ᠡᠷᠬᠡ ᠰᠦᠷᠲᠦ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠤ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠬᠠᠯᠠᠮᠱᠢᠯ ᠠᠰᠠᠭᠤᠳᠠᠯᠤᠨ ᠲᠤᠬᠠᠢ ᠲᠠᠢᠯᠤᠮᠵᠢ
ᠣᠳᠣᠬᠠᠨᠳᠤ᠂ ᠬᠢᠵᠢᠭᠦᠨ ᠪᠠᠢᠳᠠᠯ ᠣᠯᠠᠨ ᠭᠠᠵᠠᠷᠲᠤ ᠲᠠᠷᠬᠠᠵᠤ ᠪᠠᠢᠬᠤᠶ᠋ᠢᠨ ᠬᠠᠮᠲᠤ ᠨᠠᠮᠤᠷ ᠡᠪᠦᠯᠦᠨ ᠤᠯᠠᠷᠢᠯ ᠪᠣᠯ ᠬᠡᠦᠬᠡᠳᠦᠨ ᠠᠮᠢᠰᠭᠤᠯᠤᠨ ᠵᠠᠮᠤᠨ ᠡᠪᠡᠳᠴᠢᠨ ᠶᠡᠭᠡ ᠬᠠᠯᠳᠠᠪᠤᠷᠢᠯᠠᠬᠤ ᠤᠯᠠᠷᠢᠯ ᠪᠣᠯᠤᠨᠠ᠃ ᠬᠡᠷᠪᠡ ᠬᠡᠦᠬᠡᠳ ᠬᠠᠯᠠᠭᠤᠷᠠᠬᠤ᠂ ᠬᠠᠨᠢᠶᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠭᠠᠷᠪᠠᠯ ᠶᠠᠭᠠᠬᠢᠬᠤ ᠪᠣᠶ？ ᠡᠮ ᠬᠡᠷᠡᠭ᠌ᠯᠡᠬᠦ᠌ ᠦᠶᠡᠰ ᠶᠠᠮᠠᠷ ᠠᠩᠬᠠᠷᠬᠤ ᠵᠦᠶ᠋ᠯ ᠪᠠᠢᠬᠤ ᠪᠣᠶ？ ᠲᠥᠷᠥᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠨᠤ ᠬᠤᠯᠪᠤᠭᠠᠯᠠᠨ ᠰᠡᠷᠭᠡᠢᠯᠡᠵᠦ᠍ ᠬᠤᠯᠪᠤᠭᠠᠯᠠᠨ ᠡᠵᠡᠮᠳᠡᠬᠦ᠌ ᠲᠣᠭ᠍ᠲᠡᠴᠡ ᠡᠴᠡ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠲᠠᠢᠯᠤᠮᠵᠢ ᠬᠢᠯᠭᠡᠪᠡ᠃
ᠨᠡᠢᠰᠯᠡᠯᠦᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠷᠢᠶᠠᠲᠤ ᠪᠡᠭᠡᠵᠢᠩᠦᠨ ᠬᠡᠦᠬᠡᠳᠦᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠪᠠᠴᠢᠮ ᠠᠪᠤᠷᠠᠯᠳᠠ ᠵᠢᠨ ᠰᠠᠯᠠᠭᠠᠨᠤ ᠡᠷᠬᠢᠯᠡᠭ᠌ᠴᠢ ᠸᠠᠩ ᠴᠢᠤᠸᠠᠨ᠄《ᠬᠡᠦᠬᠡᠳᠦᠨ ᠠᠮᠢᠰᠭᠤᠯᠤᠨ ᠵᠠᠮᠤᠨ ᠬᠠᠯᠳᠠᠪᠤᠷᠢᠯᠠᠯᠢ ᠡᠭᠦᠰᠭᠡᠬᠦ᠌ ᠡᠪᠡᠳᠴᠢᠨ ᠡᠭᠦᠰᠭᠡᠭ᠌ᠴᠢ ᠮᠠᠰᠢ ᠣᠯᠠᠨ ᠪᠠᠢᠳᠠᠭ᠂ ᠵᠢᠱ᠌ᠢᠶᠡᠯᠡᠪᠡᠯ ᠦᠷᠭᠦᠯᠵᠢ ᠲᠣᠬᠢᠶᠠᠯᠳᠤᠳᠠᠭ ᠬᠠᠮᠠᠷᠤᠨ ᠸᠢᠷᠦ᠋ᠰ᠂ ᠳᠡᠳ᠋ ᠲᠠᠭ᠍ᠰᠢᠭᠤᠷᠤᠨ ᠸᠢᠷᠦ᠋ᠰ᠂ ᠲᠠᠭ᠍ᠰᠢᠭᠤᠷᠤᠨ ᠸᠢᠷᠦ᠋ᠰ᠂ ᠣᠳᠣᠬᠠᠨᠳᠤ ᠵᠣᠬᠢᠬᠤ ᠬᠡᠮᠵᠢᠶᠡᠪᠡᠷ ᠳᠡᠯᠭᠡᠷᠡᠵᠦ᠍ ᠪᠠᠢᠭᠠ ᠱᠢᠨᠡ ᠲᠢᠲᠢᠮᠯᠢᠭ ᠸᠢᠷᠦ᠋ᠰ᠂ ᠠᠭᠤᠰᠭᠢᠨ ᠦᠷᠪᠢᠰᠦᠯᠦᠨ ᠭᠢᠨᠵᠢᠨ ᠪᠠᠺᠲ᠋ᠧᠷᠢ᠂ ᠲᠠᠭ᠍ᠰᠢᠭᠤᠷᠤᠨ ᠴᠢᠰᠤᠨᠰᠠᠭ ᠰᠠᠪᠬᠠᠨᠴᠢᠷ ᠪᠠᠺᠲ᠋ᠧᠷᠢ ᠵᠡᠷᠭᠡ ᠪᠣᠶ᠃ ᠣᠯᠠᠩᠬᠢ ᠡᠪᠡᠳᠴᠢᠨ ᠡᠭᠦᠰᠭᠡᠭ᠌ᠴᠢᠡᠴᠡ ᠡᠭᠦᠰᠦᠭ᠌ᠰᠡᠨ ᠠᠮᠢᠰᠭᠤᠯᠤᠨ ᠵᠠᠮᠤᠨ ᠬᠠᠯᠳᠠᠪᠤᠷᠢᠯᠠᠯᠨᠢ ᠭᠤᠤᠯᠳᠠᠭᠤ ᠬᠠᠯᠠᠭᠤᠷᠠᠵᠤ ᠬᠠᠨᠢᠶᠠᠯᠭᠠᠬᠤᠢᠯᠡᠷᠡᠯ ᠲᠠᠢ ᠪᠠᠢᠳᠠᠭ᠂ ᠡᠩᠦᠨ ᠪᠠᠢᠳᠠᠯ ᠳᠤᠤᠷᠠ ᠬᠠᠯᠠᠭᠤᠷᠠᠯᠤᠨ ᠬᠤᠭᠤᠴᠠᠭᠠᠨᠢ ᠪᠠᠷᠤᠭ 2 ᠡᠴᠡ 3 ᠡᠳᠦᠷ ᠣᠷᠴᠢᠮ ᠦᠷᠭᠦᠯᠵᠢᠯᠡᠵᠦ᠍᠂ ᠡᠪᠡᠳᠴᠢᠨᠦ ᠶᠠᠪᠤᠴᠠᠨᠢ ᠪᠠᠷᠤᠭ 3 ᠡᠴᠡ 5 ᠡᠳᠦᠷ ᠣᠷᠴᠢᠮ ᠪᠠᠢᠳᠠᠭ》 ᠭᠡᠪᠡ᠃
ᠸᠠᠩ ᠴᠢᠤᠸᠠᠠ᠄《ᠵᠠᠷᠢᠮ ᠬᠡᠷᠦᠨ ᠠᠬᠠᠮᠠᠳ᠂ ᠬᠡᠦᠬᠡᠳ ᠬᠠᠯᠠᠭᠤᠷᠠᠪᠠᠯ ᠳᠠᠷᠤᠢᠬᠠᠨ ᠡᠮᠨᠡᠯᠭᠡᠳᠦ ᠣᠴᠢᠬᠤ ᠬᠡᠷᠡᠭ᠌ᠲᠡᠶ ᠭᠡᠮᠡᠨ ᠰᠠᠨᠳᠤᠷᠳᠠᠭ᠂ ᠦᠨᠡᠨᠳᠡᠭᠡᠨ ᠢᠩᠭᠢᠬᠦ᠌ ᠴᠢᠬᠤᠯᠠ ᠥᠬᠡᠶ᠃ ᠬᠡᠦᠬᠡᠳ ᠬᠠᠯᠠᠭᠤᠷᠠᠬᠤᠢᠯᠡᠷᠡᠯ ᠭᠠᠷᠤᠭᠰᠠᠨ ᠪᠤᠯᠪᠠᠴᠤ ᠪᠠᠢᠳᠠᠯ ᠨᠢ ᠵᠦᠭᠡᠷ᠂ ᠢᠯᠠᠩᠭᠤᠶᠠ ᠪᠡᠶᠡᠶ᠋ᠢᠨ ᠲᠤᠯᠠᠭᠠᠨ ᠨᠢ ᠪᠠᠭᠤᠷᠠᠭᠰᠠᠨᠤ ᠲᠠᠷᠠᠭᠠ ᠡᠩᠤᠨ ᠦᠶᠡ ᠲᠠᠢᠪᠡᠨ ᠠᠳᠠᠯᠢ ᠪᠤᠯᠤᠭᠰᠠᠨ ᠦᠶᠡ ᠳᠤ ᠡᠮᠨᠡᠯᠭᠡᠳᠦ ᠣᠴᠢᠬᠤ ᠬᠡᠷᠡᠭ ᠥᠬᠡᠶ᠂ ᠬᠡᠷᠲᠡᠬᠡᠨ ᠡᠪᠡᠳᠴᠢᠨᠳᠦᠨᠢ ᠲᠣᠬᠢᠷᠠᠭᠤᠯᠤᠨ ᠱᠢᠶ᠋ᠳᠪᠦᠷᠢᠯᠡᠵᠦ᠍ ᠪᠣᠯᠤᠨᠠ᠂ ᠪᠠᠰᠠ ᠢᠨᠲ᠋ᠸᠷ ᠰᠦᠯᠵᠢᠶᠡᠨᠦ ᠡᠮᠴᠢᠯᠡᠭᠡ᠂ ᠨᠡᠢᠭᠡᠮ ᠲᠣᠭᠣᠷᠢᠭᠤᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ ᠵᠡᠷᠭᠡ ᠪᠤᠰᠤᠳ ᠠᠷᠭᠠ ᠵᠠᠮᠢᠶᠠᠷ ᠳᠠᠮᠵᠢᠭᠤᠯᠤᠨ ᠵᠠᠷᠢᠮ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠵᠢᠯᠣᠭᠣᠳᠣᠯᠭᠠ ᠭᠥᠷᠳᠡᠵᠦ᠍ ᠪᠣᠯᠤᠨᠠ》 ᠭᠡᠵᠡᠶ᠃
ᠸᠠᠩ ᠴᠢᠤᠸᠠᠨ᠂ ᠬᠡᠦᠬᠡᠳ ᠬᠠᠯᠠᠭᠤᠷᠠᠪᠠᠯ ᠡᠪᠡᠳᠴᠢᠨᠳᠦᠨᠢ ᠲᠠᠭᠠᠷᠠᠭᠤᠯᠵᠤ ᠡᠮᠨᠡᠨ ᠵᠠᠰᠠᠵᠤ ᠪᠣᠯᠤᠨᠠ᠂ ᠬᠡᠷᠲᠡᠬᠡᠨ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠡᠮ ᠪᠡᠯᠡᠳᠭᠡᠵᠦ᠍ ᠪᠣᠯᠤᠨᠠ᠃ 6 ᠰᠠᠷᠠᠡᠴᠡ ᠳᠡᠭᠡᠭ᠌ᠰᠢᠬᠢ ᠬᠡᠦᠬᠡᠳ ᠪᠠ 6 ᠰᠠᠷᠠᠪᠤᠯᠤᠭᠠᠳᠤᠢ ᠬᠡᠦᠬᠡᠳ ᠲᠤ᠌ ᠰᠤᠩᠭᠤᠯᠲᠠ ᠲᠠᠢ ᠪᠡᠷ ᠡᠮ ᠬᠡᠷᠡᠭᠯᠡᠬᠦ ᠬᠡᠷᠡᠭᠲᠡᠢ᠂ 2 ᠰᠠᠷᠠ ᠪᠤᠯᠤᠭᠠᠳᠤᠢ ᠬᠡᠦᠬᠡᠳ ᠲᠤ᠌ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠡᠮ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠦᠭᠡᠢ ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠸᠠᠩ ᠴᠢᠤᠸᠠᠨ᠂ 3 ᠰᠠᠷᠠᠪᠤᠯᠤᠭᠠᠳᠤᠢ ᠨᠢᠯᠬᠠ ᠬᠡᠦᠬᠡᠳ ᠬᠠᠯᠠᠭᠤᠷᠠᠪᠠᠯ ᠠᠯᠢ ᠴᠢᠳᠠᠬᠤᠪᠠᠷ ᠡᠷᠲᠡᠬᠡᠨ ᠡᠮᠨᠡᠯᠭᠡᠳᠦ ᠬᠦᠷᠴᠦ᠍ ᠡᠮᠨᠡᠭᠦᠯᠬᠦ᠌ ᠬᠡᠷᠡᠭ᠌ᠲᠡᠶ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠶᠠᠮᠠᠷᠪᠠ ᠨᠠᠰᠤᠨᠤ ᠬᠡᠦᠬᠡᠳ ᠬᠡᠷᠪᠡ ᠬᠠᠯᠠᠭᠤᠷᠠᠭᠠᠳ 3 ᠡᠳᠦᠷᠡᠴᠡ ᠬᠡᠲᠦᠷᠡᠬᠦ᠌ ᠦᠶᠡᠳᠤ᠂ ᠡᠰᠡᠬᠦᠯᠡ ᠬᠠᠯᠠᠭᠤᠨᠤ ᠭᠡᠮᠵᠢᠶᠡ ᠨᠢ ᠦᠨᠳᠦᠷ᠂ ᠡᠰᠡᠬᠦᠯᠡ ᠣᠶᠤᠨ ᠰᠠᠨᠠᠭᠠᠨᠤ ᠪᠠᠢᠳᠠᠯ ᠨᠢ ᠮᠠᠭᠤ᠂ ᠡᠰᠡᠬᠦᠯᠡ ᠠᠮᠢᠰᠭᠤᠯ ᠨᠢ ᠲᠦᠷᠭᠡᠰᠭᠦ ᠴᠢᠨᠠᠭ᠍ᠰᠢᠯᠠᠪᠠᠯ ᠠᠮᠢᠰᠭᠤᠯ ᠨᠢ ᠬᠦᠴᠢᠷᠳᠡᠬᠦ᠌᠂ ᠣᠯᠠᠨ ᠤᠳᠠᠭᠠ ᠪᠥᠭᠡᠯᠵᠢᠬᠦ᠌᠂ ᠰᠠᠭᠤᠯᠭᠠᠬᠤ ᠵᠡᠷᠭᠡ ᠪᠠᠢᠳᠠᠯ ᠭᠠᠷᠪᠠᠯ᠂ ᠭᠡᠷᠦᠨ ᠠᠬᠠᠮᠠᠳ ᠨᠢ ᠬᠡᠦᠬᠡᠳᠢᠶᠡᠨ ᠳᠠᠷᠤᠢᠬᠠᠨ ᠡᠮᠨᠡᠯᠭᠡᠳᠦ ᠠᠪᠠᠴᠢᠵᠤ ᠡᠮᠨᠡᠭᠦᠯᠬᠦ᠌ᠶ᠋ᠢ ᠰᠠᠨᠠᠭᠤᠯᠵᠤ ᠪᠠᠢᠨᠠ ᠭᠡᠵᠡᠢ᠃
ᠸᠠᠩ ᠴᠢᠤᠸᠠᠨ᠂ ᠬᠡᠷᠦᠨ ᠠᠬᠠᠮᠠᠳ ᠬᠣᠶᠠᠷ ᠵᠦᠶ᠋ᠯᠦᠨ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠡᠮᠢ ᠡᠭᠡᠯᠵᠢᠯᠡᠨ ᠬᠡᠷᠡᠭ᠌ᠯᠡᠬᠦ᠌ᠡᠴᠡ ᠰᠡᠷᠭᠡᠢᠯᠡᠬᠦ ᠬᠡᠷᠡᠭᠲᠡᠢ᠂ ᠨᠠᠩ ᠴᠤ᠌ ᠵᠡᠷᠭᠡᠪᠡᠷ ᠬᠡᠷᠡᠭ᠌ᠯᠡᠵᠦ᠍ ᠪᠣᠯᠬᠤ ᠥᠬᠡᠶ᠃ ᠡᠭᠡᠯᠵᠢᠯᠡᠨ ᠬᠡᠷᠡᠭ᠌ᠯᠡᠬᠦ᠌ ᠨᠢ ᠬᠠᠯᠠᠭᠤᠨᠢ ᠨᠡᠩ ᠪᠦᠲᠦᠮᠵᠢᠲᠡᠢ ᠪᠠᠭᠤᠷᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ᠂ ᠵᠡᠷᠭᠡ ᠪᠡᠷ ᠬᠡᠷᠡᠭ᠌ᠯᠡᠪᠡᠯ ᠬᠡᠦᠬᠡᠳᠦᠨ ᠡᠯᠢᠭᠡ ᠪᠥᠭᠡᠷᠡᠨᠦ ᠳᠠᠷᠤᠭᠠᠰᠤᠶ᠋ᠢ ᠨᠡᠮᠡᠭ᠌ᠳᠡᠭᠦᠯᠵᠦ᠍᠂ ᠳᠣᠲᠣᠷ ᠡᠷᠬᠡᠲᠡᠨᠢ ᠭᠡᠮᠲᠦᠭᠡᠵᠦ ᠮᠡᠳᠡᠨᠡ ᠭᠡᠵᠦ ᠢᠯᠡᠳᠭᠡᠪᠡ᠃
ᠨᠡᠢᠰᠯᠡᠯᠦᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠠᠷᠢᠶᠠᠲᠤ ᠪᠡᠭᠡᠵᠢᠩᠦᠨ ᠬᠢᠲᠠᠳ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠳᠠᠷᠤᠭᠠ ᠯᠢᠦ ᠴᠢᠩ ᠴᠢᠤᠸᠠᠨ᠄《ᠱᠢᠨᠡ ᠲᠢᠲᠢᠮᠯᠢᠭ ᠸᠢᠷᠦ᠋ᠰ ᠭᠡᠰᠡᠨ ᠴᠤ᠌ ᠲᠠᠭ᠍ᠰᠢᠭᠤᠷ ᠭᠡᠰᠡᠨ ᠴᠤ᠌᠂ ᠬᠢᠲᠠᠳ ᠡᠮᠨᠡᠯᠭᠡ ᠳ᠋ᠤ᠌ ᠡᠬᠦᠨᠢ ᠴᠥᠮ ᠭᠠᠳᠠᠷ ᠬᠠᠯᠳᠠᠪᠤᠷᠢᠯᠠᠯᠤᠨ ᠡᠪᠡᠳᠴᠢᠨ ᠭᠡᠳᠡᠭ᠃ ᠬᠢᠲᠠᠳ ᠪᠡᠯᠡᠨ ᠡᠮᠢ ᠰᠣᠩᠭᠣᠬᠤ ᠲᠠᠯᠠᠪᠠᠷ᠂ ᠬᠡᠷᠪᠡ ᠬᠡᠦᠬᠡᠳᠦᠨ ᠪᠡᠶᠡᠶ᠋ᠢᠨ ᠲᠤᠯᠠᠭᠠᠨ ᠨᠢ 38.5°C ᠡᠴᠡ ᠬᠡᠲᠦᠷᠡᠬᠦ᠌ ᠥᠬᠡᠶ ᠪᠠᠢᠪᠠᠯ᠂ ᠣᠳᠣᠬᠠᠨᠳᠤ ᠡᠪᠦᠯ ᠬᠠᠪᠤᠷᠤᠨ ᠤᠯᠠᠷᠢᠯᠳᠤ ᠶᠡᠷᠦ᠍ᠳᠡᠭᠡᠨ ᠬᠠᠯᠠᠭᠤᠷᠠᠵᠤ ᠲᠠᠭᠰᠢᠭᠤᠷᠳᠤᠬᠤ ᠪᠡᠷ ᠭᠤᠤᠯᠯᠠᠵᠤ᠂ ᠬᠠᠯᠠᠭᠤᠷᠠᠵᠤ ᠲᠠᠭᠰᠢᠭᠤᠷᠳᠤᠬᠤ ᠵᠢ ᠵᠠᠰᠠᠬᠤ ᠬᠢᠲᠠᠳ ᠡᠮᠢ ᠰᠣᠩᠭᠣᠵᠤ ᠪᠣᠯᠤᠨᠠ》 ᠭᠡᠵᠡᠶ᠃
《ᠬᠢᠲᠠᠳ ᠡᠮᠦᠨ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠡᠢᠮᠦ᠍ ᠲᠦᠷᠭᠡᠨ ᠪᠢᠰᠢ᠂ ᠭᠡᠪᠡᠴᠦ ᠨᠢᠭᠡ ᠵᠦᠶ᠋ᠯᠦᠨ ᠬᠢᠲᠠᠳ ᠡᠮᠢ ᠤᠤᠭᠤᠵᠤ ᠪᠠᠷᠠᠭᠰᠠᠨᠤ ᠲᠠᠷᠠᠭᠠ ᠨᠢᠭᠡ ᠬᠣᠶᠠᠷ ᠴᠠᠭ ᠪᠤᠯᠤᠭᠠᠳ ᠬᠠᠯᠠᠭᠤᠨ ᠨᠢ ᠪᠠᠭᠤᠷᠠᠭ᠍ᠰᠠᠨ ᠥᠬᠡᠶ ᠪᠣᠯ ᠳᠠᠬᠢᠨ ᠬᠣᠶᠠᠳᠤᠭᠠᠷ ᠵᠦᠶ᠋ᠯ᠂ ᠭᠤᠷᠪᠠᠳᠤᠭᠠᠷ ᠵᠦᠶ᠋ᠯᠦᠨ ᠬᠢᠲᠠᠳ ᠡᠮᠢ ᠤᠤᠭᠤᠵᠤ ᠶᠠᠭᠠᠬᠢᠭ᠍ᠰᠠᠨ ᠴᠤ᠌ ᠪᠤᠯᠬᠤ ᠦᠭᠡᠢ᠃ ᠬᠡᠷᠪᠡ ᠥᠨᠳᠥᠷ ᠬᠠᠯᠠᠭᠤᠷᠠᠵᠤ 38.5°C ᠡᠴᠡ ᠬᠡᠲᠦᠷᠡᠭ᠌ᠰᠡᠨ ᠪᠠᠢᠪᠠᠯ᠂ ᠧᠦ᠋ᠷᠣᠫᠠ ᠡᠮᠦᠨ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠡᠮᠢ ᠬᠡᠷᠡᠭ᠌ᠯᠡᠪᠡᠯ ᠵᠣᠬᠢᠨᠠ᠂ ᠬᠢᠲᠠᠳ ᠧᠦ᠋ᠷᠣᠫᠠ ᠡᠮᠨᠡᠯᠭᠡᠶ᠋ᠢᠨ ᠬᠠᠮᠲᠤᠷᠠᠨ ᠵᠠᠰᠠᠬᠤ ᠡᠮᠴᠢᠯᠡᠭᠡᠨᠦ ᠦᠷᠡ ᠪᠦᠲᠦᠮᠵᠢ ᠨᠢ ᠨᠠᠩ ᠰᠠᠢᠨ ᠪᠠᠢᠵᠤ᠂ ᠬᠠᠯᠠᠭᠤᠨᠢ ᠪᠠᠭᠤᠷᠠᠭᠤᠯᠬᠤ ᠨᠢ ᠲᠦᠷᠭᠡᠨ ᠪᠥᠭᠡᠳ ᠠᠮᠠᠷᠬᠠᠨ ᠳᠠᠬᠢᠨ ᠬᠠᠯᠠᠭᠤᠷᠠᠬᠤ ᠥᠬᠡᠶ ᠪᠠᠢᠳᠠᠭ》 ᠭᠡᠵᠦ᠍ ᠯᠢᠦ ᠴᠢᠩ ᠴᠢᠤᠸᠠᠨ ᠬᠡᠯᠡᠪᠡ᠃
（ᠱᠢᠨᠬᠤᠸᠠ ᠬᠣᠷᠢᠶᠠᠨᠤ ᠪᠡᠭᠡᠵᠢᠩᠦᠨ 12 ᠰᠠᠷᠠᠶ᠋ᠢᠨ 10 ᠤ ᠴᠠᠬᠢᠯᠭᠠᠨ ᠮᠡᠳᠡᠭᠡ ）