ᠪᠠᠭᠠ ᠠᠬᠤᠢᠳᠦ᠂ ᠳᠠᠪᠤᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠳᠠᠪᠤᠨ ᠪᠤᠯᠬᠤ ᠪᠦᠷᠢ
ᠡᠮᠡᠭᠡ ᠡᠵᠢ ᠮᠢᠨᠢ ᠡᠷᠳᠡ ᠪᠤᠰᠤᠭᠠᠳ ᠭᠡᠷ ᠡᠴᠡ ᠬᠡᠳᠦᠨ ᠭᠠᠵᠠᠷ ᠬᠤᠯᠠ ᠶᠠᠪᠤᠵᠤ ᠤᠳᠠᠨᠤ ᠰᠤᠷᠭᠤᠭ ᠨᠠᠪᠴᠢ
ᠨᠠᠬᠢᠶᠠ᠂ ᠠᠭᠢ ᠡᠪᠡᠰᠦ ᠳᠡᠭᠦᠵᠦ ᠬᠦᠷᠢᠶᠡ ᠬᠠᠰᠢᠶᠠ᠂ ᠡᠭᠦᠳᠠ ᠬᠠᠭᠠᠯᠭᠠᠶᠢᠨ ᠦᠨᠳᠦᠷᠲᠦ ᠳᠡᠭᠦᠵᠢᠯᠡᠵᠦ
ᠳᠠᠯᠪᠢᠳᠠᠭ᠃
ᠳᠠᠷᠠᠭᠠ ᠨᠢ ᠡᠮᠡᠭᠡ ᠡᠵᠢ ᠮᠠᠨᠢ ᠠᠩᠬᠢᠯᠤᠮᠠ ᠦᠨᠦᠷ ᠲᠠᠢ ᠽᠦᠩᠽᠢ ᠪᠠᠨ ᠭᠠᠷᠭᠠᠭᠠᠳ
ᠮᠠᠨᠤᠰᠢ ᠬᠤᠭᠤᠯᠠ ᠪᠠᠨ ᠢᠳᠡ ᠭᠡᠵᠦ ᠳᠠᠭᠤᠳᠠᠳᠠᠭ᠃ ᠳᠡᠷᠡ ᠦᠶᠡᠳᠦ ᠰᠢᠬᠢᠷᠯᠢᠭ ᠽᠦᠩᠽᠢ ᠨᠢ ᠨᠠᠳᠠᠳᠦ ᠠᠪᠴᠤ
ᠬᠡᠯᠡᠪᠡᠯ ᠳᠠᠩᠰᠤᠭ ᠢᠳᠡᠭᠡᠨᠳᠠ᠃ ᠡᠮᠡᠭᠡ ᠡᠵᠢ ᠰᠢᠯᠦᠬᠡᠢ ᠳᠤᠳᠤᠷᠭᠠᠨ ᠴᠠᠭᠠᠨ᠂ ᠤᠯᠠᠭᠠᠨ ᠪᠤᠷᠴᠠᠭ᠂ ᠴᠢᠪᠠᠭᠠ᠂
ᠰᠢᠨᠡ ᠰᠤᠷᠭᠤᠭ ᠬᠤᠯᠤᠰᠤᠨ ᠨᠠᠪᠴᠢ ᠪᠡᠷ ᠮᠢᠨᠤ ᠬᠠᠮᠤᠭ ᠳᠤᠷᠠᠳᠠᠢ ᠽᠦᠩᠽᠢ ᠵᠢ ᠬᠢᠳᠡᠭ᠃ ᠮᠢᠨᠤ ᠨᠤᠳᠤᠭ ᠬᠠᠷᠠ
ᠭᠤᠤᠯ （ᠾᠸᠢ ᠾᠸ ᠭᠤᠤᠯ）ᠤᠨ ᠬᠦᠪᠡᠭᠡᠨᠳᠦ ᠪᠠᠢᠷᠢᠯᠠᠵᠤ
ᠨᠠᠭᠤᠷ ᠤᠰᠤ ᠤᠯᠠᠨ ᠪᠤᠯᠬᠤᠷ ᠬᠤᠯᠤᠰᠤ ᠡᠯᠪᠡᠭ ᠤᠷᠭᠤᠳᠠᠭ᠃ ᠳᠠᠪᠤᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠳᠠᠪᠤᠨ ᠪᠤᠯᠬᠤ
ᠪᠦᠷᠢ ᠬᠤᠯᠤᠰᠤᠨᠤ ᠦᠨᠦᠷ ᠰᠡᠩᠬᠢᠨᠡᠵᠦ᠂ ᠬᠤᠯᠤᠰᠤᠨ ᠨᠠᠪᠴᠢ ᠪᠡᠷ ᠨᠢ ᠽᠦᠩᠽᠢ ᠬᠢᠳᠡᠭ ᠪᠤᠯᠬᠤᠷ ᠪᠢ ᠳᠡᠷᠡ ᠽᠦᠩᠽᠢ
ᠵᠢ ᠨᠤᠳᠤᠭᠤᠨ ᠠᠮᠳᠠ ᠭᠡᠵᠦ ᠵᠦᠢᠷᠯᠡᠳᠡᠭ᠃ ᠳᠡᠷᠡ ᠦᠶᠡᠳᠦ ᠠᠮᠢᠳᠤᠷᠠᠯ ᠬᠦᠴᠢᠷᠳᠡᠢ ᠪᠤᠯᠬᠤᠷ ᠽᠦᠩᠽᠢ ᠵᠢ
ᠪᠠᠶᠠᠷ ᠳᠤᠷᠠᠰᠬᠠᠯᠤᠨ ᠡᠳᠦᠷ ᠯᠡ ᠤᠯᠵᠤ ᠢᠳᠡᠳᠡᠭ᠃ ᠳᠤᠬᠠᠢᠶᠢᠨ ᠦᠶᠡᠳᠦ᠂ ᠰᠢᠯᠦᠭᠡᠢ ᠳᠤᠳᠤᠷᠭᠠᠨ ᠴᠠᠭᠠᠨ᠂
ᠤᠯᠠᠭᠠᠨ ᠪᠤᠷᠴᠠᠭ᠂ ᠴᠢᠪᠠᠭᠠ ᠵᠢ ᠡᠮᠡᠭᠡ ᠡᠵᠢ ᠮᠢᠨᠢ ᠪᠤᠰᠤᠳ ᠠᠢᠯ ᠡᠴᠡ ᠪᠤᠭᠤᠳᠠᠢ ᠪᠡᠷᠢᠶᠡᠨ ᠰᠤᠯᠢᠨ ᠠᠪᠴᠢᠷᠠᠳᠠᠭᠢ
ᠪᠢ ᠬᠤᠵᠢᠮ ᠬᠤᠢᠨᠠ ᠨᠢ ᠰᠠᠶᠢ ᠮᠡᠳᠡᠭᠰᠡᠨ ᠪᠢᠯᠡ᠃
ᠨᠤᠳᠤᠭᠤᠨ ᠠᠮᠳᠠ ᠰᠢᠩᠭᠡᠭᠰᠡᠨ ᠽᠦᠩᠽᠢ᠂ ᠳᠡᠭᠡᠬᠦᠳᠦ ᠪᠠᠨ ᠡᠮᠡᠭᠡ ᠡᠵᠢᠶᠢᠨ
ᠮᠢᠨᠢ ᠨᠠᠳᠠᠳᠦ ᠢᠪᠢᠯᠦᠭᠦᠯᠦᠭᠰᠡᠨ ᠬᠠᠢᠷᠠᠶᠢᠨ ᠠᠮᠳᠠ ᠪᠠᠢᠭᠰᠠᠨ᠃
ᠨᠠᠷᠠ ᠳᠤᠨᠤᠷᠠᠭᠰᠠᠨ ᠬᠠᠪᠤᠷᠤᠨ ᠦᠳᠡᠰᠢ ᠪᠢ ᠦᠭᠡᠷ ᠬᠠᠷᠢᠭᠤᠯᠤᠭᠰᠠᠨ ᠡᠮᠡᠭᠡ
ᠡᠵᠢᠶᠢᠨᠢᠶᠡᠨ ᠵᠦᠭ ᠮᠦᠭᠡᠷᠡᠵᠦ ᠪᠠᠢᠨᠠ ᠭᠡᠵᠦ ᠳᠦᠷᠰᠦ ᠦᠭᠡᠢᠳᠡᠬᠦᠳᠦ ᠦᠭᠡᠳᠡ ᠡᠴᠡ ᠮᠢᠨᠢ ᠡᠩᠭᠦᠷᠡᠢᠯᠡᠨ
ᠢᠨᠢᠶᠡᠭᠰᠡᠨ ᠬᠠᠷᠠᠴᠠ； ᠵᠤᠨᠤ ᠬᠠᠯᠠᠭᠤᠨ ᠨᠠᠷᠠᠨᠳᠦ ᠪᠤᠭᠤᠳᠠᠢ ᠠᠷᠠᠴᠢᠯᠠᠵᠤ ᠬᠦᠯᠦᠰᠦ ᠪᠠᠨ ᠤᠷᠤᠰᠬᠠᠬᠤᠳᠦ
ᠨᠢ ᠠᠶᠠᠭᠠ ᠬᠦᠢᠳᠡᠨ ᠤᠰᠤ ᠬᠦᠷᠭᠡᠵᠦ ᠤᠴᠢᠬᠤ ᠪᠡᠷ 《ᠤᠬᠠᠭᠠᠨ ᠳᠠᠢ
ᠮᠢᠨᠤ ᠬᠦᠦ》 ᠭᠡᠵᠦ ᠬᠠᠴᠠᠷᠢ ᠮᠢᠨᠢ ᠢᠯᠪᠢᠭᠰᠡᠨ ᠡᠪᠡᠷᠰᠢᠭᠰᠡᠨ ᠭᠠᠷ； ᠠᠯᠳᠠᠨ ᠨᠠᠮᠤᠷ ᠡᠷᠳᠡᠨᠢ ᠰᠢᠰᠢ ᠪᠠᠨ ᠬᠤᠷᠢᠶᠠᠬᠤᠳᠦ ᠨᠢ ᠪᠢ ᠳᠤᠰᠠ ᠪᠤᠯᠤᠨᠠ ᠭᠡᠵᠦ
ᠪᠤᠵᠢᠭᠢᠨᠠᠬᠤ ᠪᠡᠷ 《ᠮᠤᠨᠳᠠᠭ ᠪᠠᠢᠨᠠ》 ᠭᠡᠵᠦ ᠱᠠᠭᠰᠢᠵᠤ ᠪᠠᠢᠭᠰᠠᠨ ᠡᠶᠡᠯᠳᠡᠭ ᠲᠦᠷᠬᠦ； ᠬᠦᠢᠳᠡᠨ ᠡᠪᠦᠯ ᠭᠠᠯ ᠲᠦᠯᠡᠭᠰᠡᠨ ᠬᠠᠨᠵᠤᠨ ᠳᠡᠭᠡᠷᠡᠬᠢ ᠬᠠᠯᠠᠭᠤᠨ ᠡᠪᠦᠷᠲᠦ ᠪᠠᠨ ᠰᠢᠷᠭᠤᠬᠤᠳᠦ
ᠦᠯᠢᠭᠡᠷᠢᠶᠡᠷ ᠠᠷᠭᠠᠳᠠᠵᠤ ᠪᠠᠢᠭᠰᠠᠨ ᠡᠨᠡᠷᠢᠩᠭᠦᠢ ᠳᠠᠭᠤᠨ ᠁
ᠪᠠᠰᠠ ᠨᠢᠭᠡᠨ ᠵᠢᠯ ᠦᠩᠭᠡᠷᠡᠨ ᠤᠳᠤᠯᠠ᠃ ᠨᠤᠳᠤᠭᠤᠨ ᠮᠢᠨᠢ ᠨᠠᠭᠤᠷ ᠭᠤᠤᠯᠤᠨ
ᠬᠦᠪᠡᠭᠡ ᠪᠡᠷ ᠬᠤᠯᠤᠰᠤ ᠶᠤᠰᠤ ᠪᠡᠷ ᠵᠢᠡᠨ ᠢᠭᠴᠤ ᠤᠷᠭᠤᠪᠠ᠃ ᠬᠤᠯᠤᠰᠤᠨ ᠨᠠᠪᠴᠢᠨᠳᠦ ᠪᠤᠭᠤᠭᠰᠠᠨ ᠽᠦᠩᠽᠢ ᠤᠤᠯ
ᠠᠮᠳᠠ ᠪᠡᠷᠢᠶᠡᠨ ᠪᠠᠢᠭᠠᠴᠤ ᠨᠤᠳᠤᠭᠤᠨ ᠬᠠᠭᠤᠴᠢᠨ ᠬᠦᠮᠦᠰᠢᠶᠡᠨ ᠰᠠᠨᠠᠭᠠᠯᠵᠠᠬᠤ ᠰᠡᠳᠬᠢᠯ ᠮᠢᠨᠢ ᠬᠠᠷᠢᠨ
ᠵᠢᠯ ᠡᠴᠡ ᠵᠢᠯ ᠬᠦᠨᠳᠦᠷᠡᠬᠦ ᠪᠢᠯᠡ᠃