— ᠡᠨᠡ ᠪᠤᠯ ᠮᠢᠨᠤ ᠵᠤᠬᠢᠶᠠᠭ᠍ᠰᠠᠨ ᠤᠯᠠᠨ ᠭᠡᠷᠡᠭ᠌ᠴᠡᠭᠡᠳᠦ ᠦᠬᠡᠷ᠎ᠤᠨ ᠵᠢᠶᠠᠰᠠ ᠪᠤᠯᠤᠨ᠎ᠠ᠂ ᠤᠯᠠᠨ ᠦᠬᠡᠷ᠎ᠢ ᠠᠯᠤᠰ ᠡᠴᠡ ᠬᠠᠮᠳᠤ ᠳ᠋ᠤ ᠨᠢ ᠡᠵᠡᠮᠳᠡᠵᠤ ᠲᠡᠢ᠌ᠯᠦᠨ᠎ᠠ ᠬᠡᠵᠤ ᠪᠤᠤ ᠠᠲ᠋ᠤᠮ ᠦᠪᠡᠷ᠎ᠤᠨ ᠪᠦᠳᠦᠬᠡᠯ ᠎ᠢᠶᠠᠨ ᠲᠠᠨᠢᠯᠴᠠᠭᠤᠯᠤᠨ᠎ᠠ᠃

ᠪᠤᠤ᠎ᠠᠲ᠋ᠤᠮ᠎ᠪᠤᠯ᠎ᠪᠠᠭᠠᠷᠢᠨ᠎ᠪᠠᠷᠠᠭᠤᠨ᠎ᠬᠤᠱᠢᠭᠤᠨ᠎ᠤ᠎ᠳ᠋ᠠᠪᠠᠨ᠎ᠤ᠎ᠮᠤᠩᠭᠤᠯ ᠦᠨᠳᠦᠰᠦᠲᠡᠨ᠎ᠤ ᠲᠤᠷᠱᠢᠯᠳᠠ᠎ᠶ᠋ᠢᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ᠎ᠶ᠋ᠢᠨ 6.2 ᠠᠩᠬᠢ᠎ᠶ᠋ᠢᠨ ᠰᠤᠷᠤᠭ᠍ᠴᠢ᠃ ᠲᠡᠷᠡ ᠤᠯᠠᠨ ᠶᠠᠭᠤᠮ᠎ᠠ ᠤᠷᠤᠯᠳᠤᠬᠤ ᠲᠤᠷᠠᠳᠠᠢ ᠪᠠᠢ᠌ᠳᠠᠭ ᠡᠴᠡ ᠤᠤᠯ ᠨᠢ ᠨᠤᠭᠤᠭ᠎ᠠ ᠬᠠᠭᠤᠷᠬᠤ ᠲᠤᠭᠤᠭ᠎ᠠ᠂ ᠤᠯᠠᠨ ᠭᠡᠷᠡᠭ᠌ᠴᠡᠭᠡᠳᠦ ᠤᠭ᠍ᠵᠢ᠂ ᠦᠬᠡᠷ ᠪᠤᠷᠳᠤᠬᠤ ᠤᠩᠭᠤᠴᠠ ᠵᠡᠷᠭᠡ ᠪᠦᠳᠦᠬᠡᠯ ᠬᠢᠵᠤ ᠦᠩᠬᠡᠷᠡᠵᠠᠢ᠃

ᠡᠨᠡ ᠤᠳᠠᠭ᠎ᠠ ᠪᠤᠤ ᠠᠲ᠋ᠤᠮ ᠬᠠᠷᠢᠨ ᠤᠯᠠᠨ ᠭᠡᠷᠡᠭ᠌ᠴᠡᠭᠡᠳᠦ ᠦᠬᠡᠷ᠎ᠤᠨ ᠵᠢᠶᠠᠰᠠ ᠵᠤᠬᠢᠶᠠᠨ ᠭᠠᠷᠭᠠᠪᠠ᠃ ᠲᠡᠷᠡ ᠲᠤᠰ ᠪᠦᠳᠦᠬᠡᠯ᠎ᠢᠶᠠᠨ ᠠᠮᠢᠳᠤᠷᠠᠯ ᠡᠴᠡ ᠰᠡᠷᠡᠯᠳᠡ ᠤᠯᠤᠭᠠᠳ ᠬᠢᠭ᠌ᠰᠡᠨ ᠶᠤᠮ᠃ ᠲᠠᠳᠠᠨᠠᠢ᠌ᠬᠢᠨ ᠰᠠᠭᠠᠯᠢ᠎ᠶ᠋ᠢᠨ ᠦᠨᠢᠶ᠎ᠠ ᠲᠡᠵᠢᠭᠡᠳᠡᠭ ᠲᠤᠯᠠ ᠭᠠᠷᠠᠭ᠎ᠤᠨ ᠠᠮᠠᠷᠠᠯᠳᠠ ᠪᠤᠯᠪᠠᠯ ᠲᠡᠷᠡ ᠪᠡᠷ ᠠᠪᠤ ᠡᠵᠢ ᠲᠠᠢ ᠪᠠᠨ ᠬᠠᠮᠳᠤ ᠦᠬᠡᠷ ᠮᠠᠯ᠎ᠢᠶᠠᠨ ᠲᠡᠵᠢᠭᠡᠳᠡᠭ᠃ ᠬᠡᠳᠦ ᠤᠳᠠᠭ᠎ᠠ ᠪᠤᠤ ᠠᠲ᠋ᠤᠮ ᠦᠬᠡᠷ᠎ᠢᠶᠠᠨ ᠲᠡᠵᠢᠬᠡᠬᠦ᠌ ᠦᠶ᠎ᠡ᠎ᠳᠤ ᠠᠭᠠᠰᠢ ᠮᠠᠭᠤᠳᠠᠢ ᠨᠢᠭᠡ ᠨᠢ ᠲᠡᠬᠦᠨ᠎ᠢ ᠮᠦᠷᠬᠦᠬᠦ᠌ ᠪᠤᠶᠤ ᠤᠢ᠍ᠢᠷᠠᠳᠤᠵᠤ ᠪᠤᠯᠤᠰᠢ ᠦᠭᠡᠢ ᠪᠤᠯᠳᠠᠨ ᠲᠤᠳᠠᠭᠠᠳᠠᠭ ᠪᠠᠢ᠌ᠪᠠ᠃ ᠡᠨᠡ ᠨᠢ ᠠᠵᠢᠯ᠎ᠢ ᠰᠠᠭᠠᠳᠠᠭᠠᠬᠤ ᠮᠦᠷᠳᠡᠭᠡᠨ ᠦᠭᠡᠷ ᠲᠡᠵᠢᠭᠡᠭ᠌ᠴᠢ ᠳ᠋ᠤ ᠴᠤ᠌ ᠡᠳᠦᠢ ᠲᠡᠳᠦᠢ ᠲᠦᠭᠦᠮ ᠦᠭᠡᠢ ᠪᠠᠢ᠌ᠳᠠᠭ᠃ ᠠᠵᠢᠭ᠍ᠴᠢ ᠬᠢᠷᠠᠬᠠᠢ᠂ ᠤᠷᠤᠯᠳᠤᠯᠭ᠎ᠠ ᠰᠠᠢ᠌ᠳᠠᠢ ᠪᠤᠤ ᠠᠲ᠋ᠤᠮ ᠡᠨᠡ ᠬᠦ᠌ ᠪᠠᠢ᠌ᠳᠠᠯ ᠳ᠋ᠤ ᠴᠢᠭ᠌ᠯᠡᠭᠦᠯᠦᠨ᠂ ᠤᠤᠯ᠎ᠤᠨ ᠬᠡᠷᠡᠭ᠌ᠯᠡᠵᠦ᠍ ᠪᠠᠢ᠌ᠭ᠍ᠰᠠᠨ ᠦᠭᠡᠷ᠎ᠤᠨ ᠵᠢᠶᠠᠰᠠ ᠳ᠋ᠤ ᠰᠠᠭᠤᠷᠢᠯᠠᠨ ᠦᠬᠡᠷᠡᠴᠢᠯᠡᠯᠲᠡ ᠬᠢᠵᠤ ᠡᠬᠢᠯᠡᠪᠡ᠃

ᠲᠡᠳᠡᠨᠠᠢ᠌ᠬᠢᠨ ᠦᠭᠡᠷ᠎ᠤᠨ ᠵᠢᠶᠠᠰᠠ ᠵᠢᠨ᠎ᠢᠶᠠᠨ ᠲᠡᠪᠡᠭᠡ᠎ᠶ᠋ᠢ ᠨᠢ ᠨᠢᠬᠡ ᠨᠢᠬᠡ ᠪᠡᠷ ᠨᠡᠬᠡᠬᠡᠵᠤ ᠬᠠᠭᠠᠳᠠᠭ ᠪᠡᠢ᠌ᠵᠡᠢ᠃ ᠲᠠᠷᠤᠢ ᠠᠪᠤ ᠡᠵᠢ ᠨᠢ ᠦᠬᠡᠷ᠎ᠢᠶᠠᠨ ᠲᠡᠵᠢᠬᠡᠬᠦ᠌ ᠪᠦᠷᠢ ᠨᠢᠬᠡ ᠨᠢᠬᠡ ᠵᠢᠶᠠᠰᠠ᠎ᠵᠢ ᠨᠢ ᠨᠡᠬᠡᠬᠡᠵᠤ ᠬᠠᠭᠠᠨ ᠴᠠᠭ ᠪᠠᠷᠠᠬᠤ ᠮᠦᠷᠳᠡᠭᠡᠨ ᠶᠡᠭᠡ ᠶᠠᠳᠠᠷᠠᠯᠳᠠᠢ ᠪᠠᠢ᠌ᠳᠠᠭ᠃ ᠵᠠᠷᠢᠮ ᠦᠭᠡᠷ ᠨᠢ ᠲᠤᠯᠤᠭᠠᠢ ᠪᠡᠨ ᠰᠠᠵᠢᠯᠠᠭᠠᠳ ᠬᠦᠮᠦᠨ ᠤᠢ᠍ᠢᠷᠠᠳᠤᠭᠤᠯᠬᠤ ᠦᠬᠡᠢ ᠪᠤᠶᠤ ᠲᠡᠮᠦᠷ ᠵᠢᠶᠠᠰᠠᠨ᠎ᠳᠤ ᠨᠢ ᠡᠪᠡᠷ᠎ᠢᠶᠠᠨ ᠬᠤᠭᠤᠯᠬᠤ ᠦᠵᠡᠭ᠌ᠳᠡᠯ ᠴᠤ᠌ ᠭᠠᠷᠴᠤ᠌ ᠦᠩᠭᠡᠷᠡᠪᠡ᠃ ᠪᠤᠤ ᠠᠲ᠋ᠤᠮ ᠨᠠᠷᠢᠨ ᠨᠢᠮᠪᠠᠢ ᠠᠵᠢᠵᠤ᠂ ᠤᠤᠯ᠎ᠤᠨ ᠬᠠᠭᠤᠴᠢᠨ ᠦᠭᠡᠷ᠎ᠤᠨ ᠵᠢᠶᠠᠰᠠ᠎ᠶ᠋ᠢᠨ ᠤᠷᠤᠱᠢᠵᠤ ᠪᠠᠢ᠌ᠬᠤ ᠠᠰᠠᠭᠤᠳᠠᠯ᠎ᠢ ᠨᠢᠭᠡᠳ ᠨᠢᠭᠡ ᠪᠡᠷ ᠡᠷᠢᠨ ᠭᠠᠷᠭᠠᠪᠠ᠃ ᠲᠡᠷᠡ ᠵᠠᠯᠭᠠᠭᠠᠳ ᠰᠠᠷ᠎ᠠ ᠭᠠᠷᠤᠢ ᠤᠷᠤᠯᠳᠤᠵᠤ ᠪᠠᠢ᠌ᠭᠠᠳ ᠤᠤᠯ᠎ᠤᠨ ᠦᠬᠡᠷ᠎ᠤᠨ ᠵᠢᠶᠠᠰᠠ᠎ᠶ᠋ᠢᠨ ᠲᠤᠤᠷ᠎ᠠ ᠬᠠᠭᠠᠰ᠎ᠢ ᠨᠢ ᠮᠦᠨ ᠤᠭ ᠭᠡᠪ ᠎ᠢᠶᠠᠷ ᠨᠢ ᠪᠠᠢ᠌ᠯᠭᠠᠵᠤ᠂ ᠲᠡᠭᠡᠷ᠎ᠠ ᠬᠡᠰᠡᠭ᠎ᠤᠨ ᠵᠢᠶᠠᠰᠠ᠎ᠵᠢᠨ ᠦᠷᠭᠡᠨ ᠨᠠᠷᠢᠨ᠎ᠢ ᠦᠭᠡᠷ᠎ᠤᠨ ᠡᠪᠡᠷ᠎ᠤᠨ ᠶᠡᠭᠡ ᠪᠠᠭ᠎ᠠ᠎ᠶ᠋ᠢ ᠦᠨᠳᠦᠰᠦᠯᠡᠵᠤ ᠪᠠᠢ᠌ᠭᠠᠳ ᠴᠠᠭ ᠦᠷᠬᠦᠯᠵᠢ ᠬᠤᠪᠢᠷᠠᠭᠠᠵᠤ ᠪᠤᠯᠬᠤ ᠪᠡᠷ ᠲᠤᠬᠢᠷᠠᠭᠤᠯᠪᠠ᠃ ᠡᠨᠡ ᠨᠢ ᠦᠬᠡᠷ ᠡᠪᠡᠷ᠎ᠢᠶᠠᠨ ᠬᠤᠭᠤᠯᠬᠤ ᠪᠤᠶᠤ ᠲᠤᠳᠠᠭᠠᠬᠤ ᠶᠠᠪᠤᠳᠠᠯ ᠭᠠᠷᠬᠤ ᠡᠴᠡ ᠵᠠᠢ᠌ᠯᠠᠰᠭᠢᠵᠤ ᠴᠢᠳᠠᠨ᠎ᠠ᠃ ᠲᠤᠰ ᠤᠯᠠᠨ ᠭᠡᠷᠡᠭ᠌ᠴᠡᠭᠡᠳᠦ ᠦᠬᠡᠷ᠎ᠤᠨ ᠵᠢᠶᠠᠰᠠ᠎ᠶ᠋ᠢᠨ ᠪᠦᠬᠦ᠌ ᠲᠡᠪᠡᠭᠡ᠎ᠶ᠋ᠢ ᠨᠢᠭᠡ ᠯᠡ ᠦᠵᠦᠭᠦᠷ᠎ᠤᠨ ᠲᠡᠪᠡᠭᠡ ᠳ᠋ᠤ ᠡᠵᠡᠮᠳᠡᠵᠦ᠍᠂ ᠦᠵᠦᠭᠦᠷ᠎ᠤᠨ ᠲᠡᠪᠡᠭᠡ ᠵᠢ ᠨᠡᠭᠡᠭᠡᠵᠦ᠍ ᠬᠠᠭᠠᠪᠠᠯ ᠪᠤᠰᠤᠳ ᠲᠡᠪᠡᠭᠡ ᠨᠢ ᠪᠦᠷ ᠨᠡᠭᠡᠭᠡᠵᠦ᠍ ᠬᠠᠭᠠᠭ᠍ᠳᠠᠬᠤ ᠪᠤᠯᠤᠨ᠎ᠠ᠃ ᠲᠠᠷᠤᠢ ᠦᠬᠡᠷ ᠲᠠᠢ ᠤᠢ᠍ᠢᠷᠠᠳᠭᠤ ᠦᠬᠡᠢ ᠪᠡᠷ ᠨᠢᠬᠡ ᠯᠡ ᠤᠳᠠᠭ᠎ᠠ ᠳ᠋ᠤ ᠤᠯᠠᠨ ᠵᠢᠶᠠᠰᠠ᠎ᠶ᠋ᠢ ᠨᠡᠭᠡᠭᠡᠵᠦ᠍ ᠬᠠᠭᠠᠵᠤ ᠲᠡᠢ᠌ᠯᠦᠨ᠎ᠡ᠃

ᠲᠡᠬᠦᠨ᠎ᠤ ᠵᠤᠬᠢᠶᠠᠭ᠍ᠰᠠᠨ ᠡᠨᠡ ᠬᠦ᠌ ᠤᠯᠠᠨ ᠭᠡᠷᠡᠭ᠌ᠴᠡᠭᠡᠳᠦ ᠦᠬᠡᠷ᠎ᠤᠨ ᠵᠢᠶᠠᠰᠠ ᠨᠢ 35᠎ᠳᠤᠭᠠᠷ ᠤᠳᠠᠭᠠᠨ᠎ᠤ ᠦᠪᠦᠷ ᠮᠤᠩᠭᠤᠯ᠎ᠤᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳ᠎ᠤᠨ ᠰᠢᠨᠵᠢᠯᠡᠭᠦ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠬᠡᠵᠢᠯ᠎ᠤᠨ ᠱᠢᠨ᠎ᠠ ᠶ᠋ᠢ ᠡᠬᠦᠳᠬᠦ᠌ ᠤᠷᠤᠯᠳᠤᠭᠠᠨ᠎ᠳᠤ ᠨᠢᠬᠡᠳᠦᠭᠡᠷ ᠲᠡᠰ᠎ᠲᠤ ᠲᠤᠳᠤᠷᠠᠪᠠ᠃ ᠲᠤᠰ ᠪᠦᠳᠦᠬᠡᠯ ᠨᠢ ᠪᠠᠰᠠ ᠤᠯᠤᠰ᠎ᠤᠨ ᠬᠡᠪᠴᠢᠶᠡᠨ᠎ᠤ ᠤᠷᠤᠯᠳᠤᠭᠠᠨ᠎ᠳᠤ ᠤᠷᠤᠯᠴᠠᠬᠤ ᠡᠷᠭᠡ᠎ᠶ᠋ᠢ ᠤᠯᠤᠭᠠᠳ ᠪᠦᠳᠦᠬᠡᠯ ᠎ᠢᠶᠠᠨ ᠲᠡᠪᠱᠢᠬᠦᠯᠦᠭᠡᠳ ᠪᠠᠢ᠌ᠨ᠎ᠠ᠃

— ᠮᠢᠨᠤ ᠬᠦᠦ ᠪᠠᠭ᠎ᠠ ᠡᠴᠡ ᠪᠡᠨ ᠶᠠᠭᠤᠮ᠎ᠠ᠎ᠬᠢᠵᠦ᠍ ᠤᠷᠤᠯᠳᠤᠬᠤ ᠲᠤᠷᠠᠳᠠᠢ᠂ ᠠᠳᠠᠯᠢ ᠪᠤᠰᠤ ᠲᠤᠭ᠍ᠯᠠᠭᠠᠮ᠎ᠤᠨ ᠮᠠᠱᠢᠨ᠎ᠶ᠋ᠢᠡᠨ ᠪᠦᠬᠦᠨ᠎ᠢ ᠵᠠᠳᠠᠯᠤᠭᠠᠳ ᠲᠠᠭᠢᠨ ᠶᠠᠩᠵᠤ᠎ᠬᠡᠯᠪᠡᠷᠢ᠎ᠶ᠋ᠢ ᠨᠢ ᠬᠤᠪᠢᠷᠠᠭᠤᠯᠤᠭᠠᠳ ᠤᠭ᠍ᠰᠠᠷᠠᠵᠤ ᠨᠠᠭᠠᠳᠳᠠᠭ᠃ ᠭᠡᠷᠪᠡ ᠱᠢᠨ᠎ᠡ ᠪᠡᠷ ᠵᠤᠬᠢᠶᠠᠭᠠᠳ ᠲᠤᠬᠢᠷᠠᠬᠤ ᠦᠬᠡᠢ ᠪᠤᠯ ᠤᠭ ᠶᠠᠩᠵᠤ ᠪᠡᠷ ᠨᠢ ᠤᠭ᠍ᠰᠠᠷᠠᠭᠠᠳ ᠲᠡᠢ᠌ᠯᠴᠢᠬᠡᠳᠡᠭ᠃ ᠪᠢᠳᠡ ᠬᠡᠦᠬᠡᠳ᠎ᠤᠨ ᠎ᠢᠶᠠᠨ ᠦᠪᠡᠷ ᠎ᠢᠶᠠᠨ ᠰᠡᠳᠭᠢᠵᠤ ᠤᠷᠤᠯᠳᠤᠬᠤ᠎ᠶ᠋ᠢ ᠨᠢ ᠵᠤᠷᠢᠠᠠᠵᠢᠭᠤᠯᠳᠠᠭ ᠬᠡᠵᠤ ᠪᠤᠤ ᠠᠲ᠋ᠤᠮ᠎ᠤᠨ ᠡᠵᠢ ᠨᠢ ᠶᠠᠷᠢᠨ᠎ᠠ᠃