2 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠪᠠᠷ᠂ ᠬᠦᠯᠦᠨ ᠪᠦᠢᠷ ᠮᠦᠨ ᠴᠤ᠌ ᠬᠠᠴᠠᠷ ᠵᠢᠩᠳᠡᠬᠦᠯᠦᠮᠠ ᠬᠦᠢᠳᠡᠨ ᠭᠡᠪᠢᠶᠠᠷᠢᠶᠠᠨ ᠪᠠᠢᠵᠤ᠂ 《ᠲᠠᠯᠠ ᠨᠤᠲᠤᠭᠤᠨ ᠭᠡᠷᠡᠯᠲᠦ ᠰᠤᠪᠤᠳ》 ᠭᠡᠮᠡᠨ ᠰᠠᠢᠬᠠᠨ ᠠᠯᠳᠠᠷᠲᠠᠶ ᠬᠥᠯᠥᠨ ᠨᠠᠭᠤᠷ ᠴᠤ᠌ ᠮᠦᠰᠦ ᠴᠠᠰᠤ ᠬᠤᠴᠢᠭ᠍ᠰᠠᠨ ᠶᠠᠩᠵᠤᠪᠠᠷᠢᠶᠠᠨ ᠪᠠᠢᠯᠠ᠃ ᠬᠦᠯᠦᠨ ᠨᠠᠭᠤᠷ ᠪᠣᠯ ᠮᠠᠨᠤ ᠤᠯᠤᠰᠤᠨ ᠲᠠᠪᠤᠨ ᠶᠡᠭᠡ ᠴᠡᠩᠭᠡᠭ ᠨᠠᠭᠤᠷᠤᠨ ᠨᠢᠭᠡ ᠪᠤᠯᠬᠤ ᠮᠦᠷᠳᠡᠭᠡᠨ ᠮᠠᠨᠤ ᠣᠷᠣᠨᠤ ᠬᠠᠮᠤᠭᠤᠨ ᠲᠣᠮᠣ ᠨᠠᠭᠤᠷ ᠶᠤᠮ᠃ ᠬᠥᠯᠥᠨ ᠨᠠᠭᠤᠷ ᠵᠢᠴᠢ ᠤᠢ᠍ᠢᠷᠠ ᠬᠠᠪᠢᠶ᠋ᠢᠨ ᠨᠤᠭᠤ ᠭᠠᠵᠠᠷ᠂ ᠭᠤᠤᠯ ᠮᠦᠷᠡᠨᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ ᠰᠡᠪᠡ ᠭᠠᠵᠠᠷᠨᠢ ᠬᠦᠯᠦᠨ ᠪᠦᠢᠷᠤᠨ ᠲᠠᠯᠠ ᠨᠤᠳᠤᠭᠤᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨᠤ ᠬᠠᠮᠠᠭᠠᠯᠠᠯᠳᠠᠳᠤ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭ᠍ᠳᠠᠯᠲᠠᠢ ᠦᠯᠦ᠍ ᠪᠠᠷᠠᠮ ᠲᠡᠷᠡᠨᠢ ᠪᠠᠰᠠ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶ᠋ᠢᠨ ᠴᠢᠬᠤᠯᠠ ᠠᠮᠢ ᠠᠬᠤᠶᠶ᠋ᠢᠨ ᠠᠮᠤᠷ ᠲᠦᠪᠱᠢᠨᠤ ᠬᠠᠯᠬᠠᠪᠴᠢᠶ᠋ᠢ ᠪᠦᠳᠦᠭᠡᠨ ᠪᠠᠢᠭᠤᠯᠬᠤ ᠵᠠᠩᠭᠢᠯᠠᠭᠠ ᠪᠣᠯᠬᠤ ᠶᠤᠮ᠃
ᠣᠢᠷᠠᠶ᠋ᠢᠨ ᠵᠢᠯᠤᠨ ᠲᠤᠷᠰᠢ᠂ ᠬᠥᠯᠥᠨ ᠪᠤᠢᠷ ᠬᠤᠲᠠᠶ᠋ᠢᠨ ᠨᠠᠮᠤᠨ ᠬᠤᠷᠢᠶᠠ᠂ ᠬᠤᠲᠠᠶ᠋ᠢᠨ ᠵᠠᠰᠠᠭᠤᠨ ᠣᠷᠳᠣᠨᠨᠢ ᠰᠢᠶ᠋ᠢᠨ ᠫᠢᠩᠤᠨ ᠠᠮᠢ ᠠᠬᠤᠶᠶ᠋ᠢᠨ ᠪᠣᠯᠪᠠᠰᠤᠨᠤ ᠦᠵᠡᠯ ᠰᠠᠨᠠᠭᠠᠶ᠋ᠢ ᠭᠦᠨᠵᠡᠭᠡᠶ ᠲᠤᠭᠤᠱᠢᠯᠠᠭᠤᠯᠤᠨ᠂ ᠶᠡᠷᠦᠩᠬᠡᠶ ᠱᠦᠵᠢ ᠰᠢᠶ᠋ᠢᠨ ᠫᠢᠩᠤᠨ ᠬᠥᠯᠥᠨ ᠨᠠᠭᠤᠷᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠲᠤᠬᠠᠶ ᠴᠢᠬᠤᠯᠠ ᠵᠢᠭᠠᠪᠤᠷᠢ ᠴᠣᠬᠤᠯᠠᠪᠤᠷᠢᠶ᠋ᠢᠨ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠡᠷᠡᠰ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠡᠯᠡ ᠵᠦᠢᠯᠤᠨ ᠡᠭᠦᠷᠭᠡᠶ᠋ᠢ ᠰᠠᠢᠲᠤᠷ ᠪᠡᠶᠡᠯᠡᠬᠦᠯᠵᠦ᠍᠂ ᠬᠥᠯᠥᠨ ᠨᠠᠭᠤᠷᠤᠨ ᠤᠰᠤᠨᠤ ᠬᠡᠮᠵᠢᠶᠡ ᠲᠣᠭ᠍ᠲᠠᠭᠤᠨᠢᠶᠠᠷ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠤᠰᠤᠨᠤ ᠴᠢᠨᠠᠷᠵᠢᠯᠤᠨ ᠭᠦᠢᠴᠡᠳᠭᠡᠯ ᠲᠤᠭᠠ ᠦᠷᠭᠦᠯᠵᠢᠯᠡᠨ ᠲᠣᠭ᠍ᠲᠠᠪᠤᠷᠢᠵᠢᠵᠤ᠂ ᠠᠮᠢᠳᠤ ᠪᠣᠳᠠᠰᠤᠨ ᠣᠯᠠᠨ ᠶᠠᠩᠵᠤᠲᠤ ᠴᠢᠨᠠᠷ ᠲᠠᠰᠤᠷᠠᠯᠲᠠ ᠥᠬᠡᠶ ᠪᠠᠶᠠᠯᠢᠭ᠍ᠵᠢᠵᠤ᠂ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨᠤ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠯᠲᠠ ᠢᠯᠡᠳᠳᠡ ᠦᠷᠡ ᠪᠦᠳᠦᠮᠵᠢ ᠤᠯᠤᠬ᠍ᠰᠠᠨ ᠪᠠᠢᠨᠠ᠃
《ᠭᠠᠭ᠍ᠴᠠ ᠨᠠᠭᠤᠷ》 ᠠᠴᠠ 《ᠪᠦᠬᠦ᠌ ᠰᠠᠪᠠ ᠭᠠᠵᠠᠷ》 ᠬᠦᠷᠲᠡᠯᠡ ᠵᠠᠰᠠᠯᠲᠠᠶ᠋ᠢᠨ ᠲᠥᠷᠥᠯ ᠵᠦᠢᠯᠢ ᠬᠡᠷᠡᠭ᠌ᠵᠢᠭᠦᠯᠪᠡ
ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠭᠠᠵᠠᠷ ᠳᠣᠤᠷᠠᠬᠢ ᠤᠰᠤ ᠵᠢᠴᠢ ᠭᠠᠵᠠᠷᠤᠨ ᠭᠠᠳᠠᠷᠭᠤᠶ᠋ᠢᠨ ᠤᠰᠤᠨᠤ ᠡᠬᠢ ᠪᠠᠶᠠᠯᠢᠭ ᠡᠯᠪᠡᠭ ᠪᠠᠢᠵᠤ᠂ ᠭᠠᠭ᠍ᠴᠠ ᠬᠦ᠌ ᠠᠮᠢ ᠠᠬᠤᠶᠶ᠋ᠢᠨ ᠱᠢᠰᠲ᠋ᠧᠮᠤᠨ ᠪᠦᠬᠦᠯᠢ ᠴᠣᠭ᠍ᠴᠠᠲᠤ ᠴᠢᠨᠠᠷ᠂ ᠱᠢᠰᠲ᠋ᠧᠮᠲᠦ ᠴᠢᠨᠠᠷ ᠵᠢᠴᠢ ᠳᠣᠲᠣᠭᠠᠳᠤ ᠵᠢᠮᠡ ᠶᠣᠰᠣᠶ᠋ᠢ ᠵᠢᠷᠤᠮᠯᠠᠨ᠂ ᠱᠢᠰᠲ᠋ᠧᠮᠲᠦ ᠢᠨᠵᠧᠨᠧᠷᠢᠩᠢᠶᠠᠷ ᠪᠥᠬᠦ᠌ ᠰᠠᠪᠠ ᠭᠠᠵᠠᠷᠢ ᠵᠠᠰᠠᠵᠤ ᠰᠡᠷᠭᠦᠭᠡᠬᠦ᠌ ᠠᠷᠭᠠ ᠵᠠᠮᠢ ᠡᠷᠢᠯᠬᠢᠯᠡᠵᠦ᠍᠂ ᠪᠦᠬᠦᠯᠢ ᠴᠣᠭ᠍ᠴᠠᠪᠠᠷᠨᠢ ᠠᠷᠭᠠ ᠪᠣᠳᠣᠯᠭᠠ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠪᠠᠢᠭᠠᠯᠢᠶ᠋ᠢᠨ ᠠᠮᠢ ᠠᠬᠤᠶᠶ᠋ᠢᠨ ᠡᠯᠡ ᠡᠯᠧᠮᠧᠨ᠋ᠲᠢ ᠪᠦᠬᠦᠯᠢ ᠴᠣᠭ᠍ᠴᠠᠪᠠᠷᠨᠢ ᠬᠠᠮᠠᠭᠠᠯᠠᠵᠤ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠪᠠᠯ ᠰᠠᠶᠢ ᠠᠮᠢ ᠠᠬᠤᠶᠶ᠋ᠢᠨ ᠱᠢᠰᠲ᠋ᠧᠮᠤᠨ ᠡᠷᠭᠢᠯᠲᠡᠶ᠋ᠢ ᠠᠬᠢᠭᠤᠯᠬᠤ᠂ ᠠᠮᠢ ᠠᠬᠤᠶᠶ᠋ᠢᠨ ᠲᠡᠩᠴᠡᠭᠦᠷᠢᠶ᠋ᠢ ᠪᠠᠲᠤᠯᠠᠬᠤ᠂ ᠠᠮᠢ ᠠᠬᠤᠶᠶ᠋ᠢᠨ ᠴᠢᠳᠠᠮᠵᠢᠶ᠋ᠢ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠱᠢᠰᠲ᠋ᠧᠮᠲᠠᠢ ᠵᠠᠰᠠᠯᠲᠠᠶ᠋ᠢᠨ ᠬᠠᠮᠤᠭᠤᠨ ᠰᠠᠢᠨ ᠦᠷᠡ ᠪᠦᠲᠦᠮᠵᠢᠳᠤ ᠬᠦᠷᠴᠦ᠍᠂ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨᠤ ᠴᠢᠨᠠᠷᠵᠢᠯᠢ ᠦᠷᠭᠦᠯᠵᠢᠯᠡᠨ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌ᠶ᠋ᠢ ᠠᠬᠢᠭᠤᠯᠵᠤ ᠴᠢᠳᠠᠬᠤ ᠪᠤᠯᠤᠨᠠ᠃
《ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷ ᠵᠢᠴᠢ ᠭᠤᠤᠯ ᠪᠣᠯᠬᠤ ᠨᠠᠭᠤᠷᠲᠤ ᠤᠷᠤᠰᠤᠨ ᠣᠷᠣᠬᠤ ᠭᠤᠤᠯ ᠮᠥᠷᠡᠨᠤ ᠳᠠᠭᠠᠤᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠪᠣᠬᠢᠷ ᠤᠰᠤᠶ᠋ᠢ ᠱᠢᠶᠳᠪᠦᠷᠢᠯᠡᠬᠦ᠌ ᠦᠢᠯᠡᠳᠪᠦᠷᠢᠶ᠋ᠢᠨ ᠤᠰᠤᠶ᠋ᠢ ᠲᠠᠬᠢᠨ ᠠᠱᠢᠬ᠍ᠯᠠᠬᠤ ᠢᠨᠵᠧᠨᠧᠷᠢᠩᠨᠢ ᠭᠤᠤᠯ ᠮᠥᠷᠡᠨ ᠨᠠᠭᠤᠷ ᠴᠥᠭᠦᠷᠥᠮ ᠵᠡᠷᠭᠡ ᠤᠰᠤᠨᠤ ᠴᠤᠬ᠍ᠴᠠᠶ᠋ᠢᠨ ᠴᠡᠪᠡᠷᠱᠢᠬᠦ᠌ ᠴᠢᠳᠠᠮᠵᠢᠶ᠋ᠢ ᠰᠡᠷᠭᠦᠭᠡᠬᠦ᠌ᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠵᠦ᠍᠂ ᠬᠥᠯᠥᠨ ᠨᠠᠭᠤᠷᠤᠨ ᠪᠣᠬᠢᠷᠲᠤᠯᠢ ᠪᠦᠲᠦᠮᠵᠢᠲᠡᠶ ᠪᠠᠭᠠᠰᠭᠠᠬ᠍ᠰᠠᠨᠢᠶᠠᠷ ᠦᠯᠦ᠍ ᠪᠠᠷᠠᠮ᠂ ᠭᠠᠵᠠᠷ ᠳᠣᠤᠷᠠᠬᠢ ᠤᠰᠤᠨᠤ ᠡᠬᠢ ᠪᠠᠶᠠᠯᠢᠭᠢ ᠴᠤ᠌ ᠪᠦᠲᠦᠮᠵᠢᠲᠡᠶ ᠬᠠᠮᠠᠭᠠᠯᠠᠵᠤ ᠴᠢᠳᠠᠪᠡ》 ᠭᠡᠵᠦ᠍ ᠶᠠᠭ᠍ᠰᠢ ᠬᠤᠲᠠᠶ᠋ᠢᠨ ᠢ ᠮᠢᠨ ᠪᠣᠬᠢᠷ ᠤᠰᠤ ᠱᠢᠶᠳᠪᠦᠷᠢᠯᠡᠬᠦ᠌ ᠦᠶᠯᠡᠳᠪᠦᠷᠢᠶ᠋ᠢᠨ ᠶᠡᠷᠦᠩᠬᠡᠶ ᠢᠨᠵᠧᠨᠧᠷ ᠢᠦᠶ ᠱᠤ᠌ ᠱᠧᠩ ᠲᠠᠨᠢᠯᠴᠠᠭᠤᠯᠤᠨᠠ᠃
ᠶᠠᠭ᠍ᠰᠢ ᠬᠤᠲᠠᠶ᠋ᠢᠨ ᠬᠥᠯᠥᠨ ᠨᠠᠭᠤᠷᠤᠨ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠠᠮᠢ ᠠᠬᠤᠢᠶ᠋ᠢᠨ ᠰᠡᠷᠭᠦᠭᠡᠯᠳᠡᠶ᠋ᠢᠨ ᠢᠨᠵᠧᠨᠧᠷᠢᠩ ᠪᠤᠯ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠪᠤᠬᠢᠷ ᠤᠰᠤᠶ᠋ᠢ ᠴᠡᠪᠡᠷᠱᠢᠬᠦᠯᠵᠦ᠍ ᠲᠠᠬᠢᠨ ᠠᠱᠢᠬ᠍ᠯᠠᠬᠤ 10 ᠢᠨᠵᠧᠨᠧᠷᠢᠩᠤᠨ ᠨᠢᠭᠡ ᠪᠣᠯᠤᠨᠠ᠃ 《ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤᠨ ᠲᠥᠯᠥᠪᠵᠢᠭᠦᠯᠭᠡᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠬᠦᠯᠦᠨ ᠪᠦᠢᠷ ᠬᠤᠲᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠣᠭ᠍ᠲᠠᠭᠠᠭ᠍ᠰᠠᠨ 《ᠤᠰᠤᠨᠤ ᠬᠡᠮᠵᠢᠶᠡᠶ᠋ᠢ ᠲᠣᠭ᠍ᠲᠠᠪᠤᠷᠢᠵᠢᠭᠤᠯᠬᠤ᠂ ᠤᠰᠤᠨᠤ ᠴᠢᠨᠠᠷᠢ ᠰᠠᠢᠵᠢᠷᠠᠭᠤᠯᠬᠤ᠂ ᠣᠷᠴᠢᠨ ᠲᠣᠭᠤᠷᠢᠨᠤ ᠴᠢᠨᠠᠷᠵᠢᠯᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌》 ᠵᠠᠰᠠᠯᠲᠠᠶ᠋ᠢᠨ ᠭᠤᠤᠯ ᠬᠠᠷᠠᠯᠲᠠ ᠶᠤᠰᠤᠭᠠᠷ 《ᠬᠥᠮᠦᠨ ᠲᠦᠷᠦᠯᠬᠢᠳᠡᠨᠤ ᠠᠵᠢᠯᠯᠠᠭᠠᠶ᠋ᠢᠨ ᠪᠠᠢᠭᠠᠯᠢᠶ᠋ᠢᠨ ᠣᠷᠴᠢᠨ ᠲᠣᠭᠤᠷᠢᠨᠳᠤ ᠦᠵᠡᠭᠦᠯᠬᠦ᠌ ᠠᠱᠢᠭ ᠥᠬᠡᠶ ᠨᠥᠯᠥᠭᠡᠶ᠋ᠢ ᠬᠠᠮᠤᠭᠤᠨ ᠶᠡᠭᠡ ᠬᠡᠮᠵᠢᠶᠡᠪᠠᠷ ᠪᠠᠭᠠᠰᠭᠠᠬᠤ》 ᠵᠠᠰᠠᠯᠲᠠᠶ᠋ᠢᠨ ᠴᠢᠭ᠌ᠯᠡᠯᠲᠠᠢ ᠨᠢᠭ᠍ᠲᠠ ᠤᠶᠠᠯᠳᠤᠭᠤᠯᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤ ᠲᠥᠷᠥᠯ ᠵᠦᠶᠯᠢᠶᠠᠷ ᠭᠠᠷᠳᠠᠴᠠ ᠪᠣᠯᠭᠠᠬᠤ᠂ 《ᠭᠡᠰᠡᠭ ᠲᠠᠯᠠᠶ᠋ᠢᠨ ᠵᠠᠰᠠᠯᠳᠠ ᠪᠠ ᠪᠦᠬᠦ᠌ ᠰᠠᠪᠠ ᠭᠠᠵᠠᠷᠤᠨ ᠵᠠᠰᠠᠯᠳᠠᠶ᠋ᠢ ᠵᠡᠷᠭᠡᠪᠠᠷ ᠴᠢᠬᠤᠯᠠᠴᠢᠯᠠᠵᠤ᠂ ᠭᠤᠤᠯ ᠮᠥᠷᠡᠨ ᠨᠠᠭᠤᠷ ᠴᠥᠭᠦᠷᠥᠮᠢ ᠵᠠᠰᠠᠬᠤ ᠪᠠ ᠠᠮᠢ ᠠᠬᠤᠶᠶ᠋ᠢᠨ ᠱᠢᠰᠲ᠋ᠧᠮᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤᠶ᠋ᠢ ᠵᠡᠷᠭᠡᠪᠠᠷ ᠴᠢᠬᠤᠯᠠᠴᠢᠯᠠᠵᠤ᠂ ᠢᠨᠵᠧᠨᠧᠷᠢᠩᠤᠨ ᠵᠠᠰᠠᠯᠳᠠ ᠪᠠ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠬᠠᠮᠢᠶᠠᠷᠤᠯᠳᠠᠶ᠋ᠢ ᠵᠡᠷᠭᠡᠪᠠᠷ ᠴᠢᠬᠤᠯᠠᠴᠢᠯᠠᠬᠤ》 ᠵᠠᠷᠴᠢᠮᠢ ᠪᠠᠷᠢᠮᠳᠠᠯᠠᠵᠤ᠂ ᠣᠯᠠᠨ ᠵᠦᠶᠯᠤᠨ ᠪᠦᠲᠦᠮᠵᠢᠲᠡᠶ ᠵᠠᠰᠠᠯᠲᠠᠶ᠋ᠢᠨ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠭᠦᠨᠵᠡᠭᠡᠶ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ᠂ ᠨᠠᠭᠤᠷᠢ ᠲᠣᠭᠤᠷᠢᠭ᠍ᠰᠠᠨ ᠡᠯᠡᠰᠦᠷᠬᠡᠭ᠌ᠵᠢᠭ᠌ᠰᠡᠨ ᠭᠠᠵᠠᠷ ᠱᠢᠷᠣᠶᠶ᠋ᠢ ᠵᠠᠰᠠᠬᠤ᠂ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠮᠠᠭᠤᠳᠠᠯᠢ ᠵᠠᠰᠠᠬᠤ᠂ ᠨᠠᠭᠤᠷᠲᠤ ᠤᠷᠤᠰᠤᠨ ᠤᠷᠤᠬᠤ ᠭᠤᠤᠯ ᠮᠥᠷᠡᠨᠤ ᠡᠷᠬᠢ ᠳᠠᠭᠠᠤ ᠪᠣᠬᠢᠷ ᠤᠰᠤ ᠱᠢᠶᠳᠪᠦᠷᠢᠯᠡᠬᠦ᠌ ᠦᠶᠯᠡᠳᠪᠦᠷᠢᠶ᠋ᠢ ᠥᠭᠡᠷᠡᠴᠢᠯᠡᠨ ᠵᠠᠰᠠᠬᠤ ᠵᠡᠷᠭᠡ ᠪᠠ ᠲᠥᠷᠥᠯ ᠵᠦᠢᠯᠢ ᠦᠷᠨᠢᠬᠦᠯᠵᠦ᠍᠂ ᠰᠠᠪᠠ ᠭᠠᠵᠠᠷᠤᠨ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠡᠷᠴᠢᠮᠢᠶᠠᠨ ᠲᠠᠰᠤᠷᠠᠯᠲᠠ ᠦᠭᠡᠢ ᠴᠢᠩᠭᠠᠷᠠᠭᠤᠯᠵᠤ᠂ ᠬᠥᠯᠥᠨ ᠨᠠᠭᠤᠷᠢ ᠲᠣᠭᠤᠷᠢᠭ᠍ᠰᠠᠨ ᠭᠠᠵᠠᠷ ᠤᠷᠤᠨᠤ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠢᠯᠡᠳᠲᠡ ᠰᠡᠷᠭᠦᠵᠦ᠍᠂ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡᠶ᠋ᠢᠨ ᠨᠣᠷᠮᠠ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠨᠤᠳᠤᠭ ᠪᠡᠯᠴᠢᠭᠡᠷᠤᠨ ᠮᠠᠭᠤᠳᠠᠯ ᠡᠯᠡᠰᠦᠷᠬᠡᠭ᠌ᠵᠢᠯᠤᠨ ᠬᠠᠨᠳᠤᠰᠢᠶ᠋ᠢ ᠪᠦᠲᠦᠮᠵᠢᠲᠡᠶ ᠬᠤᠷᠢᠬ᠍ᠯᠠᠪᠠ᠃
ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨ ᠦᠷᠭᠦᠯᠵᠢᠯᠡᠨ ᠰᠠᠢᠵᠢᠷᠠᠪᠠ
ᠲᠠᠶᠠᠭᠠᠷᠤᠨ ᠴᠢᠷᠮᠠᠢᠯᠭᠠᠪᠠᠷ ᠦᠨᠦᠳᠦᠷᠤᠨ ᠬᠦᠯᠦᠨ ᠨᠠᠭᠤᠷ ᠵᠢᠭᠠᠰᠤ ᠵᠢᠷᠠᠭᠠᠬᠠᠢᠶ᠋ᠢᠨ ᠴᠤᠯᠬᠢᠶᠠᠨᠲᠠᠢ᠂ ᠭᠠᠯᠠᠭᠤ ᠱᠢᠪᠠᠭᠤᠳᠤᠨ ᠭᠠᠩᠭᠠᠨᠠᠭᠠᠨᠲᠠᠢ᠂ ᠬᠤᠯᠤᠰᠤ ᠵᠡᠭᠡᠰᠦᠶ᠋ᠢᠨ ᠨᠠᠢᠭᠤᠭᠠᠨᠲᠠᠢ ᠭᠠᠩᠭᠠᠩ ᠲᠦᠷᠬᠦ᠌ᠪᠠᠷᠢᠶᠠᠨ ᠬᠦᠯᠦᠨ ᠪᠦᠢᠷᠤᠨ ᠲᠠᠯᠠ ᠨᠤᠳᠤᠭᠢᠶᠠᠨ ᠴᠢᠮᠡᠭ᠌ᠯᠡᠨᠠ᠃
ᠲᠠᠩᠰᠤᠭ ᠰᠠᠢᠬᠠᠨ ᠪᠠᠢᠭᠠᠯᠢᠯᠢᠭ ᠨᠠᠭᠤᠷᠢᠶᠠᠨ ᠬᠠᠮᠠᠭᠠᠯᠠᠵᠤ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨᠤ ᠠᠵᠢᠯᠯᠠᠭᠠᠶ᠋ᠢᠨ ᠨᠥᠯᠥᠭᠡᠯᠡᠯᠢ ᠬᠠᠮᠤᠭᠤᠨ ᠶᠡᠭᠡ ᠬᠡᠮᠵᠢᠶᠡᠪᠠᠷ ᠪᠠᠭᠠᠰᠭᠠᠵᠤ᠂ ᠨᠡᠭᠦᠳᠡᠯᠤᠨ ᠱᠢᠪᠠᠭᠤᠳ ᠬᠡᠭᠡᠷᠡᠶ᠋ᠢᠨ ᠠᠮᠢᠲᠠᠨᠳᠤ ᠣᠷᠣᠱᠢᠨ ᠲᠣᠭ᠍ᠲᠠᠨᠢᠬᠤ᠂ ᠦᠷᠡᠵᠢᠨ ᠲᠦᠯᠵᠢᠬᠦ᠌ ᠠᠮᠤᠭᠤᠯᠠᠩᠳᠤ ᠣᠷᠴᠢᠨᠢ ᠪᠣᠶ ᠪᠣᠯᠭᠠᠬᠤᠶ᠋ᠢᠨ ᠲᠥᠯᠥᠭᠡ ᠪᠦᠬᠦ᠌ ᠬᠦᠯᠦᠨ ᠨᠠᠭᠤᠷᠤᠨ ᠪᠠᠢᠭᠠᠯᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠤᠷᠤᠨᠢ ᠪᠦᠷᠭᠦᠭᠦᠯᠦᠭ᠌ᠰᠡᠨ ᠠᠯᠤᠰ ᠡᠵᠡᠮᠳᠡᠯᠤᠨ ᠸᠢᠳᠢᠣ᠋ ᠬᠢᠨᠠᠨ ᠡᠵᠡᠮᠳᠡᠬᠦ᠌ ᠱᠢᠰᠲ᠋ᠧᠮ ᠪᠣᠯᠤᠨ ᠴᠠᠬ᠍ᠳᠠᠨ ᠪᠠᠢᠴᠠᠭᠠᠬᠤ ᠲᠥᠬᠦᠭᠡᠷᠦᠮᠵᠢᠶ᠋ᠢ ᠤᠬ᠍ᠰᠠᠷᠠᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠠᠷᠭᠠ ᠪᠠᠷᠢᠯᠢᠶᠠᠷ ᠪᠠᠢᠭᠠᠯᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠤᠷᠤᠨᠤ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠡᠷᠴᠢᠮᠢᠶᠠᠨ ᠴᠢᠩᠭᠠᠷᠠᠭᠤᠯᠵᠤ᠂ ᠴᠠᠬ᠍ᠳᠠᠨ ᠪᠠᠢᠴᠠᠭᠠᠬᠤ ᠬᠦᠴᠦᠯᠡᠴᠡᠪᠠᠨ ᠨᠡᠮᠡᠭ᠌ᠳᠡᠬᠦᠯᠪᠡ᠃ ᠡᠳᠡᠭᠡᠷᠨᠢ ᠡᠯᠡ ᠵᠦᠶᠯᠤᠨ ᠬᠠᠤᠯᠢᠠᠴᠠ ᠵᠥᠷᠢᠴᠡᠭ᠌ᠰᠡᠨ ᠦᠶᠯᠡ ᠠᠵᠢᠯᠯᠠᠭᠠᠳᠤ ᠲᠦᠢᠯᠤᠨ ᠶᠡᠭᠡ ᠰᠦᠷᠳᠡᠭᠦᠯᠦᠯ ᠪᠣᠯᠤᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠥᠬᠡᠶ᠂ ᠪᠠᠰᠠ ᠬᠡᠭᠡᠷᠡᠶ᠋ᠢᠨ ᠠᠮᠢᠲᠠᠨᠢ ᠠᠵᠢᠬ᠍ᠯᠠᠨ ᠬᠦᠳᠡᠯᠦᠩᠬᠦᠢ ᠪᠠᠢᠳᠠᠯᠢᠨᠢ ᠡᠵᠡᠮᠱᠢᠨ ᠲᠡᠮᠳᠡᠭ᠌ᠯᠡᠬᠦ᠌ ᠪᠠ ᠠᠪᠤᠷᠠᠨ ᠲᠤᠰᠠᠯᠠᠬᠤᠳᠤ ᠨᠠᠩ ᠲᠥᠬᠦᠮ ᠦᠵᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
《ᠤᠯᠠᠭᠠᠨᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷ ᠠᠯᠢ ᠡᠷᠲᠡᠨᠠᠴᠠ ᠵᠡᠭᠦᠨ ᠠᠽᠢᠶᠠᠠᠴᠠ ᠠᠦ᠋ᠰᠲᠷᠠᠯᠢᠶᠠ ᠲᠡᠢᠰᠢ ᠨᠢᠰᠭᠦ ᠨᠡᠭᠦᠳᠡᠯᠤᠨ ᠱᠢᠪᠠᠭᠤᠳᠤᠨ ᠬᠦᠯ ᠠᠮᠠᠷᠠᠨ ᠬᠦᠴᠦ᠍ ᠰᠡᠯᠪᠢᠬᠦ᠌ ᠴᠢᠬᠤᠯᠠ ᠦᠷᠳᠡᠭᠡ ᠪᠤᠯᠤᠬ᠍ᠰᠠᠨ ᠶᠤᠮ᠃ ᠣᠢᠷᠠᠶ᠋ᠢᠨ ᠬᠡᠳᠦᠨ ᠵᠢᠯᠳᠤ᠂ ᠬᠥᠯᠥᠨ ᠨᠠᠭᠤᠷᠤᠨ ᠪᠠᠢᠭᠠᠯᠢᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠷᠣᠨᠳᠤ ᠪᠢᠳᠡ ᠪᠠᠰᠠ 12 ᠵᠦᠢᠯᠤᠨ ᠱᠢᠪᠠᠭᠤᠨᠤ ᠲᠥᠷᠥᠯᠢ ᠬᠢᠨᠠᠨ ᠬᠡᠮᠵᠢᠵᠦ᠍ ᠨᠡᠮᠡᠵᠦ᠍ ᠲᠡᠮᠳᠡᠭ᠌ᠯᠡᠭ᠌ᠰᠡᠨ ᠱᠢᠤ᠂ 2020 ᠣᠨᠤ ᠬᠠᠪᠤᠷᠤᠨ ᠪᠠ ᠵᠣᠨᠤ ᠤᠯᠠᠷᠢᠯᠤᠨ ᠱᠢᠪᠠᠭᠤᠨᠤ ᠲᠥᠷᠥᠯ ᠰᠦᠷᠦᠭᠤᠨ ᠬᠢᠨᠠᠨ ᠬᠡᠮᠵᠢᠯᠳᠡᠶ᠋ᠢᠨ ᠲᠤᠭᠠ ᠬᠡᠮᠵᠢᠶᠡᠨᠢ 2012 ᠣᠨᠤᠬᠢᠠᠴᠠ 14000 ᠭᠠᠷᠤᠶ ᠪᠠ 60000 ᠭᠠᠷᠤᠶ ᠨᠡᠮᠡᠭ᠌ᠳᠡᠵᠡᠶ᠃ ᠮᠠᠨᠤ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠠᠵᠢᠯᠲᠠᠳ 24 ᠴᠠᠭᠢᠶᠠᠷ ᠲᠣᠭᠤᠷᠢᠨ ᠪᠠᠢᠴᠠᠭᠠᠬᠤᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠪᠠᠰᠠ ᠲᠣᠭᠠᠴᠢᠯᠠᠭ᠍ᠰᠠᠨ ᠬᠢᠨᠠᠨ ᠡᠵᠡᠮᠳᠡᠬᠦ᠌ ᠲᠠᠪᠴᠠᠩᠢ ᠠᠱᠢᠬ᠍ᠯᠠᠨ 24 ᠴᠠᠭ ᠲᠠᠰᠤᠷᠠᠯᠲᠠ ᠥᠬᠡᠶ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠤᠷᠤᠨᠤ ᠪᠠᠢᠳᠠᠯᠢ ᠬᠢᠨᠠᠨ ᠡᠵᠡᠮᠳᠡᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠤᠯᠠᠭᠠᠨᠨᠠᠭᠤᠷ ᠬᠠᠮᠢᠶᠠᠷᠤᠨ ᠬᠠᠮᠠᠭᠠᠯᠠᠬᠤ ᠦᠷᠳᠡᠭᠡᠨᠤ ᠲᠠᠷᠤᠭᠠ ᠵᠢᠩ ᠶᠢᠤ ᠲᠠᠨᠢᠯᠴᠠᠭᠤᠯᠤᠨᠠ᠃
ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨᠤ ᠦᠷᠭᠦᠯᠵᠢᠯᠡᠨ ᠰᠠᠢᠵᠢᠷᠠᠬᠤᠶ᠋ᠢ ᠳᠠᠭᠠᠯᠳᠤᠨ᠂ 2013 ᠣᠨᠠᠴᠠ ᠣᠲᠣ ᠪᠣᠯᠲᠠᠯᠠ᠂ ᠬᠥᠯᠥᠨ ᠨᠠᠭᠤᠷᠤᠨ ᠪᠠᠢᠭᠠᠯᠢᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠷᠣᠨᠳᠠᠬᠢ ᠱᠢᠪᠠᠭᠤᠨᠤ ᠲᠥᠷᠥᠯ ᠵᠦᠢᠯ ᠵᠢᠴᠢ ᠲᠤᠭᠠ ᠬᠡᠮᠵᠢᠶᠡᠨᠢ ᠴᠥᠮ ᠵᠢᠯ ᠳᠠᠷᠠᠭᠠᠯᠠᠨ ᠨᠡᠮᠡᠭ᠌ᠳᠡᠬᠦ᠌ ᠪᠠᠢᠳᠠᠯ ᠢᠯᠡᠷᠡᠵᠦ᠍᠂ ᠱᠢᠪᠠᠭᠤᠨᠤ ᠲᠥᠷᠥᠯᠨᠢ 333 ᠵᠦᠢᠯ ᠪᠠᠢᠭ᠍ᠰᠠᠨᠠᠴᠠᠪᠠᠨ ᠨᠡᠮᠡᠭ᠌ᠳᠡᠭᠡᠳ 345 ᠵᠦᠢᠯ ᠪᠣᠯᠵᠠᠶ᠂ ᠡᠭᠦᠨᠳᠤ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠲᠠᠰᠤᠨ ᠬᠠᠮᠠᠭᠠᠯᠠᠯᠲᠠᠲᠠᠢ ᠠᠮᠢᠳᠠᠨ ᠪᠤᠯᠬᠤ ᠳᠣᠷᠣᠨᠠᠳᠠᠬᠢᠨᠤ ᠴᠠᠭᠠᠨ ᠥᠷᠪᠢ ᠵᠡᠷᠭᠡ ᠬᠤᠪᠤᠷ ᠴᠤᠬᠠᠭ ᠬᠠᠮᠠᠭᠠᠯᠠᠯᠲᠠᠲᠠᠢ ᠠᠮᠢᠳᠠᠳ ᠪᠠᠭ᠍ᠲᠠᠨᠠ； ᠬᠥᠯᠥᠨ ᠨᠠᠭᠤᠷᠤᠨ ᠵᠢᠭᠠᠰᠤᠨᠤ ᠲᠥᠷᠥᠯᠨᠢ 32 ᠵᠦᠢᠯ ᠪᠠᠢᠭ᠍ᠰᠠᠨᠠᠴᠠᠪᠠᠨ 35 ᠵᠦᠢᠯ ᠪᠣᠯᠵᠣ ᠨᠡᠮᠡᠭ᠌ᠳᠡᠪᠡ； ᠬᠥᠬᠦᠲᠡᠨ ᠠᠮᠢᠲᠠᠨᠤ ᠲᠥᠷᠥᠯ ᠵᠦᠢᠯᠨᠢ 35 ᠵᠦᠢᠯ ᠪᠠᠢᠭ᠍ᠰᠠᠨᠠᠴᠠᠪᠠᠨ 38 ᠵᠦᠢᠯ ᠪᠣᠯᠵᠤ ᠨᠡᠮᠡᠭ᠌ᠳᠡᠪᠡ᠃ ᠡᠳᠡᠭᠡᠷᠨᠢ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠤᠷᠢᠨ ᠰᠡᠷᠭᠦᠨ ᠰᠠᠢᠵᠢᠷᠠᠵᠤ ᠪᠠᠢᠬᠤᠶ᠋ᠢ ᠭᠦᠢᠴᠡᠳ ᠬᠠᠷᠠᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠪᠦᠬᠦ᠌ ᠠᠷᠠᠳᠢᠶᠠᠷᠢᠶᠠᠨ ᠤᠷᠤᠯᠴᠠᠵᠤ ᠬᠠᠮᠲᠤᠪᠠᠷ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠤᠢ ᠪᠤᠯᠭᠠᠪᠠ
《ᠬᠥᠯᠥᠨ ᠨᠠᠭᠤᠷᠢ ᠰᠠᠢᠲᠤᠷ ᠰᠠᠬᠢᠨ ᠬᠠᠮᠠᠭᠠᠯᠠᠬᠤᠳᠤ ᠡᠳᠦᠷ ᠲᠤᠲᠤᠮᠤᠨ ᠴᠠᠭ᠍ᠳᠠᠨ ᠪᠠᠢᠴᠠᠭᠠᠬᠤ ᠠᠵᠢᠯ ᠳᠤᠲᠠᠭ᠍ᠳᠠᠵᠤ ᠪᠣᠯᠤᠰᠢ ᠥᠬᠡᠶ ᠮᠦᠷᠳᠡᠭᠡᠨ ᠤᠬᠠᠭᠤᠯᠭᠠᠶ᠋ᠢᠨ ᠠᠵᠢᠯ ᠴᠦ᠍ ᠠᠳᠠᠯᠢᠬᠠᠨ ᠴᠢᠬᠤᠯᠠ ᠪᠠᠢᠳᠠᠭ᠃ ᠬᠥᠯᠥᠨ ᠨᠠᠭᠤᠷᠢ ᠬᠠᠮᠠᠭᠠᠯᠠᠬᠤᠶ᠋ᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠬᠥᠮᠦᠨ ᠪᠦᠬᠦᠨᠳᠤ ᠮᠡᠳᠡᠭᠦᠯᠬᠦ᠌ ᠬᠡᠷᠡᠭ᠌ᠳᠡᠢ》 ᠭᠡᠵᠦ᠍ ᠭᠠᠯᠢᠳᠠ ᠪᠠᠢᠱᠢᠩ ᠬᠠᠮᠢᠶᠠᠷᠤᠨ ᠬᠠᠮᠠᠭᠠᠯᠠᠬᠤ ᠥᠷᠲᠡᠭᠡᠨᠤ ᠳᠠᠷᠤᠭᠠ ᠯᠢ ᠭᠦᠸᠧ ᠬᠠᠢ ᠶᠠᠷᠢᠨᠠ᠃ ᠬᠥᠯᠥᠨ ᠨᠠᠭᠤᠷᠤᠨ ᠠᠮᠢ ᠠᠬᠤᠶᠶ᠋ᠢᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠤᠬᠠᠢ ᠤᠬᠠᠭᠤᠯᠭᠠ ᠬᠢᠬᠦ᠌ ᠪᠣᠯ ᠬᠠᠮᠢᠶᠠᠷᠤᠨ ᠬᠠᠮᠠᠭᠠᠯᠠᠬᠤ ᠥᠷᠲᠡᠭᠡᠶ᠋ᠢᠨ ᠨᠢᠭᠡᠨ ᠴᠢᠬᠤᠯᠠ ᠠᠵᠢᠯ ᠮᠥᠨ᠃ 23 ᠵᠢᠯᠤᠨ ᠲᠤᠷᠰᠢ᠂ ᠯᠢ ᠭᠦᠸᠧ ᠬᠠᠢ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳᠲᠠᠢᠪᠠᠨ ᠬᠠᠷᠢᠶᠠᠲᠤ ᠣᠷᠣᠨᠤ ᠡᠷᠭᠢᠨ ᠲᠣᠭᠤᠷᠢᠨᠤ 10 ᠭᠠᠴᠠᠭᠠ᠂ 70 ᠮᠠᠯᠵᠢᠬᠤ ᠡᠷᠦᠬᠡᠪᠠᠷ ᠶᠠᠪᠤᠵᠤ᠂ ᠡᠷᠦᠬᠡ ᠳᠠᠷᠠᠭᠠᠯᠠᠨ ᠤᠬᠠᠭᠤᠯᠭᠠ ᠬᠢᠵᠦ᠍᠂ ᠬᠠᠤᠯᠢ ᠴᠠᠭᠠᠵᠠ ᠬᠠᠤᠯᠢ ᠲᠤᠬ᠍ᠳᠠᠭᠠᠯᠤᠨ ᠤᠬᠠᠭᠤᠯᠭᠠᠶ᠋ᠢᠨ ᠭᠠᠷ ᠳᠡᠪᠲᠡᠷ ᠲᠠᠷᠬᠠᠭᠠᠵᠤ᠂ ᠤᠯᠠᠨᠤ ᠠᠮᠢ ᠠᠬᠤᠢᠶ᠋ᠢ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷᠢ ᠴᠢᠩᠭᠠᠳᠭᠠᠬᠤᠪᠠᠷ ᠴᠢᠷᠮᠠᠢᠬ᠍ᠰᠠᠭᠠᠷ ᠢᠷᠡᠵᠡᠢ᠃
ᠦᠨᠦ᠍ ᠬᠦᠯᠦᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠢᠶ᠋ᠢᠨ ᠶᠠᠷᠦᠩᠬᠡᠢᠯᠡᠨ ᠵᠠᠰᠠᠯᠳᠠᠶ᠋ᠢᠨ ᠠᠵᠢᠯᠨᠢ ᠢᠯᠡᠳᠳᠡ ᠦᠷᠡ ᠪᠦᠳᠦᠮᠵᠢ ᠤᠯᠵᠤ᠂ ᠬᠦᠯᠦᠨ ᠨᠠᠭᠤᠷᠤᠨ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨᠢᠶᠠᠨ ᠦᠵᠡᠬᠦ᠌ ᠨᠢᠳᠤᠨᠤ ᠴᠡᠴᠡᠭᠡᠢ ᠮᠡᠳᠦ ᠬᠠᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠬᠦᠮᠦᠰᠤᠨ ᠰᠡᠳᠭᠢᠯᠳᠤ ᠬᠠᠳᠠᠩᠱᠢᠵᠤ᠂ 2016 ᠤᠨᠳᠤ 《ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠬᠦᠯᠦᠨ ᠨᠠᠭᠤᠷᠤᠨ ᠤᠯᠤᠰᠤᠨ ᠲᠡᠰᠤᠨ ᠪᠠᠢᠭᠠᠯᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢᠨ ᠤᠷᠤᠨᠤ ᠲᠦᠷᠢᠮ》 ᠢ ᠨᠡᠢᠳᠡᠯᠡᠨ ᠭᠡᠷᠡᠭ᠌ᠵᠢᠬᠦᠯᠵᠦ᠍᠂ ᠬᠦᠯᠦᠨ ᠨᠠᠭᠤᠷᠢ ᠬᠠᠮᠠᠭᠠᠯᠠᠬᠤᠳᠤ ᠬᠠᠤᠯᠢ ᠴᠠᠭᠠᠵᠠᠶ᠋ᠢᠨ ᠲᠠᠯᠠᠪᠠᠷᠬᠢ ᠬᠦᠴᠦᠳᠦ ᠪᠠᠳᠤᠯᠭᠠ ᠤᠯᠭᠤᠪᠠ； 2020 ᠤᠨᠤ 8 ᠰᠠᠷᠠᠳᠤ 《ᠲᠦᠮᠡᠨ ᠰᠠᠢᠨ ᠲᠤᠷᠠᠴᠤᠤᠯᠤᠨ ᠠᠵᠢᠯᠯᠠᠭᠠᠨᠤ ᠭᠡᠷᠡᠭ᠌ᠵᠢᠬᠦᠯᠬᠦ᠌ ᠲᠦᠰᠦᠯ》 ᠢ ᠨᠠᠢᠳᠠᠯᠠᠵᠤ᠂ ᠦᠷᠭᠡᠨ ᠤᠯᠠᠨ ᠰᠠᠢᠨ ᠲᠤᠷᠠᠴᠤᠤᠯᠢ ᠲᠠᠢᠴᠢᠯᠠᠨ ᠲᠠᠭᠠᠭᠤᠯᠵᠤ ᠬᠦᠯᠦᠨ ᠨᠠᠭᠤᠷᠤᠨ ᠠᠮᠢ ᠠᠬᠤᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠳᠤ ᠬᠠᠮᠳᠤᠪᠠᠷ ᠤᠷᠤᠯᠴᠠᠭᠤᠯᠵᠤ᠂ ᠪᠦᠬᠦ᠌ ᠠᠷᠠᠳᠢᠶᠠᠷᠢᠶᠠᠨ ᠤᠷᠤᠯᠴᠠᠬᠤ᠂ ᠪᠦᠬᠦ᠌ ᠠᠷᠠᠳᠢᠶᠠᠷᠢᠶᠠᠨ ᠬᠠᠮᠠᠭᠠᠯᠠᠬᠤ ᠰᠠᠢᠨ ᠰᠠᠢᠬᠠᠨ ᠨᠡᠢᠭᠡᠮᠤᠨ ᠠᠭᠤᠷ ᠠᠮᠢᠰᠭᠤᠯᠢ ᠪᠤᠢ ᠪᠤᠯᠭᠠᠵᠤ᠂ ᠬᠦᠯᠦᠨ ᠨᠠᠭᠤᠷᠤᠨ ᠠᠮᠢ ᠠᠬᠤᠢᠶ᠋ᠢᠨ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠯᠳᠠᠶ᠋ᠢᠨ ᠦᠷᠠ ᠪᠦᠳᠦᠮᠵᠢᠶ᠋ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠬᠢᠵᠢᠬᠦᠯᠪᠡ᠃
《ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤᠨ ᠬᠤᠭᠤᠴᠠᠭᠠᠨᠳᠤ᠂ ᠬᠦᠯᠦᠨ ᠪᠦᠢᠷ ᠬᠤᠲᠠ ᠬᠥᠯᠥᠨ ᠨᠠᠭᠤᠷᠤᠨ ᠰᠠᠪᠠ ᠭᠠᠵᠠᠷᠤᠨ ᠠᠮᠢ ᠠᠬᠤᠶᠶ᠋ᠢᠨ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠯᠲᠠᠶ᠋ᠢ ᠪᠥᠬᠦ᠌ ᠬᠤᠲᠠᠶ᠋ᠢᠨ 《ᠲᠡᠷᠢᠭᠦᠨ ᠴᠢᠬᠤᠯᠠ ᠡᠭᠦᠷᠭᠡ》 ᠪᠣᠯᠭᠠᠵᠤ᠂ ᠡᠯᠡ ᠰᠠᠯᠠᠭᠠ ᠮᠦᠴᠢᠷᠤᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠪᠣᠳᠠᠲᠠᠢᠵᠢᠭᠤᠯᠤᠨ᠂ ᠠᠮᠢ ᠠᠬᠤᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠ ᠪᠠ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠶ᠋ᠢᠨ ᠬᠠᠮᠢᠶᠠ ᠪᠦᠬᠦᠢ ᠢᠨᠵᠧᠨᠧᠷᠢᠩᠢ ᠭᠡᠷᠡᠭ᠌ᠵᠢᠬᠦᠯᠬᠦ᠌ᠶ᠋ᠢᠨ ᠬᠠᠮᠲᠤ ᠤᠬᠠᠭᠤᠯᠭᠠᠶ᠋ᠢᠨ ᠡᠷᠴᠢᠮᠢᠶᠠᠨ ᠦᠷᠭᠦᠯᠵᠢᠯᠡᠨ ᠴᠢᠩᠭᠠᠷᠠᠭᠤᠯᠵᠤ᠂ ᠰᠠᠢᠨ ᠳᠤᠷᠠᠶ᠋ᠢᠨ ᠠᠵᠢᠯᠯᠠᠭᠠ ᠵᠡᠷᠭᠡ ᠣᠯᠠᠨ ᠵᠦᠶᠯᠤᠨ ᠠᠷᠭᠠ ᠬᠡᠯᠪᠡᠷᠢᠶ᠋ᠢ ᠠᠪᠴᠤ᠌᠂ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠳᠣᠲᠣᠷᠠᠬᠢ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠤᠷᠢᠨ ᠰᠡᠷᠭᠦᠨ ᠰᠠᠢᠵᠢᠷᠠᠵᠠᠢ᠃ ᠦᠨᠦ᠍ ᠨᠠᠭᠤᠷᠤᠨ ᠡᠷᠬᠢᠨ ᠲᠤᠭᠤᠷᠢᠨᠳᠤᠨᠢ ᠨᠢᠳᠦ ᠠᠯᠳᠠᠮᠠ ᠨᠤᠭᠤᠭᠠᠨ ᠲᠠᠪᠠᠯᠭᠠᠨ ᠦᠶᠡᠯᠵᠡᠵᠦ᠍᠂ ᠭᠠᠯᠠᠭᠤ ᠱᠢᠪᠠᠭᠤᠳ ᠭᠠᠩᠭᠠᠨᠠᠨ ᠲᠤᠩᠭᠤᠳᠤᠭᠠᠳ᠂ ᠬᠦᠯᠦᠨ ᠨᠠᠭᠤᠷ ᠮᠠᠨᠢ ᠵᠢᠬᠦᠷᠳᠡᠨ ᠠᠮᠢᠳᠠᠨᠤ ᠦᠷᠠᠵᠢᠨ ᠲᠦᠯᠵᠢᠬᠦ᠌ ᠠᠮᠤᠭᠤᠯᠠᠩᠳᠤ ᠨᠤᠳᠤᠭ ᠪᠤᠯᠵᠤ᠂ ᠬᠦᠯᠦᠨ ᠪᠦᠢᠷᠤᠨ ᠦᠩ ᠱᠢᠮᠡᠯᠢᠭ ᠨᠤᠳᠤᠭ ᠲᠡᠭᠡᠷᠡ ᠴᠡᠪᠡᠷ ᠬᠠᠰ ᠮᠡᠳᠦ ᠭᠡᠷᠡᠯ ᠬᠢᠯᠪᠠᠭᠠᠪᠠᠨ ᠰᠠᠴᠤᠷᠠᠭᠤᠯᠤᠨᠠ᠃
（ᠬᠦᠯᠦᠨ ᠪᠦᠷᠢ ᠬᠤᠳᠠᠶ᠋ᠢᠨ ᠵᠠᠰᠠᠭᠤᠨ ᠤᠷᠳᠤᠨᠤ ᠠᠯᠪᠠᠨ ᠰᠦᠯᠵᠢᠶᠠᠠᠴᠠ）