ᠪᠤᠯᠤᠩ ᠨᠡᠬᠡᠬᠡᠬᠦ᠌ ᠦᠭᠡ᠄
ᠴᠢᠨᠡᠭᠡᠯᠢᠭ ᠨᠡᠢᠭᠡᠮᠢ ᠪᠦᠬᠦ᠌ ᠲᠠᠯᠠᠪᠠᠷ ᠪᠡᠶᠡᠯᠡᠬᠦᠯᠬᠦ᠌ ᠠᠭᠤᠤ ᠶᠡᠭᠡ ᠠᠶᠠᠨᠳᠤ᠂ ᠮᠠᠨᠤ ᠨᠠᠮ ᠪᠦᠬᠦ᠌ ᠤᠯᠤᠰᠤᠨ ᠦᠨᠳᠦᠰᠦᠳᠡᠨᠨᠦᠭᠦᠳᠤᠨ ᠠᠷᠠᠳ ᠲᠦᠮᠡᠨᠢ ᠪᠦᠯᠬᠦᠮᠳᠡᠬᠦᠯᠦᠨ ᠳᠠᠭᠠᠭᠤᠯᠵᠦ᠍᠂ ᠢᠳᠡᠭᠡᠯᠢᠶᠠᠨ ᠪᠠᠳᠤᠳᠭᠠᠨ ᠪᠡᠷᠭᠡᠶ᠋ᠢ ᠲᠤᠭᠤᠯᠵᠤ᠂ ᠨᠢᠭᠡ ᠰᠡᠳᠭᠢᠯ ᠨᠢᠭᠡ ᠵᠤᠷᠢᠭᠢᠶᠠᠷ ᠴᠢᠨᠡᠭᠡᠯᠢᠭ ᠨᠡᠢᠭᠡᠮᠢ ᠪᠡᠶᠡᠯᠡᠬᠦᠯᠬᠦ᠌ ᠬᠦᠴᠦᠷᠭᠡᠭ ᠶᠡᠭᠡ ᠬᠦᠴᠦᠨ ᠴᠢᠳᠠᠯᠢ ᠨᠢᠬ᠍ᠳᠠᠷᠠᠭᠤᠯᠵᠦ᠍᠂ ᠲᠦᠭ ᠲᠦᠮᠡᠨ ᠠᠷᠠᠳ ᠤᠯᠠᠨ ᠦᠵᠡᠰᠭᠦᠯᠡᠩᠳᠦ ᠰᠠᠢᠬᠠᠨ ᠭᠡᠷ ᠤᠷᠤᠨᠢᠶᠠᠨ ᠬᠠᠮᠳᠤᠪᠠᠷ ᠪᠦᠳᠦᠭᠡᠨ ᠪᠠᠢᠭᠤᠯᠬᠤ᠂ ᠵᠤᠯ ᠵᠢᠷᠭᠠᠯᠳᠦ ᠠᠮᠢᠳᠤᠷᠠᠯᠢ ᠬᠠᠮᠳᠤᠪᠠᠷ ᠡᠳ᠋ᠯᠡᠬᠦ᠌ ᠠᠮᠢᠳᠤᠯᠢᠭ ᠦᠢᠯᠡᠳᠦᠯᠭᠡᠳᠤ ᠢᠳᠡᠪᠬᠢᠯᠡᠨ ᠤᠷᠤᠯᠴᠠᠭ᠍ᠰᠠᠨ ᠪᠠᠢᠨᠠ᠃ ᠲᠤᠰ ᠰᠤᠨᠢᠨ ᠡᠨᠡ ᠡᠳᠦᠷᠠᠴᠠ ᠡᠬᠢᠯᠡᠨ 《ᠡᠷᠡᠮᠡᠭᠡᠢ ᠵᠠᠭᠤᠨ ᠵᠢᠯ ᠱᠢᠭᠤᠷᠬᠠᠢ ᠱᠢᠨᠠ ᠠᠶᠠᠨ》 ᠶᠡᠷᠦᠩᠭᠡᠢ ᠪᠤᠯᠤᠩᠤᠨ ᠳᠤᠤᠷᠠ 《ᠨᠢᠬᠡ ᠰᠡᠳᠭᠢᠯᠢᠶᠠᠷ ᠴᠢᠨᠡᠬᠡᠯᠢᠭ ᠠᠮᠢᠳᠤᠷᠠᠯ ᠵᠦᠭ ᠲᠡᠮᠡᠤᠯᠤᠨᠠ》 ᠭᠡᠬᠦ᠌ ᠵᠢᠵᠢᠭ ᠪᠤᠯᠤᠩ ᠨᠡᠬᠡᠬᠡᠵᠤ᠂ ᠦᠨᠳᠤᠰᠤᠨ ᠱᠠᠳᠤᠨᠤ ᠨᠡᠢᠳᠡᠯᠢᠭ ᠵᠢᠱ᠌ᠢᠶᠠᠶ᠋ᠢᠨ ᠮᠡᠳᠡᠬᠡᠯᠡᠯᠢᠶᠠᠷ ᠲᠠᠮᠵᠢᠨ ᠬᠦᠮᠦᠰᠤᠨ ᠳᠡᠷᠭᠡᠳᠠ ᠭᠠᠷᠤᠭ᠍ᠰᠠᠨ ᠪᠠᠭ᠍ᠠᠳᠤᠮᠠ ᠬᠤᠪᠢᠷᠠᠯᠳᠠᠶ᠋ᠢ ᠠᠮᠢᠳᠤᠯᠢᠭᠢᠶᠠᠷ ᠵᠢᠷᠤᠭ᠍ᠯᠠᠨ᠂ ᠵᠤᠯ ᠵᠢᠷᠭᠠᠯᠳᠤ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯᠤᠨ ᠦᠯᠢᠬᠡᠷᠤᠳᠢ ᠲᠠᠯᠬᠡᠬᠦ᠌ ᠪᠤᠯᠤᠨᠠ᠂ ᠠᠩᠬᠠᠷᠤᠨ ᠤᠩᠱᠢᠮᠤ！ — ᠨᠠᠢᠷᠠᠭᠤᠯᠤᠭ᠍ᠴᠢᠠᠴᠠ
ᠤᠢ᠍ᠢᠷᠠᠶ᠋ᠢᠨ ᠵᠢᠯᠠᠴᠠ ᠨᠠᠭᠠᠰᠢ᠂ ᠵᠠᠯᠠᠢᠳ ᠬᠤᠱᠢᠭᠤᠨᠤ ᠬᠦᠷᠡᠯ ᠪᠠᠯᠭᠠᠰᠤ ᠠᠵᠤ ᠦᠢᠯᠡᠰᠤᠨ ᠬᠦᠭ᠌ᠵᠢᠯᠳᠡᠶ᠋ᠢ ᠠᠬᠢᠭᠤᠯᠤᠨ ᠠᠮᠢ ᠠᠬᠤᠢᠶ᠋ᠢᠨ ᠬᠠᠮᠠᠭᠠᠯᠠᠯᠳᠠᠶ᠋ᠢ ᠴᠢᠩᠭᠠᠤᠡᠬᠠᠵᠤ᠂ ᠤᠷᠤᠱᠢᠨ ᠠᠮᠢᠳᠤᠷᠠᠬᠤᠳᠤ ᠳᠠᠭᠠᠯᠠᠮᠵᠢᠳᠠᠢ ᠦᠵᠡᠰᠭᠦᠯᠡᠩᠳᠤ ᠰᠠᠢᠬᠠᠨ ᠬᠦᠳᠡᠭᠡ ᠳᠤᠰᠭᠤᠨᠢ ᠬᠦᠴᠦᠯᠡᠨ ᠪᠠᠢᠭᠤᠯᠵᠤ᠂ ᠬᠦᠭ᠌ᠵᠢᠯ ᠪᠢᠯᠬᠠᠭ᠍ᠰᠠᠨ ᠲᠦᠷᠰᠤ ᠪᠠᠢᠳᠠᠯᠢᠶᠠᠷ ᠬᠦᠮᠤᠨ ᠠᠷᠠᠳᠤᠨ ᠴᠢᠨᠡᠬᠡᠯᠢᠭ ᠠᠮᠢᠳᠤᠷᠠᠯᠢ ᠬᠦᠤᠷᠨᠢᠨᠠ᠃
ᠬᠦᠳᠡᠭᠡ ᠳᠤᠰᠭᠤᠨᠢ ᠬᠦᠭ᠌ᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠳᠤ ᠠᠵᠤ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠬᠦ᠌ ᠪᠤᠯ ᠵᠠᠩᠬᠢᠯᠠᠭᠠ ᠪᠠᠢᠵᠤ᠂ ᠭᠠᠴᠠᠭᠠ ᠳᠤᠰᠭᠤᠨᠤ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢ ᠪᠤᠵᠠᠭᠠᠢᠷᠠᠭᠤᠯᠬᠤᠨᠢ ᠨᠡᠩ ᠴᠤ᠌ ᠮᠠᠯ ᠠᠵᠤ ᠠᠬᠤᠢ ᠳᠠᠷᠢᠶᠠᠯᠠᠩᠢ ᠬᠦᠴᠦᠷᠬᠡᠭ᠌ᠵᠢᠭᠦᠯᠵᠤ᠂ ᠬᠦᠳᠡᠭᠡ ᠳᠤᠰᠭᠤᠨᠢ ᠭᠤᠶᠤᠵᠢᠭᠤᠯᠤᠨ ᠳᠠᠷᠢᠶᠠᠴᠢᠳᠢ ᠪᠠᠶᠠᠵᠢᠭᠤᠯᠬᠤ ᠴᠢᠬᠤᠯᠠ ᠠᠷᠭᠠ ᠪᠤᠳᠤᠯᠭᠠ ᠪᠤᠯᠬᠤ ᠶᠤᠮ᠃ ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠱᠦᠵᠢ ᠡᠦ ᠬᠦᠭ᠌ᠵᠢᠯᠳᠤ᠄ 《ᠬᠦᠷᠡᠯ ᠪᠠᠯᠭᠠᠰᠤ ᠶᠠᠳᠠᠭᠤᠠᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠱᠢᠪᠳᠤᠯᠬᠤ ᠠᠵᠠ ᠳᠤᠬᠢᠶᠠᠯᠢ ᠠᠮᠵᠢᠨ ᠭᠠᠵᠠᠷ ᠤᠷᠤᠨᠤ ᠪᠤᠳᠠᠳᠤ ᠪᠠᠢᠳᠠᠯᠳᠠᠭᠠᠨ ᠳᠤᠬᠢᠷᠠᠭᠤᠯᠵᠤ᠂ ᠳᠠᠪᠠᠭᠤᠯᠢᠭᠠᠴᠠᠪᠠᠨ ᠭᠠᠷᠳᠠᠨ ᠤᠯᠠᠨ ᠵᠦᠢᠯᠤᠨ ᠠᠷᠭᠠ ᠬᠡᠯᠪᠡᠷᠢᠪᠠᠷ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢ ᠬᠦᠭ᠌ᠵᠢᠭᠦᠯᠪᠡ᠃ ᠤᠳᠤ ᠪᠦᠬᠦ᠌ ᠪᠠᠯᠭᠠᠰᠤᠨᠤ 10 ᠭᠠᠴᠠᠭᠠᠨᠤ ᠵᠢᠯᠤᠨ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠤᠷᠤᠯᠭᠠ ᠴᠦ᠍ᠮ 25 ᠲᠦᠮᠡᠨ ᠲᠦᠭᠦᠷᠢᠭᠢ ᠲᠠᠪᠠᠪᠠ》 ᠭᠡᠵᠤ ᠭᠠᠴᠠᠭᠠ ᠳᠤᠰᠭᠤᠨᠤ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠭᠦᠭ᠌ᠵᠢᠯᠳᠡᠶ᠋ᠢᠨ ᠳᠤᠬᠠᠢ ᠳᠠᠨᠢᠯᠴᠠᠭᠤᠯᠤᠨᠠ᠃
ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨ ᠬᠤᠳᠠᠳᠠᠢ ᠭᠠᠴᠠᠭᠠᠨᠤ ᠳᠠᠵᠢᠭᠡᠵᠤ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨᠳᠤ ᠬᠦᠷᠬᠦ᠌ᠳᠤ ᠲᠠᠷᠭᠤᠨ ᠦᠭᠡᠷᠤᠳ ᠲᠠᠪᠠᠳᠠᠢᠬᠠᠨ ᠬᠡᠪᠢᠵᠤ᠂ ᠶᠠᠳᠠᠭᠤᠠᠴᠠᠪᠠᠨ ᠠᠩᠬᠢᠵᠢᠷᠠᠭ᠍ᠰᠠᠨ ᠲᠠᠷᠢᠶᠠᠴᠢᠨ ᠪᠠᠢ ᠢᠤᠢ ᠯᠢᠨ ᠦᠭᠡᠷᠲᠡᠭᠡᠨ ᠳᠡᠵᠢᠭᠡᠯ ᠪᠤᠷᠳᠤᠭᠠ ᠨᠡᠮᠡᠵᠦ᠍ ᠶᠠᠭᠠᠷᠠᠨᠠ᠃ 《ᠳᠤᠰ ᠳᠡᠵᠢᠭᠡᠵᠤ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨ 3 ᠳᠦᠮᠨᠨ ᠳᠡᠭ᠌ᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠳᠠᠯᠠᠪᠠᠢᠲᠠᠢ᠂ ᠡᠭᠦᠨᠳᠤ 2500 ᠳᠡᠭ᠌ᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠳᠠᠯᠠᠪᠠᠢ ᠪᠦᠬᠦᠢ 4 ᠦᠬᠡᠷᠤᠨ ᠬᠠᠱᠢᠶᠠ᠂ 2500 ᠳᠡᠭ᠌ᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠳᠠᠯᠠᠪᠠᠢ ᠪᠦᠬᠦᠢ 4 ᠬᠤᠨᠢᠨ ᠬᠠᠱᠢᠶᠡ ᠪᠤᠢ᠃ ᠤᠳᠤ ᠳᠠᠯᠠᠶ᠋ᠢᠨ ᠬᠤᠸᠠᠷ ᠮᠠᠯ ᠠᠵᠤ ᠠᠬᠤᠢ ᠳᠠᠷᠢᠶᠠᠯᠠᠩᠤᠨ ᠳᠤᠰᠭᠠᠢ ᠬᠤᠷᠱᠢᠶᠡ ᠪᠤᠯᠤᠨ ᠳᠤᠰ ᠭᠠᠵᠠᠷ ᠤᠷᠤᠨᠤ 4 ᠳᠡᠵᠢᠭᠡᠵᠤ ᠦᠷᠡᠵᠢᠭᠦᠯᠬᠦ᠌ ᠳᠤᠮᠤ ᠡᠷᠦᠬᠡᠶ᠋ᠢᠨᠬᠢᠨ ᠳᠠᠭᠠᠭᠠᠴᠢᠯᠠᠨ ᠡᠵᠡᠩᠨᠡᠵᠤ ᠪᠠᠢᠨᠠ》 ᠭᠡᠵᠤ ᠬᠤᠳᠠᠳᠠᠢ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠭᠦᠩ ᠯᠢᠤ ᠰᠢ ᠤᠷᠮᠠᠳᠠᠢ ᠬᠡᠯᠡᠨᠡ᠃ ᠤᠢ᠍ᠢᠷᠠᠶ᠋ᠢᠨ ᠵᠢᠯᠠᠴᠠ ᠨᠠᠭᠠᠰᠢ᠂ ᠬᠤᠳᠠᠳᠠᠢ ᠭᠠᠴᠠᠭᠠ ᠪᠠᠯᠭᠠᠰᠤᠨᠤ ᠨᠠᠮᠤᠨ ᠬᠤᠷᠢᠶᠠ᠂ ᠵᠠᠰᠠᠭᠤᠨ ᠤᠷᠳᠤᠨᠤ ᠤᠳᠤᠷᠢᠳᠤᠯᠭᠠ ᠳᠤᠤᠷᠠ 《ᠨᠠᠮᠤᠨ ᠡᠭᠦᠷ + ᠲᠤᠰᠭᠠᠢ ᠬᠤᠷᠱᠢᠶᠡ + ᠳᠠᠷᠢᠶᠠᠯᠠᠬᠤ ᠡᠷᠦᠬᠡ》 ᠶ᠋ᠢᠨ ᠵᠠᠭ᠍ᠪᠤᠷᠢᠶᠠᠷ ᠤᠨᠴᠠᠯᠢᠭ᠍ᠳᠤ ᠠᠵᠤ ᠦᠢᠯᠡᠰᠢ ᠬᠦᠭ᠌ᠵᠢᠭᠦᠯᠦᠭ᠌ᠰᠡᠨ ᠠᠵᠢ᠃ 2019 ᠤᠨᠳᠤ ᠳᠤᠰ ᠭᠠᠴᠠᠭᠠ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠠᠴᠠᠪᠠᠨ 170 ᠳᠦᠮᠡᠨ ᠲᠦᠭᠦᠷᠢᠭᠤᠨ ᠪᠡᠯᠡ ᠭᠠᠷᠭᠠᠵᠤ᠂ ᠳᠤᠰᠭᠠᠢ ᠬᠤᠷᠱᠢᠶᠠᠲᠠᠢ ᠬᠠᠮᠳᠤᠷᠠᠨ ᠦᠬᠡᠷ ᠬᠤᠨᠢ ᠬᠠᠱᠢᠶᠠᠯᠠᠨ ᠳᠡᠵᠢᠭᠡᠬᠦ᠌ ᠦᠢᠯᠡᠰᠢ ᠬᠦᠭ᠌ᠵᠢᠬᠦᠯᠵᠤ ᠵᠢᠯ ᠪᠦᠷᠢ ᠭᠠᠴᠠᠭᠠᠨᠤ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠤᠷᠤᠯᠭᠠᠶ᠋ᠢ 26 ᠲᠦᠮᠡᠨ ᠲᠦᠭᠦᠷᠢᠭ ᠨᠡᠮᠡᠭ᠌ᠳᠡᠭᠦᠯᠵᠤ ᠪᠤᠢ᠃ 《ᠪᠢᠳᠡ ᠬᠠᠱᠢᠶᠠᠯᠠᠨ ᠳᠡᠵᠢᠭᠡᠬᠦ᠌ᠪᠠᠷ ᠳᠠᠮᠵᠢᠨ ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠯᠤᠨ ᠪᠦᠳᠦᠬᠦᠯᠢᠭ ᠠᠷᠭᠠ ᠬᠡᠯᠪᠡᠷᠢᠶ᠋ᠢ ᠬᠤᠪᠢᠷᠠᠭᠤᠯᠵᠤ ᠦᠷᠡ ᠠᠱᠢᠭᠢ ᠶᠡᠬᠡᠬᠡᠨ ᠳᠡᠭᠡᠭ᠌ᠰᠢᠯᠡᠭᠦᠯᠦᠭ᠌ᠰᠡᠨ ᠪᠦᠬᠡᠳ ᠪᠠᠰᠠ ᠲᠤᠰᠭᠤᠨᠤ ᠠᠷᠠᠳᠢ ᠲᠠᠢᠴᠢᠯᠠᠨ ᠦᠬᠡᠷ ᠬᠤᠨᠢᠶ᠋ᠢ ᠬᠠᠱᠢᠶᠠᠯᠠᠨ ᠳᠡᠵᠢᠭᠡᠬᠦ᠌ ᠬᠦᠭ᠌ᠵᠢᠯᠳᠡᠶ᠋ᠢᠨ ᠵᠠᠮᠢᠶᠠᠷ ᠵᠠᠮᠨᠠᠵᠤ ᠪᠠᠢᠨᠠ》 ᠭᠡᠵᠤ ᠬᠦᠩ ᠯᠢᠤ ᠰᠢ ᠶᠠᠷᠢᠨᠡ᠃ 《ᠤᠳᠤ ᠮᠠᠨᠤ ᠠᠮᠢᠳᠤᠷᠠᠯ ᠶᠠᠪᠤᠬᠤ ᠳᠤᠳᠤᠮ ᠰᠠᠢᠵᠢᠷᠠᠵᠤ᠂ ᠰᠡᠯᠡᠭᠦᠴᠡᠨ ᠲᠤᠭᠤᠷᠢᠬᠤᠠᠴᠠ ᠰᠤᠶᠤᠯᠤᠨ ᠠᠭᠤᠳᠠᠮ ᠳᠠᠯᠠᠪᠠᠢᠲᠠᠢ᠂ ᠪᠡᠶᠡᠪᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤᠠᠴᠠ ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭᠲᠠᠢ ᠪᠤᠯᠤᠭ᠍ᠰᠠᠨ》 ᠭᠡᠵᠤ ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨ ᠠᠷᠠᠳ ᠤᠯᠠᠨ ᠰᠡᠳᠭᠢᠯ ᠲᠠᠨᠢᠬᠦᠨ ᠶᠠᠷᠢᠵᠠᠭᠠᠵᠤ᠂ ᠬᠦᠳᠡᠭᠡ ᠲᠤᠰᠭᠤᠨᠤ ᠰᠠᠭᠤᠷᠢ ᠳᠦᠭᠦᠭᠡᠷᠦᠮᠵᠢ ᠲᠡᠬᠦᠯᠳᠡᠷᠵᠢᠵᠤ ᠠᠮᠢ ᠠᠬᠤᠢ ᠤᠷᠴᠢᠨ ᠳᠤᠭᠤᠷᠢᠨ ᠰᠠᠢᠵᠢᠷᠠᠭ᠍ᠰᠠᠨᠠᠴᠠ ᠵᠢᠷᠭᠠᠯᠳᠤ ᠳᠦᠷᠦᠭ᠌ᠳᠡᠯ ᠪᠠ ᠬᠦᠷᠳᠡᠮᠵᠢᠶ᠋ᠢᠨ ᠳᠦᠷᠦᠭ᠌ᠳᠡᠯᠨᠢ ᠶᠠᠪᠤᠬᠤ ᠳᠤᠳᠤᠮ ᠨᠡᠮᠡᠭ᠌ᠳᠡᠭ᠌ᠰᠡᠬᠡᠷ᠃ ᠬᠢᠩᠭᠠᠨ ᠠᠢᠮᠠᠭ ᠪᠤᠯᠤᠨ ᠵᠠᠯᠠᠢᠳ ᠬᠤᠱᠢᠭᠤᠨᠤ ᠤᠷᠤᠨ ᠰᠠᠭᠤᠴᠠ ᠪᠠ ᠬᠤᠳᠠ ᠬᠦᠳᠡᠭᠡᠶ᠋ᠢᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠳᠠᠶ᠋ᠢᠨ ᠰᠠᠯᠠᠭᠠ ᠮᠦᠴᠢᠷᠤᠨ ᠬᠠᠪᠰᠤᠷᠤᠯᠭᠠ ᠪᠠ ᠳᠦᠯᠦᠪᠵᠢᠭᠦᠯᠭᠡᠪᠠᠷ ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨᠬᠢᠨ ᠪᠠᠯᠭᠠᠰᠤᠨᠤ ᠳᠤᠭᠤᠷᠢᠭᠤᠨ ᠡᠷᠬᠢᠨ ᠲᠤᠭᠤᠷᠢᠨᠤ 2000 ᠮᠥ᠍ ᠭᠠᠵᠠᠷᠢ ᠤᠢ᠍ᠢᠵᠢᠭᠤᠯᠵᠤ᠂ ᠤᠢᠶ᠋ᠢᠨ ᠳᠤᠮᠳᠠᠭᠤᠷ ᠵᠢᠭᠤᠯᠴᠢᠯᠠᠨ ᠰᠤᠨᠢᠷᠬᠠᠬᠤ ᠳᠤᠭᠤᠷᠢᠭᠤᠯ ᠵᠠᠮ ᠭᠠᠷᠭᠠᠨ᠂ ᠪᠠᠯᠭᠠᠰᠤᠨᠤ ᠳᠤᠭᠤᠷᠢᠭᠤᠨ 28 ᠵᠡᠭᠡᠯᠢ ᠭᠤᠳᠤᠮᠵᠢᠳᠤ ᠡᠯᠡ ᠵᠦᠢᠯᠤᠨ ᠬᠠᠢᠯᠠᠰᠤᠨ ᠮᠤᠳᠤᠶ᠋ᠢ 5 ᠲᠦᠮᠡᠨ ᠰᠠᠭᠤᠷᠢ ᠲᠠᠷᠢᠵᠤ ᠤᠷᠭᠤᠭᠤᠯᠪᠠ； ᠤᠤᠯᠤᠨ ᠬᠤᠭ ᠨᠤᠪᠰᠢᠶ᠋ᠢᠨ ᠬᠤᠩᠭᠢᠯᠢ 2.6 ᠳᠦᠮᠡᠨ ᠳᠡᠭ᠌ᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠳᠠᠯᠠᠪᠠᠢ ᠪᠦᠬᠦᠢ ᠤᠢ ᠱᠢᠭᠤᠢᠶ᠋ᠢᠨ ᠴᠡᠴᠡᠷᠯᠢᠭ ᠪᠤᠯᠭᠠᠨ ᠦᠬᠡᠷᠡᠴᠢᠯᠡᠨ ᠪᠠᠢᠭᠤᠯᠵᠤ᠂ ᠱᠢᠪᠡᠷᠳᠤ ᠭᠤᠤᠯᠤᠨ ᠬᠤᠢᠳᠤ ᠡᠷᠬᠢᠳᠤ 9000 ᠳᠡᠭ᠌ᠰᠢ ᠳᠦᠷᠪᠡᠯᠵᠢᠨ ᠮᠧᠲᠷ ᠤᠨ ᠰᠤᠶᠤᠯᠤᠨ ᠠᠭᠤᠳᠠᠮ ᠳᠠᠯᠠᠪᠠᠢ ᠪᠠᠢᠭᠤᠯᠤᠭᠠᠳ ᠪᠦᠵᠢᠭᠤᠨ ᠳᠠᠢᠰᠠ᠂ ᠪᠡᠶᠡ ᠪᠤᠯᠪᠠᠰᠤᠷᠠᠭᠤᠯᠬᠤ ᠳᠦᠭᠦᠭᠡᠷᠦᠮᠵᠢ᠂ ᠰᠠᠭ᠍ᠰᠤᠨ ᠪᠦᠮᠪᠦᠭᠡᠶ᠋ᠢᠨ ᠳᠠᠯᠠᠪᠠᠢ᠂ ᠦᠳᠦᠨ ᠪᠦᠮᠪᠦᠭᠡᠶ᠋ᠢᠨ ᠳᠠᠯᠠᠪᠠᠢ᠂ ᠨᠡᠢᠳᠡᠶ᠋ᠢᠨ ᠵᠤᠷᠯᠤᠩ ᠵᠡᠷᠭᠡ ᠰᠠᠭᠤᠷᠢ ᠳᠦᠭᠦᠭᠡᠷᠦᠮᠵᠢᠶ᠋ᠢ ᠢᠵᠢ ᠪᠦᠷᠢᠳᠦᠭᠦᠯᠪᠠ； ᠪᠠᠰᠠ 《ᠠᠮᠢᠳᠤᠷᠠᠯᠢᠶᠠᠨ ᠬᠤᠪᠢᠷᠠᠭᠤᠯᠬᠤᠳᠤ ᠬᠦᠷᠢᠶᠠ ᠬᠠᠱᠢᠶᠠᠠᠴᠠᠪᠠᠨ ᠡᠬᠢᠯᠡᠬᠦᠯᠬᠦ᠌》 ᠳᠤᠰᠭᠠᠢ ᠠᠵᠢᠯᠯᠠᠭᠠᠲᠠᠢ ᠤᠶᠠᠯᠳᠤᠭᠤᠯᠤᠨ ᠠᠢᠯ ᠳᠤᠰᠭᠤᠨᠤ ᠤᠷᠴᠢᠨ ᠳᠤᠭᠤᠷᠢᠨᠢ ᠶᠡᠷᠦᠩᠬᠡᠢᠯᠡᠨ ᠴᠡᠭ᠌ᠴᠡᠯᠡᠨ ᠵᠠᠰᠠᠵᠤ᠂ ᠪᠠᠯᠭᠠᠰᠤᠨᠤ ᠳᠤᠭᠤᠷᠢᠭᠤᠨ ᠤᠷᠴᠢᠨ ᠳᠤᠭᠤᠷᠢᠨᠤ ᠠᠷᠢᠭᠤᠨ ᠴᠡᠪᠡᠷᠢ ᠴᠡᠭ᠌ᠴᠡᠯᠡᠨ ᠵᠠᠰᠠᠬᠤ ᠬᠠᠮᠢᠶᠠᠷᠤᠯᠳᠠᠶ᠋ᠢᠨ ᠶᠡᠭᠡ ᠠᠩᠬᠢ ᠪᠠᠢᠭᠤᠯᠤᠨ ᠰᠠᠷᠠ ᠪᠦᠷᠢᠶ᠋ᠢᠨ 7᠂ 17 ᠪᠠ 27 ᠤ ᠡᠳᠤᠷ ᠤᠷᠴᠢᠨ ᠤᠭᠤᠷᠢᠨᠤ ᠠᠷᠢᠭᠤᠨ ᠴᠡᠪᠡᠷᠢ ᠴᠡᠭ᠌ᠴᠡᠯᠡᠨ ᠵᠠᠰᠠᠵᠤ᠂ ᠭᠠᠴᠠᠭᠠ ᠳᠤᠰᠭᠤᠨᠤ ᠤᠷᠴᠢᠨ ᠳᠤᠭᠤᠷᠢᠨᠢ ᠴᠡᠭ᠌ᠴᠡᠯᠡᠨ ᠵᠠᠰᠠᠬᠤ ᠪᠦᠳᠦᠮᠵᠢᠳᠡᠢ ᠳᠤᠭ᠍ᠳᠠᠴᠠᠶ᠋ᠢ ᠪᠦᠷᠢᠯᠳᠦᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨ ᠴᠠᠭᠠᠨᠵᠢᠷᠦᠬᠡ ᠭᠠᠴᠠᠭᠠᠨᠤ ᠬᠤᠢᠳᠤ ᠠᠭᠤᠯᠠᠶ᠋ᠢᠨ ᠵᠢᠭᠤᠯᠴᠢᠯᠠᠨ ᠳᠤᠭᠤᠷᠢᠵᠤ ᠦᠵᠡᠮᠵᠢ ᠰᠤᠨᠢᠷᠬᠠᠬᠤ ᠳᠤᠭᠤᠷᠢᠭᠲᠤ ᠬᠦᠷᠪᠡᠯ᠂ ᠵᠤᠷᠪᠤᠰ ᠵᠤᠷᠪᠤᠰ ᠮᠤᠳᠤᠨ ᠬᠦᠬᠦᠷᠭᠡᠨ ᠵᠠᠮ ᠰᠤᠨᠤᠯᠵᠠᠭᠠᠳ ᠠᠭᠤᠯᠠᠨ ᠳᠡᠭᠡᠷᠡᠬᠢ ᠤᠪᠤᠭᠠ᠂ ᠰᠡᠷᠢᠭᠦᠨ ᠳᠠᠭ᠍ᠳᠤ ᠪᠤᠯᠤᠨ ᠵᠤᠭᠠ ᠰᠡᠯᠡᠬᠦᠴᠡᠯᠤᠨ ᠵᠢᠮᠢᠰᠤᠨ ᠬᠦᠷᠢᠶᠡᠯᠡᠩᠢ ᠬᠠᠷᠢᠯᠴᠠᠨ ᠬᠤᠯᠪᠤᠭ᠍ᠰᠠᠨ ᠬᠠᠷᠠᠭ᠍ᠳᠠᠨᠠ᠃ 《ᠠᠳᠡ ᠪᠠᠢᠭᠠ 450 ᠮᠦ᠍ᠶ᠋ᠢᠨ ᠵᠢᠮᠢᠰ ᠳᠡᠬᠦᠬᠦ᠌ ᠬᠦᠷᠢᠶᠡᠯᠡᠩ᠂ 1300 ᠮᠧᠲᠷ ᠤᠷᠳᠤ ᠮᠤᠳᠤᠨ ᠬᠦᠬᠦᠷᠭᠡᠨ ᠵᠠᠮ ᠪᠤᠯᠤᠨ ᠤᠪᠤᠭᠠ ᠪᠤᠯ ᠪᠦᠷ ᠠᠮᠢ ᠠᠬᠤᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠴᠡᠭ ᠮᠦᠨ᠂ ᠵᠤᠨᠤ ᠤᠯᠠᠷᠢᠯᠳᠤ ᠵᠢᠭᠤᠯᠴᠢᠯᠠᠬ᠍ᠰᠡᠳ ᠮᠤᠳᠤᠨ ᠬᠦᠬᠦᠷᠭᠡᠨ ᠵᠠᠮᠢᠶᠠᠷ ᠲᠤᠭᠤᠷᠢᠵᠤ ᠱᠢᠨᠡ ᠰᠤᠷᠭᠤᠭ ᠵᠢᠮᠢᠰ ᠳᠡᠭᠦᠵᠤ ᠪᠤᠯᠤᠨᠠ᠃ ᠪᠢᠳᠡ ᠪᠠᠰᠠ ᠤᠢ ᠮᠤᠳᠤᠨᠤ ᠤᠨᠴᠠᠯᠢᠭ᠍ᠳᠤ ᠠᠵᠤ ᠠᠬᠤᠢᠶ᠋ᠢ ᠬᠦᠭ᠌ᠵᠢᠭᠦᠯᠵᠤ᠂ ᠤᠢᠶ᠋ᠢᠨ ᠳᠤᠳᠤᠷᠠ 200 ᠮᠥ᠍ ᠡᠪᠡᠰᠦᠨ ᠡᠮ ᠳᠠᠷᠢᠵᠤ᠂ ᠮᠦ᠍ ᠪᠦᠷᠢᠠᠴᠠ ᠵᠢᠯᠳᠤ 6000 ᠲᠦᠭᠦᠷᠢᠭᠤᠨ ᠤᠷᠤᠯᠭᠠ ᠬᠦᠷᠳᠡᠵᠤ ᠪᠠᠢᠨᠠ》 ᠭᠡᠵᠤ ᠴᠠᠭᠠᠨᠵᠢᠷᠦᠬᠡ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠤᠨ ᠱᠦᠵᠢ ᠭᠤᠸᠠᠨ ᠾᠧ ᠴᠢ ᠪᠠᠶᠠᠷᠳᠠᠢ ᠶᠠᠷᠢᠨᠠ᠃ ᠵᠤᠭᠠ ᠰᠡᠯᠡᠬᠦᠴᠡᠯᠤᠨ ᠵᠢᠮᠢᠰᠤᠨ ᠬᠦᠷᠢᠶᠡᠯᠡᠩ ᠴᠠᠭᠠᠨᠵᠢᠷᠦᠬᠡ ᠭᠠᠴᠠᠭᠠᠨᠤ ᠤᠢ ᠱᠢᠭᠤᠢᠶ᠋ᠢᠨ ᠪᠦᠷᠭᠦᠴᠡᠶ᠋ᠢᠨ ᠨᠤᠷᠮᠠᠶ᠋ᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠭ᠌ᠰᠡᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠪᠠᠰᠠ ᠬᠠᠮᠳᠤᠶ᠋ᠢᠨ ᠠᠵᠤ ᠠᠬᠤᠢᠶ᠋ᠢᠨ ᠤᠷᠤᠯᠭᠠᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠵᠤ᠂ ᠵᠤᠭᠠ ᠰᠡᠯᠡᠭᠦᠴᠡᠯᠤᠨ ᠳᠠᠷᠢᠶᠠᠯᠠᠩ ᠬᠢᠬᠡᠳ ᠬᠦᠳᠡᠭᠡ ᠳᠤᠰᠭᠤᠨᠤ ᠵᠢᠭᠤᠯᠴᠢᠯᠠᠯᠤᠨ ᠬᠦᠭ᠌ᠵᠢᠯᠳᠡᠶ᠋ᠢᠨ ᠱᠢᠨᠡ ᠵᠠᠭ᠍ᠪᠤᠷᠢ ᠪᠦᠷᠢᠯᠳᠦᠬᠦᠯᠦᠭ᠌ᠰᠡᠨ ᠠᠵᠢ᠃
ᠬᠦᠬᠡᠮᠳᠦᠭ ᠨᠤᠭᠤᠭᠠᠨ ᠠᠭᠤᠯᠠ ᠤᠰᠤ᠂ ᠠᠷᠢᠭᠤᠨ ᠴᠡᠪᠡᠷ ᠤᠷᠴᠢᠨ ᠳᠤᠭᠤᠷᠢᠨ᠂ ᠦᠷᠨᠢᠨ ᠬᠦᠭ᠌ᠵᠢᠬᠦ᠌ ᠠᠵᠤ ᠦᠢᠯᠡᠰᠨᠢ ᠬᠦᠷᠡᠯ ᠪᠠᠯᠭᠠᠰᠤᠶ᠋ᠢᠨ ᠬᠦᠭ᠌ᠵᠢᠯᠳᠡ ᠬᠤᠪᠢᠷᠠᠯᠳᠠᠶ᠋ᠢ ᠬᠠᠷᠠᠭᠤᠯᠵᠤ᠂ ᠬᠦᠮᠦᠨ ᠠᠷᠠᠳᠤᠨ ᠴᠢᠷᠠᠢᠳᠤ ᠵᠤᠯ ᠵᠢᠷᠭᠠᠯᠤᠨ ᠮᠦᠱᠢᠶᠠᠳᠤ ᠪᠢᠯᠬᠠᠨᠠ᠃