ᠪᠢᠴᠢᠬᠠᠨ ᠨᠠᠢᠵᠠ ᠨᠠᠷ ᠮᠢᠨᠢ᠂ ᠬᠤᠨᠢᠨ᠎ᠤ ᠨᠤᠤᠰᠤ ᠭᠠᠬᠠᠢ᠎ᠶᠢᠨ ᠪᠡᠶ᠎ᠡ ᠲᠠᠢ ᠠᠮᠢᠳᠠᠨ᠎ᠢ ᠦᠵᠡᠵᠦ ᠪᠠᠢᠪᠠᠤ ？ ᠳᠡᠷᠡ ᠨᠢ ᠡᠭᠦᠯᠳᠡᠷ ᠰᠠᠢᠵᠢᠷᠠᠭᠤᠯᠬᠤ ᠮᠡᠷᠭᠡᠵᠢᠯ᠎ᠳᠦ ᠳᠦᠰᠢᠭᠯᠡᠭᠰᠡᠨ ᠪᠢᠰᠢ᠂ ᠬᠠᠷᠢᠨ ᠵᠡᠷᠯᠢᠭ ᠭᠠᠬᠠᠢ ᠡᠴᠡ ᠤᠯᠠᠷᠢᠨ ᠢᠷᠡᠭᠰᠡᠨ ᠡᠸᠥ᠋ᠷᠥᠫᠡ ᠲᠢᠪ᠎ᠲᠦ ᠪᠠᠢᠳᠠᠭ ᠨᠢᠭᠡ ᠲᠦᠷᠦᠯ᠎ᠤᠨ ᠭᠠᠬᠠᠢ ᠪᠤᠯᠤᠨ᠎ᠠ᠃ ᠳᠡᠭᠦᠨ᠎ᠢ Mangtalitsa Pigs ᠪᠤᠶᠤ 《ᠬᠤᠨᠢᠨᠴᠢᠷ ᠭᠠᠬᠠᠢ》 ᠭᠡᠮᠡᠳᠡᠭ᠃ ᠬᠤᠨᠢᠨᠴᠢᠷ ᠭᠠᠬᠠᠢ ᠪᠤᠯ ᠳᠡᠯᠡᠬᠡᠢ ᠳᠡᠭᠡᠷᠡᠬᠢ ᠬᠠᠮᠤᠭ ᠵᠤᠵᠠᠭᠠᠨ ᠦᠭᠡᠬᠦ ᠲᠠᠢ ᠭᠠᠬᠠᠢ ᠪᠤᠯᠤᠨ᠎ᠠ᠂ ᠳᠠᠷᠤᠢ ᠡᠩ᠎ᠤᠨ ᠳᠡᠵᠢᠭᠡᠪᠦᠷᠢ ᠭᠠᠬᠠᠢ᠎ᠶᠢᠨ ᠦᠭᠡᠬᠦ ᠨᠢ ᠭᠠᠬᠠᠢ᠎ᠶᠢᠨ ᠳᠤᠰ ᠪᠡᠶᠡᠨ᠎ᠤ 25%—30% ᠵᠢ ᠡᠵᠡᠯᠡᠳᠡᠭ ᠪᠤᠯ ᠬᠤᠨᠢᠨᠴᠢᠷ ᠭᠠᠬᠠᠢ᠎ᠶᠢᠨ ᠦᠭᠡᠬᠦ ᠨᠢ ᠪᠠᠷᠤᠭ 70% ᠵᠢ ᠡᠵᠡᠯᠡᠨ᠎ᠡ᠃ ᠭᠡᠬᠦ᠎ᠳᠦ ᠬᠤᠨᠢᠨᠴᠢᠷ ᠭᠠᠬᠠᠢ᠎ᠶᠢᠨ ᠦᠷᠡᠵᠢᠯᠳᠡ ᠨᠢᠭᠡᠨ ᠦᠶ᠎ᠡ ᠵᠤᠭᠰᠤᠩᠭᠤᠢᠷᠠᠵᠤ᠂ 1970 ᠤᠨ ᠪᠤᠯᠬᠤ᠎ᠳᠦ  ᠪᠦᠬᠦ ᠳᠡᠯᠡᠬᠡᠢ᠎ᠳᠦ ᠠᠷᠠᠢ 200 ᠳᠤᠯᠤᠭᠠᠢ᠎ᠴᠤ ᠬᠦᠷᠬᠦ ᠦᠭᠡᠢ ᠪᠤᠯᠪᠠ᠃ ᠡᠭᠦᠨ ᠡᠴᠡ ᠡᠮᠦᠨ᠎ᠡ᠂ ᠠᠩᠭᠯᠢ᠎ᠳᠦ ᠪᠠᠢᠳᠠᠭ ᠬᠤᠷᠭᠤᠯᠵᠢᠨ ᠦᠰᠦᠳᠦ ᠭᠠᠬᠠᠢ ᠤᠰᠠᠳᠤᠭᠰᠠᠨ ᠡᠴᠡ ᠰᠤᠷᠭᠠᠮᠵᠢ ᠠᠪᠴᠤ ᠂ 1994 ᠤᠨ᠎ᠳᠦ ᠬᠠᠩᠭᠠᠷᠢ᠎ᠶᠢᠨ ᠬᠢᠨ ᠳᠤᠰ ᠡᠭᠦᠯᠳᠡᠷ᠎ᠤᠨ ᠭᠠᠬᠠᠢ ᠵᠢ ᠬᠠᠮᠠᠭᠠᠯᠠᠨ ᠦᠷᠡᠵᠢᠭᠦᠯᠵᠦ ᠡᠬᠢᠯᠡᠪᠡ᠃