ᠮᠢᠨᠤ ᠨᠤᠳᠤᠭ ᠪᠣᠯ ᠮᠦᠯᠢᠭᠡᠷ ᠮᠦᠯᠢᠭᠡᠷ ᠡᠯᠡᠰᠦ ᠮᠠᠩᠬᠠᠳ ᠦᠷᠭᠦᠯᠵᠢᠯᠡᠵᠦ᠍᠂ ᠲᠤᠩᠭᠠᠯᠠᠭ ᠠᠷᠢᠭᠤᠨ ᠭᠤᠣᠯ ᠮᠦᠷᠡᠨ ᠬᠦᠷᠴᠢᠬᠢᠨᠡᠨ ᠱᠤᠤᠭᠢᠵᠦ᠍᠂ ᠲᠠᠪᠤᠨ ᠬᠤᠱᠢᠭᠤ ᠮᠠᠯ ᠰᠦᠷᠦᠭ ᠢᠷᠠᠢᠨ ᠪᠡᠯᠴᠢᠭ᠌ᠰᠡᠨ ᠪᠠᠶᠠᠨ ᠲᠠᠩᠰᠤᠭ ᠰᠠᠢᠬᠠᠨ ᠤᠷᠤᠨ ᠶᠤᠮ᠃ ᠮᠢᠨᠤ ᠨᠤᠳᠤᠭ ᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠭᠡᠵᠦ᠍ ᠨᠡᠩ ᠴᠤ᠌ ᠬᠤᠪᠢᠶᠢᠨ ᠭᠠᠳᠠᠨᠠ ᠭᠤᠶᠤᠮᠰᠤᠭ ᠰᠠᠢᠬᠠᠨ ᠪᠠᠢᠳᠠᠭ᠃ ᠬᠦᠭᠡ ᠴᠡᠩᠬᠡᠷ ᠤᠭ᠍ᠳᠠᠷᠭᠤᠢᠳᠤ ᠬᠥᠪᠦᠩ ᠡᠭᠦᠯᠡ ᠬᠥᠪᠦᠯᠵᠡᠨ᠂ ᠨᠤᠮᠢᠨ ᠨᠤᠭᠤᠭᠠᠨ ᠲᠠᠯᠠᠳᠤᠨᠢ ᠵᠦᠢᠯᠤᠨ ᠴᠡᠴᠡᠭᠡᠰ ᠮᠢᠷᠠᠯᠵᠠᠨ ᠳᠡᠯᠭᠡᠷᠡᠳᠡᠭ᠃ ᠰᠠᠷᠠᠭᠤᠯ ᠠᠭᠤᠳᠠᠮ ᠲᠠᠯᠠ ᠲᠡᠭᠡᠷᠡᠨᠢ ᠬᠤᠨ ᠴᠠᠭᠠᠨ ᠬᠤᠨᠢᠨ ᠰᠦᠷᠦᠭ ᠪᠡᠯᠴᠢᠨ᠂ ᠠᠰᠭᠠᠭ᠍ᠰᠠᠨ ᠰᠣᠪᠣᠳ ᠱᠢᠭ᠋ ᠬᠠᠷᠠᠭ᠍ᠳᠠᠵᠤ ᠠᠯᠤᠰᠤᠨ ᠵᠡᠷᠭᠡᠯᠬᠡᠨᠳᠤ ᠵᠢᠷᠪᠢᠯᠵᠡᠨ ᠠᠯᠠᠭ ᠨᠢᠳᠦ᠍ᠶ᠋ᠢ ᠪᠠᠶᠠᠰᠭᠠᠳᠠᠭ ᠰᠠᠨ᠃
ᠤᠷᠢᠬᠠᠨ ᠬᠠᠪᠤᠷ ᠥᠯᠦᠭᠡᠢ ᠨᠤᠳᠤᠭᠲᠤ ᠮᠢᠨᠢ ᠰᠠᠭᠠᠳᠠᠬᠤᠳᠤ ᠮᠣᠳᠤᠳ ᠭᠦᠯᠦᠭᠡᠯᠡᠵᠦ ᠪᠤᠯᠪᠠᠷᠠᠢ ᠵᠥᠭᠡᠯᠡᠨ ᠨᠠᠪᠴᠢᠪᠠᠨ ᠲᠡᠯᠭᠡᠨᠡ᠃ ᠭᠤᠣᠯ ᠭᠤᠷᠤᠬᠠ ᠤᠶᠠᠰᠤᠨ ᠬᠠᠢᠯᠵᠤ 《ᠭᠤᠷ ᠭᠤᠷ》 ᠳᠠᠭᠤᠤ ᠠᠶᠠᠯᠤᠨ ᠬᠤᠷᠴᠢᠬᠢᠨᠠᠨᠠ᠃ ᠡᠨᠡ ᠦᠶᠡᠳᠤ ᠬᠦᠳᠡᠭᠡ ᠨᠤᠳᠤᠭ ᠮᠢᠨᠢ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠵᠤ ᠨᠡᠭᠦᠳᠡᠯᠤᠨ ᠱᠢᠪᠠᠭᠤᠳ ᠡᠮᠦᠨᠡᠳᠦ ᠤᠷᠤᠨ ᠠᠴᠠ ᠢᠷᠡᠵᠦ᠍ ᠴᠠᠭ ᠠᠭᠤᠷ ᠢᠳᠡᠭ ᠢᠳᠡᠭᠢᠶᠠᠷ ᠲᠤᠯᠠᠭᠠᠷᠠᠨᠠ᠃ ᠲᠥᠯ ᠮᠠᠯᠤᠨ ᠳᠠᠭᠤ ᠨᠠᠢᠷᠠᠯ ᠬᠥᠭ᠌ᠵᠢᠮ ᠱᠢᠭ ᠴᠢᠬᠢᠨᠳᠤ ᠠᠶᠠᠲᠠᠢ ᠰᠣᠨᠣᠰᠳᠠᠵᠤ ᠬᠤᠨᠢᠴᠢᠨ ᠬᠡᠦᠬᠡᠨᠤ ᠣᠶᠠᠩᠭᠠᠲᠤ ᠳᠠᠭᠤᠤ ᠠᠯᠤᠰᠤᠨ ᠠᠯᠤᠰᠲᠤ ᠴᠤᠤᠷᠢᠶᠠᠲᠤᠨᠠ᠃ ᠲᠦᠮᠡᠨ ᠪᠤᠳᠠᠰ ᠲᠦᠯᠵᠢᠬᠦ᠌ ᠬᠠᠪᠤᠷ ᠭᠡᠭ᠌ᠴᠢ ᠡᠢᠮᠦ᠍ ᠯᠠ ᠭᠤᠶᠤ ᠠᠵᠠᠢ᠃
ᠵᠤᠨᠤ ᠤᠯᠠᠷᠢᠯ ᠪᠣᠯᠵᠤ ᠢᠷᠡᠬᠦ᠌ᠳᠤ ᠦᠯᠦᠭᠡᠢ ᠨᠤᠳᠤᠭᠲᠤ ᠮᠢᠨᠢ ᠵᠦᠢᠯᠤᠨ ᠴᠡᠴᠡᠭ ᠬᠤᠸᠠᠷ ᠦᠩᠭᠡ ᠪᠣᠯᠢᠶᠠᠯᠳᠤᠨ ᠲᠡᠯᠭᠡᠷᠡᠵᠦ᠍᠂ ᠵᠦᠭᠡᠢ ᠡᠷᠪᠡᠭᠡᠢ ᠲᠡᠭᠡᠭᠦᠷᠨᠢ ᠡᠷᠬᠢᠯᠳᠦᠨ ᠪᠦᠵᠢᠭ᠌ᠯᠡᠨᠡ᠃ ᠠᠶᠠᠯᠠᠨ ᠵᠤᠭᠠᠯᠠᠭ᠍ᠴᠢᠳ ᠲᠣᠮᠤ ᠪᠤᠭ᠍ᠴᠤᠪᠠᠨ ᠡᠭᠦᠷᠦᠨ ᠰᠡᠭᠦᠳᠡᠷᠯᠡᠬᠦ᠌ ᠮᠠᠱᠢᠨ ᠢᠶᠠᠨ ᠲᠠᠴᠢᠭᠢᠨᠠᠭᠤᠯᠵᠦ᠍ ᠦᠷᠡ ᠬᠡᠦᠬᠡᠳᠢᠶᠠᠨ ᠲᠠᠭᠠᠭᠤᠯᠤᠨ ᠪᠠᠶᠠᠷ ᠬᠦᠷᠲᠠᠢ ᠵᠤᠭᠠᠴᠠᠨ ᠲᠤᠭᠤᠷᠢᠳᠠᠭ᠃ ᠨᠠᠭᠤᠷᠤᠨ ᠤᠰᠤᠨᠳᠤᠨᠢ ᠨᠤᠭᠤᠰᠤ ᠭᠠᠯᠠᠭᠤ ᠴᠢᠯᠦᠭᠡᠳᠡᠢ ᠣᠮᠪᠠᠨ ᠦᠷᠡ ᠵᠣᠯᠵᠠᠭᠠᠪᠠᠨ ᠳᠠᠭᠠᠭᠤᠯᠵᠦ᠍ ᠵᠢᠷᠭᠠᠯᠲᠠᠢ ᠵᠣᠷᠴᠢᠨ᠂ ᠪᠠᠢᠨ ᠪᠠᠢᠨ ᠨᠤᠲᠤᠭᠢ ᠮᠢᠨᠢ ᠮᠠᠭ᠍ᠳᠠᠬᠤ ᠮᠡᠲᠦ ᠭᠠᠩᠭᠠᠷ ᠭᠤᠩᠭᠤᠷ ᠲᠤᠤᠭᠠᠷᠤᠨᠠ᠃ ᠵᠦᠢᠯᠤᠨ ᠴᠡᠴᠡᠭᠢᠶᠠᠷ ᠴᠢᠮᠡᠭ᠌ᠯᠡᠭ᠌ᠳᠡᠭ᠌ᠰᠡᠨ ᠨᠤᠳᠤᠭᠤᠨ ᠮᠢᠨᠢ ᠵᠤᠨ ᠵᠤᠢᠷᠯᠡᠰᠢ ᠦᠭᠡᠢ ᠭᠤᠶᠤᠮᠰᠤᠭ ᠠᠵᠠᠢ᠃
ᠠᠯᠳᠠᠨ ᠱᠢᠷᠭᠠᠯ ᠨᠠᠮᠤᠷ ᠪᠤᠯᠬᠤᠳᠤ ᠲᠠᠯᠠ ᠲᠦᠭᠦᠷᠡᠩ ᠬᠤᠨᠢᠳ ᠪᠡᠯᠴᠢᠵᠦ᠍ ᠰᠦᠷ ᠵᠢᠪᠬᠤᠯᠠᠩᠲᠠᠢ ᠠᠳᠤᠭᠤᠨ ᠰᠦᠷᠦᠭ ᠢᠨᠴᠠᠭᠠᠨᠠᠨ ᠲᠠᠪᠬᠢᠯᠳᠤᠨᠠ᠃ ᠲᠠᠯᠠᠶ᠋ᠢᠨ ᠡᠪᠡᠰᠦ ᠱᠢᠷᠠᠯᠠᠠ᠂ ᠰᠡᠩᠭᠢᠨᠡᠮᠡ ᠦᠨᠦᠷ ᠬᠠᠮᠠᠷ ᠴᠤᠷᠭᠢᠵᠤ᠂ ᠭᠦᠨ ᠴᠡᠩᠬᠡᠷ ᠤᠭ᠍ᠲᠠᠷᠭᠤᠢ ᠳᠤ ᠬᠠᠷᠢᠬᠤ ᠭᠠᠯᠠᠭᠤᠳ ᠭᠠᠩᠭᠠᠨᠠᠨ᠂ ᠬᠤᠩᠭᠤᠷ ᠰᠠᠯᠬᠢ ᠬᠤᠯᠠᠠᠴᠠ ᠢᠷᠡᠵᠦ᠍ 《ᠰᠠᠢᠨ ᠬᠦᠦ᠂ ᠰᠠᠢᠨ ᠰᠤᠷ》 ᠭᠡᠵᠦ᠍ ᠱᠢᠪᠡᠨᠡᠵᠦ ᠪᠠᠢᠭᠠ ᠮᠡᠲᠦ᠍ ᠰᠤᠨᠤᠷ ᠴᠢᠮᠡᠨᠠ᠃ ᠦᠷᠡ ᠲᠠᠷᠢᠶᠠ ᠪᠣᠯᠪᠠᠰᠤᠷᠠᠵᠤ᠂ ᠦᠬᠡᠷ ᠬᠤᠨᠢᠳ ᠲᠠᠷᠭᠤ ᠠᠪᠤᠭ᠍ᠰᠠᠨ ᠪᠠᠶᠠᠨ ᠨᠠᠮᠤᠷ ᠭᠡᠭ᠌ᠴᠢ ᠪᠠᠭ᠍ᠠᠷᠤᠯᠲᠠᠢ ᠰᠠᠢᠬᠠᠨ ᠠᠵᠠᠢ᠃
ᠬᠠᠬᠢᠷ ᠬᠦᠢᠳᠡᠨ ᠡᠪᠦᠯᠤᠨ ᠤᠯᠠᠷᠢᠯ ᠪᠤᠯᠬᠤᠳᠤ ᠴᠠᠰᠤᠨ ᠯᠠᠪᠰᠠ ᠪᠠᠭᠤᠵᠤ ᠦᠯᠦᠭᠡᠢ ᠨᠤᠳᠤᠭ ᠮᠢᠨᠢ ᠵᠤᠪ ᠵᠤᠵᠠᠭᠠᠨ ᠴᠠᠭᠠᠨ ᠬᠦᠷᠮᠡ ᠬᠡᠳᠦᠷᠦᠨᠡ᠂ ᠮᠦᠩᠬᠦᠨ ᠴᠠᠭᠠᠨ ᠲᠡᠯᠡᠭᠡᠢ ᠨᠢᠳᠤᠨᠳᠤ ᠲᠤᠳᠤᠷᠠᠨᠠ᠃ ᠭᠤᠣᠯ ᠭᠤᠷᠤᠬᠠ ᠲᠠᠰ ᠨᠢᠰ ᠬᠦᠯᠳᠡᠵᠦ᠍ ᠦᠬᠡᠷ ᠬᠤᠨᠢᠳ ᠨᠦᠮᠦᠷᠢ ᠡᠷᠢᠨ ᠰᠢᠷᠭᠤᠯᠴᠠᠵᠤ᠂ ᠳᠠᠬᠢᠶᠡ ᠬᠦᠯᠢᠶᠠᠨ ᠡᠷᠭᠦᠨ ᠪᠡᠪᠡᠢᠵᠦ᠍᠂ ᠱᠢᠪᠠᠭᠤᠳ ᠡᠭᠦᠷᠲᠤᠪᠠᠨ ᠱᠢᠷᠭᠤᠨ᠂ ᠮᠠᠯᠴᠢᠳ ᠲᠤᠯᠠᠭᠠᠨ ᠥᠷᠥᠭᠡᠨᠳᠤᠪᠠᠨ ᠲᠠᠭᠠᠲᠠᠢ ᠰᠠᠭᠤᠨᠠ᠃ ᠬᠡᠦᠬᠡᠳ ᠪᠠᠭᠠᠴᠤᠳ ᠬᠠᠷᠢᠨ ᠮᠦᠰᠦ ᠭᠤᠯᠭᠤᠵᠤ ᠵᠠᠷᠢᠮᠨᠢ ᠭᠡᠷ ᠡᠴᠡ ᠪᠠᠨ ᠴᠢᠷᠭᠠ ᠪᠠ ᠲᠡᠱᠢᠭᠦᠷ ᠱᠠᠬᠠᠢ ᠠᠪᠴᠢᠷᠠᠵᠤ ᠨᠠᠭᠠᠳᠤᠨᠠ᠃ ᠪᠠᠰᠠ ᠵᠠᠷᠢᠮᠨᠢ ᠴᠠᠰᠤᠨ ᠪᠠᠢᠯᠳᠤᠭᠠᠨ ᠬᠢᠵᠦ᠍ ᠬᠦᠭᠡᠷᠦᠯᠳᠤᠨᠠ᠃ ᠮᠦᠩᠬᠦᠨ ᠡᠪᠤᠯᠤᠨ ᠨᠤᠳᠤᠭ ᠮᠢᠨᠢ ᠬᠡᠮᠵᠢᠶᠠᠯᠡᠰᠢ ᠦᠭᠡᠢ ᠰᠠᠢᠬᠠᠨ ᠶᠤᠮ ᠡ᠃
ᠮᠢᠨᠤ ᠨᠤᠳᠤᠭᠤᠨ ᠲᠦᠷᠪᠡᠨ ᠤᠯᠠᠷᠢᠯ ᠭᠡᠭᠴᠢ ᠡᠢᠮᠦ᠍ ᠯᠠ ᠭᠤᠶᠤ᠂ ᠲᠡᠢᠮᠦ᠍ ᠯᠠ ᠰᠠᠢᠬᠠᠨ ᠪᠠᠢᠳᠠᠭ᠃
ᠵᠤᠬᠢᠶᠠᠭᠴᠢ ᠵᠢᠨ ᠬᠠᠶᠢᠭ᠄ ᠤᠩᠨᠢᠭᠤᠳ ᠬᠤᠰᠢᠭᠤᠨᠤ ᠪᠤᠷᠤᠬᠤᠳᠠ ᠮᠤᠩᠭᠤᠯ ᠪᠠᠭᠠ ᠰᠤᠷᠭᠠᠭᠤᠯᠢᠶ᠋ᠢᠨ 4.1ᠠᠩᠬᠢ