ᠴᠠᠭᠠᠨ ᠰᠠᠷᠠ ᠬᠦᠷᠴᠤ ᠢᠷᠡᠬᠦ ᠲᠠᠰᠢᠷᠠᠮ ᠵᠢᠡᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠭ᠍ᠰᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠵᠠᠯᠠᠭᠤᠴᠤᠳᠤᠨ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠠᠩᠭᠢᠶᠢᠨ ᠰᠠᠢᠨ ᠳᠤᠷᠠᠴᠤᠳ ᠬᠥᠬᠡᠬᠣᠲᠠᠶᠢᠨ ᠲᠦᠮᠡᠳ ᠵᠡᠭᠦᠨ ᠬᠣᠰᠢᠭᠤᠨᠤ ᠶᠢᠤ ᠯᠧ ᠴᠧᠩ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠲᠤ ᠬᠦᠷᠴᠦ᠂《ᠴᠠᠭᠠᠨ ᠰᠠᠷᠠ ᠦᠨᠳᠦᠰᠦᠨ ᠱᠠᠲᠤᠨᠳᠤ ᠭᠦᠨᠵᠡᠭᠡᠢᠷᠡᠨ ᠨᠠᠰᠤᠲᠠᠢᠴᠤᠳᠢ ᠲᠤᠰᠠᠯᠠᠬᠤ ᠣᠶᠤᠨᠴᠢ ᠠᠶᠠᠯᠠᠯ》 ᠤ᠋ᠨ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠦ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠤᠨ ᠨᠠᠰᠤᠲᠠᠢᠴᠤᠳᠲᠤ ᠴᠠᠭᠠᠨ ᠰᠠᠷᠠᠶᠢᠨ 《ᠲᠣᠮᠣ᠌ ᠪᠡᠯᠡᠭ》 ᠬᠦᠷᠭᠡᠪᠡ᠃
《ᠡᠪᠦᠭᠡ ᠡᠮᠡᠭᠡ ᠨᠠᠷ ᠡ᠂ ᠮᠡᠬᠡᠯᠡᠯᠢ ᠰᠡᠷᠭᠡᠢᠯᠡᠬᠦᠳᠦ 〈ᠭᠤᠷᠪᠠᠨ ᠪᠢᠳᠡᠭᠡᠢ〉 ᠵᠢ ᠪᠠᠲᠤ ᠴᠡᠭᠡᠵᠢᠯᠡᠬᠦ ᠬᠡᠷᠡᠭᠲᠡᠢ᠂ ᠰᠢᠯᠭᠠᠨ ᠪᠠᠲᠤᠯᠠᠬᠤ ᠺᠣᠳ᠋ ᠠᠪᠬᠤ ᠬᠡᠪᠡᠯ ᠪᠢᠲᠡᠭᠡᠢ ᠥᠭᠬᠦᠭᠡᠷᠡᠢ； ᠴᠠᠬᠢᠮ ᠴᠢᠮᠡᠭᠡᠨ ᠳᠣᠲᠣᠷᠠ ᠬᠣᠯᠪᠣᠭᠠᠰᠤ ᠪᠠᠢᠪᠡᠯ ᠪᠢᠲᠡᠭᠡᠢ ᠲᠠᠷᠤᠭᠠᠷᠠᠢ； ᠭᠠᠷ ᠤᠲᠠᠰᠤᠨᠤ ᠨᠣᠮᠧᠷᠨᠢ ᠢᠯᠡᠷᠡᠬᠦ ᠦᠭᠡᠢ ᠪᠡᠢᠪᠡᠯ ᠪᠢᠲᠡᠭᠡᠢ ᠲᠣᠰᠤᠭᠠᠷᠠᠢ ᠁ 》 ᠡᠨᠡ ᠬᠦ᠌ ᠨᠢᠭᠡᠳᠦᠭᠡᠷ《ᠲᠣᠮᠣ᠌ ᠪᠡᠯᠡᠭ》ᠪᠣᠯ ᠲᠡᠦᠬᠡ ᠰᠣᠶᠣᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡᠳᠦᠭᠡᠷ ᠣᠨᠤ ᠣᠶᠤᠲᠠᠨ᠂ ᠰᠠᠢᠨ ᠳᠤᠷᠠᠶᠢᠨ ᠠᠵᠢᠯᠯᠠᠭ᠍ᠴᠢ ᠯᠢ ᠰᠢᠶᠣᠣ ᠶᠠᠶᠢᠨ ᠬᠦᠷᠭᠡᠭᠰᠡᠨ ᠮᠡᠬᠡᠯᠡᠯᠢ ᠡᠰᠡᠷᠭᠦᠴᠡᠬᠦ ᠤᠬᠠᠭᠤᠯᠭᠠᠶᠢᠨ ᠬᠢᠴᠢᠶᠡᠯ ᠪᠣᠯᠣᠨᠠ᠃ 《ᠵᠢᠯ ᠪᠦᠷᠢᠶᠢᠨ ᠴᠠᠭᠠᠨ ᠰᠠᠷᠠ ᠵᠠᠷᠢᠮ ᠬᠠᠤᠯᠢ ᠪᠤᠰᠤ ᠡᠲᠡᠭᠡᠳ ᠪᠠᠶᠠᠷᠤᠨ ᠡᠳᠦᠷᠦᠨ ᠠᠭᠤᠷ ᠠᠮᠢᠰᠬᠤᠯᠢ ᠠᠰᠢᠭ᠍ᠯᠠᠨ ᠰᠦᠯᠵᠢᠶᠠ ᠴᠠᠬᠢᠯᠭᠠᠨ ᠬᠣᠯᠪᠣᠭᠠᠨᠤ ᠮᠡᠬᠡᠯᠡᠯ ᠶᠠᠪᠤᠭᠤᠯᠤᠭᠰᠠᠨ ᠵᠢᠱ᠌ᠢᠶᠡ ᠮᠠᠰᠢ ᠣᠯᠠᠨ ᠪᠠᠢᠵᠤ᠂ ᠴᠠᠭᠠᠨ ᠰᠠᠷᠠᠶᠢᠨ ᠬᠤᠭᠤᠴᠠᠭᠠᠨᠳᠤ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠲᠠᠭᠠᠨ ᠮᠡᠬᠡᠯᠡᠯᠢ ᠰᠡᠷᠭᠡᠢᠯᠡᠬᠦ ᠠᠮᠤᠷ ᠲᠦᠪᠰᠢᠨᠦ ᠶᠡᠷᠦᠶᠢᠨ ᠮᠡᠳᠡᠯᠭᠡᠶᠢ ᠲᠦᠭᠡᠮᠡᠯᠵᠢᠭᠦᠯᠬᠦ ᠨᠢ ᠮᠠᠰᠢ ᠶᠡᠬᠡ ᠠᠴᠢ ᠬᠣᠯᠪᠣᠭᠳᠠᠯᠲᠠᠢ ᠶᠤᠮ》 ᠭᠡᠵᠤ ᠯᠢ ᠰᠢᠶᠣᠣ ᠶᠠ ᠬᠡᠯᠡᠪᠡ᠃ ᠲᠠᠷᠠ ᠨᠠᠷᠢᠨ ᠨᠢᠮᠪᠠᠢ ᠪᠡᠯᠡᠳᠬᠡᠭᠰᠡᠨ PPT ᠪᠠᠨ ᠨᠡᠭᠡᠭᠡᠵᠦ᠂ ᠦᠨᠡᠨ ᠪᠣᠳᠠᠲᠠᠢ ᠡᠭᠦᠰᠦᠭᠰᠡᠨ ᠬᠡᠷᠡᠭᠦᠨ ᠵᠢᠱ᠌ᠢᠶᠡ᠂ ᠬᠢᠯᠪᠠᠷ ᠣᠢᠯᠠᠭᠠᠮᠵᠢᠲᠠᠢ ᠦᠭᠡ ᠬᠡᠯᠡᠪᠡᠷ ᠲᠤᠬᠠᠢᠶᠢᠨ ᠲᠠᠯᠠᠪᠤᠷᠲᠤ ᠪᠠᠢᠭᠰᠠᠨ ᠨᠠᠰᠤᠳᠡᠨ ᠪᠤᠭᠤᠷᠤᠯᠴᠤᠳᠲᠦ ᠰᠦᠯᠵᠢᠶᠠ ᠴᠠᠬᠢᠯᠭᠠᠨ ᠬᠣᠯᠪᠣᠭᠠᠨᠤ ᠮᠡᠬᠡᠯᠡᠯᠢ ᠰᠡᠷᠭᠡᠢᠯᠡᠬᠦ ᠮᠡᠳᠡᠯᠭᠡᠶᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠤᠬᠠᠭᠤᠯᠪᠠ᠃
ᠵᠠᠯᠭᠠᠭᠠᠳ ᠬᠣᠶᠠᠳᠤᠭᠠᠷ 《ᠲᠣᠮᠣ᠌ ᠪᠡᠯᠡᠭ》 ᠵᠢᠡᠨ ᠨᠡᠭᠡᠭᠡᠯᠠ᠄ 《ᠡᠪᠦᠭᠡ ᠡᠮᠡᠭᠡ ᠨᠠᠷ ᠪᠦᠷ ᠣᠶᠤᠨᠴᠢ ᠭᠠᠷ ᠤᠲᠠᠰᠤ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠪᠢᠵᠡ？ ᠬᠡᠷᠡᠭᠯᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠶᠠᠮᠠᠷ ᠠᠰᠠᠭᠤᠳᠠᠯ ᠳ᠋ᠦ ᠳᠤᠯᠭᠠᠷᠠᠬᠰᠠᠨ ᠪᠤᠢ？ ᠪᠢᠳᠡ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ ᠬᠠᠪᠰᠤᠷᠤᠨ ᠰᠢᠢᠳᠪᠦᠷᠢᠯᠡᠵᠤ ᠦᠭᠬᠦᠶᠠ！︾ᠰᠠᠢᠨ ᠳᠤᠷᠠᠴᠤᠳ ᠨᠠᠰᠤᠲᠠᠢᠴᠤᠳᠤᠨ ᠳᠤᠮᠳᠠ ᠬᠦᠷᠴᠦ ᠬᠠᠯᠠᠭᠤᠮᠰᠤᠭᠢᠶᠠᠷ ᠠᠰᠠᠭᠤᠪᠠ᠃
《ᠬᠡᠦᠬᠡᠳᠤᠳ ᠮᠢᠨᠢ ᠱᠢᠨᠡᠯᠡᠬᠦ ᠪᠡᠷ ᠬᠠᠷᠢᠵᠤ ᠢᠷᠡᠬᠦ ᠪᠤᠯᠤᠯᠠ᠂ ᠪᠢ ᠱᠢᠷᠡᠭᠡ ᠳᠦᠭᠦᠷᠡᠩ ᠲᠠᠩᠰᠤᠭ ᠰᠠᠢᠬᠠᠨ ᠪᠢᠲᠡᠭᠦᠨᠦ ᠬᠣᠭᠣᠯᠠ ᠪᠡᠯᠡᠳᠬᠡᠬᠦ ᠰᠠᠨᠠᠭᠠᠲᠠᠶ᠂ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠡᠴᠡ ᠱᠢᠨᠡ ᠮᠠᠶᠢᠭᠤᠨ ᠬᠠᠭᠤᠷᠤᠯᠭᠠ ᠡᠷᠢᠵᠦ ᠣᠯᠵᠤ ᠪᠣᠯᠬᠤ ᠦᠦ？》᠂ 《ᠪᠢ ᠱᠢᠨᠡᠶᠢᠨ ᠵᠣᠯᠭᠠᠯᠲᠠ ᠬᠢᠵᠦ ᠪᠠᠢᠭᠠ ᠸᠢᠳᠢᠣ᠋ ᠪᠢᠴᠢᠯᠭᠡ ᠰᠢᠩᠭᠡᠬᠡᠭᠡᠳ ᠡᠭᠡᠴᠢ ᠳᠡᠭᠦᠦ᠍ᠨᠡᠷ ᠳᠡᠭᠡᠨ ᠶᠠᠪᠤᠭᠤᠯᠵᠤ ᠦᠭᠬᠦ ᠰᠠᠨᠠᠭᠠ ᠲᠠᠢ᠂ ᠠᠷᠭᠠ ᠵᠢ ᠨᠢ ᠵᠢᠭᠠᠭᠠᠳ ᠦᠭᠭᠦᠭᠡᠴᠢ》᠂ 《ᠤᠮᠪᠤᠯᠤ ᠲᠠᠢ ᠪᠠᠨ ᠸᠢᠳᠢᠣ᠋ ᠬᠤᠯᠪᠤᠭᠠ ᠠᠪᠬᠤᠳᠦ ᠵᠥᠪᠬᠡᠨ ᠳᠠᠭᠤ ᠨᠢ ᠰᠣᠨᠣᠰᠤᠭᠳᠠᠭᠠᠳ ᠵᠢᠷᠤᠭ ᠨᠢ ᠢᠯᠡᠷᠡᠬᠦ ᠦᠭᠡᠢ᠂ ᠬᠡᠦᠬᠡ ᠡ᠂ ᠴᠢ ᠨᠠᠳᠠᠳᠤ ᠦᠵᠡᠭᠡᠳ ᠥᠭᠳ᠋ᠸ》᠁ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ ᠰᠠᠢ᠌ᠨ ᠲᠤᠷᠠᠴᠤᠳ ᠬᠥᠳᠡᠯᠦᠯᠴᠡᠵᠦ᠍᠂ ᠡᠪᠦᠭᠡ ᠡᠮᠡᠭᠡᠨᠡᠷᠲᠦ ᠳᠤᠬᠢᠶᠠᠯᠳᠤᠭᠰᠠᠨ ᠶᠠᠪᠤᠳᠠᠯᠢ ᠬᠦᠯᠢᠴᠡᠩᠭᠦᠢ ᠰᠤᠨᠤᠰᠴᠤ᠂ ᠠᠰᠠᠭᠤᠳᠠᠯᠢ ᠨᠢ ᠨᠢᠭᠡᠳ ᠨᠢᠭᠡᠪᠡᠷ ᠱᠢᠢᠳᠪᠦᠷᠢᠯᠡᠵᠦ ᠦᠭᠪᠡ᠃
ᠦᠨᠳᠦᠰᠦᠲᠡᠨᠦ ᠰᠤᠳᠤᠯᠤᠯ ᠬᠥᠮᠦᠨ ᠲᠥᠷᠥᠯᠬᠢᠲᠡᠡᠦ ᠰᠤᠳᠤᠯᠤᠯᠤᠨ ᠳᠡᠭᠡᠳᠦ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠣᠶᠠᠳᠤᠭᠠᠷ ᠣᠨ ᠤ ᠣᠶᠤᠲᠠᠨ᠂ ᠰᠠᠢᠨ ᠳᠤᠷᠠᠶ᠋ᠢᠨ ᠠᠵᠢᠯᠯᠠᠭ᠍ᠴᠢ ᠭᠤᠤ ᠽᠢ ᠬᠤᠤ ᠠᠯᠢ ᠡᠷᠲᠡ ᠬᠡᠷᠡᠯ ᠵᠢᠷᠤᠭᠤᠨ ᠮᠠᠱᠢᠨᠢᠶᠠᠨ ᠪᠡᠯᠡᠳᠭᠡᠵᠦ᠍᠂ ᠬᠡᠷᠡᠯ ᠨᠥᠬᠥᠪᠥᠷᠢᠯᠡᠬᠦ᠌ ᠳ᠋ᠧᠩᠢᠶᠡᠨ ᠪᠠᠢᠷᠢᠯᠠᠭᠤᠯᠵᠤ᠂ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠲᠦ᠍ ᠦᠨᠡᠮᠯᠡᠯᠤᠨ ᠰᠡᠭᠦᠳᠡᠷ ᠳᠠᠳᠠᠵᠤ ᠦᠭᠬᠦᠪᠠᠷ ᠪᠡᠯᠡᠳᠭᠡᠯᠡ᠃ ᠰᠡᠭᠦᠳᠡᠷᠯᠡᠬᠦ ᠪᠦᠷᠢ ᠳᠡᠷᠡ ᠤᠯᠠᠨ ᠤ ᠰᠠᠨᠠᠯᠢ ᠠᠰᠠᠭᠤᠵᠤ᠂ ᠬᠠᠨᠤᠮᠵᠢ ᠦᠭᠡᠢ ᠪᠤᠯ ᠳᠠᠬᠢᠨ ᠰᠡᠭᠦᠳᠡᠷᠯᠡᠵᠦ ᠦᠭᠳᠡᠭ᠃ 《ᠪᠢᠳᠡ ᠨᠠᠰᠤᠳᠠᠨ ᠪᠤᠭᠤᠷᠤᠯᠴᠤᠳ ᠲᠠᠭᠠᠨ ᠦᠨᠡᠮᠯᠡᠯᠦᠨ ᠰᠡᠭᠦᠳᠡᠷ ᠳᠠᠳᠠᠵᠤ ᠥᠭ᠌ᠬᠦ ᠨᠢ ᠬᠣᠪᠣᠷ ᠨᠠᠨᠳᠢᠨ ᠳᠤᠷᠠᠰᠤᠮᠵᠢ ᠦᠯᠡᠳᠡᠭᠡᠬᠦ᠌ᠶ᠋ᠢᠨ ᠬᠠᠮᠲᠤ᠂ ᠨᠠᠰᠤᠵᠢᠯᠤᠨ ᠠᠰᠠᠷᠠᠮᠵᠢ ᠵᠡᠷᠭᠡ ᠶᠠᠪᠤᠳᠠᠯᠢ ᠱᠢᠶ᠋ᠳᠪᠦᠷᠢᠯᠡᠬᠦᠳᠦ ᠦᠨᠡᠮᠯᠡᠯᠦᠨ ᠰᠡᠭᠦᠳᠡᠷ ᠬᠠᠩᠭᠠᠵᠦ ᠬᠦᠴᠢᠷᠳᠡᠯᠢ ᠨᠢ ᠱᠢᠶ᠋ᠳᠪᠦᠷᠢᠯᠡᠵᠦ᠍ ᠥᠭ᠌ᠬᠦᠶ᠋ᠢᠨ ᠲᠥᠯᠥᠭᠡ ᠶᠤᠮ》 ᠭᠡᠵᠦ ᠭᠤᠤ ᠽᠢ ᠬᠤᠤ ᠬᠡᠯᠡᠪᠡ᠃ ᠦᠨᠡᠮᠯᠡᠯᠤᠨ ᠰᠡᠭᠦᠳᠡᠷ ᠳᠠᠳᠠᠬᠤᠶᠢᠨ ᠵᠠᠪᠰᠠᠷᠢᠶᠡᠷ ᠵᠠᠷᠢᠮ ᠬᠠᠮᠲᠤ ᠢᠷᠡᠭ᠌ᠰᠡᠨ ᠨᠢᠭᠡ ᠭᠡᠷᠤᠨ ᠬᠢᠨ ᠪᠠᠰᠠ ᠪᠠᠶᠠᠷ ᠬᠥᠷᠲᠡᠶᠪᠡᠷ ᠠᠮᠠᠷᠠᠭ ᠬᠤᠤᠰᠤᠨ ᠰᠡᠭᠦᠳᠡᠷ ᠲᠠᠲᠠᠭᠤᠯᠵᠤ ᠪᠠᠢᠯᠠ᠃ 《ᠪᠢ ᠨᠥᠬᠥᠷᠲᠡᠶᠪᠡᠨ ᠢᠩᠭᠢᠵᠦ᠍ ᠬᠠᠮᠲᠤᠶ᠋ᠢᠨ ᠰᠡᠭᠦᠳᠡᠷ ᠲᠠᠲᠠᠭᠤᠯᠵᠤ ᠦᠵᠡᠭᠡ ᠦᠭᠡᠢ᠂ ᠬᠡᠦᠬᠡᠳᠤᠳᠲᠡᠭᠡᠨ ᠲᠠᠯᠠᠷᠬᠠᠵᠤ ᠪᠠᠢᠨᠠ！》 ᠭᠡᠵᠦ ᠶᠠᠨ ᠴᠧᠩ ᠨᠠᠰᠤᠲᠠᠨ ᠪᠠᠶᠠᠷᠲᠠᠶ ᠬᠡᠯᠡᠨᠡ᠃
ᠠᠵᠢᠯᠯᠠᠭᠠᠳᠤ ᠣᠷᠣᠯᠴᠠᠭᠰᠠᠨᠤ ᠳᠠᠷᠠᠭᠠ ᠸᠠᠩ ᠮᠧᠢ ᠯᠢᠨ ᠨᠠᠰᠤᠲᠠᠨ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ᠄ 《ᠡᠳᠡᠭᠡᠷ ᠶᠠᠪᠤᠳᠠᠯ ᠨᠢ ᠵᠠᠯᠠᠭᠤᠴᠤᠳᠲᠤ ᠠᠪᠴᠤ᠌ ᠬᠡᠯᠡᠪᠡᠯ ᠬᠢᠯᠪᠠᠷᠬᠠᠨ ᠪᠣᠯᠪᠠᠴᠤ᠌ ᠮᠠᠨᠤ ᠨᠠᠰᠤᠲᠠᠢᠴᠤᠳᠲᠤ ᠠᠪᠴᠤ᠌ ᠬᠡᠯᠡᠪᠡᠯ ᠴᠥᠮ ᠬᠠᠮᠤᠭᠤᠨ ᠪᠣᠳᠠᠲᠠᠢ᠂ ᠬᠠᠮᠤᠭᠤᠨ ᠳᠣᠲᠣᠨᠣ ᠬᠠᠢᠷᠠ ᠬᠠᠯᠠᠮᠵᠢ ᠪᠣᠯᠬᠤ ᠶᠤᠮ᠂ ᠵᠢᠯ ᠴᠠᠭᠠᠨ ᠰᠠᠷᠠ ᠪᠡᠷ ᠬᠡᠦᠬᠡᠳᠦᠳ ᠲᠤᠰᠭᠠᠢᠯᠠᠨ ᠪᠢᠳᠠᠨᠢ ᠦᠵᠡᠬᠦ᠌ᠪᠡᠷ ᠢᠷᠡᠭ᠌ᠰᠡᠨᠳᠦ ᠪᠢ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ！ 》 ᠭᠡᠯᠡ᠃