— ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠰᠤᠷᠤᠯᠭᠠ ᠡᠬᠢᠯᠡᠬᠦ ᠦᠶᠠ ᠵᠢᠨ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠵᠥ ᠪᠠᠢᠬᠤ ᠲᠤᠬᠠᠢ ᠮᠡᠳᠡᠭᠡᠯᠡᠯ
8 ᠰᠠᠷᠠᠶ᠋ᠢᠨ 31ᠦ᠌ ᠡᠳᠤᠷᠤᠨ 7 ᠴᠠᠭᠤ᠋ᠨ ᠦᠶᠡᠪᠠᠷ᠂ ᠯᠢᠶᠣᠤᠨᠢᠩ ᠮᠣᠵᠢᠶ᠋ᠢᠨ ᠳ᠋ᠠᠨᠳᠦ᠋ᠩ ᠬᠣᠲᠠᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠤᠯᠤᠳᠤᠭᠠᠷ ᠣᠨᠤ᠋ 616 ᠰᠢᠨᠡ ᠰᠤᠷᠤᠭᠴᠢ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠢᠷᠠᠵᠤ ᠨᠡᠷᠡ ᠮᠡᠳᠡᠭᠦᠯᠵᠡᠢ᠃ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠭᠦᠳᠡᠨᠦ᠌ ᠬᠣᠶᠠᠷ ᠬᠠᠵᠠᠭᠤ ᠪᠡᠷ 50 ᠮᠧᠲ᠋ᠷ ᠣᠷᠴᠢᠮᠤᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠪᠦᠰᠡ ᠵᠢ ᠲᠤᠬᠢᠷᠠᠭᠤᠯᠵᠤ᠂ ᠰᠤᠷᠤᠭᠴᠢᠳ ᠬᠣᠭᠣᠷᠣᠨᠳᠤ ᠪᠡᠨ 1 ᠮᠧᠲ᠋ᠷᠦ᠋ᠨ ᠵᠠᠢᠲᠠᠢ ᠮᠥᠷᠯᠡᠨ ᠵᠢᠭᠰᠠᠵᠤ᠂ ᠲᠣᠭᠲᠠᠭᠰᠠᠨ ᠵᠠᠮᠢ᠋ᠶ᠋ᠠᠷ ᠪᠠᠶᠡ ᠵᠢᠨ ᠬᠠᠯᠠᠭᠤᠨᠢᠶᠡᠨ ᠬᠡᠮᠵᠢᠬᠦᠯᠵᠤ ᠡᠮᠬᠢ ᠵᠢᠷᠤᠮ ᠲᠠᠢᠪᠠᠷ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨ ᠳ᠋ᠤ ᠣᠷᠣᠵᠠᠭᠠᠪᠠ᠃
ᠣᠢᠷᠠᠳ᠋ᠤ᠌ ᠰᠤᠷᠭᠠᠨ ᠬᠥᠮᠦᠵᠢᠯᠦ᠋ᠨ ᠶᠠᠮᠤᠨ ᠮᠡᠳᠡᠭᠳᠡᠯ ᠪᠠᠭᠤᠯᠭᠠᠵᠤ᠂ 2021 ᠣᠨᠤ᠋ ᠨᠠᠮᠤᠷ ᠤ᠋ᠨ ᠤᠯᠠᠷᠢᠯ ᠤ᠋ᠨ ᠰᠤᠷᠤᠯᠭᠠ ᠡᠬᠢᠯᠡᠬᠦ ᠪᠣᠯᠤᠨ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠢ᠋ ᠰᠠᠢᠲᠤᠷ ᠬᠢᠬᠦ ᠲᠤᠬᠠᠢ ᠪᠠᠢᠷᠢᠯᠠᠭᠤᠯᠵᠤ᠂ ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠲᠡᠷᠢᠬᠦᠨ ᠴᠢᠬᠤᠯᠠ ᠠᠵᠢᠯᠢ ᠰᠠᠢᠳᠤᠷ ᠬᠢᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠴᠢᠬᠤᠯᠠᠴᠢᠯᠠᠪᠠ᠃ ᠰᠤᠷᠪᠤᠯᠵᠢᠯᠠᠭᠴᠢ ᠵᠢᠶᠠᠩᠰᠦ᠂ ᠪᠡᠭᠡᠵᠢᠩ᠂ ᠯᠢᠶᠣᠤᠨᠢᠩ ᠵᠡᠷᠭᠡ ᠭᠠᠵᠠᠷᠢᠶᠡᠷ ᠬᠦᠷᠴᠦ ᠤᠢᠯᠠᠭᠠᠬᠰᠡᠨ ᠵᠢᠡᠷ᠂ ᠴᠥᠭᠡᠨ ᠪᠤᠰᠤ ᠰᠤᠷᠭᠠᠭᠤᠯᠢᠳ᠋ᠤ᠌ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠰᠣᠷᠢᠯᠲᠠ ᠥᠷᠨᠢᠭᠦᠯᠵᠦ᠂ ᠬᠢᠵᠢᠭᠢ᠋ ᠰᠡᠷᠭᠡᠢᠯᠡᠬᠦ ᠡᠳ᠋ ᠪᠣᠳᠠᠰᠢ᠋ ᠬᠦᠢᠴᠡᠳ ᠪᠡᠯᠡᠳᠬᠡᠭᠰᠡᠨ ᠪᠥᠭᠡᠳ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨᠦ᠌ ᠳᠠᠷᠠᠭᠠ ᠬᠢᠵᠢᠭᠢ᠋ ᠰᠡᠷᠭᠡᠢᠯᠡᠬᠦ ᠡᠯᠡ ᠵᠦᠢᠯᠦ᠋ᠨ ᠳᠦᠷᠢᠮᠢ᠋ ᠦᠷᠭᠦᠯᠵᠢᠯᠡᠨ ᠴᠢᠩᠭᠠ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠭᠡᠷᠦ᠋ᠨ ᠠᠬᠠᠮᠠᠳ ᠪᠠ ᠰᠤᠷᠤᠭᠴᠢᠳᠢ ᠰᠠᠨᠠᠭᠠ ᠠᠮᠤᠷ ᠪᠠᠢᠯᠭᠠᠬᠤ ᠪᠤᠯᠤᠨᠡ᠃
ᠬᠢᠵᠢᠭᠤᠨ ᠪᠠᠢᠳᠠᠯᠢ ᠰᠡᠷᠬᠡᠢᠯᠡᠨ ᠡᠵᠡᠮᠳᠡᠬᠦ ᠰᠣᠷᠢᠯᠲᠠ ᠡᠮᠬᠢ ᠵᠢᠷᠤᠮ ᠲᠡᠢ ᠶᠠᠪᠤᠬᠳᠠᠪᠠ
《ᠮᠠᠨᠤ᠋ ᠰᠤᠷᠭᠠᠭᠤᠯᠢ ᠰᠤᠷᠭᠠᠭᠤᠯᠢ ᠵᠢᠨ ᠡᠬᠦᠳᠡᠨᠳᠤ ᠥᠷᠯᠥᠭᠡᠶ᠋ᠢᠨ ᠪᠠᠢᠴᠠᠭᠠᠯᠲᠠ ᠬᠢᠬᠦ ᠦᠶᠡᠳ᠋ᠦ᠍ ᠨᠢᠭᠡ ᠰᠤᠷᠤᠭᠴᠢᠶ᠋ᠢᠨ ᠪᠠᠶᠡ ᠨᠢ ᠡᠪ ᠦᠭᠡᠢ ᠪᠠᠢᠳᠠᠯ ᠢᠯᠡᠷᠡᠵᠤ᠂ ᠪᠡᠶᠡᠶ᠋ᠢᠨ ᠬᠠᠯᠠᠭᠤᠨ ᠨᠢ 38℃ᠬᠦᠷᠦᠭᠰᠡᠨᠢ ᠤᠯᠵᠤ ᠮᠡᠳᠡᠪᠠ ᠁ ᠤᠳᠤ ᠲᠤᠰ ᠰᠤᠷᠤᠭᠴᠢ ᠵᠢ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠦᠷ ᠴᠠᠭᠤ᠋ᠨ ᠲᠤᠰᠠᠭᠠᠷᠯᠠᠬᠤ ᠭᠠᠵᠠᠷᠲᠤ᠌ ᠠᠪᠴᠤ ᠢᠷᠡᠭᠡᠳ ᠪᠠᠢᠨᠠ᠂ ᠲᠠᠨᠤ᠋ ᠪᠠᠢᠭᠤᠯᠭᠠᠳᠤ ᠪᠤᠳᠠᠳᠠᠢ ᠪᠠᠢᠳᠠᠯᠢ ᠮᠡᠳᠡᠬᠦᠯᠵᠤ ᠪᠠᠢᠨᠠ》᠃ 8 ᠰᠠᠷᠠᠶ᠋ᠢᠨ 30ᠤ᠋ ᠦᠳᠡᠶ᠋ᠢᠨ ᠡᠮᠦᠨᠡ ᠵᠢᠶᠠᠩᠰᠦ ᠮᠣᠵᠢᠶ᠋ᠢᠨ ᠯᠢ ᠱᠦᠢᠶ᠋ᠢᠨ ᠥᠨᠳᠥᠷ ᠵᠡᠷᠭᠡᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠰᠣᠷᠢᠯᠲᠠ ᠬᠢᠵᠦ᠂ ᠰᠤᠷᠤᠭᠴᠢᠳᠤ᠋ᠨ ᠰᠤᠷᠭᠠᠭᠤᠯᠢᠳ᠋ᠤ᠌ ᠣᠷᠣᠵᠤ ᠪᠡᠶᠠ ᠵᠢᠨ ᠬᠠᠯᠠᠭᠤᠨᠢ᠋ ᠬᠡᠮᠵᠢᠬᠦ ᠵᠡᠷᠬᠡ ᠡᠯᠡ ᠭᠣᠭᠴᠣᠭᠠ ᠡᠴᠡ ᠠᠪᠤᠭᠠᠳ ᠠᠳᠠᠯᠢ ᠪᠤᠰᠤ ᠭᠠᠵᠠᠷ ᠣᠷᠣᠨᠢ ᠠᠷᠢᠭᠤᠳᠬᠠᠨ ᠤᠰᠠᠳᠬᠠᠬᠤ ᠬᠦᠷᠳᠡᠯᠡ ᠵᠢᠴᠢ ᠭᠡᠨᠡᠳᠲᠡᠶ᠋ᠢᠨ ᠪᠠᠢᠳᠠᠯᠢ᠋ ᠰᠢᠢᠳᠪᠦᠷᠢᠯᠡᠬᠦ ᠪᠦᠬᠦ ᠲᠠᠯᠠᠶ᠋ᠢᠨ ᠰᠣᠷᠢᠯᠲᠠ ᠬᠢᠪᠡ᠃
ᠪᠡᠭᠡᠵᠢᠩ ᠬᠣᠲᠠᠶ᠋ᠢᠨ ᠴᠤᠤᠶᠠᠩ ᠲᠣᠭᠣᠷᠢᠭᠲᠤ᠌ ᠪᠠᠢᠷᠢᠯᠠᠭᠠ ᠴᠢ ᠮᠢᠩ ᠵᠣ᠌ ᠵᠢᠶᠠᠩ ᠬᠡᠦᠬᠡᠳᠦ᠋ᠨ ᠴᠡᠴᠡᠷᠯᠢᠭ 8 ᠰᠠᠷᠠᠶ᠋ᠢᠨ 19 ᠡᠴᠡ 27 ᠤ᠋ ᠡᠳᠦᠷ ᠪᠣᠯᠲᠠᠯᠠ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠳ᠋ᠤ᠌ ᠴᠢᠭᠯᠡᠭᠦᠯᠦᠨ 2 ᠤᠳᠠᠭᠠ ᠵᠢᠨ ᠪᠣᠯᠪᠠᠰᠤᠷᠠᠯ ᠪᠠ 1 ᠤᠳᠠᠭᠠ ᠵᠢᠨ ᠪᠠᠴᠢᠮ ᠪᠠᠢᠳᠠᠯᠢ᠋ ᠠᠷᠭᠠᠴᠠᠭᠠᠬᠤ ᠰᠣᠷᠢᠯᠲᠠ ᠬᠢᠭᠰᠡᠨ ᠪᠥᠭᠡᠳ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠪᠠ ᠪᠤᠳᠠᠳᠤ ᠴᠤᠬᠴᠠ ᠵᠢ ᠤᠶᠠᠯᠳᠤᠭᠤᠯᠬᠤ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ ᠪᠦᠬᠦ ᠪᠠᠭᠰᠢ᠂ ᠠᠵᠢᠯᠲᠠᠨ᠂ ᠬᠡᠦᠬᠡᠳᠦ᠋ᠨ ᠭᠡᠷᠦ᠋ᠨ ᠠᠬᠠᠮᠠᠳᠢ᠋ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠰᠤᠷᠭᠠᠭᠤᠯᠢ ᠡᠭᠢᠯᠡᠵᠤ ᠰᠤᠷᠭᠠᠭᠤᠯᠢᠳ᠋ᠠᠭᠠᠨ ᠪᠤᠴᠠᠬᠤ ᠠᠵᠢᠯᠤ᠋ᠨ ᠲᠥᠰᠦᠯ ᠪᠠ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠮᠡᠳᠡᠯᠭᠡᠶ᠋ᠢ ᠰᠤᠷᠤᠯᠴᠠᠭᠤᠯᠵᠠᠢ᠃
ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦᠡᠴᠡ ᠡᠮᠦᠨᠡᠬᠡᠨ᠂ ᠵᠢᠶᠠᠩᠰᠢ ᠮᠣᠵᠢᠶ᠋ᠢᠨ ᠢ ᠴᠦᠨ ᠬᠣᠲᠠᠶ᠋ᠢᠨ ᠶᠤᠸᠠᠨ ᠵᠧᠦ ᠲᠣᠭᠣᠷᠢᠭᠤ᠋ᠨ ᠸᠧᠨ ᠪᠢ ᠹᠧᠩ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠡᠬᠦᠳᠡᠨᠤ ᠭᠠᠳᠠᠨᠠ᠂ ᠭᠡᠷᠦ᠋ᠨ ᠠᠬᠠᠮᠠᠳ ᠬᠤ᠌ ᠹᠧᠨ᠄ 《ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦᠡᠴᠡ ᠡᠮᠦᠨᠡ ᠰᠤᠷᠭᠠᠭᠤᠯᠢ ᠡᠴᠡ ᠬᠡᠦᠬᠡᠳᠤᠳᠲᠦ᠍ 〈ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ ᠪᠣᠭᠴᠣ〉 ᠵᠢ ᠪᠡᠯᠡᠳᠭᠡᠨ ᠦᠭᠴᠦ᠂ ᠲᠤᠳᠤᠷᠠ ᠨᠢ ᠬᠡᠦᠬᠡᠳᠤᠨ ᠠᠮᠠᠪᠴᠢ᠂ ᠰᠫᠢᠷᠲᠤᠨ ᠠᠷᠢᠭᠤᠳᠭᠠᠬᠤ ᠰᠢᠩᠭᠡᠨ᠂ ᠭᠠᠷ ᠤᠬᠢᠶᠠᠬᠤ ᠰᠢᠩᠭᠡᠨ ᠵᠡᠷᠭᠡ ᠡᠳ᠋ ᠪᠦᠷᠢᠨ ᠪᠠᠢᠨᠠ》 ᠬᠡᠪᠡ᠃
ᠸᠠᠺᠼᠢᠨᠤ᠋ ᠲᠠᠷᠢᠯᠭᠠ ᠲᠠᠷᠢᠬᠤ ᠠᠵᠢᠯᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠪᠠ
ᠮᠠᠨᠤ᠋ ᠤᠯᠤᠰᠤ᠋ᠨ ᠰᠢᠨᠡ ᠲᠢᠳᠢᠮᠯᠢᠭ ᠸᠢᠷᠦ᠋ᠰᠤᠨ ᠸᠠᠺᠼᠢᠨᠢ᠋ ᠲᠠᠷᠢᠬᠤ ᠶᠡᠷᠦᠩᠬᠡᠢ ᠪᠠᠢᠷᠢᠯᠠᠭᠤᠯᠤᠯᠲᠠ ᠶᠣᠰᠣᠭᠠᠷ᠂ ᠪᠦᠬᠦ ᠤᠯᠤᠰᠤ᠋ᠨ ᠡᠯᠡ ᠭᠠᠵᠠᠷᠤ᠋ᠨ ᠬᠢᠨ 12 ᠨᠠᠰᠤᠨᠠ᠋ᠴᠠ 17 ᠨᠠᠰᠤᠨᠤ᠋ ᠬᠥᠮᠦᠰᠲᠦ᠍ ᠲᠠᠷᠢᠯᠭᠠ ᠲᠠᠷᠢᠬᠤ ᠠᠵᠢᠯᠢ᠋ ᠦᠷᠨᠢᠭᠦᠯᠵᠦ ᠡᠬᠢᠯᠡᠪᠡ᠃ ᠭᠤᠸᠠᠩᠵᠧᠦᠶ᠋ᠢᠨ ᠠᠩᠬᠠ ᠨᠢᠭᠡ ᠵᠢᠨ ᠰᠤᠷᠤᠭᠴᠢ ᠵᠢᠨ ᠭᠡᠷᠦ᠋ᠨ ᠠᠬᠠᠮᠠᠳ ᠵᠧᠦ ᠠᠪᠠᠬᠠᠢ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ ᠄ 《 ᠬᠡᠤᠬᠡᠳ ᠨᠢ ᠡᠨᠡ ᠵᠢᠯ ᠪᠠᠭᠠ ᠰᠤᠷᠭᠠᠭᠤᠯᠢ ᠡᠴᠡ ᠠᠩᠬᠠ ᠳᠤᠮᠳᠠᠳᠤᠳ᠋ᠤ᠌ ᠲᠡᠪᠰᠢᠵᠤ᠂ ᠶᠠᠭ ᠰᠠᠢᠬᠠᠨ 12 ᠨᠠᠰᠤᠲᠠᠢ ᠪᠠᠢᠵᠤ᠂ ᠸᠠᠺᠼᠢᠨ ᠲᠠᠷᠢᠬᠤ ᠨᠠᠰᠤᠨᠳᠤ ᠬᠦᠷᠴᠡᠢ᠂ ᠬᠡᠦᠬᠡᠳᠦ᠋ᠨ ᠰᠠᠶᠢᠬᠠᠨ ᠲᠡᠭᠦᠰᠦᠭᠰᠡᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠪᠣᠯᠤᠨ ᠤᠳᠠᠯ ᠦᠭᠡᠢ ᠰᠤᠷᠤᠯᠴᠠᠬᠤ ᠬᠡᠵᠤ ᠪᠠᠢᠭᠠ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠡᠴᠡ ᠨᠢ ᠴᠦᠮ ᠸᠠᠺᠼᠢᠨ ᠳᠠᠷᠢᠭᠤᠯᠬᠤ ᠲᠤᠬᠠᠢ ᠮᠡᠳᠡᠭᠳᠡᠯᠢᠷᠡᠭᠦᠯᠪᠡ᠃ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠵᠢᠷᠭᠢᠶᠡ ᠵᠢᠨ ᠴᠤᠭᠯᠠᠷᠠᠯᠳᠤ᠂ ᠠᠩᠭᠢᠶ᠋ᠢᠨ ᠡᠷᠬᠢᠯᠡᠭᠴᠢ ᠨᠢ ᠪᠠᠰᠠ ᠲᠠᠷᠢᠯᠭᠠ ᠬᠢᠭᠰᠡᠨ ᠪᠠᠢᠳᠠᠯ ᠵᠢᠡᠷ ᠲᠥᠷᠥᠯ ᠬᠤᠪᠢᠶᠠᠨ᠂ ᠠᠵᠢᠯ ᠵᠢᠡᠨ ᠨᠠᠷᠢᠨ ᠨᠢᠮᠪᠠᠢ ᠬᠢᠵᠦ᠂ ᠭᠡᠷᠦ᠋ᠨ ᠠᠬᠠᠮᠠᠳ ᠴᠤ᠌ ᠲᠤᠷᠠᠳᠠᠢ ᠬᠠᠮᠵᠢᠯᠴᠠᠪᠠ》 ᠭᠡᠯᠡ᠃
ᠨᠠᠨᠵᠢᠩᠤ᠋ᠨ ᠪᠠᠭᠰᠢᠶ᠋ᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠷᠢᠶᠠᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠴᠢᠨ ᠬᠤᠸᠠᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠦ᠋ᠨ ᠥᠨᠳᠥᠷ ᠳᠤᠮᠳᠠᠳᠤᠶ᠋ᠢᠨ ᠲᠠᠷᠢᠯᠭᠠ ᠲᠠᠷᠢᠬᠤ ᠴᠡᠭ ᠣᠢᠷᠠᠳ᠋ᠤ᠌ 1000 ᠭᠠᠷᠤᠢ ᠰᠤᠷᠤᠭᠴᠢᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠰᠢᠨᠡ ᠲᠢᠲᠢᠮᠯᠢᠭ ᠸᠢᠷᠦ᠋ᠰᠦ᠋ᠨ ᠸᠠᠺᠼᠢᠨᠢ᠋ ᠲᠠᠷᠢᠭᠤᠯᠪᠠ᠃ ᠲᠤᠰ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠤᠷᠤᠭᠴᠢᠶ᠋ᠢᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠭᠠᠵᠠᠷᠦ᠋ᠨ ᠡᠷᠬᠢᠯᠡᠭᠴᠢ ᠡᠦ ᠵᠢᠶᠧ᠄《ᠥᠨᠳᠥᠷ ᠳᠤᠮᠳᠠᠳᠤᠶ᠋ᠢᠨ ᠰᠤᠷᠤᠭᠴᠢ ᠪᠤᠯᠤᠭᠰᠠᠨᠤ ᠬᠤᠪᠢᠳᠤ᠂ ᠸᠠᠺᠼᠢᠨ ᠲᠠᠷᠢᠬᠤ ᠨᠢ ᠨᠢᠭᠡ ᠵᠦᠢᠯᠤᠨ ᠬᠠᠷᠢᠭᠤᠴᠠᠯᠭᠠ᠂ ᠨᠡᠩ ᠴᠦ᠍ ᠰᠢᠨᠡ ᠰᠤᠷᠤᠯᠭᠠᠶ᠋ᠢᠨ ᠬᠤᠭᠤᠴᠠᠭᠠᠨᠳ᠋ᠤ᠌ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠪᠤᠴᠠᠬᠤᠳ᠋ᠤ᠌ ᠰᠠᠢᠲᠤᠷ ᠪᠡᠯᠡᠳᠬᠡᠯ ᠬᠢᠬᠦ ᠴᠢᠬᠤᠯᠠ ᠶᠠᠪᠤᠳᠠᠯ ᠪᠣᠯᠤᠨᠠ 》 ᠭᠡᠪᠠ᠃
《ᠵᠤᠨᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳ᠋ᠤ᠌᠂ ᠪᠢᠳᠡ ᠪᠡᠭᠡᠵᠢᠩ ᠬᠣᠲᠠᠶ᠋ᠢᠨ ᠱᠠᠭᠠᠷᠳᠠᠯᠭᠠᠪᠠᠷ ᠰᠢᠨᠡ ᠰᠤᠷᠤᠭᠴᠢᠶ᠋ᠢ ᠪᠠᠭᠲᠠᠭᠠᠭᠰᠠᠨ ᠪᠦᠬᠦ ᠰᠤᠷᠤᠭᠴᠢᠳᠲᠠᠭᠠᠨ ᠰᠢᠨᠡ ᠲᠢᠲᠢᠮᠯᠢᠭ ᠸᠢᠷᠦ᠋ᠰᠦ᠋ᠨ ᠸᠠᠺᠼᠢᠨᠤ᠋ ᠲᠠᠷᠢᠯᠭᠠ ᠲᠠᠷᠢᠵᠤ᠂ ᠤᠳᠤᠬᠠᠨᠳᠤ ᠲᠠᠷᠢᠯᠭᠠ ᠲᠠᠷᠢᠭᠰᠠᠨ ᠨᠤᠷᠮᠠ ᠪᠠᠷᠤᠭ 95% ᠳ᠋ᠤ ᠬᠦᠷᠴᠡᠢ》ᠭᠡᠵᠦ ᠪᠡᠭᠡᠵᠢᠩᠦ᠋ᠨ ᠾᠦᠢ ᠸᠸᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠵᠠᠬᠢᠷᠤᠯ ᠬᠣᠩ ᠵᠢᠩ ᠲᠠᠨᠢᠯᠴᠠᠭᠤᠯᠤᠨᠠ ᠃
ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ ᠳᠦᠷᠢᠮᠢ᠋ ᠴᠢᠩᠭᠠ ᠨᠠᠢᠳᠠᠪᠤᠷᠢᠵᠢᠭᠤᠯᠪᠠ
ᠰᠤᠷᠪᠤᠯᠵᠢᠯᠠᠭᠴᠢᠶ᠋ᠢᠨ ᠣᠢᠯᠠᠭᠠᠭᠰᠠᠨ ᠵᠢᠡᠷ᠂ ᠡᠯᠡ ᠰᠤᠷᠭᠠᠭᠤᠯᠢ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦᠡᠴᠡ ᠡᠮᠦᠨᠡ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠴᠢᠩᠭᠠ ᠠᠷᠭᠠ ᠬᠡᠮᠵᠢᠶᠡ ᠵᠢ ᠬᠡᠷᠡᠭᠵᠢᠭᠦᠯᠦᠭᠰᠡᠨᠠ᠋ᠴᠠ ᠭᠠᠳᠠᠨᠠ ᠡᠯᠡ ᠵᠦᠢᠯᠦ᠋ᠨ ᠬᠢᠵᠢᠭᠢ᠋ ᠰᠡᠷᠭᠡᠢᠯᠡᠬᠦ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠳᠦᠷᠢᠮᠵᠢᠭᠦᠯᠬᠦ᠂ ᠪᠠᠢᠩᠭᠤᠵᠢᠭᠤᠯᠬᠤ ᠪᠤᠯᠤᠨᠠ᠃
ᠪᠡᠭᠡᠵᠢᠩᠦ᠋ᠨ ᠾᠦᠢ ᠸᠸᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠵᠠᠬᠢᠷᠤᠯ ᠬᠣᠩ ᠵᠢᠩ᠄《ᠪᠢᠳᠡ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦᠡᠴᠡ ᠡᠮᠦᠨᠡ᠂ ᠪᠣᠢ ᠪᠦᠬᠦᠢ ᠭᠡᠷ ᠳᠣᠲᠣᠷᠠᠬᠢ ᠣᠷᠴᠢᠨ ᠲᠣᠭᠣᠷᠢᠨᠢ᠋ ᠰᠠᠢᠲᠤᠷ ᠠᠷᠢᠭᠤᠳᠭᠠᠬᠤᠶ᠋ᠢᠨ ᠬᠠᠮᠲᠤ᠂ ᠰᠤᠷᠤᠭᠴᠢᠳᠢ ᠰᠤᠷᠭᠠᠭᠤᠯᠢᠳ᠋ᠤ᠌ ᠬᠦᠷᠦᠭᠰᠡᠨᠦ᠌ ᠳᠠᠷᠠᠭᠠ ᠰᠠᠶᠢ ᠡᠭᠦᠳᠡᠪᠡᠨ ᠨᠡᠭᠡᠭᠡᠨᠡ᠃ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨᠦ᠌ ᠳᠠᠷᠠᠭᠠ᠂ ᠡᠳᠦᠷ ᠪᠤᠯᠭᠠᠨ ᠡᠷᠳᠡ ᠤᠷᠤᠢ ᠲᠤᠰ ᠪᠦᠷᠢ ᠨᠢᠭᠡ ᠤᠳᠠᠭᠠ ᠠᠰᠠᠷᠤᠨ ᠭᠤᠳᠤᠮᠵᠢ ᠵᠢ ᠠᠷᠢᠭᠤᠳᠭᠠᠨᠠ᠃ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨᠦ᠌ ᠳᠠᠷᠠᠭᠠ᠂ ᠰᠤᠷᠤᠭᠴᠢᠳ ᠰᠤᠷᠭᠠᠭᠤᠯᠢᠳ᠋ᠤ᠌ ᠣᠷᠣᠬᠤ ᠦᠶᠡᠳ᠋ᠤ ᠪᠡᠶᠡᠶ᠋ᠢᠨ ᠬᠠᠯᠠᠭᠤᠨ ᠢ᠋ᠶ᠋ᠠᠨ ᠬᠡᠮᠵᠢᠬᠦᠯᠬᠦ ᠪᠡᠷ ᠪᠠᠷᠠᠬᠤ ᠦᠭᠡᠢ᠂ ᠠᠩᠭᠢᠳ᠋ᠠᠭᠠᠨ ᠬᠦᠷᠦᠭᠰᠡᠨᠤ ᠬᠣᠢᠨᠠ᠂ ᠦᠳᠡᠳ᠋ᠦ᠍ ᠪᠠᠰᠠ ᠪᠡᠶᠡᠶ᠋ᠢᠨ ᠬᠠᠯᠠᠭᠤᠨ ᠵᠢᠡᠨ ᠬᠡᠮᠵᠢᠵᠦ᠂ ᠠᠩᠭᠢ ᠪᠦᠷᠢᠳ᠋ᠦ᠍ ᠲᠤᠰᠬᠠᠢ ᠬᠥᠮᠦᠨ ᠲᠣᠬᠢᠷᠠᠭᠤᠯᠵᠤ ᠬᠢᠴᠢᠶᠡᠯᠦ᠋ᠨ ᠵᠠᠪᠰᠠᠷᠯᠠᠭᠠᠳᠤ ᠴᠤᠩᠬᠤ ᠪᠠᠨ ᠨᠡᠭᠡᠭᠡᠵᠦ ᠰᠠᠯᠬᠢ ᠨᠡᠪᠲᠡᠷᠡᠭᠦᠯᠬᠦ ᠠᠵᠢᠯᠢ᠋ ᠬᠠᠷᠢᠭᠤᠴᠠᠭᠤᠯᠵᠤ᠂ ᠨᠣᠮᠤ᠋ᠨ ᠰᠠᠩ᠂ ᠲᠠᠮᠢᠷᠤ᠋ᠨ ᠲᠠᠯᠠᠪᠠᠢ ᠵᠡᠷᠭᠡ ᠭᠣᠣᠯᠳᠠᠯᠭᠠᠲᠠᠢ ᠲᠠᠯᠠᠪᠤᠷ ᠲᠤ ᠴᠢᠩᠭᠠ ᠬᠠᠮᠢᠶᠠᠷᠬᠤ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠨᠠ》 ᠭᠡᠵᠦ ᠢᠯᠡᠳᠭᠡᠪᠡ᠃
《ᠵᠢᠩᠬᠢᠨᠢᠪᠡᠷ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨᠦ᠌ ᠳᠠᠷᠠᠭᠠ᠂ ᠮᠢᠨᠦ ᠪᠣᠳᠣᠬᠤᠪᠠᠷ ᠶᠠᠭᠤᠨᠤ᠋ ᠡᠮᠤᠨᠠ ᠦᠵᠡᠯ ᠰᠠᠨᠠᠭᠠᠨᠤ᠋ ᠲᠠᠯᠠᠪᠠᠷ ᠣᠪᠣᠷ ᠵᠢᠡᠨ ᠲᠦᠪ ᠪᠤᠯᠭᠠᠵᠤ᠂ ᠥᠨᠳᠥᠷ ᠶᠠᠰᠤ ᠴᠢᠨᠠᠷ ᠥᠨᠳᠥᠷ ᠪᠠᠷᠢᠮᠵᠢᠶᠠ ᠪᠠᠷ ᠰᠡᠷᠭᠡᠢᠯᠡᠬᠦ ᠠᠵᠢᠯ ᠨᠢᠬᠡ ᠪᠦᠷᠢ ᠵᠢ ᠰᠠᠢᠲᠤᠷ ᠪᠡᠶᠡᠯᠡᠭᠦᠯᠵᠦ᠂ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠬᠡᠮᠵᠢᠶᠡ ᠨᠤᠭᠦᠳᠢ᠋ ᠪᠣᠳᠠᠲᠠᠢ ᠭᠠᠵᠠᠷ ᠲᠤᠨᠢ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤ ᠶ᠋ᠢ ᠪᠠᠲᠤᠯᠠᠨᠡ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠰᠤᠷᠭᠠᠭᠤᠯᠢᠶ᠋ᠢᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯ ᠪᠣᠯ ᠨᠡᠢᠭᠡᠮᠦ᠋ᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠤᠨ ᠨᠢᠭᠡ ᠬᠡᠰᠡᠭ ᠪᠠᠢᠵᠤ᠂ ᠨᠡᠢᠭᠡᠮ᠂ ᠭᠡᠷ ᠪᠦᠯᠢᠶ᠋ᠢᠨ ᠡᠯᠡ ᠲᠠᠯᠠᠶ᠋ᠢᠨ ᠬᠢᠨ ᠴᠥᠮ ᠴᠥᠬᠥᠷᠡᠯ ᠦᠭᠡᠢ ᠴᠢᠩᠭᠠ ᠠᠳᠬᠤᠵᠤ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠷᠭᠠ ᠬᠡᠮᠵᠢᠶᠡ ᠠᠪᠤᠪᠠᠯ ᠰᠠᠶᠢ ᠦᠢᠯᠡᠳᠦᠯ ᠦᠵᠡᠬᠦᠯᠵᠤ ᠴᠢᠳᠠᠨᠠ》 ᠭᠡᠵᠦ ᠯᠢᠶᠣᠤᠨᠢᠩ ᠮᠣᠵᠢᠶ᠋ᠢᠨ ᠳ᠋ᠠᠨᠳᠦ᠋ᠩ ᠬᠣᠲᠠᠶ᠋ᠢᠨ ᠵᠢᠷᠭᠤᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠵᠠᠬᠢᠷᠤᠯ ᠭᠧᠩ ᠷᠠᠨ ᠶᠡᠷᠢᠵᠤ ᠪᠠᠢᠯᠠ᠃ （ᠰᠢᠨᠬᠤᠧᠠ ᠬᠣᠷᠢᠶᠠᠨᠤ ᠪᠡᠭᠡᠵᠢᠩᠦ᠋ᠨ 8 ᠰᠠᠷᠠᠶ᠋ᠢᠨ 31ᠦ᠌ ᠴᠠᠬᠢᠯᠭᠠᠨ ᠮᠡᠳᠡᠭᠡ）