1982 ᠤᠨᠤ 9 ᠰᠠᠷᠠᠶ᠋ᠢᠨ 1 ᠤ ᠡᠲᠦᠷᠠᠴᠠ 11 ᠤ ᠡᠲᠦᠷ ᠪᠤᠯᠲᠠᠯᠠ᠂ ᠲᠤᠮᠲᠠᠲᠤ ᠤᠯᠤᠰᠤᠨ ᠡᠪ ᠬᠠᠮᠲᠦ ᠨᠠᠮᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠳᠠᠭᠠᠶ᠋ᠢᠨ ᠪᠦᠬᠦ᠌ ᠤᠯᠤᠰᠤᠨ ᠲᠦᠯᠦᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯ ᠪᠡᠭᠡᠵᠢᠩᠳᠤ ᠬᠤᠷᠠᠯᠳᠤᠪᠠ᠃ ᠶᠡᠭᠡ ᠬᠤᠷᠠᠯᠤᠨ ᠵᠢᠩᠬᠢᠨᠢ ᠲᠦᠯᠦᠭᠡᠯᠡᠭ᠌ᠴᠢ 1545 ᠬᠦᠮᠦᠨ᠂ ᠤᠷᠤᠯᠠᠬ᠍ᠴᠢ ᠲᠦᠯᠦᠭᠡᠯᠡᠭ᠌ᠴᠢ 145 ᠬᠦᠮᠦᠨ ᠪᠠᠢᠵᠦ᠍᠂ ᠪᠦᠬᠦ᠌ ᠤᠯᠤᠰᠤᠨ 3900 ᠭᠠᠷᠤᠢ ᠲᠦᠮᠡᠨ ᠨᠠᠮᠤᠨ ᠬᠡᠱᠢᠭᠦᠨᠢ ᠲᠦᠯᠦᠭᠡᠯᠡᠪᠡ᠃ ᠳ᠋ᠧᠩ ᠱᠢᠶᠤᠤ ᠫᠢᠩ ᠬᠤᠷᠠᠯ ᠡᠬᠢᠯᠡᠬᠦ᠌ ᠦᠭᠡ ᠬᠡᠯᠡᠪᠡ᠃ ᠬᠤ᠌ ᠶᠤᠤ ᠪᠠᠩ ᠠᠷᠪᠠᠨ ᠨᠢᠭᠡᠲᠦᠭᠡᠷ ᠬᠤᠭᠤᠴᠠᠭᠠᠨᠤ ᠲᠦᠪ ᠬᠤᠷᠢᠶᠠᠨᠤ ᠡᠮᠦᠨᠡᠠᠴᠠ 《ᠨᠡᠢᠭᠡᠮ ᠵᠢᠷᠦᠮᠳᠤ ᠤᠳᠤᠬᠢᠴᠢᠯᠠᠯᠲᠠᠶ᠋ᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠱᠢᠨᠡ ᠪᠠᠢᠲᠠᠯᠢ ᠪᠦᠬᠦ᠌ ᠲᠠᠯᠠᠪᠠᠷ ᠡᠭᠦᠳᠰᠦᠭᠡᠢ》 ᠬᠡᠰᠡᠨ ᠰᠡᠲᠦᠪᠢᠶᠠᠷ ᠢᠯᠡᠳᠭᠡᠯ ᠬᠢᠪᠡ᠃ ᠶᠡᠭᠡ ᠬᠤᠷᠠᠯᠠᠴᠠ ᠢᠯᠡᠳᠭᠡᠯ ᠪᠤᠯᠤᠨ ᠱᠢᠨᠡᠪᠠᠷ ᠵᠠᠰᠠᠪᠤᠷᠢ ᠤᠷᠤᠭᠤᠯᠤᠬ᠍ᠰᠠᠨ 《ᠲᠤᠮᠲᠠᠲᠤ ᠤᠯᠤᠰᠤᠨ ᠡᠪ ᠬᠠᠮᠲᠦ ᠨᠠᠮᠤᠨ ᠲᠦᠷᠢᠮ》 ᠢ ᠬᠢᠨᠠᠨ ᠵᠦᠪᠯᠡᠨ ᠪᠠᠲᠤᠯᠠᠵᠦ᠍᠂ ᠲᠦᠪᠤᠨ ᠰᠠᠬᠢᠯᠭᠠ ᠪᠠᠲᠦ ᠪᠠᠢᠴᠠᠭᠠᠬᠤ ᠬᠤᠷᠢᠶᠠᠨᠤ ᠠᠵᠢᠯᠤᠨ ᠮᠡᠲᠡᠭᠦᠯᠦᠯᠲᠡᠶ᠋ᠢ ᠵᠦᠪᠱᠢᠶᠡᠷᠡᠵᠦ᠍᠂ ᠲᠦᠪ ᠬᠤᠷᠢᠶᠠ᠂ ᠲᠦᠪᠤᠨ ᠵᠦᠪᠯᠡᠭ᠌ᠴᠢᠳᠤᠨ ᠬᠤᠷᠢᠶᠠ ᠪᠤᠯᠤᠨ ᠲᠦᠪᠤᠨ ᠰᠠᠬᠢᠯᠭᠠ ᠪᠠᠲᠦ ᠪᠠᠢᠴᠠᠭᠠᠬᠤ ᠬᠤᠷᠢᠶᠠᠶ᠋ᠢ ᠰᠤᠩᠭᠤᠨ ᠭᠠᠷᠭᠠᠵᠠᠢ᠃ ᠶᠧ ᠵᠢᠶᠠᠨ ᠶᠢᠩ᠂ ᠴᠧᠨ ᠶᠦᠨ ᠺᠠᠳ᠋ᠷᠤᠨ ᠡᠩᠨᠡᠭᠡᠨᠤ ᠱᠢᠨᠡ ᠬᠠᠭᠤᠴᠢᠨᠤ ᠬᠠᠮᠳᠤᠷᠠᠯᠴᠠᠭᠠ ᠪᠠ ᠬᠠᠯᠠᠭᠠ ᠵᠠᠯᠭᠠᠮᠵᠢᠶ᠋ᠢᠨ ᠠᠰᠠᠭᠤᠲᠠᠯᠤᠨ ᠲᠤᠬᠠᠢ ᠶᠠᠷᠢᠶᠠ ᠲᠠᠯᠪᠢᠪᠠ᠃ ᠯᠢ ᠱᠢᠶᠠᠨ ᠨᠢᠶᠠᠨ ᠬᠤᠷᠠᠯ ᠲᠡᠭᠦᠰᠭᠦ ᠦᠭᠡ ᠬᠡᠯᠡᠪᠡ᠃
ᠳ᠋ᠧᠩ ᠱᠢᠶᠤᠤ ᠫᠢᠩ ᠬᠤᠷᠠᠯ ᠡᠬᠢᠯᠡᠬᠦ᠌ ᠦᠭᠡᠳᠡᠭᠡᠨ 《ᠲᠤᠮᠲᠠᠲᠤ ᠤᠯᠤᠰᠤᠨ ᠤᠨᠴᠠᠯᠢᠬᠲᠠᠢ ᠨᠡᠢᠭᠡᠮ ᠵᠢᠷᠦᠮᠢ ᠪᠦᠲᠦᠭᠡᠨ ᠪᠠᠢᠭᠤᠯᠬᠤ》 ᠴᠢᠬᠤᠯᠠ ᠶᠡᠭᠡ ᠰᠡᠲᠦᠪᠢ ᠲᠤᠲᠤᠷᠬᠠᠢ ᠲᠤᠷᠠᠳᠴᠤ᠌᠂ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶ᠋ᠢᠨ ᠱᠢᠨᠡ ᠴᠠᠬ ᠦᠶᠡᠳᠤ ᠤᠷᠤᠬ᠍ᠰᠠᠨᠤ ᠲᠠᠷᠠᠭᠠ ᠲᠤᠮᠲᠠᠲᠤ ᠤᠯᠤᠰ ᠶᠠᠮᠠᠷ ᠵᠠᠮᠢᠶᠠᠷ ᠵᠠᠮᠨᠠᠬᠤ ᠬᠡᠬᠦ᠌ ᠡᠨᠡ ᠬᠦ᠌ ᠬᠦᠮᠦᠰᠤᠨ ᠬᠠᠮᠤᠭᠠᠴᠠ ᠠᠩᠬᠠᠷᠴᠤ᠌ ᠪᠠᠢᠭᠠ ᠴᠢᠬᠤᠯᠠ ᠶᠡᠭᠡ ᠠᠰᠠᠭᠤᠲᠠᠯᠳᠤ ᠬᠠᠷᠢᠭᠤᠯᠲᠠ ᠦᠭ᠌ᠴᠦ᠂ ᠱᠢᠨᠡ ᠴᠠᠬ ᠦᠶᠡᠶ᠋ᠢᠨ ᠦᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠪᠠ ᠨᠡᠢᠭᠡᠮ ᠵᠢᠷᠦᠮᠳᠤ ᠤᠳᠤᠬᠢᠴᠢᠯᠠᠯᠲᠠᠶ᠋ᠢᠨ ᠪᠦᠲᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠵᠢᠯᠤᠭᠤᠳᠭᠤ ᠠᠭᠤᠤ ᠶᠡᠭᠡ ᠲᠤᠭ ᠲᠡᠮᠲᠡᠭ ᠪᠤᠯᠤᠬ᠍ᠰᠠᠨ ᠪᠠᠢᠨᠠ᠃
ᠶᠡᠭᠡ ᠬᠤᠷᠠᠯᠠᠴᠠ 210 ᠬᠡᠱᠢᠭᠦᠨ᠂ 138 ᠤᠷᠤᠯᠠᠬ᠍ᠴᠢ ᠬᠡᠱᠢᠭᠦᠨᠢᠶᠠᠷ ᠪᠦᠷᠢᠯᠲᠦᠭ᠌ᠰᠡᠨ ᠲᠦᠪ ᠬᠤᠷᠢᠶᠠ᠂ 172 ᠬᠡᠱᠢᠭᠦᠨᠢᠶᠠᠷ ᠪᠦᠷᠢᠯᠲᠦᠭ᠌ᠰᠡᠨ ᠲᠦᠪᠤᠨ ᠵᠦᠪᠯᠡᠭ᠌ᠴᠢᠳᠤᠨ ᠬᠤᠷᠢᠶᠠ ᠪᠤᠯᠤᠨ 132 ᠬᠡᠱᠢᠭᠦᠨᠢᠶᠠᠷ ᠪᠦᠷᠢᠯᠲᠦᠭ᠌ᠰᠡᠨ ᠲᠦᠪᠤᠨ ᠰᠠᠬᠢᠯᠭᠠ ᠪᠠᠲᠦ ᠪᠠᠢᠴᠠᠭᠠᠬᠤ ᠬᠤᠷᠢᠶᠠᠶ᠋ᠢ ᠰᠤᠩᠭᠤᠨ ᠭᠠᠷᠭᠠᠵᠠᠢ᠃
ᠨᠠᠮᠤᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠶᠡᠭᠡ ᠬᠤᠷᠠᠯ ᠪᠤᠯ ᠱᠢᠨᠡ ᠴᠠᠬ ᠬᠤᠭᠤᠴᠠᠭᠠᠨᠳᠤ ᠤᠷᠤᠬ᠍ᠰᠠᠨᠤ ᠲᠠᠷᠠᠭᠠ ᠨᠠᠮᠤᠨ ᠬᠤᠷᠠᠯᠳᠤᠭᠤᠯᠤᠬ᠍ᠰᠠᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠶ᠋ᠢᠨ ᠪᠦᠬᠦ᠌ ᠤᠯᠤᠰᠤᠨ ᠲᠦᠯᠦᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯ ᠪᠤᠯᠤᠨᠠ᠃ ᠡᠨᠡ ᠤᠳᠠᠭᠠᠨᠤ ᠶᠡᠭᠡ ᠬᠤᠷᠠᠯᠠᠴᠠ ᠡᠬᠢᠯᠡᠨ᠂ ᠨᠠᠮᠤᠨ ᠲᠦᠷᠢᠮᠤᠨ ᠲᠤᠬ᠍ᠲᠠᠭᠠᠯ ᠶᠤᠰᠤᠭᠠᠷ ᠨᠠᠮᠤᠨ ᠪᠦᠬᠦ᠌ ᠤᠯᠤᠰᠤᠨ ᠲᠦᠯᠦᠭᠡᠯᠡᠭ᠌ᠴᠢᠳᠤᠨ ᠶᠡᠭᠡ ᠬᠤᠷᠠᠯᠢ ᠲᠠᠪᠤᠨ ᠵᠢᠯᠳᠤ ᠨᠢᠭᠡ ᠤᠳᠠᠭᠠ ᠬᠤᠷᠠᠯᠳᠤᠭᠤᠯᠬᠤᠪᠠᠷ ᠲᠤᠬ᠍ᠲᠠᠭᠠᠨ ᠲᠦᠷᠢᠮᠵᠢᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃
（《ᠰᠤᠷᠤᠯᠴᠠᠯᠭᠠᠶ᠋ᠢᠨ ᠬᠦᠴᠦᠷᠭᠡᠭ ᠤᠯᠤᠰ》 ᠱᠢᠯᠵᠢᠶᠡᠠᠴᠠ ᠬᠠᠨ ᠯᠢᠩ ᠯᠢᠩ ᠤᠷᠴᠢᠭᠤᠯᠪᠠ）