ᠡᠬᠡ ᠤᠯᠤᠰᠤᠨ ᠮᠠᠨᠢ ᠤᠮᠠᠷᠠᠳᠦ ᠬᠢᠯᠢ᠂ ᠪᠣᠷᠣᠳᠣᠬᠣᠢ ᠵᠢᠨ ᠡᠪᠦᠷᠲᠤ ᠪᠠᠢᠷᠢᠯᠠᠭᠠ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠳᠤ ᠤᠷᠠᠳ ᠨᠤᠳᠤᠭᠤᠨ ᠠᠷᠠᠳ ᠳᠦᠮᠡᠨ ᠠᠭᠤᠤ ᠨᠠᠮᠤᠨ ᠵᠢᠨᠨ ᠤᠳᠤᠷᠢᠳᠤᠯᠭᠠ ᠵᠢ ᠴᠤᠤᠷᠢᠶᠠᠳᠤᠨ ᠳᠠᠭᠠᠵᠦ ᠡᠷᠬᠡ ᠮᠡᠳᠡᠨ ᠡᠵᠡᠨ ᠰᠠᠭᠤᠬᠤᠳᠤ ᠬᠤᠪᠢᠰᠬᠠᠯᠤᠨ ᠰᠠᠭᠤᠷᠢᠨ ᠪᠣᠯᠵᠤ᠂ ᠮᠠᠯᠴᠢᠨ ᠠᠷᠠᠳᠤᠨ ᠳᠤᠮᠳᠠ ᠨᠠᠮ ᠲᠦᠷᠥ ᠵᠢᠨ ᠳᠠᠭᠤᠨ ᠬᠣᠭᠣᠯᠠᠢᠶᠢ ᠳᠠᠮᠵᠢᠭᠤᠯᠬᠤᠳᠤ ᠵᠠᠭᠤᠴᠢ ᠪᠣᠯᠵᠤ᠂ ᠳᠤᠮᠳᠠᠳᠦ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰᠤᠨ ᠭᠠᠳᠠᠭᠠᠳᠤ ᠨᠡᠭᠡᠭᠡᠯᠲᠡᠶᠢ ᠠᠬᠢᠭᠤᠯᠬᠤᠳᠤ ᠨᠠᠢᠷᠠᠮᠳᠠᠯᠤᠨ ᠬᠥᠭᠥᠷᠭᠡ ᠪᠣᠯᠵᠦ᠂ ᠤᠷᠠᠳ ᠨᠤᠳᠤᠭᠤᠨ ᠤᠯᠤᠰ ᠲᠦᠷᠥ᠂ ᠰᠣᠶᠣᠯ᠂ ᠠᠵᠤ ᠠᠬᠤᠢ ᠵᠢᠨ ᠬᠥᠭᠵᠢᠯ᠂ ᠬᠤᠪᠢᠰᠬᠠᠯᠤᠨ ᠲᠡᠦᠬᠡ ᠵᠢᠨ ᠭᠡᠷᠡᠴᠢ ᠪᠤᠯᠤᠭᠰᠠᠨ 《ᠬᠣᠶᠠᠷ ᠮᠣᠩᠭᠣᠯ ᠭᠡᠷ》 ᠮᠤᠨᠠ ᠠᠭᠤᠯᠠᠶᠢᠨ ᠬᠣᠷᠮᠣᠢ ᠡᠴᠡ ᠡᠬᠡ ᠣᠷᠣᠨᠤ ᠪᠠᠨ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠲᠡᠦᠬᠡᠶᠢ ᠬᠠᠭᠤᠴᠢᠯᠠᠭᠰᠠᠭᠠᠷ ᠪᠠᠢᠳᠠᠭ᠃
ᠡᠷᠬᠡ ᠴᠢᠯᠦᠭᠡᠨᠦ ᠮᠥᠩᠬᠡ ᠵᠢᠨ ᠪᠠᠭᠤᠴᠠ ︱《ᠬᠣᠶᠠᠷ ᠮᠣᠩᠭᠣᠯ ᠭᠡᠷ》
1950 ᠣᠨᠤ 7 ᠰᠠᠷᠠ ᠵᠢᠨ 18ᠤ᠋ ᠡᠳᠦᠷ᠂ ᠤᠯᠠᠭᠠᠨᠬᠣᠲᠠ ᠡᠴᠡ ᠢᠷᠡᠭᠰᠡᠨ ᠵᠠᠯᠠᠭᠤ ᠬᠤᠪᠢᠰᠬᠠᠯᠴᠢᠳᠤᠨ ᠤᠷᠳᠤ ᠬᠤᠭᠤᠴᠠᠭᠠᠨᠤ ᠤᠬᠠᠭᠤᠯᠭᠠ ᠵᠢᠴᠢ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠰᠦᠢᠶᠤᠸᠠᠨ ᠮᠤᠵᠢ ᠵᠢᠨ ᠨᠠᠮᠤᠨ ᠬᠤᠷᠢᠶᠠᠨᠤ ᠲᠤᠮᠢᠯᠠᠯᠲᠠ ᠪᠡᠷ᠂ ᠤᠯᠠᠭᠠᠨᠴᠠᠪ ᠠᠢᠮᠠᠭ ᠡᠴᠡ ᠢᠷᠡᠭᠰᠡᠨ ᠦᠢᠯᠡᠳᠪᠦᠷᠢᠯᠡᠯ ᠵᠢᠡᠷ ᠵᠠᠰᠠᠭ ᠪᠠᠢᠭᠤᠯᠬᠤ ᠠᠵᠢᠯᠤᠨ ᠪᠦᠯᠭᠦᠮᠦᠨ ᠭᠢᠨᠤ ᠳᠡᠮᠵᠢᠯᠭᠡ ᠳᠣᠣᠷᠠ᠂ ᠪᠤᠮᠪᠠᠲᠠᠢ ᠵᠢᠨ ᠰᠦᠮᠡ ᠵᠢᠨ ᠳᠡᠷᠭᠡᠳᠡᠬᠢ ᠤᠯᠠᠭᠠᠨ᠌ᠣ᠋ᠪᠤᠭᠠᠶᠢᠨ ᠬᠠᠭᠤᠴᠢᠪᠲᠤᠷ ᠬᠣᠶᠠᠷ ᠮᠣᠩᠭᠣᠯ ᠭᠡᠷᠲᠦ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠬᠤᠪᠢᠰᠬᠠᠯᠤᠨ ᠪᠤᠤᠬᠢᠶᠠᠶᠢ ᠭᠠᠷᠳᠠᠨ ᠮᠡᠨᠳᠤᠯᠡᠯᠡ᠃
︱ᠰᠦᠢᠶᠤᠸᠠᠨ ᠮᠤᠵᠢ 1949 ᠣᠨᠤ 9 ᠰᠠᠷᠠᠳᠦ ᠨᠠᠢᠷᠠᠮᠳᠠᠯᠢᠶᠡᠷ ᠴᠢᠯᠦᠭᠡᠯᠡᠭᠳᠡᠵᠦ᠂ 1950 ᠣᠨᠳᠤ ᠰᠦᠢᠶᠤᠸᠠᠨ ᠮᠤᠵᠢ ᠵᠢᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠡᠴᠡ ᠤᠤᠯᠤᠨ ᠳᠤᠮᠳᠠᠳᠤ ᠭᠦᠩᠤᠨ ᠬᠣᠰᠢᠭᠤᠶᠢ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤ ᠭᠡᠵᠦ ᠨᠡᠷᠡᠯᠡᠪᠡ᠃ 7 ᠰᠠᠷᠠ ᠵᠢᠨ 8ᠤ᠋ ᠡᠳᠦᠷ᠂ ᠰᠦᠢᠶᠤᠸᠠᠨ ᠮᠤᠵᠢ ᠵᠢᠨ ᠨᠠᠮᠤᠨ ᠬᠣᠷᠢᠶᠠ ᠵᠠᠰᠠᠭᠦᠨ ᠣᠷᠳᠣᠨ ᠡᠴᠡ ᠲᠦᠪᠰᠢᠨ ᠨᠥᠬᠥᠷ ᠵᠢᠡᠷ ᠲᠥᠯᠥᠭᠡᠯᠡᠭᠦᠯᠦᠭᠰᠡᠨ ᠦᠢᠯᠡᠳᠪᠦᠷᠢᠯᠡᠯ ᠵᠢᠡᠷ ᠵᠠᠰᠠᠭ ᠪᠠᠢᠭᠤᠯᠬᠤ ᠠᠵᠢᠯᠤᠨ ᠪᠦᠯᠭᠦᠮᠤᠨ ᠠᠷᠪᠠ ᠰᠢᠬᠠᠮ ᠬᠥᠮᠥᠰᠢ ᠲᠣᠮᠢᠯᠠᠨ᠂ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠬᠠᠭᠤᠴᠢᠨ ᠵᠠᠰᠠᠭᠤᠨ ᠡᠷᠬᠡᠶᠢ ᠰᠢᠯᠵᠢᠭᠦᠯᠦᠨ ᠬᠠᠮᠢᠶᠠᠷᠤᠭᠤᠯᠵᠤ᠂ ᠬᠣᠰᠢᠭᠤᠨᠤ ᠵᠠᠰᠠᠭ ᠵᠠᠬᠢᠷᠭᠠᠨᠤ ᠠᠵᠢᠯᠤᠨ ᠵᠥᠪᠯᠡᠯᠢ ᠪᠠᠢᠭᠤᠯᠤᠨ ᠲᠦᠪᠰᠢᠨᠢ ᠳᠡᠳ᠋ ᠱᠦᠵᠢᠪᠡᠷ ᠲᠣᠮᠢᠯᠠᠵᠤ᠂ ᠬᠣᠰᠢᠭᠤ ᠪᠠᠢᠭᠤᠯᠬᠤ ᠠᠵᠢᠯᠢ ᠬᠠᠷᠢᠭᠤᠴᠠᠭᠤᠯᠵᠠᠢ ᠭᠡᠵᠦ ᠤᠷᠠᠳ ᠲᠡᠦᠬᠡ ᠰᠣᠶᠣᠯᠤᠨ ᠰᠤᠳᠤᠯᠤᠭᠠᠴᠢ ᠪᠢᠯᠢᠭ ᠶᠠᠷᠢᠨᠠ᠃
1950 ᠣᠨᠤ 7 ᠰᠠᠷᠠ ᠵᠢᠨ 18 ᠤ᠋ ᠡᠳᠦᠷ᠂ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤᠨᠤ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠠᠷᠠᠳᠤᠨ ᠲᠥᠯᠥᠭᠡᠯᠡᠭᠴᠢᠳᠤᠨ ᠶᠡᠬᠡ ᠬᠤᠷᠠᠯ ᠪᠤᠮᠪᠠᠲᠠᠢ ᠵᠢᠨ ᠰᠦᠮᠡᠶᠢᠨ ᠬᠠᠵᠠᠭᠤᠳᠠᠭᠢ ᠤᠯᠠᠭᠠᠨ᠌ᠣ᠋ᠪᠤᠭᠠᠳᠤ ᠬᠤᠷᠠᠯᠳᠤᠵᠤ᠂ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠪᠠᠢᠭᠤᠯᠤᠭᠳᠠᠭᠰᠠᠨᠢ ᠲᠤᠩᠬᠠᠭᠯᠠᠨ᠂ ᠦᠪᠡᠳᠡᠭᠰᠢ ᠶᠡᠬᠡ ᠨᠠᠭᠠᠳᠤᠮᠤᠨ ᠬᠤᠷᠠᠯ ᠡᠷᠭᠢᠯᠡᠵᠦ᠂ ᠬᠣᠰᠢᠭᠤᠨᠤ ᠡᠯᠡ ᠦᠨᠳᠦᠰᠦᠲᠡᠨᠦ ᠠᠷᠠᠳ ᠲᠦᠮᠡᠨ ᠬᠠᠮᠲᠤ ᠪᠡᠷ ᠡᠨᠡ ᠬᠦ᠌ ᠲᠡᠦᠬᠡᠲᠦ ᠮᠥᠴᠡᠶᠢ ᠲᠡᠮᠳᠡᠭᠯᠡᠪᠡ᠃
ᠨᠡᠢᠭᠡᠮᠤᠨ ᠠᠮᠤᠷ ᠲᠦᠪᠰᠢᠨ᠂ ᠠᠷᠠᠳ ᠲᠦᠮᠡᠨᠦ ᠠᠮᠤᠷ ᠮᠡᠨᠳᠦᠶᠢ ᠪᠠᠲᠤᠯᠠᠵᠤ᠂ ᠰᠢᠨᠡᠬᠡᠨ ᠮᠡᠨᠳᠦᠯᠡᠭᠰᠡᠨ ᠠᠷᠠᠳᠤᠨ ᠵᠠᠰᠠᠭᠤᠨ ᠡᠷᠬᠡ ᠪᠠᠨ ᠪᠡᠬᠢᠵᠢᠭᠦᠯᠵᠦ᠂ ᠵᠠᠰᠠᠭ ᠲᠦᠷᠤᠳᠤ ᠡᠪᠳᠡᠯᠡᠭᠡ ᠬᠢᠬᠦ ᠭᠡᠰᠡᠨ ᠳᠡᠭᠡᠷᠡᠮ ᠲᠠᠩᠨᠠᠭᠤᠯᠤᠨ ᠠᠮᠲᠠᠲᠤ ᠵᠡᠭᠦᠳᠦᠶᠢ ᠨᠢ ᠪᠤᠲᠠ ᠨᠢᠷᠭᠡᠬᠦ ᠵᠢᠨ ᠲᠥᠯᠥᠭᠡ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠷᠠᠳᠤᠨ ᠴᠢᠯᠦᠭᠡᠯᠡᠬᠦ ᠴᠡᠷᠢᠭ ᠡᠴᠡ ᠠᠷᠠᠳ ᠤᠯᠠᠨᠢ ᠳᠠᠢᠴᠢᠯᠠᠨ ᠳᠡᠭᠡᠷᠡᠮ ᠲᠠᠩᠨᠠᠭᠤᠯᠢ ᠰᠥᠨᠥᠭᠡᠬᠦ ᠪᠠᠢᠯᠳᠤᠭᠠᠨᠢ ᠡᠬᠢᠯᠡᠭᠦᠯᠵᠦ᠂ ᠬᠣᠶᠠᠷ ᠵᠢᠯ ᠰᠢᠬᠠᠮᠤᠨ ᠬᠠᠲᠠᠭᠤᠵᠢᠯᠲᠠᠢ ᠱᠦᠭᠦᠷᠳᠡᠯᠲᠡ ᠪᠡᠷ ᠳᠠᠮᠵᠢᠨ 1952 ᠣᠨᠤ 1 ᠰᠠᠷᠠ ᠪᠤᠯᠬᠤᠳᠤ ᠪᠣᠷᠣᠳᠣᠬᠣᠢ ᠪᠠ ᠤᠷᠠᠳᠤᠨ ᠲᠠᠯᠠ ᠨᠤᠲᠤᠭᠢ ᠦᠢᠮᠡᠭᠦᠯᠦᠨ ᠲᠦᠢᠪᠡᠭᠡᠵᠦ ᠪᠠᠢᠭᠰᠠᠨ ᠳᠡᠭᠡᠷᠡᠮᠢ ᠪᠦᠭᠦᠨᠢ ᠤᠰᠠᠳᠬᠠᠵᠤ ᠂ ᠠᠷᠠᠳ ᠲᠦᠮᠡᠨᠳᠦ ᠠᠮᠤᠷ ᠲᠠᠢᠪᠤᠩᠢ ᠠᠪᠴᠢᠷᠠᠵᠤ ᠦᠭᠭᠦᠯᠡ᠃
ᠨᠠᠷᠠ ᠪᠠᠨ ᠲᠠᠭᠠᠪᠠᠯ ᠳᠠᠭᠠᠷᠠᠬᠤ ᠦᠭᠡᠢ
ᠨᠠᠮ ᠵᠢᠡᠨ ᠲᠠᠭᠠᠪᠠᠯ ᠪᠤᠷᠤᠭᠤᠳᠠᠬᠤ ᠦᠭᠡᠢ
ᠠᠷᠠᠳᠤᠨ ᠵᠠᠰᠠᠭ ᠠᠷᠠᠳ ᠲᠠᠭᠠᠨ ᠡᠭᠡᠯᠢᠲᠡᠢ
ᠠᠷᠠᠳ ᠲᠦᠮᠡᠨ ᠴᠡᠷᠢᠭ ᠠᠩᠭᠢ ᠳ᠋ᠠᠭᠠᠨ ᠬᠠᠢᠷᠠᠲᠠᠢ
ᠬᠥᠳᠡᠯᠮᠦᠷᠢᠴᠢᠨ ᠠᠷᠠᠳ ᠡᠷᠬᠡ ᠮᠡᠳᠡᠨ ᠡᠵᠡᠨ ᠰᠠᠭᠤᠵᠤ
ᠭᠠᠭᠴᠠ ᠬᠦ᠌ ᠨᠡᠢᠭᠡᠮ ᠵᠢᠷᠤᠮ ᠰᠠᠶᠢ ᠲᠤᠮᠳᠠᠳᠤ ᠤᠯᠤᠰᠢ ᠠᠪᠤᠷᠠᠵᠤ ᠴᠢᠳᠠᠨᠠ
᠁
ᠲᠤᠬᠠᠢ ᠵᠢᠨ ᠦᠶᠡᠳᠤ ᠮᠤᠨᠠ ᠠᠭᠤᠯᠠᠠᠴᠠ ᠬᠥᠨᠳᠡᠯᠡᠨ ᠰᠦᠮᠡ ᠭᠦᠷᠳᠡᠯᠡ᠂ ᠬᠥᠳᠡᠭᠡ ᠲᠠᠯᠠ ᠡᠴᠡ ᠭᠣᠪᠢ ᠭᠠᠩᠭᠠ ᠭᠦᠷᠳᠡᠯᠠ᠂ ᠠᠷᠠᠳ ᠲᠦᠮᠡᠨ ᠠᠭᠤᠤ ᠨᠠᠮ ᠪᠠ ᠠᠷᠠᠳ ᠤᠨ ᠵᠠᠰᠠᠭᠤᠨ ᠣᠷᠳᠣᠨ ᠵᠢᠡᠨ ᠢᠩᠭᠢᠵᠦ ᠯᠡ ᠮᠠᠭᠲᠠᠨ ᠳᠠᠭᠤᠯᠠᠳᠠᠭ ᠪᠠᠢᠵᠠᠢ᠃
ᠨᠠᠮ ᠲᠦᠷᠥ ᠵᠢᠨ ᠰᠡᠳᠬᠢᠯᠦᠨ ᠳᠠᠭᠤᠨ ᠬᠣᠭᠣᠯᠠᠢ ︱ 《 ᠬᠣᠶᠠᠷ ᠮᠣᠩᠭᠣᠯ ᠭᠡᠷ》
ᠬᠠᠳᠤᠨ ᠭᠣᠣᠯᠦᠨ ᠰᠢᠮᠡᠲᠦ ᠤᠷᠤᠰᠬᠠᠯ ᠪᠣᠷᠣᠳᠣᠬᠣᠢᠶᠢᠨ ᠠᠭᠤᠳᠠᠮ ᠲᠠᠯᠠᠶᠢ ᠤᠮᠳᠠᠯᠠᠨ᠂ ᠴᠢᠨ ᠬᠠᠨ ᠤᠯᠤᠰᠤᠨ ᠦᠶᠡ ᠡᠴᠡ ᠤᠯᠪᠠᠭᠠ ᠲᠠᠢ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠲᠡᠦᠬᠡᠶᠢ ᠬᠠᠭᠤᠴᠢᠯᠠᠨ ᠦᠯᠢᠭᠡᠷᠯᠡᠵᠦ᠂ ᠨᠡᠭᠦᠳᠡᠯ ᠮᠠᠯᠵᠢᠯ ᠲᠠᠷᠢᠶᠠᠯᠠᠩᠤᠨ ᠰᠣᠶᠣᠯ ᠪᠣᠯᠪᠠᠰᠤᠨ ᠲᠡᠦᠬᠡ ᠵᠢᠨ ᠤᠷᠳᠤᠳᠤ ᠡᠭᠡᠨᠡᠭᠰᠢᠭᠡ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤ ᠨᠢ ᠮᠠᠨᠤ ᠣᠷᠣᠨᠤ ᠪᠠᠨ ᠤᠮᠠᠷᠠᠲᠤ ᠬᠢᠯᠢ ᠵᠢᠨ ᠰᠣᠶᠣᠯᠤᠨ ᠲᠠᠪᠤᠨ ᠴᠢᠬᠤᠯᠠ ᠡᠯᠧᠮᠧᠨ᠋ᠲᠢ ᠠᠭᠤᠯᠤᠭᠰᠠᠨ ᠪᠠᠶᠠᠯᠢᠭ᠋ ᠨᠤᠲᠤᠭ ᠪᠢᠯᠡ᠃
1980 ᠣᠨᠳᠤ ᠡᠨᠡ ᠬᠦ᠌ ᠲᠡᠦᠬᠡ ᠰᠣᠶᠣᠯᠤᠨ ᠭᠦᠨ ᠵᠤᠵᠠᠭᠠᠨ ᠬᠥᠷᠥᠰᠥᠨ ᠳᠡᠭᠡᠷᠡ ᠮᠠᠨᠤ ᠣᠷᠣᠨᠤ ᠬᠠᠮᠤᠭᠤᠨ ᠠᠩᠬᠠᠨᠤ ᠮᠠᠯᠵᠢᠬᠤ ᠣᠷᠣᠨᠤ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠥᠷᠲᠡᠭᠡ ᠴᠣᠩᠵᠢ ᠰᠤᠮᠤ ᠵᠢᠨ ᠰᠠᠷᠠᠭᠤᠯᠳᠠᠯᠠ ᠭᠠᠴᠠᠭᠠᠨ ᠳᠡᠬᠢ ᠬᠣᠶᠠᠷ ᠮᠣᠩᠭᠣᠯ ᠭᠡᠷᠲᠦ ᠡᠷᠦᠭᠡ ᠪᠠᠨ ᠳᠠᠲᠠᠨ ᠡᠭᠦᠳᠡ ᠪᠠᠨ ᠰᠡᠬᠦᠵᠦ᠂ ᠨᠠᠮᠤᠨ ᠱᠤᠭᠤᠮ ᠴᠢᠭᠯᠡᠯᠲᠡ ᠲᠥᠷᠥ ᠵᠢᠨ ᠪᠣᠳᠣᠯᠭᠠᠶᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ᠂ ᠨᠠᠮᠤᠨ ᠲᠠᠭᠤ ᠬᠣᠭᠣᠯᠠᠢᠶᠢ ᠮᠠᠯᠴᠢᠨ ᠲᠦᠮᠡᠨᠳᠤ ᠳᠠᠮᠵᠢᠭᠤᠯᠬᠤ᠂ ᠤᠯᠠᠨ ᠲᠦᠮᠡᠨᠦ ᠰᠣᠶᠣᠯᠤᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠬᠤ ᠵᠡᠷᠭᠡ ᠴᠠᠭ ᠦᠶᠡᠴᠢ ᠴᠢᠨᠠᠷᠲᠠᠢ ᠴᠢᠬᠤᠯᠠ ᠡᠭᠦᠷᠭᠡᠶᠢ ᠭᠦᠢᠴᠡᠳᠬᠡᠭᠰᠡᠭᠡᠷ ᠢᠷᠡᠵᠡᠢ᠃
ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠥᠷᠲᠡᠭᠡ ᠨᠢ 90 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠮᠧᠲᠷ ᠲᠠᠯᠠᠪᠠᠢᠳᠠᠭᠠᠨ ᠬᠥᠳᠡᠯᠭᠡᠭᠡᠨᠦ ᠲᠠᠰᠤᠭ᠂ ᠦᠵᠡᠭᠦᠯᠭᠡᠶᠢᠨ ᠲᠠᠰᠤᠭ᠂ ᠨᠣᠮᠤᠨ ᠥᠷᠥᠭᠡ ᠵᠡᠷᠭᠡ ᠤᠯᠠᠨ ᠬᠤᠪᠢᠶᠠᠷᠢ ᠲᠣᠭᠣᠷᠢᠭ᠋ᠢ ᠪᠠᠭᠲᠠᠭᠠᠵᠤ᠂ ᠪᠠᠷᠢᠯᠭᠠ᠂ ᠴᠢᠳᠠᠮᠵᠢ ᠵᠢᠨ ᠲᠠᠯᠠ ᠪᠡᠷ ᠪᠦᠷ ᠮᠠᠨᠤ ᠣᠷᠣᠨᠳᠤ᠂ ᠲᠡᠷᠡᠴᠢᠯᠡᠨ ᠪᠦᠭᠦ ᠤᠯᠤᠰᠤᠨ ᠬᠡᠪᠴᠢᠶᠡᠨᠳᠤ ᠬᠠᠮᠤᠭ ᠡᠴᠡ ᠣᠨᠴᠠᠯᠠᠭᠳᠠᠬᠤ ᠮᠠᠯᠵᠢᠬᠤ ᠣᠷᠣᠨᠤ ᠰᠣᠶᠣᠯᠤᠨ ᠥᠷᠲᠡᠭᠡ ᠵᠢᠨ ᠨᠢᠭᠡ ᠪᠠᠢᠯᠠ᠃ 《ᠮᠠᠨᠤ ᠴᠣᠩᠵᠢ ᠪᠣᠯ ᠬᠢᠲᠠᠳ ᠮᠣᠩᠭᠣᠯ ᠳᠠᠭᠤᠷ ᠲᠥᠪᠡᠳ ᠤᠯᠨᠨ ᠦᠨᠳᠦᠰᠦᠲᠡᠨ ᠲᠠᠢ ᠰᠤᠮᠤ ᠪᠤᠯᠬᠤ ᠶᠤᠮ᠃ ᠲᠤᠬᠠᠢ ᠵᠢᠨ ᠦᠶᠡᠰ ᠴᠡᠷᠢᠭ ᠠᠷᠠᠳ ᠭᠡᠵᠦ ᠢᠯᠭᠠᠯ ᠦᠭᠡᠢ᠂ ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠢᠯᠭᠠᠯ ᠦᠭᠡᠢ ᠬᠠᠷᠢᠯᠴᠠᠨ ᠨᠢᠭᠡ ᠭᠡᠷᠤᠨ ᠬᠥᠮᠥᠨ ᠮᠡᠲᠦ ᠪᠦᠯᠬᠦᠮᠳᠡᠵᠦ᠂ ᠰᠣᠶᠣᠯᠤᠨ ᠥᠷᠲᠡᠭᠡᠨᠳᠡᠭᠡᠨ ᠬᠠᠮᠲᠤ ᠪᠡᠷ ᠲᠠᠷᠢᠶᠠᠯᠠᠩ ᠳ᠋ᠠᠵᠠᠢ ᠡᠴᠡ ᠰᠤᠷᠤᠯᠴᠠᠨ᠂ ᠬᠤᠪᠢᠰᠬᠠᠯᠲᠤ ᠳᠠᠭᠤᠤ ᠰᠤᠷᠴᠤ᠂ ᠬᠠᠮᠲᠤ ᠪᠡᠷ ᠲᠤᠬ᠍ᠯᠠᠯᠳᠠ ᠭᠠᠷᠭᠠᠨ᠂ ᠪᠠᠰᠠ ᠥᠷᠲᠡᠭᠡᠨᠤ ᠷᠠᠳᠢᠣ᠋ ᠪᠡᠷ ᠳᠠᠮᠵᠢᠭᠤᠯᠤᠨ ᠨᠠᠮᠤᠨ ᠲᠦᠷᠥ ᠵᠢᠨ ᠪᠣᠳᠣᠯᠭᠠ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠡᠷ ᠮᠠᠯ ᠮᠠᠯᠵᠢᠬᠤ ᠵᠢ ᠰᠤᠷᠤᠯᠴᠠᠳᠠᠭ ᠪᠠᠢᠭᠰᠠᠨ ᠶᠤᠮ᠃ ᠲᠤᠬᠠᠢ ᠵᠢᠨ ᠵᠢᠯ ᠮᠠᠨᠤ ᠰᠣᠶᠣᠯᠤᠨ ᠥᠷᠲᠡᠭᠡ ᠨᠢ ᠤᠯᠤᠰ ᠳᠠᠶᠠᠭᠠᠷ ᠲᠸ᠋ ᠠᠯᠳᠠᠷᠰᠢᠨ᠂ ᠠᠷᠠᠳᠤᠨ ᠡᠳᠦᠷᠤᠨ ᠰᠣᠨᠢᠨ ᠳᠡᠭᠡᠷᠡ ᠨᠡᠢᠲᠡᠯᠡᠭᠳᠡᠵᠦ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠵᠠᠰᠠᠭᠤᠨ ᠤᠷᠳᠤᠨᠦ ᠲᠡᠷᠢᠭᠦᠯᠡᠭᠴᠢ ᠪᠠᠢᠭᠰᠠᠨ ᠪᠦᠭᠡ ᠨᠦᠬᠦᠷ ᠡᠴᠡ ᠲᠤᠰᠬᠠᠢ ᠪᠢᠴᠢᠭᠡᠰᠦ ᠪᠢᠴᠢᠨ ᠪᠡᠯᠡᠭᠯᠡᠭᠰᠡᠨ ᠪᠠᠢᠳᠠᠭ》ᠭᠡᠵᠦ ᠤᠷᠠᠳᠤᠨ ᠲᠤᠮᠳᠠᠳᠤ ᠬᠣᠰᠢᠭᠤᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠠᠯᠪᠠᠨ ᠭᠡᠷᠤᠨ ᠳᠥᠷᠪᠡᠳᠦᠭᠡᠷ ᠲᠡᠰᠤᠨ ᠪᠠᠢᠴᠠᠭᠠᠨ ᠰᠤᠳᠤᠯᠤᠭ᠍ᠴᠢ᠂ ᠴᠣᠩᠵᠢ ᠰᠤᠮᠤ ᠵᠢᠨ ᠤᠤᠭᠠᠯ ᠵᠤᠤ ᠵᠢᠶᠦ᠋ᠨ ᠶᠠᠷᠢᠨᠠ᠃
ᠴᠠᠭ ᠦᠶᠡᠶᠢᠨ ᠲᠥᠯᠥᠭᠡᠯᠡᠬᠦ ᠴᠢᠨᠠᠷ ᠪᠣᠯᠣᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠦᠨᠡ ᠥᠷᠲᠡᠭ ᠵᠢᠡᠷ ᠮᠠᠰᠢ ᠥᠨᠳᠥᠷ ᠴᠣᠩᠵᠢ ᠰᠤᠮᠤ ᠵᠢᠨ ᠮᠠᠯᠴᠢᠳᠤᠨ ᠰᠣᠶᠣᠯᠤᠨ ᠥᠷᠲᠡᠭᠡ ᠨᠢ 2011 ᠣᠨ ᠪᠤᠯᠬᠤᠳᠤ ᠪᠠᠶᠠᠨᠨᠠᠭᠤᠷ ᠬᠤᠲᠠᠶᠢᠨ ᠭᠣᠣᠯᠳᠠᠯᠭᠠᠲᠠᠢ ᠲᠡᠦᠬᠡᠶᠢᠨ ᠳᠤᠷᠠᠰᠬᠠᠯᠲᠤ ᠵᠦᠢᠯᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠨᠢᠭᠡᠴᠡᠪᠠᠷ ᠦᠨᠡᠯᠡᠭᠳᠡᠵᠦ᠂ ᠲᠡᠦᠬᠡ ᠰᠣᠶᠣᠯᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠬᠦᠷᠢᠶᠡᠨᠳᠠᠬᠢ ᠪᠠᠢᠷᠢ ᠰᠠᠭᠤᠷᠢ ᠪᠠᠨ ᠤᠯᠠᠮ ᠪᠠᠲᠤᠳᠬᠠᠭᠰᠠᠨ ᠶᠤᠮ᠃ ᠬᠡᠳᠦᠨ ᠠᠷᠪᠠᠨ ᠵᠢᠯᠤᠨ ᠲᠤᠷᠰᠢ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠦᠷᠳᠡᠭᠡ ᠨᠢ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ ᠪᠡᠷ ᠳᠠᠮᠵᠢᠭᠤᠯᠤᠨ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠦᠨ ᠬᠠᠢᠷᠠ ᠰᠡᠳᠬᠢᠯᠭᠡᠶᠢ ᠮᠠᠯᠴᠢᠳᠤᠨ ᠳᠤᠮᠳᠠ ᠳᠡᠯᠭᠡᠷᠡᠭᠦᠯᠦᠨ᠂ ᠰᠣᠶᠣᠯᠤᠨ ᠠᠵᠢᠯᠯᠠᠭᠠᠪᠠᠷ ᠳᠠᠮᠵᠢᠭᠤᠯᠤᠨ ᠠᠷᠠᠳ ᠲᠦᠮᠡᠨᠤ ᠤᠯᠤᠰ ᠭᠡᠷ ᠵᠢᠡᠨ ᠬᠠᠮᠠᠭᠠᠯᠠᠬᠤ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡᠶᠢ ᠤᠷᠢᠶᠠᠯᠠᠨ ᠳᠠᠢᠴᠢᠯᠠᠵᠤ᠂ ᠶᠠᠭ ᠡᠳᠡᠭᠡᠷ ᠲᠡᠦᠬᠡ ᠵᠢᠨ ᠤᠷᠲᠤᠳᠤ ᠦᠷᠡᠯᠡᠨ ᠵᠢᠮᠢᠰᠯᠡᠭᠰᠡᠨ ᠵᠣᠷᠢᠭ᠋ ᠰᠠᠨᠠᠭᠠᠨᠤ ᠬᠤᠷᠠᠮᠳᠤᠯ ᠨᠢ ᠴᠣᠩᠵᠢᠶᠢ ᠮᠢᠩᠭᠠᠨ ᠵᠢᠯᠤᠨ ᠴᠡᠷᠢᠭ ᠳᠠᠢᠨᠤ ᠪᠣᠭᠣᠮᠲᠠ ᠴᠠᠢᠵᠠ ᠪᠠᠢᠭᠰᠠᠨ ᠡᠴᠡ ᠤᠯᠤᠰᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠤᠨ ᠰᠠᠭᠤᠷᠢᠨ ᠪᠣᠯᠭᠠᠪᠠ᠃
ᠣᠳᠣᠬᠠᠨᠳᠤ ᠰᠠᠭᠤᠷᠢᠨ ᠨᠢ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠥᠷᠲᠡᠭᠡᠨᠤ ᠴᠠᠭ ᠦᠶᠡᠴᠢ ᠵᠣᠷᠢᠭ᠋ ᠰᠠᠨᠠᠭᠠᠶᠢ ᠦᠷᠭᠦᠯᠵᠢᠯᠡᠨ ᠤᠯᠠᠮᠵᠢᠯᠠᠵᠤ᠂ ᠤᠯᠤᠰᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠬᠥᠮᠦᠵᠢᠯᠢᠶᠠᠷ ᠬᠢᠯᠢ ᠬᠢᠵᠠᠭᠠᠷᠤᠨ ᠠᠮᠤᠷ ᠲᠣᠭᠲᠠᠭᠤᠨᠢ ᠬᠠᠮᠠᠭᠠᠯᠠᠨ᠂ ᠨᠡᠩ ᠴᠤ᠌ ᠢᠲᠡᠭᠡᠯ ᠵᠣᠷᠢᠭ᠋ ᠵᠢᠡᠨ ᠬᠥᠪᠴᠢᠯᠡᠨ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠵᠦ᠂ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠡᠬᠢᠵᠢᠭᠦᠯᠬᠦᠳᠦ ᠬᠦᠴᠦᠷᠬᠡᠭ ᠶᠡᠬᠡ ᠬᠥᠳᠡᠯᠭᠡᠭᠴᠢ ᠬᠦᠴᠦᠨᠢ ᠨᠡᠮᠡᠷᠢᠯᠡᠭᠰᠡᠭᠡᠷ ᠁
ᠳᠤᠮᠳᠠᠳᠤ ᠮᠣᠩᠭᠣᠯᠤᠨ ᠨᠠᠢᠷᠠᠮᠳᠠᠯᠤᠨ ᠬᠥᠭᠥᠷᠭᠡ ︱《ᠬᠣᠶᠠᠷ ᠮᠣᠩᠭᠣᠯ ᠭᠡᠷ》
ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡ ᠵᠢᠨ ᠤᠷᠢᠬᠠᠨ ᠰᠠᠯᠬᠢ ᠡᠬᠡ ᠭᠠᠵᠠᠷᠢ ᠢᠯᠪᠢᠨ᠂ ᠳᠤᠮᠳᠠᠳᠤ ᠤᠯᠤᠰ ᠰᠦᠷ ᠳᠠᠯᠠᠢᠴᠠ ᠲᠠᠢ ᠪᠡᠷ ᠬᠥᠭᠵᠢᠯᠲᠡ ᠵᠢᠨ ᠵᠠᠮ ᠵᠢᠡᠨ ᠡᠬᠢᠯᠡᠭᠦᠯᠵᠦ᠂ ᠬᠦᠴᠦᠨ ᠲᠡᠭᠦᠯᠳᠡᠷ ᠪᠥᠭᠡᠳ ᠪᠦᠲᠦᠮᠵᠢᠲᠡᠶ ᠠᠯᠢ ᠣᠯᠠᠨ ᠲᠥᠷᠥᠶᠢᠨ ᠪᠣᠳᠣᠯᠭᠠ ᠠᠵᠤ ᠠᠬᠤᠢᠶᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠤ ᠥᠷᠨᠢᠯᠲᠡᠶᠢ ᠪᠤᠢ ᠪᠣᠯᠭᠠᠯᠠ᠃
ᠭᠠᠭᠴᠠᠮᠣᠳᠤ 1989 ᠣᠨᠤ 12 ᠰᠠᠷᠠᠳᠦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠵᠥᠪᠰᠢᠶᠡᠷᠡᠯ ᠵᠢᠡᠷ ᠳᠤᠮᠳᠠᠳᠤ ᠮᠣᠩᠭᠣᠯᠤᠨ ᠬᠢᠯᠢᠶᠢᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠲᠦᠷ ᠴᠠᠭᠤᠨ ᠪᠠᠷᠠᠭᠠ ᠳᠠᠮᠵᠢᠭᠤᠯᠬᠤ ᠴᠡᠭ ᠪᠣᠯᠵᠠᠢ᠃ ᠰᠠᠯᠬᠢ ᠰᠢᠭᠤᠷᠭᠠᠶᠢ ᠬᠠᠯᠬᠠᠯᠠᠨ᠂ ᠠᠷᠠᠯᠵᠢᠶᠠᠴᠢᠳᠢ ᠬᠥᠯ ᠠᠮᠠᠷᠠᠭᠠᠬᠤ ᠵᠢᠨ ᠲᠤᠯᠠᠳᠠ᠂ ᠡᠭᠡᠷᠡᠮᠡ ᠲᠠᠯᠠ ᠳᠡᠭᠡᠷᠡ ᠬᠣᠶᠠᠷ ᠮᠣᠩᠭᠣᠯ ᠭᠡᠷ ᠪᠣᠰᠬᠠᠵᠤ᠂ ᠬᠢᠯᠢ ᠵᠢᠨ ᠬᠠᠮᠠᠭᠠᠯᠠᠯᠲᠠ ᠵᠢᠨ ᠪᠠᠢᠴᠠᠭᠠᠬᠤ ᠦᠷᠲᠡᠭᠡ ᠪᠠᠢᠭᠤᠯᠤᠨ᠂ ᠲᠤᠮᠳᠠᠳᠤ ᠮᠣᠩᠭᠣᠯᠤᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠬᠥᠭᠥᠷᠭᠡᠶᠢ ᠬᠣᠯᠪᠣᠵᠤ ᠡᠬᠢᠯᠡᠪᠡ᠃《ᠬᠢᠯᠢᠶᠢᠨ ᠪᠣᠭᠣᠮᠲᠠᠶᠢ ᠠᠩᠬᠠ ᠪᠠᠢᠭᠤᠯᠬᠤ ᠦᠶᠡᠰ ᠨᠥᠬᠥᠴᠡᠯ ᠨᠢ ᠲᠤᠢᠯᠤᠨ ᠪᠠᠷᠤᠭᠲᠠᠢ᠂ ᠠᠷᠠᠯᠵᠢᠶᠠᠨᠤ ᠴᠡᠭ ᠨᠢ ᠵᠦᠪᠭᠡᠨ ᠬᠣᠶᠠᠷᠬᠠᠨ ᠮᠣᠩᠭᠣᠯ ᠭᠡᠷ ᠯᠡ ᠪᠠᠢᠵᠤ᠂ ᠠᠷᠠᠰᠤ ᠰᠢᠷᠢ᠂ ᠨᠣᠣᠰᠣ᠌ ᠨᠣᠣᠯᠣᠭᠤᠷ ᠵᠡᠷᠭᠡ ᠮᠠᠯᠤᠨ ᠠᠰᠢᠭ᠋ ᠰᠢᠮᠡᠶᠢ ᠭᠠᠳᠠᠭᠠᠳᠤ ᠡᠴᠡ ᠣᠷᠣᠭᠤᠯᠵᠤ᠂ ᠡᠳᠦᠷ ᠲᠤᠳᠤᠮᠤᠨ ᠬᠡᠷᠡᠭᠯᠡᠭᠡᠨᠦ ᠵᠦᠢᠯᠡᠰᠢ ᠭᠠᠳᠠᠭ᠍ᠰᠢ ᠭᠠᠷᠭᠠᠳᠠᠭ᠃ ᠮᠠᠨᠤ ᠬᠡᠳᠦᠨ ᠺᠠᠳ᠋ᠷ ᠴᠠᠭᠳᠠᠭᠠ ᠥᠷᠯᠥᠭᠡ ᠪᠦᠷᠢ ᠬᠠᠯᠢᠭᠤᠲᠤ ᠪᠠᠯᠭᠠᠰᠤ ᠡᠴᠡ ᠵᠢᠫ ᠲᠡᠷᠭᠡᠨ ᠳ᠋ᠡᠭᠡᠨ ᠰᠢᠬᠠᠯᠴᠠᠵᠤ ᠭᠠᠷᠤᠭᠠᠳ᠂ ᠡᠳᠦᠷ ᠪᠦᠷᠢ ᠢᠷᠡᠵᠦ ᠶᠠᠪᠤᠬᠤ ᠵᠢᠨ 270 ᠭᠠᠷᠤᠢ ᠺᠢᠯᠣᠮᠧᠲᠷ ᠠᠶᠠᠯᠠᠵᠤ ᠮᠠᠰᠢ ᠬᠠᠲᠠᠭᠤᠵᠢᠯᠲᠠᠢ ᠪᠠᠢᠭᠰᠠᠨ》ᠭᠡᠵᠦ ᠭᠠᠭᠴᠠᠮᠣᠳᠤ ᠬᠢᠯᠢᠶᠢᠨ ᠪᠠᠢᠴᠠᠭᠠᠯᠲᠠ ᠵᠢᠨ ᠥᠷᠲᠡᠭᠡᠨᠤ ᠠᠩᠬᠠᠨᠤ ᠥᠷᠲᠡᠭᠡᠨ ᠳᠠᠷᠤᠭᠠ ᠪᠠᠢᠭᠰᠠᠨ ᠳᠠᠮᠷᠢᠨ ᠶᠠᠷᠢᠨᠠ᠃
ᠲᠤᠬᠠᠢ ᠵᠢᠨ ᠦᠶᠡᠳᠤ ᠭᠠᠭᠴᠠᠮᠣᠳᠤ ᠬᠢᠯᠢ ᠵᠢᠨ ᠪᠣᠭᠣᠮᠲᠠᠳᠤ ᠵᠢᠯᠦᠨ ᠲᠦᠷᠪᠡᠨ ᠤᠯᠠᠷᠢᠯ ᠵᠢᠡᠷ ᠰᠠᠯᠬᠢ ᠰᠠᠯᠬᠢᠯᠠᠵᠤ᠂ ᠠᠭᠠᠭᠢᠮᠠ ᠵᠣᠨ ᠬᠠᠬᠢᠷ ᠡᠪᠦᠯ᠂ ᠤᠰᠤ ᠴᠠᠭᠢᠯᠭᠠᠨ ᠵᠤᠬ᠍ᠰᠤᠬᠤ ᠦᠵᠡᠭᠳᠡᠯ ᠪᠠᠢᠩᠭᠤ ᠡᠭᠦᠰᠴᠦ᠂ ᠪᠠᠢᠭᠠᠯᠢ ᠣᠷᠴᠢᠨᠤ ᠨᠥᠬᠥᠴᠡᠯ ᠮᠠᠰᠢ ᠬᠠᠲᠠᠭᠤ ᠪᠡᠷᠬᠡᠰᠢᠶᠡᠯ ᠲᠠᠢ ᠴᠤ᠌᠂ ᠠᠷᠠᠰᠤᠨ ᠭᠤᠲᠤᠯ᠂ ᠳᠡᠪᠡᠯ ᠲᠡᠷᠯᠢᠭ ᠵᠢᠡᠷ ᠵᠢᠡᠨ ᠭᠣᠶᠣᠭᠰᠠᠨ ᠮᠣᠩᠭᠣᠯ ᠤᠯᠤᠰᠤᠨ ᠢᠷᠭᠡᠳ ᠪᠥᠭᠡᠮ ᠵᠢᠡᠷ ᠵᠢᠡᠨ ᠬᠢᠯᠢ ᠳᠡᠭᠡᠷᠡ ᠢᠷᠡᠵᠦ ᠠᠷᠠᠯᠵᠢᠶᠠᠯᠠᠬᠤ ᠨᠢ ᠬᠢᠯᠢ ᠵᠢᠨ ᠪᠣᠭᠣᠮᠲᠠ ᠵᠢᠨ ᠥᠪᠡᠷᠮᠢᠴᠡ ᠨᠢᠭᠡᠨ ᠦᠵᠡᠭᠳᠡᠯ ᠪᠣᠯᠵᠤ ᠬᠥᠮᠥᠰᠦᠨ ᠴᠡᠭᠡᠵᠢᠨᠳᠦ ᠬᠠᠳᠠᠩᠰᠢᠭ᠍ᠰᠠᠨ ᠪᠠᠢᠪᠠ᠃
1992 ᠣᠨᠳᠤ ᠭᠠᠭᠴᠠᠮᠣᠳᠤ ᠨᠢ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠲᠦᠷᠦᠯᠤᠨ ᠤᠯᠠᠷᠢᠯᠤᠨ ᠴᠢᠨᠠᠷᠲᠠᠢ ᠨᠡᠭᠡᠭᠡᠯᠲᠡ ᠬᠢᠬᠦ ᠪᠣᠭᠣᠮᠲᠠ ᠪᠣᠯᠵᠤ᠂ ᠪᠣᠯᠣᠳ᠂ ᠱᠦᠢᠨᠢ ᠵᠡᠷᠭᠡ ᠲᠦᠭᠦᠬᠡᠢ ᠮᠠᠲᠧᠷᠢᠶᠠᠯᠤᠨ ᠠᠷᠠᠯᠵᠢᠶᠠᠶᠢ ᠥᠷᠨᠢᠭᠦᠯᠵᠦ ᠡᠬᠢᠯᠡᠭᠰᠡᠨ ᠪᠠ ᠥᠭᠡᠷᠡᠴᠢᠯᠡᠯᠲᠡ ᠨᠡᠭᠡᠭᠡᠯᠲᠡᠶᠢᠨ ᠡᠷᠴᠢᠮ ᠲᠠᠢ ᠶᠠᠪᠤᠭᠳᠠᠬᠤᠶᠢ ᠳᠠᠭᠠᠯᠳᠤᠨ ᠪᠣᠭᠣᠮᠲᠠᠶᠢᠨ ᠠᠷᠠᠯᠵᠢᠶᠠᠨᠤ ᠬᠡᠮᠵᠢᠶᠡ ᠨᠢ ᠦᠷᠭᠦᠯᠵᠢᠯᠡᠨ ᠨᠡᠮᠡᠭᠳᠡᠵᠦ᠂ 2009 ᠣᠨ ᠪᠤᠯᠬᠤᠳᠤ ᠲᠡᠰ ᠳᠡᠪᠰᠢᠭᠡᠳ ᠪᠠᠢᠩᠭᠤ ᠵᠢᠨ ᠴᠢᠨᠠᠷᠲᠠᠢ ᠨᠡᠭᠡᠭᠡᠯᠲᠡ ᠬᠢᠬᠦ ᠵᠠᠰᠠᠮᠠᠯ ᠵᠠᠮᠤᠨ ᠪᠣᠭᠣᠮᠲᠠ ᠪᠣᠯᠵᠤ᠂ 2025 ᠣᠨᠳᠤ᠂ ᠤᠯᠤᠰᠤᠨ ᠬᠥᠭᠵᠢᠭᠦᠯᠦᠯᠲᠡ ᠪᠠ ᠥᠭᠡᠷᠡᠴᠢᠯᠡᠯᠲᠡ ᠵᠢᠨ ᠵᠥᠪᠯᠡᠯᠦᠨ ᠵᠥᠪᠰᠢᠶᠡᠷᠡᠯ ᠵᠢᠡᠷ ᠡᠬᠡ ᠬᠠᠭᠤᠷᠠᠢ ᠵᠢᠨ ᠬᠢᠯᠢ ᠵᠢᠨ ᠪᠣᠭᠣᠮᠲᠠ ᠵᠢᠨ ᠭᠡᠯᠪᠡᠷᠢ ᠵᠢᠨ ᠤᠯᠤᠰᠤᠨ ᠪᠠᠷᠠᠭᠠᠨᠤ ᠭᠦᠢᠯᠭᠡᠭᠡᠨᠤ ᠬᠦᠢᠰᠦ ᠪᠣᠯᠪᠠ᠃
ᠬᠡᠳᠦᠨ ᠠᠷᠪᠠᠨ ᠵᠢᠯᠦᠨ ᠲᠤᠷᠰᠢ ᠭᠠᠭᠴᠠᠮᠣᠳᠤ ᠬᠢᠯᠢ ᠵᠢᠨ ᠪᠣᠭᠣᠮᠲᠠ ᠨᠢ ᠣᠷᠣᠨ ᠪᠠᠢᠷᠢ ᠵᠢᠨ ᠳᠠᠪᠠᠭᠤᠯᠢᠭ᠋ ᠵᠢᠡᠨ ᠨᠡᠭᠡᠭᠡᠯᠲᠡ ᠬᠢᠬᠦ ᠳᠠᠪᠠᠭᠤᠯᠢᠭ᠋᠂ ᠬᠥᠭᠵᠢᠯᠲᠡ ᠵᠢᠨ ᠳᠠᠪᠠᠭᠤᠯᠢᠭ᠋ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》ᠢ ᠬᠠᠮᠲᠤ ᠪᠡᠷ ᠪᠦᠲᠦᠭᠡᠨ ᠪᠠᠢᠭᠤᠯᠬᠤᠳᠦ ᠢᠳᠡᠪᠬᠢᠲᠡᠢ ᠠᠭᠤᠰᠤᠯᠴᠠᠨ᠂《ᠬᠣᠶᠠᠷᠬᠠᠨ ᠮᠣᠩᠭᠣᠯ ᠭᠡᠷ》ᠡᠴᠡ ᠤᠮᠠᠷᠠᠰᠢ ᠨᠡᠭᠡᠭᠡᠯᠲᠡ ᠬᠢᠬᠦ ᠴᠢᠬᠤᠯᠠ ᠪᠡᠬᠢᠯᠡᠯᠲᠡ ᠵᠢᠨ ᠭᠠᠵᠠᠷ ᠪᠤᠯᠬᠤ ᠯᠤᠲᠤ ᠶᠡᠬᠡ ᠬᠤᠪᠢᠷᠠᠯᠲᠠᠶᠢ ᠪᠡᠶᠡᠯᠡᠭᠦᠯᠵᠦ᠂ ᠲᠡᠦᠬᠡᠲᠦ ᠴᠢᠨᠠᠷᠲᠠᠢ ᠬᠥᠭᠵᠢᠯᠤᠨ ᠬᠠᠭᠤᠳᠠᠰᠤᠢ ᠪᠢᠴᠢᠭᠯᠡᠭᠰᠡᠨ ᠶᠤᠮ᠃
ᠬᠤᠪᠢᠰᠬᠠᠯᠤᠨ ᠵᠣᠷᠢᠭ᠋ ᠰᠠᠨᠠᠭᠠ᠂ ᠨᠠᠮᠤᠨ ᠬᠠᠢᠷᠠ ᠬᠠᠯᠠᠮᠵᠢ᠂ ᠬᠥᠭᠵᠢᠯᠤᠨ ᠪᠡᠯᠭᠡᠳᠡᠯ ᠪᠣᠯᠤᠭᠰᠠᠨ 《ᠬᠣᠶᠠᠷ ᠮᠣᠩᠭᠣᠯ》 ᠭᠡᠷ ᠮᠠᠨᠢ ᠰᠢᠨᠡ ᠡᠷᠡᠨᠤ ᠭᠦᠭ ᠠᠶᠠᠰ ᠲᠤ᠌ ᠴᠣᠬᠢᠯᠭᠠ ᠨᠡᠢᠯᠡᠨ ᠤᠷᠠᠳ ᠨᠤᠲᠤᠭᠤᠨ ᠵᠢᠡᠨ ᠬᠠᠯᠠᠭᠤᠨ ᠡᠯᠢᠭᠡᠨᠳᠤ ᠲᠠᠢᠪᠤᠩ ᠪᠠᠭᠤᠳᠠᠯᠯᠠᠭᠰᠠᠭᠠᠷ᠁