ᠬᠦᠯᠦᠭᠤᠨ ᠵᠢᠪᠬᠤᠭᠠᠶ᠋ᠢ ᠪᠠᠭ᠍ᠠᠲᠤᠬᠤᠢ
ᠬᠤᠯᠠ ᠬᠦᠷᠲᠠᠯᠠ ᠢᠨᠴᠠᠭᠠᠭ᠍ᠰᠠᠨ
ᠬᠤᠷᠳᠤ ᠬᠦᠴᠤᠨᠢ ᠳᠡᠩᠴᠡᠭ᠌ᠰᠠᠨ
ᠰᠠᠯᠬᠢ ᠢᠰᠭᠡᠷᠦᠭᠦᠯᠦᠨ ᠳᠠᠪᠬᠢᠭ᠍ᠰᠠᠨ
ᠰᠠᠢᠬᠠ ᠮᠤᠩᠭᠤᠯ ᠮᠤᠷᠢᠳ ᠁
2020 ᠣᠨᠤ ᠥᠪᠥᠷ ᠮᠣᠩᠭᠤᠯᠤᠨ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠵᠢᠴᠢ ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠤᠯᠤᠨ ᠣᠯᠠᠨ ᠤᠯᠤᠰᠤᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠨᠠᠢᠷᠤᠨ ᠡᠬᠢᠯᠡᠯᠲᠡᠶ᠋ᠢᠨ ᠶᠣᠰᠣᠯᠠᠯ ᠣᠢᠷᠠᠳᠤ ᠦᠪᠡᠳᠡᠭ᠌ᠰᠢ ᠶᠡᠭᠡᠪᠠᠷ ᠶᠠᠪᠣᠭ᠍ᠳᠠᠵᠣ᠂ ᠥᠪᠥᠷ ᠮᠣᠩᠭᠤᠯᠤᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠬᠥᠳᠡᠯᠭᠡᠭᠡᠨᠤ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠲᠥᠪᠤᠨ ᠦᠨᠳᠦᠰᠦᠲᠡᠨᠤ ᠤᠯᠠᠮᠵᠢᠯᠠᠯᠲᠤ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠠᠩᠭᠢᠶ᠋ᠢᠨ 《ᠨᠠᠳᠭᠤᠬᠤ᠂ ᠱᠢᠭᠦᠷᠭᠦ᠌᠂ ᠳᠡᠬᠦᠯᠢᠬᠦ᠂ ᠨᠠᠮᠨᠠᠬᠤ》 ᠲᠣᠭ᠍ᠯᠠᠯᠲᠠ ᠴᠤ᠌ ᠨᠢᠵᠢᠭᠡᠷ ᠰᠠᠢᠬᠠᠨ ᠶᠠᠪᠤᠭ᠍ᠳᠠᠯᠠ᠃
《ᠬᠡᠳᠦ᠋ᠢᠪᠡᠷ ᠴᠡᠭᠡᠨ ᠬᠦᠱᠢᠭᠡᠨ ᠲᠡᠭᠡᠷᠡᠠᠴᠠ ᠬᠠᠷᠠᠭ᠍ᠰᠠᠨ ᠪᠤᠯᠪᠠᠴᠤ᠌ ᠪᠢ ᠮᠣᠩᠭᠤᠯ ᠮᠣᠷᠢᠨᠤ ᠳᠠᠢᠴᠢᠨ ᠵᠢᠪᠬᠤᠭᠠᠶ᠋ᠢ ᠮᠡᠳᠡᠷᠡᠭ᠌ᠰᠡᠨ᠃》 ᠠᠯᠤᠰ ᠬᠤᠯᠠ ᠨᠠᠨᠵᠢᠩ ᠬᠤᠲᠠᠳᠤ ᠪᠠᠢᠶᠭᠠ ᠳ᠋ᠦ᠋ ᠳ᠋ᠧ ᠶᠢᠩ ᠠᠪᠠᠭ᠍ᠠᠶ 8 ᠰᠠᠷᠠᠶ᠋ᠢᠨ 1 ᠤ ᠡᠳᠦᠷᠠᠴᠠ 《ᠲᠠᠯᠠ ᠨᠤᠲᠤᠭ》 ᠱᠢᠯᠵᠢᠶᠠᠶ᠋ᠢᠨ ᠱᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠰᠤᠪᠠᠭᠢᠶᠠᠷ 《2020 ᠣᠨᠤ ᠥᠪᠥᠷ ᠮᠣᠩᠭᠤᠯᠤᠨ ᠮᠣᠷᠢᠨ ᠤᠷᠤᠯᠳᠤᠭᠠᠨ》 ᠢ ᠰᠣᠨᠢᠷᠬᠠᠳᠠᠭ ᠪᠤᠯᠵᠠᠢ᠃
ᠲᠤᠰ ᠬᠤᠭᠤᠴᠠᠭᠠᠨᠤ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠪᠠᠷᠤᠭ 3 ᠰᠠᠷᠠ ᠶᠠᠪᠤᠭ᠍ᠳᠠᠵᠤ᠂ 25 ᠲᠠᠯᠠᠪᠡᠢ ᠤᠷᠤᠯᠳᠤᠭᠠᠨᠢ ᠰᠦᠯᠵᠢᠶᠠᠨ ᠳᠡᠭᠡᠷᠠ ᠱᠢᠭᠤᠳ ᠨᠡᠪᠲᠡᠷᠡᠭᠦᠯᠬᠦ᠌ ᠪᠣᠯᠣᠨᠠ᠃ ᠡᠭᠦᠨᠳᠤ 5 ᠲᠠᠯᠠᠪᠠᠢ ᠬᠤᠷᠳᠤᠨ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ᠂ 4 ᠲᠠᠯᠠᠪᠠᠢ ᠰᠠᠭᠠᠳ ᠳᠠᠪᠠᠭ᠍ᠤ ᠤᠷᠤᠯᠳᠤᠭᠠᠨ᠂ 9 ᠲᠠᠯᠠᠪᠠᠢ ᠤᠯᠠᠮᠵᠢᠯᠠᠯᠲᠤ ᠮᠤᠷᠢᠨ ᠤᠷᠤᠯᠳᠤᠭᠠᠨ᠂ 2 ᠲᠠᠯᠠᠪᠠᠢ ᠡᠮᠨᠢᠭ ᠰᠤᠷᠭᠠᠬᠤ ᠪᠤᠯᠤᠨ ᠮᠤᠷᠢᠨ ᠮᠡᠷᠭᠡᠵᠢᠯᠤᠨ ᠤᠷᠤᠯᠳᠤᠭᠠᠨ ᠵᠢᠴᠢ 7 ᠲᠠᠯᠠᠪᠡᠢ ᠭᠠᠵᠠᠷ ᠤᠷᠤᠨᠤ ᠤᠨᠴᠠᠯᠢᠭ᠍ᠲᠤ ᠠᠳᠤᠭᠤᠨ ᠰᠤᠶᠤᠯᠤᠨ ᠠᠵᠢᠯᠯᠠᠭᠠ ᠪᠠᠭ᠍ᠲᠠᠵᠤ ᠪᠠᠢᠭᠠ ᠠᠵᠢ᠃
ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠤᠯᠤᠨ ᠮᠤᠷᠢᠨ ᠤᠷᠤᠯᠳᠤᠭᠠᠨ 2019 ᠣᠨᠳᠤ ᠶᠠᠪᠤᠭ᠍ᠳᠠᠭ᠍ᠰᠠᠨᠠᠴᠠ ᠨᠠᠭᠠᠰᠢ᠂ ᠲᠡᠷᠡᠨᠢ ᠤᠯᠠᠨ ᠤᠯᠤᠰᠤᠨ ᠬᠡᠯᠪᠡᠷᠢᠶ᠋ᠢᠨ᠂ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠬᠡᠯᠪᠡᠷᠢᠶ᠋ᠢᠨ᠂ ᠬᠤᠷᠱᠢᠯᠴᠠᠬᠤ ᠬᠡᠯᠪᠡᠷᠢᠶ᠋ᠢᠨ ᠤᠷᠤᠯᠳᠤᠭᠠᠨᠤ ᠲᠦᠷᠦᠯ ᠲᠡᠮᠳᠡᠭ ᠪᠤᠯᠤᠭ᠍ᠰᠠᠨ ᠶᠤᠮ᠃ 《ᠥᠪᠥᠷ ᠮᠣᠩᠭᠤᠯᠤᠨ ᠣᠯᠠᠨ ᠤᠯᠤᠰᠤᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠨᠠᠢᠷ》 ᠵᠠᠯᠭᠠᠭᠠᠪᠠᠷ ᠳᠤᠯᠤᠭᠠᠨ ᠬᠤᠭᠤᠴᠠᠭᠠ ᠶᠠᠪᠤᠭ᠍ᠳᠠᠵᠤ᠂ ᠨᠠᠷᠠᠲᠤ ᠲᠦᠷᠦᠯ ᠲᠡᠮᠳᠡᠭᠤᠨ ᠦᠶᠯᠡᠳᠦᠯᠨᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠢᠩᠭᠠᠷᠠᠵᠣ᠂ ᠨᠢᠭᠡᠨᠲᠡ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ 《ᠤᠷᠤᠯᠳᠤᠭᠠᠨᠤ ᠲᠥᠷᠥᠯ ᠵᠦᠶᠯ ᠬᠠᠮᠤᠭᠤᠨ ᠪᠦᠷᠢᠨ᠂ ᠬᠠᠮᠤᠷᠬᠤ ᠬᠡᠪᠴᠢᠶᠡ ᠬᠠᠮᠤᠭᠤᠨ ᠥᠷᠭᠡᠨ᠂ ᠣᠷᠣᠯᠴᠠᠬᠤ ᠬᠥᠮᠦᠨ ᠬᠠᠮᠤᠭᠤᠨ ᠣᠯᠠᠨ᠂ ᠤᠷᠤᠯᠳᠤᠭᠠᠨᠤ ᠬᠡᠪᠴᠢᠶᠡ ᠬᠠᠮᠤᠭᠤᠨ ᠶᠡᠭᠡ》 ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠴᠢᠨᠠᠷᠲᠠᠶ ᠮᠣᠷᠢᠨ ᠤᠷᠤᠯᠳᠤᠭᠠᠨᠤ ᠦᠪᠡᠳᠡᠭ᠌ᠰᠢ ᠴᠤᠭ᠍ᠯᠠᠭᠠᠨ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠤᠨᠴᠠᠯᠠᠨ ᠳᠤᠷᠠᠳᠤᠭᠤᠱᠢᠲᠠᠶᠨᠢ᠂ ᠲᠤᠰ ᠬᠤᠭᠤᠴᠠᠭᠠᠨᠤ ᠤᠷᠤᠯᠳᠤᠭᠠᠨᠳᠤ ᠤᠯᠠᠮᠵᠢᠯᠠᠯᠲᠤ ᠮᠣᠷᠢᠨ ᠤᠷᠤᠯᠳᠤᠭᠠᠨ ᠪᠠ ᠥᠨᠳᠥᠷ ᠲᠦᠪᠱᠢᠨ ᠪᠦᠬᠦᠢ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠤᠷᠤᠯᠳᠤᠭᠠᠨᠢ ᠣᠷᠭᠠᠨᠢᠭᠢᠶᠠᠷ ᠤᠶᠠᠯᠳᠤᠭᠤᠯᠤᠭ᠍ᠰᠠᠨᠨᠢ ᠬᠦᠮᠦᠰᠤᠨ ᠠᠩᠬᠠᠷᠣᠯᠢ ᠶᠡᠭᠡᠪᠠᠷ ᠲᠡᠲᠡᠵᠡᠢ᠃ 8 ᠰᠠᠷᠠᠶ᠋ᠢᠨ 11 ᠤ ᠡᠳᠦᠷ᠂ ᠣᠳᠣ ᠦᠶᠡᠶ᠋ᠢᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠤᠷᠤᠯᠳᠤᠭᠠᠨᠤ ᠲᠡᠷᠢᠭᠦᠨ ᠲᠡᠰᠤᠨ ᠤᠷᠤᠯᠳᠤᠭᠠᠨ — 《ᠪᠡᠭᠡᠵᠢᠩ ᠭᠤᠸᠠᠩᠳᠦ᠋ᠩ ᠥᠪᠥᠷ ᠮᠣᠩᠭᠤᠯ》 ᠤᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠪᠦᠯᠬᠦᠮ ᠨᠡᠢᠲᠡᠶ᠋ᠢᠨ ᠰᠠᠭᠠᠳ ᠳᠠᠪᠠᠭ᠍ᠤ ᠤᠷᠤᠯᠳᠤᠭᠠᠨ ᠬᠦᠬᠡᠬᠤᠲᠠᠳᠤ ᠶᠠᠪᠣᠭ᠍ᠳᠠᠪᠠ᠃ ᠣᠯᠢᠮᠫᠢᠺᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠳᠤ ᠣᠷᠣᠯᠴᠠᠭ᠍ᠰᠠᠨ ᠳᠠᠮᠢᠷᠴᠢᠨ ᠯᠢᠦ ᠲᠦᠩ ᠶᠠᠨ᠂ ᠯᠢᠶᠠᠩ ᠷᠦᠢ ᠵᠢᠶ᠂ ᠵᠧᠩ ᠸᠧᠨ ᠵᠢᠶᠧ ᠨᠡᠷ ᠬᠥᠬᠡᠬᠤᠲᠠᠳᠤ ᠴᠤᠭ᠍ᠯᠠᠷᠠᠵᠤ᠂ ᠤᠷᠠ ᠮᠡᠷᠭᠡᠵᠢᠯᠢᠶᠠᠨ ᠰᠤᠷᠢᠪᠠ᠃ 《ᠪᠢᠳᠡ ᠥᠪᠥᠷ ᠮᠣᠩᠭᠤᠯᠳᠤ ᠤᠷᠤᠯᠳᠤᠭᠠᠨ ᠬᠢᠬᠦ᠌ ᠭᠡᠵᠦ᠍ ᠪᠠᠢᠬᠤᠶ᠋ᠢ ᠰᠣᠨᠣᠰᠤᠩᠭᠤᠲᠠ ᠭᠠᠷᠴᠤ᠌ ᠢᠷᠡᠭ᠌ᠰᠡᠨ ᠶᠤᠮ》 ᠭᠡᠵᠤ ᠭᠤᠸᠠᠩᠳᠦ᠋ᠩ ᠠᠩᠭᠢᠶ᠋ᠢ ᠲᠥᠯᠥᠭᠡᠯᠡᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠭ᠍ᠰᠠᠨ ᠳᠠᠮᠢᠷᠴᠢᠨ ᠯᠢᠶᠠᠩ ᠷᠦᠢ ᠵᠢᠶ ᠬᠡᠯᠡᠨᠠ᠃ 《ᠪᠢᠳᠡᠨᠳᠤ ᠤᠷᠤᠯᠳᠤᠭᠠᠨᠢ ᠰᠠᠢᠲᠤᠷ ᠡᠷᠬᠢᠯᠡᠬᠦ᠌ ᠢᠲᠡᠭᠡᠯ ᠪᠠ ᠴᠢᠳᠠᠪᠤᠷᠢ ᠪᠦ᠍ᠷᠢᠨ ᠪᠤᠢ᠃ ᠵᠦᠪᠭᠡᠨ ᠲᠠᠯᠠᠪᠤᠷᠢᠶᠠᠷ ᠠᠪᠴᠤ᠌ ᠬᠡᠯᠡᠬᠦ᠌ᠳᠤ᠂ ᠥᠪᠥᠷ ᠮᠣᠩᠭᠤᠯᠳᠤ ᠣᠯᠠᠨ ᠤᠯᠤᠰᠤᠨ ᠪᠠ ᠤᠯᠤᠰᠤᠨ ᠲᠠᠰᠤᠨ ᠤᠷᠤᠯᠳᠤᠭᠠᠨᠢ ᠭᠥᠯᠢᠶᠡᠨ ᠠᠪᠴᠤ᠌ ᠴᠢᠳᠠᠬᠤ 9 ᠲᠠᠯᠠᠪᠤᠷ ᠪᠠᠢᠵᠤ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠡᠷᠢᠭᠦᠨᠳᠤ ᠤᠷᠤᠨᠠ》 ᠭᠡᠵᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠨᠡᠢᠭᠡᠮᠯᠢᠭᠤᠨ ᠨᠠᠷᠢᠨ ᠪᠢᠴᠢᠭᠤᠨ ᠳᠠᠷᠤᠭᠠ ᠸᠠᠩ ᠽᠧ ᠲᠤᠤ ᠬᠡᠯᠡᠨᠠ᠃
ᠥᠪᠥᠷ ᠮᠣᠩᠭᠤᠯ ᠪᠣᠯ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠠᠯᠠᠪᠤᠷ ᠣᠷᠳᠣᠨ ᠬᠠᠮᠤᠭᠤᠨ ᠱᠢᠯᠢᠳᠡᠭ᠂ ᠬᠥᠳᠡᠯᠭᠡᠭᠡᠨᠤ ᠬᠢᠷᠢ ᠪᠦᠲᠦᠮᠵᠢ ᠬᠠᠮᠤᠭᠤᠨ ᠰᠠᠢᠨ᠂ ᠠᠵᠤ ᠦᠢᠯᠡᠰᠤᠨ ᠴᠢᠳᠠᠪᠤᠷᠢᠲᠠᠨ ᠬᠠᠮᠤᠭᠤᠨ ᠪᠦᠷᠢᠨ᠂ ᠣᠯᠠᠨ ᠲᠦᠮᠡᠨᠤ ᠣᠷᠣᠯᠴᠠᠬᠤ ᠬᠡᠮᠵᠢᠶᠡ ᠬᠠᠮᠤᠭᠤᠨ ᠥᠨᠳᠥᠷ᠂ ᠠᠳᠤᠭᠤᠨᠤ ᠲᠤᠭᠠ ᠬᠠᠮᠤᠭᠤᠨ ᠣᠯᠠᠨ ᠤᠷᠤᠨ ᠪᠠᠢᠵᠤ᠂ ᠪᠦᠬᠦ᠌ ᠤᠯᠤᠰᠲᠤ ᠳᠠᠭᠠᠭᠤᠯᠬᠤ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ ᠪᠠᠢᠭᠠ ᠶᠤᠮ᠃ ᠥᠪᠥᠷ ᠮᠣᠩᠭᠤᠯ ᠪᠣᠯ ᠳᠡᠯᠡᠬᠡᠢ ᠳ᠋ᠠᠬᠢᠨᠳᠤ ᠮᠡᠳᠡᠷᠡᠭ᠌ᠳᠡᠭ᠌ᠰᠡᠨ ᠤᠳᠤ ᠦᠶᠡᠶ᠋ᠢᠨ ᠠᠳᠤᠭᠤᠨᠤ ᠡᠭᠦᠯᠳᠡᠷᠤᠨ ᠡᠭᠦᠰᠤᠭ᠌ᠰᠡᠨ ᠤᠷᠤᠨ ᠶᠤᠮ᠃ ᠮᠣᠩᠭᠤᠯ ᠠᠳᠤᠭᠤ᠂ ᠣᠷᠴᠣᠨ ᠠᠳᠤᠭᠤ᠂ ᠠᠪᠠᠭᠠ ᠬᠠᠷᠠ ᠠᠳᠤᠭᠤ᠂ ᠱᠢᠨᠡᠬᠡᠨ ᠠᠳᠤᠭᠤ ᠵᠡᠷᠭᠡ ᠣᠷᠣᠨ ᠨᠤᠲᠤᠭᠤᠨ ᠠᠳᠤᠭᠤᠨᠤ ᠡᠭᠦᠯᠳᠡᠷᠲᠠᠢ᠂ ᠪᠠᠰᠠ ᠰᠠᠨ ᠾᠧ ᠠᠳᠤᠭᠤ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠳᠤᠭᠤ᠂ ᠬᠤᠷᠴᠢᠨ ᠠᠳᠤᠭᠤᠶ᠋ᠢ ᠦᠰᠭᠡᠨ ᠦᠷᠡᠵᠢᠭᠦᠯᠵᠤ᠂ ᠪᠦᠬᠦ᠌ ᠤᠯᠤᠰᠤᠨ ᠠᠳᠤᠭᠤᠨᠤ ᠡᠭᠦᠯᠳᠡᠷᠢ ᠬᠠᠮᠤᠭᠤᠨ ᠠᠷᠪᠢᠨ ᠦᠰᠭᠡᠨ ᠦᠷᠡᠵᠢᠭᠦᠯᠦᠭ᠌ᠰᠡᠨ ᠭᠠᠵᠠᠷ ᠣᠷᠣᠨᠤ ᠨᠢᠭᠡ ᠪᠤᠯᠤᠭ᠍ᠰᠠᠨ ᠶᠤᠮ᠃ ᠦᠢᠷᠡᠶ᠋ᠢᠨ ᠵᠢᠯᠳᠤ ᠥᠪᠥᠷ ᠮᠣᠩᠭᠤᠯᠤᠨ ᠡᠯᠡ ᠭᠠᠵᠠᠷᠲᠤ ᠤᠷᠢᠳ ᠬᠤᠵᠢᠳ ᠴᠡᠪᠡᠷ ᠴᠢᠰᠤᠨᠤ ᠠᠳᠤᠭᠤ᠂ ᠠᠷᠠᠪ ᠠᠳᠤᠭᠤ᠂ ᠠᠯᠠᠭ ᠠᠳᠤᠭᠤ ᠵᠡᠷᠭᠡ ᠤᠯᠠᠨ ᠡᠭᠦᠯᠳᠡᠷᠢ ᠣᠷᠣᠭᠤᠯᠤᠨ ᠠᠪᠴᠢᠷᠠᠵᠤ᠂ ᠠᠳᠤᠭᠤᠨᠤ ᠲᠤᠭᠠ ᠪᠥᠬᠦ᠌ ᠤᠯᠤᠰᠲᠤ ᠲᠡᠷᠢᠭᠦᠯᠡᠪᠡ᠃ ᠥᠪᠥᠷ ᠮᠣᠩᠭᠤᠯᠤᠨ ᠠᠳᠤᠭᠤᠪᠠᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠡᠨᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ᠂ ᠰᠤᠷᠭᠠᠭᠤᠯᠢ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ᠂ ᠤᠷᠤᠯᠳᠤᠭᠠᠨ ᠦᠵᠡᠭᠦᠯᠭᠡ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨ ᠵᠡᠷᠭᠡ ᠣᠯᠠᠨ ᠬᠦᠷᠢᠶᠡ ᠴᠠᠷᠠᠶ᠋ᠢ ᠬᠠᠮᠤᠷᠳᠠᠭ᠃
— ᠥᠪᠥᠷ ᠮᠣᠩᠭᠤᠯᠤᠨ ᠠᠳᠤᠭᠤᠨᠤ ᠱᠢᠨᠵᠢᠯᠡᠭᠡᠨᠤ ᠨᠡᠢᠭᠡᠮᠯᠢᠭᠤᠨ ᠳᠠᠷᠤᠭᠠ᠂ ᠥᠪᠥᠷ ᠮᠣᠩᠭᠤᠯᠤᠨ ᠲᠠᠷᠢᠶᠠᠯᠠᠩᠤᠨ ᠶᠡᠭᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠫᠷᠤᠹᠧᠰᠰᠤᠷ ᠮᠠᠩᠯᠠᠶ ᠪᠣᠯᠤᠨ ᠲᠡᠭᠦᠨᠤ ᠪᠦᠯᠬᠦᠮ ᠮᠣᠩᠭᠤᠯ ᠠᠳᠤᠭᠤᠨᠤ ᠣᠨᠴᠠᠯᠢᠭ᠍ᠲᠤ ᠭᠧᠨᠢ ᠠᠭᠤᠳᠠᠯᠤᠨ ᠰᠤᠳᠤᠯᠬᠤ ᠪᠠ ᠦᠷᠡ ᠡᠳ᠋ᠤᠨ ᠡᠬᠢ ᠪᠠᠶᠠᠯᠢᠭᠢ ᠬᠠᠮᠠᠭᠠᠯᠠᠬᠤ ᠠᠵᠢᠯᠳᠤ ᠬᠦᠴᠦ᠍ ᠲᠠᠯᠪᠢᠵᠤ᠂ ᠮᠠᠨᠤ ᠣᠷᠣᠨᠤ ᠠᠳᠤᠭᠤᠨᠤ ᠠᠵᠤ ᠦᠢᠯᠡᠰᠤᠨ ᠲᠦᠷᠭᠡᠨ ᠪᠥᠭᠡᠳ ᠡᠷᠡᠭᠦᠯᠢᠶᠠᠷ ᠬᠥᠭ᠌ᠵᠢᠬᠦ᠌ᠳᠤ ᠬᠦᠴᠦᠷᠬᠡᠭ ᠶᠡᠭᠡ ᠣᠨᠣᠯ ᠪᠠ ᠮᠡᠷᠭᠡᠵᠢᠯᠤᠨ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠪᠠ᠃
— ᠱᠢᠯᠢᠶ᠋ᠢᠨ ᠭᠤᠤᠯ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠬᠥᠯᠥᠨ ᠪᠤᠢᠷ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ᠂ ᠬᠢᠩᠭᠠᠨ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠶᠡᠭᠡ ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠳᠤᠮᠳᠠ ᠵᠡᠷᠭᠡᠶ᠋ᠢᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠰᠤᠷᠭᠠᠭᠤᠯᠢ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯ ᠨᠡᠭᠡᠭᠡᠵᠦ᠍᠂ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠦᠵᠢᠭᠦᠯᠪᠡ᠃ ᠥᠪᠥᠷ ᠮᠣᠩᠭᠤᠯ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠴᠢᠳᠠᠪᠤᠷᠢᠲᠠᠨᠢ ᠬᠥᠮᠦᠵᠢᠭᠦᠯᠬᠦ᠌ ᠬᠠᠮᠤᠭᠤᠨ ᠪᠦᠷᠢᠨ ᠪᠦᠷᠬᠦᠴᠡᠲᠠᠢ᠂ ᠪᠥᠬᠦ᠌ ᠤᠯᠤᠰᠲᠤ ᠬᠦᠷᠭᠡᠭ᠌ᠰᠡᠨ ᠪᠠ ᠬᠦᠷᠭᠡᠵᠤ ᠪᠠᠢᠭᠠ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠰᠤᠷᠭᠠᠭ᠍ᠴᠢ᠂ ᠬᠢᠨᠠᠭ᠍ᠴᠢ᠂ ᠠᠳᠤᠭᠤᠨᠤ ᠡᠮᠴᠢ᠂ ᠲᠤᠰᠭᠠᠶ ᠮᠡᠷᠭᠡᠵᠢᠯᠤᠨ ᠠᠷᠠᠴᠢᠯᠠᠭ᠍ᠴᠢ ᠵᠡᠷᠭᠡ ᠠᠵᠤ ᠦᠶᠯᠡᠰᠤᠨ ᠴᠢᠳᠠᠪᠤᠷᠢᠲᠠᠨ ᠬᠠᠮᠤᠭᠤᠨ ᠣᠯᠠᠨ ᠤᠷᠤᠨ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
— ᠲᠤᠮᠤ ᠬᠡᠯᠪᠡᠷᠢᠶ᠋ᠢᠨ ᠠᠳᠤᠭᠤᠨ ᠰᠣᠶᠣᠯᠤᠨ ᠦᠵᠡᠮᠵᠢᠶ᠋ᠢᠨ ᠲᠣᠭ᠍ᠯᠠᠯᠲᠠ 《ᠪᠤᠭᠤᠷᠤᠯ ᠲᠡᠤᠭᠡᠶ᠋ᠢᠨ ᠬᠦᠯᠦᠭᠤᠨ ᠮᠠᠭ᠍ᠲᠠᠭᠠᠯ》᠂ 《ᠮᠣᠩᠭᠤᠯ ᠮᠣᠷᠢ》 ᠨᠢᠭᠡᠨᠲᠡ ᠥᠪᠥᠷ ᠮᠣᠩᠭᠤᠯᠤᠨ ᠮᠤᠷᠢᠨ ᠮᠡᠷᠭᠡᠵᠢᠯᠤᠨ ᠦᠵᠡᠭᠦᠯᠭᠡᠶ᠋ᠢᠨ ᠭᠤᠴᠤ᠌ ᠰᠠᠢᠬᠠᠨ ᠨᠡᠷᠡᠶ᠋ᠢᠨ ᠬᠠᠭᠤᠳᠠᠰᠤ ᠪᠣᠯᠵᠠᠢ᠃
ᠥᠪᠥᠷ ᠮᠣᠩᠭᠤᠯ ᠪᠣᠯ ᠠᠳᠤᠭᠤᠨ ᠰᠤᠶᠤᠯᠤᠨ ᠦᠯᠦᠭᠡᠢ᠃ ᠠᠳᠡ ᠮᠤᠬᠤᠰᠢ ᠦᠭᠡᠢ ᠬᠦᠴᠦᠨ᠂ ᠮᠢᠲᠡᠷᠡᠰᠢ ᠦᠭᠡᠢ ᠬᠤᠷᠳᠤᠲᠠᠢ ᠠᠵᠢᠨᠠᠶ ᠬᠦᠯᠦᠭᠤᠳ ᠪᠣᠶ᠃ ᠠᠳᠠ ᠬᠡᠢᠮᠦᠷᠢ ᠰᠡᠷᠬᠦᠭᠡᠬᠦ᠌ ᠮᠣᠷᠢᠨ ᠤᠷᠤᠯᠳᠤᠭᠠᠨ᠂ ᠬᠡᠢᠷᠬᠡᠯ ᠲᠦᠷᠦᠭᠦᠯᠬᠦ᠌ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠦᠵᠡᠭᠦᠯᠭᠡ᠂ ᠲᠡᠷᠢᠭᠦᠨᠤ ᠲᠤᠷᠱᠢᠯᠭᠠᠲᠠᠢ ᠣᠲᠣ ᠦᠶᠡᠶ᠋ᠢᠨ ᠠᠳᠤᠭᠤᠨᠤ ᠠᠵᠤ ᠦᠶᠯᠡᠰ ᠪᠤᠢ ᠁
ᠥᠪᠥᠷ ᠮᠣᠩᠭᠤᠯᠳᠤ ᠰᠠᠭᠠᠲᠠᠨ ᠬᠦᠯᠦᠭᠤᠨ ᠰᠠᠢᠨᠢ ᠤᠨᠤᠵᠤ᠂ ᠬᠦᠮᠦᠨᠤ ᠰᠠᠢᠨᠲᠠᠢ ᠵᠤᠯᠭᠠᠭᠠᠷᠠᠢ！
ᠬᠥᠯᠥᠭᠤᠨ ᠰᠠᠢᠨᠢ ᠡᠳ᠋ᠯᠠᠬᠦᠢ
《ᠥᠪᠡᠷᠮᠢᠴᠡ ᠣᠷᠣᠨ ᠨᠤᠲᠤᠭᠤᠨ ᠰᠣᠶᠣᠯ ᠮᠢᠨᠦ᠍ ᠠᠩᠬᠠᠷᠤᠯᠢ ᠬᠠᠮᠤᠭᠠᠴᠠ ᠢᠯᠡᠭᠦᠦ ᠲᠠᠲᠠᠵᠤ ᠪᠠᠢᠨᠠ᠃ ᠡᠮᠨᠢᠭ ᠰᠤᠷᠭᠠᠬᠤ ᠤᠷᠤᠯᠳᠤᠭᠠᠨ᠂ ᠵᠢᠷᠤᠭᠠ ᠮᠤᠷᠢᠨᠤ ᠤᠷᠤᠯᠳᠤᠭᠠᠨ᠂ ᠨᠠᠮᠨᠠᠬᠤ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠤᠷᠤᠯᠳᠤᠭᠠᠨ ᠦᠨᠡᠬᠡᠷ ᠭᠠᠢᠬᠠᠮᠱᠢᠭᠲᠠᠢ᠂ ᠦᠪᠦᠷ ᠮᠤᠩᠭᠤᠯᠳᠤ ᠬᠦᠷᠴᠤ᠌ ᠤᠪᠠᠳᠢᠰ ᠱᠢᠳᠢᠶ᠋ᠢᠨᠢ ᠮᠡᠳᠡᠷᠡᠬᠦ᠌ ᠶᠤᠮᠰᠠᠨ》 ᠭᠡᠵᠤ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠊ᠣᠯᠠᠨ ᠤᠯᠠᠨ ᠤᠷᠤᠯᠳᠤᠭᠠᠨ ᠰᠣᠨᠢᠷᠬᠠᠭ᠍ᠰᠠᠨ ᠨᠠᠨᠵᠢᠩ ᠬᠤᠲᠠᠶ᠋ᠢᠨ ᠬᠤᠳᠠᠶ᠋ᠢᠨ ᠠᠷᠠᠳ ᠱᠦ᠍ ᠳ᠋ᠧ ᠶᠢᠩ ᠬᠡᠯᠡᠨᠠ᠃
《ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ ᠮᠠᠰᠢ ᠶᠡᠭᠡ ᠲᠠᠲᠠᠬᠤ ᠬᠦᠴᠦᠨᠲᠠᠢ ᠪᠠᠢᠳᠠᠭ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨᠳᠤ ᠲᠦᠱᠢᠭ᠌ᠯᠡᠨ ᠵᠢᠭᠤᠯᠴᠢᠯᠡᠯᠤᠨ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠵᠤ ᠪᠤᠯᠤᠨᠠ 》 ᠭᠡᠵᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠨᠡᠢᠭᠡᠮᠯᠢᠭᠤᠨ ᠨᠠᠷᠢᠨ ᠪᠢᠴᠢᠭᠤᠨ ᠳᠠᠷᠤᠭᠠ ᠸᠠᠩ ᠽᠤ᠌ ᠲᠤᠤ ᠲᠠᠨᠢᠯᠴᠠᠭᠤᠯᠤᠨᠠ᠃
ᠲᠣᠰ ᠬᠤᠭᠤᠴᠠᠭᠠᠨᠤ ᠮᠣᠷᠢᠨ ᠤᠷᠤᠯᠳᠤᠭᠠᠨᠨᠢ ᠬᠥᠯᠥᠨ ᠪᠤᠢᠷᠤᠨ ᠤᠲᠤᠷ ᠨᠡᠭᠦᠳᠡᠯᠢᠶᠠᠷ ᠵᠤᠭᠠᠴᠠᠬᠤ ᠠᠶᠠᠯᠠᠯ᠂ ᠤᠯᠠᠭᠠᠨᠪᠤᠲᠤᠩᠤᠨ ᠲᠠᠯᠠ ᠨᠤᠲᠤᠭᠲᠠᠬᠢ ᠠᠶᠠᠯᠠᠯ᠂ ᠬᠥᠬᠡᠬᠤᠲᠠᠶ᠋ᠢᠨ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠤᠷᠤᠯᠳᠤᠭᠠᠨᠢ ᠰᠤᠨᠢᠷᠬᠠᠬᠤ ᠠᠶᠠᠯᠠᠯ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠠᠯᠠ ᠨᠤᠲᠤᠭᠲᠤ ᠵᠤᠭᠠᠴᠠᠨ ᠰᠡᠬᠦᠳᠡᠷᠯᠡᠬᠦ᠌ ᠠᠶᠠᠯᠠᠯ᠂ ᠱᠢᠯᠢᠶ᠋ᠢᠨ ᠭᠤᠤᠯᠤᠨ ᠲᠠᠯᠠ ᠨᠤᠲᠤᠭᠲᠠᠬᠢ ᠠᠳᠤᠭᠤᠨ ᠰᠤᠶᠤᠯᠢ ᠣᠢᠯᠠᠭᠠᠬᠤ ᠠᠶᠠᠯᠠᠯ᠂ ᠲᠦᠩᠯᠢᠶᠣᠤ ᠪᠠ ᠬᠢᠩᠭᠠᠨᠤ ᠠᠳᠤᠭᠤᠨ ᠰᠣᠶᠣᠯᠢ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠠᠶᠠᠯᠠᠯ᠂ ᠤᠯᠠᠭᠠᠨᠴᠠᠪᠤᠨ ᠪᠠᠢᠭᠠᠯᠢᠯᠢᠭ ᠵᠠᠩ ᠦᠶᠯᠡᠶ᠋ᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠠᠶᠠᠯᠠᠯ᠂ ᠬᠥᠯᠥᠨ ᠪᠤᠢᠷᠤᠨ ᠮᠤᠩᠭᠤᠯ ᠡᠬᠢ ᠡᠭᠦᠰᠦᠯᠢ ᠬᠠᠢᠬᠤ ᠠᠶᠠᠯᠠᠯ᠂ ᠣᠷᠳᠣᠰᠤᠨ ᠠᠳᠤᠭᠤᠨ ᠰᠣᠶᠣᠯᠤᠨ ᠭᠡᠷ ᠪᠦᠯᠢᠶ᠋ᠢᠨ ᠠᠶᠠᠯᠠᠯ᠂ ᠬᠥᠬᠡᠬᠤᠲᠠ ᠪᠠ ᠣᠷᠳᠣᠰᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠢ ᠮᠦᠷᠳᠡᠨ ᠱᠢᠨᠵᠢᠯᠡᠬᠦ᠌ ᠠᠶᠠᠯᠠᠯ ᠵᠡᠷᠭᠡ 10 ᠵᠢᠭᠤᠯᠴᠢᠯᠡᠯᠤᠨ ᠱᠤᠭᠤᠮᠢ ᠨᠡᠢᠲᠡᠯᠡᠭ᠌ᠰᠡᠨ ᠶᠤᠮ᠃
《ᠪᠢ ᠠᠨᠳᠠ ᠠᠳᠤᠭᠤᠨᠤ ᠦᠢᠯᠡᠰᠤᠨ ᠵᠢᠭᠤᠯᠴᠢᠯᠠᠯᠤᠨ ᠵᠢᠵᠢᠭ ᠪᠠᠯᠭᠠᠰᠤᠶ᠋ᠢ ᠪᠠᠢᠭᠤᠯᠬᠤ ᠬᠠᠷᠠᠯᠲᠠᠲᠠᠢ ᠠᠵᠢᠯᠯᠠᠵᠤ ᠶᠠᠪᠤᠨᠠ》 ᠭᠡᠵᠤ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠵᠡᠭᠦᠨ ᠦᠵᠦᠮᠦᠴᠢᠨ ᠬᠤᠱᠢᠭᠤᠨᠤ ᠳᠠᠭᠤᠲᠤᠨᠠᠭᠤᠷ ᠪᠠᠯᠭᠠᠰᠤᠨᠤ ᠠᠨᠳᠠ ᠠᠳᠤᠭᠤᠨᠤ ᠦᠶᠯᠡᠰᠤᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶ᠋ᠢᠨ ᠶᠡᠷᠦᠩᠬᠡᠶ ᠳᠠᠭᠠᠭᠠᠮᠠᠯ ᠪᠠᠶᠠᠷᠲᠤ ᠤᠷᠮᠠᠲᠠᠢᠬᠠᠨ ᠬᠡᠯᠡᠨᠡ᠃
ᠪᠠᠶᠠᠷᠲᠤ ᠮᠣᠷᠢ ᠣᠷᠣᠯᠳᠤᠬᠤ᠂ ᠮᠣᠷᠢ ᠤᠨᠤᠬᠤ᠂ ᠮᠣᠩᠭᠤᠯ ᠬᠤᠭᠤᠯᠠ᠂ ᠬᠤᠨᠤᠭ ᠪᠠᠭᠤᠳᠠᠯ᠂ ᠮᠣᠷᠢᠨ ᠮᠡᠷᠭᠡᠵᠢᠯᠤᠨ ᠪᠣᠯᠪᠠᠰᠤᠷᠠᠯ᠂ ᠴᠡᠭᠡᠶ᠋ᠢᠨ ᠰᠤᠪᠢᠯᠠᠯᠲᠡ ᠁ ᠵᠡᠷᠭᠡ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠲᠦᠷᠦᠯ ᠵᠦᠢᠯᠢᠶᠠᠨ ᠨᠢᠭᠡᠳ ᠨᠢᠭᠡᠪᠠᠷ ᠵᠢᠭ᠍ᠰᠠᠭᠠᠵᠠᠢ᠃ ᠲᠡᠷᠡ ᠪᠤᠯ ᠮᠣᠩᠭᠤᠯ ᠠᠳᠣᠭᠤᠨᠤ ᠡᠭᠦᠯᠳᠡᠷᠢ ᠰᠠᠢᠵᠢᠷᠠᠭᠤᠯᠤᠨ ᠦᠷᠡᠵᠢᠭᠦᠯᠬᠦ᠂ ᠴᠡᠪᠡᠷ ᠴᠢᠰᠤᠨᠤ ᠬᠤᠷᠳᠤᠨ ᠮᠣᠷᠢ ᠲᠡᠵᠢᠭᠡᠬᠦ᠌ ᠵᠡᠷᠭᠡ ᠲᠤᠰᠭᠠᠶ ᠮᠡᠷᠭᠡᠵᠢᠯᠢᠶᠠᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠠᠳᠤᠭᠤᠨᠤ ᠠᠵᠤ ᠦᠢᠯᠡᠰ ᠡᠷᠬᠢᠯᠡᠵᠤ᠂ 《ᠠᠳᠤᠭᠤᠨᠤ ᠦᠢᠯᠡᠰᠤᠨ ᠵᠢᠭᠤᠯᠴᠢᠯᠠᠯ》 ᠤᠨ ᠱᠢᠨᠠ ᠵᠠᠮᠢ ᠡᠷᠢᠯᠬᠢᠯᠡᠵᠤ ᠶᠠᠪᠤᠭᠠ ᠵᠠᠯᠠᠭᠤ ᠪᠣᠯᠬᠤ ᠶᠤᠮ᠃
《ᠲᠦᠷᠦᠭᠦᠦ ᠤᠳᠠᠭᠠ ᠮᠣᠷᠢ ᠤᠨᠤᠵᠤ ᠪᠠᠢᠭᠠ ᠪᠤᠯᠬᠤᠷ ᠪᠠᠭ᠍ᠠᠨ ᠰᠠᠨᠳᠤᠷᠴᠤ᠌ ᠪᠠᠢᠨᠠ᠂ ᠬᠡᠳᠦ᠋ᠢᠪᠡᠷ ᠬᠤᠷᠳᠤᠨ ᠳᠠᠪᠬᠢᠭᠤᠯᠵᠤ ᠴᠢᠳᠠᠭᠠ ᠦᠭᠡᠢ ᠴᠤ᠌ ᠲᠡᠷᠡ ᠬᠦᠴᠦ᠍ ᠨᠠᠳᠠᠳᠤ ᠮᠡᠳᠡᠷᠡᠭ᠌ᠳᠡᠭ᠌ᠰᠡᠨ᠃ ᠴᠡᠭᠡᠵᠢᠨᠳᠤ ᠭᠠᠯ ᠠᠰᠠᠵᠤ᠂ ᠣᠮᠤᠭ ᠵᠣᠷᠢᠭ ᠤᠷᠬᠢᠯᠵᠤ ᠪᠠᠢᠨᠠ》 ᠭᠡᠵᠤ ᠠᠩᠬᠠ ᠤᠳᠠᠭᠠ ᠤᠯᠠᠭᠠᠶᠶ᠋ᠢᠨ ᠲᠠᠯᠠ ᠨᠤᠲᠤᠭᠲᠤ ᠢᠷᠡᠭ᠌ᠰᠡᠨ ᠱᠠᠨᠳᠦ᠋ᠩᠤᠨ ᠵᠢᠭᠤᠯᠴᠢᠨ ᠸᠠᠩ ᠵᠶ᠋ᠢ ᠨᠠᠨ ᠬᠡᠯᠡᠨᠡ᠃ ᠲᠠᠯᠠ ᠨᠤᠲᠤᠭᠲᠤ ᠮᠣᠷᠢᠲᠠᠢ ᠳᠠᠪᠬᠢᠭᠤᠯᠬᠤᠨᠢ ᠲᠡᠭᠦᠨᠤ ᠪᠠᠭᠠᠶ᠋ᠢᠨ ᠮᠦᠷᠦᠭᠡᠳᠦᠯ ᠠᠵᠢ᠃
ᠴᠡᠭᠡ᠂ ᠰᠠᠭᠠᠯᠢᠶ᠋ᠢᠨ ᠠᠷᠢᠬᠢ᠂ ᠠᠳᠤᠭᠤᠨᠤ ᠲᠣᠰᠣ᠂ ᠠᠷᠠᠰᠤᠨ ᠪᠤᠭ᠍ᠴᠤ ᠁ ᠵᠡᠷᠭᠡ ᠤᠯᠠᠨ ᠲᠦᠷᠦᠯᠤᠨ ᠪᠦᠲᠦᠭᠡᠭ᠌ᠳᠡᠬᠦᠨᠢ ᠬᠠᠷᠠᠭᠠᠳ ᠸᠠᠩ ᠵᠶ᠋ᠢ ᠨᠠᠨ ᠬᠠᠴᠢᠷᠬᠠᠯ ᠲᠦᠷᠦᠨᠠ᠃ 《ᠪᠢ ᠪᠡᠶᠡᠳᠡᠭᠡᠨ ᠵᠢᠭᠠᠬᠠᠨ ᠴᠡᠭᠡ ᠠᠪᠴᠤ᠌᠂ ᠪᠦᠰᠡᠭᠦᠢᠳᠡᠭᠡᠨ ᠲᠤᠰᠤ ᠠᠪᠤᠭ᠍ᠰᠠᠨ᠃ ᠪᠠᠰᠠ ᠴᠡᠭᠡᠪᠠᠷ ᠬᠢᠭ᠌ᠰᠡᠨ ᠫᠢᠸᠣ᠋ ᠪᠠᠢᠬᠤ ᠶᠤᠮ ᠪᠠᠢᠨᠠ᠂ ᠠᠩᠬᠠ ᠤᠳᠠᠭᠠ ᠰᠣᠨᠣᠰᠴᠤ᠌ ᠪᠠᠢᠨᠠ》 ᠭᠡᠵᠤ ᠸᠠᠩ ᠵᠶ᠋ᠢ ᠨᠠᠨ ᠬᠠᠴᠢᠷᠬᠠᠨᠠ᠃
ᠠᠳᠤᠭᠤᠨᠤ ᠪᠦᠬᠦ᠌ ᠪᠡᠶᠡᠨᠢ ᠡᠷᠳᠡᠨᠢ ᠶᠤᠮ᠃ ᠴᠡᠭᠡ᠂ ᠮᠢᠬᠠ᠂ ᠥᠭᠡᠬᠦ᠂ ᠠᠷᠠᠰᠤ᠂ ᠳᠡᠯ᠂ ᠰᠡᠭᠦᠯ᠂ ᠬᠤᠳᠣᠭᠤᠳᠤᠨᠤ ᠱᠢᠩᠭᠡᠨ᠂ ᠭᠡᠭᠡᠯᠲᠠᠢ ᠭᠡᠭᠦᠤᠶ᠋ᠢᠨ ᠴᠢᠰᠤᠨ ᠴᠠᠢᠪᠠᠩ ᠪᠠ ᠱᠢᠭᠡᠰᠦ ᠵᠡᠷᠭᠡᠨᠢ ᠴᠥᠮ ᠯᠤᠲᠤ ᠶᠡᠭᠡ ᠠᠵᠤ ᠠᠬᠤᠶᠶ᠋ᠢᠨ ᠦᠷᠡ ᠠᠱᠢᠭ ᠠᠪᠴᠢᠷᠠᠬᠤ ᠬᠤᠪᠣᠷ ᠨᠠᠨᠳᠢᠨ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ ᠪᠣᠯᠤᠨᠠ᠃ ᠥᠪᠥᠷ ᠮᠣᠩᠭᠤᠯᠤᠨ ᠵᠦᠩ ᠶᠦᠨ ᠠᠳᠤᠭᠤᠨᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠯᠡᠯ 《ᠳᠡᠯᠡᠬᠡᠶ ᠳᠡᠭᠡᠷᠡᠬᠢ ᠬᠠᠮᠤᠭᠤᠨ ᠡᠷᠡᠭᠦᠯ ᠠᠳᠤᠭᠤᠨᠤ ᠪᠦᠲᠦᠭᠡᠭ᠌ᠳᠡᠬᠦᠨ》 ᠦᠢᠯᠡᠳᠪᠦᠷᠢᠯᠡᠬᠦ᠌ᠪᠠᠷ ᠬᠠᠷᠠᠯᠲᠠᠪᠠᠨ ᠪᠣᠯᠭᠠᠵᠠᠶ᠃ ᠠᠳᠤᠭᠤᠨᠤ ᠥᠷᠲᠡᠭᠢ ᠳᠡᠭᠡᠭ᠌ᠰᠢᠯᠡᠭᠦᠯᠵᠦ᠍᠂ ᠪᠦᠬᠦ᠌ ᠳᠡᠯᠡᠬᠡᠢᠶ᠋ᠢᠨ ᠵᠠᠬᠠ ᠳᠡᠯᠭᠡᠭᠦᠷᠲᠤ ᠬᠠᠨᠳᠤᠭᠤᠯᠤᠭ᠍ᠰᠠᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠯᠠᠭ᠍ᠰᠠᠨ᠂ ᠪᠠᠷᠢᠮᠵᠢᠶᠠᠵᠢᠭ᠍ᠰᠠᠨ᠂ ᠠᠵᠤ ᠦᠢᠯᠡᠰᠵᠢᠭ᠌ᠰᠡᠨ 6 ᠲᠤᠮᠤ ᠡᠭᠦᠯᠳᠡᠷᠤᠨ ᠱᠢᠰᠲ᠋ᠧᠮᠤᠨ 745 ᠥᠨᠳᠥᠷ ᠨᠡᠮᠡᠯᠲᠡ ᠦᠷᠳᠡᠭ ᠪᠦᠬᠦᠢ ᠦᠢᠯᠡᠳᠬᠦᠨᠢ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠵᠦ᠍᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠳᠤᠭᠤᠨᠤ ᠦᠯᠦᠭᠡᠢ · ᠱᠢᠯᠢᠶ᠋ᠢᠨ ᠭᠤᠣᠯᠢ ᠪᠦᠬᠦ᠌ ᠳᠡᠯᠡᠬᠡᠢᠶ᠋ᠢᠨ ᠠᠳᠤᠭᠤᠨᠤ ᠪᠦᠲᠦᠭᠡᠭ᠌ᠳᠡᠬᠦᠨ ᠦᠢᠯᠡᠳᠬᠦ᠌ ᠪᠠ ᠭᠠᠳᠠᠭᠠᠳᠤᠳᠤ ᠭᠠᠷᠭᠠᠬᠤ ᠬᠠᠮᠤᠭᠤᠨ ᠲᠤᠮᠤ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠭᠠᠵᠡᠢ᠃
ᠭᠡᠷᠡᠯ ᠵᠢᠷᠤᠭᠲᠠᠬᠢ ᠮᠣᠷᠢ᠂ ᠵᠢᠷᠤᠭ᠍ᠰᠠᠨ ᠮᠣᠷᠢ᠂ ᠱᠤᠭᠤᠮᠠᠯ ᠮᠣᠷᠢ᠂ ᠤᠷᠠᠨ ᠪᠢᠴᠢᠯᠭᠡᠳᠠᠬᠢ ᠮᠣᠷᠢ᠂ ᠬᠠᠢᠴᠢᠯᠠᠮᠠᠯ ᠮᠣᠷᠢ᠂ ᠬᠠᠳᠭᠤᠮᠠᠯ ᠮᠣᠷᠢ᠂ ᠤᠳᠭᠠ ᠵᠣᠬᠢᠶᠠᠯᠳᠠᠬᠢ ᠮᠣᠷᠢ᠂ ᠺᠢᠨᠣ᠋ᠳᠠᠬᠢ ᠮᠣᠷᠢ ᠁ ᠸᠠᠩ ᠵᠶ᠋ᠢ ᠨᠠᠨᠤ ᠰᠤᠨᠢᠷᠬᠠᠯᠢ ᠲᠠᠲᠠᠨᠠ᠃ ᠡᠳᠡᠭᠡᠷ ᠪᠦᠲᠦᠭᠡᠯᠤᠳᠠᠴᠠ ᠮᠤᠷᠢᠨᠤ ᠬᠦᠯᠦᠰᠤ ᠦᠨᠦᠷᠲᠤᠵᠤ᠂ ᠳᠡᠯᠨᠢ ᠨᠠᠮᠢᠷᠠᠵᠤ᠂ ᠳᠤᠭᠤᠷᠠᠢᠨᠢ ᠲᠠᠴᠢᠬᠢᠨᠠᠵᠤ᠂ ᠢᠨᠴᠠᠭᠠᠬᠤᠨᠢ ᠰᠤᠨᠤᠰᠳᠠᠬᠤ ᠱᠢᠤᠬᠠᠨ ᠁
ᠠᠳᠤᠭᠤ ᠮᠤᠩᠭᠤᠯᠴᠤᠳᠤᠨ ᠠᠳᠠᠯ ᠠᠮᠢᠳᠤᠷᠠᠯ᠂ ᠤᠶᠤᠨ ᠰᠡᠳᠭᠢᠯᠭᠡ᠂ ᠢᠷᠦᠭᠡᠯ ᠱᠢᠳᠤᠯᠭᠡᠶ᠋ᠢᠨ ᠳᠤᠯᠳᠤᠳᠤ ᠶᠠᠷᠤ ᠪᠤᠰᠤᠶ᠋ᠢᠨ ᠤᠷᠤᠨ ᠵᠠᠢᠪᠠᠨ ᠮᠦᠡᠭ᠌ᠬᠡᠯᠡᠨ ᠤᠨ ᠤᠳᠠᠵᠠᠢ᠃ ᠲᠡᠷᠡ ᠪᠤᠯ ᠬᠦᠴᠦᠨ ᠴᠢᠳᠠᠯ᠂ ᠲᠡᠷᠡ ᠪᠤᠯ ᠵᠤᠷᠢᠭ ᠰᠠᠨᠠᠭᠠ᠃ ᠮᠣᠩᠭᠤᠯ ᠮᠤᠷᠢᠨᠤ ᠵᠣᠷᠢᠭ ᠰᠠᠨᠠᠭᠠᠨᠢ ᠡᠬᠡ ᠤᠯᠤᠰᠤᠨ ᠤᠮᠠᠷᠠᠲᠤ ᠬᠢᠯᠢᠳᠠᠬᠢ ᠦᠨᠳᠦᠰᠦᠲᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠳᠤ ᠬᠦᠴᠦᠷᠬᠡᠭ ᠶᠡᠭᠡ ᠬᠦᠴᠦᠨ ᠴᠢᠳᠠᠯ ᠤᠯᠭᠤᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠶᠤᠮ᠃
ᠦᠪᠦᠷ ᠮᠤᠩᠭᠤᠯ ᠲᠠᠨᠢ ᠤᠷᠢᠵᠤ ᠪᠠᠢᠨᠠ！
ᠬᠦᠯᠦᠭᠤᠨ ᠨᠢᠷᠤᠭᠤᠨᠳᠤ ᠮᠤᠷᠳᠠᠵᠤ᠂ ᠬᠦᠳᠡᠭᠡ ᠨᠤᠲᠤᠭᠢᠶᠠᠷ ᠮᠢᠨᠢ ᠠᠶᠠᠯᠠᠭᠠᠷᠠᠢ！