ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠬᠠᠨᠰᠦ᠋ᠮᠠ ᠰᠤᠮᠤᠶ᠋ᠢᠨ ᠵᠢᠷᠦᠬᠡ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠨᠠᠷᠡᠨᠲᠤᠶᠠᠭᠠ ᠵᠢᠯ ᠭᠠᠷᠤᠢᠶ᠋ᠢᠨ ᠴᠠᠭ ᠵᠠᠷᠤᠴᠠᠭᠤᠯᠤᠨ 1.8 ᠮᠧᠲᠷ ᠦᠨᠳᠤᠷ᠂ 1.3 ᠮᠧᠲᠷ ᠦᠷᠬᠡᠨ 《ᠪᠠᠳᠠᠷᠠᠭᠤᠯᠳᠦ ᠲᠦᠷᠦᠶ᠋ᠢᠨ 36 ᠳ᠋ᠤᠭᠠᠷ ᠤᠨᠤ ᠦᠶᠡᠶ᠋ᠢᠨ ᠠᠷᠤ ᠬᠤᠷᠴᠢᠨᠤ ᠨᠡᠷᠡᠲᠦ ᠠᠭᠤᠯᠠ ᠤᠰᠤ᠂ ᠲᠡᠥᠬᠡ ᠲᠤᠮᠤᠭ᠍ᠳᠦ ᠰᠦᠮᠡ ᠬᠡᠢᠳ》 ᠤᠨ ᠬᠠᠳᠭᠤᠮᠠᠯᠢ ᠤᠷᠠᠯᠠᠨ ᠪᠦᠳᠦᠭᠡᠪᠡ᠃
ᠲᠤᠰ ᠭᠠᠵᠠᠷᠤᠨ ᠵᠢᠷᠤᠭᠢ ᠠᠷᠤ ᠬᠤᠷᠴᠢᠨ ᠬᠤᠱᠢᠭᠤᠨᠤ ᠬᠠᠨ ᠰᠦᠮᠠᠶ᠋ᠢᠨ ᠡᠷᠬᠢᠯᠡᠭ᠌ᠴᠢ ᠯᠠᠮᠠ ᠮᠦᠷᠡᠨ ᠤᠤᠯᠤᠨ ᠪᠢᠴᠢᠮᠡᠯ ᠵᠢᠷᠤᠭᠢ ᠬᠠᠳᠭᠤᠮᠠᠯᠯᠠᠨ ᠪᠦᠳᠦᠭᠡᠯᠭᠡᠬᠦ᠌ᠪᠠᠷ ᠵᠢᠷᠦᠭᠡ ᠭᠠᠴᠠᠭᠠᠨᠤ ᠬᠠᠳᠭᠤᠮᠠᠯᠴᠢᠨᠤ ᠨᠡᠢᠭᠡᠮᠯᠢᠭᠲᠤ ᠨᠠᠢᠳᠠᠵᠠᠢ᠃ ᠡᠨᠡ ᠬᠦ᠌ ᠭᠠᠵᠠᠷᠤᠨ ᠵᠢᠷᠤᠭᠲᠤ ᠠᠷᠤ ᠬᠤᠷᠴᠢᠨᠤ ᠨᠡᠷᠡᠲᠦ ᠠᠭᠤᠯᠠ ᠤᠰᠤ᠂ ᠰᠦᠮᠡ ᠬᠡᠢᠳ᠂ ᠠᠷᠤ ᠬᠤᠷᠴᠢᠨᠤ 《ᠠᠷᠪᠠᠨ ᠭᠤᠷᠪᠠᠨ ᠬᠠᠨ ᠠᠭᠤᠯᠠ》᠂ 《ᠬᠠᠬᠢᠷ᠂ ᠳ᠋ᠠᠯᠠᠷ᠂ ᠰᠦᠵᠢ ᠭᠤᠷᠪᠠᠨ ᠭᠤᠤᠯ》᠂ 《ᠬᠤᠷᠢᠨ ᠲᠦᠷᠪᠡᠨ ᠰᠦᠮᠡ ᠬᠡᠢᠳ》᠂ 《ᠦᠯᠵᠡᠢᠮᠦᠷᠡᠨ᠂ ᠤᠤ ᠮᠦᠷᠡᠨ᠂ ᠱᠢᠷᠠᠮᠦᠷᠡᠨ》᠂ 《ᠠᠯᠳᠠᠢᠶ᠋ᠢᠨ ᠮᠠᠩᠬᠠ᠂ ᠮᠠᠨᠵᠦᠶ᠋ᠢᠨ ᠮᠠᠩᠬᠠ》 ᠵᠡᠷᠭᠡ ᠲᠡᠥᠬᠡᠨ ᠲᠤᠮᠤᠭ᠍ᠳᠦ ᠭᠠᠵᠠᠷ ᠤᠰᠤᠨᠤ ᠰᠤᠶᠤᠯ ᠢᠷᠭᠡᠨᠱᠢᠯᠢ ᠬᠠᠳᠠᠭᠠᠯᠠᠭ᠍ᠰᠠᠨ ᠲᠡᠥᠬᠡᠳᠦ ᠦᠨᠡ ᠴᠡᠨᠡ ᠪᠦᠬᠦᠢ ᠬᠤᠪᠤᠷ ᠨᠠᠨᠳᠢᠨ ᠲᠡᠥᠬᠡᠨ ᠮᠠᠲ᠋ᠧᠷᠢᠶᠠᠯᠢ ᠠᠮᠢᠯᠠᠭᠤᠯᠤᠨ ᠪᠦᠳᠦᠭᠡᠭ᠌ᠰᠡᠨ ᠪᠠᠢᠳᠠᠭ᠃
ᠡᠨᠡ ᠬᠦ᠌ ᠭᠠᠵᠠᠷᠤᠨ ᠵᠢᠷᠤᠭᠤᠨ ᠤᠤᠯ ᠡᠬᠡᠨᠢ ᠦᠵᠢᠷᠡᠵᠦ᠍ ᠪᠠᠯᠠᠷᠠᠬᠤ ᠱᠢᠬᠠᠭ᠍ᠰᠠᠨ ᠪᠤᠯᠬᠤᠷ ᠨᠠᠷᠠᠨᠲᠤᠶᠠᠭᠠ ᠬᠠᠳᠭᠤᠬᠤ ᠪᠤᠯᠭᠠᠨ ᠨᠠᠷᠢᠪᠴᠢᠯᠡᠨ ᠱᠢᠨᠵᠢᠵᠦ᠍᠂ ᠳᠠᠮᠠᠭᠠᠨ ᠳᠡᠭᠡᠷᠡᠬᠢ ᠮᠠᠨᠵᠦ᠍ ᠦᠰᠦᠭᠢ ᠵᠦᠪ ᠤᠨᠤᠪᠴᠢᠳᠠᠢ ᠪᠠᠢᠯᠭᠠᠬᠤᠶ᠋ᠢ ᠨᠤᠳᠠᠯᠠᠬᠤᠪᠠᠷ ᠬᠦᠬᠡᠬᠤᠳᠠᠳᠤ ᠬᠦᠷᠴᠤ᠌ ᠡᠷᠳᠡᠮᠳᠡᠨ ᠪᠢᠴᠢᠭ᠌ᠳᠡᠨᠠᠴᠠ ᠠᠰᠠᠭᠤᠵᠦ᠍ ᠯᠠᠪᠯᠠᠭ᠍ᠰᠠᠨᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠰᠠ ᠲᠤᠯᠢ ᠪᠢᠴᠢᠭ ᠤᠷᠪᠠᠭᠤᠯᠤᠨ ᠠᠯᠢ ᠤᠯᠠᠨ ᠬᠦᠴᠢᠷᠳᠡᠯᠢ ᠲᠤᠭᠤᠯᠵᠤ᠂ ᠪᠦᠳᠦᠭᠡᠯᠢᠶᠠᠨ ᠨᠠᠷᠢᠨ ᠲᠤᠳᠤ᠂ ᠦᠩᠭᠡ ᠢᠯᠭᠠᠷᠠᠮᠠ᠂ ᠦᠰᠦᠭ ᠵᠦᠪ ᠪᠠᠢᠬᠤᠶ᠋ᠢ ᠪᠠᠳᠤᠯᠠᠵᠠᠢ᠃ 7 ᠨᠠᠰᠤᠨᠠᠴᠠᠪᠠᠨ ᠵᠡᠬᠦᠦ ᠤᠳᠠᠰᠤᠲᠠᠢ ᠱᠢᠳᠠᠷᠯᠠᠵᠦ᠍᠂ ᠳᠠᠪᠢᠭᠠᠳ ᠵᠢᠯ ᠤᠶᠤᠳᠠᠯ ᠤᠶᠤᠵᠦ᠍ ᠶᠠᠪᠤᠭ᠍ᠰᠠᠨ ᠮᠠᠯᠴᠢᠨ ᠨᠠᠷᠠᠨᠲᠤᠶᠠᠭᠠ ᠦᠪᠡᠷᠤᠨ ᠠᠩᠬᠠᠨᠤ ᠲᠤᠮᠤ ᠪᠦᠳᠦᠭᠡᠯᠲᠠᠢ ᠪᠤᠯᠤᠭ᠍ᠰᠠᠨᠳᠠᠭᠠᠨ ᠰᠡᠳᠭᠢᠯ ᠬᠠᠨᠤᠮᠵᠢᠳᠠᠢ ᠪᠠᠢᠯᠠ᠃