ᠲᠡᠭ᠌ᠷᠢ ᠡᠭᠦᠯᠡᠱᠢᠨ ᠪᠤᠳᠤᠩᠭᠤᠢ᠍ᠢᠷᠠᠭ᠍ᠰᠠᠨ ᠨᠢᠭᠡᠨ ᠦᠳᠡᠰᠢ ᠮᠢᠨᠦ᠍ ᠲᠤᠳᠤᠷᠠ ᠴᠤ᠌ ᠡᠯᠤᠢ ᠬᠤᠯᠤᠢ ᠳ᠋ᠠᠩ ᠳ᠋ᠦ᠍ᠩᠲᠠᠢ ᠪᠤᠯᠵᠤ᠂ ᠤᠯᠤᠰᠤᠨ ᠲᠡᠭᠡᠰᠦ ᠱᠢᠭ᠋ ᠤᠷᠢᠶᠠᠯᠳᠤᠭ᠍ᠰᠠᠨ ᠪᠤᠳᠤᠯᠳᠠᠭᠠᠨ ᠲᠠᠷᠤᠭ᠍ᠳᠠᠨ ᠭᠠᠷ ᠤᠳᠠᠰᠤᠪᠠᠨ ᠤᠷᠪᠠᠭᠤᠯᠵᠤ ᠪᠠᠢᠳᠠᠯᠠ ᠲᠡᠭ᠌ᠷᠢᠶ᠋ᠢᠨ ᠲᠠᠭᠤᠤ 《ᠪᠤᠷᠬᠠᠨ ᠰᠡᠳᠭᠢᠯᠳᠦ ᠡᠵᠢ》 :
ᠨᠠᠮᠠᠭᠠᠠᠳᠠᠭᠠᠨ ᠲᠡᠢᠯᠦᠭ᠌ᠳᠡᠭ᠌ᠰᠡᠨ ᠪᠤᠭᠤᠷᠤᠯ ᠬᠠᠢᠯᠠᠰᠤ ᠱᠢᠭ᠋
ᠪᠦᠷᠳᠦ᠋ᠢᠬᠦ᠌ ᠪᠠᠷᠠᠨᠢ ᠦᠭᠡᠢᠯᠡᠭ᠌ᠳᠡᠭᠡᠳ ᠪᠠᠢᠬᠤ ᠶᠤᠮ ᠡ
ᠨᠠᠮᠤᠷᠤᠨ ᠨᠠᠮᠤᠷᠲᠠᠭᠠᠨ ᠭᠠᠩᠳᠠᠭ᠍ᠰᠠᠨ ᠲᠡᠪᠡᠯᠨᠢ
ᠪᠦᠭ᠌ᠳᠦᠷ ᠨᠢᠷᠤᠭᠤᠨᠳᠠᠭᠠᠨ ᠡᠯᠡᠭ᠌ᠳᠡᠭᠡᠳ ᠪᠠᠢᠨᠠ
ᠵᠢᠷᠭᠠᠯᠤᠨ ᠲᠤᠷᠭᠠᠨ ᠲᠡᠭᠡᠷᠡ ᠲᠤᠭ᠍ᠯᠠᠭᠤᠯᠤᠭᠠ ᠦᠭᠡᠢ ᠴᠤ᠌
ᠠᠷᠭᠠᠯᠤᠨ ᠭᠠᠯᠢᠶᠠᠷᠢᠶᠠᠨ ᠨᠠᠮᠠᠶ᠋ᠢ ᠲᠤᠯᠠᠭᠠᠯᠠᠭ᠍ᠰᠠᠨ
ᠪᠤᠷᠬᠠᠨ ᠰᠡᠳᠭᠢᠯᠳᠦ ᠡᠵᠢ ᠮᠢᠨᠢ
ᠪᠤᠶᠠᠨᠢᠶᠠᠨ ᠡᠳ᠋ᠯᠡᠬᠦ᠌ ᠪᠤᠯᠤᠭᠠᠰᠠᠢ
ᠪᠤᠭᠤᠷᠤᠯ ᠬᠤᠷᠸᠠᠶ᠋ᠢᠨ ᠪᠤᠳᠠᠩ
ᠪᠤᠳᠤᠯᠳᠤ ᠮᠢᠨᠢ ᠪᠤᠤ ᠯᠠ ᠪᠠᠭᠤᠭᠠᠰᠠᠢ ᠁
ᠭᠡᠰᠡᠨ ᠲᠠᠭᠤᠤᠶ᠋ᠢ ᠰᠤᠨᠤᠰᠤᠭᠠᠳ ᠰᠡᠳᠭᠢᠯ ᠰᠠᠨᠠᠭᠠ ᠶᠡᠬᠡᠳᠡ ᠬᠦᠭ᠌ᠰᠡᠨ ᠲᠤᠭ᠍ᠳᠤᠯᠵᠤ᠂ ᠨᠢᠳᠤᠨ ᠨᠢᠯᠪᠤᠰᠤ ᠪᠦᠮᠪᠦᠷᠢᠨ᠂ ᠪᠤᠷᠬᠠᠨᠤ ᠤᠷᠤᠨᠳᠤ ᠰᠠᠭᠠᠳᠠᠭᠠᠳ ᠨᠢᠭᠡᠨᠳᠡ ᠠᠷᠪᠠᠨ ᠵᠢᠯ ᠪᠤᠯᠤᠭ᠍ᠰᠠᠨ ᠡᠵᠢ ᠮᠢᠨᠢ ᠬᠠᠵᠠᠭᠤᠳᠤ ᠢᠷᠡᠴᠢᠭᠡᠭᠡᠳ ᠴᠢᠬᠢᠨᠳᠤ ᠱᠢᠪᠡᠨᠡᠵᠦ᠍ ᠪᠠᠢᠮᠠᠷ ᠰᠠᠨᠠᠭ᠍ᠳᠠᠯᠠ᠃
ᠮᠢᠨᠤ ᠡᠵᠢ ᠬᠡᠵᠦ᠍ ᠵᠠᠯᠠᠭᠤᠳᠠᠭᠠᠨ 《ᠨᠢᠭᠤᠷᠲᠠᠭᠠᠨ ᠭᠡᠷᠡᠯᠲᠠᠢ ᠨᠢᠳᠦᠨᠳᠡᠭᠡᠨ ᠴᠤᠭᠲᠠᠢ》 ᠤᠯᠠᠭᠠᠨ ᠴᠠᠭᠠᠨᠨᠢ ᠢᠯᠭᠠᠷᠠᠭ᠍ᠰᠠᠨ ᠰᠠᠷᠠᠯᠠᠩ ᠴᠡᠴᠡᠭ ᠱᠢᠭ ᠭᠤᠶᠤᠬᠠᠨ ᠲᠦᠷᠦᠭ᠌ᠰᠡᠨ ᠬᠦᠮᠦᠨ ᠶᠤᠮ ᠰᠠᠨ᠃ ᠠᠪᠤ ᠡᠵᠢᠪᠠᠨ ᠬᠦᠨᠳᠦᠯᠡᠨ ᠠᠬᠠᠱᠢᠷᠠᠭᠠ ᠨᠠᠰᠤᠳᠠᠨᠢᠶᠠᠨ ᠠᠰᠠᠷᠠᠵᠤ᠂ ᠠᠩᠭᠠ ᠭᠡᠦᠬᠡᠳᠢᠶᠠᠨ ᠡᠷᠡᠭᠦᠯ ᠮᠡᠨᠳᠦ ᠦᠰᠭᠡᠵᠦ᠍᠂ ᠠᠢᠯ ᠰᠠᠭᠠᠬᠠᠯᠳᠠᠲᠠᠢᠪᠠᠨ ᠡᠶᠡ ᠡᠪᠳᠡᠢ ᠶᠠᠪᠤᠭ᠍ᠰᠠᠨ ᠡᠭᠡᠯ ᠨᠢᠭᠡᠨ ᠬᠦᠳᠡᠭᠡᠶ᠋ᠢᠨ ᠮᠠᠯᠴᠢᠨ ᠪᠦᠰᠡᠭᠦᠢ ᠶᠤᠮ ᠰᠠᠨ᠃ ᠡᠵᠢ ᠮᠢᠨᠢ᠂ ᠲᠤᠤᠷᠠᠪᠠᠨ ᠬᠦᠭᠡᠷᠦᠭᠦᠨ ᠭᠤᠷᠪᠠᠨ ᠲᠡᠭᠦᠦ ᠲᠠᠭᠠᠭᠤᠯᠵᠤ ᠵᠠᠶᠠᠭᠠᠭ᠍ᠰᠠᠨ ᠡᠨᠡ ᠭᠡᠷᠤᠨ ᠤᠤᠭᠠᠨ ᠬᠡᠦᠬᠡᠨᠨᠢ ᠪᠤᠯᠬᠤᠷ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠤᠨᠤ ᠦᠶᠡᠰ ᠰᠤᠷᠤᠯᠭᠠᠪᠠᠨ ᠲᠤᠷᠭᠤᠨ ᠵᠤᠭ᠍ᠰᠤᠵᠤ᠂ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠠᠪᠤ ᠡᠵᠢᠪᠠᠨ ᠬᠠᠪᠰᠤᠷᠤᠨ ᠲᠡᠭᠦᠦ ᠨᠡᠷᠢᠶᠠᠨ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠬᠤ ᠡᠭᠦᠷᠭᠡᠶ᠋ᠢ ᠬᠦᠯᠢᠶᠡᠵᠦ᠍ ᠠᠪᠤᠭ᠍ᠰᠠᠨ ᠶᠤᠮ᠃ ᠲᠡᠷᠡ ᠦᠶᠡᠳᠤ ᠡᠵᠢᠶ᠋ᠢᠨ ᠰᠤᠷᠤᠯᠭᠠᠶ᠋ᠢᠨ ᠬᠢᠷᠢ ᠬᠡᠮᠵᠢᠶᠡ ᠠᠩᠬᠢᠳᠠᠭᠠᠨ ᠤᠷᠦ᠋ᠢᠯᠠᠵᠤ᠂ ᠵᠠᠯᠭᠠᠭᠠᠳ ᠰᠤᠷᠤᠯᠴᠠᠬᠤ ᠵᠠᠪᠱᠢᠶᠠᠨᠲᠠᠢ ᠪᠠᠢᠬᠤᠶ᠋ᠢ ᠬᠡᠴᠢᠨᠡᠨ ᠬᠦᠰᠡᠵᠦ᠍ ᠪᠠᠢᠭ᠍ᠰᠠᠨᠢᠨᠢ ᠨᠠᠳᠠᠳᠤ ᠦᠰᠦᠭ ᠪᠢᠴᠢᠭ ᠵᠢᠭᠠᠨ ᠰᠤᠷᠭᠠᠬᠤ ᠲᠤᠮᠳᠠᠠᠴᠠ ᠪᠢ ᠰᠡᠷᠡᠵᠦ᠍ ᠮᠡᠳᠡᠭ᠌ᠰᠡᠨ ᠪᠢᠯᠡ᠃
ᠡᠵᠢᠶ᠋ᠢ ᠠᠷᠠᠢ ᠭᠡᠵᠦ᠍ ᠠᠷᠪᠠᠨ ᠨᠠᠢ᠍ᠮᠠ ᠬᠦᠷᠬᠦ᠌ᠳᠤ ᠠᠪᠠᠭᠠ ᠠᠪᠤᠨᠢ ᠠᠯᠪᠠᠳᠠᠯᠭᠠᠪᠠᠷ ᠠᠪᠤ ᠡᠵᠢ ᠲᠡᠭᠦᠦ ᠨᠠᠷᠢᠶᠠᠨ ᠬᠠᠷᠠᠵᠤ ᠬᠠᠷᠠᠭᠠᠯᠵᠠᠭᠤᠯᠬᠤ ᠬᠡᠮᠡᠨ ᠬᠦᠴᠦᠨᠤ ᠬᠦᠷᠭᠡᠨ ᠠᠪᠴᠤ᠌᠂ ᠨᠢᠭᠡ ᠨᠠᠰᠤᠨᠤ ᠬᠢᠨᠢ ᠤᠷᠤᠭᠤᠨ ᠶᠠᠪᠤᠳᠠᠯᠢᠨᠢ ᠲᠤᠭ᠍ᠳᠠᠭ᠍ᠰᠠᠨ ᠪᠠᠢᠵᠠᠢ᠃ ᠭᠡᠳᠡᠯᠡ ᠬᠦᠴᠦᠨᠤ ᠬᠦᠷᠭᠡᠨᠤ ᠬᠢᠨᠢ ᠬᠡᠷ ᠪᠦᠯᠢ ᠨᠡᠩ ᠬᠦᠴᠢᠷᠳᠡᠯᠳᠡᠢ᠂ ᠭᠤᠷᠪᠠᠨ ᠦᠳᠡᠯᠦᠭᠡ ᠨᠠᠰᠤᠳᠠᠨ᠂ ᠨᠢᠭᠡ ᠲᠡᠭᠦᠦᠲᠠᠢ ᠲᠠᠪᠤᠨ ᠠᠮᠠᠲᠠᠢ ᠠᠢᠯ ᠪᠠᠢᠪᠠ᠃
ᠲᠡᠭᠡᠷᠡ ᠵᠠᠭᠤᠨᠤ ᠵᠢᠷᠠᠭᠠᠳ ᠤᠨᠳᠤ ᠤᠯᠤᠰ ᠲᠠᠶᠠᠭᠠᠷ ᠭᠤᠷᠪᠠᠨ ᠵᠢᠯᠤᠨ ᠭᠠᠴᠢᠭᠲᠤ ᠲᠤᠯᠭᠠᠷᠠᠵᠤ᠂ ᠠᠷᠠᠳ ᠤᠯᠠᠨ ᠢᠳᠡᠵᠦ᠍ ᠡᠮᠦᠰᠭᠦᠳᠡᠭᠡᠨ ᠵᠦᠪ ᠦᠭᠡᠢ ᠴᠠᠭ ᠡᠷᠢᠨᠳᠤ ᠮᠠᠨᠤ ᠪᠠᠷᠢᠭᠠᠳᠠ 《ᠠᠷᠠᠳᠤᠨ ᠨᠢᠭᠡᠳᠦᠯ》 ᠵᠡᠷᠭᠡᠶ᠋ᠢ ᠪᠠᠢᠭᠤᠯᠬᠤ ᠬᠦᠳᠡᠯᠭᠡᠭᠡᠨᠳᠤ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠵᠦ᠍᠂ ᠵᠢᠯᠤᠨ ᠬᠤᠷᠢᠶᠠᠭ᠍ᠰᠠᠨ ᠠᠮᠤ ᠪᠤᠳᠠᠭᠠᠪᠠᠨ 《ᠠᠯᠪᠠᠨ ᠠᠮᠤ》 ᠬᠡᠮᠡᠨ ᠭᠦᠩᠱᠧᠳᠤ ᠲᠤᠱᠢᠶᠠᠵᠤ᠂ ᠪᠠᠷᠢᠭᠠᠳᠠ ᠨᠡᠢᠳᠡᠶ᠋ᠢᠨ ᠲᠤᠮᠤ ᠬᠤᠭᠤᠯᠠᠨ ᠭᠡᠷ ᠪᠠᠢᠭᠤᠯᠵᠤ᠂ ᠦᠳᠡᠯᠦᠭ᠌ᠰᠡᠨ ᠵᠠᠯᠠᠭᠤ᠂ ᠨᠢᠯᠬᠠ ᠬᠡᠦᠬᠡᠳ ᠭᠡᠵᠦ᠍ ᠢᠯᠭᠠᠯ ᠦᠭᠡᠢ ᠬᠠᠮᠳᠤᠪᠠᠷ ᠴᠠᠭᠤᠨ ᠬᠤᠭᠤᠯᠠᠶ᠋ᠢ ᠬᠡᠮᠵᠢᠶᠡᠲᠠᠢ ᠢᠳᠡᠵᠦ᠍᠂ ᠦᠯᠦᠰᠴᠤ᠌ ᠦᠯᠪᠡᠷᠬᠦ᠌ ᠵᠤᠪᠠᠯᠠᠩᠲᠠᠢ ᠦᠶᠡᠰ᠂ ᠡᠵᠢ ᠮᠢᠨᠢ ᠡᠳᠦᠷ ᠪᠦᠷᠢ ᠶᠠᠪᠤᠵᠤ ᠰᠠᠭᠤᠬᠤᠳᠠᠭᠠᠨ ᠲᠦᠭᠦᠮ ᠦᠭᠡᠢ ᠭᠤᠷᠪᠠᠨ ᠨᠠᠰᠤᠳᠠᠨᠢᠶᠠᠨ ᠲᠦᠱᠢᠵᠦ᠍ ᠲᠤᠯᠤᠨ ᠭᠤᠷᠪᠠᠨ ᠴᠠᠭᠤᠨ ᠬᠤᠭᠤᠯᠠᠶ᠋ᠢᠨᠢ ᠠᠷᠭᠠᠴᠠᠭᠠᠬᠤᠶ᠋ᠢᠨ ᠲᠠᠭᠠᠤ᠂ ᠴᠢᠯᠦᠭᠡ ᠵᠠᠪᠢᠶᠠᠷᠢᠶᠠᠨ ᠬᠦᠳᠡᠭᠡ ᠬᠡᠬᠡᠷᠡ ᠤᠴᠢᠵᠤ ᠠᠷᠪᠠᠢ ᠨᠦᠢᠯ ᠨᠤᠭᠤᠭᠠ ᠲᠡᠭᠦᠵᠦ᠍᠂ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠪᠠᠩᠵᠠᠶ᠋ᠢ ᠭᠡᠮᠬᠡᠯᠡᠵᠦ᠍᠂ ᠲᠡᠭᠡᠷᠮᠡ ᠲᠡᠭᠡᠷᠡ ᠢᠩᠳᠡᠵᠤ᠂ ᠲᠠᠯᠬᠠ ᠪᠤᠯᠭᠠᠭᠠᠳ ᠲᠡᠭᠦᠭ᠌ᠰᠡᠨ ᠨᠤᠭᠤᠭᠠᠲᠠᠢᠪᠠᠨ ᠬᠤᠯᠢᠨ ᠴᠢᠨᠠᠵᠤ ᠠᠮᠢ ᠭᠤᠤᠯ ᠵᠤᠯᠭᠠᠭᠤᠯᠵᠤ᠂ ᠱᠢᠷᠡ ᠡᠳᠦᠷ ᠪᠤᠷᠤ ᠬᠤᠨᠤᠭᠢ ᠲᠤᠭᠤᠯᠵᠤ ᠪᠠᠢᠵᠠᠢ᠃
ᠡᠵᠢ ᠮᠢᠨᠢ ᠡᠢᠮᠦᠷᠬᠦᠤ ᠶᠠᠳᠠᠭᠤ ᠬᠤᠭᠤᠰᠤᠨ ᠠᠮᠢᠳᠤᠷᠠᠯᠳᠤ ᠢᠳᠡᠭᠡᠯ ᠠᠯᠳᠠᠵᠤ ᠬᠤᠢᠰᠢ ᠤᠬᠤᠷᠢᠭ᠍ᠰᠠᠨ ᠦᠭᠡᠢ᠂ ᠠᠵᠢᠯᠴᠢ ᠠᠷᠪᠢᠴᠢ ᠵᠠᠩ ᠰᠤᠷᠳᠠᠯ ᠪᠤᠯᠤᠨ ᠠᠷᠢᠭᠤᠨ ᠴᠡᠪᠡᠷ ᠬᠤᠶᠠᠷ ᠭᠠᠷᠢᠶᠠᠷᠢᠶᠠᠨ ᠠᠢᠯ ᠭᠡᠷᠤᠨ ᠠᠮᠢᠳᠤᠷᠠᠯᠢᠶᠠᠨ ᠠᠯᠢ ᠴᠢᠳᠠᠬᠤᠪᠠᠷ ᠤᠷᠠᠯᠠᠨ ᠪᠤᠰᠭᠠᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠶᠤᠮ᠃ ᠤᠨᠴᠠᠭᠠᠢᠯᠠᠨ ᠴᠠᠭᠠᠨ ᠰᠠᠷᠠ ᠪᠤᠯᠵᠤ᠂ ᠱᠢᠨᠡᠯᠡᠬᠦ᠌ ᠦᠶᠡᠰ ᠬᠤᠶᠠᠷ ᠭᠡᠷᠤᠨ ᠬᠦᠮᠦᠰᠤᠨ ᠱᠢᠨᠡ ᠵᠢᠯᠳᠤ ᠡᠮᠦᠰᠭᠦ ᠬᠤᠪᠴᠠᠰᠤ ᠬᠤᠨᠠᠷ ᠱᠠᠬᠠᠢ ᠭᠤᠳᠤᠯᠢ ᠰᠦᠨᠢ ᠰᠦᠨᠢ ᠭᠤᠷᠪᠠᠨ ᠨᠤᠬᠠᠢᠶ᠋ᠢ ᠪᠠᠷᠠᠭᠤᠨᠠ ᠲᠠᠱᠢᠳᠠᠯᠠ ᠲᠤᠰᠤᠨ ᠳ᠋ᠧᠩᠤᠨ ᠪᠦᠳᠡᠬᠢ ᠭᠡᠷᠡᠯ ᠲᠤᠤᠷᠠ ᠰᠠᠭᠤᠭᠠᠳ ᠨᠢᠭᠡ ᠨᠢᠭᠡ ᠵᠡᠭᠦᠦ᠂ ᠱᠢᠷᠭᠡᠭ ᠱᠢᠷᠭᠡᠭ ᠤᠳᠠᠰᠤᠪᠠᠷ ᠦ ᠰᠡᠪ ᠦᠭᠡᠢ ᠰᠠᠢᠬᠠᠨ ᠤᠶᠤᠵᠤ᠂ ᠱᠢᠨᠡᠶ᠋ᠢᠨ ᠨᠢᠭᠡᠨᠤ ᠦᠷᠯᠦᠭᠡ ᠪᠤᠯᠳᠠᠯᠠ ᠲᠢᠭ ᠲᠠᠭ ᠪᠡᠯᠡᠳᠭᠡᠵᠦ᠍ ᠲᠠᠯᠪᠢᠳᠠᠭ᠃ ᠲᠡᠷᠡ ᠦᠶᠡᠳᠤ ᠮᠠᠨᠤ ᠲᠡᠨᠳᠡ ᠬᠦᠮᠦᠨ ᠪᠦᠷᠢᠳᠤ ᠵᠦᠪᠬᠡᠨ ᠬᠤᠶᠠᠷ ᠲᠤᠬᠤᠢ ᠬᠠᠭᠠᠰ ᠪᠦᠰᠤᠨ ᠪᠢᠯᠧᠲ ᠬᠠᠩᠭᠠᠵᠤ ᠪᠠᠢᠭ᠍ᠰᠨᠨ ᠪᠤᠯᠬᠤᠷ ᠡᠵᠢ ᠮᠢᠨᠢ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭ᠌ᠴᠢᠯᠡᠨ ᠤᠯᠤᠰᠤᠨ ᠲᠡᠭᠡᠰᠦᠨ ᠲᠠᠰᠤᠷᠬᠠᠢ ᠮᠠᠭᠤ ᠢᠰᠡᠭᠡᠢ ᠮᠡᠳᠦᠶ᠋ᠢᠨ ᠭᠡᠭᠡᠭ᠌ᠳᠡᠮᠡᠯ ᠡᠳ᠋ᠢ ᠠᠱᠢᠬ᠍ᠯᠠᠵᠤ ᠱᠠᠬᠠᠢ ᠭᠤᠳᠤᠯ ᠤᠶᠤᠵᠤ ᠪᠠᠢᠵᠠᠢ᠃
ᠡᠳᠦᠷ ᠬᠤᠨᠤᠭᠢ ᠬᠤᠷᠤᠭᠤ ᠲᠠᠷᠤᠨ ᠲᠤᠭᠠᠯᠠᠵᠤ᠂ ᠬᠦᠰᠡᠵᠦ᠍ ᠬᠦᠯᠢᠶᠡᠭ᠌ᠰᠡᠨ ᠴᠠᠭᠠᠨ ᠰᠠᠷᠠ ᠬᠦᠷᠴᠦ᠍ ᠢᠷᠡᠬᠦ᠌ᠳᠤ᠂ ᠪᠢᠳᠡ ᠱᠢᠨᠡᠶ᠋ᠢᠨ ᠨᠢᠭᠡᠨᠤ ᠦᠷᠯᠦᠭᠡ ᠡᠷᠳᠡ ᠪᠤᠰᠴᠤ᠌ ᠵᠤᠯᠠ ᠬᠦᠵᠢ ᠠᠰᠠᠭᠠᠵᠤ ᠲᠡᠭ᠌ᠷᠢ ᠪᠤᠷᠬᠠᠨᠳᠠᠭᠠᠨ ᠮᠦᠷᠭᠦᠵᠦ᠍ ᠪᠠᠷᠠᠭ᠍ᠰᠠᠨᠤ ᠲᠠᠷᠠᠭᠠ ᠡᠵᠢᠶ᠋ᠢᠨᠢᠶᠠᠨ ᠤᠶᠤᠭ᠍ᠰᠠᠨ ᠱᠢᠨᠡ ᠬᠤᠪᠴᠠᠰᠤ᠂ ᠱᠠᠬᠠᠢ ᠭᠤᠳᠤᠯᠢ ᠡᠮᠦᠰᠴᠤ᠌ ᠲᠡᠭᠦᠦ ᠨᠠᠷᠢᠶᠠᠨ ᠳᠠᠭᠠᠭᠤᠯᠤᠨ ᠲᠦᠷᠦᠯ ᠰᠠᠳᠤᠨ ᠪᠤᠯᠤᠨ ᠵᠡᠷᠭᠡᠯᠡᠳᠡᠭᠡ ᠭᠡᠷᠢᠶᠠᠷᠢᠶᠠᠨ ᠱᠢᠨᠠᠶ᠋ᠢᠨ ᠵᠤᠯᠭᠠᠯᠳᠠ ᠬᠢᠵᠦ᠍᠂ ᠴᠠᠭᠠᠨ ᠢᠳᠡᠭᠡ᠂ ᠪᠤᠤᠪᠤ ᠪᠤᠭᠤᠷᠰᠤᠭ ᠪᠠ ᠢᠷᠦᠭᠡᠯᠤᠨ ᠠᠳᠢᠰ ᠬᠦᠷᠳᠡᠵᠦ᠍᠂ ᠬᠤᠪᠴᠠᠰᠤ ᠬᠤᠨᠠᠷᠢᠶᠠᠨ ᠭᠠᠢᠬᠠᠭᠤᠯᠤᠨ᠂ ᠠᠢᠯ ᠠᠢᠮᠠᠭᠤᠨ ᠬᠦᠮᠦᠰᠤᠨ ᠮᠠᠭ᠍ᠳᠠᠭᠠᠯ ᠰᠠᠢᠱᠢᠶᠠᠯᠢ ᠤᠯᠵᠤ᠂ ᠬᠦᠭᠡᠷᠴᠦ᠍ ᠦᠰᠦᠷᠤᠨ ᠪᠠᠶᠠᠷᠯᠠᠨ ᠭᠦᠶᠦᠵᠦ᠍ ᠪᠠᠢᠭ᠍ᠰᠠᠨ ᠮᠢᠨᠢ ᠬᠡᠴᠢᠨᠡᠨ ᠵᠤᠯ ᠵᠢᠷᠭᠠᠯᠲᠠᠢ ᠰᠠᠨᠠᠭ᠍ᠳᠠᠬᠤ ᠠᠵᠢ᠃
ᠭᠡᠳᠡᠯᠡ᠂ ᠡᠵᠢ ᠮᠢᠨᠢ ᠬᠡᠴᠢᠨᠡᠨ ᠡᠳᠦᠷ ᠬᠤᠨᠤᠭᠢ ᠤᠨᠳᠠᠬᠤ ᠨᠦᠢᠷ ᠦᠭᠡᠢ᠂ ᠦᠯᠦᠰᠴᠤ᠌ ᠤᠮᠳᠠᠭᠠᠰᠤᠨ ᠶᠠᠳᠠᠷᠠᠵᠤ ᠵᠦᠳᠡᠷᠡᠵᠦ᠍ ᠶᠠᠪᠤᠭ᠍ᠰᠠᠨᠠᠴᠠ ᠨᠠᠰᠤᠨᠠᠴᠠᠪᠠᠨ ᠡᠷᠳᠡ ᠦᠳᠡᠯᠵᠦ᠍᠂ ᠨᠢᠷᠤᠭᠤᠨᠢ ᠪᠦᠭ᠌ᠳᠦ᠋ᠢᠵᠤ᠂ ᠲᠠᠯᠤ ᠮᠦᠷᠦ᠍᠂ ᠬᠦᠯᠨᠢ ᠡᠪᠡᠳᠬᠦ᠌ ᠬᠠᠭᠤᠴᠢᠨ ᠠᠷᠬᠠᠭ ᠡᠪᠡᠳᠴᠢᠨᠲᠠᠢ ᠪᠤᠯᠤᠭ᠍ᠰᠠᠨ ᠶᠤᠮ ᠡ᠃
ᠡᠵᠢ ᠮᠢᠨᠢ ᠪᠠᠭᠠ ᠯᠠ ᠲᠡᠩᠬᠡᠬᠡᠲᠠᠢ ᠪᠤᠯ ᠬᠡᠨ ᠠᠯᠢᠨᠳᠤᠨᠢ ᠲᠤᠰᠠ ᠪᠤᠯᠤᠶᠠ ᠭᠡᠳ ᠵᠢᠳᠭᠦᠵᠦ᠍ ᠶᠠᠪᠤᠳᠠᠭ ᠯᠠ ᠪᠠᠢᠭ᠍ᠰᠠᠨ᠃ ᠨᠠᠮᠠᠶ᠋ᠢ ᠬᠡᠦᠬᠡᠳᠲᠠᠢ ᠪᠤᠯᠬᠤ ᠲᠡᠷᠡ ᠵᠢᠯ ᠬᠡᠳᠦᠨ ᠮᠢᠩᠭᠠᠨ ᠭᠠᠵᠠᠷᠢ ᠬᠤᠯᠠ ᠭᠡᠵᠦ᠍ ᠪᠤᠳᠤᠭ᠍ᠰᠠᠨ ᠦᠭᠡᠢ ᠬᠤᠶᠠᠷ ᠡᠳᠦᠷ ᠬᠤᠶᠠᠷ ᠰᠦᠨᠢᠶ᠋ᠢᠨ ᠭᠠᠯᠳᠤ ᠲᠡᠷᠭᠡᠨᠳᠤ ᠰᠠᠭᠤᠵᠤ᠂ ᠬᠡᠦᠬᠡᠳ ᠦᠵᠡᠭ᠌ᠳᠡᠬᠦ᠌ᠠᠴᠠ ᠡᠮᠦᠨᠡ ᠡᠳᠦᠷᠨᠢ ᠠᠮᠵᠢᠨ ᠢᠷᠡᠵᠦ᠍᠄ 《ᠵᠨ ᠪᠤᠷᠬᠠᠨ᠂ ᠡᠵᠢᠨᠢ ᠢᠷᠡᠯᠡ᠂ ᠬᠡᠦᠬᠡᠨ ᠮᠢᠨᠢ ᠰᠠᠳᠭᠢᠯ ᠠᠮᠤᠷ ᠪᠠᠢ》 ᠬᠡᠳ ᠢᠨᠢᠶᠡᠬᠦ᠌ᠳᠤ ᠵᠦᠪᠬᠡᠨ ᠡᠵᠢᠳᠤ ᠯᠡ ᠮᠢᠨᠢ ᠪᠠᠢᠳᠠᠭ ᠬᠡᠵᠢᠶᠡᠳᠡ ᠤᠨᠳᠠᠷᠠᠰᠢ ᠦᠭᠡᠢ ᠲᠤᠶᠠᠭᠠᠲᠠᠢ ᠬᠠᠷᠠᠴᠠᠶ᠋ᠢ ᠪᠢ ᠠᠩᠬᠠ ᠤᠯᠵᠤ ᠬᠠᠷᠠᠭ᠍ᠰᠠᠨ ᠶᠤᠮ᠃
ᠡᠵᠢ ᠮᠢᠨᠢ᠂ ᠨᠠᠮᠠᠶ᠋ᠢ ᠦᠭᠡ ᠬᠡᠯᠡᠵᠦ᠍ ᠠᠯᠬᠤᠵᠤ ᠬᠢᠰᠭᠢᠬᠦ᠂ ᠦᠰᠦᠭ ᠪᠢᠴᠢᠭ ᠰᠤᠷᠴᠤ᠌᠂ ᠠᠯᠪᠠᠨ ᠠᠵᠢᠯᠳᠤ ᠭᠠᠷᠴᠤ᠌ ᠠᠢᠯ ᠭᠡᠷ ᠪᠤᠯᠳᠠᠯᠠ ᠵᠢᠭᠠᠨ ᠰᠤᠷᠭᠠᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠪᠦᠬᠡᠳ ᠨᠠᠮᠠᠶ᠋ᠢ ᠠᠵᠢᠯᠴᠢ ᠬᠦᠳᠡᠯᠮᠤᠷᠢᠴᠢ᠂ ᠠᠰᠪᠤᠷ ᠴᠠᠭᠠᠪᠤᠷ᠂ ᠡᠷᠳᠡᠮ ᠮᠡᠳᠡᠯᠭᠡᠲᠠᠢ᠂ ᠠᠭᠤᠵᠢᠮ ᠪᠠᠭ᠍ᠳᠠᠭᠠᠮᠵᠢᠲᠠᠢ᠂ ᠬᠤᠯᠠᠶ᠋ᠢᠨ ᠬᠠᠷᠠᠴᠠᠲᠠᠢ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠡᠭᠦᠷᠭᠡᠯᠡᠵᠦ᠍ ᠲᠡᠢᠯᠬᠦ᠌ ᠡᠷᠡᠰ ᠬᠠᠳᠠᠭᠤ ᠵᠠᠩ ᠠᠷᠠᠨᠱᠢᠨᠲᠠᠢ ᠪᠤᠯᠭᠠᠨ ᠬᠦᠮᠦᠵᠢᠭᠦᠯᠦᠭ᠌ᠰᠡᠨ ᠶᠤᠮ᠃
ᠡᠵᠢᠲᠠᠢᠪᠠᠨ ᠬᠠᠮᠳᠤ ᠪᠠᠢᠬᠤ ᠴᠠᠭ ᠮᠦᠴᠡ ᠪᠤᠯ ᠬᠠᠮᠤᠭᠤᠨ ᠠᠵᠠ ᠵᠢᠷᠭᠠᠯᠲᠠᠢ᠂ ᠬᠠᠮᠤᠭᠤᠨ ᠪᠠᠶᠠᠷ ᠬᠦᠷᠲᠠᠢ᠂ ᠡᠵᠢᠲᠠᠢᠪᠠᠨ ᠬᠠᠮᠳᠤ ᠪᠠᠢᠬᠤᠳᠤ ᠡᠬᠡ ᠲᠡᠯᠡᠬᠡᠢᠶ᠋ᠢᠨ ᠠᠯᠢᠪᠠ ᠤᠷᠭᠤᠮᠠᠯ ᠪᠤᠳᠠᠰ ᠪᠦᠷ ᠡᠵᠢᠶ᠋ᠢᠨ ᠬᠠᠢᠷᠠᠳᠤ ᠠᠮᠢᠯᠠᠴᠢᠬᠠᠭ᠍ᠰᠠᠨ ᠱᠢᠭ᠋ ᠰᠠᠨᠠᠭ᠍ᠳᠠᠳᠠᠭ᠃ ᠶᠠᠭᠤ ᠪᠦᠬᠦᠨᠢ ᠬᠠᠷᠠᠬᠤᠳᠤ ᠡᠵᠢᠶ᠋ᠢᠨ ᠲᠦᠷᠢᠪᠠᠷ ᠬᠠᠷᠠᠭ᠍ᠳᠠᠵᠤ᠂ ᠡᠬᠡᠶ᠋ᠢᠨ ᠬᠠᠢᠷᠠᠳᠤ ᠪᠦᠪᠠᠢᠯᠡᠭ᠌ᠳᠠᠵᠤ ᠪᠠᠢᠮᠠᠷ ᠡ᠂ ᠡᠵᠢ ᠮᠢᠨᠢ᠃