ᠲᠦᠬᠦᠷᠡᠩ ᠬᠤᠷᠢᠶᠠᠯᠳᠠᠶ᠋ᠢᠨ ᠪᠠᠶᠠᠷ ᠨᠠᠮᠤᠷ ᠰᠠᠭᠠᠳᠠᠬᠤᠪᠠᠷ ᠬᠦᠬᠡᠬᠤᠳᠠᠶ᠋ᠢᠨ ᠰᠠᠢᠬᠠᠨ ᠲᠣᠭᠤᠷᠢᠭᠤᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠯᠢᠦ ᠵᠢᠤᠢ ᠨᠢᠦ ᠬᠤᠪᠢᠶᠠᠷᠢ ᠴᠡᠴᠡᠷᠯᠢᠭᠤᠨ ᠬᠢᠴᠢᠶᠡᠯᠤᠨ ᠭᠠᠳᠠᠨᠠᠬᠢ ᠦᠢᠯᠡᠳᠦᠯᠭᠡᠶ᠋ᠢᠨ ᠠᠮᠢ ᠠᠬᠤᠢᠶ᠋ᠢᠨ ᠬᠦᠷᠢᠶᠡᠯᠡᠩᠳᠠᠬᠢ ᠭᠤᠸᠠ ᠵᠢᠮᠢᠰ ᠢᠳᠡᠱᠢᠨ ᠨᠣᠭᠤᠭᠠ ᠡᠯᠪᠡᠭ ᠬᠤᠷᠢᠶᠠᠯᠠ᠃ ᠬᠡᠦᠬᠡᠳᠤᠳᠲᠤ ᠬᠥᠳᠡᠯᠮᠦᠷᠢ ᠦᠢᠯᠡᠳᠦᠯᠭᠡ ᠳᠤᠮᠳᠠ ᠲᠠᠷᠢᠶᠠᠯᠠᠬᠤ ᠰᠣᠶᠣᠯᠢ ᠣᠢᠯᠠᠭᠠᠭᠤᠯᠵᠤ᠂ ᠬᠠᠷᠠᠬᠠᠨ ᠪᠠᠭᠠᠠᠴᠠᠪᠠᠨ ᠠᠮᠤ ᠪᠤᠳᠠᠭᠠᠶ᠋ᠢ ᠨᠠᠨᠳᠢᠩᠨᠠᠨ ᠠᠷᠪᠢᠯᠠᠨ ᠭᠠᠮᠨᠠᠬᠤ ᠤᠬᠠᠮᠰᠠᠷᠢ ᠬᠦᠮᠦᠵᠢᠬᠦᠯᠬᠦ᠌ᠶ᠋ᠢᠨ ᠲᠦᠯᠦᠬᠡ᠂ 9 ᠰᠠᠷᠠᠶ᠋ᠢᠨ 22 ᠤᠨ ᠡᠳᠦᠷ᠂ ᠰᠠᠢᠬᠠᠨ ᠲᠣᠭᠤᠷᠢᠭᠤᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭ 《ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠷᠢᠶᠠᠴᠢᠳᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠪᠠᠶᠠᠷ》 ᠤᠨ ᠡᠳᠦᠷᠢ ᠳᠤᠬᠢᠶᠠᠯᠳᠤᠭᠤᠯᠤᠨ ᠯᠢᠦ ᠵᠢᠤᠢ ᠨᠢᠦ ᠬᠤᠪᠢᠶᠠᠷᠢ ᠴᠡᠴᠡᠷᠯᠢᠭᠲᠡᠭᠡᠨ 《ᠡᠯᠪᠡᠭ ᠬᠤᠷᠢᠶᠠᠯᠲᠠᠪᠠᠨ ᠪᠡᠯᠭᠡᠯᠡᠵᠦ᠍ ᠠᠴᠢᠳᠤ ᠨᠠᠮᠳᠠᠭᠠᠨ ᠳᠠᠯᠠᠷᠬᠠᠶᠠ》 ᠭᠡᠬᠦ᠌ ᠭᠤᠤᠯ ᠰᠡᠳᠦᠪᠲᠦ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠪᠠᠶᠠᠷ ᠵᠢᠴᠢ ᠬᠥᠳᠡᠯᠮᠦᠷᠢᠶ᠋ᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠬᠥᠮᠦᠵᠢᠯᠤᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠪᠡ᠃
《ᠡᠵᠢ ᠡ᠂ ᠪᠢ ᠲᠦᠮᠦᠰᠦ ᠶᠠᠭᠠᠬᠢᠵᠤ ᠤᠷᠭᠤᠬᠤᠶ᠋ᠢ ᠮᠡᠳᠡᠭ᠌ᠰᠡᠨ᠃ ᠬᠤᠯᠤᠤᠪᠠᠩᠢ ᠦᠭ᠌ᠳᠡᠬᠡᠵᠦ᠍ ᠠᠪᠬᠤᠳᠤ ᠶᠡᠭᠡ ᠬᠦᠴᠢᠷᠳᠡᠢ！ ᠪᠢ ᠪᠠᠰᠠ ᠪᠤᠷᠴᠠᠭ᠂ ᠲᠦᠪᠡᠳ ᠬᠠᠰᠢ᠂ ᠬᠠᠯᠠᠭᠤᠨ ᠨᠤᠭᠤᠭᠠ ᠳᠡᠬᠦᠭ᠌ᠰᠡᠨ ᠁》 ᠭᠡᠳ ᠬᠦᠬᠡᠷᠦᠬᠦᠨ ᠪᠦᠪᠡᠢ ᠨᠠᠷ ᠦᠬᠡᠷ ᠲᠠᠷᠢᠶᠠᠯᠠᠩᠤᠨ ᠲᠠᠯᠠᠪᠠᠢᠳᠤ ᠰᠠᠭ᠍ᠰᠤ ᠳᠤᠬᠤᠢ᠍ᠢᠯᠠᠨ ᠨᠤᠭᠤᠭᠠ ᠵᠢᠮᠢᠰ ᠳᠡᠬᠦᠬᠡᠳ ᠶᠠᠭᠠᠷᠠᠯᠳᠤᠨᠠ᠃ ᠬᠡᠦᠬᠡᠳ ᠳᠡᠬᠦᠭ᠌ᠰᠡᠨ ᠨᠤᠭᠤᠭᠠ ᠵᠢᠮᠢᠰᠢᠶᠠᠨ ᠴᠡᠴᠡᠷᠯᠢᠭᠤᠨ ᠬᠦᠷᠢᠶᠡᠨᠳᠤ ᠳᠤᠬᠢᠷᠠᠭᠤᠯᠤᠭ᠍ᠰᠠᠨ ᠲᠠᠷᠢᠶᠠᠯᠠᠩᠤᠨ ᠠᠷᠠᠯᠵᠢᠶᠠᠨᠤ ᠵᠠᠬᠠᠳᠤ ᠠᠪᠠᠴᠢᠨ ᠬᠤᠳᠠᠯᠳᠤᠵᠤ ᠪᠤᠯᠤᠨᠠ᠃ ᠪᠠᠰᠠ ᠳᠤᠰᠭᠠᠢ ᠳᠤᠬᠢᠷᠠᠭᠤᠯᠤᠭ᠍ᠰᠠᠨ ᠱᠢᠷᠠᠮᠠᠯᠤᠨ ᠲᠤᠭᠤᠷᠢᠭᠲᠤ ᠬᠦᠷᠴᠦ᠍᠂ ᠲᠡᠭᠦᠵᠦ᠍ ᠠᠪᠠᠴᠢᠭ᠍ᠰᠠᠨ ᠡᠷᠳᠡᠨᠢ ᠱᠢᠰᠢ᠂ ᠨᠤᠭᠤᠭᠠ ᠵᠢᠮᠢᠰᠢᠶᠠᠨ ᠪᠣᠯᠪᠠᠰᠤᠷᠠᠭᠤᠯᠵᠤ ᠪᠣᠯᠤᠨᠠ᠃ ᠲᠠᠷᠢᠶᠠᠯᠠᠩᠤᠨ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠲᠣᠭᠤᠷᠢᠭᠲᠤ᠌᠂ ᠶᠤᠤᠮᠠᠶᠶ᠋ᠢᠨ ᠭᠤᠯᠢᠷ ᠲᠡᠭᠡᠷᠮᠡᠳᠡᠬᠦ᠂ ᠪᠤᠷᠴᠠᠭᠤᠨ ᠵᠤᠲᠠᠩ ᠬᠢᠬᠦ᠂ ᠡᠷᠳᠡᠨᠢ ᠱᠢᠰᠢ ᠮᠦᠯᠢᠬᠦ᠌ ᠵᠡᠷᠭᠡ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠲᠥᠷᠥᠯ ᠵᠦᠢᠯᠨᠢ ᠬᠡᠦᠬᠡᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠵᠤ᠂ ᠳᠤᠷᠱᠢᠵᠤ ᠦᠵᠡᠬᠦ᠌ᠪᠠᠷ ᠪᠤᠯᠢᠶᠠᠯᠳᠤᠨ ᠤᠷᠤᠯᠳᠤᠵᠠᠭᠠᠨᠠ᠃ ᠳᠠᠷᠢᠶᠠᠯᠠᠩᠤᠨ ᠳᠤᠭᠤᠷᠢᠭᠲᠤ ᠪᠠᠰᠠ ᠡᠯᠳᠡᠪ ᠵᠦᠢᠯᠤᠨ ᠬᠠᠳᠠᠭᠠᠮᠠᠯ ᠵᠢᠮᠢᠰ᠂ ᠠᠮᠤ ᠪᠤᠳᠠᠭᠠᠶ᠋ᠢ ᠳᠡᠯᠬᠡᠨ ᠦᠵᠡᠬᠦᠯᠵᠦ᠍᠂ ᠪᠢᠴᠢᠬᠠᠨ ᠳᠠᠢᠯᠪᠤᠷᠢᠯᠠᠭ᠍ᠴᠢ ᠨᠠᠷ ᠦᠵᠡᠬᠦ᠌ᠪᠠᠷ ᠢᠷᠡᠭ᠌ᠰᠡᠨ ᠪᠢᠴᠢᠬᠠᠨ ᠨᠠᠢᠵᠠ ᠨᠠᠷᠲᠤ ᠳᠠᠨᠢᠯᠴᠠᠭᠤᠯᠵᠤ ᠶᠠᠭᠠᠷᠠᠨᠠ᠃
ᠰᠠᠢᠬᠠᠨ ᠲᠣᠭᠤᠷᠢᠭᠤᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠨᠢ ᠲᠠᠷᠢᠶᠠᠯᠠᠬᠤ ᠣᠷᠣᠨᠳᠠᠬᠢ ᠬᠤᠪᠢᠶᠠᠷᠢ ᠴᠡᠴᠡᠷᠯᠢᠭᠤᠨ ᠳᠠᠪᠠᠭᠤᠯᠢᠭᠢᠶᠠᠨ ᠠᠱᠢᠭ᠍ᠯᠠᠨ᠂ 《ᠦᠬᠡᠷ ᠠᠮᠢ ᠠᠬᠤᠶᠶ᠋ᠢᠨ ᠬᠦᠷᠢᠶᠡᠯᠡᠩ》᠂ 《ᠦᠬᠡᠷ ᠲᠠᠷᠢᠶᠠᠯᠠᠩᠤᠨ ᠲᠠᠯᠠᠪᠠᠶ》᠂ 《ᠦᠬᠡᠷ ᠲᠠᠷᠢᠶᠠᠯᠠᠩᠤᠨ ᠠᠷᠠᠯᠵᠢᠶᠠᠨᠤ ᠵᠠᠬᠠ》᠂ 《ᠦᠬᠡᠷ ᠵᠢᠮᠢᠰᠤᠨ ᠬᠦᠷᠢᠶᠡᠯᠡᠩ》 ᠵᠡᠷᠭᠡ ᠣᠯᠠᠨ ᠠᠵᠢᠯᠯᠠᠭᠠᠨᠤ ᠲᠣᠭᠤᠷᠢᠭ ᠪᠠᠢᠭᠤᠯᠵᠤ᠂ ᠴᠡᠴᠡᠷᠯᠢᠭᠤᠨᠢᠶᠠᠨ ᠰᠤᠷᠭᠠᠨ ᠬᠥᠮᠦᠵᠢᠯᠤᠨ ᠦᠢᠯᠡᠳᠦᠯᠭᠡᠶ᠋ᠢᠨ ᠰᠠᠭᠤᠷᠢᠨ ᠪᠤᠯᠭᠠᠪᠠ᠃ 《ᠠᠮᠢᠳᠤᠷᠠᠯ ᠪᠣᠯ ᠬᠡᠦᠬᠡᠳᠤᠳᠤᠨ ᠬᠠᠮᠤᠭᠤᠨ ᠰᠠᠢᠨ ᠬᠢᠴᠢᠶᠡᠯᠤᠨ ᠲᠠᠩᠬᠢᠮ ᠮᠥᠨ᠃ ᠪᠢᠳᠡ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠰᠤᠷᠭᠠᠨ ᠬᠥᠮᠦᠵᠢᠯᠳᠡᠭᠡᠨ ᠭᠤᠸᠠ ᠵᠢᠮᠢᠰᠤᠨ ᠠᠩᠬᠢᠯᠤᠮᠠ ᠦᠨᠦᠷ ᠪᠠᠢᠬᠤᠶ᠋ᠢ ᠢᠮᠠᠭ᠍ᠳᠠ ᠪᠠᠷᠢᠮᠲᠠᠯᠠᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ᠃ ᠪᠢᠳᠡ ᠯᠢᠦ ᠵᠢᠤᠢ ᠨᠢᠤ ᠬᠤᠪᠢᠶᠠᠷᠢ ᠴᠡᠴᠡᠷᠯᠢᠭᠤᠨᠢᠶᠠᠨ ᠲᠠᠷᠢᠶᠠᠯᠠᠬᠤ ᠣᠷᠣᠨᠤ ᠳᠠᠪᠠᠭᠤᠯᠢᠭᠢ ᠠᠱᠢᠭ᠍ᠯᠠᠨ᠂ ᠲᠣᠰᠭᠤᠨᠤ ᠠᠷᠠᠳᠤᠨ ᠵᠥᠪᠯᠡᠯᠲᠠᠢ ᠬᠠᠮᠲᠤᠷᠠᠨ ᠠᠮᠢ ᠠᠬᠤᠶᠶ᠋ᠢᠨ ᠬᠦᠷᠢᠶᠡᠯᠡᠩᠤᠨ ᠲᠠᠷᠢᠮᠠᠯᠤᠨ ᠰᠠᠭᠤᠷᠢᠨ ᠭᠠᠷᠭᠠᠵᠤ᠂ ᠬᠢᠴᠢᠶᠡᠯᠤᠨ ᠭᠠᠳᠠᠨᠠᠬᠢ ᠦᠢᠯᠡᠳᠦᠯᠭᠡᠶ᠋ᠢᠨ ᠬᠢᠴᠢᠶᠡᠯ᠂ ᠡᠴᠢᠭᠡ ᠡᠬᠡ ᠦᠷᠡ ᠬᠡᠦᠬᠡᠳᠤᠨ ᠬᠤᠷᠱᠢᠯᠴᠠᠬᠤ ᠬᠢᠴᠢᠶᠡᠯᠢᠶᠠᠷ ᠳᠠᠮᠵᠢᠭᠤᠯᠤᠨ᠂ ᠬᠡᠦᠬᠡᠳᠤᠳᠢ ᠳᠠᠷᠢᠶᠠᠨ ᠭᠠᠵᠠᠷᠲᠤ ᠠᠪᠠᠴᠢᠵᠤ᠂ ᠲᠠᠷᠢᠶᠠᠴᠢᠳᠤᠨ ᠬᠥᠳᠡᠯᠮᠦᠷᠢᠶ᠋ᠢᠨ ᠶᠠᠳᠠᠷᠠᠯ ᠵᠦᠳᠡᠷᠡᠯᠢ ᠮᠡᠳᠡᠷᠡᠭᠦᠯᠵᠦ᠍᠂ ᠬᠢᠯᠪᠠᠷ ᠪᠤᠰᠤᠪᠠᠷ ᠣᠯᠤᠭ᠍ᠰᠠᠨ ᠠᠮᠤ ᠪᠤᠳᠠᠭᠠᠶ᠋ᠢ ᠠᠷᠪᠢᠯᠠᠵᠤ ᠨᠠᠨᠳᠢᠩᠨᠠᠵᠤ ᠰᠤᠷᠬᠤᠶ᠋ᠢ ᠮᠡᠳᠡᠭᠦᠯᠬᠦ᠌ᠶ᠋ᠢᠨ ᠬᠠᠮᠲᠤ ᠬᠡᠦᠬᠡᠳᠤᠳᠤᠨ ᠬᠦᠴᠢᠷᠠᠴᠠ ᠠᠶᠤᠬᠤ ᠥᠭᠡᠢ᠂ ᠪᠦᠯᠬᠦᠮᠳᠡᠨ ᠬᠠᠮᠲᠤᠷᠠᠯᠴᠠᠬᠤ ᠪᠠ ᠬᠠᠷᠢᠯᠴᠠᠨ ᠬᠠᠪᠰᠤᠷᠤᠯᠴᠠᠬᠤ ᠵᠠᠩ ᠴᠢᠨᠠᠷᠢ ᠬᠦᠮᠦᠵᠢᠬᠦᠯᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠰᠠᠢᠬᠠᠨ ᠲᠣᠭᠤᠷᠢᠭᠤᠨ ᠮᠣᠩᠭᠤᠯ ᠦᠨᠳᠦᠰᠦᠲᠡᠨᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠵᠠᠬᠢᠷᠤᠯ ᠶᠦᠨ ᠵᠢᠶᠦ᠋ᠨ ᠶᠢᠩ ᠳᠠᠨᠢᠯᠴᠠᠭᠤᠯᠤᠯᠠ᠃
