ᠷᠦᠢᠵᠢᠨᠤ ᠲᠥᠪᠦᠨ ᠬᠤᠪᠢᠰᠭᠠᠯᠤᠨ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠲᠡᠦᠬᠡᠶ᠋ᠢᠨ
ᠮᠦᠽᠧᠢᠳᠦ ᠭᠢᠯᠲᠠᠭᠠᠨᠠᠮᠠ ᠰᠠᠢᠬᠠᠨ ᠨᠢᠭᠡᠨ ᠬᠠᠰ ᠲᠠᠮᠠᠭᠠ ᠬᠠᠳᠠᠭᠠᠯᠠᠬᠳᠠᠵᠤ ᠪᠤᠢ᠃ ᠲᠡᠷᠡ ᠪᠣᠯ
ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠬᠦᠳᠠ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ
ᠪᠣᠯᠤᠨᠠ᠃
1931
ᠣᠨᠤ 11
ᠰᠠᠷᠠᠳᠤ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠲᠦᠷ ᠴᠠᠭᠤᠨ ᠲᠥᠪ ᠵᠠᠰᠠᠭᠤᠨ ᠣᠷᠳᠣᠨ ᠵᠢᠩᠬᠢᠨᠢᠪᠡᠷ
ᠪᠠᠢᠭᠤᠯᠤᠭ᠍ᠳᠠᠵᠤ᠂ ᠳᠠᠷᠠᠭᠠ ᠵᠢᠯᠦᠨ ᠬᠢᠨᠢ 2 ᠰᠠᠷᠠᠳᠤ᠂
ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢ ᠵᠢᠩᠬᠢᠨᠢᠪᠡᠷ
ᠪᠠᠢᠭᠤᠯᠤᠭ᠍ᠳᠠᠵᠠᠢ᠃ ᠡᠭᠦᠨ ᠳ᠋ᠤ ᠮᠠᠤ ᠽᠸ ᠮᠢᠨ ᠠᠶᠤᠯ ᠲᠦᠭ᠌ᠰᠢᠭᠦᠷᠢᠲᠦ ᠮᠦᠴᠡᠳᠦ ᠤᠯᠤᠰᠤᠨ
ᠪᠠᠩᠬᠢᠶ᠋ᠢᠨ ᠳᠠᠷᠤᠭᠠᠶ᠋ᠢᠨ ᠲᠤᠱᠢᠶᠠᠯᠢ ᠡᠭᠦᠷᠭᠡᠯᠡᠭᠰᠡᠨ ᠪᠢᠯᠡ᠃
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ 《ᠮᠡᠨᠳᠦᠯᠡᠪᠡ》
ᠰᠤᠪᠢᠶᠠᠳ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠤᠬᠠᠢᠶ᠋ᠢᠨ ᠦᠶᠡᠶᠢᠨ ᠲᠦᠷᠦᠭᠦᠦ
ᠡᠭᠦᠷᠭᠡ ᠪᠣᠯ ᠬᠠᠭᠤᠷᠮᠠᠭ ᠵᠣᠭᠣᠰ᠂ ᠡᠯᠳᠡᠪ ᠵᠣᠭᠣᠰᠢ ᠴᠠᠭᠠᠵᠠᠯᠠᠬᠤ᠂ ᠵᠣᠭᠣᠰ ᠲᠠᠷᠬᠠᠭᠠᠬᠤ᠂ ᠰᠤᠪᠢᠶᠠᠳ
ᠣᠷᠣᠨᠤ ᠮᠥᠩᠭᠥᠨ ᠭᠦᠢᠯᠭᠡᠭᠡᠶ᠋ᠢ ᠨᠢᠭᠡᠳᠭᠡᠬᠦ᠌ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠡᠭᠦᠨᠦ ᠲᠦᠯᠦᠭᠡ ᠮᠠᠤ ᠽᠸ ᠮᠢᠨ
ᠬᠠᠮᠤᠭ ᠲᠡᠷᠢᠭᠦᠨᠳᠦ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠲᠠᠮᠠᠭᠠ ᠰᠡᠢᠯᠬᠦ᠌ᠪᠡᠷ
ᠲᠣᠭ᠍ᠲᠠᠪᠠ᠃ ᠲᠤᠬᠠᠢᠶ᠋ᠢᠨ ᠦᠶᠡᠳᠦ᠂ ᠡᠳ᠋ᠦᠨ ᠵᠠᠰᠠᠭᠤᠨ ᠠᠷᠠᠳᠤᠨ ᠵᠥᠪᠯᠡᠯᠦᠨ ᠳᠠᠷᠤᠭᠠ
ᠪᠠᠢᠭ᠍ᠰᠠᠨ ᠳ᠋ᠧᠩ ᠽᠢ ᠬᠤᠢ ᠲᠡᠭᠦᠨ ᠳ᠋ᠤ ᠨᠢᠭᠡᠨ ᠭᠡᠰᠡᠭ ᠲᠦᠷᠪᠡᠯᠵᠢᠨ ᠬᠠᠰ ᠡᠳ᠋ᠯᠡᠯ ᠤᠯᠵᠤ ᠦᠭᠴᠡᠢ᠃
ᠲᠡᠷᠡ ᠲᠠᠮᠠᠭᠠ ᠰᠡᠢᠯᠦᠭ᠌ᠴᠢ ᠤᠷᠢᠵᠤ ᠦᠨᠦ ᠬᠠᠰ ᠡᠳ᠋ᠯᠡᠯᠦᠨ ᠬᠡᠯᠪᠡᠷᠢ ᠲᠦᠷᠰᠦᠶ᠋ᠢ ᠦᠨᠳᠦᠰᠦᠯᠡᠨ 《ᠤᠯᠤᠰᠤᠨ ᠪᠠᠩᠬᠢ》 ᠶ᠋ᠢᠨ ᠲᠠᠮᠠᠭᠠ
ᠰᠡᠢᠯᠦᠭᠦᠯᠪᠡ᠃
ᠲᠤᠰ ᠲᠠᠮᠠᠭᠠᠶ᠋ᠢᠨ ᠥᠨᠳᠥᠷ ᠨᠢ 6.3
ᠰᠠᠨᠲ᠋ᠢᠮᠧᠲ᠋ᠷ᠂ ᠥᠷᠭᠡᠨ ᠨᠢ 2.4 ᠰᠠᠨᠲ᠋ᠢᠮᠧᠲ᠋ᠷ ᠪᠠᠢᠵᠤ᠂
ᠲᠠᠮᠠᠭᠠᠶ᠋ᠢᠨ ᠭᠤᠤᠯ ᠳᠤ ᠨᠢ ᠡᠭᠦᠯᠡ ᠮᠠᠨᠠᠨ ᠬᠥᠯᠭᠡᠯᠡᠭ᠌ᠰᠡᠨ ᠪᠤᠷᠬᠠᠨᠢ ᠰᠡᠢᠯᠦᠭᠰᠡᠨ ᠪᠠᠢᠯᠠ᠃
ᠲᠠᠮᠠᠭᠠᠶ᠋ᠢᠨ ᠨᠢᠭᠤᠷ ᠨᠢ ᠳᠥᠷᠪᠡᠯᠵᠢᠨ ᠠᠮᠠᠰᠠᠷᠲᠠᠶ ᠪᠠᠢᠵᠤ᠂ 《ᠤᠯᠤᠰᠤᠨ ᠪᠠᠩᠬᠢ》 ᠭᠡᠰᠡᠨ ᠦᠰᠦᠭ
ᠰᠡᠢᠯᠦᠭᠡᠰᠦᠳᠡᠢ᠃ ᠲᠡᠭᠦᠨᠡᠴᠡ ᠬᠣᠢᠰᠢ᠂ ᠡᠨᠡ ᠬᠦ᠌ ᠵᠢᠵᠢᠭ᠌ᠬᠡᠨ ᠲᠠᠮᠠᠭᠠ ᠨᠢ ᠬᠠᠮᠤᠭᠤᠨ ᠲᠡᠭᠡᠳᠦ
ᠮᠥᠩᠭᠥᠨ ᠭᠦᠢᠯᠭᠡᠭᠡᠨᠦ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠪᠠᠢᠭᠤᠯᠤᠮᠵᠢᠶ᠋ᠢᠨ ᠡᠷᠬᠡ ᠲᠤᠱᠢᠶᠠᠯᠤᠨ ᠪᠠᠭᠠᠵᠢᠶᠢᠨ
ᠬᠤᠪᠢ ᠪᠡᠷ᠂ ᠲᠥᠪᠦᠨ ᠰᠣᠪᠢᠶᠠᠳ ᠣᠷᠣᠨᠤ ᠡᠯᠡ ᠱᠢᠶᠠᠨᠳᠤ ᠪᠠᠩᠬᠢᠶ᠋ᠢᠨ ᠪᠠᠢᠭᠤᠯᠤᠮᠵᠢ ᠪᠠᠢᠭᠤᠯᠬᠤ᠂
ᠵᠣᠭᠣᠰᠢ ᠨᠢᠭᠡᠳᠭᠡᠬᠦ᠌᠂ ᠡᠳ᠋ᠦᠨ ᠵᠠᠰᠠᠭᠤᠨ ᠣᠷᠣᠯᠭᠠ ᠵᠠᠷᠤᠯᠭᠠᠶ᠋ᠢ ᠨᠢᠭᠡᠳᠭᠡᠬᠦ᠌ ᠵᠡᠷᠭᠡ ᠠᠵᠢᠯ
ᠲᠤᠮᠳᠠ ᠣᠷᠣᠯᠠᠭᠤᠯᠵᠤ ᠪᠣᠯᠤᠰᠢ ᠦᠭᠡᠢ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠶᠤᠮ᠃
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ 《ᠭᠡᠭᠡᠭᠳᠡᠪᠡ》
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ ᠮᠡᠨᠳᠦᠯᠡᠬᠦ᠌ᠶ᠋ᠢ ᠳᠠᠭᠠᠯᠳᠤᠨ᠂
ᠲᠥᠪᠦᠨ ᠰᠣᠪᠢᠶᠠᠳ ᠣᠷᠣᠨ ᠮᠥᠩᠭᠥᠨ ᠭᠦᠢᠯᠭᠡᠭᠡᠨᠦ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠳᠦᠷᠢᠮᠦᠨ ᠪᠠᠢᠭᠤᠯᠤᠯᠲᠠᠶ᠋ᠢ
ᠴᠢᠩᠭᠠᠳᠭᠠᠵᠤ ᠡᠬᠢᠯᠡᠪᠡ᠃ 1932 ᠣᠨᠤ 5
ᠰᠠᠷᠠᠳᠤ᠂ ᠮᠠᠤ ᠽᠸ ᠮᠢᠨ ᠰᠣᠪᠢᠶᠠᠳ ᠣᠷᠣᠨᠤ ᠪᠣᠳᠠᠲᠤ ᠪᠠᠢᠳᠠᠯᠢ ᠦᠨᠳᠦᠰᠦᠯᠡᠨ᠂ ᠦᠪᠡᠷᠢᠶᠡᠨ 《ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠬᠦᠳᠠ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ
ᠪᠠᠩᠬᠢᠶ᠋ᠢᠨ ᠲᠦᠷ ᠬᠡᠷᠡᠭ᠌ᠵᠢᠭᠦᠯᠬᠦ᠌ ᠲᠦᠷᠢᠮ》 ᠢ᠋
ᠲᠣᠭ᠍ᠲᠠᠭᠠᠵᠤ᠂ ᠠᠩᠬᠠ ᠤᠳᠠᠭᠠ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠬᠦᠳᠠ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ
ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠᠶ᠋ᠢ ᠳᠠᠷᠤᠯᠠ᠃
ᠡᠨᠡ ᠬᠦ᠌ ᠵᠢᠵᠢᠭ᠌ᠬᠡᠨ ᠲᠠᠮᠠᠭᠠ ᠨᠢ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ
ᠪᠦᠬᠦᠳᠠ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ 《ᠨᠡᠭᠦᠭᠰᠡᠨ》ᠤᠯᠠ ᠮᠥᠷᠢ ᠭᠡᠷᠡᠴᠢᠯᠡᠵᠦ ᠪᠠᠢᠳᠠᠭ᠃ ᠷᠦᠢᠵᠢᠨ ᠳ᠋ᠤ ᠪᠠᠢᠬᠤᠳᠦ᠂ ᠳᠤᠮᠳᠠᠳᠤᠶ᠋ᠢᠨ
ᠰᠣᠪᠢᠶᠠᠳ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢ ᠤᠷᠢᠳ ᠬᠣᠵᠢᠳ ᠭᠤᠷᠪᠠᠨ ᠭᠠᠵᠠᠷᠲᠤ
ᠰᠢᠯᠵᠢᠵᠦ ᠦᠩᠭᠡᠷᠡᠪᠡ᠃ ᠠᠩᠬᠠ ᠡᠬᠢᠨᠳᠤ ᠪᠡᠨ ᠶᠧ ᠫᠢᠩᠳᠤ ᠠᠵᠢᠯᠯᠠᠨ᠂ 1933 ᠣᠨᠤ 4
ᠰᠠᠷᠠᠳᠤ ᠱᠠ ᠵᠧᠦ ᠪᠠᠳᠤ ᠨᠡᠭᠦᠵᠤ᠂ 1934 ᠣᠨᠤ 7
ᠰᠠᠷᠠᠳᠤ ᠶᠦᠨ ᠱ᠌ᠢ ᠱᠠᠨᠳᠤ ᠨᠡᠬᠦᠭᠰᠡᠨ ᠠᠵᠠᠢ᠃
1934
ᠣᠨᠤ 10
ᠰᠠᠷᠠᠳᠤ᠂ ᠲᠠᠪᠤᠳᠤᠭᠠᠷ ᠤᠳᠠᠭᠠᠨᠤ 《ᠪᠦᠰᠡᠯᠡᠨ ᠤᠰᠠᠳᠭᠠᠯᠲᠠ》 ᠶ᠋ᠢ ᠡᠰᠡᠷᠭᠦᠴᠡᠬᠦ᠌ ᠲᠡᠮᠡᠴᠡᠯ ᠢᠯᠠᠭ᠍ᠳᠠᠭ᠍ᠰᠠᠨᠠᠴᠠ ᠲᠥᠪᠡᠴᠡ ᠪᠠᠢᠯᠳᠤᠬᠤ
ᠪᠤᠳᠤᠯᠭᠠᠶ᠋ᠢᠨ ᠱᠢᠯᠵᠢᠯᠲᠡᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠬᠦ᠌ᠪᠡᠷ ᠲᠣᠭ᠍ᠲᠠᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ
ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢᠶ᠋ᠢ ᠲᠥᠪᠦᠨ ᠴᠤᠪᠤᠭᠠ ᠠᠨᠭᠭᠢᠶ᠋ᠢᠨ ᠠᠷᠪᠠᠨ
ᠲᠠᠪᠤᠳᠤᠭᠠᠷ ᠶᠡᠬᠡ ᠠᠨᠭᠭᠢ ᠪᠣᠯᠭᠠᠨ ᠪᠠᠢᠭᠤᠯᠪᠠ᠃
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠠᠵᠢᠯᠲᠠᠳ ᠪᠠᠩᠬᠢᠶ᠋ᠢᠨ 200
ᠭᠠᠷᠤᠶ ᠳᠠᠮᠨᠠᠭᠤᠷ ᠠᠯᠲᠠ ᠮᠥᠩᠭᠥ᠌ ᠰᠤᠪᠤᠳ ᠡᠷᠳᠡᠨᠢᠰ ᠪᠣᠯᠤᠨ ᠦᠨᠡᠲᠦ ᠡᠳ᠋ᠢᠶᠡᠨ ᠡᠮᠬᠢᠯᠡᠨ
ᠪᠠᠭᠴᠠᠯᠠᠵᠤ᠂ ᠳᠠᠮᠨᠠᠭᠤᠷᠤᠨ ᠰᠠᠭ᠍ᠰᠤᠨ ᠳᠡᠭᠡᠷᠡ ᠪᠠᠨ ᠪᠢᠲᠡᠭᠦᠮᠵᠢᠯᠡᠬᠦ ᠵᠤᠷᠪᠤᠰ ᠨᠠᠭᠠᠵᠤ ᠤᠯᠤᠰᠤᠨ
ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠᠶ᠋ᠢ ᠳᠠᠷᠤᠪᠠ᠃
ᠰᠥᠨᠢᠶ᠋ᠢᠨ ᠭᠦᠨᠳᠦ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠬᠦᠳᠠ
ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠪᠠᠢᠭᠤᠯᠭᠠ ᠴᠸ᠋ ᠶᠦᠨ ᠱ᠌ᠢ ᠱᠠᠨᠠᠴᠠ ᠰᠠᠯᠵᠤ᠂ ᠤᠷᠳᠤ
ᠵᠠᠮᠤᠨ ᠠᠶᠠᠨ ᠲᠠᠢ᠌ᠨ ᠳ᠋ᠤ ᠮᠤᠷᠳᠠᠯᠠ᠃ ᠭᠡᠪᠡᠴᠦ ᠠᠵᠢᠯᠲᠠᠨᠤ ᠠᠯᠠᠩ ᠰᠠᠯᠠᠩᠠᠴᠠ ᠪᠤᠯᠪᠠ ᠤᠤ᠂
ᠡᠰᠡᠬᠦᠯᠡ ᠶᠠᠭᠠᠷᠠᠵᠤ ᠰᠠᠨᠳᠤᠷᠤᠬᠰᠠᠨᠤ ᠪᠢᠯᠢᠦ᠂ ᠦᠨᠡᠳᠦ ᠴᠤᠬᠠᠭ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ ᠴᠡᠷᠢᠭ
ᠠᠩᠭᠢ ᠵᠢ ᠲᠠᠭᠠᠵᠤ ᠶᠠᠪᠤᠵᠤ ᠳᠡᠢᠯᠦᠭ᠌ᠰᠡᠨ ᠦᠭᠡᠢ᠂ ᠬᠠᠷᠢᠨ ᠶᠦᠨ ᠱ᠌ᠢ ᠱᠠᠨ ᠳ᠋ᠤ ᠮᠠᠷᠳᠠᠬᠳᠠᠨ
ᠦᠯᠡᠳᠡᠭᠰᠡᠨ ᠪᠠᠢᠵᠠᠢ᠃
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠲᠠᠮᠠᠭᠠ 《ᠡᠷᠬᠢᠭᠡᠳ ᠢᠷᠡᠯᠡ》
ᠰᠡᠭᠦᠯᠡᠷ ᠨᠢ᠂ ᠶᠦᠨ ᠱ᠌ᠢ ᠱᠠᠨᠤ ᠲᠣᠰᠭᠣᠨᠤ ᠠᠷᠠᠳ ᠯᠢᠶᠠᠩ ᠱ᠌ᠢ ᠯᠦᠨ
ᠡᠨᠡ ᠬᠦ᠌ ᠲᠠᠮᠠᠭᠠᠶ᠋ᠢ ᠣᠯᠵᠤ ᠠᠪᠴᠠᠢ᠃ 1953 ᠣᠨᠳᠤ᠂ ᠲᠡᠷᠡ ᠤᠯᠠᠨ
ᠵᠢᠯ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠭ᠍ᠰᠠᠨ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠬᠦᠳᠠ ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ
ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠬᠠᠰ ᠲᠠᠮᠠᠭᠠ ᠪᠠᠨ ᠷᠦᠢᠵᠢᠨᠤ ᠬᠤᠪᠢᠰᠭᠠᠯᠤᠨ ᠳᠤᠷᠠᠰᠭᠠᠯᠤᠨ ᠣᠷᠳᠣᠨᠳᠤ
ᠬᠠᠨᠳᠢᠪᠯᠠᠭᠰᠠᠨ ᠪᠢᠯᠡ᠃ 1988 ᠣᠨᠳᠤ᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠪᠢᠶᠠᠳ ᠪᠦᠭᠦᠳᠡ
ᠨᠠᠢᠷᠠᠮᠳᠠᠬᠤ ᠤᠯᠤᠰᠤᠨ ᠤᠯᠤᠰᠤᠨ ᠪᠠᠩᠬᠢᠶ᠋ᠢᠨ ᠬᠠᠰ ᠲᠠᠮᠠᠭᠠᠶ᠋ᠢ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ
ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠢᠶᠡᠷ ᠬᠢᠨᠠᠨ ᠲᠣᠭ᠍ᠲᠠᠭᠠᠭᠰᠠᠨ ᠶᠤᠮ᠃
（ ᠠᠷᠠᠳᠤᠨ ᠰᠦᠯᠵᠢᠶᠠ ᠡᠴᠡ ᠨᠠᠢᠷᠠᠭᠤᠯᠤᠨ ᠠᠪᠤᠪᠠ ）