ᠠᠩᠬᠠᠳᠠᠭᠴᠢ ᠠᠩᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ᠎ᠶᠢᠨ ᠪᠠᠶᠠᠷ

ᠠᠩᠭᠢ᠎ᠶ᠋ᠢᠨ ᠡᠷᠬᠢᠯᠡᠭ᠌ᠴᠢ ᠪᠣᠯ ᠰᠤᠷᠭᠠᠭᠤᠯᠢ᠎ᠶ᠋ᠢᠨ ᠬᠠᠮᠢᠶᠠᠷᠤᠯᠲᠠ᠎ᠶ᠋ᠢᠨ ᠭᠣᠣᠯ ᠬᠦᠴᠦᠨ᠂ ᠰᠤᠷᠤᠭ᠍ᠴᠢᠳ᠎ᠤᠨ ᠦᠵᠡᠯ ᠰᠠᠨᠠᠭᠠᠨ᠎ᠤ ᠬᠥᠮᠦᠵᠢᠯ᠎ᠦᠨ ᠭᠣᠣᠯ ᠬᠦᠴᠦᠨ᠂ ᠰᠤᠷᠭᠠᠭᠤᠯᠢ᠂ ᠭᠡᠷ ᠪᠦᠯᠢ᠂ ᠨᠡᠢᠭᠡᠮ᠎ᠦᠨ ᠬᠠᠷᠢᠯᠴᠠᠭᠠᠨ᠎ᠤ ᠬᠦᠬᠦᠷᠭᠡ ᠬᠣᠯᠪᠣᠭᠠᠰᠤ᠂ ᠮᠦᠨ ᠴᠸ᠋ ᠵᠢᠭᠠᠨ ᠰᠤᠷᠭᠠᠯᠳᠠ᠎ᠶᠢᠨ ᠶᠠᠰᠤ ᠴᠢᠨᠠᠷ᠎ᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌  ᠪᠠᠲᠤᠯᠠᠭ᠎ᠠ ᠮᠥᠨ᠃

ᠡᠢᠨᠬᠦ᠂ ᠠᠩᠭᠢ᠎ᠶ᠋ᠢᠨ ᠡᠷᠬᠢᠯᠡᠭ᠌ᠴᠢ᠎ᠶ᠋ᠢᠨ ᠡᠩᠨᠡᠭᠡᠨ᠎ᠦ ᠪᠠᠢᠭᠤᠯᠤᠯᠲᠠ᠎ᠶ᠋ᠢ ᠴᠢᠩᠭᠠᠳᠭᠠᠵᠤ᠂ ᠠᠩᠭᠢ᠎ᠶ᠋ᠢᠨ ᠡᠷᠬᠢᠯᠡᠭ᠌ᠴᠢ᠎ᠶ᠋ᠢᠨ ᠢᠳᠡᠪᠬᠢᠵᠢᠯ᠂ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠭᠢᠯᠭᠡ ᠪᠠ ᠪᠦᠲᠦᠮᠵᠢᠲᠦ ᠴᠢᠨᠠᠷ᠎ᠢ ᠳᠡᠭᠡᠭ᠌ᠰᠢᠯᠡᠭᠦᠯᠬᠦ᠌᠎ᠶ᠋ᠢᠨ ᠲᠥᠯᠥᠭᠡ᠂ ᠬᠠᠢᠯᠠᠷ ᠲᠤᠭᠤᠷᠢᠭ᠎ᠤᠨ ᠬᠦᠯᠦᠨ ᠪᠠᠭ᠎ᠠ ᠰᠤᠷᠭᠠᠭᠤᠯᠢ 11 ᠰᠠᠷ᠎ᠠ᠎ᠶᠢᠨ 22᠎ᠤ᠋ᠨ ᠡᠳᠦᠷ ᠡᠴᠡ 11 ᠰᠠᠷ᠎ᠠ᠎ᠶᠢᠨ 29᠎ᠤ᠋ ᠡᠳᠦᠷ ᠪᠤᠯᠲᠠᠯ᠎ᠠ  ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨ᠎ᠤ ᠠᠩᠭᠢ᠎ᠶ᠋ᠢᠨ ᠡᠷᠬᠢᠯᠡᠭ᠌ᠴᠢ᠎ᠶ᠋ᠢᠨ ᠪᠠᠶᠠᠷ᠎ᠢ ᠪᠡᠯᠭᠡᠯᠡᠬᠦ ᠠᠵᠢᠯᠯᠠᠭ᠎ᠠ ᠵᠤᠬᠢᠶᠠᠨ ᠪᠠᠢᠭᠤᠯᠵᠠᠢ᠃

— ᠦᠷᠦᠭᠡᠯ᠎ᠤᠨ ᠬᠡᠤᠬᠡᠳ᠎ᠢ ᠠᠮᠢᠨᠴᠢᠷᠬᠠᠨ ᠰᠠᠨᠠᠳᠠᠭ ᠮᠠᠨ᠎ᠤ ᠠᠩᠭᠢ᠎ᠶ᠋ᠢᠨ ᠡᠷᠬᠢᠯᠡᠭ᠌ᠴᠢᠳ ᠪᠤᠯ ᠮᠠᠰᠢ ᠬᠦᠨᠳᠦᠲᠡᠢ ᠬᠦᠮᠦᠰ᠃ ᠲᠡᠳᠡᠨᠠᠷ᠎ᠤᠨ ᠠᠵᠢᠯ ᠬᠠᠮᠤᠭ ᠡᠴᠡ ᠶᠠᠭᠠᠷᠠᠤ᠂ ᠡᠬᠦᠷᠭᠡ ᠬᠠᠮᠤᠭ᠎ᠤᠨ ᠬᠦᠨᠳᠦ᠃ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠪᠠᠬᠰᠢ ᠨᠠᠷ᠎ᠤᠨ᠎ᠢᠶᠡᠨ ᠠᠵᠢᠯ᠎ᠤᠨ ᠴᠢᠯᠡᠭᠡ᠎ᠶᠢ ᠲᠠᠢᠯᠵᠤ ᠦᠭᠬᠦ᠎ᠶᠢᠨ ᠲᠦᠯᠦᠭᠡ ᠵᠤᠬᠢᠶᠠᠨ ᠪᠠᠢᠭᠤᠯᠤᠬᠰᠠᠨ ᠮᠠᠨ᠎ᠤ ᠠᠵᠢᠯᠯᠠᠭ᠎ᠠ ᠮᠠᠰᠢ ᠠᠮᠵᠢᠯᠳᠠ ᠲᠠᠢ ᠶᠠᠪᠤᠬᠳᠠᠪᠠ᠃ ᠠᠵᠢᠯᠯᠠᠭ᠎ᠠ ᠵᠢ ᠪᠠᠭᠠᠴᠤᠳ᠎ᠤᠨ ᠬᠤᠰᠢᠭᠤᠴᠢ ᠠᠨᠭᠬᠢ᠎ᠶᠢᠨ ᠬᠢᠨ ᠡᠴᠡ ᠭᠤᠤᠯᠯᠠᠨ ᠡᠷᠬᠢᠯᠡᠵᠦ᠂ ᠭᠡᠷ᠎ᠤᠨ ᠠᠬᠠᠮᠠᠳ ᠪᠤᠯᠤᠨ ᠰᠤᠷᠤᠬᠴᠢᠳ ᠬᠠᠮᠳᠤᠷᠠᠨ ᠪᠡᠶᠡᠯᠡᠬᠦᠯᠦᠭᠰᠡᠨ ᠭᠡᠵᠤ ᠰᠤᠷᠭᠠᠭᠤᠯᠢ᠎ᠶᠢᠨ ᠶᠡᠬᠡ ᠠᠨᠭᠬᠢ᠎ᠶᠢᠨ ᠬᠠᠪᠰᠤᠷᠤᠨ ᠵᠢᠯᠤᠭᠤᠳᠤᠬᠴᠢ ᠨᠤᠮᠢᠨ ᠶᠠᠷᠢᠨ᠎ᠠ᠃

ᠰᠢᠬᠢᠷ ᠱᠠᠩᠨᠠᠳᠠᠭ ᠪᠠᠭᠰᠢ ᠰᠢᠭᠦᠮᠵᠢᠯᠡᠨ ᠵᠠᠩᠨᠠᠳᠠᠭ ᠪᠠᠬᠰᠢ 

ᠪᠦᠬᠦ ᠰᠤᠷᠭᠠᠭᠤᠯᠢ᠎ᠶᠢᠨ 600 ᠭᠠᠷᠤᠢ ᠰᠤᠷᠤᠬᠴᠢ ᠪᠤᠯᠤᠨ 1000 ᠭᠠᠷᠤᠢ ᠭᠡᠷ᠎ᠤᠨ ᠠᠬᠠᠮᠠᠳ ᠡᠴᠡ 16 ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ᠎ᠳᠤ ᠪᠠᠨ ᠤᠷᠠᠨ ᠰᠠᠢᠬᠠᠨ᠎ᠤ ᠲᠤᠬᠯᠠᠯᠲᠠ᠂ ᠰᠡᠳᠬᠢᠯ᠎ᠤᠨ ᠦᠭᠡ ᠪᠠᠨ ᠬᠡᠯᠡᠭᠰᠡᠨ ᠤᠬᠤᠷ ᠹᠢᠯᠢᠮ᠂ ᠤᠷ᠎ᠠ ᠠᠪᠢᠶᠠᠰ᠎ᠤᠨ ᠮᠦᠷᠦᠢᠴᠡᠬᠡᠨ᠂ ᠤᠶᠤᠨ᠎ᠤ ᠲᠤᠬᠯᠠᠭᠠᠮ ᠬᠡᠬᠦ ᠵᠡᠷᠭᠡ ᠤᠯᠠᠨ ᠰᠠᠢᠬᠠᠨ ᠲᠤᠬᠯᠠᠯᠲᠠ ᠲᠤᠬᠢᠷᠠᠭᠤᠯᠵᠤ᠂ ᠪᠠᠰᠠ ᠠᠩᠭᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠪᠠᠬᠰᠢ ᠨᠠᠷ ᠲᠸ᠋ ᠪᠠᠨ ᠱᠠᠨᠭᠨᠠᠯ ᠭᠠᠷᠳᠠᠭᠤᠯᠵᠡᠢ᠃

— ᠮᠢᠨᠦ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠨᠠᠨᠳᠢᠨ ᠪᠠᠬᠰᠢ ᠪᠤᠯ ᠮᠢᠨᠦ ᠬᠠᠮᠤᠭ᠎ᠤᠨ ᠬᠠᠢᠷᠠᠲᠠᠢ ᠪᠠᠬᠰᠢ᠃ ᠬᠡᠷᠪᠡ ᠪᠢᠳᠡ ᠶᠤᠰᠤ ᠨᠤᠮ ᠲᠠᠢ ᠪᠤᠯ ᠪᠠᠬᠰᠢ ᠮᠢᠨᠢ ᠰᠢᠬᠢᠷ ᠱᠠᠩᠨᠠᠳᠠᠭ᠂ ᠪᠢᠳᠡ ᠡᠪᠡᠳᠴᠤ ᠬᠠᠯᠠᠭᠤᠷᠠᠪᠠᠯ ᠬᠠᠢᠷᠠᠯᠠᠨ ᠬᠠᠷᠠᠭᠠᠯᠵᠠᠳᠠᠭ᠂ ᠬᠡᠷᠪᠡ ᠪᠢᠳᠡ ᠤᠬᠠᠭᠠᠨ ᠦᠭᠡᠢ ᠠᠭᠠᠰᠢᠯᠠᠪᠠᠯ ᠪᠠᠰᠠ ᠬᠠᠳᠠᠭᠤᠬᠠᠨ ᠰᠢᠭᠦᠮᠵᠢᠯᠡᠳᠡᠭ ᠭᠡᠵᠤ ᠭᠤᠷᠪᠠᠳᠤᠭᠠᠷ ᠤᠨ᠎ᠤ ᠰᠤᠷᠤᠬᠴᠢ ᠨᠠᠷᠠᠠᠱᠠᠭ᠎ᠠ ᠦᠪᠡᠷ᠎ᠤᠨ ᠪᠢᠴᠢᠭᠰᠡᠨ 《ᠨᠠᠨᠳᠢᠨ ᠪᠦᠷᠢᠯᠸ᠎ᠠ ᠮᠢᠨᠦ ᠪᠠᠬᠰᠢ 》 ᠭᠡᠬᠦ ᠤᠬᠤᠷ ᠰᠢᠯᠦᠭ᠎ᠢᠶᠡᠨ ᠪᠠᠬᠰᠢ᠎ᠳᠤ ᠪᠠᠨ ᠡᠷᠭᠦᠯ᠎ᠡ᠃

— ᠰᠤᠷᠭᠠᠭᠤᠯᠢ ᠡᠴᠡ ᠡᠨᠡ ᠬᠦ᠌ ᠠᠵᠢᠯᠯᠠᠭ᠎ᠠ ᠵᠢ ᠦᠷᠨᠢᠬᠦᠯᠬᠦ ᠵᠢ ᠮᠡᠳᠡᠭᠳᠡᠮᠡᠭᠴᠡ ᠭᠡᠷ᠎ᠤᠨ ᠠᠬᠠᠮᠠᠳ᠎ᠤᠨ ᠵᠦᠪᠯᠡᠯ᠎ᠤᠨ ᠬᠢᠨ ᠠᠵᠢᠯᠯᠠᠭ᠎ᠠ᠎ᠶᠢᠨ ᠲᠤᠬᠠᠢ ᠤᠯᠠᠨ ᠲᠦᠰᠦᠪ ᠭᠠᠷᠭᠠᠭᠰᠠᠨ᠃ ᠭᠡᠷ᠎ᠤᠨ ᠠᠬᠠᠮᠠᠳ ᠪᠢᠳᠡ ᠠᠵᠢᠯ᠎ᠤᠨ ᠴᠢᠯᠦᠭᠡ ᠪᠠᠨ ᠠᠰᠢᠬᠯᠠᠵᠤ ᠬᠡᠤᠬᠡᠳ ᠲᠠᠢ ᠪᠠᠨ ᠬᠠᠮᠳᠤᠷᠠᠯᠴᠠᠵᠤ᠂ ᠠᠨᠭᠬᠢ ᠪᠦᠷᠢ᠎ᠶᠢᠨ ᠤᠨᠴᠠᠯᠢᠭ᠎ᠢ ᠦᠨᠳᠦᠰᠦᠯᠡᠵᠤ᠂ ᠤᠯᠠᠨ ᠰᠠᠢᠬᠠᠨ ᠠᠭᠤᠯᠭ᠎ᠠ ᠲᠤᠬᠢᠷᠠᠭᠤᠯᠤᠬᠰᠠᠨ᠃ ᠠᠩᠬᠢ᠎ᠶᠢᠨ ᠡᠷᠬᠢᠯᠡᠭᠴᠢᠳ ᠮᠢᠨᠢ ᠵᠦᠳᠡᠷᠡᠯ᠎ᠡ ！ ᠡᠨᠡ ᠪᠤᠯ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢᠳ᠎ᠲᠤ ᠪᠠᠨ ᠡᠷᠬᠦᠭᠰᠡᠨ ᠤᠨᠴᠠᠭᠠᠢ ᠪᠡᠯᠡᠭ ᠶᠤᠮ ᠭᠡᠵᠤ ᠭᠡᠷ᠎ᠤᠨ ᠠᠬᠠᠮᠠᠳ ᠵᠤᠯᠠ ᠪᠠᠶᠠᠷᠲᠠᠢ ᠲᠠᠨᠢᠯᠴᠠᠭᠤᠯᠤᠨ᠎ᠠ᠃

ᠬᠡᠯᠡᠭᠰᠡᠨ ᠭᠠᠭᠴᠠ ᠦᠭᠡᠨ ᠳ᠋ᠤ ᠨᠢ  ᠪᠠᠶᠠᠰᠤᠯ᠎ᠠ ᠬᠦᠬᠡᠷᠦᠬᠦᠨ ᠴᠠᠢᠯᠭᠠᠨ ᠰᠡᠳᠭᠢᠯ ᠳ᠋ᠤ ᠨᠢ ᠤᠶᠠᠷᠠᠯ᠎ᠠ

— ᠡᠨᠡ ᠪᠤᠯ ᠮᠢᠨᠦ ᠬᠠᠷᠢᠭᠤᠴᠠᠬᠰᠠᠨ ᠬᠤᠶᠠᠳᠡᠭᠢ ᠠᠨᠭᠬᠢ᠃ ᠰᠤᠷᠭᠠᠭᠤᠯᠢ᠂ ᠭᠡᠷ᠎ᠤᠨ ᠠᠬᠠᠮᠠᠳ᠂ ᠮᠠᠨ᠎ᠤ ᠬᠦᠭᠡᠷᠦᠬᠦᠨ ᠰᠤᠷᠤᠬᠴᠢᠳ ᠮᠠᠨᠢ ᠨᠠᠳᠠ᠎ᠳᠤ ᠡᠢᠮᠦ ᠶᠡᠬᠡ ᠰᠠᠨᠠᠭᠠᠨ ᠳ᠋ᠤ ᠦᠭᠡᠢ ᠪᠡᠯᠡᠭ ᠬᠦᠷᠭᠡᠬᠦ ᠵᠢ ᠪᠤᠳᠤᠵᠤ ᠤᠯᠤᠬᠰᠠᠨ ᠦᠭᠡᠢ᠃ ᠲᠡᠳᠡᠨ᠎ᠤ ᠰᠢᠨᠭᠭᠡᠭᠡᠭᠰᠡᠨ ᠤᠬᠤᠷ ᠹᠢᠯᠢᠮ ᠳ᠋ᠡᠬᠢ ᠬᠦᠭᠡᠷᠦᠬᠦᠨ ᠳᠦᠷᠢ᠂ ᠭᠡᠨᠡᠨ ᠬᠤᠨᠭᠭᠤᠷ ᠦᠭᠡ ᠶᠠᠷᠢᠶᠠᠨ᠎ᠳᠤ ᠨᠢ ᠰᠡᠳᠬᠢᠯ ᠤᠶᠠᠷᠠᠴᠢᠬᠠᠯ᠎ᠠ ᠭᠡᠵᠤ ᠨᠢᠭᠡᠳᠦᠭᠡᠷ ᠤᠨ᠎ᠤ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠦᠷᠢᠨᠳᠤᠶᠠᠭ᠎ᠠ ᠪᠠᠬᠰᠢ ᠲᠤᠬᠳᠤᠯᠤᠩᠬᠠᠨ᠃

ᠦᠷᠢᠨᠳᠤᠶᠠᠭ᠎ᠠ ᠪᠠᠬᠰᠢ᠎ᠶᠢᠨ ᠠᠨᠭᠬᠢ᠎ᠶᠢᠨ 37 ᠰᠤᠷᠤᠬᠴᠢ ᠨᠢ ᠬᠠᠬᠢᠷ ᠬᠦᠢᠲᠡᠨ᠎ᠢ ᠰᠦᠷᠴᠤ᠂ ᠬᠠᠰᠠᠷ ᠬᠦᠬᠦᠷᠭᠡ᠎ᠳᠤ ᠬᠦᠷᠴᠤ 《ᠪᠠᠬᠰᠢ ᠮᠢᠨᠢ》 ᠭᠡᠬᠦ ᠰᠢᠯᠦᠭ᠎ᠢ ᠤᠶᠠᠨᠭᠭᠠᠯᠠᠵᠤ᠂ ᠪᠠᠬᠰᠢ᠎ᠳᠤ ᠪᠠᠨ ᠬᠠᠢᠷᠠᠲᠠᠢ ᠰᠡᠳᠬᠢᠯᠭᠡ ᠪᠠᠨ ᠢᠯᠡᠳᠭᠡᠯ᠎ᠡ᠃

— ᠬᠦᠬᠡᠷᠦᠬᠦᠨ ᠰᠤᠷᠤᠬᠴᠢᠳ᠎ᠤᠨ ᠮᠠᠨᠢ ᠪᠠᠬᠰᠢ ᠨᠠᠳᠠ᠎ᠳᠤ ᠪᠠᠨ ᠳᠠᠭᠤᠤ᠂ ᠪᠦᠵᠢᠭ᠂ ᠰᠢᠯᠦᠭ ᠤᠶᠠᠨᠭᠭᠠᠯᠠᠬᠤ᠎ᠶᠢ ᠦᠵᠡᠭᠡᠳ ᠰᠡᠳᠬᠢᠯ ᠶᠡᠬᠡ ᠲᠤᠬᠳᠤᠯᠤᠯ᠎ᠠ᠃ ᠡᠳᠦᠷᠵᠢᠨ ᠬᠢᠴᠢᠶᠡᠯ ᠰᠤᠷᠤᠯᠭ᠎ᠠ ᠭᠡᠵᠤ ᠶᠠᠭᠠᠷᠠᠵᠤ ᠪᠠᠢᠭ᠎ᠠ ᠬᠡᠤᠬᠡᠳ ᠮᠠᠨᠢ ᠠᠯᠢ ᠵᠠᠪ᠎ᠢᠶᠡᠷ᠎ᠢᠶᠡᠨ ᠡᠳᠡᠭᠡᠷ᠎ᠢ ᠪᠡᠯᠡᠳᠭᠡᠵᠤ ᠠᠮᠵᠢᠭ᠎ᠠ ᠪᠢᠯᠡ ？ ᠮᠦᠨ ᠴᠸ᠋ ᠰᠤᠷᠭᠠᠭᠤᠯᠢ᠂ ᠭᠡᠷ᠎ᠤᠨ ᠠᠬᠠᠮᠠᠳ᠂ ᠰᠤᠷᠤᠬᠴᠢᠳ ᠡᠴᠡ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠪᠤᠯᠤᠬᠰᠠᠨ ᠪᠢᠳᠡᠨ᠎ᠤ ᠠᠵᠢᠯ᠎ᠢ ᠤᠢᠯᠠᠭᠠᠵᠤ᠂ ᠮᠡᠳᠡᠷᠡᠵᠤ ᠶᠠᠪᠤᠭ᠎ᠠ᠎ᠳᠤ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠨ᠎ᠠ ᠭᠡᠵᠤ ᠬᠤᠶᠠᠳᠤᠭᠠᠷ ᠤᠨ᠎ᠤ ᠠᠨᠭᠬᠢ᠎ᠶᠢᠨ ᠡᠷᠬᠢᠯᠡᠭᠴᠢ ᠨᠠᠷᠠᠰᠤᠨ ᠶᠠᠷᠢᠨ᠎ᠠ᠃

《ᠪᠠᠬᠰᠢ ᠡ᠂ ᠪᠢ ᠲᠠᠨ᠎ᠳᠤ ᠪᠠᠨ ᠬᠠᠢᠷᠠᠲᠠᠢ ᠰᠢᠦ》 ᠭᠡᠬᠦ᠎ᠪᠤᠯᠪᠠᠷᠠᠢ ᠬᠡᠤᠬᠡᠳ᠎ᠤᠨ ᠪᠤᠷᠤᠬᠵᠢᠭᠤᠬᠠᠨ ᠭᠠᠬᠴᠠᠬᠠᠨ ᠦᠭᠡᠨ ᠳ᠋ᠤ ᠪᠠᠶᠠᠰᠴᠤ᠂ ᠡᠩᠭᠦᠷᠡᠢᠯᠡᠨ ᠰᠠᠨᠠᠬᠰᠠᠨ ᠬᠡᠤᠬᠡᠳ᠎ᠤᠳ᠎ᠤᠨ᠎ᠢᠶᠡᠨ ᠡᠷᠬᠡᠯᠡᠩᠭᠦᠢ ᠲᠠᠩᠬᠢᠯ ᠠᠷᠠᠨᠰᠢᠨ ᠳ᠋ᠤ ᠤᠶᠠᠷᠠᠵᠤ ᠲᠤᠬᠳᠤᠯᠳᠠᠭ ᠠᠩᠬᠢ᠎ᠶᠢᠨ ᠡᠷᠬᠢᠯᠡᠭᠴᠢᠳ ᠮᠠᠨᠢ ᠬᠦᠨᠳᠦᠳᠡᠢ ᠡ᠃

           （ ᠭᠡᠷᠡᠯ ᠵᠢᠷᠤᠭ ᠎ᠢ ᠨᠤᠮᠢᠨ ᠬᠠᠩᠭᠠᠪᠠ ）