— ᠪᠢ ᠲᠠᠢᠺᠢᠨᠳᠤᠤ ᠰᠤᠷᠤᠭᠠᠳ ᠭᠤᠷᠪᠠᠨ ᠵᠢᠯ ᠭᠠᠷᠤᠢ ᠪᠤᠯᠵᠤ ᠪᠠᠢᠨᠠ᠃ ᠲᠠᠢᠺᠢᠨᠳᠤᠤ ᠰᠤᠷᠪᠠᠯ ᠪᠡᠶᠡ ᠮᠠᠬᠠᠪᠤᠳᠢᠶᠡᠨ ᠴᠢᠬᠢᠷᠠᠬᠵᠢᠭᠤᠯᠵᠦ᠂ ᠵᠤᠷᠢᠭ ᠰᠦᠰᠦ ᠪᠠᠨ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤᠮᠦᠷᠳᠡᠭᠡᠨ ᠦᠪᠡᠷᠤᠨ ᠪᠡᠶᠡ ᠪᠠᠨ ᠬᠠᠮᠠᠭᠠᠯᠠᠵᠤ ᠴᠢᠳᠠᠨᠠ ᠭᠡᠵᠦ ᠴᠠᠰᠤᠨᠠ ᠶᠠᠷᠢᠨᠠ᠃
ᠬᠦᠳᠡᠯᠦᠯ ᠪᠠᠷᠢᠯ ᠨᠢ ᠬᠦᠩᠭᠡᠨ᠂ ᠪᠤᠰᠢᠭᠤ᠂ ᠢᠳᠡᠯᠢᠭ ᠴᠠᠰᠤᠨᠠ ᠨᠢᠭᠡᠨᠲᠡ ᠲᠠᠢᠺᠢᠨᠳᠤᠤᠶᠢᠨ ᠨᠤᠭᠤᠭᠠᠨ ᠬᠦᠬᠡ ᠪᠦᠰᠡ ᠪᠦᠰᠡᠯᠡᠵᠡᠢ᠃ ᠨᠤᠭᠤᠭᠠᠨ ᠬᠦᠬᠡ ᠪᠦᠰᠡ ᠭᠡᠭᠴᠢ ᠲᠠᠢᠺᠢᠨᠳᠤᠤᠶᠢᠨ ᠮᠡᠷᠭᠡᠵᠢᠯᠤᠨ ᠲᠠᠪᠤᠳᠤᠭᠠᠷ ᠲᠡᠰ ᠭᠡᠰᠡᠨ ᠦᠭᠡ᠃ ᠲᠡᠷᠡ ᠪᠤᠯ ᠳᠦᠷᠪᠡᠳ ᠬᠤᠰᠢᠭᠤᠨᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ 5 ᠤᠨᠤ ᠰᠤᠷᠤᠬᠴᠢ᠂ ᠡᠨᠡ ᠵᠢᠯ 11 ᠨᠠᠰᠤᠲᠠᠢ᠃
ᠴᠠᠰᠤᠨᠠ ᠨᠠᠶ᠋ᠮᠠᠨ ᠨᠠᠰᠤᠲᠠᠢ ᠳ᠋ᠤ ᠪᠠᠨ ᠨᠢᠭᠡ ᠤᠳᠠᠭᠠ ᠲᠸᠯᠸᠢᠰ ᠡᠴᠡ ᠲᠠᠢᠺᠢᠨᠳᠤᠤᠶᠢᠨ ᠤᠷᠤᠯᠳᠤᠭᠠᠨᠢ ᠦᠵᠡᠭᠡᠳ ᠡᠷᠳᠡᠮ ᠴᠢᠳᠠᠪᠤᠷᠢ᠂ ᠠᠷᠭᠠ ᠰᠠᠮᠪᠠᠭᠠ᠂ ᠵᠤᠷᠢᠭ ᠵᠤᠯᠪᠤᠭᠠ ᠪᠦᠷᠢᠳᠦᠭᠰᠡᠨ ᠡᠮᠡᠭᠲᠡᠢ ᠲᠠᠮᠢᠷᠴᠢᠳᠢ ᠪᠠᠬᠠᠷᠬᠠᠵᠤ᠂ ᠬᠦᠳᠡᠯᠦᠯ ᠪᠠᠷᠢᠯᠢ ᠨᠢ ᠳᠠᠭᠤᠷᠢᠶᠠᠨ ᠬᠢᠪᠡ᠃ ᠬᠡᠤᠬᠡᠨᠤ ᠪᠠᠨ ᠬᠦᠭᠡᠷᠦᠬᠦᠨ ᠱᠤᠭ ᠲᠠᠢ ᠬᠦᠳᠡᠯᠦᠯ ᠪᠠᠷᠢᠯᠢ ᠬᠤᠭᠤᠯᠠ ᠪᠡᠯᠡᠳᠭᠡᠵᠤ ᠪᠠᠢᠬᠰᠠᠨ ᠡᠵᠢ ᠨᠢ ᠬᠠᠷᠠᠭᠠᠳ ᠲᠡᠰᠭᠡᠯ ᠦᠭᠡᠢ ᠢᠨᠢᠶᠡᠲᠤ ᠬᠦᠷᠴᠦ᠄《ᠮᠢᠨᠦ ᠬᠡᠤᠬᠡᠨ᠂ ᠲᠠᠢᠺᠢᠨᠳᠤᠤ ᠰᠤᠷᠬᠤ ᠰᠠᠨᠠᠭᠠ ᠲᠠᠢ ᠶᠤᠮᠤᠤ ？》ᠭᠡᠵᠤ ᠵᠦᠭᠡᠷ ᠨᠢᠭᠡ ᠠᠰᠠᠭᠤᠬᠰᠠᠨ ᠴᠢᠨᠢ ᠴᠠᠰᠤᠨᠠᠶᠢᠨ ᠰᠠᠨᠠᠭᠠ ᠲᠠᠢ ᠶᠠᠪ ᠴᠠᠪ ᠨᠡᠢᠴᠡᠭᠰᠡᠨ ᠪᠠᠢᠵᠠᠢ᠃
ᠢᠩᠬᠢᠭᠡᠳ ᠴᠠᠰᠤᠨᠠ ᠦᠪᠴᠢ ᠴᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠲᠠᠢᠺᠢᠨᠳᠤᠤᠶᠢᠨ ᠰᠤᠷᠤᠬᠴᠢ ᠪᠤᠯᠪᠠ᠃ ᠳᠤᠷᠠ ᠪᠠᠬᠠᠵᠢᠨᠢᠶᠡᠨ ᠲᠦᠯᠦᠭᠡ ᠴᠢᠷᠮᠠᠢᠬᠤ ᠰᠢᠭ᠋ ᠵᠢᠷᠭᠠᠯ ᠦᠭᠡᠷᠡ ᠶᠠᠭᠤ ᠪᠠᠢᠬᠤᠪ ？ ᠲᠡᠷᠡ ᠠᠮᠠᠷᠠᠯᠲᠠᠶᠢᠨ ᠴᠠᠭᠢᠶᠡᠷᠢᠶᠡᠨ ᠡᠷᠲᠡᠯᠡᠵᠤ ᠤᠷᠤᠢᠯᠠᠨ᠂ ᠬᠠᠳᠠᠭᠤᠵᠢᠯᠲᠠᠢ ᠪᠤᠯᠪᠠᠰᠤᠷᠠᠬᠰᠠᠨ ᠡᠴᠡ ᠤᠬᠤᠷᠬᠠᠨ 2 ᠵᠢᠯᠤᠨ ᠬᠤᠭᠤᠴᠠᠭᠠᠨᠳᠤ ᠨᠤᠭᠤᠭᠠᠨ ᠬᠦᠬᠡ ᠪᠦᠰᠡ ᠪᠦᠰᠡᠯᠡᠬᠦ ᠪᠤᠯᠪᠠ᠃
— ᠬᠡᠤᠬᠡᠨ ᠮᠢᠨᠢ ᠲᠠᠢᠺᠢᠨᠳᠤᠤ ᠰᠤᠷᠬᠤ ᠶᠠᠪᠤᠴᠠ ᠳ᠋ᠤ ᠬᠦᠯ ᠭᠠᠷ ᠨᠢ ᠤᠯᠠᠨᠳᠠ ᠡᠪᠡᠳᠴᠤ ᠬᠠᠪᠤᠳᠤᠬᠰᠠᠨ᠃ ᠬᠡᠢᠰᠴᠤ ᠢᠷᠡᠭᠰᠡᠨ ᠶᠠᠭᠤᠮᠠ ᠭᠡᠵᠦ ᠪᠠᠢᠳᠠᠭ ᠦᠬᠡᠢ ᠪᠤᠯᠬᠤᠷ ᠶᠠᠮᠠᠷ ᠡᠷᠳᠡᠮᠢ ᠰᠤᠷᠤᠬᠰᠠᠨᠴᠤ ᠬᠦᠴᠦ ᠬᠦᠯᠦᠰᠦ ᠤᠷᠤᠰᠬᠠᠬᠤ ᠶᠤᠰᠤᠳᠠᠢ ᠭᠡᠵᠤ ᠡᠵᠢ ᠨᠢ ᠶᠠᠷᠢᠨᠠ᠃
ᠬᠤᠷᠢ ᠭᠠᠷᠤᠢ ᠵᠢᠯ ᠪᠠᠬᠰᠢᠶᠢᠨ ᠠᠯᠪᠠᠨ ᠳ᠋ᠤ ᠵᠢᠳᠭᠦᠵᠦ ᠢᠷᠡᠭᠰᠡᠨ ᠡᠵᠢ ᠨᠢ ᠦᠪᠡᠷᠤᠨ ᠬᠡᠤᠬᠡᠳ᠂ ᠦᠷᠦᠭᠡᠯᠤᠨ ᠬᠡᠤᠬᠡᠳ ᠭᠡᠵᠤ ᠢᠯᠭᠠᠯ ᠦᠭᠡᠢ ᠡᠷᠳᠡᠮ ᠮᠡᠳᠡᠯᠭᠡ ᠪᠠᠨ ᠶᠡᠬᠦᠯᠡᠵᠤ᠂ ᠬᠠᠳᠠᠭᠤ ᠴᠢᠨᠭᠭᠠ ᠱᠠᠭᠠᠷᠳᠠᠳᠠᠭ ᠪᠠᠢᠯᠠ᠃ ᠡᠢᠨᠬᠦ᠂ ᠪᠠᠬᠰᠢ ᠡᠵᠢᠶᠢᠨᠢᠶᠡᠨ ᠴᠢᠨᠭᠭᠠ ᠬᠦᠮᠦᠵᠢᠯ ᠳᠤᠤᠷᠠ ᠴᠠᠰᠤᠨᠠ ᠴᠸ᠋ ᠪᠡᠶᠡ ᠪᠠᠨ ᠳᠠᠭᠠᠭᠠᠵᠤ ᠦᠪᠡᠷᠤᠨ ᠶᠠᠪᠤᠳᠠᠯᠢᠶᠡᠨ ᠬᠢᠯᠠᠷᠠᠲᠠᠯᠠ ᠬᠢᠬᠦ ᠳᠠᠳᠬᠠᠯ ᠲᠠᠢ ᠪᠤᠯᠵᠠᠢ᠃
— ᠬᠡᠤᠬᠡᠨ ᠮᠢᠨᠢ ᠤᠯᠠᠨ ᠭᠠᠵᠠᠷᠢᠶᠡᠷ ᠤᠯᠠᠨ ᠵᠦᠢᠯᠤᠨ ᠤᠷᠤᠯᠳᠤᠭᠠᠨᠳᠤ ᠶᠠᠪᠤᠳᠠᠭ᠃ ᠭᠡᠪᠡᠴᠦ ᠪᠢ ᠪᠤᠰᠤᠳᠤᠨ ᠠᠪᠤ ᠡᠵᠢ ᠲᠠᠢ ᠠᠳᠠᠯᠢᠬᠠᠨ ᠳᠠᠭᠠᠵᠤ ᠶᠠᠪᠤᠳᠠᠭ ᠦᠭᠡᠢ᠃ ᠦᠬᠢᠨ ᠮᠢᠨᠢ ᠰᠤᠷᠭᠠᠬᠴᠢ ᠪᠠᠨ ᠳᠠᠭᠠᠵᠤ ᠶᠠᠪᠤᠭᠠᠳ ᠱᠠᠨᠭᠨᠠᠯᠢᠶᠡᠨ ᠳᠡᠪᠡᠷᠢᠭᠡᠳ ᠢᠷᠡᠳᠡᠭ᠃ ᠢᠨᠭᠬᠢᠬᠦ ᠨᠢ ᠬᠡᠤᠬᠡᠨᠤ ᠮᠢᠨᠢ ᠪᠡᠶᠡ ᠪᠠᠨ ᠳᠠᠭᠠᠭᠠᠬᠤ᠂ ᠬᠦᠴᠢᠷ ᠪᠡᠷᠭᠡᠰᠢᠶᠡᠯᠢ ᠢᠯᠠᠨ ᠳᠠᠪᠠᠬᠤ ᠵᠢᠴᠢ ᠵᠤᠷᠢᠭ ᠰᠦᠰᠦᠶᠢ ᠨᠢ ᠲᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤᠳᠤ ᠲᠤᠰᠠ ᠳᠠᠢ ᠪᠤᠯᠤᠬᠰᠠᠨ ᠭᠡᠵᠤ ᠡᠵᠢ ᠨᠢ ᠤᠴᠢᠷᠯᠠᠨᠠ᠃
ᠤᠷᠤᠯᠳᠤᠭᠠᠨ ᠮᠦᠷᠦᠢᠴᠡᠭᠡᠨᠢᠶᠡᠷ ᠳᠠᠮᠵᠢᠨ ᠤᠷᠠ ᠳᠡᠮᠢᠶᠡᠨ ᠭᠠᠢᠬᠠᠭᠤᠯᠵᠤ᠂ ᠡᠵᠡᠮᠰᠢᠭᠰᠡᠨ ᠮᠡᠷᠭᠡᠵᠢᠯᠢᠶᠡᠨ ᠬᠢᠨᠠᠨ ᠦᠨᠡᠯᠡᠭᠦᠯᠳᠡᠭ ᠨᠢ ᠲᠠᠢᠺᠢᠨᠳᠤᠤᠶᠢᠨ ᠵᠢᠮᠠ᠃ ᠲᠠᠢᠺᠢᠨᠳᠤᠤᠶᠢᠨ ᠳᠡᠰ ᠪᠦᠷᠢᠶᠢᠨ ᠤᠨᠴᠠᠯᠢᠭ ᠱᠠᠭᠠᠷᠳᠠᠯᠭᠠ ᠵᠢ ᠦᠨᠳᠦᠰᠦᠯᠡᠵᠤ ᠰᠢᠯᠭᠠᠯᠲᠠᠶᠢᠨ ᠠᠭᠤᠯᠭᠠ ᠪᠠᠨᠴᠤ ᠠᠳᠠᠯᠢ ᠦᠭᠡᠢ ᠲᠤᠬᠢᠷᠠᠭᠤᠯᠳᠠᠭ᠃ ᠡᠬᠦᠨᠳᠤ᠂ ᠦᠨᠳᠦᠰᠦᠨ ᠬᠦᠳᠡᠯᠦᠯ ᠪᠠᠷᠢᠯ᠂ ᠬᠦᠯᠤᠨ ᠡᠷᠳᠡᠮ᠂ ᠨᠢᠳᠤᠷᠭᠠᠶᠢᠨ ᠡᠷᠳᠡᠮ᠂ ᠴᠦᠷᠭᠡᠯᠡᠭᠡ ᠡᠷᠳᠡᠮ᠂ ᠤᠷᠤᠯᠳᠤᠭᠴᠢᠶᠢᠨ ᠪᠡᠶᠡ ᠮᠠᠬᠠᠪᠤᠳᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠵᠡᠷᠭᠡ ᠠᠳᠠᠯᠢ ᠪᠤᠰᠤ ᠲᠠᠯᠠᠳᠤ ᠬᠢᠨᠡᠨ ᠰᠢᠯᠭᠠᠯᠲᠠ ᠬᠢᠳᠡᠭ᠃ ᠤᠢᠯᠠᠭᠠᠬᠰᠠᠨᠢᠶᠡᠷ᠂ ᠬᠡᠤᠬᠡᠳ ᠪᠦᠬᠦᠯᠢ 6 ᠨᠠᠰᠤᠯᠠᠪᠠᠯ ᠲᠠᠢᠺᠢᠨᠳᠤᠤᠡᠬᠢᠯᠡᠵᠤ ᠰᠤᠷᠴᠤ ᠪᠤᠯᠬᠤ ᠪᠦᠭᠡᠳ ᠬᠠᠮᠤᠭᠤᠨ ᠳᠡᠭᠡᠲᠤ ᠳᠡᠰᠤᠨ ᠬᠠᠷᠠ ᠪᠦᠰᠡᠶᠢ ᠪᠦᠬᠦᠯᠢ 15 ᠨᠠᠰᠤᠯᠠᠪᠠᠯ ᠰᠢᠯᠭᠠᠵᠤ ᠪᠤᠯᠳᠠᠭ᠃
ᠴᠠᠰᠤᠨᠠ 3 ᠵᠢᠯᠤᠨ ᠬᠤᠭᠤᠴᠠᠭᠠᠨᠳᠤ ᠤᠷᠠ ᠠᠪᠢᠶᠠᠰ᠂ ᠡᠷᠡᠮᠡᠬᠡᠢ ᠵᠤᠷᠢᠭᠢᠶᠡᠨ ᠪᠠᠳᠠᠷᠠᠭᠤᠯᠵᠦ᠂ ᠡᠩᠭᠡᠷ ᠳᠦᠭᠦᠷᠡᠩ ᠱᠠᠩᠨᠠᠯ ᠬᠦᠷᠳᠡᠭᠰᠡᠨ᠃ 2020 ᠤᠨᠤ 10 ᠰᠠᠷᠠᠳᠤ ᠬᠦᠬᠡᠬᠤᠲᠠᠨᠠ ᠶᠠᠪᠤᠭᠳᠠᠭᠰᠠᠨ ᠪᠦᠬᠦ ᠤᠷᠤᠨᠤ《CK ᠬᠤᠨᠳᠠᠭᠠᠲᠤ》ᠲᠠᠢᠺᠢᠨᠳᠤᠤᠶᠢᠨ ᠤᠷᠤᠯᠳᠤᠭᠠᠨᠳᠤ ᠬᠤᠶᠠᠷ ᠮᠢᠨᠭᠭᠠ ᠭᠠᠷᠤᠢ ᠬᠡᠤᠬᠡᠳᠤᠨ ᠳᠤᠮᠳᠠ ᠡᠴᠡ ᠴᠤᠯᠭᠤᠷᠠᠨ ᠭᠠᠷᠴᠤ ᠮᠦᠩᠬᠦᠨ ᠮᠸᠳ᠋ᠠᠯ ᠭᠠᠷᠳᠠᠵᠤ ᠪᠢᠯᠡ᠃
《ᠲᠠᠢᠺᠢᠨᠳᠤᠤᠶᠢᠨ ᠬᠠᠮᠤᠭᠤᠨ ᠳᠡᠭᠡᠲᠤ ᠳᠡᠰᠤᠨ ᠬᠠᠷᠠ ᠪᠦᠰᠡ ᠪᠤᠯ ᠮᠢᠨᠦ ᠡᠴᠦᠰᠤᠨ ᠲᠡᠮᠡᠴᠡᠬᠦ ᠬᠠᠷᠠᠯᠲᠠ ᠪᠤᠯᠤᠨᠠ᠂ ᠪᠢ ᠡᠳᠦᠷ ᠪᠦᠷᠢ ᠰᠠᠢᠨ ᠪᠤᠯᠪᠠᠰᠤᠷᠠᠵᠤ ᠪᠠᠢᠨᠠ》ᠭᠡᠵᠤ ᠴᠠᠰᠤᠨᠠ ᠵᠤᠷᠢᠬᠰᠠᠨ ᠵᠦᠭᠲᠤ ᠪᠠᠨ ᠲᠡᠮᠡᠤᠯᠵᠤ ᠶᠠᠪᠤᠨᠠ᠃
ᠤᠨᠭᠰᠢᠪᠤᠷᠢ᠄
ᠲᠠᠢᠺᠢᠨᠳᠤᠤᠶᠢᠨ ᠳᠡᠰᠢ ᠪᠦᠰᠡᠶᠢᠨ ᠦᠨᠭᠭᠡ ᠪᠡᠷ ᠢᠯᠭᠠᠵᠤ ᠬᠤᠪᠢᠶᠠᠳᠠᠭ᠃ ᠴᠠᠭᠠᠨ ᠪᠦᠰᠡ ᠨᠢ ᠬᠠᠮᠤᠭ ᠳᠤᠤᠷᠠ ᠳᠡᠰ ᠪᠠᠢᠵᠤ᠂ 10᠂ 9 ᠳ᠋ᠤᠭᠡᠷ ᠳᠡᠰ ᠢ᠋ ᠲᠦᠯᠦᠭᠡᠯᠡᠵᠤ᠂ ᠰᠢᠷᠡ ᠪᠦᠰᠡ ᠨᠢ 8 ᠳ᠋ᠤᠭᠠᠷ ᠳᠡᠰᠢ᠂ ᠰᠢᠷᠡ ᠨᠤᠭᠤᠭᠠᠨ ᠪᠦᠰᠡ ᠨᠢ 7 ᠳ᠋ᠤᠭᠠᠷ ᠳᠡᠰᠢ᠂ ᠨᠤᠭᠤᠭᠠᠨ ᠪᠦᠰᠡ ᠨᠢ 6 ᠳ᠋ᠤᠭᠠᠷ ᠳᠡᠰᠢ᠂ ᠨᠤᠭᠤᠭᠠᠨ ᠬᠦᠬᠡ ᠪᠦᠰᠡ ᠨᠢ 5 ᠳ᠋ᠤᠭᠠᠷ ᠳᠡᠰᠢ᠂ ᠬᠦᠭᠡ ᠪᠦᠰᠡ ᠨᠢ 4 ᠳ᠋ᠤᠭᠡᠷ ᠳᠡᠰᠢ᠂ ᠬᠦᠬᠡ ᠤᠯᠠᠭᠠᠨ ᠪᠦᠰᠡ ᠨᠢ 3 ᠳ᠋ᠤᠭᠠᠷ ᠳᠡᠰᠢ᠂ ᠤᠯᠠᠭᠠᠨ ᠪᠦᠰᠡ ᠨᠢ 2 ᠳ᠋ᠤᠭᠠᠷ ᠳᠡᠰᠢ᠂ ᠤᠯᠠᠭᠠᠨ ᠬᠠᠷᠠ ᠪᠦᠰᠡ ᠨᠢ 1 ᠳ᠋ᠤᠭᠡᠷ ᠳᠡᠰᠢ ᠲᠦᠯᠦᠭᠡᠯᠡᠵᠦ᠂ ᠬᠠᠮᠤᠭᠤᠨ ᠳᠡᠭᠡᠲᠤ ᠳᠡᠰ ᠨᠢ ᠬᠠᠷᠠ ᠪᠦᠰᠡ ᠵᠡᠭᠦᠳᠡᠭ᠃
ᠤᠨᠭᠰᠢᠪᠤᠷᠢ᠄
ᠲᠠᠢᠺᠢᠨᠳᠤᠤᠶᠢᠨ ᠳᠡᠰᠢ ᠪᠦᠰᠡᠶᠢᠨ ᠦᠨᠭᠭᠡ ᠪᠡᠷ ᠢᠯᠭᠠᠵᠤ ᠬᠤᠪᠢᠶᠠᠳᠠᠭ᠃ ᠴᠠᠭᠠᠨ ᠪᠦᠰᠡ ᠨᠢ ᠬᠠᠮᠤᠭ ᠳᠤᠤᠷᠠ ᠳᠡᠰ ᠪᠠᠢᠵᠤ᠂ 10᠂ 9 ᠳ᠋ᠤᠭᠡᠷ ᠳᠡᠰ ᠢ᠋ ᠲᠦᠯᠦᠭᠡᠯᠡᠵᠤ᠂ ᠰᠢᠷᠡ ᠪᠦᠰᠡ ᠨᠢ 8 ᠳ᠋ᠤᠭᠠᠷ ᠳᠡᠰᠢ᠂ ᠰᠢᠷᠡ ᠨᠤᠭᠤᠭᠠᠨ ᠪᠦᠰᠡ ᠨᠢ 7 ᠳ᠋ᠤᠭᠠᠷ ᠳᠡᠰᠢ᠂ ᠨᠤᠭᠤᠭᠠᠨ ᠪᠦᠰᠡ ᠨᠢ 6 ᠳ᠋ᠤᠭᠠᠷ ᠳᠡᠰᠢ᠂ ᠨᠤᠭᠤᠭᠠᠨ ᠬᠦᠬᠡ ᠪᠦᠰᠡ ᠨᠢ 5 ᠳ᠋ᠤᠭᠠᠷ ᠳᠡᠰᠢ᠂ ᠬᠦᠭᠡ ᠪᠦᠰᠡ ᠨᠢ 4 ᠳ᠋ᠤᠭᠡᠷ ᠳᠡᠰᠢ᠂ ᠬᠦᠬᠡ ᠤᠯᠠᠭᠠᠨ ᠪᠦᠰᠡ ᠨᠢ 3 ᠳ᠋ᠤᠭᠠᠷ ᠳᠡᠰᠢ᠂ ᠤᠯᠠᠭᠠᠨ ᠪᠦᠰᠡ ᠨᠢ 2 ᠳ᠋ᠤᠭᠠᠷ ᠳᠡᠰᠢ᠂ ᠤᠯᠠᠭᠠᠨ ᠬᠠᠷᠠ ᠪᠦᠰᠡ ᠨᠢ 1 ᠳ᠋ᠤᠭᠡᠷ ᠳᠡᠰᠢ ᠲᠦᠯᠦᠭᠡᠯᠡᠵᠦ᠂ ᠬᠠᠮᠤᠭᠤᠨ ᠳᠡᠭᠡᠲᠤ ᠳᠡᠰ ᠨᠢ ᠬᠠᠷᠠ ᠪᠦᠰᠡ ᠵᠡᠭᠦᠳᠡᠭ᠃