠋ᠢᠨ ᠤᠯᠠᠮᠵᠢᠯᠠᠭ᠍ᠴᠢ ᠪᠤᠯᠤᠭ᠍ᠰᠠᠨᠤ ᠬᠤᠪᠢᠳᠤ ᠪᠢ ᠡᠨᠡ ᠤᠳᠠᠭᠠᠨᠤ ᠪᠤᠯᠪᠠᠰᠤᠷᠠᠯᠢᠶᠠᠷ ᠳᠠᠮᠵᠢᠵᠤ ᠤᠯᠠᠨ ᠠᠷᠪᠢᠨ ᠵᠠᠩᠭᠠᠷᠴᠢᠲᠠᠢ ᠳᠠᠨᠢᠯᠴᠠᠵᠤ᠂ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠳᠡᠶ᠋ᠢᠨ ᠳᠤᠭ᠍ᠯᠠᠯᠳᠠ ᠳᠡᠭᠡᠷᠡ ᠡᠨᠡ ᠬᠦ᠌ ᠬᠤᠶᠠᠷ ᠰᠤᠶᠤᠯᠢᠶᠠᠨ ᠠᠪᠤᠴᠠᠯᠳᠤᠭᠤᠯᠵᠤ ᠴᠢᠳᠠᠯᠠ᠂ ᠳᠠᠷᠠᠭᠠᠴᠢᠪᠠᠷ ᠱᠢᠳᠠᠷᠠᠶ᠋ᠢᠨ ᠳᠤᠬᠠᠢ ᠤᠯᠠᠨ ᠠᠷᠪᠢᠨ ᠦᠯᠢᠭᠡᠷ ᠬᠤᠯᠪᠤᠭᠠ ᠭᠠᠷᠴᠤ᠌᠂ ᠵᠠᠩᠭᠠᠷᠤᠨ ᠳᠤᠬᠠᠢ ᠪᠠᠰᠠ ᠭᠤᠴᠤ᠌ ᠰᠠᠢᠬᠠᠨ ᠤᠷᠠᠯᠢᠭ ᠭᠠᠷᠬᠤ ᠪᠤᠯᠳᠤᠭᠠᠢ！ ᠁ ᠬᠡᠵᠤ ᠬᠦᠰᠡᠯ ᠵᠦᠩᠨᠡᠯᠢᠶᠠᠨ ᠳᠡᠪᠱᠢᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠳᠤᠮᠳᠠᠳᠤᠶ᠋ᠢᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠬᠦᠨ ᠵᠤᠵᠠᠭᠠᠨ ᠪᠦᠬᠡᠳ ᠦᠨᠢ ᠤᠳᠠᠭᠠᠨ ᠳᠡᠦᠭᠡᠲᠠᠢ᠂ ᠡᠨᠡᠨᠢ ᠮᠠᠨᠤᠰᠤᠨ ᠰᠤᠶᠤᠯᠤᠨ ᠢᠳᠡᠭᠡᠯᠤᠨ ᠡᠬᠢ ᠰᠤᠷᠪᠤᠯᠵᠢ ᠪᠤᠯᠬᠤ ᠶᠤᠮ᠃ ᠵᠠᠩᠭᠠᠷ ᠪᠤᠯ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠤ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠤᠨ ᠦᠪᠤᠨ ᠨᠢᠬᠡᠨᠢ ᠪᠠᠢᠵᠤ ᠪᠠᠭᠠᠳᠤᠷᠤᠨ ᠮᠠᠭ᠍ᠳᠠᠭᠠᠯᠢᠶᠠᠷ ᠳᠠᠮᠵᠢᠭᠤᠯᠤᠨ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠠᠮᠢᠳᠤᠷᠠᠯᠤᠨ ᠬᠦᠰᠡᠯ ᠡᠷᠡᠮᠡᠯᠵᠡᠯ ᠬᠢᠬᠡᠳ ᠭᠤᠸᠠ ᠵᠦᠢᠶ᠋ᠢᠨ ᠬᠦᠬᠡᠭᠡᠴᠡᠯᠳᠦᠯᠢ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠡᠭᠦᠨᠤ ᠵᠡᠷᠭᠡᠴᠡᠭᠡᠪᠠᠷ ᠮᠤᠩᠭᠤᠯ ᠱᠢᠳᠠᠷᠠᠳᠤ ᠬᠦᠨ ᠵᠤᠵᠠᠭᠠᠨ ᠦᠨᠳᠦᠰᠦᠲᠡᠨᠤ ᠰᠤᠶᠤᠯ ᠬᠢᠬᠡᠳ ᠠᠮᠢᠳᠤᠷᠠᠯᠤᠨ ᠬᠦᠨ ᠤᠬᠠᠭᠠᠨ ᠠᠭᠤᠯᠤᠭ᠍ᠳᠠᠵᠤ᠂ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠯᠤᠨ ᠬᠤᠪᠤᠷ ᠴᠤᠬᠠᠭ ᠡᠷᠳᠡᠨᠢᠰ ᠪᠤᠯᠪᠠ᠃ ᠰᠤᠶᠤᠯᠤᠨ ᠦᠪᠤᠨ ᠤᠯᠠᠮᠵᠢᠯᠠᠭ᠍ᠴᠢᠳᠨᠢ ᠤᠯᠠᠮᠵᠢᠯᠠᠭ᠍ᠴᠢ ᠮᠦᠷᠳᠡᠭᠡᠨ ᠳᠠᠮᠵᠢᠭᠤᠯᠤᠭ᠍ᠴᠢ ᠪᠠᠢᠵᠤ᠂ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠢ ᠤᠯᠠᠮᠵᠢᠯᠠᠨ ᠬᠠᠮᠠᠭᠠᠯᠠᠬᠤ ᠤᠷᠳᠤ ᠤᠳᠠᠭᠠᠨ ᠮᠦᠷᠳᠡᠭᠡᠨ ᠬᠦᠨᠳᠦ ᠡᠭᠦᠷᠭᠡᠶ᠋ᠢ ᠡᠭᠦᠷᠭᠡᠯᠡᠨ ᠦᠨᠳᠦᠰᠦᠲᠡᠨᠤ ᠰᠤᠶᠤᠯᠢᠶᠠᠨ ᠦᠪᠯᠡᠨ ᠤᠯᠠᠮᠵᠢᠯᠠᠵᠤ᠂ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠪᠦᠳᠦᠭᠡᠯᠴᠢᠪᠠᠷ ᠬᠤᠪᠢᠷᠠᠭᠤᠯᠤᠨ᠂ ᠱᠢᠨᠡ ᠡᠭᠦᠳᠦᠯᠳᠡᠪᠠᠷ ᠬᠦᠭ᠌ᠵᠢᠭᠦᠯᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠰᠤᠶᠤᠯᠤᠨ ᠴᠡᠴᠡᠭᠡᠰᠤᠨ ᠬᠦᠷᠢᠶᠡᠯᠡᠩᠳᠤ ᠦᠩᠬᠡ ᠨᠡᠮᠡᠷᠢᠯᠡᠬᠦ᠌ᠨᠢ ᠳᠠᠮᠵᠢᠭ ᠦᠭᠡᠢ᠃
