— 《ᠬᠤᠩᠱᠠᠨ ᠰᠣᠶᠣᠯ》 ᠢ᠋ ᠨᠡᠷᠡᠢᠳᠦᠭ᠌ᠰᠡᠨ ᠳᠠᠯᠠᠨ ᠵᠢᠯᠦᠨ ᠣᠶᠶ᠋ᠢᠨ ᠱᠢᠷᠢᠰ ᠮᠡᠳᠡᠭᠡᠯᠡᠯ （ᠬᠤᠶᠠᠷ）
ᠡᠬᠡ ᠭᠠᠵᠠᠷ ᠲᠦᠮᠡᠨ ᠪᠣᠳᠠᠰᠢ ᠬᠠᠯᠠᠭᠤᠨ ᠡᠯᠢᠭᠡᠨ ᠳᠡᠭᠡᠨ ᠲᠡᠪᠡᠷᠢᠨᠠ ᠃ ᠲᠡᠭᠡᠬᠦᠯᠡᠷ ᠮᠢᠩᠭᠠᠨ ᠲᠦᠮᠡᠨ ᠵᠢᠯ ᠠᠯᠤᠰᠯᠠᠭ᠍ᠳᠠᠭ᠍ᠰᠠᠨ ᠴᠤ᠌ ᠭᠠᠵᠠᠷ ᠤ᠋ᠨ ᠲᠠᠪᠬᠤᠷᠭᠠ ᠵᠢ ᠲᠡᠯᠭᠡᠬᠦ ᠲᠠᠢ ᠵᠡᠷᠭᠡ ᠨᠢᠭᠡᠨ ᠰᠣᠯᠣᠩᠭᠠᠳᠤ ᠶᠢᠷᠲᠢᠨᠴᠦ᠍ ᠢᠯᠡᠷᠡᠨᠡ᠃
ᠵᠢᠵᠢᠭ ᠬᠤᠰᠤᠭᠤᠷ ᠵᠢᠡᠷ ᠪᠣᠯᠪᠠᠰᠤᠨᠤ ᠦᠩ ᠱᠢᠮᠡᠯᠢᠭ ᠬᠥᠷᠥᠰᠥ ᠵᠢ ᠬᠠᠢᠨ ᠰᠢᠨᠵᠢᠯᠡᠳᠡᠭ ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢ ᠨᠠᠷ ᠡᠷᠲᠡᠨᠦ ᠪᠣᠯᠪᠠᠰᠤᠨᠤ ᠨᠢᠭᠤᠴᠠ ᠤᠨᠢᠰᠤᠭᠠ ᠵᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠲᠠᠢᠯᠵᠤ᠂ ᠲᠡᠦᠬᠡ ᠶᠠᠷᠢᠨ᠂ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠢ ᠢᠯᠡᠷᠡᠭᠦᠯᠵᠦ᠂ ᠢᠲᠡᠭᠡᠯ ᠪᠢᠱᠢᠷᠡᠯᠲᠡᠶ ᠳᠤᠮᠳᠠᠳᠤᠶ᠋ᠢᠨ ᠲᠡᠦᠬᠡ ᠪᠠ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ ᠰᠣᠶᠣᠯᠢ ᠡᠷᠢᠯᠬᠢᠯᠡᠨᠡ᠃
ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢ ᠭᠦᠸᠧ ᠳ᠋ᠡ ᠱᠦᠨ ᠠᠪᠤᠭᠠᠢ ᠵᠢᠷᠭᠤᠭᠠᠨ ᠦᠰᠦᠭᠢᠶᠡᠷ ᠬᠤᠩᠱᠠᠨ ᠰᠣᠶᠣᠯᠢ ᠬᠤᠷᠢᠶᠠᠩᠭᠤᠢᠯᠠᠵᠤ ᠥᠩᠭᠡᠷᠡᠪᠡ ᠄ ᠮᠠᠨᠳᠠᠯ ᠰᠦᠮᠡ ᠪᠤᠯᠠᠰᠢ᠂ ᠬᠠᠰ ᠯᠣᠣ ᠭᠠᠷᠤᠳᠢ᠃ 《ᠡᠨᠡ ᠵᠢᠷᠭᠤᠭᠠᠨ ᠦᠰᠦᠭ ᠨᠢ ᠳᠤᠮᠳᠠᠳᠤᠶ᠋ᠢᠨ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠤᠨ ᠵᠢᠷᠭᠤᠭᠠᠨ ᠡᠯᠧᠮᠧᠨ᠋ᠲᠢ ᠲᠥᠯᠥᠭᠡᠯᠡᠵᠦ᠍ ᠪᠠᠢᠨᠠ》 ᠭᠡᠵᠡᠢ᠃
ᠬᠤᠩᠱᠠᠨ ᠰᠣᠶᠣᠯ ᠪᠣᠯ ᠳᠠᠷᠤᠶ ᠤᠯᠠᠮᠵᠢᠯᠠᠯᠳᠤ ᠬᠠᠰ ᠡᠳ᠋ᠯᠡᠯ᠂ ᠶᠣᠰᠣᠯᠠᠯᠲᠤ ᠪᠠᠷᠢᠯᠭᠠᠪᠠᠷᠢᠶᠠᠨ ᠤᠯᠤᠰ ᠤ᠋ᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠳᠤ ᠠᠯᠳᠠᠷᠲᠠᠶ ᠶᠤᠮ᠃
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠬᠦᠷᠢᠶᠡᠯᠡᠩᠦᠨ ᠲᠥᠷᠥᠯ ᠵᠦᠶ᠋ᠯᠦᠨ ᠪᠦᠯᠬᠦᠮ 2024 ᠣᠨᠤ 4 ᠰᠠᠷᠠᠡᠴᠡ ᠡᠬᠢᠯᠡᠵᠦ᠍ ᠂ 4 ᠰᠠᠷᠠ ᠱᠢᠬᠠᠮ ᠮᠠᠯᠲᠠᠭᠠᠳ ᠤᠯᠠᠭᠠᠨᠬᠠᠳᠠ ᠬᠣᠲᠠᠶ᠋ᠢᠨ ᠠᠸ᠋ᠬᠠᠨ ᠬᠣᠱᠢᠭᠤᠨᠳᠤ ᠨᠢᠭᠡ ᠴᠢᠯᠠᠭᠤᠨ ᠤᠩᠭᠤᠨᠢ ᠢᠯᠡᠷᠡᠬᠦᠯᠵᠦ᠂ ᠵᠠᠭᠤ ᠭᠠᠷᠤᠶ ᠬᠠᠰ ᠡᠳ᠋ᠯᠡᠯᠢ ᠨᠢᠭᠡ ᠯᠡ ᠤᠳᠠᠭᠠᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠨᠢ ᠨᠢᠭᠡ ᠤᠳᠠᠭᠠᠨᠤ ᠠᠱᠢᠭ᠍ᠲᠠᠶ ᠭᠡᠷᠡᠴᠢ ᠪᠣᠯᠵᠠᠶ᠃
ᠠᠯᠳᠠᠨ ᠨᠠᠮᠤᠷ ᠵᠢᠡᠷ ᠣᠩᠨᠢᠭᠤᠳ ᠬᠣᠱᠢᠭᠤᠨᠤ ᠰᠠᠢ᠌ᠴᠢᠨᠲᠠᠯᠠ ᠲᠣᠰᠭᠣᠨ ᠤ᠋ 《ᠨᠣᠮᠢᠨ ᠬᠠᠰ ᠯᠣᠣ ᠵᠢ ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠭᠠᠵᠠᠷ》 ᠭᠡᠵᠦ ᠰᠡᠢᠯᠦᠭᠰᠡᠨ ᠴᠢᠯᠠᠭᠤᠨ ᠬᠥᠱᠢᠢᠡ ᠨᠢ ᠤᠢᠶ᠋ᠢᠨ ᠳᠤᠮᠳᠠ ᠤᠨᠴᠠ ᠵᠢᠨ ᠢᠯᠠᠳᠠᠢ ᠬᠠᠷᠠᠭᠳᠠᠨᠠ᠃ ᠤᠯᠤᠰ ᠤ᠋ᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠳᠤ ᠠᠯᠳᠠᠷᠳᠠᠢ 《ᠳᠤᠮᠳᠠᠳᠤᠶ᠋ᠢᠨ ᠠᠩᠬᠠᠨᠤ ᠯᠣᠣ》 ᠲᠠᠷᠤᠢ ᠡᠨᠳᠡ ᠡᠴᠡ ᠭᠠᠷᠤᠯᠳᠠᠢ᠃ ᠲᠡᠭᠦᠨᠦ ᠨᠢᠳᠦ ᠨᠢ ᠪᠠᠮᠪᠠᠷ ᠮᠡᠲᠦ᠂ ᠬᠦᠵᠦᠭᠦᠨ ᠳᠡᠭᠡᠷᠡᠬᠢ ᠦᠰᠦ ᠨᠢ ᠳᠡᠯ ᠮᠡᠲᠦ᠂ ᠣᠭ᠍ᠲᠠᠷᠭᠤᠶᠳᠤ ᠲᠡᠭᠦᠯᠢᠨ ᠨᠢᠰᠭᠦ ᠮᠡᠲᠦ ᠪᠠᠢᠳᠠᠯ ᠲᠠᠢ᠃
ᠨᠤᠮᠢᠨ ᠬᠠᠰ ᠯᠤᠤ ᠲᠠᠢ 《ᠠᠳᠠᠯᠢ ᠭᠠᠷᠤᠯᠳᠠᠢ》᠂ ᠠᠩᠬᠠ ᠮᠠᠯᠳᠠᠵᠤ ᠭᠠᠷᠭᠠᠭᠰᠠᠨ ᠭᠠᠵᠠᠷ ᠨᠢ ᠲᠣᠳᠣᠷᠬᠠᠢ ᠪᠤᠰᠤᠡᠴᠡ ᠪᠤᠯᠵᠤ ᠮᠠᠷᠭᠤᠭᠠᠨ ᠲᠠᠢ ᠪᠠᠢᠭᠰᠠᠨ ᠰᠢᠷᠠ ᠬᠠᠰ ᠯᠤᠤ ᠨᠢ ᠡᠳᠦᠭᠡ ᠣᠩᠨᠢᠭᠤᠳ ᠬᠣᠱᠢᠭᠤᠨᠤ ᠮᠦᠽᠧᠢᠶ᠋ᠢᠨ ᠴᠢᠬᠤᠯᠠ ᠡᠷᠳᠡᠨᠢ ᠪᠣᠯᠪᠠ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠰᠤᠳᠤᠯᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠳᠡᠳ᠋ ᠳᠠᠷᠤᠭᠠ᠂ ᠰᠤᠳᠤᠯᠤᠭ᠍ᠴᠢ ᠯᠢᠦ ᠭᠦᠸᠧ ᠱᠢᠶᠠᠩ᠄ ᠰᠢᠷᠠ ᠬᠠᠰ ᠯᠤᠤ ᠵᠢᠨ ᠰᠣᠩᠭᠣᠭ᠍ᠰᠠᠨ ᠮᠠᠲ᠋ᠧᠷᠢᠶᠠᠯ ᠨᠢ ᠰᠠᠢ᠌ᠨ᠂ ᠰᠡᠢᠯᠦᠭ᠌ᠰᠡᠨ ᠨᠢ ᠨᠠᠷᠢᠯᠢᠭ᠂ ᠳᠦᠷᠰᠦ ᠪᠠᠢᠳᠠᠯ ᠨᠢ ᠲᠡᠭᠵᠢᠨ ᠴᠤᠪᠤᠭᠤᠯᠢᠭ᠂ ᠬᠤᠩᠱᠠᠨ ᠰᠣᠶᠣᠯᠤᠨ ᠬᠠᠰ ᠡᠳ᠋ᠯᠡᠯᠦᠨ ᠬᠡᠯᠪᠡᠷᠢ ᠵᠢᠴᠢ ᠭᠠᠷ ᠤᠷᠠᠯᠠᠯᠤᠨ ᠣᠨᠴᠠᠯᠢᠭ ᠲᠠᠢ ᠬᠤᠩᠱᠠᠨ ᠰᠣᠶᠣᠯᠤᠨ ᠬᠠᠰ ᠡᠳ᠋ᠯᠡᠯᠦᠨ ᠰᠣᠳᠣᠨ ᠪᠦᠲᠦᠭᠡᠯ ᠪᠠᠢᠵᠤ᠂ ᠤᠯᠤᠰᠤᠨ ᠡᠷᠳᠡᠨᠢ ᠭᠡᠵᠦ᠍ ᠬᠡᠯᠡᠵᠦ᠍ ᠪᠣᠯᠤᠨᠠ ᠭᠡᠵᠦ ᠦᠵᠡᠪᠡ᠃
2024 ᠣᠨᠳᠤ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠬᠠᠰ ᠡᠳ᠋ᠯᠡᠯᠡᠴᠡ ᠯᠢᠩ ᠵᠢᠶᠠ ᠲᠠᠨᠤ ᠰᠣᠶᠣᠯᠤᠨ ᠬᠠᠰ ᠲᠢᠲᠢᠮᠲᠡᠶ ᠠᠳᠠᠯᠢᠪᠲᠤᠷ ᠡᠳ᠋ᠯᠡᠯ ᠣᠯᠳᠠᠪᠠ᠃ ᠭᠦᠸᠧ ᠳ᠋ᠡ ᠱᠦᠨ ᠠᠪᠤᠭᠠᠶ ᠲᠠᠨᠢᠯᠴᠠᠭᠤᠯᠬᠤᠳᠠᠭᠠᠨ ᠄《ᠠᠨᠾᠦ᠋ᠢ ᠮᠤᠵᠢᠶ᠋ᠢᠨ ᠯᠢᠩ ᠵᠢᠶᠠ ᠲᠠᠨᠡᠴᠡ ᠪᠠᠰᠠ ᠯᠤᠤ ᠭᠠᠷᠤᠳᠢᠶ᠋ᠢᠨ ᠨᠡᠢᠯᠡᠮᠡᠯ ᠴᠣᠭ᠍ᠴᠠᠳᠤ ᠬᠠᠰ ᠡᠳ᠋ᠯᠡᠯᠢ ᠢᠯᠡᠷᠡᠭᠦᠯᠵᠡᠢ᠂ ᠲᠡᠷᠡ ᠨᠢ ᠬᠠᠪᠢᠷᠭᠠᠨ ᠬᠠᠰ ᠰᠢᠬ ᠪᠠᠢᠵᠤ᠂ ᠬᠣᠶᠠᠷ ᠦᠵᠦᠭᠦᠷ ᠤ᠋ᠨ ᠬᠢᠨᠢ ᠨᠢᠭᠡ ᠦᠵᠦᠭᠦᠷ ᠨᠢ ᠯᠤᠤᠶ᠋ᠢᠨ ᠲᠣᠯᠣᠭᠠᠶ᠂ ᠨᠥᠭᠥᠭᠡ ᠦᠵᠦᠭᠦᠷ ᠨᠢ ᠭᠠᠷᠤᠳᠢᠶ᠋ᠢᠨ ᠲᠣᠯᠣᠭᠠᠶ ᠪᠠᠢᠵᠤ᠂ ᠬᠡᠯᠪᠡᠷᠢ ᠨᠢ ᠨᠡᠯᠢᠶᠡᠳ ᠲᠥᠬᠥᠮ᠂ ᠯᠤᠤᠶ᠋ᠢᠨ ᠲᠣᠯᠣᠭᠠᠶ ᠪᠠ ᠭᠠᠷᠤᠳᠢᠶ᠋ᠢᠨ ᠲᠣᠯᠣᠭᠠᠶ ᠨᠢ ᠴᠦ᠍ ᠨᠡᠯᠢᠶᠡᠳ ᠲᠥᠬᠥᠮ ᠪᠠᠢᠳᠠᠭ》 ᠭᠡᠵᠡᠢ᠃
ᠠᠯᠢ ᠡᠷᠲᠡ ᠨᠢᠦ ᠾᠧ ᠯᠢᠶᠠᠩ ᠡᠴᠡ ᠣᠯᠳᠠᠭ᠍ᠰᠠᠨ ᠯᠣᠣ ᠭᠠᠷᠤᠳᠢ ᠵᠢᠨ ᠬᠠᠰ ᠵᠡᠭᠦᠯᠲᠡ ᠪᠣᠯ ᠳᠡᠭᠡᠳᠦ ᠬᠡᠮᠵᠢᠶᠡᠪᠡᠷ ᠷᠢᠳᠢ ᠱᠢᠳᠢᠴᠢᠯᠡᠭ᠌ᠰᠡᠨ ᠬᠣᠶᠠᠷ ᠠᠮᠢᠲᠠᠨ ᠪᠣᠯᠤᠨᠠ᠂ ᠲᠡᠷᠡ ᠨᠢ ᠵᠥᠪᠬᠡᠨ 10 ᠰᠠᠨᠲ᠋ᠢᠮᠧᠲ᠋ᠷ ᠣᠷᠳᠣ᠂ 8 ᠰᠠᠨᠲ᠋ᠢᠮᠧᠲ᠋ᠷ ᠥᠷᠭᠡᠨ ᠬᠠᠪᠳᠠᠰᠤᠯᠢᠭ ᠬᠠᠰ ᠡᠳ᠋ᠯᠡᠯ ᠳᠡᠭᠡᠷᠡ ᠢᠯᠡᠷᠡᠭᠰᠡᠨ ᠪᠠᠢᠳᠠᠭ᠃ 《ᠯᠣᠣ ᠭᠠᠷᠤᠳᠢᠶ᠋ᠢᠨ ᠲᠣᠯᠣᠭᠠᠢ ᠵᠢᠨ ᠬᠡᠰᠡᠭ ᠢ᠋ ᠨᠢ ᠳᠣᠪᠣᠢᠯᠭᠠᠵᠤ᠂ ᠰᠡᠭᠦᠯ ᠤ᠋ᠨ ᠬᠡᠰᠡᠭ ᠢ᠋ ᠨᠢ ᠳᠥᠭᠥᠮᠴᠢᠯᠡᠳᠡᠭ᠃ ᠭᠠᠷᠤᠳᠢᠶ᠋ᠢᠨ ᠲᠢᠲᠢᠮ᠂ ᠨᠢᠳᠦ᠂ ᠤᠶᠠᠩᠭᠠᠯᠠᠯ᠂ ᠯᠣᠣᠶ᠋ᠢᠨ ᠡᠪᠡᠷ᠂ ᠨᠢᠳᠦ᠂ ᠬᠠᠮᠠᠷ᠂ ᠠᠮᠠ ᠨᠢ ᠪᠦᠷ ᠲᠣᠪ ᠲᠣᠳᠣᠷᠬᠠᠶ᠃ ᠬᠠᠷᠢᠨ ᠲᠡᠳᠡᠨᠦ ᠠᠲᠤᠷᠢᠭ᠍ᠰᠠᠨ ᠰᠡᠭᠦᠯ ᠨᠢ ᠮᠠᠰᠢ ᠣᠬᠣᠷ ᠪᠠᠢᠵᠥ᠂ ᠬᠠᠮᠲᠤ ᠨᠠᠭᠠᠯᠳᠤᠵᠤ ᠪᠠᠢᠳᠠᠭ᠃ ᠡᠭᠦᠨᠡᠴᠡ ᠬᠤᠩᠱᠠᠨ ᠰᠣᠶᠣᠯᠤᠨ ᠦᠶᠡᠶ᠋ᠢᠨ ᠤᠷᠠᠯᠢᠭᠤᠨ ᠰᠡᠳᠭᠢᠬᠦᠶ᠂ ᠤᠷᠠᠯᠢᠭᠤᠨ ᠠᠷᠭᠠ ᠪᠠᠷᠢᠯᠤᠨ ᠤᠷᠢᠳᠴᠢᠯᠠᠭ᠍ᠰᠠᠨ ᠬᠡᠮᠵᠢᠶᠡᠶ᠋ᠢ ᠮᠡᠳᠡᠵᠦ᠍ ᠪᠣᠯᠤᠨᠠ᠂ ᠲᠡᠷᠡ ᠮᠦᠷᠳᠡᠬᠡᠨ ᠯᠣᠣ ᠭᠠᠷᠤᠳᠢᠶ᠋ᠢᠨ ᠥᠯᠵᠡᠢ ᠪᠡᠯᠭᠡᠲᠡᠶ ᠰᠣᠶᠣᠯᠤᠨ ᠣᠢᠯᠠᠭᠠᠭ᠍ᠳᠠᠬᠤᠨ ᠨᠢ ᠣᠳᠣ ᠪᠣᠯᠲᠠᠯᠠ ᠦᠷᠭᠦᠯᠵᠢᠯᠡᠭ᠌ᠰᠡᠭᠡᠷ ᠪᠠᠢᠨᠠ》 ᠬᠡᠵᠥ ᠤᠯᠠᠭᠠᠨᠬᠠᠳᠠ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠳᠡᠳ᠋ ᠵᠠᠬᠢᠷᠤᠯ ᠰᠦᠨ ᠶᠦᠩ ᠭᠠᠩ ᠬᠡᠯᠡᠪᠡ᠃
ᠬᠤᠩᠱᠠᠨ ᠬᠠᠰ ᠡᠳ᠋ᠯᠡᠯ ᠪᠣᠯᠤᠨ ᠯᠢᠩ ᠵᠢᠶᠠ ᠲᠠᠨᠤ ᠬᠠᠰ ᠡᠳ᠋ᠯᠡᠯ ᠨᠢ ᠬᠥᠮᠦᠨᠢ ᠰᠣᠴᠢᠭᠠᠮᠠ ᠠᠳᠠᠯᠢᠪᠲᠤᠷ ᠪᠠᠢᠵᠤ᠂ 《ᠡᠷᠲᠡᠨᠦ ᠤᠯᠤᠰ》 ᠤ᠋ᠨ ᠬᠣᠭᠣᠷᠣᠨᠳᠣ ᠠᠯᠤᠰ ᠬᠤᠯᠠᠶ᠋ᠢᠨ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠣᠷᠣᠱᠢᠵᠤ ᠪᠠᠢᠬᠤᠶ᠋ᠢ ᠢᠯᠡᠷᠡᠭᠦᠯᠵᠡᠢ᠃
ᠸᠠᠭᠠᠷ ᠰᠠᠪᠠ ᠪᠠᠷ ᠠᠪᠴᠦ ᠬᠡᠯᠡᠭᠰᠡᠨ ᠴᠸ᠋ ᠬᠣᠩᠱᠠᠨ ᠰᠣᠶᠣᠯᠤᠨ ᠥᠩᠭᠡᠲᠦ ᠸᠠᠭᠠᠷ ᠨᠢ ᠭᠡᠨᠡᠳᠲᠡ ᠢᠯᠡᠷᠡᠭ᠌ᠰᠡᠨ ᠱᠢᠭ᠃
ᠬᠠᠭᠤᠴᠢ ᠰᠤᠳᠤᠯᠤᠭ᠍ᠴᠢᠶ᠋ᠢᠨ ᠦᠵᠡᠬᠦ᠌ᠪᠡᠷ ᠬᠤᠩᠱᠠᠨ ᠰᠣᠶᠣᠯᠤᠨ ᠥᠩᠭᠡᠲᠦ ᠸᠠᠭᠠᠷᠤᠨ ᠢᠯᠡᠷᠡᠭ᠌ᠰᠡᠨ ᠨᠢ ᠬᠠᠳᠤᠨ ᠭᠤᠤᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠥᠩᠭᠡᠲᠦ ᠸᠠᠭᠠᠷᠤᠨ ᠡᠯᠧᠮᠧᠨ᠋ᠲᠢ ᠱᠢᠩᠭᠡᠭᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠪᠠᠰᠠ ᠥᠪᠡᠷᠦᠨ ᠣᠨᠴᠠᠯᠢᠭᠢᠶᠠᠨ ᠬᠠᠳᠠᠭᠠᠯᠠᠵᠠᠶ᠃
ᠠᠷᠤ ᠬᠣᠷᠴᠢᠨ ᠬᠣᠱᠢᠭᠤᠨᠤ ᠬᠠᠷᠢᠶᠠ ᠡᠴᠡ ᠣᠯᠳᠠᠭ᠍ᠰᠠᠨ ᠬᠠᠷᠠ ᠥᠩᠭᠡᠲᠦ ᠤᠯᠠᠭᠠᠨ ᠸᠠᠭᠠᠷ ᠤ᠋ᠨ ᠲᠦᠩᠰᠠ᠂ ᠤᠯᠠᠭᠠᠨ ᠸᠠᠭᠠᠷ ᠤ᠋ᠨ ᠳᠡᠭᠡᠷᠡ ᠵᠢᠷᠤᠭ᠍ᠰᠠᠨ ᠬᠠᠷᠠ ᠬᠡ ᠨᠢ ᠲᠥᠪ ᠠᠽᠢᠶᠠᠶ᠋ᠢᠨ ᠷᠣᠮᠪ ᠳᠥᠷᠪᠡᠯᠵᠢᠨ ᠬᠡ᠂ ᠬᠠᠲᠤᠨ ᠭᠣᠣᠯᠤᠨ ᠰᠠᠪᠠ ᠭᠠᠵᠠᠷᠤᠨ ᠶᠠᠩᠱᠤᠤᠶ᠋ᠢᠨ ᠰᠣᠶᠣᠯᠤᠨ ᠰᠠᠷᠭᠠᠢ ᠴᠡᠴᠡᠭᠦᠨ ᠬᠡ ᠪᠣᠯᠤᠨ ᠬᠤᠩᠱᠠᠨ ᠰᠣᠶᠣᠯᠤᠨ ᠤᠭ ᠨᠤᠲᠤᠭᠤᠨ ᠯᠣᠣᠶ᠋ᠢᠨ ᠬᠠᠢᠷᠰᠤᠨ ᠬᠡᠲᠡᠶ ᠪᠠᠢᠨᠠ᠃
《 ᠡᠨᠡ ᠪᠣᠯ 5000 ᠵᠢᠯᠦᠨ ᠡᠮᠦᠨᠡ ᠠᠽᠢᠶᠠ ᠲᠢᠪᠦᠨ ᠵᠡᠭᠦᠨ ᠪᠠᠷᠠᠭᠤᠨ ᠪᠣᠯᠤᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡᠲᠦ ᠤᠮᠠᠷᠠᠲᠤᠶ᠋ᠢᠨ ᠬᠡᠳᠦᠨ ᠵᠦᠢᠯᠦᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠠᠳᠠᠷᠠᠭ᠍ᠰᠠᠨ ᠡᠷᠲᠡᠨᠦ ᠰᠣᠶᠣᠯ ᠡᠨᠳᠡ ᠰᠣᠯᠢᠯᠴᠠᠭᠠ ᠬᠢᠵᠦ᠍ ᠴᠤᠭ᠍ᠯᠠᠷᠠᠭ᠍ᠰᠠᠨ ᠤ᠋ ᠨᠡᠢᠲᠡᠯᠢᠭ ᠵᠢᠱ᠌ᠢᠢᠡ ᠪᠣᠯᠤᠨᠠ ᠬᠡᠵᠥ ᠰᠤ᠌ ᠪᠢᠩ ᠴᠢ ᠠᠪᠤᠭᠠᠢ ᠬᠡᠯᠡᠵᠥ ᠦᠩᠬᠡᠷᠡᠵᠡᠢ᠃ ᠸᠧᠶ ᠵᠢᠶᠠ ᠸᠸ ᠫᠦᠶ᠋ᠢᠨ ᠪᠠᠭᠤᠷᠢᠠᠴᠠ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠪᠦᠬᠡᠷᠡᠩᠬᠡᠢ ᠰᠠᠭᠤᠷᠢ ᠳᠠᠢ ᠲᠣᠭᠣᠭᠠ ᠨᠢ ᠾᠸᠤ ᠭᠠᠩ ᠤ᠋ᠨ ᠨᠢᠭᠡᠳᠦᠭᠡᠷ ᠬᠤᠭᠤᠴᠠᠭᠠᠨᠤ ᠰᠣᠶᠣᠯᠤᠨ ᠣᠨᠴᠠᠯᠢᠭᠢᠶᠠᠷ ᠢᠯᠡᠷᠬᠡᠶ ᠪᠠᠢᠵᠤ᠂ ᠶᠠᠭ ᠯᠠ ᠾᠸᠤ ᠭᠠᠩ ᠬᠥᠮᠦᠰ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯᠢᠶᠡᠨ ᠲᠡᠪᠡᠷᠢᠭᠡᠳ ᠬᠤᠩᠱᠠᠨ ᠣᠷᠣᠨᠳᠤ ᠢᠷᠡᠭ᠌ᠰᠡᠨᠲᠡᠶ ᠠᠳᠠᠯᠢ》 ᠰᠦᠨ ᠶᠦᠩ ᠭᠠᠩ ᠬᠡᠪᠡ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠨᠡᠢᠭᠡᠮᠦᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠰᠤᠳᠤᠯᠭᠠᠨᠤ ᠭᠠᠵᠠᠷᠤᠨ ᠰᠤᠳᠤᠯᠤᠭ᠍ᠴᠢ ᠸᠠᠩ ᠷᠧᠨ ᠱᠢᠶᠠᠩ ᠠᠪᠤᠭᠠᠶ᠂ ᠰᠣᠶᠣᠯᠤᠨ ᠬᠣᠭᠣᠷᠣᠨᠳᠣᠬᠢ ᠤᠯᠠᠮᠵᠢᠯᠠᠯ ᠪᠠ ᠨᠥᠯᠥᠭᠡ ᠪᠣᠯ ᠬᠠᠷᠢᠯᠴᠠᠨ ᠨᠦᠯᠦᠬᠡᠯᠴᠡᠬᠦ᠂ ᠬᠤᠤᠰ ᠴᠢᠭ᠌ᠯᠡᠯᠦᠨ ᠪᠠᠢᠬᠤ ᠶᠣᠰᠣᠲᠠᠶ ᠬᠡᠵᠥ ᠦᠵᠡᠵᠥ᠂ 《ᠡᠾᠧᠨᠠᠨᠤ ᠱᠠᠨ ᠱᠢᠶᠠᠨᠤ ᠮᠢᠶᠣᠣ ᠳ᠋ᠢ ᠭᠸᠤ ᠪᠠᠭᠤᠷᠢᠠᠴᠠ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠨᠢᠭᠡ ᠬᠡᠰᠡᠭ ᠡᠷᠭᠢᠭᠦᠯᠭᠡᠨ ᠬᠡᠲᠡᠶ ᠥᠩᠭᠡᠲᠦ ᠸᠠᠭᠠᠷᠤᠨ ᠬᠡ ᠤᠭᠠᠯᠵᠠᠶ᠋ᠢᠨ ᠬᠡᠪ ᠨᠠᠮᠪᠠ ᠪᠠ ᠶᠠᠩᠱᠤᠤᠶ᠋ᠢᠨ ᠰᠣᠶᠣᠯᠤᠨ ᠥᠩᠭᠡᠲᠦ ᠸᠠᠭᠠᠷᠤᠨ ᠢᠯᠭᠠᠭᠠ ᠢᠯᠡᠷᠬᠡᠢ ᠪᠠᠢᠵᠤ᠂ ᠬᠤᠩᠱᠠᠨ ᠰᠣᠶᠣᠯᠠᠴᠠ ᠱᠢᠭᠤᠳ ᠤᠯᠠᠮᠵᠢᠯᠠᠭ᠍ᠳᠠᠨ ᠢᠷᠡᠭ᠌ᠰᠡᠨ ᠥᠩᠭᠡᠲᠦ ᠸᠠᠭᠠᠷ ᠪᠠᠢᠵᠤ ᠮᠡᠳᠡᠨᠡ》 ᠬᠡᠪᠡ᠃
ᠬᠣᠩᠱᠠᠨ ᠤ᠋ ᠥᠩᠭᠡᠲᠦ ᠸᠠᠭᠠᠷ ᠨᠢ ᠪᠠᠰᠠ ᠨᠢᠭᠡ ᠵᠦᠢᠯᠦᠨ ᠢᠷᠣᠭᠠᠷ ᠦᠭᠡᠢ ᠳᠦᠩᠰᠡᠨ ᠬᠡᠯᠪᠡᠷᠢᠲᠡᠶ ᠰᠠᠪᠠ ᠪᠠᠢᠵᠤ᠂ ᠣᠯᠠᠩᠬᠢ ᠵᠢ ᠨᠢ ᠪᠤᠯᠠᠰᠢ ᠪᠠ ᠲᠠᠬᠢᠯᠭᠠᠶ᠋ᠢᠨ ᠪᠠᠭᠤᠷᠢ ᠡᠴᠡ ᠢᠯᠡᠷᠡᠭᠦᠯᠦᠭ᠌ᠰᠡᠨ ᠪᠠᠢᠨᠠ᠃ ᠵᠠᠷᠢᠮ ᠰᠤᠳᠤᠯᠭᠠᠲᠠᠳ ᠡᠴᠡ ᠸᠠᠭᠠᠷ ᠳᠦᠩᠰᠡᠨ ᠬᠡᠯᠪᠡᠷᠢᠲᠦ ᠰᠠᠪᠠ ᠨᠢ ᠲᠠᠷᠢᠶᠠᠯᠠᠩ ᠠᠵᠤ ᠠᠬᠤᠶ ᠬᠥᠭ᠌ᠵᠢᠭ᠌ᠰᠡᠨ᠂ ᠬᠥᠮᠦᠨ ᠠᠮᠠ ᠥᠨᠢᠷ ᠣᠯᠠᠨ᠂ ᠠᠮᠢ ᠨᠠᠰᠤ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠣᠨᠴᠠᠭᠠᠶ ᠡᠭᠦᠷᠭᠡᠶ᠋ᠢ ᠠᠴᠢᠶᠠᠯᠠᠵᠤ᠂ ᠲᠩᠷᠢᠶ᠋ᠢ ᠬᠦᠨᠳᠦᠳᠭᠡᠨ ᠠᠷᠠᠳᠢ ᠬᠠᠮᠠᠭᠠᠯᠠᠬᠤ ᠦᠵᠡᠯ ᠰᠠᠨᠠᠭᠠᠨᠤ ᠡᠭᠦᠰᠦᠯᠳᠦ ᠰᠠᠭᠤᠷᠢ ᠳᠠᠯᠪᠢᠵᠥ ᠦᠭᠴᠡᠢ ᠬᠡᠵᠥ ᠦᠵᠡᠪᠡ᠃
ᠡᠭᠦᠨᠡᠴᠡ ᠭᠠᠳᠠᠨᠠ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠡᠯᠡ ᠵᠦᠢᠯᠦᠨ ᠪᠣᠳᠠᠰᠤᠨ ᠪᠠ ᠰᠣᠶᠣᠯᠤᠨ ᠡᠯᠧᠮᠧᠨ᠋ᠲ ᠳᠣᠲᠣᠷᠠ ᠬᠥᠮᠦᠨᠦ ᠳᠦᠷᠢ ᠲᠥᠷᠬᠦ᠌ ᠲᠡᠷᠢᠭᠦᠨ ᠪᠠᠢᠷᠢᠶ᠋ᠢ ᠡᠵᠡᠯᠡᠵᠦ᠍᠂ ᠠᠩᠬᠠᠷᠤᠯᠤᠨ ᠬᠡᠮᠵᠢᠶᠡ ᠨᠢ ᠴᠦ᠍ ᠬᠠᠮᠤᠭ ᠥᠨᠳᠥᠷ ᠪᠠᠢᠳᠠᠭ᠂ ᠳᠡᠯᠡᠬᠡᠶᠶ᠋ᠢᠨ ᠡᠯᠡ ᠤᠯᠤᠰᠤᠨ ᠬᠠᠭᠤᠴᠢ ᠰᠤᠳᠤᠯᠤᠯᠤᠨ ᠢᠯᠡᠷᠡᠭᠦᠯᠦᠯᠲᠡ ᠨᠢ ᠶᠡᠷᠦ᠍ᠡᠴᠡ ᠡᠢᠮᠦ᠍ ᠪᠠᠢᠳᠠᠭ᠃《ᠳᠦᠷᠰᠦ ᠪᠦᠲᠦᠭᠡᠯᠲᠡ ᠪᠣᠯ ᠬᠤᠩᠱᠠᠨ ᠰᠣᠶᠣᠯᠤᠨ ᠬᠠᠮᠤᠭᠤᠨ ᠴᠢᠬᠤᠯᠠ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨ ᠪᠠᠭᠠᠵᠢ ᠬᠡᠷᠡᠭ᠌ᠰᠡᠯ ᠮᠥᠨ》 ᠭᠡᠵᠦ᠍ ᠰᠦᠨ ᠶᠦᠩ ᠭᠠᠩ ᠬᠡᠯᠡᠪᠡ᠃
ᠭᠦᠸᠧ ᠳ᠋ᠡ ᠱᠦᠨ ᠠᠪᠤᠭᠠᠶ 《ᠳᠠᠭᠢᠨᠢ》 ᠲᠠᠶ ᠠᠭᠤᠯᠵᠠᠭ᠍ᠰᠠᠨ ᠪᠠᠢᠳᠠᠯᠢᠶᠠᠨ ᠬᠠᠮᠤᠭᠡᠴᠡ ᠮᠠᠷᠲᠠᠵᠤ ᠴᠢᠳᠠᠬᠤ ᠥᠬᠡᠶ ᠶᠤᠮ᠂ ᠳᠠᠭᠢᠨᠢᠶ᠋ᠢᠨ ᠬᠥᠷᠥᠭᠢ ᠳᠡᠭᠡᠳᠦ ᠬᠡᠮᠵᠢᠶᠡᠪᠡᠷ ᠪᠣᠳᠠᠲᠠᠶ ᠪᠢᠴᠢᠭ᠌ᠰᠡᠨ ᠪᠣᠯᠬᠣᠷ ᠰᠠᠬᠢᠭᠤᠯᠰᠤᠨᠴᠢᠯᠠᠭ᠍ᠰᠠᠨ ᠡᠪᠦᠭᠡ ᠳᠡᠭᠡᠳᠦᠰᠦᠨ ᠱᠢᠲᠦᠭᠡᠨ ᠪᠠᠢᠬᠤ ᠶᠣᠰᠣᠲᠠᠶ ᠭᠡᠵᠦ᠍ ᠦᠵᠡᠳᠡᠭ᠃ ᠲᠠᠬᠢᠨᠢ ᠵᠢᠨ ᠬᠥᠷᠥᠭ ᠪᠣᠯ 《ᠡᠷᠲᠡᠨᠦ ᠳᠤᠮᠳᠠᠳᠤᠶ᠋ᠢᠨ ᠠᠷᠠᠰᠤᠲᠠᠨᠤ ᠰᠤᠳᠤᠯᠤᠯ ᠪᠠ ᠦᠨᠳᠦᠰᠦᠲᠡᠨᠦ ᠲᠡᠦᠬᠡᠶ᠋ᠢ ᠰᠤᠳᠤᠯᠤᠭ᠍ᠰᠠᠨ ᠨᠡᠢᠲᠡᠯᠢᠭ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠮᠥᠨ》᠂ 《ᠦᠶ ᠣᠯᠠᠨ ᠶᠠᠨᠳᠢ ᠬᠤᠸᠠᠩᠳᠢᠶ᠋ᠢᠨ ᠦᠷᠡᠳᠦᠰ ᠱᠢᠷᠠ ᠱᠢᠷᠣᠶᠪᠠᠷ ᠪᠦᠲᠦᠭᠡᠭ᠌ᠰᠡᠨ 5000 ᠵᠢᠯᠦᠨ ᠡᠮᠦᠨᠡᠬᠢ ᠳᠡᠭᠡᠳᠦᠰᠦᠨ ᠳᠦᠷᠢᠶ᠋ᠢ ᠠᠩᠬᠠ ᠤᠳᠠᠭᠠ ᠣᠯᠵᠤ ᠬᠠᠷᠠᠭ᠍ᠰᠠᠨ ᠪᠠᠢᠨᠠ》 ᠭᠡᠵᠤ ᠦᠵᠡᠪᠡ᠃
ᠡᠭᠦᠨᠲᠡᠶ ᠠᠳᠠᠯᠢᠪᠠᠷ ᠠᠤᠬᠠᠨᠤ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠮᠦᠽᠧᠶᠳᠦ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠵᠤ ᠪᠠᠢᠭ᠍ᠰᠠᠨ 《ᠳᠤᠮᠳᠠᠳᠤᠶ᠋ᠢᠨ ᠳᠡᠭᠡᠳᠦᠰᠦᠨ ᠰᠠᠬᠢᠭᠤᠯᠰᠤᠨ》 ᠨᠢ 55 ᠰᠠᠨᠲ᠋ᠢᠮᠧᠲ᠋ᠷ ᠥᠨᠳᠥᠷ᠂ ᠳᠡᠭᠡᠷᠡ ᠪᠡᠶᠡ ᠨᠢ ᠠᠰᠭᠠᠨ᠂ ᠵᠠᠪᠢᠯᠠᠨ ᠰᠠᠭᠤᠵᠤ᠂ ᠪᠠᠷᠠᠭᠤᠨ ᠭᠠᠷᠵᠢᠡᠷ ᠵᠢᠡᠨ ᠵᠡᠭᠦᠨ ᠭᠠᠷᠤᠨ ᠪᠠᠭᠤᠤᠪᠡᠨ ᠪᠠᠷᠢᠵᠤ᠂ ᠪᠡᠶᠡ ᠪᠠᠢᠳᠠᠯ ᠨᠢ ᠲᠥᠪᠯᠡᠭᠦᠨ᠂ ᠳᠦᠷᠢ ᠪᠠᠢᠳᠠᠯ ᠨᠢ ᠲᠦᠪ ᠴᠢᠬᠢᠮᠠᠢ᠂ ᠮᠠᠯᠠᠭᠠᠶ ᠵᠡᠭᠦᠵᠦ᠍᠂ ᠬᠣᠶᠠᠷ ᠨᠢᠳᠦ᠍ᠪᠡᠨ ᠪᠦᠯᠲᠡᠢᠯᠭᠡᠨ᠂ ᠠᠮᠠᠪᠠᠨ ᠠᠩᠭᠠᠢᠵᠤ᠂ ᠵᠠᠷᠯᠢᠭ ᠪᠠᠭᠤᠯᠭᠠᠵᠤ ᠪᠠᠢᠭᠠ ᠪᠤᠶᠤ ᠡᠰᠡᠬᠦᠯᠡ ᠶᠠᠭᠤ ᠨᠢᠭᠡᠶ᠋ᠢ ᠤᠩᠱᠢᠵᠤ ᠪᠠᠢᠭᠠ ᠨᠢ ᠢᠯᠡᠷᠬᠡᠶ ᠪᠠᠢᠯᠠ᠃
《ᠡᠨᠡ ᠪᠣᠯ ᠪᠦᠭᠡᠶ᠋ᠢᠨ ᠳᠦᠷᠢ ᠮᠥᠨ᠃ ᠪᠠᠭᠤᠷᠢ ᠳᠣᠲᠣᠷᠠ ᠸᠠᠭᠠᠷᠤᠨ ᠬᠥᠮᠦᠨᠦ ᠲᠤᠰᠭᠠᠶ ᠪᠠᠢᠭᠤᠯᠤᠭ᠍ᠰᠠᠨ ᠭᠡᠷ ᠪᠠᠢᠨᠠ᠂ ᠲᠡᠭᠦᠨᠦ ᠨᠡᠷᠡ ᠬᠦᠨᠳᠦ᠍ᠲᠡᠶᠶ᠋ᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ᠃ ᠸᠠᠭᠠᠷᠤᠨ ᠬᠥᠮᠦᠨ ᠮᠠᠯᠠᠭᠠᠶ ᠵᠡᠭᠦᠵᠦ᠍ ᠪᠠᠰᠠ ᠮᠠᠯᠠᠭᠠᠶᠶ᠋ᠢᠨ ᠲᠥᠪᠲᠡᠶ᠂ ᠡᠨᠡ ᠨᠢ ᠪᠠᠰᠠ ᠪᠡᠶᠡᠶ᠋ᠢᠨ ᠭᠠᠷᠤᠯ ᠪᠠ ᠪᠠᠢᠷᠢ ᠰᠠᠭᠤᠷᠢᠶ᠋ᠢᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠤᠨᠠ》 ᠭᠡᠵᠦ᠍ ᠠᠸ᠋ᠬᠠᠨᠤ ᠪᠠᠯᠠᠷ ᠡᠷᠲᠡᠨᠦ ᠰᠣᠶᠣᠯᠤᠨ ᠮᠦᠽᠧᠶᠶ᠋ᠢᠨ ᠤᠤᠯᠤᠨ ᠳᠠᠷᠤᠭᠠ ᠲᠢᠶᠠᠨ ᠶᠠᠨ ᠭᠦᠸᠧ ᠬᠡᠯᠡᠪᠡ᠃
ᠭᠦᠸᠧ ᠳ᠋ᠡ ᠱᠦᠨ ᠠᠪᠤᠭᠠᠶ ᠲᠤᠬᠠᠶᠶ᠋ᠢᠨ ᠵᠢᠯᠳᠦ ᠠᠸ᠋ᠬᠠᠨ ᠬᠣᠱᠢᠭᠤᠨᠤ ᠱᠢᠩ ᠯᠦᠩ ᠭᠸᠤ ᠵᠢᠨ ᠪᠠᠭᠤᠷᠢᠡᠴᠡ ᠨᠢᠭᠡ ᠸᠠᠭᠠᠷᠤᠨ ᠬᠥᠮᠦᠨᠢ ᠮᠠᠯᠲᠠᠵᠤ ᠭᠠᠷᠭᠠᠭ᠍ᠰᠠᠨᠢ ᠣᠯᠵᠤ ᠮᠡᠳᠡᠭᠡᠳ 《ᠡᠨᠡ ᠬᠦ᠌ ᠬᠥᠮᠦᠨᠦ ᠱᠤᠭᠤᠮᠠᠯ ᠨᠢ ᠰᠠᠬᠢᠭᠤᠯᠰᠤᠨ ᠶᠤᠮ ᠦᠦ ᠪᠦᠭᠡ ᠶᠤᠮ ᠦᠦ ᠭᠡᠳᠡᠭᠢ ᠳᠠᠬᠢᠨ ᠰᠤᠳᠤᠯᠬᠤ ᠴᠢᠬᠤᠯᠠᠲᠠᠶ᠃ ᠡᠨᠡ ᠪᠣᠯ ᠬᠤᠩᠱᠠᠨ ᠰᠣᠶᠣᠯᠤᠨ ᠭᠦᠨᠵᠡᠭᠡᠢ ᠰᠤᠳᠤᠯᠬᠤ ᠬᠡᠷᠡᠭ᠌ᠲᠡᠢ ᠨᠢᠭᠡᠨ ᠰᠡᠳᠦᠪ ᠪᠣᠯᠬᠤ ᠪᠥᠭᠡᠳ ᠪᠦᠬᠦᠢᠯᠡ ᠡᠷᠲᠡᠨᠦ ᠲᠡᠦᠬᠡᠲᠡᠶ ᠬᠣᠯᠪᠣᠭ᠍ᠳᠠᠬᠤ ᠪᠣᠯᠬᠣᠷ ᠮᠠᠰᠢ ᠴᠢᠬᠤᠯᠠ ᠶᠤᠮ》 ᠭᠡᠵᠤ ᠦᠵᠡᠪᠡ᠃
ᠬᠡᠳᠦᠨ ᠠᠷᠪᠠᠨ ᠵᠢᠯᠤᠨ ᠢᠯᠡᠷᠡᠬᠦᠯᠦᠯᠳᠠ ᠪᠠ ᠰᠤᠳᠤᠯᠤᠯᠳᠠᠢᠶᠠᠷ ᠬᠤᠨᠭᠱᠠᠨ ᠰᠣᠶᠣᠯᠳᠤ ᠣᠯᠠᠨ ᠠᠷᠪᠢᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯ ᠪᠣᠶ ᠪᠣᠯᠵᠠᠶ᠃ ᠪᠠᠷᠤᠭ ᠪᠤᠢ ᠪᠦᠬᠦᠢ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯ ᠨᠢ ᠴᠥᠮ ᠡᠯᠪᠡᠭ ᠪᠠᠶᠠᠯᠢᠭ ᠲᠡᠦᠬᠡᠶ᠋ᠢᠨ ᠪᠣᠯᠪᠠᠰᠤᠨᠤ ᠮᠡᠳᠡᠭᠡ ᠵᠠᠩᠭᠢᠶ᠋ᠢ ᠠᠴᠢᠶᠠᠯᠠᠵᠤ᠂ ᠢᠯᠡ ᠲᠣᠳᠣ ᠭᠠᠵᠠᠷ ᠣᠷᠣᠨᠤ ᠣᠨᠴᠠᠯᠢᠭ᠂ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭ ᠪᠣᠯᠤᠨ ᠦᠨᠳᠦᠰᠦᠲᠡᠨᠦ ᠰᠣᠶᠣᠯᠤᠨ ᠢᠮ ᠲᠠᠮᠠᠭᠠᠲᠠᠶ ᠪᠠᠢᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ 《ᠠᠮᠢ ᠨᠠᠰᠤᠨᠤ ᠴᠤᠭ ᠵᠢᠪᠬᠤᠭᠠ》 ᠵᠢ ᠨᠢᠭ᠍ᠲᠠᠷᠠᠭᠤᠯᠵᠤ ᠪᠠᠢᠳᠠᠭ᠃
ᠬᠤᠩᠱᠠᠨ ᠰᠣᠶᠣᠯᠳᠤ ᠯᠣᠣᠶ᠋ᠢᠨ ᠲᠣᠲ᠋ᠧᠮ᠂ ᠬᠠᠰᠢ ᠳᠡᠭᠡᠳᠦᠯᠡᠳᠡᠭ ᠰᠣᠶᠣᠯᠤᠨ ᠤᠯᠠᠮᠵᠢᠯᠠᠯᠢ ᠪᠤᠢ ᠪᠣᠯᠭᠠᠵᠤ᠂ ᠲᠩᠷᠢ ᠬᠥᠮᠦᠨ ᠨᠢᠭᠡᠳᠦᠭ᠌ᠰᠡᠨ᠂ ᠡᠪᠦᠭᠡ ᠳᠡᠭᠡᠳᠦᠰᠢᠶᠡᠨ ᠳᠡᠭᠡᠳᠦᠯᠡᠳᠡᠭ ᠣᠷᠴᠢᠯᠠᠩᠤᠨ ᠦᠵᠡᠯᠲᠡ ᠪᠠ ᠨᠡᠢᠭᠡᠮᠦᠨ ᠦᠵᠡᠯᠲᠡ ᠨᠢ ᠨᠢᠭᠡᠨᠲᠡ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨᠤ ᠣᠷᠭᠠᠨᠢᠭ ᠪᠦᠷᠢᠯᠳᠦᠬᠦᠨ ᠪᠣᠯᠵᠤ᠂ ᠲᠠᠰᠤᠷᠠᠯᠲᠠ ᠦᠭᠡᠢ ᠦᠷᠭᠦᠯᠵᠢᠯᠡᠵᠦ᠍᠂ ᠡᠷᠲᠡᠨᠡᠴᠡ ᠡᠳᠦᠭᠡ ᠪᠣᠯᠲᠠᠯᠠ ᠤᠯᠠᠮᠵᠢᠯᠠᠭ᠍ᠳᠠᠭ᠍ᠰᠠᠭᠠᠷ ᠪᠤᠢ᠃