《ᠨᠠᠮᠤᠨ ᠲᠦᠪ ᠬᠤᠷᠢᠶᠠᠨᠤ ᠰᠢᠨᠠ ᠴᠠᠭ ᠦᠶᠡᠶᠢᠨ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ ᠠᠵᠢᠯᠢ ᠪᠦᠬᠦ ᠳᠠᠯᠠ ᠪᠡᠷ ᠴᠢᠩᠭᠠᠳᠬᠠᠬᠤ ᠲᠤᠬᠠᠢ ᠰᠠᠨᠠᠯ》 ᠵᠢᠴᠢ 《ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠱᠠᠳᠤᠯᠵᠢᠨ ᠮᠠᠶᠢᠭᠤᠨ ᠤᠷᠮᠠᠰᠢᠭᠤᠯᠬᠤ ᠰᠢᠰᠲᠸᠮᠢ ᠪᠠᠢᠭᠤᠯᠤᠨ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ ᠭᠡᠰᠢᠭᠦᠳᠤᠨ ᠢᠷᠠᠭᠤ ᠠᠯᠳᠠᠷᠳᠤ ᠰᠡᠳᠬᠢᠯᠭᠡ ᠵᠢ ᠨᠡᠮᠡᠭᠳᠡᠭᠦᠯᠬᠦ ᠳᠤᠬᠠᠢ ᠬᠡᠷᠡᠭᠵᠢᠬᠦᠯᠬᠦ ᠲᠦᠰᠦᠪ》ᠤ᠋ᠨ ᠵᠤᠷᠢᠭ ᠰᠠᠨᠠᠭᠠ ᠵᠢ ᠲᠤᠭᠤᠱ᠌ᠢᠯᠠᠭᠤᠯᠤᠨ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤᠶᠢᠨ ᠲᠦᠯᠦᠭᠡ ᠮᠠᠨᠤ ᠤᠷᠤᠨᠤ ᠡᠯᠡ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠠᠵᠢᠯᠯᠠᠭᠠ ᠵᠢ ᠡᠷᠴᠢᠮᠳᠡᠢ ᠶᠠᠪᠤᠭᠳᠠᠭᠤᠯᠵᠤ ᠪᠠᠢᠳᠠᠭ᠃《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》 ᠳ᠋ᠤ ᠨᠡᠢᠳᠡ ᠭᠤᠷᠪᠠᠨ ᠵᠦᠢᠯᠤᠨ ᠱᠠᠩᠨᠠᠯᠤᠨ ᠲᠦᠷᠦᠯ ᠪᠠᠢᠳᠠᠭ᠃ ᠳᠠᠷᠤᠢ᠂ ᠦᠨᠳᠦᠰᠦᠨ ᠬᠦᠬᠢᠬᠦᠯᠦᠯᠤᠨ ᠳᠡᠮᠳᠡᠭ᠂ ᠤᠨᠴᠠᠯᠢᠭᠳᠤ ᠬᠦᠬᠢᠬᠦᠯᠦᠯᠤᠨ ᠳᠡᠮᠳᠡᠭ᠂ ᠤᠳᠤᠳᠤ ᠬᠦᠬᠢᠬᠦᠯᠦᠯᠤᠨ ᠳᠡᠮᠳᠡᠭ ᠪᠤᠯᠤᠨᠠ᠃ ᠡᠨᠡ ᠬᠦ᠌ ᠠᠵᠢᠯᠯᠠᠭᠠ ᠨᠢ ᠦᠰᠪᠦᠷᠢᠶᠢᠨ ᠬᠡᠤᠬᠡᠳ ᠲᠸ᠋ ᠤᠬᠠᠭᠠᠨ ᠵᠢᠭᠠᠳᠠᠭ᠂ ᠤᠷᠮᠠᠰᠢᠭᠤᠯᠤᠨ ᠲᠠᠪᠰᠢᠭᠤᠯᠳᠠᠭ ᠤᠳᠬᠠ ᠬᠦᠨ ᠠᠵᠢᠯᠯᠠᠭᠠ ᠪᠤᠯᠤᠬᠰᠠᠨ ᠶᠤᠮ᠃
ᠡᠯᠪᠡᠭ ᠠᠭᠤᠯᠭᠠ ᠲᠠᠢ ᠦᠨᠳᠦᠰᠦᠨ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ
ᠦᠨᠳᠦᠰᠦᠨ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ ᠪᠤᠯ 《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》 ᠤ᠋ᠨ ᠵᠠᠪᠠᠯ ᠦᠷᠢᠰᠦᠯᠳᠦᠬᠦ ᠳᠡᠮᠳᠡᠭ ᠪᠤᠯᠤᠨᠠ᠃ ᠳᠡᠭᠦᠨ ᠳ᠋ᠤ ᠭᠤᠷᠪᠠᠨ ᠶᠡᠬᠡ ᠳᠦᠷᠦᠯᠤᠨ ᠳᠦᠷᠪᠡᠨ ᠵᠢᠵᠢᠭ ᠬᠤᠪᠢᠶᠠᠷᠢ ᠲᠠᠢ ᠨᠡᠢᠳᠡ 12 ᠳᠡᠮᠳᠡᠭ ᠪᠠᠢᠳᠠᠭ᠃
ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠬᠤᠩᠱᠠᠨ ᠳᠤᠭᠤᠷᠢᠭᠤᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠤᠢᠷᠠᠳᠦ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠦᠨᠳᠦᠰᠦᠨ 12 ᠳᠡᠮᠳᠡᠭ ᠲᠤᠳᠤᠷᠠᠬᠢ《ᠪᠢᠴᠢᠬᠠᠨ ᠡᠵᠡᠨ》 ᠳᠡᠮᠳᠡᠭ ᠦᠷᠢᠰᠦᠯᠳᠦᠬᠦ ᠠᠵᠢᠯᠯᠠᠭᠠ ᠵᠢ ᠡᠷᠴᠢᠮᠳᠡᠢ ᠦᠷᠨᠢᠭᠦᠯᠵᠡᠢ᠃
— ᠪᠢ ᠬᠢᠴᠢᠶᠡᠯᠤᠨ ᠵᠠᠪᠰᠠᠷᠯᠠᠭᠠ ᠬᠦᠶᠦᠯᠳᠦᠵᠦ ᠨᠤᠴᠤᠯᠳᠤᠬᠤ ᠦᠭᠡᠢ᠂ ᠨᠠᠮ ᠵᠢᠮᠢ ᠡᠷᠬᠢᠮᠯᠡᠨᠡ᠃ ᠪᠠᠭᠰᠢ ᠲᠠᠢ ᠪᠠᠨ ᠤᠴᠠᠷᠠᠪᠠᠯ ᠶᠤᠰᠤᠷᠬᠠᠭᠢᠶᠡᠷ ᠮᠡᠨᠳᠦᠴᠢᠯᠡᠨᠡ᠃
ᠪᠠᠭᠠᠴᠤᠳ ᠬᠡᠤᠬᠡᠳᠤᠳ ᠵᠢᠵᠢᠭ ᠶᠠᠪᠤᠳᠠᠯ ᠡᠴᠡ ᠭᠠᠷᠳᠠᠨ ᠬᠢᠵᠦ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ《ᠪᠢᠴᠢᠬᠠᠨ ᠡᠵᠡᠨ》ᠪᠤᠯᠬᠤ ᠢᠷᠠᠭᠤ ᠠᠯᠳᠠᠷᠢᠶᠡᠷᠢᠶᠡᠨ ᠪᠠᠬᠠᠳᠤᠨᠠ᠃
《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤᠨ ᠠᠵᠢᠯᠯᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠬᠦᠭᠵᠢᠶᠡᠨᠳᠡᠢ ᠶᠠᠪᠤᠭᠳᠠᠨ ᠪᠠᠭᠠᠴᠤᠳ ᠬᠡᠦᠬᠡᠳᠤᠨ ᠤᠷᠮᠠ ᠵᠢ ᠰᠡᠷᠭᠦᠭᠡᠵᠦ ᠠᠪᠢᠶᠠᠰᠢᠶᠡᠨ ᠪᠠᠳᠠᠷᠠᠭᠤᠯᠬᠤᠳᠦ ᠨᠡᠩ ᠤᠯᠠᠨ ᠳᠠᠪᠴᠠᠩ ᠬᠠᠩᠭᠠᠵᠤ ᠪᠠᠢᠳᠠᠭ᠃
— ᠮᠠᠨᠤ ᠠᠩᠬᠢ ᠨᠤᠮ ᠳᠠᠨᠢᠯᠴᠠᠭᠤᠯᠬᠤ ᠠᠵᠢᠯᠯᠠᠭᠠ ᠪᠡᠷ ᠳᠠᠮᠵᠢᠨ 《ᠬᠦᠰᠡᠯᠡᠩᠳᠦ》ᠳᠡᠮᠳᠡᠭᠢ ᠦᠷᠢᠰᠦᠯᠳᠦᠯᠠ᠃ ᠪᠢᠳᠡ ᠤᠩᠰᠢᠬᠤ ᠳᠤᠷᠠᠳᠠᠢ ᠨᠤᠮᠢᠶᠡᠨ ᠬᠠᠷᠢᠯᠴᠠᠨ ᠳᠠᠨᠢᠯᠴᠠᠭᠤᠯᠵᠤ ᠶᠡᠬᠡ ᠤᠯᠠᠨ ᠮᠡᠳᠡᠯᠭᠡ ᠵᠢ ᠤᠯᠵᠤ ᠰᠤᠷᠤᠭᠰᠠᠨ᠃ ᠪᠢ ᠰᠡᠭᠦᠯᠡᠷ ᠠᠩᠬᠢᠶᠢᠨᠢᠶᠡᠨ ᠳᠡᠮᠳᠡᠭ ᠦᠷᠢᠰᠦᠯᠳᠦᠬᠦ ᠠᠵᠢᠯᠯᠠᠭᠠᠨᠳᠦ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠵᠤ᠂ ᠤᠯᠠᠨ ᠳᠡᠮᠳᠡᠭ ᠤᠯᠬᠤ ᠪᠡᠷ ᠴᠢᠷᠮᠠᠢᠨᠠ ᠭᠡᠵᠦ ᠰᠢᠯᠢᠩᠬᠤᠳᠠᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ 5.4 ᠠᠩᠬᠢᠶᠢᠨ ᠠᠮᠢᠨᠠ ᠤᠷᠮᠠᠳᠠᠢ ᠬᠡᠯᠡᠨᠡ᠃
— ᠮᠠᠨᠤ ᠰᠤᠷᠭᠠᠭᠤᠯᠢᠶᠢᠨ 《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠠᠵᠢᠯᠯᠠᠭᠠ ᠮᠠᠰᠢ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠶᠠᠪᠤᠭᠳᠠᠵᠤ ᠪᠠᠢᠨᠠ᠃ ᠮᠦᠨᠴᠦ ᠰᠤᠷᠤᠭᠴᠢ ᠨᠢᠭᠡᠪᠦᠷᠢᠶᠢᠨ ᠢᠳᠡᠪᠬᠢᠵᠢᠯᠢ ᠬᠦᠢᠴᠡᠳ ᠳᠠᠢᠴᠢᠯᠠᠨ ᠰᠤᠷᠤᠭᠴᠢᠳᠢ ᠤᠷᠮᠠᠰᠢᠭᠤᠯᠬᠤ ᠵᠤᠷᠢᠯᠭᠠᠳᠦ ᠪᠠᠨ ᠬᠦᠷᠴᠦ ᠴᠢᠳᠠᠵᠠᠢ᠃ ᠬᠤᠢᠰᠢᠳᠠ ᠠᠵᠢᠯᠯᠠᠭᠠ ᠪᠠᠨ ᠨᠡᠩ ᠳᠡᠭᠦᠯᠳᠡᠷᠵᠢᠬᠦᠯᠵᠦ ᠰᠤᠷᠤᠭᠴᠢᠳᠤᠨᠢᠶᠡᠨ ᠰᠤᠷᠤᠯᠭᠠ ᠠᠮᠢᠳᠤᠷᠠᠯᠳᠦ ᠨᠢ ᠨᠡᠩ ᠤᠯᠠᠨ ᠠᠰᠢᠭ ᠳᠤᠰᠠ ᠵᠢ ᠬᠦᠷᠳᠡᠭᠡᠨᠡ ᠭᠡᠵᠦ ᠰᠢᠯᠢᠨᠭᠬᠤᠳᠠᠶᠢᠨ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠶᠡᠬᠡ ᠠᠩᠬᠢᠶᠢᠨ ᠵᠢᠯᠤᠭᠤᠳᠤᠭᠴᠢ ᠪᠠᠭᠰᠢ ᠱ᠌ᠢᠷᠦᠨᠨᠠᠪᠴᠢ ᠶᠠᠷᠢᠯᠠ᠃
ᠤᠷᠮᠠ ᠵᠢ ᠰᠡᠷᠭᠦᠭᠡᠳᠡᠭ ᠤᠨᠴᠠᠯᠢᠭᠳᠤ ᠬᠦᠬᠢᠬᠦᠯᠦᠯᠤᠨ ᠳᠡᠮᠳᠡᠭ
ᠤᠨᠴᠠᠯᠢᠭᠳᠤ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ ᠪᠤᠯ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠰᠤᠩᠭᠤᠨ ᠦᠷᠢᠰᠦᠯᠳᠦᠬᠦ ᠳᠡᠮᠳᠡᠭ ᠪᠠᠢᠵᠤ᠂ ᠦᠨᠳᠦᠰᠦᠨ ᠬᠦᠬᠢᠬᠦᠯᠦᠯᠤᠨ ᠳᠡᠮᠳᠡᠭᠤᠨ ᠪᠦᠳᠦᠮᠵᠢᠳᠡᠢ ᠨᠦᠬᠦᠪᠦᠷᠢ ᠪᠤᠯᠳᠠᠭ᠃
ᠳᠦᠷᠦᠭᠦᠬᠡᠨ᠂ ᠬᠢᠵᠢᠭᠤᠨ ᠨᠦᠯᠦᠭᠡᠯᠡᠯ ᠳᠤᠤᠷᠠ ᠰᠦᠯᠵᠢᠶᠡᠨ ᠬᠢᠴᠢᠶᠡᠯ ᠤᠷᠤᠵᠤ ᠪᠠᠢᠭᠰᠠᠨ ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤᠨᠤ ᠬᠤᠶᠠᠳᠤᠭᠠᠷ ᠳᠤᠷᠰᠢᠯᠳᠠᠶᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠤᠨᠴᠠᠯᠢᠭᠳᠤ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ — 《ᠪᠢᠴᠢᠬᠠᠨ ᠮᠤᠩᠭᠤᠯ ᠮᠤᠷᠢ》ᠳᠡᠮᠳᠡᠭᠢ ᠦᠷᠢᠰᠦᠯᠳᠦᠬᠦ ᠠᠵᠢᠯᠯᠠᠭᠠ ᠪᠠᠨ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠦᠷᠨᠢᠭᠦᠯᠵᠡᠢ᠃ ᠡᠭᠦᠨᠢᠶᠡᠷ ᠳᠠᠮᠵᠢᠨ ᠰᠤᠷᠤᠭᠴᠢᠳᠤᠨ ᠬᠢᠵᠢᠭᠢ ᠡᠰᠡᠷᠭᠦᠴᠡᠬᠦ ᠮᠡᠳᠡᠯᠭᠡ ᠵᠢ ᠡᠵᠡᠮᠰᠢᠬᠦ᠂ ᠡᠮᠦᠨᠡ ᠹᠷᠤᠨᠲᠲᠦ ᠪᠠᠢᠭᠠ ᠠᠵᠢᠯᠳᠠᠳᠲᠦ ᠳᠠᠯᠠᠷᠬᠠᠯᠢᠶᠡᠨ ᠢᠯᠡᠳᠬᠡᠬᠦ᠂ ᠠᠮᠢᠳᠤᠷᠠᠯ ᠰᠤᠷᠤᠯᠭᠠ ᠪᠠᠨ ᠵᠤᠬᠢᠰᠳᠠᠢ ᠳᠤᠬᠢᠷᠠᠭᠤᠯᠬᠤ᠂ ᠠᠵᠢᠯ ᠬᠦᠳᠡᠯᠮᠦᠷᠢᠳᠦ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠬᠤ ᠵᠢ ᠲᠠᠢᠴᠢᠯᠠᠭᠰᠠᠨ ᠪᠠᠢᠨᠠ᠃
ᠪᠢ ᠬᠢᠵᠢᠭᠢ ᠡᠰᠡᠷᠭᠦᠴᠡᠬᠦ ᠭᠤᠤᠯ ᠰᠡᠳᠦᠪᠳᠦ ᠭᠠᠷ ᠪᠢᠴᠢᠮᠡᠯ ᠰᠤᠨᠢᠨ ᠵᠢᠷᠤᠯᠠ᠂ ᠪᠢ ᠡᠵᠢ ᠲᠠᠢ ᠪᠠᠨ ᠬᠠᠮᠳᠤ ᠳᠡᠷᠭᠡ ᠪᠠᠨ ᠤᠬᠢᠶᠠᠯᠠ᠂ ᠪᠢ ᠳᠡᠭᠡᠰᠦ ᠦᠰᠦᠷᠦᠯᠠ᠂ ᠪᠢ ᠡᠮᠡᠭᠡ ᠪᠠᠨ ᠬᠠᠮᠵᠢᠵᠤ ᠪᠠᠩᠰᠢ ᠪᠠᠷᠢᠯᠠ᠂ ᠪᠢ ᠤᠷᠠᠨ ᠪᠢᠴᠢᠯᠭᠡ ᠪᠤᠯᠪᠠᠰᠤᠷᠠᠯᠠ ᠁ ᠦᠩᠭᠡᠶᠢᠨ ᠴᠡᠴᠡᠭ ᠮᠢᠷᠠᠯᠵᠠᠨ ᠳᠡᠯᠭᠡᠷᠡᠭᠰᠡᠨ ᠭᠡᠮᠡᠷ ᠦᠯᠢᠭᠡᠷ ᠲᠠᠢ ᠤᠯᠠᠨ ᠰᠡᠭᠦᠳᠡᠷ ᠡᠴᠡ ᠪᠢᠴᠢᠬᠠᠨ ᠨᠠᠢᠵᠠ ᠨᠠᠷᠤᠨ ᠤᠷᠭᠢᠯᠤᠮᠠ ᠰᠡᠳᠬᠢᠯᠭᠡ᠂ ᠦᠭᠡᠳᠡᠯᠡᠨ ᠳᠠᠪᠰᠢᠬᠤᠶᠢᠨ ᠰᠢᠨᠵᠢ ᠪᠦᠷᠢᠨ ᠬᠠᠷᠠᠭᠳᠠᠨᠠ᠃
ᠤᠨᠴᠠᠯᠢᠬᠳᠤ ᠬᠦᠬᠢᠭᠦᠯᠦᠯᠤᠨ ᠲᠡᠮᠳᠡᠭ ᠨᠢ ᠢᠩᠬᠢᠵᠦ ᠰᠤᠷᠭᠠᠭᠤᠯᠢᠶᠢᠨ ᠡᠳᠦᠷ ᠳᠤᠳᠤᠮᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠪᠠ ᠦᠨᠡᠯᠡᠨ ᠵᠤᠷᠢᠭᠵᠢᠭᠤᠯᠬᠤ ᠴᠢᠬᠤᠯᠠ ᠠᠷᠭᠠ ᠬᠡᠮᠵᠢᠶᠡ ᠪᠤᠯᠵᠤ᠂ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ ᠭᠡᠰᠢᠭᠦᠳᠤᠨ ᠬᠠᠷᠢᠭᠤᠴᠠᠯᠭᠠᠳᠤ ᠰᠡᠳᠬᠢᠯᠭᠡ ᠵᠢ ᠦᠨᠡᠨᠬᠦ ᠨᠡᠮᠡᠭᠳᠡᠭᠦᠯᠵᠦ ᠪᠠᠢᠭᠠ ᠶᠤᠮ᠃
ᠤᠯᠠᠭᠠᠨ ᠪᠦᠴᠡᠳᠡᠨᠤ ᠪᠠᠬᠠᠷᠬᠠᠯ ᠤᠳᠤᠳᠤ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ
ᠤᠳᠤᠳᠤ ᠤᠳᠤᠳᠤ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ ᠪᠤᠯ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》 ᠲᠤᠳᠤᠷᠠᠬᠢ ᠬᠠᠮᠤᠭᠤᠨ ᠢᠷᠠᠭᠤ ᠠᠯᠳᠠᠷᠳᠤ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭ ᠪᠤᠯᠤᠨᠠ᠃
ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨᠤ ᠨᠢᠭᠡᠳᠦᠭᠡᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ 4.1 ᠠᠩᠬᠢᠶᠢᠨ ᠳᠡᠭᠦᠯᠢᠨ ᠪᠤᠯ ᠳᠤᠰ ᠬᠤᠭᠤᠴᠠᠭᠠᠨᠤ ᠬᠤᠰᠢᠭᠤᠨ ᠳᠡᠰᠤᠨ ᠬᠤᠶᠠᠷ ᠤᠳᠤᠳᠤ ᠳᠡᠮᠳᠡᠭᠢ ᠬᠦᠷᠳᠡᠭᠰᠡᠨ ᠰᠢᠯᠢᠳᠡᠭ ᠬᠡᠦᠬᠡᠳ ᠪᠤᠯᠤᠨᠠ᠃
— ᠳᠤᠰ ᠬᠤᠭᠤᠴᠠᠭᠠ ᠮᠠᠨᠤ ᠰᠤᠷᠭᠠᠭᠤᠯᠢ 《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》ᠤ᠋ᠨ ᠦᠨᠳᠦᠰᠦᠨ 12 ᠳᠡᠮᠳᠡᠭᠤᠨ ᠳᠤᠮᠳᠠ ᠡᠴᠡ 《ᠦᠭᠡᠳᠡᠯᠡᠨ ᠳᠠᠪᠰᠢᠭᠴᠢ》᠂ 《ᠪᠢᠴᠢᠬᠠᠨ ᠠᠨᠠᠷᠤᠨ ᠦᠷᠠ》᠂ 《ᠳᠠᠮᠢᠷᠴᠢᠨ》᠂ 《ᠬᠦᠳᠡᠯᠮᠦᠷᠢᠴᠢᠨ》 ᠭᠡᠬᠦ ᠳᠦᠷᠪᠡᠨ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭᠢ ᠰᠤᠩᠭᠤᠵᠤ ᠦᠷᠢᠰᠦᠯᠳᠦᠬᠡᠨ ᠦᠷᠨᠢᠭᠦᠯᠵᠡᠢ᠃ ᠡᠨᠡ ᠳᠦᠷᠪᠡᠨ ᠳᠡᠮᠳᠡᠭᠢ ᠪᠦᠬᠦᠨᠢ ᠤᠯᠤᠭᠰᠠᠨ ᠰᠤᠷᠤᠭᠴᠢ ᠰᠤᠷᠭᠠᠭᠤᠯᠢᠶᠢᠨ ᠳᠡᠰᠤᠨ ᠨᠢᠭᠡ ᠤᠳᠤᠳᠤ ᠲᠡᠮᠳᠡᠭᠢ ᠬᠦᠷᠳᠡᠨᠠ᠃ ᠳᠠᠷᠠᠭᠠ ᠨᠢ ᠬᠤᠰᠢᠭᠤᠨᠤ ᠰᠢᠯᠭᠠᠷᠠᠭᠤᠯᠤᠯᠳᠠᠳᠦ ᠳᠠᠪᠰᠢᠵᠤ᠂ ᠤᠯᠠᠨ ᠳᠠᠯᠠᠶᠢᠨ ᠦᠨᠡᠯᠡᠯᠳᠡ ᠪᠡᠷ ᠳᠠᠮᠵᠢᠨ ᠬᠤᠶᠠᠷ ᠤᠳᠤᠳᠤ ᠳᠡᠮᠳᠡᠭ ᠬᠦᠷᠳᠡᠬᠦ ᠪᠤᠯᠤᠨᠠ᠂ ᠡᠨᠡ ᠪᠤᠯ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠬᠦᠯᠦᠯ》 ᠤ᠋ᠨ ᠲᠤᠳᠤᠷᠠᠬᠢ ᠬᠤᠰᠢᠭᠤᠨ ᠲᠡᠰᠤᠨ ᠬᠠᠮᠤᠭᠤᠨ ᠲᠡᠭᠡᠳᠦ ᠢᠷᠠᠭᠤ ᠠᠯᠳᠠᠷ ᠮᠦᠨ ᠭᠡᠵᠦ ᠰᠤᠷᠭᠠᠭᠤᠯᠢᠶᠢᠨ ᠶᠡᠬᠡ ᠠᠩᠬᠢᠶᠢᠨ ᠵᠢᠭᠠᠨ ᠵᠢᠯᠤᠭᠤᠳᠤᠭᠴᠢ ᠵᠤᠤ ᠯᠢ ᠬᠤᠩ ᠪᠠᠭᠰᠢ ᠳᠠᠨᠢᠯᠴᠠᠭᠤᠯᠪᠠ᠃
ᠲᠡᠷᠡ ᠤᠯᠠᠨ ᠰᠤᠷᠤᠭᠴᠢᠳᠤᠨ ᠳᠤᠮᠳᠠ ᠡᠴᠡ ᠳᠦᠷᠪᠡᠨ ᠬᠦᠬᠢᠭᠦᠯᠦᠯᠤᠨ ᠳᠡᠮᠳᠡᠭᠢ ᠪᠦᠬᠦᠨᠢ ᠦᠷᠢᠰᠦᠯᠳᠦᠨ ᠤᠯᠬᠤ ᠭᠡᠭᠴᠢ ᠬᠢᠯᠪᠠᠷ ᠶᠠᠪᠤᠳᠠᠯ ᠪᠢᠰᠢ ᠠᠵᠠᠢ᠃
— ᠪᠢ ᠳᠠᠮᠢᠷᠤᠨ ᠤᠷᠤᠯᠳᠤᠭᠠᠨᠳᠦ ᠮᠠᠰᠢ ᠤᠯᠠᠨ ᠳᠦᠷᠦᠭᠦᠦ ᠱᠠᠩ ᠤᠯᠤᠭᠰᠠᠨ ᠰᠢᠤ ！ ᠨᠠᠢᠵᠠ ᠨᠠᠷᠲᠦ ᠪᠠᠨ ᠬᠦᠯ ᠪᠦᠮᠪᠦᠭᠡ ᠢᠰᠭᠦᠯᠬᠦ᠂ ᠳᠡᠭᠡᠰᠦ ᠦᠰᠦᠷᠬᠦ ᠪᠠ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ ᠵᠡᠷᠭᠡ ᠮᠡᠷᠭᠡᠵᠢᠯᠢ ᠵᠢᠭᠠᠵᠤ ᠦᠭᠴᠦ᠂ ᠡᠴᠦᠰ ᠲᠸ᠋ ᠪᠠᠨ《ᠳᠠᠮᠢᠷᠴᠢᠨ》ᠳᠡᠮᠳᠡᠭᠢ᠋ ᠤᠯᠤᠯᠠ᠃《ᠦᠭᠡᠳᠡᠯᠡᠨ ᠳᠠᠪᠰᠢᠭᠴᠢ》ᠳᠡᠮᠳᠡᠭᠢ᠋ ᠤᠯᠬᠤᠶᠢᠨ ᠲᠦᠯᠦᠭᠡ ᠰᠤᠷᠭᠠᠭᠤᠯᠢᠶᠢᠨᠢᠶᠡᠨ ᠤᠯᠠᠭᠠᠨ ᠪᠦᠴᠡᠳᠡᠨ ᠳᠠᠢᠯᠪᠤᠷᠢᠯᠠᠭᠴᠢ ᠪᠤᠯᠵᠠᠢ᠂ ᠳᠡᠭᠡᠭᠡᠳ ᠨᠠᠮᠤᠨ ᠳᠡᠦᠬᠡ᠂ ᠰᠢᠨᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠳᠡᠦᠬᠡ᠂ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ ᠳᠡᠦᠬᠡ ᠵᠡᠷᠭᠡ ᠵᠢ ᠤᠯᠠᠨ ᠴᠡᠭᠡᠵᠢᠯᠡᠭᠰᠡᠨ ᠶᠤᠮ᠃ ᠤᠶᠤᠨᠢᠶᠡᠨ ᠰᠤᠷᠢᠨ ᠤᠬᠠᠭᠠᠨᠢᠶᠡᠨ ᠳᠡᠯᠡᠵᠦ ᠶᠤᠰᠤᠳᠠᠢ ᠪᠠᠬᠠᠳᠠᠢ ᠭᠡᠵᠦ ᠳᠡᠭᠦᠯᠢᠨ ᠮᠠᠨᠢ 《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》 ᠤ᠋ᠨᠢᠶᠡᠨ ᠳᠤᠬᠠᠢ ᠦᠯᠢᠭᠡᠷᠢᠶᠡᠨ ᠪᠠᠶᠠᠷᠳᠠᠢ ᠬᠤᠪᠢᠶᠠᠯᠴᠠᠨᠠ᠃
ᠡᠢᠨᠬᠦ᠂ ᠤᠬᠠᠭᠠᠨ ᠪᠢᠯᠢᠭ ᠬᠤᠤᠰᠯᠠᠭᠰᠠᠨ ᠪᠠᠭᠠᠴᠤᠳᠤᠨ ᠬᠤᠰᠢᠭᠤᠴᠢ ᠠᠩᠬᠢᠶᠢᠨ ᠭᠡᠰᠢᠭᠦᠳ ᠮᠠᠨᠢ《ᠤᠯᠠᠭᠠᠨ ᠪᠦᠴᠡᠳᠡᠨᠤ ᠬᠦᠬᠢᠭᠦᠯᠦᠯ》 ᠡᠴᠡ ᠢᠷᠠᠭᠤ ᠠᠯᠳᠠᠷ ᠪᠠ ᠵᠤᠷᠢᠭᠵᠢᠭᠤᠯᠤᠯ ᠬᠦᠷᠳᠡᠵᠦ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠰᠢᠯᠢᠳᠡᠭ ᠪᠠᠭᠠᠴᠤᠳ ᠪᠤᠯᠬᠤ ᠪᠡᠷ ᠮᠡᠷᠡᠢᠵᠡᠭᠡᠨᠡ᠃