ᠠᠯᠳᠠᠨ ᠨᠠᠮᠤᠷᠤᠨ ᠤᠯᠠᠷᠢᠯᠳᠤ ᠪᠦᠬᠦ᠌ ᠤᠷᠤᠨᠤ ᠡᠯᠠ ᠭᠠᠵᠠᠷᠲᠤ ᠠᠮᠤ ᠲᠠᠷᠢᠶᠠ ᠬᠠᠯᠢᠭᠤᠷᠠᠨ᠂ ᠭᠤᠸᠠ ᠵᠢᠮᠢᠰ ᠪᠤᠯᠪᠠᠰᠤᠷᠠᠵᠤ᠂ ᠰᠦ ᠰᠠᠭᠠᠯᠢ ᠬᠦᠭᠡᠰᠦᠷᠡᠨ᠂ ᠬᠠᠳᠤᠯᠠᠩᠤᠨ ᠲᠠᠭᠤᠨ ᠬᠠᠩᠬᠢᠨᠠᠵᠤ᠂ ᠦᠭᠡᠷ ᠬᠤᠨᠢᠳ ᠲᠠᠷᠭᠤ ᠬᠦᠴᠦᠳᠡᠢ ᠪᠦᠮᠪᠦᠯᠵᠡᠵᠦ᠍᠂ ᠤᠨᠠᠭ᠍ᠰᠠᠨ ᠮᠠᠯᠠᠭᠠᠢᠪᠠᠨ ᠠᠪᠬᠤ ᠵᠠᠪ ᠦᠭᠡᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠬᠤᠷᠢᠶᠠᠯᠳᠠᠶ᠋ᠢᠨ ᠪᠠᠭ᠍ᠠᠳᠤᠯᠳᠤ ᠰᠤᠭ᠍ᠳᠤᠭᠤᠷᠠᠨᠠ᠃
ᠤᠢ᠍ᠢᠷᠠᠳᠤ᠂ ᠤᠯᠠᠭᠠᠨᠬᠠᠳᠠ ᠬᠤᠳᠠᠶ᠋ᠢᠨ ᠬᠠᠷᠠᠴᠢᠨ ᠬᠤᠱᠢᠭᠤᠨᠤ ᠸᠠᠩᠤᠨ ᠬᠤᠷᠤᠭᠠ ᠪᠠᠯᠭᠠᠰᠤᠶ᠋ᠢᠨ ᠲᠦᠪᠡᠳ ᠬᠠᠰᠢ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠤᠯᠤᠭ᠍ᠰᠠᠨ ᠪᠠᠶᠠᠷᠤᠨ ᠴᠢᠮᠡᠭᠡ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷᠢᠶᠠᠷ ᠰᠠᠴᠤᠭ᠍ᠳᠠᠨᠠ᠃ ᠡᠨᠡ ᠵᠢᠯ ᠸᠠᠩᠤᠨ ᠬᠤᠷᠤᠭᠠ ᠪᠠᠯᠭᠠᠰᠤᠶ᠋ᠢᠨ ᠲᠦᠪᠡᠳ ᠬᠠᠰᠢᠶ᠋ᠢᠨ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ 2000 ᠮᠦ᠍ ᠨᠡᠮᠡᠭ᠌ᠳᠡᠵᠦ᠍᠂ ᠶᠡᠷᠦᠩᠬᠡᠢ ᠲᠠᠯᠠᠪᠠᠢᠨᠢ 3 ᠲᠦᠮᠡ ᠭᠠᠷᠤᠢ ᠮᠦ᠍ ᠪᠤᠯᠵᠤ᠂ ᠵᠢᠱ᠌ᠢᠯᠳᠠᠪᠠᠷ 28 ᠲᠦᠮᠡᠨ ᠲᠤᠨ ᠬᠤᠷᠢᠶᠠᠬᠤ ᠪᠤᠯᠤᠨᠠ᠃ ᠲᠦᠪᠡᠳ ᠬᠠᠰᠢᠨᠢ ᠲᠡᠭ᠌ᠰᠢᠳᠭᠡᠭᠡᠳ ᠵᠢᠩ ᠪᠦᠷᠢᠳᠡᠭᠡᠨ 2 ᠲᠦᠭᠦᠷᠢᠭ ᠬᠦ᠍ᠷᠬᠦ᠌ᠪᠠᠷ ᠪᠤᠳᠤᠪᠠᠯ᠂ ᠦᠢᠯᠡᠳᠭᠦᠨᠤ ᠦᠷᠳᠡᠭᠨᠢ 11 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠲᠤ ᠬᠦᠷᠬᠦ᠌ ᠪᠤᠯᠤᠨᠠ ᠁
ᠡᠯᠪᠡᠭ ᠬᠤᠷᠢᠶᠠᠯᠳᠠᠶ᠋ᠢᠨ ᠪᠠᠭ᠍ᠠᠳᠤᠯᠨᠢ ᠦᠯᠡᠮᠵᠢ ᠤᠯᠠᠨ ᠠᠷᠭᠠ ᠪᠤᠳᠤᠯᠭᠠᠶ᠋ᠢᠨ ᠬᠡᠷᠡᠭ᠌ᠵᠢᠭᠦᠯᠦᠯᠳᠡᠠᠴᠠ ᠢᠷᠡᠯᠲᠠᠢ᠃ ᠮᠠᠨᠤ ᠤᠷᠤᠨ ᠠᠵᠤ ᠦᠢᠯᠡᠰᠤᠨ ᠪᠦᠳᠦᠴᠡᠳᠤ ᠵᠦᠢ ᠵᠤᠬᠢᠰᠳᠠᠢ ᠲᠤᠬᠢᠷᠠᠭᠤᠯᠤᠯᠳᠠ ᠬᠢᠵᠦ᠍᠂ ᠪᠤᠬᠢᠷᠳᠤᠯ ᠦᠭᠡᠢ ᠬᠦᠭ᠌ᠵᠢᠯᠳᠡᠶ᠋ᠢᠨ ᠱᠢᠰᠲ᠋ᠧᠮᠢ ᠠᠯᠭᠤᠷᠢᠶᠠᠷ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠍᠂ ᠦᠷᠠᠶ᠋ᠢᠨ ᠦᠢᠯᠡᠰᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠮᠡᠷᠭᠡᠵᠢᠯ᠂ ᠪᠤᠬᠢᠷᠳᠤᠯ ᠦᠭᠡᠢ ᠦᠢᠯᠡᠳᠪᠦᠷᠢᠯᠡᠯ᠂ ᠠᠵᠤ ᠦᠢᠯᠡᠰᠤᠨ ᠪᠦᠯᠦᠭ᠌ᠵᠢᠯ᠂ ᠲᠦᠷᠦᠯ ᠲᠡᠮᠳᠡᠭ ᠴᠤᠭ᠍ᠴᠠᠯᠠᠬᠤ ᠵᠡᠷᠭᠡ ᠵᠠᠩᠬᠢᠯᠠᠭᠠᠶ᠋ᠢᠨ ᠭᠤᠭ᠍ᠴᠤᠭᠠᠶ᠋ᠢᠨ ᠲᠤᠭᠤᠷᠢᠨᠳᠤ ᠤᠬᠤᠷ ᠬᠤᠭᠤᠴᠠᠭᠠ᠂ ᠲᠤᠮᠳᠠ ᠤᠷᠳᠤ ᠬᠤᠭᠤᠴᠠᠭᠠᠶ᠋ᠢᠨ ᠲᠦᠯᠦᠪᠵᠢᠭᠦᠯᠭᠡ ᠲᠤᠭ᠍ᠳᠠᠭᠠᠵᠤ᠂ ᠴᠠᠭᠤᠨ ᠬᠦᠰᠦᠨᠦᠭ᠌ᠳᠤ᠂ ᠬᠡᠷᠡᠭ᠌ᠵᠢᠭᠦᠯᠬᠦ᠌ ᠠᠷᠭᠠ ᠵᠠᠮ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠲᠤᠳᠤᠷᠬᠠᠢᠯᠠᠨ ᠴᠢᠬᠤᠯᠠᠴᠢᠯᠠᠭ᠍ᠰᠠᠨᠢᠶᠠᠷ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠴᠢᠨᠠᠷ ᠰᠠᠢᠳᠠᠢ ᠬᠦᠭ᠌ᠵᠢᠯᠳᠡ ᠱᠢᠨᠠ ᠲᠡᠭ᠌ᠳᠡᠷᠲᠤ ᠠᠬᠢᠪᠠ᠃ ᠲᠡᠭᠡᠷᠠ ᠬᠠᠭᠠᠰ ᠵᠢᠯᠳᠤ᠂ ᠮᠠᠨᠤ ᠤᠷᠤᠨ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠪᠠ ᠠᠵᠤ ᠠᠬᠤᠢ ᠨᠡᠢᠭᠡᠮᠤᠨ ᠬᠦᠭ᠌ᠵᠢᠯᠳᠡᠶ᠋ᠢ ᠨᠢᠭᠡᠳᠦᠯᠳᠡᠢ ᠲᠦᠯᠦᠪᠯᠡᠨ ᠠᠬᠢᠭᠤᠯᠵᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠠᠵᠤ ᠠᠬᠤᠢ᠍ᠢᠯᠠᠯᠤᠨ ᠬᠦᠴᠢᠷᠳᠡᠯᠢ ᠠᠷᠢᠯᠭᠠᠨ ᠬᠦᠭ᠌ᠵᠢᠯᠳᠡᠶ᠋ᠢ ᠲᠡᠮᠵᠢᠬᠦ᠌ ᠤᠯᠠᠨ ᠵᠦᠢᠯᠤᠨ ᠲᠦᠭᠦᠷ ᠠᠷᠭᠠ ᠬᠡᠮᠵᠢᠶᠠᠶ᠋ᠢ ᠲᠤᠭ᠍ᠳᠠᠭᠠᠨ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠰᠡᠷᠭᠦᠯᠳᠡᠶ᠋ᠢᠨ ᠴᠢᠨᠠᠷᠳᠠᠢ ᠬᠦᠭ᠌ᠵᠢᠯᠳᠡᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩ ᠮᠠᠯᠵᠢᠬᠤ ᠲᠠᠷᠢᠶᠠᠯᠬᠠᠤ ᠤᠷᠤᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ 《ᠰᠠᠭᠤᠷᠢ ᠴᠢᠯᠠᠭᠤ》 ᠶ᠋ᠢᠨ ᠦᠢᠯᠡᠳᠦᠯᠢ ᠪᠦᠳᠦᠮᠵᠢᠳᠡᠢ ᠪᠠᠳᠠᠷᠠᠭᠤᠯᠵᠤ ᠪᠢᠯᠡ᠃
ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠰᠠᠯᠠᠭᠠ ᠮᠦᠴᠢᠷᠤᠨ ᠲᠤᠭᠠ ᠪᠦᠷᠢᠳᠭᠡᠯᠳᠤ ᠬᠠᠷᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠮᠠᠨᠤ ᠤᠷᠤᠨᠤ ᠲᠠᠷᠢᠮᠠᠯ᠂ ᠠᠮᠤ ᠪᠤᠳᠠᠭᠠᠨᠤ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ ᠲᠤᠰ ᠪᠦᠷᠢ 909 ᠲᠦᠮᠡᠨ ᠾᠧᠺᠲ᠋ᠠᠷ ᠪᠠ 727.7 ᠲᠦᠮᠡᠨ ᠾᠧᠺᠲ᠋ᠠᠷᠲᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 1.7% ᠪᠠ 2.4% ᠪᠠᠷ ᠨᠡᠮᠡᠭ᠌ᠳᠡᠵᠦ᠍᠂ ᠤᠯᠤᠰᠤᠨ ᠪᠠᠭᠤᠯᠭᠠᠭ᠍ᠰᠠᠨ ᠠᠮᠤ ᠪᠤᠳᠠᠭᠠ ᠲᠠᠷᠢᠬᠤ ᠡᠭᠦᠷᠭᠡᠶ᠋ᠢ ᠲᠠᠪᠠᠭᠤᠯᠤᠨ ᠪᠡᠶᠡᠯᠡᠭᠦᠯᠵᠦ᠍᠂ ᠪᠦᠬᠦ᠌ ᠵᠢᠯᠤᠨ ᠠᠮᠤ ᠪᠤᠳᠠᠭᠠᠨᠤ ᠡᠯᠪᠡᠭ ᠬᠤᠷᠢᠶᠠᠯᠳᠠᠶ᠋ᠢ ᠪᠠᠳᠤᠯᠠᠬᠤᠳᠤ ᠪᠠᠳᠤ ᠪᠠᠬᠢ ᠰᠠᠭᠤᠷᠢᠶ᠋ᠢ ᠲᠠᠯᠪᠢᠭ᠍ᠰᠠᠨ ᠪᠠᠢᠨᠠ᠃
ᠮᠠᠨᠤ ᠤᠷᠤᠨ 《ᠲᠠᠷᠢᠶᠠᠨ ᠭᠠᠵᠠᠷᠤᠨ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠤᠷᠢᠯᠡᠯᠤᠨ ᠴᠢᠳᠠᠪᠤᠷᠢᠶ᠋ᠢ ᠪᠠᠳᠤᠯᠠᠵᠤ ᠮᠡᠷᠬᠡᠵᠢᠯᠢᠶᠠᠷ ᠠᠮᠤ ᠪᠤᠳᠠᠭᠠᠨᠤ ᠤᠨᠠᠯᠳᠠᠶ᠋ᠢ ᠨᠡᠮᠡᠭ᠌ᠳᠡᠬᠦᠯᠬᠦ᠌》 ᠪᠠᠢᠯᠳᠤᠬᠤ ᠪᠤᠳᠤᠯᠭᠠᠶ᠋ᠢ ᠭᠦᠨᠵᠡᠭᠡᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠦᠨᠳᠦᠷ ᠪᠠᠷᠢᠮᠵᠢᠶᠠᠳᠤ ᠲᠠᠷᠢᠶᠠᠨ ᠭᠠᠵᠠᠷ ᠪᠠ ᠬᠤᠵᠢᠷᠯᠢᠭ ᠭᠠᠵᠠᠷᠢ ᠰᠠᠢᠵᠢᠷᠠᠭᠤᠯᠬᠤ ᠲᠦᠷᠦᠯ ᠵᠦᠢᠯᠤᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠶ᠋ᠢ ᠶᠡᠭᠡᠪᠠᠷ ᠠᠬᠢᠭᠤᠯᠵᠤ᠂ 33.3 ᠲᠦᠮᠡᠨ ᠾᠧᠺᠲ᠋ᠠᠷᠠᠴᠠ ᠲᠡᠭᠡᠭ᠌ᠰᠢᠬᠢ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠶᠠᠰᠤ ᠴᠢᠨᠠᠷᠢ ᠲᠡᠭᠡᠭ᠌ᠰᠢᠯᠡᠭᠦᠯᠬᠦ᠂ 46.7 ᠲᠦᠮᠡᠨ ᠾᠧᠺᠲ᠋ᠠᠷ ᠵᠡᠭᠦᠨ ᠬᠤᠢᠳᠤᠶ᠋ᠢᠨ ᠬᠠᠷᠠ ᠬᠦᠷᠦᠰᠦᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠴᠢᠨᠠᠷᠳᠠᠢ ᠲᠠᠷᠢᠶᠠᠯᠠᠭᠠ ᠵᠡᠷᠭᠡ ᠴᠢᠬᠤᠯᠠ ᠶᠡᠭᠡ ᠢᠨᠵᠧᠨᠧᠷᠢᠩᠢ ᠴᠢᠨᠠᠷ ᠰᠠᠢᠳᠠᠢ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠲᠠᠷᠢᠶᠠᠯᠠᠩᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠰᠠᠭᠤᠷᠢᠶ᠋ᠢ ᠪᠠᠬᠢᠵᠢᠭᠦᠯᠵᠦ᠍᠂ ᠠᠮᠤ ᠪᠤᠳᠠᠭᠠᠨᠤ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠶ᠋ᠢ ᠲᠡᠭᠡᠭ᠌ᠰᠢᠯᠡᠭᠦᠯᠵᠡᠢ᠃
ᠡᠭᠦᠨᠤ ᠲᠠᠭᠠᠦ ᠪᠦᠬᠦ᠌ ᠤᠷᠤᠨᠤ ᠡᠯᠠ ᠭᠠᠵᠠᠷᠤᠨᠬᠢᠨ 《ᠬᠤᠯᠢᠱᠢᠨ ᠢᠳᠡᠭᠡᠨᠤ ᠢᠨᠵᠧᠨᠧᠷᠢᠩ》 ᠢ ᠲᠡᠭᠡᠳᠦ ᠬᠡᠮᠵᠢᠶᠠᠪᠠᠷ ᠴᠢᠬᠤᠯᠠᠴᠢᠯᠠᠵᠤ᠂ ᠵᠠᠬᠠ ᠲᠡᠯᠭᠡᠭᠦᠷᠤᠨ ᠢᠳᠡᠱᠢᠨ ᠨᠤᠭᠤᠭᠠᠶ᠋ᠢᠨ ᠲᠦᠷᠦᠯ ᠵᠦᠢᠯ ᠨᠡᠩ ᠡᠯᠪᠡᠭ ᠪᠤᠯᠵᠤ᠂ ᠤᠯᠠᠷᠢᠯᠤᠨ ᠬᠠᠩᠭᠠᠯᠭᠠ ᠨᠡᠩ ᠲᠡᠩᠴᠡᠭᠦᠷᠢᠳᠡᠢ ᠪᠤᠯᠪᠠ᠃ ᠲᠡᠭᠡᠷᠠ ᠬᠠᠭᠠᠰ ᠵᠢᠯᠳᠤ᠂ ᠪᠦᠬᠦ᠌ ᠤᠷᠤᠨᠤ ᠢᠳᠡᠱᠢᠨ ᠨᠤᠭᠤᠭᠠ ᠵᠢᠴᠢ ᠢᠳᠡᠱᠢᠨ ᠮᠦᠬᠦ᠌ ᠲᠠᠷᠢᠬᠤ ᠲᠠᠯᠠᠪᠠᠢ 14.4 ᠲᠦᠮᠡᠨ ᠾᠧᠺᠲ᠋ᠠᠷᠲᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 2.3% ᠨᠡᠮᠡᠭ᠌ᠳᠡᠪᠠ᠃ ᠤᠨᠴᠠ ᠵᠠᠷᠢᠮ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ ᠢᠯᠡᠷᠭᠡᠢ ᠨᠡᠮᠡᠭ᠌ᠳᠡᠵᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ᠂ ᠨᠠᠩᠭᠤᠸᠠᠶ᠋ᠢᠨ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ 69.8% ᠨᠡᠮᠡᠭ᠌ᠳᠡᠵᠦ᠍᠂ ᠤᠯᠠᠭᠠᠨ ᠯᠠᠵᠤᠤᠶ᠋ᠢᠨ ᠲᠠᠷᠢᠮᠠᠯᠤᠨ ᠲᠠᠯᠠᠪᠠᠢ 29.5% ᠨᠡᠮᠡᠭ᠌ᠳᠡᠨ᠂ ᠵᠢᠮᠢᠰᠤᠨ ᠭᠤᠸᠠᠶ᠋ᠢᠨ ᠭᠠᠷᠤᠯᠳᠠ 33.8% ᠨᠡᠮᠡᠭ᠌ᠳᠡᠵᠡᠢ᠃
ᠭᠡᠷᠦᠯᠦᠨ ᠭᠤᠤᠯᠤᠨ ᠬᠦᠪᠡᠭᠡᠨᠳᠤ ᠮᠠᠯᠴᠢᠨ ᠠᠯᠳᠠᠨᠰᠠᠩ ᠪᠤᠯᠤᠨ ᠭᠡᠷᠡᠯᠮᠠ ᠬᠤᠷᠱᠢᠶᠠᠶ᠋ᠢᠨ ᠬᠤᠨᠢᠶ᠋ᠢ ᠬᠠᠷᠢᠭᠤᠯᠵᠤ᠂ ᠰᠠᠷᠠᠶ᠋ᠢᠨ 5500 ᠲᠦᠭᠦᠷᠢᠭᠤᠨ ᠲᠤᠭ᠍ᠳᠠᠮᠠᠯ ᠴᠠᠯᠢᠩᠲᠠᠢ ᠪᠤᠯᠤᠭ᠍ᠰᠠᠨ ᠪᠦᠭᠡᠳ ᠦᠪᠡᠷᠤᠨ ᠭᠤᠴᠢ ᠭᠠᠷᠤᠢ ᠬᠤᠨᠢᠪᠠᠨ ᠬᠤᠶᠠᠷ ᠵᠠᠭᠤ ᠱᠢᠬᠠᠮ ᠪᠤᠯᠭᠠᠨ ᠦᠰᠭᠡᠵᠦ᠍᠂ ᠶᠠᠳᠠᠭᠤᠠᠴᠠ ᠠᠩᠬᠢᠵᠢᠷᠠᠨ ᠴᠢᠨᠡᠭᠡᠯᠢᠭ᠌ᠵᠢᠯᠤᠨ ᠵᠠᠮᠢᠶᠠᠷ ᠵᠠᠮᠨᠠᠭ᠍ᠰᠠᠨ᠂ ᠲᠦᠷᠪᠡᠳ ᠬᠤᠱᠢᠭᠤᠨᠤ ᠮᠠᠯᠴᠢᠨ ᠡᠷᠳᠡᠨᠢ ᠱᠢᠶᠧ ᠯᠠᠨ ᠶᠢᠩ ᠦᠨᠳᠤᠷ ᠦᠷᠠ ᠠᠱᠢᠭ᠍ᠳᠤ ᠮᠠᠯ ᠮᠠᠯᠵᠢᠵᠤ᠂ ᠵᠢᠯᠤᠨ ᠬᠤᠶᠠᠷ ᠤᠳᠠᠭᠠ ᠲᠦᠯ ᠲᠤᠰᠴᠤ᠌ ᠪᠤᠷᠤᠯᠠᠭᠤᠯᠬᠤᠶ᠋ᠢ ᠪᠡᠶᠡᠯᠡᠭᠦᠯᠦᠨ᠂ ᠭᠠᠭ᠍ᠴᠠ ᠬᠤᠨᠢᠨᠠᠴᠠᠪᠠᠨ 100 ᠭᠠᠷᠤᠢ ᠲᠦᠮᠡᠨ ᠲᠦᠭᠦᠷᠢᠭᠤᠨ ᠠᠱᠢᠭ ᠤᠷᠤᠯᠭᠠ ᠤᠯᠵᠤ ᠪᠠᠢᠭᠠ᠂ ᠤᠯᠠᠮᠵᠢᠯᠠᠯᠳᠤ ᠴᠠᠭᠠᠨ ᠢᠳᠡᠭᠡᠨᠤ ᠱᠢᠨᠡᠴᠢᠯᠡᠭ᠌ᠰᠡᠨ ᠪᠦᠳᠦᠭᠡᠭ᠌ᠳᠡᠭᠦᠨᠢᠶᠠᠷ ᠵᠠᠬᠠ ᠲᠡᠯᠭᠡᠭᠦᠷᠲᠤ ᠬᠤᠱᠢᠭᠤᠷᠠᠵᠤ ᠪᠠᠢᠭᠠ᠂ ᠭᠡᠭᠦᠦ ᠰᠠᠭᠠᠵᠤ ᠢᠩᠭᠡᠨ ᠬᠤᠭᠤᠷᠮᠠᠭ ᠪᠤᠷᠤᠯᠠᠭᠤᠯᠤᠨ ᠤᠷᠤᠯᠭᠠ ᠨᠡᠮᠡᠭ᠌ᠳᠡᠭᠦᠯᠵᠦ᠍ ᠪᠠᠢᠭᠠ᠂ ᠬᠠᠳᠤᠯᠠᠩᠢᠶᠠᠷᠢᠶᠠᠨ ᠵᠢᠷᠭᠠᠬᠤ ᠮᠠᠯᠴᠢᠳᠤᠨ ᠦᠯᠢᠭᠡᠷ ᠪᠠᠶᠠᠨ ᠨᠠᠮᠤᠷᠤᠨ ᠲᠠᠩᠰᠤᠭ ᠦᠵᠡᠮᠵᠢᠳᠤ ᠪᠠᠰᠠ ᠨᠢᠭᠡᠨ ᠬᠤᠪᠢᠶ᠋ᠢᠨ ᠦᠩᠭᠡ ᠪᠤᠳᠤᠭ ᠨᠡᠮᠡᠷᠢᠯᠡᠨᠠ᠃
ᠲᠤᠭᠠ ᠪᠠᠷᠢᠮᠳᠠ ᠪᠤᠯ ᠬᠦᠭ᠌ᠵᠢᠯᠳᠠᠶ᠋ᠢᠨ ᠬᠠᠮᠤᠭᠤᠨ ᠰᠠᠢᠨ ᠲᠠᠢᠯᠪᠤᠷᠢ ᠮᠦᠨ᠃ ᠲᠡᠭᠡᠷᠠ ᠬᠠᠭᠠᠰ ᠵᠢᠯᠳᠤ᠂ ᠪᠦᠬᠦ᠌ ᠤᠷᠤᠨᠤ ᠮᠠᠯ ᠠᠵᠤ ᠠᠬᠤᠢᠶ᠋ᠢᠨ ᠦᠢᠯᠡᠳᠭᠦᠨᠤ ᠦᠷᠳᠡᠭ 541.1 ᠳ᠋ᠦᠩᠱᠢᠭᠤᠷ ᠲᠦᠭᠦᠷᠢᠭᠲᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 4.4% ᠨᠡᠮᠡᠭ᠌ᠳᠡᠵᠡᠢ᠃ ᠪᠦᠬᠦ᠌ ᠤᠷᠤᠨᠤ ᠵᠢᠭᠦᠷᠳᠡᠨᠤ ᠦᠨᠳᠡᠭᠡ᠂ ᠦᠨᠢᠶᠡᠨ ᠰᠦᠶ᠋ᠢᠨ ᠭᠠᠷᠤᠯᠳᠠ ᠲᠦᠷᠭᠡᠨ ᠨᠡᠮᠡᠭ᠌ᠳᠡᠵᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ ᠲᠤᠰᠪᠤᠷᠢ 14.1% ᠪᠠ 2.5% ᠨᠡᠮᠡᠭ᠌ᠳᠡᠪᠠ； ᠤᠯᠤᠰ ᠪᠤᠯᠤᠨ ᠤᠷᠤᠨᠤ ᠠᠮᠢᠳᠤ ᠭᠠᠭ᠍ᠠᠢᠶ᠋ᠢᠨ ᠬᠠᠩᠭᠠᠯᠭᠠᠶ᠋ᠢ ᠪᠠᠳᠤᠯᠬᠠᠤ ᠡᠯᠠ ᠵᠦᠢᠯᠤᠨ ᠠᠷᠭᠠ ᠬᠡᠮᠵᠢᠶᠠᠶ᠋ᠢᠨ ᠵᠤᠷᠢᠠᠠᠵᠢᠭᠤᠯᠤᠯ ᠲᠤᠤᠷᠠ᠂ ᠪᠦᠬᠦ᠌ ᠤᠷᠤᠨᠤ ᠠᠮᠢᠳᠤ ᠭᠠᠭ᠍ᠠᠢᠶ᠋ᠢᠨ ᠲᠤᠭᠠ ᠦᠷᠭᠦᠯᠵᠢᠯᠡᠨ ᠨᠡᠮᠡᠭ᠌ᠳᠡᠵᠦ᠍᠂ ᠡᠨᠡ ᠵᠢᠯᠤᠨ 6 ᠳ᠋ᠤᠭᠠᠷ ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠶ᠋ᠢᠨ ᠲᠡᠵᠢᠭᠡᠵᠦ᠍ ᠪᠠᠢᠭᠠ ᠲᠤᠭᠠ 521.6 ᠲᠦᠮᠡᠨ ᠲᠤᠯᠤᠭᠠᠢᠳᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠠᠴᠠ 1.0% ᠨᠡᠮᠡᠭ᠌ᠳᠡᠵᠡᠢ᠃
ᠬᠠᠪᠤᠷᠤᠨ ᠦᠷᠠ᠂ ᠨᠠᠮᠤᠷᠤᠨ ᠬᠤᠷᠢᠶᠠᠯᠳᠠ᠃ ᠵᠢᠯ ᠲᠤᠵᠢ ᠰᠡᠳᠭᠢᠯ ᠢᠳᠡᠭᠡᠯᠢᠶᠠᠨ ᠱᠢᠩᠭᠡᠭᠡᠵᠦ᠍᠂ ᠬᠦᠴᠦ᠍ ᠬᠦᠯᠦᠰᠦᠪᠠᠨ ᠱᠢᠮᠡᠳᠭᠡᠭ᠌ᠰᠡᠨ ᠬᠠᠷᠠ ᠱᠢᠷᠤᠢᠠᠴᠠ ᠱᠢᠷᠠ ᠠᠯᠳᠠ ᠮᠠᠯᠳᠠᠨᠠ ᠭᠡᠭ᠌ᠴᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠪᠠᠶᠠᠰᠤᠯ᠂ ᠮᠦᠨ ᠴᠦ᠍ ᠡᠯᠪᠡᠭ ᠬᠤᠷᠢᠶᠠᠯᠳᠠᠶ᠋ᠢᠨ ᠵᠦᠩᠨᠡᠯᠲᠠᠢ ᠠᠯᠳᠠᠨ ᠨᠠᠮᠤᠷᠤᠨ ᠪᠠᠶᠠᠰᠤᠯ ᠡ！