ᠴᠠᠭᠠᠨ ᠰᠠᠷᠠ ᠦᠩᠭᠡᠷᠡᠮᠡᠭ᠌ᠴᠡ ᠤᠯᠠᠭᠠᠨᠬᠠᠳᠠ ᠬᠤᠳᠠᠶ᠋ᠢᠨ ᠬᠠᠷᠠᠴᠢᠨ ᠬᠤᠱᠢᠭᠤᠨᠤ ᠡᠾᠧ ᠨᠠᠨ ᠵᠡᠭᠡᠯᠢ ᠭᠤᠳᠤᠮᠵᠢᠶ᠋ᠢᠨ ᠬᠤᠭᠤᠰᠤᠨ ᠭᠤᠤ ᠲᠣᠰᠭᠤᠨᠤ ᠲᠤᠰᠭᠤᠨᠳᠤ ᠰᠠᠭᠤᠭᠠ ᠺᠠᠳ᠋ᠷ ᠵᠧᠦ ᠱᠢᠶᠤᠤ ᠭᠠᠩ ᠡᠷᠦᠭᠡᠳᠤ ᠬᠦᠷᠴᠦ᠍ ᠳᠠᠩᠰᠠ ᠪᠦᠷᠢᠳᠭᠡᠬᠦ᠂ ᠲᠤᠭᠠ ᠪᠦᠷᠢᠳᠭᠡᠯᠢ ᠱᠢᠨᠡᠴᠢᠯᠠᠬᠦ᠂ ᠡᠷᠦᠬᠡ ᠨᠢᠬᠡᠪᠦᠷᠢᠶ᠋ᠢᠨ ᠪᠠᠢᠳᠠᠯᠢ ᠤᠢ᠍ᠢᠯᠠᠭᠠᠵᠤ ᠶᠠᠭᠠᠷᠠᠨ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭ᠍ᠰᠠᠨ ᠡᠷᠦᠭᠡᠶ᠋ᠢᠨ ᠠᠵᠤ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡ ᠵᠡᠷᠭᠡ ᠬᠠᠮᠢᠶᠠ ᠪᠦᠬᠦᠢ ᠪᠠᠢᠳᠠᠯᠢ ᠰᠤᠳᠤᠯᠵᠤ ᠪᠠᠢᠯᠠ᠃ ᠲᠤᠰᠭᠤᠨᠳᠤ ᠰᠠᠭᠤᠬ᠍ᠰᠠᠨ ᠵᠢᠯ ᠭᠠᠷᠤᠢᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠵᠧᠦ ᠱᠢᠶᠤᠤ ᠭᠠᠩ ᠪᠣᠯᠤᠨ ᠲᠣᠰᠭᠤᠨᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠭᠢ ᠬᠠᠮᠲᠤᠪᠠᠷ ᠲᠠᠷᠢᠶᠠᠴᠢᠨ ᠡᠷᠦᠭᠡᠪᠠᠷ ᠶᠠᠪᠤᠵᠤ᠂ ᠠᠷᠭᠠ ᠪᠤᠳᠤᠯᠭᠠ ᠰᠦᠪᠡᠭ᠌ᠴᠢᠯᠡᠵᠦ᠍᠂ ᠲᠤᠬᠠᠢᠶ᠋ᠢᠨ ᠭᠠᠵᠠᠷᠤᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠤᠯᠠᠨ ᠲᠦᠮᠡᠨᠤ 《ᠰᠡᠳᠭᠢᠯᠤᠨ ᠬᠥᠮᠦᠨ》᠂ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭ᠌ᠵᠢᠬᠦ᠌ᠶ᠋ᠢᠨ 《ᠵᠠᠮᠴᠢᠯᠠᠭ᠍ᠴᠢ》 ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
《ᠵᠧᠦ ᠱᠢᠶᠤᠤ ᠭᠠᠩ ᠲᠣᠰᠭᠤᠨᠳᠤ ᠢᠷᠡᠵᠤ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠭ᠌ᠰᠡᠨᠤ ᠲᠠᠷᠠᠭᠠ᠂ ᠦᠷᠭᠦᠯᠵᠢ ᠮᠠᠨᠤ ᠭᠡᠷᠲᠤ ᠢᠷᠡᠳᠡᠭ᠂ ᠪᠢᠳᠡ ᠬᠤᠶᠠᠭᠤᠯᠠᠶ᠋ᠢᠨ ᠪᠡᠶᠡ ᠮᠠᠭᠤᠲᠠᠢ ᠪᠠᠢᠬᠤᠶ᠋ᠢ ᠮᠡᠳᠡᠭᠡᠳ ᠪᠢᠳᠡᠨᠳᠤ ᠲᠤᠰ ᠲᠤᠰ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠴᠢᠨᠠᠷᠲᠠᠢ ᠠᠵᠢᠯᠤᠨ ᠪᠠᠢᠷᠢ ᠲᠤᠬᠢᠷᠠᠭᠤᠯᠤᠨ ᠦᠭ᠌ᠬᠦᠯᠡ᠂ ᠤᠯᠬᠤ ᠵᠣᠭᠤᠰᠨᠢ ᠮᠠᠰᠢ ᠦᠨᠳᠦᠷ ᠪᠤᠯᠪᠠᠴᠤ᠌᠂ ᠬᠢᠬᠦ᠌ ᠠᠵᠢᠯᠨᠢ ᠶᠠᠳᠠᠷᠠᠬᠤ ᠦᠭᠡᠢ ᠁》᠃ ᠲᠣᠰᠭᠤᠨᠳᠤ ᠰᠠᠭᠤᠭᠠ ᠺᠠᠳ᠋ᠷ ᠵᠧᠦ ᠱᠢᠶᠤᠤ ᠭᠠᠩᠤᠨ ᠲᠤᠬᠠᠢ ᠶᠠᠷᠢᠬᠤᠳᠤ᠂ ᠬᠤᠭᠤᠰᠤᠨ ᠭᠤᠤ ᠲᠣᠰᠭᠤᠨᠤ ᠠᠷᠠᠳ ᠬᠠᠨ ᠳ᠋ᠦᠩ ᠱᠧᠩ ᠲᠠᠯᠠᠷᠬᠠᠯᠤᠨ ᠰᠡᠳᠭᠢᠯᠭᠡᠪᠠᠨ ᠲᠠᠷᠤᠵᠤ ᠶᠠᠳᠠᠨ ᠪᠠᠢᠯᠠ᠃
ᠬᠠᠨ ᠳ᠋ᠦᠩ ᠱᠧᠩ ᠪᠣᠯ 2016 ᠣᠨᠤ ᠲᠠᠩᠰᠠᠯᠠᠵᠤ ᠺᠠᠷᠳ᠋ᠯᠠᠭ᠍ᠰᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡ ᠪᠣᠯᠤᠨᠠ᠂ ᠦᠪᠡᠷᠢᠶᠠᠨ ᠡᠪᠡᠳᠴᠢᠨᠲᠠᠢ ᠤᠴᠢᠷᠠᠴᠠ ᠬᠦᠨᠳᠦ ᠠᠵᠢᠯ ᠬᠢᠵᠦ᠍ ᠳᠡᠢᠯᠬᠦ᠌ ᠦᠭᠡᠢ᠃ ᠡᠬᠡᠨᠡᠷᠨᠢ ᠴᠦ᠍ ᠦᠷᠭᠦᠯᠵᠢ ᠡᠪᠡᠳᠴᠢᠯᠡᠳᠡᠭ᠂ ᠭᠤᠷᠪᠠᠨ ᠬᠡᠦᠬᠡᠳᠲᠠᠢ᠂ ᠢᠬᠡᠷᠡ ᠬᠤᠶᠠᠷ ᠬᠦᠦᠨᠢ ᠰᠤᠷᠭᠠᠭᠤᠯᠢᠳᠤ ᠰᠠᠭᠤᠵᠤ ᠪᠠᠢᠭᠠ ᠲᠤᠯᠠ ᠠᠮᠢᠳᠤᠷᠠᠯᠨᠢ ᠮᠠᠰᠢ ᠬᠦᠴᠢᠷᠲᠡᠶ ᠪᠠᠢᠯᠠ᠃
《ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠴᠢᠨᠠᠷᠲᠠᠶ ᠡᠨᠡ ᠬᠤᠶᠠᠷ ᠠᠵᠢᠯᠤᠨ ᠪᠠᠢᠷᠢᠨᠢ ᠮᠠᠨᠤ ᠭᠡᠷᠤᠨ ᠣᠷᠤᠯᠭᠠᠶ᠋ᠢ ᠪᠠᠲᠤᠯᠠᠭᠠᠲᠠᠢ ᠪᠣᠯᠭᠠᠵᠤ᠂ ᠣᠳᠣ ᠪᠦᠬᠦ᠌ ᠭᠡᠷᠤᠨ ᠵᠢᠯᠤᠨ ᠣᠷᠤᠯᠭᠠ ᠪᠠᠷᠤᠭ ᠳᠣᠯᠤᠭᠠ ᠨᠠᠢ᠍ᠮᠠᠨ ᠲᠦᠮᠡᠨ ᠲᠥᠭᠦᠷᠢᠭᠲᠤ ᠬᠦᠷᠴᠦ᠍ ᠪᠠᠢᠨᠠ》 ᠭᠡᠵᠦ᠍ ᠬᠠᠨ ᠳ᠋ᠦᠩ ᠱᠧᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠶᠠᠷᠢᠵᠤ ᠪᠠᠢᠯᠠ᠃
《2016 ᠣᠨᠳᠤ᠂ ᠮᠠᠨᠤᠬᠢᠨ ᠲᠠᠩᠰᠠᠯᠠᠵᠤ ᠺᠠᠷᠳ᠋ᠯᠠᠭ᠍ᠰᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡ ᠪᠤᠯᠪᠠ᠃ 2017 ᠣᠨᠳᠤ᠂ ᠲᠣᠰᠭᠤᠨᠳᠤ ᠰᠠᠭᠤᠭᠠ ᠺᠠᠳ᠋ᠷᠤᠨ ᠬᠠᠪᠰᠤᠷᠤᠯᠭᠠ ᠲᠤᠤᠷᠠ ᠪᠢ 5 ᠲᠦᠮᠡᠨ ᠲᠥᠭᠦᠷᠢᠭᠤᠨ ᠵᠢᠭᠡᠯᠡᠯᠭᠡ ᠠᠪᠴᠤ᠌ 3 ᠦᠬᠡᠷ ᠬᠤᠳᠠᠯᠳᠤᠨ ᠠᠪᠴᠠᠢ᠂ ᠪᠢ ᠡᠨᠡ 3 ᠦᠬᠡᠷᠲᠤ ᠲᠦᠱᠢᠭ᠌ᠯᠡᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠨᠠ ᠬᠡᠵᠤ ᠦᠨᠡᠬᠡᠷ ᠪᠤᠳᠤᠵᠤ ᠤᠯᠤᠬ᠍ᠰᠠᠨ ᠦᠬᠡᠢ》 ᠭᠡᠵᠦ᠍ 55 ᠨᠠᠰᠤᠲᠠᠢ ᠵᠦ᠍ ᠭᠤᠸᠠᠩ ᠷᠦᠢ ᠰᠡᠳᠭᠢᠯ ᠲᠤᠬ᠍ᠳᠤᠯᠤᠨ ᠶᠠᠷᠢᠵᠤ ᠪᠠᠢᠯᠠ᠃
ᠣᠬᠤᠷᠬᠠᠨ 4 ᠵᠢᠯ ᠭᠠᠷᠤᠶᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠵᠦ᠍ ᠭᠤᠸᠠᠩ ᠷᠦᠢ ᠭᠤᠷᠪᠠᠭ᠍ᠠᠨ ᠦᠬᠡᠷᠲᠠᠢ ᠪᠠᠢᠬ᠍ᠰᠠᠨᠠᠴᠠᠪᠠᠨ ᠤᠳᠤ 14 ᠦᠬᠡᠷᠲᠠᠢ ᠪᠣᠯᠵᠠᠶ᠂ ᠤᠳᠤ ᠡᠨᠡ 14 ᠦᠬᠡᠷᠤᠨ ᠶᠡᠷᠦᠩᠬᠡᠶ ᠥᠷᠲᠡᠭᠨᠢ 30 ᠲᠦᠮᠡᠨ ᠲᠥᠭᠦᠷᠢᠭ ᠣᠷᠴᠢᠮ ᠬᠦᠷᠦᠨᠠ᠃
《2019 ᠣᠨᠳᠤ᠂ ᠵᠧᠦ ᠱᠢᠶᠤᠤ ᠭᠠᠩ ᠮᠠᠨᠤ ᠲᠣᠰᠭᠤᠨᠳᠤ ᠢᠷᠡᠵᠤ ᠰᠠᠭᠤᠪᠠ᠂ ᠲᠡᠭᠦᠨᠤ ᠬᠠᠪᠰᠤᠷᠤᠯᠭᠠ ᠳᠣᠣᠷᠠ᠂ ᠮᠠᠨᠤ ᠭᠡᠷᠤᠨ ᠦᠬᠡᠷᠤᠨ ᠲᠤᠭᠠ ᠶᠠᠪᠤᠬᠤ ᠲᠤᠳᠤᠮ ᠨᠡᠮᠡᠭ᠌ᠳᠡᠵᠤ ᠪᠠᠢᠨᠠ᠃ ᠡᠨᠡ ᠬᠡᠳᠦᠨ ᠵᠢᠯ ᠤᠷᠢᠳ ᠬᠤᠵᠢᠳ 8 ᠦᠬᠡᠷᠢᠶᠠᠨ ᠬᠤᠳᠠᠯᠳᠤᠵᠤ᠂ ᠵᠢᠭᠡᠯᠡᠯᠭᠡᠪᠠᠨ ᠲᠦᠯᠦᠵᠦ᠍ ᠪᠠᠷᠠᠭᠠᠳ᠂ ᠦᠨᠦ᠍ ᠦᠯᠡᠳᠡᠭ᠌ᠰᠡᠨ 14 ᠦᠬᠡᠷ ᠪᠤᠯ ᠮᠢᠨᠦ᠍ ᠴᠡᠪᠡᠷ ᠤᠷᠤᠯᠭᠠ ᠱᠢᠤ》 ᠭᠡᠵᠦ᠍ ᠵᠦ᠍ ᠭᠤᠸᠠᠩ ᠷᠦᠢ ᠮᠠᠩᠨᠠᠢ ᠲᠠᠨᠢᠨ ᠪᠠᠶᠠᠷᠯᠠᠨᠠ᠃
2019 ᠣᠨᠤ 7 ᠰᠠᠷᠠᠳᠤ᠂ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠬᠦ᠌ ᠠᠵᠢᠯᠢᠶᠠᠷ ᠬᠤᠭᠤᠰᠤᠨ ᠭᠤᠤ ᠲᠣᠰᠭᠤᠨᠳᠤ ᠠᠩᠬᠠ ᠢᠷᠡᠭ᠌ᠰᠡᠨ ᠵᠧᠦ ᠱᠢᠶᠤᠤ ᠭᠠᠩ ᠬᠠᠮᠤᠭᠤᠨ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨᠳᠤ ᠪᠦᠬᠦ᠌ ᠲᠣᠰᠭᠤᠨᠤ 79 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠬᠡᠪᠠᠷ ᠲᠣᠭᠤᠷᠢᠨ ᠪᠠᠢᠳᠠᠯᠢ ᠤᠢ᠍ᠢᠯᠠᠭᠠᠵᠤ᠂ ᠤᠷᠢᠳ ᠬᠤᠵᠢᠳ ᠲᠣᠰᠭᠤᠨᠤ 18 ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠰᠤᠷᠤᠭ᠍ᠴᠢᠶ᠋ᠢ ᠲᠣᠬᠤᠨᠢᠭᠤᠯᠵᠤ᠂ 3000 ᠭᠠᠷᠤᠢ ᠲᠥᠭᠦᠷᠢᠭᠤᠨ ᠰᠤᠷᠤᠯᠭᠠᠶ᠋ᠢᠨ ᠬᠡᠷᠡᠭ᠌ᠰᠡᠯ᠂ ᠬᠤᠪᠴᠠᠰᠤ ᠬᠤᠨᠠᠷ ᠬᠠᠨᠳᠢᠪᠯᠠᠪᠠ᠃
ᠬᠤᠭᠤᠰᠤᠨ ᠭᠤᠤ ᠲᠣᠰᠭᠤᠨᠤ ᠣᠯᠠᠩᠬᠢ ᠠᠷᠠᠳ ᠲᠡᠷᠢᠵᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ᠪᠠᠷ ᠭᠤᠣᠯ ᠪᠣᠯᠭᠠᠵᠤ ᠪᠠᠢᠬᠤᠶ᠋ᠢ ᠣᠢᠯᠠᠭᠠᠬ᠍ᠰᠠᠨ ᠵᠧᠦ ᠱᠢᠶᠤᠤ ᠭᠠᠩ ᠲᠣᠰᠭᠤᠨᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠭᠢᠲᠠᠢ ᠬᠠᠮᠲᠤ ᠠᠵᠤ ᠦᠢᠯᠡᠰᠤᠨ ᠵᠢᠭᠠᠨ ᠵᠢᠯᠣᠭᠤᠳᠭᠤ ᠪᠤᠯᠪᠠᠰᠤᠷᠠᠯᠢ ᠢᠳᠡᠪᠬᠢᠲᠡᠶ ᠥᠷᠨᠢᠭᠦᠯᠬᠦ᠌ᠶ᠋ᠢᠨ ᠬᠠᠮᠲᠤ ᠬᠤᠱᠢᠭᠤᠨᠤ ᠬᠠᠮᠢᠶᠠ ᠪᠥᠬᠦᠶ ᠨᠢᠭᠡᠴᠢᠲᠠᠢ ᠬᠠᠮᠵᠢᠯᠴᠠᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠂ ᠲᠠᠷᠢᠮᠠᠯᠢ ᠪᠡᠷᠢᠮᠵᠢᠶᠡᠵᠢᠭᠤᠯᠤᠨ ᠳᠠᠷᠢᠬᠤ ᠵᠡᠷᠭᠡ ᠬᠥᠳᠡᠯᠮᠦᠷᠢᠶ᠋ᠢᠨ ᠤᠷᠠ ᠴᠢᠳᠠᠪᠤᠷᠢᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠬᠦᠷᠳᠡᠬᠡᠬᠦ᠌ᠶ᠋ᠢ ᠥᠷᠨᠢᠭᠦᠯᠵᠦ᠍᠂ ᠲᠣᠰᠭᠤᠨᠤ ᠠᠷᠠᠳᠲᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠲᠡᠷᠢᠵᠤ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠮᠡᠷᠭᠡᠵᠢᠯᠢ ᠡᠵᠡᠮᠱᠢᠭᠦᠯᠵᠦ᠍᠂ ᠬᠤᠭᠤᠰᠤᠨ ᠭᠤᠤ ᠲᠣᠰᠭᠤᠨᠤ ᠠᠵᠤ ᠦᠢᠯᠡᠰᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠳᠥᠯᠭᠢᠨ ᠠᠬᠢᠭᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠲᠣᠰᠭᠤᠨᠳᠤ ᠰᠠᠭᠤᠵᠤ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠭ᠌ᠰᠡᠨ ᠵᠢᠯ ᠭᠠᠷᠤᠢᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠵᠧᠦ ᠱᠢᠶᠤᠤ ᠭᠠᠩ ᠤᠬ ᠰᠠᠨᠠᠭᠠᠪᠠᠨ ᠪᠠᠲᠤ ᠰᠠᠬᠢᠵᠤ᠂ ᠪᠣᠳᠠᠲᠤ ᠶᠠᠪᠤᠳᠠᠯ ᠬᠢᠵᠦ᠍᠂ ᠰᠠᠢᠨ ᠶᠠᠪᠤᠳᠠᠯ ᠬᠢᠵᠦ᠍᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠤᠭ᠍ᠰᠠᠨ ᠦᠨᠡᠨ ᠪᠣᠳᠠᠲᠠᠢ ᠦᠷᠡ ᠪᠦᠲᠦᠮᠵᠢᠪᠠᠷ ᠠᠷᠠᠳᠤᠨ ᠢᠲᠡᠭᠡᠯᠢ ᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠬᠠᠮᠢᠶᠠ ᠪᠦᠬᠦᠢ ᠬᠤᠯᠪᠣᠭᠠᠰᠤ
ᠦᠪᠦᠷ ᠮᠤᠩᠭᠤᠯ ᠰᠡᠳᠭᠢᠯᠢᠶᠠᠨ ᠨᠢᠭᠡᠳᠭᠡᠨ ᠬᠦᠴᠦᠪᠠᠨ ᠬᠠᠮᠲᠤᠳᠭᠠᠵᠤ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠤᠮᠲᠠ ᠱᠢᠪᠲᠤᠯᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠨᠠᠮᠤᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠠᠳᠭᠤᠬᠤᠪᠠᠷ ᠳᠠᠮᠵᠢᠭᠤᠯᠤᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠤᠮᠲᠠ ᠱᠢᠪᠲᠤᠯᠬᠤᠶ᠋ᠢ ᠠᠬᠢᠭᠤᠯᠵᠤ᠂ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠭᠠᠵᠠᠷ ᠣᠷᠣᠨᠤ ᠦᠨᠳᠦᠰᠦᠨ ᠱᠠᠳᠤᠨᠤ ᠵᠤᠬᠢᠶᠠᠨ ᠪᠠᠢᠭᠤᠯᠤᠯᠳᠠᠶ᠋ᠢ ᠴᠢᠩᠭᠠᠳᠭᠠᠵᠤ᠂ ᠦᠨᠳᠦᠰᠦᠨ ᠱᠠᠲᠤᠨᠤ ᠺᠠᠳ᠋ᠷ ᠨᠠᠷ ᠶᠠᠳᠠᠭᠤ ᠬᠦᠴᠢᠷᠳᠡᠯᠢ ᠢᠯᠭᠠᠨ ᠲᠠᠨᠢᠬᠤ᠂ ᠤᠨᠢᠨ ᠳᠡᠭᠡᠷᠡᠨᠢ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ᠌ ᠳᠤᠮᠳᠠ ᠠᠵᠢᠯᠤᠨ ᠴᠢᠳᠠᠪᠤᠷᠢᠶ᠋ᠢᠨ ᠲᠦᠪᠱᠢᠨᠨᠢ ᠢᠯᠡᠳᠲᠡ ᠳᠡᠭᠡᠭ᠌ᠰᠢᠯᠡᠵᠦ᠍᠂ ᠶᠠᠳᠠᠭᠤᠶ᠋ᠢ ᠲᠡᠳᠬᠦᠬᠦ᠌ ᠠᠵᠢᠯᠤᠨ ᠰᠠᠭᠤᠷᠢᠶ᠋ᠢ ᠴᠢᠨᠠᠭ᠍ᠰᠢᠳᠠ ᠪᠠᠬᠢᠵᠢᠭᠦᠯᠪᠡ᠃ 2016 ᠣᠨᠠᠴᠠ ᠨᠠᠭᠠᠰᠢ᠂ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠤᠮᠲᠠ ᠱᠢᠪᠲᠤᠯᠬᠤ ᠡᠮᠦᠨᠡ ᠹᠷᠣᠨᠲᠲᠤ ᠨᠡᠢᠳᠡ 8.5 ᠲᠦᠮᠡᠨ ᠱᠢᠯᠢᠳᠡᠭ ᠨᠠᠮᠤᠨ ᠭᠡᠱᠢᠭᠦᠨ ᠺᠠᠳ᠋ᠷᠢ ᠰᠣᠩᠭᠤᠨ ᠲᠣᠮᠢᠯᠠᠵᠤ᠂ ᠣᠳᠣᠬᠠᠨᠳᠤ ᠪᠦᠬᠦ᠌ ᠣᠷᠣᠨᠳᠤ 8689 ᠲᠣᠰᠭᠤᠨᠳᠤ ᠰᠠᠭᠤᠭᠠ ᠠᠵᠢᠯᠯᠠᠬᠤ ᠠᠩᠭᠢ᠂ 32180 ᠲᠣᠰᠭᠤᠨᠳᠤ ᠰᠠᠭᠤᠭᠠ ᠺᠠᠳ᠋ᠷ ᠪᠤᠢ᠃ ᠬᠢᠵᠢᠭᠢ ᠰᠡᠷᠭᠡᠢᠯᠡᠨ ᠭᠠᠮᠱᠢᠭᠲᠠᠢ ᠲᠡᠮᠡᠴᠡᠬᠦ᠌ ᠶᠠᠪᠤᠴᠠᠳᠤ᠂ ᠲᠣᠰᠭᠤᠨᠳᠤ ᠰᠠᠭᠤᠭᠠ ᠺᠠᠳ᠋ᠷ ᠡᠮᠦᠨᠡᠨᠢ ᠭᠠᠪᠱᠢᠭᠠᠢᠯᠠᠵᠤ᠂ ᠡᠮᠦᠨᠡᠨᠢ ᠠᠵᠢᠯᠯᠠᠵᠤ᠂ ᠵᠢᠱ᠌ᠢᠶᠡᠴᠢ ᠳᠠᠭᠠᠭᠤᠯᠬᠤ ᠦᠢᠯᠡᠳᠦᠯᠢᠶᠠᠨ ᠪᠠᠳᠠᠷᠠᠭᠤᠯᠪᠠ᠃