ᠨᠠᠢᠷᠠᠭᠤᠯᠤᠭᠴᠢ ᠵᠢᠨ ᠦᠭᠡ᠄
《ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠲᠠ ᠮᠥᠩᠭᠥᠨ ᠠᠭᠤᠯᠠ ᠮᠥᠨ》 ᠭᠡᠳᠡᠭᠢ ᠦᠢᠯᠡᠳᠦᠯᠭᠡᠵᠢᠭᠦᠯᠦᠨ᠂ ᠲᠤᠮᠳᠠᠳᠤ ᠵᠢᠨ ᠪᠣᠯᠪᠠᠰᠤᠨᠢ ᠬᠠᠢᠨ᠂ ᠤᠶᠤᠨ ᠰᠠᠨᠠᠭᠠᠨᠤ ᠬᠠᠮᠲᠤᠵᠢᠨ ᠭᠡᠷ ᠣᠷᠣᠨ ᠵᠢᠡᠨ ᠴᠣᠭ᠍ᠴᠠᠯᠠᠬᠤ ᠤᠴᠢᠷ ᠵᠣᠷᠢᠯᠭᠠ ᠲᠠᠢ ᠥᠪᠥᠷ ᠮᠣᠩᠭᠣᠯᠤᠨ ᠡᠳᠦᠷᠤᠨ ᠰᠣᠨᠢᠨᠤ ᠣᠨᠴᠠ ᠤᠬᠠᠭᠠᠯᠠᠯ 《ᠨᠠᠭᠤᠷ ᠪᠦᠷᠢᠳᠦᠵᠢᠨ ᠠᠶᠠᠯᠠᠯ》ᠱᠢᠷᠢᠰ ᠨᠡᠢᠲᠡᠯᠡᠯᠵᠢᠡᠨ ᠡᠷᠬᠢᠮ ᠲᠠ ᠪᠦᠬᠦᠨᠳᠦ ᠬᠦᠷᠬᠡᠬᠦ᠌ ᠳ᠋ᠤ ᠪᠡᠯᠡᠬᠡᠨ ᠪᠣᠯᠵᠤ ᠪᠠᠢᠭᠠ ᠨᠢ ᠡᠨᠡ ᠪᠢᠯᠡ᠃
ᠬᠣᠷᠢ ᠱᠢᠬᠠᠮ ᠰᠤᠷᠪᠤᠯᠵᠢᠯᠠᠬ᠍ᠴᠢᠳ ᠮᠠᠩᠨᠤᠭ ᠲᠠᠯᠠ ᠱᠢᠵᠢᠷᠳᠡᠨ᠂ ᠤᠷᠤᠰᠭᠠᠯ ᠤᠰᠤ ᠲᠤᠨᠤᠷᠠᠭ᠍ᠰᠠᠨ ᠨᠠᠭᠤᠷ ᠪᠦᠷᠢᠳᠦᠵᠢ ᠬᠠᠢᠨ᠂ ᠨᠣᠮᠢᠨ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠡᠷ ᠵᠢᠡᠨ ᠪᠠᠬᠠᠳᠤᠵᠤ᠂ ᠪᠠᠳᠠᠢ ᠵᠢᠨ ᠵᠢᠷᠠᠨᠤ ᠭᠦᠨᠠᠴᠠ ᠬᠥᠯᠥᠨ ᠪᠤᠢᠷ ᠤ᠋ᠨ ᠲᠠᠯᠠ ᠨᠤᠲᠤᠭ ᠬᠦᠷᠳᠡᠯᠡ 3300 ᠱᠢᠬᠠᠮ ᠺᠢᠯᠣᠮᠧᠲᠷ ᠠᠶᠠᠯᠠᠨ᠂ ᠭᠤᠴᠢ ᠱᠢᠬᠠᠮ ᠬᠥᠮᠥᠨᠢ ᠰᠤᠷᠪᠤᠯᠵᠢᠯᠠᠨ᠂ ᠰᠤᠪᠨᠠᠭᠤᠷ᠂ ᠤᠯᠠᠭᠠᠨᠰᠤᠬᠠᠢ᠂ ᠲᠠᠭᠠᠵᠢᠨ ᠨᠠᠭᠤᠷ᠂ ᠬᠠᠷᠠᠤ᠋ᠰᠤ ᠨᠠᠭᠤᠷ᠂ ᠬᠥᠯᠥᠨ ᠨᠠᠭᠤᠷ ᠵᠢᠡᠷ ᠨᠢᠭᠡᠨ ᠵᠤᠨᠤ ᠠᠶᠠᠯᠠᠯ ᠬᠢᠵᠦ᠍᠂ ᠡᠬᠡ ᠪᠠᠢᠭᠠᠯᠢᠵᠢᠨ ᠨᠢᠭᠡᠨ ᠭᠠᠢᠬᠠᠮᠰᠢᠭ᠂ ᠠᠮᠢ ᠠᠬᠤᠢᠵᠢᠨ ᠨᠢᠭᠡᠨ ᠲᠤᠤᠯᠢᠰ᠂ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠤ᠋ ᠨᠢᠭᠡᠨ ᠪᠣᠯᠪᠠᠰᠤᠨᠢ ᠪᠡᠶᠡ ᠰᠡᠳᠭᠢᠯᠵᠢᠡᠷ ᠵᠢᠡᠨ ᠮᠡᠳᠡᠷᠡᠨ᠂ ᠬᠤᠯᠤᠰᠤᠨ ᠦᠵᠦᠭ ᠬᠠᠭᠤᠳᠠᠰᠤ ᠴᠠᠭᠠᠰᠤᠨᠠ ᠪᠢᠴᠢᠵᠦ᠍ ᠲᠡᠮᠳᠡᠭ᠌ᠯᠡᠵᠦ᠍᠂ ᠰᠣᠨᠢᠨ ᠳᠡᠭᠡᠷᠡᠪᠡᠨ ᠨᠡᠢᠲᠡᠯᠡᠬᠦᠵᠢᠨ ᠬᠠᠮᠲᠤ ᠱᠢᠨᠡ ᠵᠠᠭᠤᠴᠢᠯᠠᠭᠤᠷᠲᠤ ᠱᠢᠨᠡ ᠲᠢᠭ᠌ ᠬᠡᠯᠪᠡᠷᠢ ᠪᠡᠷ ᠤᠷᠳᠤ ᠡᠪᠬᠡᠮᠡᠯ ᠡᠰᠭᠡᠨ᠂ ᠸᠢᠳᠢᠤ᠋ ᠪᠢᠴᠢᠯᠭᠡ ᠨᠠᠢᠷᠠᠭᠤᠯᠵᠤ᠂ ᠱᠢᠨᠡ ᠴᠡᠭ ᠬᠠᠨᠳᠤᠯᠭᠠ ᠪᠡᠷ ᠡᠷᠬᠢᠮ ᠤᠩᠱᠢᠬ᠍ᠴᠢ᠂ ᠡᠷᠬᠢᠮᠰᠦᠭ ᠦᠵᠡᠭ᠌ᠴᠢᠳᠲᠦ ᠪᠡᠨ 9 ᠰᠠᠷᠠᠵᠢᠨ 28 ᠦ ᠡᠳᠦᠷ ᠠᠴᠠ ᠡᠬᠢᠯᠡᠨ ᠲᠠᠪᠤᠨ ᠨᠡᠢᠲᠡᠯᠡᠯᠢ ᠡᠷᠭᠦᠨ ᠪᠠᠷᠢᠬᠤ ᠪᠣᠯᠣᠨᠠ᠃ ᠲᠠᠭᠠᠯᠠᠨ ᠪᠣᠯᠭᠠᠮᠤ ！
ᠨᠠᠮᠤᠷᠤᠨ ᠬᠤᠩᠭᠤᠷ ᠰᠠᠯᠬᠢᠨ ᠳ᠋ᠤ ᠨᠠᠭᠤᠷᠤᠨ ᠬᠦᠪᠡᠬᠡᠨᠡ ᠬᠤᠯᠤᠰᠤ ᠵᠡᠬᠡᠰᠦ ᠬᠠᠯᠢᠭᠤᠷᠠᠨ᠂ ᠬᠡᠬᠡᠷᠡ ᠵᠢᠨ ᠰᠢᠪᠠᠭᠤᠳ ᠳᠤᠯᠢ ᠰᠢᠬ ᠮᠡᠯᠮᠡᠯᠵᠡᠨ ᠬᠤᠨᠢᠶᠠᠰᠤᠯᠠᠬᠤ ᠨᠠᠭᠤᠷᠤᠨ ᠳᠡᠬᠡᠬᠦᠷ ᠬᠠᠯᠢᠨ ᠨᠢᠰᠴᠤ᠂ ᠨᠠᠭᠤᠷᠤᠨ ᠤᠰᠤᠨ ᠳ᠋ᠤ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠢᠷᠠᠭᠠᠯᠳᠤᠨ᠂ ᠭᠠᠯᠠᠭᠤ ᠨᠤᠭᠤᠰᠤ ᠱᠤᠩᠪᠠᠨ ᠴᠡᠩᠬᠡᠯᠳᠦᠵᠦ ᠶᠡᠬᠡ ᠭᠤᠪᠢ ᠵᠢᠨ ᠬᠦᠨ ᠳ᠋ᠤ ᠠᠮᠢ ᠠᠮᠢᠵᠢᠷᠠᠯ ᠤ᠋ᠨ ᠡᠬᠡᠰᠢᠭ ᠬᠠᠩᠬᠢᠨᠠᠭᠤᠯᠤᠨ ᠴᠡᠯᠡᠢᠨ ᠴᠡᠩᠬᠡᠷᠳᠦᠨᠡ᠃ ᠡᠨᠡ ᠪᠤᠯ ᠡᠵᠡᠨᠡ ᠨᠤᠳᠤᠭᠤᠨ ᠠᠮᠢᠨ ᠵᠢᠷᠦᠬᠡ — ᠰᠤᠪᠨᠠᠭᠤᠷ᠃ ᠶᠡᠬᠡ ᠭᠤᠪᠢ ᠵᠢᠨ ᠳᠤᠮᠳᠠ ᠡᠬᠡ ᠪᠠᠢᠭᠠᠯᠢ ᠵᠢᠨ ᠨᠢᠬᠡᠨ ᠭᠠᠢᠬᠠᠮᠰᠢᠭ ᠪᠤᠯᠵᠤ ᠪᠦᠷᠢᠯᠳᠦᠭᠰᠡᠨ ᠰᠤᠪᠨᠠᠭᠤᠷ ᠪᠤᠭᠤᠷᠤᠯ ᠳᠡᠦᠬᠡ ᠬᠦᠦᠷᠨᠢᠵᠦ ᠤᠢᠯᠤᠨ ᠴᠡᠩᠬᠡᠷᠯᠡᠨ᠂ ᠲᠠᠯᠠᠢ ᠶᠡᠬᠡ ᠪᠤᠶᠠᠨᠢᠶᠡᠷᠢᠶᠡᠨ ᠬᠦᠮᠦᠨ ᠠᠷᠠᠳ ᠵᠢᠡᠨ ᠡᠯᠢᠬᠡᠨ ᠳ᠋ᠡᠬᠡᠨ ᠪᠦᠬᠡᠴᠡᠢᠯᠡᠵᠤ ᠲᠠᠢᠪᠤᠩ ᠵᠢᠷᠭᠠᠯᠢ ᠡᠳ᠋ᠯᠡᠬᠦᠯᠦᠭᠰᠡᠭᠡᠷ᠃
ᠡᠯᠡᠰᠦᠨ ᠴᠦᠯ ᠳ᠋ᠤ ᠪᠦᠷᠢᠯᠳᠦᠭᠰᠡᠨ ᠡᠭᠡ ᠪᠠᠢᠭᠠᠯᠢ ᠵᠢᠨ ᠨᠢᠭᠡᠨ ᠭᠠᠢᠬᠠᠮᠰᠢᠬ
ᠰᠤᠪᠨᠠᠭᠤᠷ ᠪᠠᠳᠠᠢ ᠵᠢᠨ ᠵᠢᠷᠠᠨᠤ ᠡᠯᠡᠰᠦ ᠵᠢᠨ ᠪᠠᠷᠠᠭᠤᠨ ᠬᠤᠢᠳᠤ ᠬᠡᠰᠡᠭᠢ ᠬᠦᠪᠡᠬᠡᠳᠡᠵᠤ ᠪᠠᠢᠷᠢᠯᠠᠳᠠᠭ᠃ ᠡᠵᠡᠨᠠ ᠬᠤᠰᠢᠭᠤᠨ ᠤ᠋ ᠲᠦᠪ ᠳᠠᠯᠠᠢᠬᠦ᠋ᠪ ᠡᠴᠡ ᠵᠡᠬᠦᠨ ᠬᠤᠢᠰᠢ ᠪᠠᠨ 50 ᠺᠢᠯᠤᠮᠧᠲ᠋ᠷᠵᠠᠢᠳᠠᠢ ᠪᠠᠢᠵᠤ᠂ ᠮᠠᠨᠤ ᠤᠯᠤᠰᠤᠨ ᠬᠤᠶᠠᠳᠤᠭᠠᠷ ᠶᠡᠬᠡ ᠳᠤᠳᠤᠭᠠᠳᠤ ᠬᠠᠭᠤᠷᠠᠢ ᠵᠢᠨ ᠭᠤᠤᠯ — ᠬᠠᠷᠠ ᠭᠤᠤᠯᠤᠨ ᠳᠤᠤᠷᠠᠳᠤ ᠤᠷᠤᠰᠬᠠᠯᠤᠨ ᠠᠳᠠᠭ ᠲᠤ᠌ ᠪᠦᠷᠢᠯᠳᠦᠭᠰᠡᠨ ᠨᠠᠭᠤᠷ ᠠᠵᠢ᠃
ᠰᠤᠪᠨᠠᠭᠤᠷ ᠬᠡᠵᠤ ᠬᠠᠯᠢᠭᠤ ᠳᠠᠢ ᠨᠠᠭᠤᠷ ᠴᠦᠬᠦᠷᠦᠮ ᠬᠡᠮᠡᠬᠦ ᠤᠳᠭᠠ ᠳᠠᠢ ᠬᠡᠵᠦ ᠳᠠᠢᠯᠪᠤᠷᠢᠯᠠᠵᠤ ᠪᠤᠢ᠃ ᠨᠤᠳᠤᠭ ᠨᠤᠳᠤᠭᠤᠨ ᠬᠢᠨ ᠦᠪᠡᠷ ᠦᠪᠡᠷᠤᠨ ᠵᠢᠡᠨ ᠦᠯᠢᠬᠡᠷ ᠳᠤᠮᠤᠭ ᠳᠠᠢ᠃ ᠰᠤᠪᠨᠠᠭᠤᠷᠤᠨ ᠲᠤᠬᠠᠢ ᠦᠯᠢᠬᠡᠷ ᠳᠤᠮᠤᠭ ᠴᠤ᠌ ᠤᠯᠠᠨ ᠶᠤᠮ᠃ ᠪᠤᠮᠪᠤ ᠵᠢᠨ ᠰᠤᠷᠭᠠᠯᠳᠠᠠ ᠯᠤᠤᠽᠢ ᠦᠳᠡᠯᠦᠬᠡ ᠨᠠᠰᠤᠨ ᠳ᠋ᠠᠭᠠᠨ ᠨᠢᠬᠡᠨ ᠡᠳᠦᠷ ᠬᠠᠷᠠ ᠦᠬᠡᠷ ᠤᠨᠤᠵᠤ᠂ ᠨᠡᠢᠰᠯᠡᠯ ᠬᠤᠳᠠ ᠯᠦᠧᠧᠶᠠᠩ ᠡᠴᠡ ᠠᠶᠠᠷᠯᠠᠨ ᠰᠠᠯᠵᠤ ᠪᠠᠷᠠᠭᠤᠨᠠ ᠵᠢ ᠵᠤᠷᠢᠵᠤ ᠮᠤᠷᠳᠠᠯᠠ᠃ ᠨᠢᠬᠡᠨ ᠡᠳᠦᠷ ᠲᠡᠷᠡ ᠬᠠᠨ ᠬᠦ ᠭᠤᠸᠠᠨ ᠬᠡᠳᠡᠭ ᠪᠤᠭᠤᠮᠳᠠ ᠳ᠋ᠤ ᠬᠦᠷᠪᠡ᠃ ᠪᠤᠭᠤᠮᠳᠠ ᠵᠢ ᠰᠠᠬᠢᠭᠰᠠᠨ ᠨᠤᠶᠠᠨ ᠶᠢᠩ ᠱᠢ ᠬᠡᠳᠡᠭ ᠬᠦᠮᠦᠨ ᠯᠤᠤᠽᠢ ᠵᠢᠨ ᠦᠵᠡᠯ ᠰᠠᠨᠠᠭᠠ ᠵᠢᠨ ᠰᠤᠷᠭᠠᠯ ᠠᠭᠤᠯᠭᠠ ᠪᠠᠨ ᠦᠰᠦᠭ ᠪᠢᠴᠢᠭ ᠪᠤᠯᠭᠠᠨ ᠦᠯᠡᠳᠡᠬᠡᠨ ᠦᠭᠬᠦ ᠵᠢ ᠭᠤᠶᠤᠴᠢᠯᠠᠪᠠ᠃ ᠢᠩᠬᠢᠬᠡᠳ ᠯᠤᠤᠽᠢ ᠵᠢᠨ 《ᠶᠤᠰᠤ ᠡᠷᠳᠡᠮᠤᠨ ᠨᠤᠮ》 ᠪᠢᠴᠢᠭᠳᠡᠨ ᠦᠯᠡᠳᠡᠵᠡᠢ᠃ ᠲᠡᠨᠳᠡ ᠡᠴᠡ ᠯᠤᠤᠽᠢ ᠦᠬᠡᠷ ᠵᠢᠡᠨ ᠤᠨᠤᠵᠤ ᠪᠠᠷᠠᠭᠤᠨᠰᠢ ᠶᠠᠪᠤᠵᠠᠢ᠃ ᠯᠤᠤᠽᠢ ᠰᠤᠪᠨᠠᠭᠤᠷ ᠤ᠋ᠨ ᠬᠦᠪᠡᠬᠡ ᠳ᠋ᠤ ᠬᠦᠷᠴᠦ ᠢᠷᠡᠬᠡᠳ ᠭᠤᠶᠤ ᠦᠵᠡᠮᠵᠢ ᠵᠢ ᠪᠠᠬᠠᠷᠤᠨ ᠡᠨᠳᠡ ᠰᠠᠬᠢᠭᠤᠯᠤᠭᠰᠠᠨ ᠪᠤᠯᠤᠭᠰᠠᠨ ᠬᠡᠮᠡᠬᠦ ᠳᠤᠮᠤᠭ ᠦᠯᠢᠬᠡᠷ ᠲᠠᠢ᠃
ᠲᠠᠩ ᠤᠯᠤᠰᠤᠨ ᠠᠯᠳᠠᠷᠳᠤ ᠰᠢᠯᠦᠭᠴᠢ ᠸᠠᠩ ᠸᠧᠢ᠄《ᠭᠠᠭᠴᠠ ᠳᠡᠷᠬᠡ ᠪᠡᠷ ᠬᠢᠯᠢ ᠵᠢ ᠡᠷᠬᠢᠷᠡ ᠡᠴᠢᠷᠦᠨ / ᠭᠠᠰᠢᠭᠤᠨ ᠨᠠᠭᠤᠷ — ᠬᠠᠷᠢᠶᠠᠳᠤ ᠤᠯᠤᠰ ᠵᠢᠡᠷ ᠦᠩᠬᠡᠷᠡᠪᠡ / ᠪᠦᠮᠪᠦᠷᠢᠬᠦ ᠬᠠᠮᠬᠤᠤᠯ ᠬᠠᠨᠤ ᠬᠢᠯᠢ ᠡᠴᠡ ᠭᠠᠷᠬᠤᠶᠠ / ᠪᠤᠴᠠᠬᠤ ᠭᠠᠯᠠᠭᠤ ᠡᠾᠤᠢ᠍ᠩᠨᠤ ᠵᠢᠨ ᠳᠡᠭᠷᠢ ᠳ᠋ᠤᠷ ᠤᠷᠤᠪᠠ》 ᠬᠡᠵᠦ ᠰᠤᠪᠨᠠᠭᠤᠷᠤᠨ ᠳᠤᠬᠠᠢ ᠰᠢᠯᠦᠭᠯᠡᠭᠰᠡᠨ ᠪᠠᠢᠳᠠᠭ᠃ ᠠᠷᠠᠳᠤᠨ ᠳᠤᠮᠳᠠ ᠪᠠᠰᠠ ᠭᠠᠰᠢᠭᠤᠨ ᠨᠠᠭᠤᠷ ᠲᠤ᠌ 《ᠬᠤᠤᠷᠳᠤ ᠮᠤᠭᠠᠢ ᠵᠢᠨ ᠬᠤᠤᠷ ᠤᠷᠤᠰᠤᠨ ᠤᠷᠤᠭᠰᠠᠨ》᠂ 《ᠱᠤᠯᠤᠮ ᠰᠢᠬᠡᠰᠦ ᠪᠠᠨ ᠰᠠᠷᠢᠭᠰᠠᠨ》 ᠡᠴᠡ ᠭᠠᠰᠢᠭᠤᠨ ᠪᠤᠯᠤᠭᠰᠠᠨ ᠬᠡᠵᠦ ᠬᠠᠭᠤᠴᠢᠯᠠᠳᠠᠭ᠃
ᠰᠤᠪᠨᠠᠭᠤᠷ ᠪᠤᠯ ᠬᠠᠷᠠ ᠭᠤᠤᠯ᠂ ᠡᠵᠡᠨᠡ ᠭᠤᠤᠯᠤᠨ ᠴᠢᠳᠬᠤᠯᠠᠩ᠃ ᠮᠦᠩᠬᠡ ᠴᠠᠰᠤᠳᠤ ᠵᠢᠨ ᠬᠠᠢᠷᠬᠠᠨ ᠬᠦᠬᠡᠨᠠᠭᠤᠷᠤᠨ ᠴᠢ ᠯᠢᠶᠠᠨ ᠱᠠᠨ ᠠᠭᠤᠯᠠᠨ ᠡᠴᠡ ᠡᠬᠢ ᠳᠠᠢ ᠬᠠᠷᠠ ᠭᠤᠤᠯ ᠬᠡᠵᠤ ᠬᠦᠬᠡᠨᠠᠭᠤᠷ᠂ ᠭᠠᠨᠰᠤ᠂ ᠦᠪᠦᠷ ᠮᠤᠩᠭᠤᠯ ᠭᠤᠷᠪᠠᠨ ᠮᠤᠵᠢ ᠤᠷᠤᠨᠢᠶᠡᠷ ᠤᠷᠤᠰᠤᠨ ᠦᠩᠬᠡᠷᠡᠵᠤ᠂ ᠠᠭᠤᠯᠠ ᠨᠢᠷᠤᠭᠤ᠂ ᠭᠤᠤ ᠬᠠᠪᠴᠢᠯ᠂ ᠭᠤᠪᠢ ᠴᠦᠯᠢ ᠤᠮᠳᠠᠯᠠᠨ ᠤᠷᠤᠰᠤᠬᠰᠠᠭᠠᠷ 1000 ᠰᠢᠬᠠᠮ ᠺᠢᠯᠤᠮᠧᠲᠷᠤᠨ ᠠᠶᠠᠨᠤ ᠦᠵᠦᠬᠦᠷ ᠲᠤ᠌ ᠡᠵᠡᠨᠡ ᠵᠢᠨ ᠰᠤᠪᠨᠠᠭᠤᠷ ᠪᠠ ᠭᠠᠰᠢᠭᠤᠨ ᠨᠠᠭᠤᠷ ᠲᠤ᠌ ᠴᠢᠳᠬᠤᠳᠠᠭ ᠪᠠᠢᠵᠠᠢ᠃
《ᠬᠠᠷᠠ ᠭᠤᠤᠯᠤᠨ ᠳᠤᠤᠷᠠᠳᠤ ᠤᠷᠤᠰᠬᠠᠯ ᠢ᠋ ᠮᠠᠨᠠᠢᠬᠢᠨ ᠡᠵᠡᠨᠡ ᠭᠤᠤᠯ ᠬᠡᠳᠡᠭ᠃ ᠡᠵᠡᠨᠡ ᠭᠤᠤᠯ ᠨᠢ ᠡᠵᠡᠨᠡ ᠵᠢᠨ ᠬᠢᠯᠢ ᠳ᠋ᠤ ᠮᠦᠷᠡᠨ ᠭᠤᠤᠯ （ᠮᠤᠷᠢᠨ ᠭᠤᠤᠯ） ᠪᠠ ᠡᠮᠦᠨᠡ ᠭᠤᠤᠯ （ᠵᠡᠬᠦᠨ ᠭᠤᠤᠯ） ᠬᠡᠵᠦ ᠬᠤᠶᠠᠷ ᠤᠷᠤᠰᠬᠠᠯ ᠪᠤᠯᠵᠤ ᠰᠠᠯᠪᠤᠷᠢᠯᠠᠨ ᠤᠷᠤᠰᠴᠤ᠂ ᠮᠦᠷᠡᠨ ᠭᠤᠤᠯ ᠨᠢ ᠲᠡᠬᠢᠨ ᠴᠤᠨᠵᠢ ᠵᠢᠨ ᠭᠤᠤᠯ᠂ ᠯᠦᠩᠽᠢ ᠵᠢᠨ ᠭᠤᠤᠯ ᠬᠡᠮᠡᠨ ᠰᠠᠯᠪᠤᠷᠢᠯᠠᠨ ᠤᠷᠤᠰᠴᠤ᠂ ᠡᠮᠦᠨᠡ ᠭᠤᠤᠯ ᠨᠢ ᠤᠷᠤᠰᠬᠠᠯ ᠳᠠᠭᠠᠤ ᠪᠠᠨ ᠤᠪᠤᠭᠠ ᠵᠢᠨ ᠭᠤᠤᠯ᠂ ᠬᠦᠭᠰᠢᠨ ᠭᠤᠤᠯ᠂ ᠬᠠᠷᠠ ᠰᠤᠬᠠᠢ ᠵᠢᠨ ᠭᠤᠤᠯ᠂ ᠦᠨᠳᠦᠷ ᠡᠯᠡᠰᠦᠨᠤ ᠭᠤᠤᠯ᠂ ᠰᠡᠬᠡᠷᠤᠨ ᠳᠤᠤᠷᠠᠢ ᠵᠢᠨ ᠭᠤᠤᠯ᠂ ᠵᠤᠤᠬᠠ ᠵᠢᠨ ᠭᠤᠤᠯ᠂ ᠮᠤᠨᠤᠩᠤᠨ ᠭᠤᠤᠯ ᠁ ᠬᠡᠮᠡᠨ ᠨᠡᠢᠳᠡ 29 ᠭᠤᠤᠯ ᠪᠤᠯᠵᠤ ᠰᠠᠯᠪᠤᠷᠢᠯᠠᠨ᠂ ᠬᠦᠮᠦᠨᠤ ᠮᠠᠬᠠᠪᠤᠳᠤᠨ ᠴᠢᠰᠤᠨ ᠰᠤᠳᠠᠰᠤ ᠬᠡᠮᠡᠷ ᠤᠯᠠᠨ ᠤᠳᠠᠭᠠ ᠰᠠᠯᠵᠤ ᠨᠡᠢᠯᠡᠨ ᠤᠷᠤᠰᠴᠤ᠂ ᠭᠤᠪᠢ ᠴᠦ᠋ᠯ ᠤ᠋ᠨ ᠳᠤᠤᠷᠠᠢ ᠰᠤᠬᠠᠢ ᠵᠢᠭᠳᠡ ᠵᠠᠭᠤᠨ ᠤᠢ ᠵᠢ ᠤᠮᠳᠠᠯᠠᠨ ᠤᠮᠳᠠᠯᠠᠭᠰᠠᠭᠠᠷ ᠰᠤᠪᠨᠠᠭᠤᠷ ᠪᠠ ᠭᠠᠰᠢᠭᠤᠨ ᠨᠠᠭᠤᠷ ᠲᠤ᠌ ᠴᠢᠳᠬᠤᠵᠤ ᠡᠵᠡᠨᠡ ᠵᠢᠨ ᠨᠤᠭᠤᠭᠠᠨ ᠪᠦᠷᠢᠳᠤ ᠵᠢ ᠪᠦᠷᠢᠯᠳᠦᠬᠦᠯᠵᠡᠢ》ᠬᠡᠵᠦ ᠨᠤᠳᠤᠭᠤᠨ ᠳᠡᠦᠬᠡ ᠰᠤᠶᠤᠯᠢᠶᠡᠨ ᠡᠮᠬᠢᠳᠬᠡᠨ ᠰᠤᠳᠤᠯᠵᠤ ᠢᠷᠡᠭᠰᠡᠨ ᠡᠵᠡᠨᠡ ᠬᠤᠰᠢᠭᠤᠨᠤ ᠳᠡᠦᠬᠡ ᠰᠤᠶᠤᠯ ᠤ᠋ᠨ ᠰᠤᠳᠤᠯᠭᠠᠨᠤ ᠬᠤᠷᠠᠯ ᠤ᠋ᠨ ᠳᠠᠷᠤᠭᠠ ᠭᠠᠯᠰᠠᠩᠫᠤᠩᠰᠤᠭ ᠳᠠᠨᠢᠯᠴᠠᠭᠤᠯᠤᠯᠠ᠃
ᠭᠠᠯᠰᠠᠩᠫᠤᠩᠰᠤᠭ
ᠰᠤᠪᠨᠠᠭᠤᠷᠤᠨ ᠳᠡᠦᠬᠡ ᠵᠢ ᠮᠦᠷᠳᠡᠪᠡᠯ᠂ ᠨᠡᠢᠳᠡ ᠵᠢᠨ ᠤᠨ ᠳᠤᠭᠠᠯᠠᠯ ᠡᠴᠡ ᠡᠮᠦᠨᠡ ᠰᠤᠪᠨᠠᠭᠤᠷ ᠤ᠋ᠨ ᠲᠠᠯᠠᠪᠠᠢ 2600 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠲᠤ᠌ ᠬᠦᠷᠴᠦ᠂ ᠴᠢᠨ ᠬᠠᠨᠤ ᠦᠶᠠ ᠳ᠋ᠤ 720 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠲᠤ᠌ ᠬᠦᠷᠴᠦ ᠪᠠᠢᠵᠠᠢ ᠁᠃ ᠤᠢᠷᠠ ᠦᠶᠠ ᠳ᠋ᠤ ᠬᠦᠷᠴᠦ ᠢᠷᠡᠪᠡᠯ᠂ ᠰᠤᠪᠨᠠᠭᠤᠷᠤᠨ ᠳᠤᠬᠠᠢ 3 ᠤᠳᠠᠭᠠ ᠵᠢᠨ ᠳᠡᠮᠳᠡᠭᠯᠡᠯ ᠳᠠᠢ᠄ ᠳᠡᠬᠡᠷᠠ ᠵᠠᠭᠤᠨᠤ ᠭᠤᠴᠢᠭᠠᠳ ᠤᠨᠤ ᠦᠶᠠ ᠳ᠋ᠤ ᠰᠤᠪᠨᠠᠭᠤᠷ ᠪᠠ ᠭᠠᠰᠢᠭᠤᠨ ᠨᠠᠭᠤᠷᠤᠨ ᠲᠠᠯᠠᠪᠠᠢ 300 ᠭᠠᠷᠤᠢ ᠳᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲ᠋ᠷ ᠲᠤ᠌ ᠬᠦᠷᠴᠦ ᠪᠠᠢᠵᠠᠢ᠃ 1927 ᠤᠨ ᠤ᠋ ᠭᠧᠷᠮᠠᠨ᠂ ᠰᠧᠢ᠍ᠰ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠳᠤᠨ ᠠᠩᠬᠢ ᠵᠢᠨ ᠲᠦᠷᠰᠦ ᠰᠢᠩᠬᠡᠬᠡᠯᠳᠡ ᠵᠢᠨ ᠮᠠᠲ᠋ᠧᠷᠢᠶᠠᠯᠢ ᠦᠨᠳᠦᠰᠦᠯᠡᠪᠡᠯ᠂ ᠰᠤᠪᠨᠠᠭᠤᠷᠤᠨ ᠤᠰᠤ ᠨᠢ ᠬᠦᠨ ᠪᠦᠬᠡᠳ ᠨᠡᠯᠦᠬᠡᠷ ᠶᠡᠬᠡ ᠪᠠᠢᠵᠠᠢ᠃ 1944 ᠤᠨ ᠳ᠋ᠤ ᠳᠠᠷᠢᠶᠠᠯᠠᠩᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠳᠠᠨ ᠰᠤᠪᠨᠠᠭᠤᠷ ᠲᠤ᠌ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠬᠢᠬᠦ ᠳ᠋ᠡᠬᠡᠨ 《ᠨᠠᠭᠤᠷᠤᠨ ᠤᠰᠤᠨ ᠳ᠋ᠤ ᠤᠯᠠᠨ ᠵᠦᠢᠯᠤᠨ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ ᠴᠤᠯᠬᠢᠨ᠂ ᠨᠠᠭᠤᠷᠤᠨ ᠤᠰᠤᠨ ᠳᠡᠬᠡᠬᠦᠷ ᠰᠢᠪᠠᠭᠤᠳ ᠰᠦᠷᠦᠭᠯᠡᠨ ᠬᠠᠯᠢᠨ ᠨᠢᠰᠦᠭᠡᠳ ᠡᠳᠡᠭᠡᠳ ᠭᠤᠶᠤ ᠦᠵᠡᠮᠵᠢ ᠵᠢ ᠪᠦᠷᠢᠯᠳᠦᠬᠦᠯᠵᠡᠢ᠃ ᠬᠤᠯᠤᠰᠤ ᠵᠡᠬᠡᠰᠦ ᠢᠭᠴᠤᠷᠠᠨ᠂ ᠳᠡᠮᠡᠬᠡ ᠳᠠᠢ ᠬᠦᠮᠦᠨ ᠬᠤᠯᠤᠰᠤᠨᠳ᠋ᠤ ᠤᠷᠤᠪᠠᠯ ᠦᠵᠡᠭᠳᠡᠬᠦ ᠦᠬᠡᠢ ᠪᠤᠯᠤᠨᠠ》 ᠬᠡᠵᠤ ᠳᠡᠮᠳᠡᠭᠯᠡᠵᠡᠢ᠃ 1958 ᠤᠨ ᠤ᠋ ᠳᠤᠮᠳᠠᠳᠤ ᠤᠯᠤᠰᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠳ᠋ᠤ ᠭᠠᠰᠢᠭᠤᠨ ᠨᠠᠭᠤᠷᠤᠨ ᠲᠠᠯᠠᠪᠠᠢ 267 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲ᠋ᠷ᠂ ᠰᠤᠪᠨᠠᠭᠤᠷᠤᠨ ᠲᠠᠯᠠᠪᠠᠢ 35.5 ᠳᠡᠭᠰᠢ ᠲᠦᠷᠪᠡᠯᠵᠢᠨ ᠺᠢᠯᠤᠮᠧᠲ᠋ᠷ ᠪᠠᠢᠵᠠᠢ᠃
《1961 ᠤᠨ ᠳ᠋ᠤ ᠭᠠᠰᠢᠭᠤᠨ ᠨᠠᠭᠤᠷ ᠬᠠᠳᠠᠵᠤ᠂ 1992 ᠤᠨ ᠳ᠋ᠤ ᠰᠤᠪᠨᠠᠭᠤᠷ ᠬᠠᠳᠠᠵᠠᠢ᠃ 2002 ᠤᠨ ᠳ᠋ᠤ ᠰᠤᠪᠨᠠᠭᠤᠷ ᠲᠤ᠌ ᠤᠰᠤ ᠤᠷᠤᠭᠤᠯᠵᠤ᠂ ᠤᠳᠤ 40 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠤᠰᠤᠨᠤ ᠬᠡᠮᠵᠢᠶᠠ ᠵᠢ ᠪᠠᠳᠤᠯᠠᠵᠤ ᠪᠠᠢᠨᠠ》 ᠬᠡᠮᠡᠨ ᠡᠵᠡᠨᠡ ᠬᠤᠰᠢᠭᠤᠨ ᠤ᠋ ᠤᠰᠤᠨ ᠠᠰᠢᠭᠯᠠᠯᠳᠠ ᠵᠢᠨ ᠳᠤᠪᠴᠢᠶᠠ ᠵᠢᠨ ᠳᠠᠷᠤᠭᠠ᠂ ᠳᠡᠳ᠋ ᠬᠤᠰᠢᠭᠤᠨ ᠳᠠᠷᠤᠭᠠ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠭᠰᠠᠨ ᠠᠬᠠᠮᠠᠳ ᠺᠠᠳ᠋ᠷ ᠳ᠋ᠧᠩ ᠵᠢᠢ ᠶᠢᠦ ᠤᠨ ᠵᠢᠯᠤᠨ ᠳᠡᠷᠳᠡᠬᠡ ᠳ᠋ᠡᠬᠢ ᠰᠤᠪᠨᠠᠭᠤᠷᠤᠨ ᠡᠷᠳᠡᠨ ᠡᠳᠦᠬᠡ ᠵᠢ ᠠᠯᠠᠭᠠᠨ ᠤ᠋ ᠵᠢᠷᠤᠭᠠᠰᠤ ᠪᠠᠨ ᠰᠢᠭ᠋ ᠳᠤᠳᠤᠬᠠᠨ ᠪᠠᠢᠯᠠ᠃
ᠳ᠋ᠧᠩ ᠵᠢᠢ ᠶᠢᠦ
ᠰᠤᠪᠨᠠᠭᠤᠷ ᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠤᠮᠠᠷᠠᠳᠤ ᠵᠢᠨ ᠨᠤᠮᠢᠨ ᠨᠤᠭᠤᠭᠠᠨ ᠬᠠᠯᠬᠠᠪᠴᠢ ᠵᠢ ᠪᠠᠢᠭᠤᠯᠬᠤ ᠳ᠋ᠤ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭᠳᠠᠯ ᠳᠠᠢ᠃ ᠡᠵᠡᠨᠡ ᠭᠤᠤᠯ ᠨᠢ ᠤᠷᠤᠰᠬᠠᠯ ᠳᠠᠭᠠᠤ ᠪᠠᠨ ᠪᠠᠢᠭᠠᠯᠢᠯᠢᠭ ᠨᠤᠭᠤᠭᠠᠨ ᠤᠢ ᠵᠢᠨ ᠬᠠᠯᠬᠠᠪᠴᠢ ᠵᠢ ᠪᠦᠷᠢᠯᠳᠦᠬᠦᠯᠵᠦ᠂ ᠪᠠᠷᠠᠭᠤᠨ ᠬᠤᠢᠳᠤ ᠵᠢᠨ ᠰᠠᠯᠬᠢᠨ ᠤ᠋ ᠢᠳᠡᠭᠳᠡᠯ ᠢ᠋ ᠬᠠᠯᠬᠠᠯᠠᠭᠰᠠᠨ ᠡᠴᠡ ᠭᠠᠩ ᠬᠠᠭᠤᠷᠠᠢ ᠭᠠᠵᠠᠷ ᠲᠤ᠌ ᠡᠨᠡ᠌ ᠬᠦ᠌ ᠨᠤᠭᠤᠭᠠᠨ ᠬᠠᠯᠠᠭᠪᠴᠢ ᠨᠢ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠵᠢᠡᠨ ᠦᠵᠡᠬᠦᠯᠦᠭᠰᠡᠬᠡᠷ ᠢᠷᠡᠵᠡᠢ᠃ 《ᠯᠢᠨ ᠡᠾᠧ ᠡᠴᠡ ᠬᠠᠮᠢ ᠬᠦᠷᠬᠦ ᠳᠡᠮᠦᠷ ᠵᠠᠮ᠂ ᠪᠡᠬᠡᠵᠢᠩ ᠡᠴᠡ ᠰᠢᠨᠵᠢᠶᠠᠩ ᠬᠦᠷᠬᠦ ᠲᠦᠷᠬᠡᠨ ᠤ᠋ ᠵᠠᠮ ᠡᠵᠡᠨᠡ ᠪᠡᠷ ᠦᠩᠬᠡᠷᠡᠵᠦ ᠪᠤᠢ᠃ ᠵᠠᠮ ᠬᠠᠷᠢᠯᠴᠠᠭᠠ ᠰᠠᠭᠠᠳ ᠦᠬᠡᠢ ᠨᠡᠪᠳᠡᠷᠡᠬᠦ ᠳ᠋ᠤ ᠮᠦᠨ ᠴᠤ᠌ ᠰᠠᠢᠨ ᠠᠮᠢ ᠠᠬᠤᠢ ᠵᠢᠨ ᠤᠷᠴᠢᠨ ᠪᠠᠢᠬᠤ ᠬᠡᠷᠡᠭᠳᠡᠢ᠃ ᠡᠵᠡᠨᠠ ᠨᠤᠳᠤᠭ ᠦᠪᠦᠷ ᠮᠤᠩᠭᠤᠯᠤᠨ ᠬᠠᠮᠤᠭᠤᠨ ᠪᠠᠷᠠᠭᠤᠨ ᠬᠡᠰᠡᠭ ᠲᠤ᠌ ᠪᠠᠢᠷᠢᠯᠠᠳᠠᠭ᠃ ᠡᠨᠳᠡᠬᠢ ᠠᠮᠢ ᠠᠬᠤᠢ ᠵᠢ ᠰᠠᠢᠳᠤᠷ ᠬᠠᠮᠠᠭᠠᠯᠠᠵᠤ ᠪᠦᠳᠦᠬᠡᠨ ᠪᠠᠢᠭᠤᠯᠬᠤ ᠨᠢ ᠪᠢᠳᠡᠨ ᠤ᠋ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠢ᠋ ᠠᠬᠢᠭᠤᠯᠬᠤ᠂ ᠬᠢᠯᠢ ᠬᠢᠵᠠᠭᠠᠷᠤᠨ ᠠᠮᠤᠷ ᠳᠤᠭᠳᠠᠭᠤᠨ ᠢ᠋ ᠪᠡᠬᠢᠵᠢᠬᠦᠯᠬᠦ ᠳ᠋ᠤ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭᠳᠠᠯ ᠳᠠᠢ》 ᠬᠡᠵᠦ ᠳ᠋ᠧᠩ ᠵᠢᠢ ᠶᠢᠦ ᠶᠠᠷᠢᠵᠤ ᠪᠠᠢᠯᠠ᠃
《ᠲᠤᠷᠭᠠᠨ ᠵᠠᠮ 》 ᠲᠡᠭᠡᠷᠡ ᠭᠡᠷᠡᠯᠳᠦᠭᠰᠡᠨ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠨᠢᠭᠡᠨ ᠪᠤᠯᠪᠠᠰᠤᠨ
ᠨᠠᠭᠤᠷ ᠭᠤᠤᠯ ᠵᠢᠡᠨ ᠳᠠᠭᠠᠵᠤ ᠰᠤᠶᠤᠯ ᠪᠤᠯᠪᠠᠰᠤᠨ ᠪᠦᠷᠢᠯᠳᠦᠳᠡᠭ᠃ ᠦᠯᠢᠬᠡᠷ ᠲᠤᠮᠤᠭ ᠲᠠᠢ ᠰᠤᠪᠨᠠᠭᠤᠷᠤᠨ ᠳᠡᠦᠬᠡᠨ ᠤᠯᠪᠠᠭᠠ ᠵᠢ ᠮᠦᠷᠳᠡᠪᠡᠯ᠂ ᠠᠳᠠᠯᠢ ᠪᠤᠰᠤ ᠳᠡᠦᠬᠡᠨ ᠴᠠᠭ ᠦᠶᠡ ᠳ᠋ᠤ ᠠᠳᠠᠯᠢ ᠪᠤᠰᠤ ᠵᠢᠨ ᠨᠡᠷᠡᠢᠳᠦᠯ ᠳᠠᠢ ᠠᠵᠢ᠃ ᠡᠾᠦᠢ᠍ᠩᠨᠤ ᠵᠢᠨ ᠦᠶᠠ ᠳ᠋ᠤ ᠳᠡᠭᠷᠢ ᠨᠠᠭᠤᠷ᠂ ᠬᠠᠨ ᠤᠯᠤᠰᠤᠨ ᠦᠶᠠ ᠳ᠋ᠤ ᠵᠢᠤᠢ ᠶᠠᠨ ᠽᠧ᠂ ᠸᠧᠢ ᠵᠢᠨ ᠤᠯᠤᠰᠤᠨ ᠦᠶᠠ ᠳ᠋ᠤ ᠪᠠᠷᠠᠭᠤᠨ ᠳᠠᠯᠠᠢ᠂ ᠲᠠᠩ ᠤᠯᠤᠰᠤᠨ ᠦᠶᠠ ᠳ᠋ᠤ ᠵᠢᠤᠢ ᠶᠠᠨ ᠬᠠᠢ᠂ ᠴᠢᠩ ᠤᠯᠤᠰᠤᠨ ᠰᠡᠬᠦᠯᠴᠢ ᠪᠡᠷ ᠭᠠᠰᠢᠭᠤᠨ ᠨᠠᠭᠤᠷ ᠰᠤᠪᠨᠠᠭᠤᠷ （ᠪᠤᠭᠤ ᠨᠠᠭᠤᠷ᠂ ᠰᠤᠭᠤ ᠨᠠᠭᠤᠷ）ᠬᠡᠵᠦ ᠨᠡᠷᠡᠯᠡᠳᠡᠭ ᠪᠤᠯᠵᠠᠢ᠃
ᠭᠤᠪᠢ ᠵᠢᠨ ᠬᠦᠨ ᠳ᠋ᠡᠬᠢ ᠨᠤᠭᠤᠭᠠᠨ ᠪᠦᠷᠢᠳᠤ ᠰᠤᠪᠨᠠᠭᠤᠷ ᠨᠢ ᠳᠡᠦᠬᠡᠨ ᠳ᠋ᠤ ᠨᠢᠬᠡ ᠭᠠᠵᠠᠷᠤᠰᠤᠨ ᠤ᠋ ᠨᠡᠷᠡ ᠳᠡᠳᠦᠢ ᠪᠢᠰᠢ ᠰᠤᠶᠤᠯᠤᠨ ᠪᠡᠯᠬᠡ ᠳᠡᠮᠳᠡᠭ ᠶᠤᠮ᠃ ᠬᠦᠮᠦᠨ ᠲᠦᠷᠦᠯᠬᠢᠳᠡᠨᠤ ᠡᠷᠳᠡᠨᠤ ᠰᠤᠶᠤᠯ ᠪᠤᠯᠪᠠᠰᠤᠨ ᠤᠯᠨ ᠮᠦᠷ ᠵᠢᠡᠨ ᠦᠯᠡᠳᠡᠬᠡᠵᠦ᠂ ᠵᠢᠤᠢ ᠶᠠᠨᠤ ᠪᠤᠯᠪᠠᠰᠤᠨ ᠡᠨᠳᠡ ᠪᠦᠷᠢᠯᠳᠦᠵᠦ᠂ ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠰᠤᠶᠤᠯ ᠪᠤᠯᠪᠠᠰᠤᠨ ᠤ᠋ ᠡᠬᠦᠰᠦᠯᠤᠨ ᠭᠠᠵᠠᠷᠤᠨ ᠨᠢᠬᠡ ᠪᠤᠯᠪᠠ᠃ ᠳᠡᠦᠬᠡᠨ ᠳᠡᠮᠳᠡᠭᠯᠡᠯ ᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠰᠤᠪᠨᠠᠭᠤᠷ ᠨᠢ ᠡᠷᠳᠡᠨ ᠳ᠋ᠡᠬᠡᠨ ᠴᠡᠷᠢᠭᠤᠨ ᠶᠠᠪᠤᠳᠠᠯ ᠪᠠ ᠵᠠᠮ ᠬᠠᠷᠢᠯᠴᠠᠭᠠ ᠵᠢᠨ ᠴᠢᠬᠤᠯᠠ ᠪᠤᠭᠤᠮᠳᠠ ᠪᠠᠢᠭᠰᠠᠨ ᠶᠤᠮ᠃ ᠬᠠᠨ ᠤᠯᠤᠰᠤᠨ ᠦᠶᠠ ᠳ᠋ᠤ ᠬᠠᠨ ᠡᠦ ᠳᠢ ᠬᠠᠭᠠᠨ ᠡᠾᠦ᠋ᠧᠧ ᠴᠢᠤᠢ ᠪᠢᠩ ᠵᠠᠩᠵᠤᠨ ᠵᠢᠡᠷ ᠴᠡᠷᠢᠭ ᠳᠠᠢᠴᠢᠯᠠᠭᠤᠯᠵᠤ ᠤᠮᠠᠷᠠᠰᠢ ᠪᠠᠢᠯᠳᠤᠵᠤ᠂ ᠡᠾᠧᠰᠢ ᠵᠢᠨ ᠬᠤᠩᠬᠢᠯ ᠢ᠋ ᠬᠤᠷᠢᠶᠠᠨ ᠠᠪᠴᠤ᠂ ᠵᠢᠤᠢ ᠶᠠᠨ ᠬᠠᠢ ᠳ᠋ᠤ ᠬᠢᠳᠠᠳ ᠦᠨᠳᠦᠰᠦᠳᠡᠨ ᠳᠤᠮᠳᠠ ᠤᠷᠤᠨ ᠡᠴᠡ ᠠᠩᠬᠠ ᠢᠷᠡᠵᠦ ᠵᠢᠤᠢ ᠶᠠᠨ ᠰᠢᠶᠠᠨ ᠢ᠋ ᠪᠠᠢᠭᠤᠯᠵᠤ᠂ ᠬᠢᠯᠢ ᠬᠢᠵᠠᠭᠠᠷᠢ ᠰᠠᠬᠢᠵᠤ ᠳᠠᠷᠢᠶᠠᠯᠠᠵᠤ ᠪᠠᠢᠵᠠᠢ᠃ ᠲᠠᠩ ᠤᠯᠤᠰᠤᠨ ᠦᠶᠠ ᠳ᠋ᠤ ᠲᠦᠷᠺ ᠦᠨᠳᠦᠰᠦᠳᠡᠨ ᠡᠨᠳᠡ ᠰᠠᠭᠤᠷᠢᠰᠢᠵᠤ᠂ ᠪᠠᠷᠠᠭᠤᠨ ᠰᠢᠶᠠ ᠤᠯᠤᠰ ᠬᠠᠷᠠ ᠬᠤᠳᠠ ᠵᠢ ᠪᠠᠢᠭᠤᠯᠵᠤ᠂ ᠶᠤᠸᠠᠨ ᠤᠯᠤᠰᠤᠨ ᠦᠶᠠ ᠳ᠋ᠤ ᠢᠵᠢᠨᠡᠢ ᠯᠤ᠌ ᠶᠡᠷᠦᠩᠬᠡᠢ ᠵᠠᠬᠢᠷᠤᠯᠳᠠ ᠵᠢᠨ ᠶᠠᠮᠤᠨ ᠪᠠᠢᠭᠤᠯᠵᠤ᠂ ᠨᠠᠢ᠍ᠮᠠᠨ ᠳᠤᠮᠤ ᠤᠯᠠᠭᠠ ᠦᠷᠳᠡᠬᠡ ᠳᠠᠢ ᠪᠠᠢᠵᠠᠢ᠃ 〈ᠮᠠᠷᠺᠤ ᠫᠤᠯᠤ ᠵᠢᠨ ᠵᠢᠭᠤᠯᠴᠢᠯᠠᠯ ᠤ᠋ᠨ ᠳᠡᠮᠳᠡᠭᠯᠡᠯ〉 ᠳ᠋ᠤ ᠢᠵᠢᠨᠡᠢ ᠵᠢ ᠳ᠋ᠠᠩᠰᠢᠶᠠᠩ ᠦᠬᠡ ᠬᠠᠷᠠ ᠤᠰᠤ ᠬᠡᠰᠡᠨ ᠤᠳᠬᠠ ᠳᠠᠢ ᠬᠡᠬᠦ ᠳᠡᠮᠳᠡᠭᠯᠡᠯ ᠪᠤᠢ᠃ ᠶᠤᠸᠠᠨ ᠤᠯᠤᠰᠤᠨ ᠰᠡᠬᠦᠯᠴᠢ ᠪᠡᠷ ᠪᠠᠭᠠᠳᠤᠷ ᠬᠠᠷᠠ ᠵᠠᠩᠵᠤᠨ ᠬᠤᠳᠠ ᠡᠴᠡ ᠳᠤᠳᠠᠭᠠᠭᠰᠠᠨ ᠡᠴᠡ ᠨᠠᠭᠠᠰᠢ ᠴᠡᠷᠢᠭ ᠳᠠᠢᠨ ᠤ᠋ ᠵᠠᠰᠠᠭ ᠵᠠᠬᠢᠷᠭᠠᠨ ᠤ᠋ ᠭᠠᠵᠠᠷ ᠤ᠋ᠨ ᠦᠢᠯᠡᠳᠦᠯ ᠵᠢᠡᠨ ᠠᠯᠳᠠᠵᠤ ᠪᠠᠯᠠᠷ ᠴᠦᠯ ᠪᠤᠯᠵᠤ ᠬᠡᠳᠦᠨ ᠵᠠᠭᠤᠨ ᠵᠢᠯ ᠬᠠᠶᠠᠭᠳᠠᠵᠠᠢ᠃ 17 ᠳ᠋ᠤᠭᠠᠷ ᠵᠠᠭᠤᠨ ᠳ᠋ᠤ ᠳᠤᠷᠭᠤᠳ ᠠᠢᠮᠠᠭ ᠢᠵᠢᠯ ᠮᠦᠷᠡᠨᠤ ᠰᠠᠪᠠ ᠭᠠᠵᠠᠷ ᠡᠴᠡ ᠪᠤᠴᠠᠵᠤ ᠢᠷᠡᠵᠦ ᠰᠢᠨᠵᠢᠶᠠᠩ ᠡᠴᠡ ᠡᠨᠳᠡ ᠢᠷᠡᠵᠦ ᠨᠤᠳᠤᠭᠯᠠᠵᠤ ᠬᠢᠯᠢ ᠬᠢᠵᠠᠭᠠᠷ ᠵᠢᠡᠨ ᠬᠠᠮᠠᠭᠠᠯᠠᠵᠤ ᠪᠠᠢᠵᠠᠢ᠃ ᠳᠡᠬᠡᠬᠦ ᠪᠡᠷ ᠵᠢᠡᠨ ᠡᠵᠡᠨᠡ ᠬᠤᠰᠢᠭᠤ ᠵᠢ ᠪᠠᠰᠠ ᠡᠵᠡᠨᠡ ᠬᠠᠭᠤᠴᠢᠨ ᠳᠤᠷᠭᠤᠳ ᠬᠤᠰᠢᠭᠤ ᠬᠡᠵᠦ ᠨᠡᠷᠡᠯᠡᠳᠡᠭ ᠪᠠᠢᠵᠠᠢ᠃
ᠰᠤᠪᠨᠠᠭᠤᠷ ᠤᠷᠤᠨ ᠪᠤᠯ ᠡᠷᠳᠡᠨ ᠳ᠋ᠡᠬᠡᠨ ᠪᠠᠳᠠᠢ ᠵᠢᠨ ᠵᠢᠷᠠᠨᠤ ᠡᠯᠡᠰᠦᠨ ᠡᠴᠡ ᠭᠤᠪᠢ ᠵᠢᠨ ᠠᠷᠤ ᠳ᠋ᠤ ᠨᠡᠪᠳᠡᠷᠡᠬᠦ ᠴᠢᠬᠤᠯᠠ ᠵᠠᠮ ᠪᠤᠯᠤᠨᠠ᠃ ᠬᠠᠭᠤᠴᠢ ᠰᠤᠳᠤᠯᠤᠭᠴᠢᠳᠤᠨ ᠤᠯᠳᠠᠭᠰᠠᠨ ᠨᠡᠷᠡᠳᠤ ᠵᠢᠤᠢ ᠶᠠᠨᠤ ᠬᠤᠯᠤᠰᠤᠨ ᠪᠢᠴᠢᠭ᠂ ᠸᠠᠭᠠᠷ ᠱᠠᠭᠠᠵᠠᠩ ᠡᠳ᠋ᠯᠡᠯ᠂ ᠬᠤᠳᠠ ᠵᠢᠨ ᠪᠠᠭᠤᠷᠢ᠂ ᠰᠦᠮᠠ ᠰᠤᠪᠤᠷᠭᠠ ᠮᠡᠳᠤ ᠵᠢᠨ ᠬᠠᠭᠤᠴᠢ ᠦᠯᠡᠳᠡᠭᠳᠡᠯ ᠡᠴᠡ ᠡᠨᠳᠡ ᠡᠾᠦᠢ᠍ᠩᠨᠤ᠂ ᠰᠢᠶᠠᠨᠪᠢ ᠂ ᠲᠦᠷᠺ᠂ ᠬᠢᠳᠠᠳ᠂ ᠲᠦᠪᠡᠳ᠂ ᠮᠤᠩᠭᠤᠯ᠂ ᠤᠢᠭᠤᠷ ᠵᠡᠷᠬᠡ ᠤᠯᠠᠨ ᠴᠦᠬᠡᠨ ᠳᠤᠭᠠᠳᠤ ᠦᠨᠳᠦᠰᠦᠳᠡᠨ ᠤᠷᠤᠰᠢᠨ ᠰᠠᠭᠤᠵᠤ ᠠᠮᠢᠳᠤᠷᠠᠵᠤ ᠪᠠᠢᠭᠰᠠᠨ ᠤᠯᠨ ᠮᠦᠷ ᠬᠠᠷᠠᠭᠳᠠᠨᠠ᠃ ᠰᠤᠪᠨᠠᠭᠤᠷ （ᠵᠢᠤᠢ ᠶᠠᠨ ᠬᠤᠳᠠ） ᠨᠢ ᠤᠮᠠᠷᠠᠳᠤ ᠵᠢᠨ ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠳᠡᠨᠤ ᠡᠮᠦᠨᠡᠰᠢ ᠨᠡᠬᠦᠳᠡᠯᠯᠡᠬᠦ ᠳ᠋ᠤ ᠵᠠᠪᠠᠯ ᠦᠩᠬᠡᠷᠡᠬᠦ ᠵᠠᠮ᠂ ᠬᠢᠯᠢ ᠵᠢᠨ ᠬᠠᠮᠠᠭᠠᠯᠠᠯᠳᠠ ᠵᠢᠨ ᠪᠤᠭᠤᠮᠳᠠ ᠪᠠᠢᠭᠰᠠᠨ ᠪᠤᠯᠬᠤᠷ ᠡᠷᠳᠡᠨᠤ ᠴᠡᠷᠢᠭᠤᠨ ᠡᠷᠳᠡᠮᠳᠡᠳᠤᠨ ᠪᠤᠯᠢᠶᠠᠯᠳᠤᠨ ᠲᠡᠮᠡᠴᠡᠯᠳᠦᠳᠡᠭ ᠭᠠᠵᠠᠷ ᠪᠠᠢᠵᠠᠢ᠃ ᠵᠠᠩ ᠴᠢᠶᠠᠨ ᠬᠤᠶᠡᠳᠡᠬᠢ ᠤᠳᠠᠭᠠ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠤᠷᠤᠨ ᠳ᠋ᠤ ᠡᠯᠴᠢᠯᠡᠬᠦ ᠳ᠋ᠡᠬᠡᠨ ᠪᠤᠭᠤᠮᠳᠠ ᠵᠢ ᠳᠠᠪᠠᠵᠤ ᠵᠢᠤᠢ ᠶᠠᠨᠤ ᠡᠷᠳᠡᠨᠤ ᠵᠠᠮ ᠪᠤᠯᠬᠤ ᠳᠠᠯᠠ ᠨᠤᠳᠤᠭᠤᠨ ᠳᠤᠷᠭᠠᠨ ᠵᠠᠮ ᠵᠢᠡᠷ ᠦᠩᠬᠡᠷᠡᠵᠦ ᠪᠠᠢᠭᠰᠠᠨ ᠠᠵᠢ᠃ 《ᠵᠢᠤᠢ ᠶᠠᠨ ᠤ᠋ ᠡᠷᠳᠡᠨ ᠤ᠋ ᠵᠠᠮ ᠨᠢ ᠬᠠᠨ ᠤᠯᠤᠰ ᠪᠠ ᠳᠠᠩ ᠤᠯᠤᠰᠤᠨ ᠦᠶᠡ ᠳ᠋ᠤ〈ᠪᠤᠭᠤᠮᠳᠠ ᠵᠢᠨ ᠭᠠᠳᠠᠨᠠᠬᠢ ᠳᠤᠷᠭᠠᠨ ᠵᠠᠮ〉 ᠤ᠋ᠨ ᠨᠢᠬᠡ ᠬᠡᠰᠡᠭ ᠪᠠᠢᠵᠤ᠂ ᠡᠷᠳᠡᠨ ᠳ᠋ᠤ ᠳᠤᠮᠳᠠᠳᠤ ᠤᠷᠤᠨ ᠤ᠋ ᠬᠦᠮᠦᠰᠤᠨ ᠭᠤᠪᠢ ᠵᠢᠨ ᠠᠷᠤ ᠳ᠋ᠤ ᠨᠡᠪᠳᠡᠷᠡᠬᠦ ᠴᠢᠬᠤᠯᠠ ᠵᠠᠮ ᠪᠠᠢᠵᠠᠢ》 ᠬᠡᠵᠦ ᠭᠠᠯᠰᠠᠩᠫᠤᠩᠰᠤᠭ ᠨᠤᠳᠤᠭᠤᠨ ᠳᠡᠦᠬᠡ ᠰᠤᠶᠤᠯᠤᠨ ᠵᠢᠡᠨ ᠳᠤᠬᠠᠢ ᠤᠴᠢᠷᠯᠠᠵᠤ ᠶᠠᠷᠢᠯᠠ᠃
ᠵᠢᠤᠢ ᠶᠠᠨ ᠤ᠋ ᠬᠤᠯᠤᠰᠤᠨ ᠪᠢᠴᠢᠭ ᠳᠤ᠌ ᠲᠠᠷᠢᠶᠠᠯᠠᠬᠤ ᠰᠤᠶᠤᠯ ᠪᠠ ᠨᠡᠬᠦᠳᠡᠯ ᠮᠠᠯᠵᠢᠯᠤᠨ ᠰᠤᠶᠤᠯᠤᠨ ᠬᠠᠷᠢᠯᠴᠠᠨ ᠠᠭᠤᠰᠤᠯᠴᠠᠨ ᠨᠡᠪᠳᠡᠷᠡᠯᠴᠡᠵᠦ᠂ ᠤᠯᠠᠨ ᠦᠨᠳᠦᠰᠦᠳᠡᠨ ᠬᠠᠮᠳᠤ ᠪᠡᠷ ᠪᠠᠳᠠᠷᠠᠨ ᠬᠦᠭᠵᠢᠭᠰᠡᠨ ᠶᠡᠬᠡ ᠨᠢᠬᠡᠳᠦᠯᠤᠨ ᠴᠠᠭ ᠦᠶᠠ ᠵᠢ ᠳᠡᠮᠳᠡᠭᠯᠡᠭᠰᠡᠨ ᠪᠠᠢᠨᠠ᠃ 《ᠡᠷᠳᠡᠮᠳᠡᠳ ᠤ᠋ᠨ ᠰᠤᠳᠤᠯᠭᠠᠨ ᠢ᠋ ᠦᠨᠳᠦᠰᠦᠯᠡᠪᠡᠯ ᠵᠢᠤᠢ ᠶᠠᠨ ᠤ᠋ ᠬᠤᠯᠤᠰᠤᠨ ᠪᠢᠴᠢᠭ ᠲᠤ᠌ ᠵᠢᠤᠢ ᠶᠨᠨ ᠤᠷᠤᠨ ᠤ᠋ ᠮᠠᠨᠳᠤᠯ ᠪᠠᠭᠤᠷᠠᠯ ᠢ᠋ ᠳᠡᠮᠳᠡᠭᠯᠡᠭᠰᠡᠨ ᠵᠢᠡᠷ ᠪᠠᠷᠬᠠᠤ ᠦᠬᠡᠢ ᠪᠠᠷᠠᠭᠤᠨ ᠬᠠᠨᠤ ᠳᠤᠮᠳᠠᠴᠢ ᠦᠶᠡ ᠡᠴᠡ ᠵᠡᠬᠦᠨ ᠬᠠᠨᠤ ᠡᠬᠢᠨᠤ ᠦᠶᠡ ᠪᠤᠯᠳᠠᠯᠡᠬᠢ ᠬᠠᠨ ᠤᠯᠤᠰᠤᠨ 270 ᠵᠢᠯᠤᠨ ᠳᠡᠦᠬᠡ ᠵᠢ ᠳᠡᠮᠳᠡᠭᠯᠡᠵᠦ᠂ ᠪᠠᠷᠠᠭᠤᠨ ᠬᠤᠢᠳᠤ ᠵᠢᠨ ᠬᠢᠯᠢ ᠬᠢᠵᠠᠭᠠᠷ ᠤ᠋ᠨ ᠴᠡᠷᠢᠭ ᠵᠠᠰᠠᠭᠤᠨ ᠠᠮᠢᠳᠤᠷᠠᠯᠤᠨ ᠨᠡᠪᠳᠡᠷᠬᠡᠢ ᠳᠤᠯᠢ ᠪᠤᠯᠬᠤ ᠶᠤᠮ᠃ ᠬᠤᠯᠤᠰᠤᠨ ᠪᠢᠴᠢᠭ ᠲᠤ᠌ ᠲᠡᠮᠳᠡᠭᠯᠡᠭᠳᠡᠭᠰᠡᠨ 2000 ᠵᠢᠯᠤᠨ ᠡᠮᠦᠨᠡᠬᠢ ᠠᠵᠤ ᠠᠬᠤᠢ ᠵᠢᠨ ᠲᠤᠬᠠᠢ ᠳᠡᠮᠳᠡᠭᠯᠡᠯ ᠦᠨᠳᠦᠰᠦᠳᠡᠨ ᠨᠤᠬᠦᠳ ᠤ᠋ᠨ ᠠᠵᠤ ᠠᠬᠤᠢ ᠵᠢᠨ ᠳᠠᠯᠠ ᠪᠡᠷ ᠬᠢ ᠶᠠᠪᠤᠯᠴᠠᠭᠠ ᠵᠢ ᠳᠤᠰᠬᠠᠪᠠ᠃ 700 ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡᠬᠢ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠶᠢᠨ ᠴᠠᠭᠠᠰᠤᠨ ᠪᠢᠴᠢᠭ᠌ ᠨᠢ ᠲᠤᠬᠠᠢᠶᠢᠨ ᠦᠶᠡᠶᠢᠨ ᠴᠡᠷᠢᠭᠦᠨ ᠬᠡᠷᠡᠭᠯᠡᠭᠡᠨᠦ ᠠᠮᠤ ᠪᠤᠳᠠᠭᠠᠨᠤ ᠬᠣᠯᠪᠣᠭᠳᠠᠯ ᠪᠦᠬᠦᠢ ᠠᠭᠤᠯᠭᠠᠶᠢ ᠲᠡᠮᠳᠡᠭᠯᠡᠭᠰᠡᠨ ᠪᠦᠬᠡᠳ ᠪᠢᠴᠢᠭ᠌ ᠢ᠋ ᠴᠥᠮ ᠬᠢᠲᠠᠳ ᠦᠰᠦᠭ ᠢ᠋ᠶ᠋ᠡᠷ ᠪᠢᠴᠢᠭᠰᠡᠨ ᠶᠤᠮ᠃ ᠡᠨᠳᠡ ᠡᠴᠡ ᠪᠢᠳᠡ ᠰᠤᠶᠤᠯᠤᠨ ᠠᠭᠤᠰᠤᠯᠴᠠᠯ ᠢ᠋ ᠤᠯᠵᠤ ᠬᠠᠷᠠᠵᠤ ᠪᠤᠯᠤᠨᠠ》 ᠬᠡᠵᠦ ᠭᠠᠯᠰᠠᠩᠫᠤᠩᠰᠤᠭ ᠶᠠᠷᠢᠯᠠ᠃
ᠤᠨ ᠵᠢᠯ ᠦᠩᠬᠡᠷᠡᠵᠦ ᠤᠷᠴᠢᠬᠤ ᠤᠯᠠᠷᠢᠯ ᠡᠬᠡᠯᠵᠢᠯᠡᠭᠰᠡᠬᠡᠷ ᠦᠨᠦᠳᠦᠷ ᠲᠤ᠌ ᠬᠦᠷᠴᠦ ᠢᠷᠡᠯᠡ᠃ ᠡᠬᠡ ᠤᠯᠤᠰᠤᠨ ᠦᠷᠬᠡᠨ ᠠᠭᠤᠳᠠᠮ ᠬᠢᠯᠢ ᠬᠢᠵᠠᠭᠠᠷ ᠢ᠋ ᠦᠨᠳᠦᠰᠦᠳᠡᠨ ᠨᠤᠬᠦᠳᠤᠨ ᠠᠷᠠᠳ ᠲᠦᠮᠡᠨ ᠬᠠᠮᠳᠤ ᠪᠡᠷ ᠨᠡᠬᠡᠬᠡᠵᠦ᠂ ᠬᠦᠨ ᠵᠤᠵᠠᠭᠠᠨ ᠦᠪ ᠰᠤᠶᠤᠯᠢ ᠨᠢ ᠦᠨᠳᠦᠰᠦᠳᠡᠨ ᠨᠤᠬᠦᠳᠤᠨ ᠠᠷᠠᠳ ᠲᠦᠮᠡᠨ ᠬᠠᠮᠳᠤ ᠪᠡᠷ ᠡᠬᠦᠳᠦᠨ ᠪᠦᠳᠦᠬᠡᠭᠰᠡᠨ ᠶᠤᠮ᠃ ᠦᠨᠢ ᠡᠷᠳᠡᠨ ᠤ᠋ ᠵᠢᠤᠢ ᠶᠠᠨᠤ ᠵᠠᠮ ᠨᠢ ᠦᠨᠦᠳᠦᠷ ᠡᠬᠡ ᠤᠯᠤᠰᠤᠨ《ᠨᠢᠬᠡ ᠪᠦᠰᠡ ᠨᠢᠬᠡ ᠵᠠᠮ》 ᠤ᠋ᠨ ᠤᠷᠢᠶᠠᠯᠠᠭᠠ ᠵᠢᠨ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠳᠡᠰᠢ ᠦᠷᠬᠦᠯᠵᠢᠯᠡᠭᠰᠡᠨ ᠨᠢᠬᠡᠨ ᠴᠢᠬᠤᠯᠠ ᠱᠤᠭᠤᠮ ᠪᠤᠯᠵᠤ᠂ ᠦᠪᠦᠷ ᠮᠤᠩᠭᠤᠯ ᠬᠢᠬᠡᠳ ᠳᠤᠳᠤᠷ ᠭᠠᠵᠠᠷ ᠢ᠋ ᠨᠢᠭᠳᠠ ᠬᠤᠯᠪᠤᠵᠤ᠂ ᠦᠨᠳᠦᠰᠦᠳᠡᠨ ᠨᠤᠬᠦᠳ ᠤ᠋ᠨ ᠪᠦᠯᠬᠦᠮᠳᠡ ᠳᠠᠪᠰᠢᠵᠤ ᠤᠷᠤᠭᠰᠢᠯᠠᠬᠤ ᠪᠠ ᠬᠠᠮᠳᠤ ᠪᠡᠷ ᠴᠡᠴᠡᠭᠯᠡᠨ ᠬᠦᠭᠵᠢᠬᠦ ᠵᠢᠨ ᠬᠤᠯᠪᠤᠭᠠᠰᠤ ᠬᠦᠬᠦᠷᠬᠡ ᠪᠤᠯᠤᠯᠠ᠃
ᠪᠠᠳᠠᠢ ᠵᠢᠨ ᠵᠢᠷᠠᠨᠳᠤ ᠤᠶᠠᠩᠭᠠᠷᠠᠭᠰᠠᠨ ᠠᠮᠢ ᠠᠬᠤᠢ ᠵᠢᠨ ᠨᠢᠭᠡᠨ ᠲᠤᠤᠯᠢᠰ
ᠰᠤᠪᠨᠠᠭᠤᠷ ᠤ᠋ᠨ ᠬᠦᠪᠡᠬᠡ ᠳᠠᠭᠠᠵᠤ ᠰᠤᠪᠨᠠᠭᠤᠷ ᠰᠤᠮᠤ ᠵᠢᠨ ᠴᠡᠬᠡ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠳ ᠠᠮᠢᠳᠤᠷᠠᠳᠠᠭ᠃ ᠴᠡᠬᠡ ᠭᠠᠴᠠᠭᠠ ᠵᠢᠨ ᠨᠠᠶᠠᠨ ᠲᠠᠪᠤ ᠵᠢᠨ ᠦᠨᠳᠦᠷ ᠨᠠᠰᠤ ᠵᠢ ᠵᠤᠭᠤᠭᠯᠠᠵᠤ ᠶᠠᠪᠤᠭᠠ ᠪᠠᠨᠳᠤᠤ ᠨᠠᠰᠤᠳᠠᠨ ᠪᠤᠯ ᠨᠠᠰᠤ ᠪᠡᠷ ᠵᠢᠡᠨ ᠨᠠᠭᠤᠷ ᠵᠢᠡᠨ ᠳᠠᠭᠠᠵᠤ ᠨᠡᠬᠦᠵᠦ ᠪᠠᠭᠤᠨ ᠳᠡᠮᠡᠬᠡ ᠮᠠᠯ ᠵᠢᠡᠨ ᠮᠠᠯᠵᠢᠭᠰᠠᠭᠠᠷ ᠢᠷᠡᠵᠡᠢ᠃ ᠨᠠᠰᠤᠳᠠᠨ ᠰᠤᠪᠨᠠᠭᠤᠷᠤᠨ ᠠᠮᠢ ᠠᠬᠤᠢ ᠵᠢᠨ ᠬᠤᠪᠢᠷᠠᠯᠳᠠ ᠵᠢ ᠦᠵᠡᠵᠦ ᠳᠤᠭᠤᠯᠵᠤ ᠢᠷᠡᠭᠰᠡᠨ ᠠᠮᠢᠳᠤ ᠳᠤᠯᠢ᠃《ᠲᠦᠴᠢᠬᠡᠳ ᠤᠨᠤ ᠦᠶᠠ ᠮᠢᠨᠦ ᠪᠠᠭᠠ ᠪᠠᠢᠬᠤ ᠳ᠋ᠤ ᠡᠨᠳᠡ ᠬᠤᠯᠤᠰᠤ ᠳᠤᠤᠷᠠᠢ ᠪᠢᠳᠡᠬᠦᠷᠡᠵᠦ᠂ ᠠᠷᠢᠶᠠᠳᠠᠨ ᠭᠦᠷᠦᠬᠡᠰᠦ ᠴᠤ᠌ ᠤᠯᠠᠨ᠃ ᠴᠡᠰᠤᠳᠤ ᠵᠢᠨ ᠦᠨᠳᠦᠷᠯᠢᠭᠤᠨ ᠤᠰᠤ ᠪᠠᠭᠤᠵᠤ᠂ ᠲᠦᠷᠪᠡᠨ ᠤᠯᠠᠷᠢᠯ ᠵᠢᠡᠷ ᠭᠤᠤᠯ ᠭᠤᠷᠤᠬᠠ ᠤᠷᠤᠰᠴᠤ ᠯᠡ ᠭᠤᠪᠢ ᠨᠤᠳᠤᠭᠢ ᠮᠢᠨᠢ ᠤᠮᠳᠠᠯᠠᠵᠤ ᠪᠠᠢᠭᠰᠠᠨ᠃ ᠰᠡᠬᠦᠯᠡᠷ ᠨᠢ ᠤᠯᠤᠰᠤᠨ ᠪᠦᠳᠦᠬᠡᠨ ᠪᠠᠢᠭᠤᠯᠤᠯᠳᠠ ᠬᠢᠵᠦ᠂ ᠳᠡᠬᠡᠳᠤ ᠳᠤᠮᠳᠠᠳᠤ ᠤᠷᠤᠰᠬᠠᠯ ᠳ᠋ᠤ ᠤᠰᠤᠨ ᠬᠠᠰᠢᠯᠭᠠ ᠪᠠᠢᠭᠤᠯᠵᠤ᠂ ᠤᠰᠤᠨᠤ ᠬᠠᠮᠢᠶᠠᠷᠤᠯᠳᠠ ᠬᠢᠵᠦ ᠡᠬᠢᠯᠡᠭᠰᠡᠨ ᠵᠢᠡᠷ ᠡᠵᠡᠨᠠ ᠵᠢᠨ ᠭᠤᠤᠯ ᠭᠤᠷᠤᠬᠠ ᠤᠷᠤᠰᠬᠠᠯ ᠳᠠᠰᠤᠷᠠᠵᠤ᠂ ᠰᠤᠪᠨᠠᠭᠤᠷ ᠲᠤ᠌ ᠤᠰᠤ ᠤᠷᠤᠬᠤ ᠪᠠᠨ ᠪᠠᠢᠭᠰᠠᠨ ᠡᠴᠡ ᠬᠠᠳᠠᠵᠤ ᠰᠢᠷᠬᠢᠬᠦ ᠵᠢᠨ ᠠᠶᠤᠯ ᠳ᠋ᠤ ᠳᠤᠯᠭᠠᠷᠠᠵᠠᠢ᠃ ᠰᠤᠪᠨᠠᠭᠤᠷᠤᠨ ᠬᠦᠪᠡᠬᠡᠨ ᠳ᠋ᠤ ᠰᠢᠪᠠᠭᠤ ᠵᠢᠷᠬᠢᠬᠡᠳ ᠬᠦᠮᠦᠨ ᠮᠠᠯ ᠤᠨᠳᠠᠵᠤ ᠠᠮᠠᠷᠠᠵᠤ ᠳᠡᠢᠯᠬᠦ ᠦᠬᠡᠢ ᠪᠠᠢᠭᠰᠠᠨ ᠂ ᠨᠠᠭᠤᠷ ᠭᠤᠤᠯ ᠭᠤᠷᠤᠬᠠ ᠬᠠᠳᠠᠵᠤ ᠰᠢᠷᠬᠢᠭᠰᠡᠨ ᠵᠢᠡᠷ ᠦᠩ ᠰᠢᠮᠡᠯᠢᠭ ᠨᠤᠳᠤᠭ ᠡᠯᠡᠰᠦᠨ ᠰᠢᠭᠤᠷᠭᠠ ᠵᠢᠨ ᠡᠬᠦᠰᠦᠯᠤᠨ ᠤᠷᠤᠨ ᠪᠤᠯᠵᠠᠢ 》 ᠬᠡᠵᠦ ᠪᠠᠨᠳᠤᠤ ᠨᠠᠰᠤᠳᠠᠨ ᠬᠠᠭᠤᠴᠢᠯᠠᠨᠠ᠃
ᠪᠠᠨᠳᠤᠤ
20 ᠳ᠋ᠤᠭᠠᠷ ᠵᠠᠭᠤᠨᠤ ᠳᠤᠮᠳᠠᠴᠢ ᠪᠣᠯᠬᠤᠳᠤ᠂ ᠬᠠᠷᠠ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷᠲᠠᠭᠠᠤ ᠳᠡᠬᠡᠳᠤ ᠤᠷᠤᠰᠬᠠᠯ ᠪᠠ ᠳᠤᠮᠳᠠᠳᠤ ᠤᠷᠤᠰᠬᠠᠯ ᠳ᠋ᠤ ᠠᠵᠤ ᠦᠢᠯᠡᠳᠪᠦᠷᠢ ᠪᠠ ᠳᠠᠷᠢᠶᠠᠯᠠᠩ ᠳ᠋ᠤ ᠬᠡᠷᠡᠭᠯᠡᠬᠦ ᠤᠰᠤᠨ ᠤ᠋ ᠬᠡᠮᠵᠢᠶᠡ ᠶᠡᠬᠡᠳᠦᠭᠰᠡᠨ ᠡᠴᠡ ᠬᠠᠷᠠ ᠭᠤᠤᠯᠤᠨ ᠳᠤᠤᠷᠠᠳᠤ ᠤᠷᠤᠰᠬᠠᠯ ᠪᠤᠯᠬᠤ ᠡᠵᠡᠨᠡ ᠭᠤᠤᠯ ᠠᠭᠠᠵᠢᠮ ᠵᠢᠡᠷ ᠤᠷᠤᠰᠬᠠᠯ ᠳᠠᠰᠤᠷᠠᠵᠤ᠂ ᠡᠵᠡᠨᠡ ᠵᠢᠨ ᠨᠤᠭᠤᠭᠠᠨ ᠪᠦᠷᠢᠳᠤ ᠳ᠋ᠤ ᠬᠢᠮᠤᠷᠠᠯ ᠤᠴᠠᠷᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠨᠠᠭᠤᠷ ᠭᠤᠤᠯ ᠬᠠᠳᠠᠵᠤ ᠰᠢᠷᠬᠢᠵᠦ᠂ ᠬᠤᠷᠠ ᠪᠤᠷᠤᠭᠠᠨ ᠵᠢᠯ ᠡᠴᠡ ᠵᠢᠯ ᠬᠤᠮᠰᠠᠳᠠᠵᠤ᠂ ᠳᠤᠤᠷᠠᠢ ᠰᠤᠬᠠᠢ ᠵᠢᠨ ᠤᠢ ᠬᠠᠳᠠᠨ ᠬᠤᠪᠠᠬᠠᠢᠷᠠᠵᠤ᠂ ᠡᠪᠡᠰᠦ ᠪᠡᠯᠴᠢᠬᠡᠷ ᠳᠠᠴᠢᠷᠳᠠᠵᠤ᠂ ᠲᠡᠮᠡᠬᠡ ᠮᠠᠯ ᠳᠠᠷᠳᠠᠨᠰᠦᠢᠳᠴᠦ᠂ ᠡᠯᠡᠰᠦᠨ ᠰᠢᠭᠤᠷᠭᠠ ᠵᠢᠯ ᠡᠴᠡ ᠵᠢᠯ ᠰᠢᠷᠦᠬᠦᠰᠴᠦ᠂ ᠠᠮᠢ ᠠᠬᠤᠢ ᠵᠢᠨ ᠡᠪᠳᠡᠭᠳᠡᠯ ᠬᠡᠴᠡᠬᠦᠳᠡᠯ ᠨᠢ ᠨᠡᠢᠭᠡᠮ ᠳᠠᠶᠠᠭᠠᠷᠤᠨ ᠠᠩᠬᠠᠷᠤᠯᠢ ᠳᠠᠳᠠᠯᠠ᠃
ᠳᠡᠦᠬᠡᠨ ᠳ᠋ᠡᠬᠢ ᠲᠡᠢᠮᠦ ᠨᠡᠯᠦᠬᠡᠷ ᠶᠡᠬᠡ ᠨᠠᠭᠤᠷ ᠬᠠᠳᠠᠵᠤ ᠰᠢᠷᠬᠢᠨᠡ ᠬᠡᠭᠴᠢ ᠬᠦᠮᠦᠨ ᠬᠢᠬᠡᠳ ᠪᠠᠢᠭᠠᠯᠢ ᠡᠶᠠ ᠵᠤᠬᠢᠴᠠᠯ ᠵᠢᠡᠨ ᠠᠯᠳᠠᠵᠤ᠂ ᠠᠮᠢ ᠠᠬᠤᠢ ᠵᠢᠨ ᠪᠤᠯᠪᠠᠰᠤᠨᠤ ᠬᠦᠭᠵᠢᠯᠳᠡ ᠳ᠋ᠤ ᠠᠪᠴᠢᠷᠠᠭᠰᠠᠨ ᠳᠤᠮᠤ ᠰᠢᠯᠭᠠᠯᠳᠠ ᠪᠢᠯᠡ᠃ 《ᠡᠵᠡᠨᠡ ᠵᠢᠨ ᠵᠠᠰᠠᠭᠤᠨ ᠤᠷᠳᠤᠨ ᠠᠰᠠᠭᠤᠳᠠᠯ ᠢ᠋ ᠳᠡᠬᠡᠭᠰᠢ ᠳᠤᠰᠬᠠᠬᠤ ᠵᠢᠴᠢ ᠨᠠᠮ ᠵᠠᠰᠠᠭ ᠡᠴᠡ ᠠᠰᠠᠭᠤᠳᠠᠯ ᠢ᠋ ᠬᠦᠨᠳᠦᠳᠬᠡᠨ ᠦᠵᠡᠵᠦ᠂ ᠬᠠᠳᠤᠨ ᠭᠤᠤᠯᠤᠨ ᠤᠰᠤᠨ ᠠᠰᠢᠭᠯᠠᠯᠳᠠ ᠵᠢᠨ ᠵᠦᠪᠯᠡᠯᠤᠨ ᠬᠠᠷᠠ ᠭᠤᠤᠯᠤᠨ ᠤᠷᠤᠰᠬᠠᠯᠤᠨ ᠬᠠᠮᠢᠶᠠᠷᠤᠯᠳᠠ ᠵᠢᠨ ᠳᠤᠪᠴᠢᠶᠠ ᠵᠢ ᠪᠠᠢᠭᠤᠯᠤᠭᠰᠠᠨ᠂ ᠬᠠᠷᠠ ᠭᠣᠣᠯᠤᠨ ᠭᠣᠣᠯ ᠤᠷᠤᠰᠬᠠᠯ ᠢ᠋ 〈ᠪᠥᠬᠥ ᠱᠤᠭᠤᠮᠢᠶᠠᠷᠬᠠᠭᠠᠵᠤ᠂ ᠲᠥᠪᠯᠡᠷᠡᠭᠦᠯᠦᠨ ᠳᠣᠷᠣᠭ᠍ᠰᠢ ᠪᠠᠭᠤᠯᠭᠠᠵᠤ〉ᠳᠤᠳᠤᠭᠠᠳᠤ ᠬᠠᠭᠤᠷᠠᠢ ᠵᠢᠨ ᠭᠤᠤᠯᠤᠨ ᠤᠰᠤ ᠵᠢ ᠨᠢᠬᠡᠳᠦᠯᠳᠡᠢ ᠳᠤᠬᠢᠷᠠᠭᠤᠯᠬᠤ ᠵᠡᠷᠬᠡ ᠠᠯᠢ ᠤᠯᠠᠨ ᠪᠤᠳᠠᠳᠤ ᠠᠷᠭᠠ ᠬᠡᠮᠵᠢᠶᠠ ᠠᠪᠴᠤ᠂ ᠬᠠᠳᠠᠵᠤ ᠰᠢᠷᠬᠢᠭᠰᠡᠨ ᠰᠤᠪᠨᠠᠭᠤᠷ ᠲᠤ᠌ ᠤᠯᠠᠷᠢᠯ ᠤ᠋ᠨ ᠴᠢᠨᠠᠷᠳᠠᠢ ᠤᠰᠤ ᠤᠷᠤᠭᠤᠯᠬᠤ ᠪᠤᠯᠤᠭᠰᠠᠨ ᠪᠠᠢᠨᠡ》 ᠬᠡᠵᠦ ᠳ᠋ᠧᠩ ᠵᠢᠢ ᠶᠢᠦ ᠳᠠᠨᠢᠯᠴᠠᠭᠤᠯᠤᠯᠠ᠃
2002 ᠤᠨ ᠤ᠋ 7 ᠰᠠᠷᠠ ᠵᠢᠨ 17 ᠤ᠋ ᠡᠳᠦᠷᠤᠨ 17 ᠴᠠᠭ 30 ᠮᠢᠨᠦ᠋ᠲ ᠲᠤ᠌ ᠰᠤᠪᠨᠠᠭᠤᠷ ᠲᠤ᠌ ᠤᠰᠤ ᠬᠦᠷᠴᠦ ᠢᠷᠡᠭᠰᠡᠨ ᠳᠡᠷᠡ ᠬᠦ᠌ ᠲᠡᠦᠬᠡᠨ ᠬᠤᠷᠤᠮ ᠢ᠋ ᠳ᠋ᠧᠩ ᠵᠢᠢ ᠶᠢᠦ ᠬᠡᠵᠢᠶᠠ ᠴᠤ᠌ ᠮᠠᠷᠳᠠᠵᠤ ᠴᠢᠳᠠᠬᠤ ᠦᠬᠡᠢ᠃ 《ᠬᠠᠳᠠᠵᠤ ᠰᠢᠷᠬᠢᠭᠰᠡᠨ ᠰᠤᠪᠨᠠᠭᠤᠷ ᠳᠠᠬᠢᠨ ᠠᠮᠢᠯᠠᠭᠰᠠᠨ ᠨᠢ ᠨᠠᠮ ᠵᠠᠰᠠᠭ ᠡᠴᠡ ᠬᠦᠨᠳᠦᠳᠬᠡᠨ ᠦᠵᠡᠭᠰᠡᠨ ᠯᠤᠭᠡ ᠰᠠᠯᠵᠤ ᠪᠤᠯᠤᠰᠢ ᠦᠬᠡᠢ᠃ ᠳᠤᠬᠠᠢ ᠵᠢᠨ ᠦᠶᠠ ᠵᠢᠨ ᠶᠡᠷᠦᠩᠬᠡᠢ ᠰᠠᠢᠳ ᠵᠤ᠌ ᠷᠦᠩ ᠵᠢᠢ ᠤᠰᠤ ᠬᠤᠪᠢᠶᠠᠷᠢᠯᠠᠬᠤ ᠳᠤᠬᠠᠢ ᠤᠰᠤᠨ ᠠᠰᠢᠬᠯᠠᠯᠳᠠ ᠵᠢᠨ ᠶᠠᠮᠤᠨ ᠳ᠋ᠤ ᠬᠡᠳᠦ ᠤᠳᠠᠭᠠ ᠴᠤᠬᠤᠯᠠᠪᠤᠷᠢ ᠦᠭᠴᠦ ᠰᠤᠪᠨᠠᠭᠤᠷ ᠲᠤ᠌ ᠨᠤᠮᠢᠨ ᠴᠡᠩᠬᠡᠷ ᠤᠰᠤᠨ ᠳᠤᠯᠬᠢᠶᠠᠯᠠᠨ ᠬᠠᠯᠬᠢᠯᠠᠬᠤ ᠳᠤᠬᠠᠢ ᠬᠦᠰᠡᠯ ᠱᠠᠭᠠᠷᠳᠠᠯᠭᠠ ᠳᠠᠯᠪᠢᠵᠤ ᠪᠠᠢᠭᠰᠠᠨ》 ᠬᠡᠵᠦ ᠪᠠᠶᠠᠷᠯᠠᠭᠤᠰᠢᠳᠠᠢ ᠮᠦᠴᠡ ᠪᠠᠨ ᠡᠷᠬᠢᠴᠡᠬᠦᠯᠦᠨᠡ᠃
ᠰᠤᠪᠨᠠᠭᠤᠷ ᠲᠤ᠌ ᠤᠰᠤ ᠢᠷᠡᠯᠡ᠃ ᠤᠰᠤ ᠬᠠᠢᠵᠤ ᠨᠡᠬᠦᠳᠡᠭ ᠮᠠᠯᠴᠢᠳ ᠨᠤᠳᠤᠭ ᠪᠤᠴᠠᠵᠤ ᠢᠷᠡᠯᠡ᠃《ᠡᠵᠡᠨᠡ ᠭᠤᠤᠯᠤᠨ ᠤᠷᠤᠰᠬᠠᠯ ᠤᠰᠤ ᠳᠠᠢ ᠪᠤᠯᠤᠭᠰᠠᠨ ᠡᠴᠡ ᠡᠵᠡᠬᠦᠢ ᠬᠠᠶᠠᠭᠰᠠᠨ ᠨᠤᠳᠤᠭ ᠵᠢᠡᠨ ᠤᠰᠤᠯᠠᠵᠤ ᠨᠤᠭᠤᠭᠠᠷᠠᠭᠤᠯᠵᠤ ᠠᠪᠤᠭᠰᠠᠨ ᠵᠢᠡᠷ ᠠᠷᠪᠠᠨ ᠵᠢᠯᠤᠨ ᠳᠠᠷᠠᠭᠠ ᠪᠤᠴᠠᠵᠤ ᠢᠷᠡᠵᠦ ᠨᠤᠳᠤᠭᠯᠠᠭᠰᠠᠨ》 ᠬᠡᠵᠦ ᠪᠠᠨᠳᠤᠤ ᠨᠠᠰᠤᠳᠠᠨ ᠶᠠᠷᠢᠨᠠ᠃ ᠰᠤᠪᠨᠠᠭᠤᠷᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠬᠦᠪᠡᠬᠡ ᠵᠢᠨ ᠪᠠᠵᠠᠷᠤᠨ ᠰᠤᠬᠠᠢ ᠳ᠋ᠤ ᠨᠤᠳᠤᠭᠯᠠᠳᠠᠭ ᠮᠠᠯᠴᠢᠨ ᠬᠦᠭᠵᠢᠯᠲᠦ᠄ 《ᠮᠠᠨᠤ ᠬᠢᠨ ᠤᠳᠤ 200 ᠰᠢᠬᠠᠮ ᠳᠡᠮᠡᠬᠡ᠂ 200 ᠭᠠᠷᠤᠢ ᠪᠤᠭ ᠮᠠᠯ ᠮᠠᠯᠵᠢᠳᠠᠭ᠃ ᠨᠠᠶᠠᠭᠠᠳ ᠤᠨ ᠳ᠋ᠤ ᠭᠠᠩ ᠭᠠᠴᠢᠭ ᠪᠤᠯᠪᠠᠯ ᠪᠤᠰᠤᠳ ᠤ᠋ᠨ ᠨᠤᠳᠤᠭ ᠲᠤ᠌ ᠨᠡᠬᠦᠵᠦ ᠮᠠᠯᠵᠢᠳᠠᠭ ᠪᠠᠢᠭᠰᠠᠨ᠃ ᠰᠤᠪᠨᠠᠭᠤᠷ ᠲᠤ᠌ ᠤᠰᠤ ᠢᠷᠡᠭᠰᠨᠨ ᠡᠴᠡ ᠬᠤᠢᠰᠢ ᠨᠡᠬᠦᠬᠦ ᠪᠠᠨ ᠪᠠᠢᠭᠰᠠᠨ᠃ ᠲᠦᠷᠦᠬᠦᠦ ᠬᠤᠶᠠᠷ ᠵᠢᠯ ᠤᠰᠤ ᠶᠡᠬᠡᠳᠦᠬᠡᠳ ᠨᠤᠳᠤᠭ ᠲᠤ᠌ ᠤᠰᠤ ᠤᠷᠤᠭᠠᠳ ᠨᠤᠳᠤᠭᠯᠠᠵᠤ ᠴᠢᠳᠠᠭᠰᠠᠨ ᠦᠬᠡᠢ》 ᠬᠡᠵᠦ ᠶᠠᠷᠢᠨᠠ᠃ ᠮᠠᠯᠴᠢᠨ ᠤᠯᠠᠭᠠᠨᠬᠠᠳᠠ᠄ 《ᠨᠠᠭᠤᠷ ᠬᠠᠳᠠᠵᠤ ᠰᠢᠷᠬᠢᠬᠡᠳ ᠬᠦᠯᠢᠢᠭᠰᠡᠨ ᠱᠠᠩᠳᠠ ᠪᠠᠢᠭᠰᠠᠨ ᠦᠶᠠ ᠳ᠋ᠤ ᠡᠯᠡᠰᠦᠨ ᠰᠢᠭᠤᠷᠭᠠ ᠠᠮᠠᠷᠬᠠᠨ ᠪᠤᠰᠳᠠᠭ᠃ ᠮᠠᠨ ᠤ᠋ ᠭᠠᠴᠠᠭᠠ ᠲᠦᠷᠪᠡᠨ ᠵᠢᠯ ᠤᠰᠤᠨ ᠤ᠋ ᠪᠠᠷᠠ ᠬᠠᠷᠠᠭᠰᠠᠨ ᠦᠬᠡᠢ ᠤᠳᠠᠭᠠ ᠴᠤ᠌ ᠪᠤᠢ᠂ ᠬᠤᠳᠳᠤᠭᠤᠨ ᠤᠰᠤ ᠴᠤ᠌ ᠰᠢᠷᠬᠢᠵᠤ ᠬᠠᠳᠠᠭᠰᠠᠨ᠃ ᠮᠠᠯᠴᠢᠳᠤᠨ ᠭᠠᠳᠠᠨᠠ ᠮᠠᠯᠤᠨ ᠮᠦᠷ ᠳᠠᠰᠤᠷᠠᠬᠤ ᠰᠢᠬᠠᠭᠰᠠᠨ᠃ ᠨᠠᠭᠤᠷ ᠤᠰᠤ ᠳᠠᠢ ᠪᠤᠯᠤᠭᠰᠠᠨ ᠡᠴᠡ ᠭᠤᠪᠢ ᠵᠢᠨ ᠪᠡᠯᠴᠢᠬᠡᠷ ᠰᠡᠷᠬᠦᠵᠦ᠂ ᠬᠤᠵᠢᠷ ᠳᠠᠢ ᠱᠠᠩᠳᠠ ᠬᠤᠯᠤᠰᠤ ᠵᠡᠬᠡᠰᠦ ᠨᠠᠢᠭᠤᠭᠰᠠᠨ ᠰᠠᠢᠬᠠᠨ ᠨᠤᠳᠤᠭ ᠪᠤᠯᠤᠭᠰᠠᠨ᠂ ᠳᠡᠮᠡᠬᠡ ᠮᠠᠯ ᠴᠤ᠌ ᠦᠨᠢᠷ ᠦᠰᠴᠦ ᠠᠮᠢᠳᠤᠷᠠᠯ ᠮᠢᠨᠢ ᠰᠠᠢᠵᠢᠷᠠᠭᠰᠠᠨ》 ᠬᠡᠵᠦ ᠶᠠᠷᠢᠨᠠ᠃
ᠬᠦᠭᠵᠢᠯᠲᠦ
ᠬᠠᠳᠠᠵᠤ ᠰᠢᠷᠬᠢᠭᠰᠡᠨ ᠰᠤᠪᠨᠠᠭᠤᠷ ᠳᠠᠬᠢᠨ ᠠᠮᠢᠯᠠᠯ ᠵᠢᠡᠨ ᠤᠯᠵᠤ᠂ ᠭᠤᠪᠢ ᠨᠤᠳᠤᠭ ᠵᠢᠡᠨ ᠤᠮᠳᠠᠯᠠᠵᠤ᠂ ᠬᠦᠮᠦᠨ ᠠᠷᠠᠳᠵᠢᠡᠨ ᠪᠠᠶᠠᠰᠬᠠᠯᠠ᠃
ᠡᠵᠡᠨᠡ ᠬᠣᠰᠢᠭᠤ ᠪᠣᠯ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠢ ᠠᠮᠢ ᠠᠬᠤᠢᠶᠢᠨ ᠴᠢᠳᠠᠮᠵᠢᠲᠤ ᠣᠷᠣᠨ ᠪᠠ ᠤᠮᠠᠷᠠᠲᠤᠶᠢᠨ ᠴᠢᠬᠤᠯᠠ ᠠᠮᠢ ᠠᠬᠤᠢᠶᠢᠨ ᠠᠮᠤᠷ ᠲᠦᠪᠰᠢᠨᠦ ᠬᠠᠯᠬᠠᠪᠴᠢ ᠪᠣᠯᠣᠨᠠ᠃
ᠰᠤᠪᠨᠠᠭᠤᠷ ᠨᠢ ᠡᠵᠡᠨᠡᠶᠢᠨ ᠨᠣᠭᠣᠭᠠᠨ ᠪᠦᠷᠢᠳᠦᠶᠢᠨ ᠠᠮᠢ ᠠᠬᠤᠢᠶᠢᠨ ᠲᠡᠩᠴᠡᠭᠦᠷᠢᠶᠢ ᠪᠠᠲᠤᠯᠠᠬᠤᠳᠤ ᠲᠤᠢᠯᠤᠨ ᠴᠢᠬᠤᠯᠠ ᠦᠢᠯᠡᠳᠦᠯᠲᠠᠢ ᠶᠤᠮ᠃ ᠣᠢᠷᠠᠶᠢᠨ ᠵᠢᠯᠳ᠋ᠤ ᠬᠠᠷᠠ ᠭᠣᠣᠯᠤᠨ ᠤᠰᠤᠨᠤ ᠡᠬᠢ ᠪᠠᠶᠠᠯᠢᠭ᠋ᠢ ᠨᠢᠭᠡᠳᠦᠯᠲᠡᠢ ᠲᠣᠬᠢᠷᠠᠭᠤᠯᠤᠨ ᠬᠠᠮᠢᠶᠠᠷᠬᠤ ᠪᠠ ᠰᠠᠪᠠ ᠭᠠᠵᠠᠷᠢ ᠶᠡᠷᠦᠩᠬᠡᠢᠯᠡᠨ ᠵᠠᠰᠠᠬᠤᠶᠢ ᠬᠡᠷᠡᠭᠵᠢᠭᠦᠯᠬᠦᠪᠡᠷ ᠳᠡᠮᠵᠢᠨ᠂ ᠰᠤᠪᠨᠠᠭᠤᠷᠤᠨ ᠤᠰᠤᠨᠤ ᠲᠠᠯᠠᠪᠠᠶᠶᠢ ᠦᠨᠳᠦᠰᠦᠨᠳᠡᠭᠡᠨ 40 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠣᠷᠴᠢᠮ ᠪᠠᠢᠯᠭᠠᠵᠤ᠂ ᠡᠵᠡᠨᠡᠶᠢᠨ ᠨᠣᠭᠣᠭᠠᠨ ᠪᠦᠷᠢᠳᠦᠶᠢᠨ ᠠᠮᠢ ᠠᠬᠤᠢᠶᠢᠨ ᠮᠠᠭᠤᠳᠠᠬᠤ ᠬᠠᠨᠳᠤᠰᠢᠶᠢ ᠪᠦᠲᠦᠮᠵᠢᠲᠡᠶ ᠬᠤᠷᠢᠭᠯᠠᠵᠠᠢ᠃ ᠰᠤᠪᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷᠤᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶ 5881.87 ᠾᠧᠺᠲ᠋ᠠᠷ ᠬᠦᠷᠴᠦ᠂ ᠪᠥᠬᠥ ᠬᠣᠰᠢᠭᠤᠨᠤ ᠨᠤᠭᠤ ᠭᠠᠵᠠᠷᠤᠨ ᠶᠡᠷᠦᠩᠬᠡᠢ ᠲᠠᠯᠠᠪᠠᠶᠶᠢᠨ 13.17%ᠶᠢ ᠡᠵᠡᠯᠡᠪᠡ᠃ ᠡᠵᠡᠨᠡᠶᠢᠨ ᠲᠣᠣᠷᠠᠢᠶᠢᠨ ᠣᠶ ᠢᠭᠴᠤᠷᠠᠵᠤ᠂ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠ ᠰᠡᠷᠭᠦᠵᠦ᠂ ᠠᠮᠢᠳᠤ ᠪᠣᠳᠠᠰᠤᠨ ᠲᠦᠷᠦᠯ ᠨᠡᠮᠡᠭᠳᠡᠨ᠂ ᠣᠷᠴᠢᠨ ᠲᠣᠭᠣᠷᠢᠨ ᠠᠭᠠᠵᠢᠮᠢᠶᠠᠷ ᠰᠠᠢᠵᠢᠷᠠᠪᠠ᠃ 2018 ᠣᠨ ᠠ᠋ᠴᠠ ᠨᠠᠭᠠᠰᠢ᠂ ᠬᠠᠷᠠ ᠭᠣᠣᠯ ᠠ᠋ᠴᠠ ᠨᠡᠶ᠋ᠢᠲᠡ 34.66 ᠳ᠋ᠦᠩᠰᠢᠭᠤᠷ ᠪᠣᠰᠣᠭᠠ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠰᠤ ᠲᠠᠲᠠᠵᠤ᠂ ᠡᠵᠡᠨᠡᠶᠢᠨ ᠨᠣᠭᠣᠭᠠᠨ ᠪᠦᠷᠢᠳᠦᠶᠢᠨ ᠵᠠᠬᠠ ᠬᠢᠵᠠᠭᠠᠷ᠂ ᠬᠡᠪᠡᠷᠡᠭ ᠣᠷᠣᠨ ᠪᠠ ᠣᠯᠠᠨ ᠵᠢᠯ ᠤᠰᠤᠯᠠᠭᠠᠳᠤᠢ ᠣᠷᠣᠨᠳᠤ ᠪᠦᠲᠦᠮᠵᠢᠲᠡᠶ ᠤᠰᠤᠯᠠᠯᠲᠠ ᠬᠢᠵᠦ᠂ ᠨᠣᠭᠣᠭᠠᠨ ᠪᠦᠷᠢᠳᠦᠶᠢᠨ ᠲᠠᠯᠠᠪᠠᠶ 200 ᠰᠢᠬᠠᠮ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠨᠡᠮᠡᠭᠳᠡᠨ᠂ 3328 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷᠲᠦ ᠲᠣᠭᠲᠠᠪᠤᠷᠢᠵᠢᠭ᠍ᠰᠠᠨ ᠪᠠᠢᠨᠠ ᠃
《ᠰᠤᠪᠨᠠᠭᠤᠷ 20 ᠵᠢᠯ ᠳᠠᠷᠠᠭᠠᠯᠠᠨ ᠤᠰᠤ ᠳᠠᠢ ᠪᠤᠯᠬᠤᠷ ᠤᠳᠤᠬᠠᠨ ᠳ᠋ᠤ ᠰᠢᠪᠠᠭᠤᠨᠤ ᠲᠦᠷᠦᠯ 128 ᠲᠦᠷᠦᠯ ᠪᠤᠯᠵᠤ ᠨᠡᠮᠡᠭᠳᠡᠨ᠂ ᠡᠭᠦᠨᠦ ᠳᠣᠲᠣᠷᠠ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠬᠠᠮᠠᠭᠠᠯᠠᠯᠲᠠᠳᠤ ᠪᠠᠢᠭᠠ ᠰᠢᠪᠠᠭᠤᠨᠤ ᠲᠥᠷᠥᠯ 10᠂ ᠤᠯᠤᠰᠤᠨ ᠬᠣᠶᠠᠳᠤᠭᠠᠷ ᠳᠡᠰᠤᠨ ᠬᠠᠮᠠᠭᠠᠯᠠᠯᠲᠠᠳᠤ ᠪᠠᠢᠭᠠ ᠰᠢᠪᠠᠭᠤᠨᠤ ᠲᠥᠷᠥᠯ 26 ᠪᠤᠢ᠃ ᠬᠠᠷᠠ ᠥᠷᠪᠢᠯᠳᠡᠢ᠂ ᠴᠠᠬᠤᠯᠠᠢ᠂ ᠴᠠᠭᠠᠨ ᠰᠡᠭᠦᠯᠲᠦ ᠵᠠᠭᠠᠯᠢ ᠵᠡᠷᠭᠡ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠰᠢᠪᠠᠭᠤᠨᠤ ᠲᠦᠷᠦᠯ ᠴᠦ᠍ ᠪᠤᠢ᠃ ᠵᠢᠯ ᠳ᠋ᠤ ᠬᠡᠳᠦᠨ ᠲᠦᠮᠡᠨ ᠨᠡᠭᠦᠳᠡᠯᠦᠨ ᠰᠢᠪᠠᠭᠤ ᠰᠤᠪᠨᠠᠭᠤᠷ ᠲᠤ᠌ ᠢᠷᠡᠵᠦ ᠠᠮᠠᠷᠠᠳᠠᠭ ᠪᠤᠯᠵᠠᠢ》 ᠬᠡᠵᠦ ᠡᠵᠡᠨᠡ ᠬᠣᠰᠢᠭᠤᠨᠤ ᠰᠤᠪᠨᠠᠭᠤᠷ ᠤ᠋ᠨ ᠨᠠᠮᠤᠭ ᠭᠠᠵᠠᠷ ᠢ᠋ ᠬᠠᠮᠠᠭᠠᠯᠠᠬᠤ ᠲᠦᠪ ᠤ᠋ᠨ ᠠᠵᠢᠯᠳᠠᠨ ᠳ᠋ᠦᠩ ᠰᠢᠤᠸᠠᠢ ᠵᠢᠶᠦ᠋ᠨ ᠶᠠᠷᠢᠵᠤ ᠪᠠᠢᠯᠠ᠃
ᠰᠢᠷᠭᠠᠯ ᠨᠠᠮᠤᠷ ᠰᠠᠭᠠᠳᠠᠬᠤ ᠪᠡᠷ ᠡᠵᠡᠨᠡ ᠨᠢ ᠵᠢᠭᠤᠯᠴᠢᠯᠠᠯᠤᠨ ᠬᠦᠭᠵᠢᠶᠡᠨᠳᠤ ᠤᠯᠠᠷᠢᠯ ᠵᠢᠡᠨ ᠤᠭᠳᠤᠳᠠᠭ᠃ ᠠᠮᠢ ᠠᠬᠤᠢ ᠰᠠᠢᠵᠢᠷᠠᠬᠤ ᠵᠢ ᠳᠠᠭᠠᠯᠳᠤᠨ᠂ ᠡᠵᠡᠨᠡ ᠬᠤᠰᠢᠭᠤ ᠠᠮᠢ ᠠᠬᠤᠢ ᠵᠢᠨ ᠵᠢᠭᠤᠯᠴᠢᠯᠠᠯ ᠤ᠋ᠨ ᠡᠬᠢ ᠪᠠᠶᠠᠯᠢᠭ ᠵᠢᠡᠨ ᠪᠦᠳᠦᠮᠵᠢ ᠳᠠᠢ ᠨᠡᠬᠡᠬᠡᠵᠦ᠂ ᠰᠤᠶᠤᠯ ᠵᠢᠭᠤᠯᠴᠢᠯᠠᠯ ᠢ᠋ ᠠᠭᠤᠰᠤᠯᠴᠠᠭᠤᠯᠤᠨ ᠬᠦᠭᠵᠢᠬᠦᠯᠦᠭᠰᠡᠨ ᠡᠴᠡ ᠵᠢᠭᠤᠯᠴᠢᠯᠠᠭᠰᠠᠳ ᠵᠢᠯ ᠡᠴᠡ ᠵᠢᠯ ᠤᠯᠠᠰᠢᠷᠠᠨᠠ᠃ ᠳᠡᠯᠡᠬᠡᠢ ᠵᠢᠨ ᠭᠤᠷᠪᠠᠨ ᠶᠡᠬᠡ ᠳᠤᠤᠷᠠᠢ ᠵᠢᠨ ᠤᠢ ᠵᠢᠨ ᠨᠢᠬᠡ ᠪᠤᠯᠬᠤ ᠡᠵᠡᠨᠡ ᠵᠢᠨ ᠭᠠᠢᠬᠠᠮᠰᠢᠭᠳᠤ ᠳᠤᠤᠷᠠᠢ ᠵᠢᠨ ᠤᠢ ᠵᠢᠨ ᠠᠮᠢ ᠠᠬᠤᠢ ᠵᠢᠨ ᠵᠢᠭᠤᠯᠴᠢᠯᠠᠯ᠂ ᠡᠷᠳᠡᠨ ᠤ᠋ ᠳᠤᠷᠭᠠᠨ ᠵᠠᠮ ᠲᠠᠭᠠᠤ ᠪᠦᠷᠢᠨ ᠪᠦᠳᠦᠨ ᠦᠯᠡᠳᠡᠭᠰᠡᠨ ᠬᠠᠷᠠ ᠬᠤᠳᠠ ᠵᠢᠨ ᠪᠠᠭᠤᠷᠢ᠂ ᠰᠤᠪᠨᠠᠭᠤᠷᠤᠨ ᠨᠠᠷᠠᠨ ᠮᠠᠨᠳᠤᠬᠤ ᠁ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰ ᠬᠦᠭᠵᠢᠬᠦ ᠵᠢ ᠳᠠᠭᠠᠯᠳᠤᠨ ᠮᠠᠯᠴᠢᠨ ᠳᠠᠷᠢᠶᠠᠴᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰ ᠲᠤ᠌ ᠤᠷᠤᠯᠴᠠᠵᠤ ᠤᠷᠤᠯᠭᠠ ᠪᠠᠨ ᠨᠡᠮᠡᠭᠳᠡᠬᠦᠯᠦᠨᠡ᠃《ᠰᠤᠪᠨᠠᠭᠤᠷ ᠦᠵᠡᠮᠵᠢ ᠵᠢᠨ ᠤᠷᠤᠨ ᠨᠢ ᠴᠡᠬᠡ ᠭᠠᠴᠠᠭᠠ ᠵᠢᠨ ᠨᠤᠳᠤᠭ ᠪᠡᠯᠴᠢᠬᠡᠷᠤᠨ ᠳᠤᠮᠳᠠ ᠪᠠᠢᠷᠢᠯᠠᠳᠠᠭ ᠵᠢᠡᠷ ᠮᠠᠨᠤ ᠴᠡᠬᠡ ᠭᠠᠴᠠᠭᠠ ᠵᠢᠨ ᠮᠠᠯᠴᠢᠳ ᠰᠤᠪᠨᠠᠭᠤᠷᠤᠨ ᠦᠵᠡᠮᠵᠢ ᠵᠢᠨ ᠤᠷᠤᠨ ᠳ᠋ᠤ ᠭᠠᠵᠠᠷ ᠨᠤᠳᠤᠭ ᠵᠢᠡᠷ ᠵᠢᠡᠨ ᠬᠤᠪᠢ ᠤᠷᠤᠵᠤ ᠤᠷᠤᠯᠭᠠ ᠤᠯᠳᠠᠭ》 ᠬᠡᠵᠦ ᠮᠠᠯᠴᠢᠨ ᠤᠯᠠᠭᠠᠨᠬᠠᠳᠠ ᠶᠠᠷᠢᠵᠤ ᠪᠠᠢᠯᠠ᠃
ᠤᠯᠠᠭᠠᠨᠬᠠᠳᠠ
《ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠲᠠ ᠮᠥᠩᠭᠥᠨ ᠠᠭᠤᠯᠠ ᠮᠥᠨ》᠃ ᠠᠮᠢᠵᠢᠷᠠᠯ ᠪᠢᠯᠬᠠᠭᠰᠠᠨ ᠰᠤᠪᠨᠠᠭᠤᠷ ᠡᠰᠡᠨᠢᠯ ᠠᠷᠢᠭᠤᠨ ᠰᠢᠮᠠ ᠪᠡᠷ ᠵᠢᠡᠨ ᠡᠵᠡᠨᠡ ᠵᠢᠨ ᠨᠤᠭᠤᠭᠠᠨ ᠪᠦᠷᠢᠳᠤ ᠵᠢ ᠤᠮᠳᠠᠯᠠᠨ᠂ ᠭᠤᠪᠢ ᠵᠢᠨ ᠬᠦᠨ ᠳ᠋ᠡᠬᠢ ᠬᠡᠷᠡᠯᠳᠤ ᠰᠤᠪᠤᠳᠤᠨ ᠠᠯᠳᠠᠷ ᠳᠤᠮᠤᠭᠢ ᠪᠢᠴᠢᠭᠯᠡᠭᠰᠡᠬᠡᠷ᠃
