ᠠᠷᠪᠠᠨ ᠳᠠᠪᠤᠨ᠎ᠤ ᠰᠠᠷᠠ ᠠᠭᠠᠷ ᠳᠡᠭᠡᠷ᠎ᠡ ᠳᠡᠭᠳᠡᠪᠡ᠃ ᠤᠯᠠᠨ ᠪᠦᠭᠦᠳᠡᠭᠡᠷ ᠪᠠᠶᠠᠷᠯᠠᠯᠳᠤᠨ ᠰᠠᠷᠠ ᠰᠤᠨᠢᠷᠬᠠᠵᠠᠭᠠᠨ᠎ᠠ᠃

— ᠬᠠᠷᠠᠭᠠᠴᠢ᠂ ᠤᠬᠳᠠᠷᠭᠤᠢ ᠳ᠋ᠤ ᠨᠢᠭᠡ ᠬᠡᠰᠡᠭ ᠪᠤᠭᠤᠷᠰᠤᠭ ᠳᠡᠭᠳᠡᠴᠢᠭᠡᠯ᠎ᠡ ᠭᠡᠵᠦ ᠨᠢᠭᠡ ᠨᠢ ᠬᠠᠰᠬᠢᠷᠪᠠ᠃

— ᠪᠢᠰᠢ ᠡ᠂ ᠳᠡᠷᠡ ᠴᠢᠨᠢ ᠳᠤᠮᠤ ᠮᠦᠩᠭᠦᠨ ᠵᠤᠭᠤᠰ ᠪᠠᠢᠨ᠎ᠠ᠃

— ᠦᠭᠡᠢ ᠰᠢᠤ᠂ ᠳᠡᠷᠡ ᠴᠢᠨᠢ ᠬᠦᠬᠡᠷᠦᠬᠦᠨ ᠬᠡᠦᠬᠡᠨ᠎ᠤ ᠳᠤᠩᠭᠠᠯᠠᠭ ᠨᠢᠳᠦ᠃

— ᠪᠢᠰᠢ ᠡ ᠪᠢᠰᠢ᠂ ᠳᠡᠷᠡ ᠪᠤᠯ ᠪᠤᠯᠤᠷ ᠳᠤᠯᠢ ᠪᠠᠢᠨ᠎ᠠ ᠭᠡᠵᠦ ᠬᠦᠮᠦᠰ ᠠᠮᠠ ᠪᠤᠯᠢᠶᠠᠯᠳᠤᠨ ᠶᠠᠷᠢᠵᠠᠭᠠᠨ᠎ᠠ᠃

ᠬᠦᠮᠦᠰ᠎ᠤᠨ ᠶᠠᠷᠢᠯᠴᠠᠭ᠎ᠠ ᠵᠢ ᠰᠤᠨᠤᠰᠤᠬᠰᠠᠨ ᠵᠢᠭᠠᠯ ᠬᠦᠦ ᠮᠠᠰᠢ ᠭᠠᠢᠬᠠᠵᠤ᠄《ᠡᠵᠢ ᠡ᠂ ᠰᠠᠷᠠ ᠭᠠᠭᠴᠠᠬᠠᠨ ᠪᠠᠢᠳᠠᠯ᠎ᠠ ᠬᠦᠮᠦᠰ ᠶᠠᠭᠠᠬᠢᠭᠠᠳ ᠶᠠᠩᠵᠤ ᠶᠠᠩᠵᠤ ᠪᠡᠷ ᠶᠠᠷᠢᠭᠠᠳ ᠪᠠᠢᠬᠤ ᠪᠤᠢ ？》ᠭᠡᠵᠦ ᠠᠰᠠᠭᠤᠪᠠ᠃

ᠡᠵᠢ ᠨᠢ᠄《ᠰᠠᠷᠠ ᠬᠡᠳᠦᠢᠪᠡᠷ ᠭᠠᠭᠴᠠᠬᠠᠨ ᠪᠤᠯᠪᠠᠴᠤ ᠬᠦᠮᠦᠰ᠎ᠤᠨ ᠰᠡᠳᠬᠢᠯ᠎ᠳᠦ ᠪᠤᠮᠠᠨ ᠶᠠᠩᠵᠤ ᠪᠡᠷ ᠳᠦᠷᠰᠦᠯᠡᠭᠳᠡᠳᠡᠭ᠃ ᠨᠢᠳᠦ ᠪᠡᠷ ᠭᠠᠭᠴᠠᠬᠠᠨ ᠳᠠᠯ᠎ᠠ ᠵᠢ ᠤᠯᠵᠤ ᠦᠵᠡᠳᠡᠭ ᠴᠸ᠋ ᠰᠡᠳᠬᠢᠯ᠎ᠤᠨ ᠰᠠᠢᠬᠠᠨ᠎ᠢᠶᠡᠷ ᠬᠠᠷᠢᠨ ᠲᠦᠮᠡᠨ ᠳᠠᠯ᠎ᠠ ᠵᠢ ᠤᠯᠵᠤ ᠬᠠᠷᠠᠨ᠎ᠠ ᠰᠢᠤ》ᠭᠡᠪᠡ᠃