ᠮᠠᠷᠭᠠᠰᠢ᠂ ᠮᠠᠷᠭᠠᠰᠢ᠂ ᠮᠠᠷᠭᠠᠰᠢ ᠪᠤᠯᠤᠭᠠᠳ ᠮᠡᠳᠡᠶ᠎ᠡ᠃ ᠮᠠᠷᠭᠠᠰᠢ ᠭᠡᠳᠡᠭ ᠡᠨᠡ ᠨᠢᠭᠡ ᠡᠭᠡᠯ ᠮᠦᠷᠲᠡᠭᠡᠨ ᠡᠭᠡᠯ ᠪᠤᠰᠦ ᠦᠭᠡ ᠡᠳᠦᠷ ᠪᠦᠷᠢ ᠪᠢᠳᠡᠨ᠎ᠤ ᠠᠮᠢᠳᠤᠷᠠᠯ᠎ᠳᠤ ᠠᠳᠠᠯᠢ ᠪᠤᠰᠦ ᠬᠡᠯᠪᠡᠷᠢ᠎ᠪᠠᠷ ᠲᠠᠪᠳᠠᠬ᠍ᠳᠠᠬ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠪᠢᠯᠡ᠃ ᠵᠢᠷᠡ ᠬᠦᠷᠦᠭ᠌ᠰᠡᠨ ᠪᠤᠭᠤᠷᠤᠯᠴᠤᠳ᠎ᠠᠴᠠ ᠠᠪᠤᠭᠠᠳ ᠵᠢᠭᠠᠯ ᠪᠠᠭᠠᠴᠤᠤᠯ ᠬᠦᠷᠲᠡᠯ᠎ᠡ ᠡᠳᠦᠷ᠎ᠤᠨ ᠠᠵᠢᠯ᠎ᠢᠶᠠᠨ ᠡᠳᠦᠷ᠎ᠲᠡᠭᠡᠨ ᠬᠢᠬᠦ᠌ ᠦᠭᠡᠢ᠂ ᠶᠡᠷᠦ᠎ᠨᠢ ᠮᠠᠷᠭᠠᠰᠢ ᠪᠤᠯᠤᠭᠠᠳ ᠮᠡᠳᠡᠶ᠎ᠡ ᠭᠡᠮᠡᠨ ᠬᠡᠵᠢᠶᠡᠲᠡ ᠪᠠᠷᠠᠬ᠍ᠳᠠᠰᠢ ᠦᠭᠡᠢ ᠮᠠᠷᠭᠠᠰᠢ᠎ᠳᠤ ᠲᠦᠯᠬᠢᠳᠡᠭ᠎ᠨᠢ ᠶᠠᠭᠤᠨ᠎ᠤ ᠤᠴᠢᠷ ᠪᠢᠯᠡ⁈

ᠬᠦᠮᠦᠨ᠎ᠤ ᠠᠮᠢᠳᠤᠷᠠᠯ᠎ᠳᠤ ᠴᠤᠬᠤᠮ ᠬᠡᠴᠢᠨᠡᠨ ᠮᠠᠷᠭᠠᠰᠢ ᠪᠠᠢᠳᠠᠭ᠎ᠢ ᠲᠤᠭᠠᠯᠠᠵᠦ᠍ ᠤᠬᠠᠭᠠᠷᠠᠬ᠍ᠰᠡᠨ ᠬᠦᠮᠦᠰ ᠬᠡᠲᠦ ᠪᠠᠢᠳᠠᠭ ᠪᠤᠯ ᠳ᠋ᠠ？ ᠦᠴᠦᠭᠡᠳᠦᠷ᠂ ᠦᠨᠦᠳᠦᠷ᠂ ᠮᠠᠷᠭᠠᠰᠢ ᠬᠡᠮᠡᠬᠦ᠌ ᠭᠤᠷᠪᠠᠨ ᠦᠭᠡ ᠬᠦᠮᠦᠨ᠎ᠤ ᠨᠢᠭᠡ ᠨᠠᠰᠦ᠎ᠶ᠋ᠢ ᠰᠡᠭᠦᠳᠡᠷ ᠱᠢᠭ᠎ᠲᠠᠭᠠᠨ᠂ ᠲᠤᠯᠢ ᠱᠢᠬ ᠬᠠᠷᠠᠭᠤᠯᠵᠦ᠍᠂ ᠵᠢᠷᠤᠭ ᠱᠢᠬ ᠦᠵᠡᠭᠦᠯᠳᠡᠭ᠃ ᠦᠴᠦᠭᠡᠳᠦᠷ ᠶᠠᠮᠠᠷ ᠪᠠᠢᠬ᠍ᠰᠡᠨ ᠴᠦ᠍ ᠲᠡᠷᠡ ᠪᠤᠯ ᠦᠡᠭ᠌ᠭᠡᠷᠡᠭ᠌ᠰᠡᠨ ᠴᠠᠭ᠂ ᠡᠭᠦᠷᠢᠲᠡ ᠡᠷᠬᠢᠰᠢ ᠦᠭᠡᠢ ᠠᠮᠢᠳᠤᠷᠠᠯ᠎ᠤᠨ ᠨᠢᠭᠡ ᠬᠡᠰᠡᠭ᠂ ᠲᠡ ᠬᠡᠴᠢᠨᠡᠨ ᠶᠡᠭᠡ ᠬᠡᠷᠬᠡᠮ ᠵᠡᠷᠭᠡ᠂ ᠡᠳ᠋ ᠬᠦᠷᠦᠩᠭᠡ᠎ᠲᠠᠢ ᠪᠠᠢᠬ᠍ᠰᠡᠨ ᠴᠦ᠍ ᠦᠴᠦᠭᠡᠳᠦᠷ ᠬᠡᠮᠡᠬᠦ᠌ ᠲᠡᠤᠬᠡ᠎ᠶ᠋ᠢ ᠪᠤᠴᠠᠭᠠᠨ ᠠᠪᠴᠢᠷᠠᠵᠦ᠍ ᠲᠡᠢᠯᠬᠦ᠌ ᠦᠭᠡᠢ᠃ ᠦᠨᠦᠳᠦᠷ ᠪᠤᠯ ᠬᠦᠮᠦᠨ᠎ᠤ ᠠᠮᠢᠳᠤᠷᠠᠯ᠎ᠳᠠᠬᠢ ᠬᠠᠮᠤᠭ᠎ᠤᠨ ᠦᠨ᠎ᠡ ᠦᠷᠳᠡᠭ᠎ᠲᠠᠢ ᠮᠦᠷᠲᠡᠭᠡᠨ ᠴᠠᠭ ᠢᠮᠠᠬ᠍ᠲᠠ ᠠᠱᠢᠬ᠍ᠯᠠᠵᠦ᠍ ᠲᠠᠢᠯᠬᠦ᠋ᠢᠴᠡ ᠴᠠᠭ ᠮᠦᠴᠡ᠃ ᠦᠨᠦᠳᠦᠷ ᠬᠡᠮᠡᠬᠦ᠌ ᠠᠱᠢᠬ᠍ᠯᠠᠵᠦ᠍ ᠲᠠᠢᠯᠭᠦ᠋ᠢᠴᠡ ᠴᠠᠭ ᠮᠦᠴᠡ᠎ᠶ᠋ᠢ ᠵᠦᠢ ᠵᠤᠬᠢᠰᠲᠠᠢ ᠠᠱᠢᠬ᠍ᠯᠠᠵᠦ᠍ ᠠᠮᠢᠳᠤᠷᠠᠯ᠎ᠳᠠᠭᠠᠨ ᠦᠢᠯᠡᠴᠢᠯᠡᠭᠦᠯᠵᠦ᠍ ᠲᠠᠢᠯᠪᠡᠯ ᠲᠡᠷᠡ᠎ᠨᠢ ᠴᠢᠨᠦ᠍ ᠰᠠᠨᠠᠬ᠍ᠰᠡᠨ᠎ᠢᠶᠠᠷ ᠪᠤᠶᠤ ᠰᠠᠨᠠᠬ᠍ᠰᠡᠨ᠎ᠠᠴᠠ ᠭᠠᠳᠠᠭᠤᠷ ᠨᠠᠨᠳᠢᠨ ᠪᠡᠯᠡᠭ᠎ᠢ ᠲᠠᠨ᠎ᠳᠤ ᠪᠠᠷᠢᠳᠠᠭ᠃

ᠮᠠᠷᠭᠠᠰᠢ ᠪᠠ ᠵᠤᠯ ᠪᠤᠰᠦ᠎ᠶ᠋ᠢᠨ ᠠᠯᠢᠨ᠎ᠨᠢ ᠤᠷᠢᠳ᠎ᠢᠶᠠᠷ ᠴᠢᠨᠦ᠍ ᠠᠮᠢᠳᠤᠷᠠᠯ᠎ᠳᠤ ᠬᠦᠷᠴᠦ᠍ ᠢᠷᠡᠳᠡᠭ ᠪᠤᠢ？ ᠡᠬᠦᠨ᠎ᠤ ᠳᠤᠬᠠᠢ ᠵᠠᠷᠢᠮ ᠬᠦᠮᠦᠰ ᠪᠤᠳᠤᠵᠦ᠍ ᠦᠩᠭᠡᠷᠡᠭ᠌ᠰᠡᠨ ᠦᠭᠡᠢ ᠴᠤ᠌ ᠮᠠᠭᠠᠳ᠃ ᠡᠷᠡᠭᠦᠯ ᠪᠦᠳᠦᠨ ᠪᠡᠶ᠎ᠡ ᠮᠠᠬᠠᠪᠤᠳ᠎ᠲᠠᠢ᠂ ᠢᠳᠡᠵᠦ᠍ ᠡᠮᠦᠰᠭᠦ ᠲᠤᠲᠠᠳᠠᠭ ᠦᠭᠡᠢ ᠵᠠᠷᠢᠮ ᠬᠦᠮᠦᠰ ᠮᠠᠷᠭᠠᠰᠢ ᠤᠷᠢᠳ᠎ᠢᠶᠠᠷ ᠢᠷᠡᠨ᠎ᠡ ᠬᠡᠮᠡᠨ ᠪᠠᠲᠦ ᠢᠲᠡᠭᠡᠨ᠂ ᠵᠤᠯ ᠪᠤᠰᠦ ᠮᠠᠨ᠎ᠠᠴᠠ ᠵᠡᠷᠭᠡᠯᠭᠡᠨ ᠱᠢᠭ ᠬᠤᠯᠠ ᠪᠠᠢᠨ᠎ᠡ ᠬᠡᠮᠡᠨ ᠡᠴᠢᠭᠡ ᠡᠭᠡ᠎ᠠᠴᠠ ᠦᠪᠯᠡᠵᠦ᠍ ᠦᠯᠡᠳᠡᠭᠡᠭ᠌ᠰᠡᠨ ᠡᠷᠡᠭᠦᠯ ᠪᠦᠳᠦᠨ ᠪᠡᠶ᠎ᠡ ᠮᠠᠬᠠᠪᠤᠳ᠎ᠢᠶᠠᠨ ᠬᠠᠢᠷᠠᠯᠠᠵᠦ᠍ ᠭᠠᠮᠨᠠᠯ ᠦᠭᠡᠢ ᠲᠠᠯᠬᠢᠳᠠᠳᠠᠭ ᠴᠤ᠌ ᠪᠤᠢ᠃ 《ᠭᠠᠷ ᠤᠳᠠᠰᠦ》 ᠬᠡᠮᠡᠬᠦ᠌ ᠱᠢᠳᠢᠲᠦ ᠪᠦᠲᠦᠭᠡᠭ᠌ᠳᠡᠭᠦᠨ᠎ᠢ ᠭᠠᠷ᠎ᠠᠴᠠ᠎ᠪᠠᠨ ᠰᠠᠯᠭᠠᠯ ᠦᠭᠡᠢ ᠤᠷᠤᠯᠳᠤᠨ ᠦᠷᠯᠦᠭᠡ᠎ᠠᠴᠠ ᠤᠷᠤᠢ ᠪᠤᠯᠲᠠᠯ᠎ᠡ ᠬᠠᠵᠠᠭᠤᠯᠲᠠᠨ ᠬᠡᠪᠲᠡᠵᠦ᠍᠂ ᠬᠠᠷ᠎ᠡ ᠲᠠᠮᠠᠬᠢ ᠲᠡᠳᠠᠵᠦ᠍ ᠪᠠᠢᠬ᠍ᠰᠡᠨ ᠴᠠᠭ᠎ᠠᠴᠠ ᠢᠯᠭᠠᠷᠠᠬᠤ᠎ᠪᠠᠨ ᠪᠤᠯᠢᠵᠦ᠍᠂ ᠠᠷᠢᠬᠢ ᠲᠡᠮᠡᠬᠢ ᠬᠡᠮᠡᠬᠦ᠌ ᠠᠮᠢᠨ᠎ᠳᠤ ᠬᠤᠤᠷᠲᠠᠢ ᠡᠳ᠋᠎ᠢ ᠢᠨᠠᠭ ᠠᠮᠠᠷᠠᠭ ᠱᠢᠬ᠎ᠢᠶᠠᠨ ᠪᠡᠶ᠎ᠡ᠎ᠠᠴᠠ᠎ᠪᠠᠨ ᠬᠤᠯᠠᠳᠠᠭᠤᠯᠤᠯ ᠦᠭᠡᠢ ᠡᠳ᠋ᠯᠡᠵᠦ᠍ ᠶᠠᠪᠤᠬᠤ᠎ᠳᠠᠭᠠᠨ ᠠᠯᠢ ᠨᠢᠭᠡ ᠡᠳᠦᠷ᠎ᠲᠤ ᠠᠪᠤ ᠡᠵᠢ᠎ᠠᠴᠠ ᠦᠪᠯᠡᠭ᠌ᠰᠡᠨ ᠠᠯᠲᠠᠨ ᠠᠮᠢ᠎ᠪᠠᠨ ᠠᠯᠳᠠᠬᠤ ᠲᠤᠬᠠᠢ ᠵᠡᠭᠦᠲᠦᠯᠡᠵᠦ᠍ ᠴᠦ᠍ ᠶᠠᠪᠤᠭ᠎ᠠ ᠦᠭᠡᠢ ᠶᠠᠪᠤᠬ᠍ᠰᠡᠨ᠎ᠢ ᠡᠨᠡ ᠤᠳᠠᠭᠠᠨ᠎ᠤ ᠱᠢᠨ᠎ᠡ ᠲᠢᠳᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯ ᠪᠦᠬᠦ᠌ ᠬᠦᠮᠦᠰ᠎ᠲᠤ ᠡᠷᠡᠭᠦᠯ ᠴᠢᠬᠢᠷᠠᠭ᠎ᠤᠨ ᠴᠢᠬᠤᠯᠠ ᠴᠢᠨᠠᠷ᠎ᠤᠨ ᠲᠤᠬᠠᠢ ᠪᠦᠷᠢᠨ ᠭᠦᠢᠴᠡᠳ ᠮᠦᠷᠲᠡᠭᠡᠨ ᠤᠢ᠍ᠢᠯᠠᠭᠠᠮᠵᠢ ᠰᠠᠢᠲᠠᠢ ᠨᠢᠭᠡ ᠤᠳᠠᠭᠠᠨ᠎ᠤ ᠬᠢᠴᠢᠶᠡᠯ ᠤᠷᠤᠯ᠎ᠡ᠃

ᠦᠷᠯᠦᠭᠡ ᠨᠢᠲᠦ᠎ᠪᠠᠨ ᠨᠡᠬᠡᠭᠡᠬᠦ᠌᠎ᠳᠡᠭᠡᠨ ᠦᠪᠡᠷ᠎ᠢᠶᠠᠨ ᠡᠷᠡᠭᠦᠯ ᠪᠦᠳᠦᠨ᠎ᠢᠶᠠᠷ ᠱᠢᠨ᠎ᠡ ᠨᠢᠭᠡᠨ ᠡᠳᠦᠷ᠎ᠢ ᠤᠬ᠍ᠲᠤᠵᠦ᠍ ᠪᠠᠢᠭ᠎ᠠ᠎ᠳᠠᠭᠠᠨ ᠪᠠᠶᠠᠰᠴᠦ᠍᠂ ᠮᠠᠷᠭᠠᠰᠢ ᠵᠤᠯ ᠪᠤᠰᠦ᠎ᠠᠴᠠ ᠤᠷᠢᠳ᠎ᠢᠶᠠᠷ ᠢᠷᠡᠭ᠌ᠰᠡᠨ᠎ᠳᠤ ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠪᠠᠶᠠᠷᠬᠠᠳᠠᠭ᠃ ᠬᠡᠬᠦ᠌᠎ᠳᠡᠭᠡᠨ ᠶᠡᠷᠦ᠎ᠶ᠋ᠢᠨ ᠴᠠᠭ ᠬᠤᠢᠱᠢᠯᠠᠭᠤᠯᠤᠭᠠᠳ ᠪᠠᠢᠳᠠᠭ ᠮᠠᠷᠭᠠᠰᠢ ᠲᠡᠬᠢᠨ ᠬᠦᠷᠴᠦ᠍ ᠢᠷᠡᠳᠡᠭ ᠪᠢᠯᠢᠤ ᠭᠡᠵᠦ᠍ ᠪᠤᠲᠤᠬᠤ᠎ᠠᠴᠠ ᠵᠢᠷᠦᠬᠡᠱᠢᠶᠡᠨ᠎ᠡ᠃ ᠢᠯᠠᠩᠭᠤᠶ᠎ᠡ ᠢᠷᠡᠭᠡᠳᠦᠢ ᠶᠠᠮᠠᠷᠬᠠᠨ ᠪᠤᠯ ᠭᠡᠵᠦ᠍ ᠲᠦᠰᠦᠭᠡᠯᠡᠬᠦ᠌ ᠬᠦᠮᠦᠨ ᠪᠠᠢᠬᠤ ᠦᠭᠡᠢ᠃ ᠬᠠᠷᠢᠨ ᠡᠷᠡᠭᠦᠯ ᠪᠦᠳᠦᠨ᠎ᠢᠶᠠᠷ ᠨᠢᠭᠡ ᠡᠳᠦᠷ᠎ᠢ ᠦᠡᠭ᠌ᠭᠡᠷᠡᠭᠡᠪᠡᠯ ᠬᠤᠷᠸ᠎ᠡ᠎ᠶ᠋ᠢᠨ ᠬᠠᠮᠤᠭ᠎ᠤᠨ ᠳᠡᠭᠡᠲᠦ ᠵᠢᠷᠭᠠᠯ ᠭᠡᠮᠡᠨ ᠰᠠᠨᠠᠳᠠᠭ ᠪᠠᠢᠯ᠎ᠡ᠃

ᠰᠤᠤ ᠪᠢᠯᠢᠭ᠌ᠲᠦ ᠲᠦᠮᠡᠨ ᠡ᠂ ᠮᠠᠷᠭᠠᠰᠢ᠂ ᠮᠠᠷᠭᠠᠰᠢ ᠭᠡᠮᠡᠨ ᠬᠤᠢᠱᠢᠯᠠᠭᠤᠯᠬᠤ᠎ᠪᠠᠨ ᠪᠤᠯᠢᠶ᠎ᠡ！ ᠡᠳᠦᠷ᠎ᠤᠨ ᠠᠵᠢᠯ᠎ᠢᠶᠠᠨ ᠡᠳᠦᠷ᠎ᠲᠤᠨᠢ ᠪᠡᠶᠡᠯᠡᠭᠦᠯᠵᠦ᠍᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠪᠡᠶ᠎ᠡ ᠮᠠᠬᠠᠪᠤᠳ᠎ᠢᠶᠠᠨ ᠬᠠᠢᠷᠠᠯᠠᠨ ᠭᠠᠮᠨᠠᠵᠠᠭᠠᠶ᠎ᠡ！