ᠬᠣᠲᠠᠶ᠋ᠢᠨ ᠠᠷᠠᠳᠪᠠ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠪᠠᠶᠠᠷᠤᠨ ᠡᠳᠦᠷᠦᠨ ᠰᠣᠶᠣᠯᠤᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤᠶ᠋ᠢᠨ ᠲᠥᠯᠥᠭᠡ᠂ ᠤᠯᠤᠰᠤᠨ ᠪᠠᠶᠠᠷ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠬᠤᠭᠤᠴᠠᠭᠠᠨᠳᠤ ᠤᠯᠠᠭᠠᠨᠴᠠᠪ ᠬᠣᠲᠠ 33 ᠵᠦᠶ᠋ᠯᠦᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠵᠢᠯᠯᠠᠭᠠ ᠶ᠋ᠢ ᠨᠠᠷᠢᠨ ᠨᠢᠮᠪᠠᠢ ᠲᠦᠰᠦᠪᠯᠡᠨ ᠦᠷᠨᠢᠭᠦᠯᠵᠦ᠂ ᠤᠳᠭᠠ ᠤᠷᠠᠯᠢᠭᠤᠨ ᠦᠵᠡᠭᠦᠯᠭᠡ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ᠂ ᠭᠤᠤᠯ ᠰᠡᠳᠦᠪᠲᠦ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ᠂ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠲᠣᠭ᠍ᠯᠠᠯᠲᠠ ᠵᠡᠷᠭᠡ ᠣᠯᠠᠨ ᠲᠥᠷᠥᠯ ᠵᠦᠶ᠋ᠯᠢ ᠬᠠᠮᠤᠷᠴᠤ᠌᠂ ᠣᠯᠠᠨ ᠡᠱᠢᠲᠦ ᠬᠡᠯᠪᠡᠷᠢᠪᠡᠷ ᠪᠠᠶᠠᠷ ᠪᠠᠶᠠᠰᠭᠤᠯᠠᠩᠲᠤ ᠥᠯᠵᠡᠶ ᠪᠡᠯᠭᠡᠲᠦ ᠪᠠᠶᠠᠷᠤᠨ ᠡᠳᠦᠷᠦᠨ ᠠᠭᠤᠷ ᠠᠮᠢᠰᠭᠤᠯᠢ ᠪᠣᠶ ᠪᠣᠯᠭᠠᠵᠤ᠂ ᠬᠣᠲᠠᠶ᠋ᠢᠨ ᠠᠷᠠᠳᠪᠠ ᠵᠢᠭᠤᠯᠴᠢᠯᠠᠭ᠍ᠰᠠᠳᠲᠤ ᠰᠣᠶᠣᠯᠤᠨ ᠦᠨᠦᠷ ᠠᠮᠲᠠ ᠲᠠᠢ᠂ ᠪᠡᠶᠡᠴᠢᠯᠡᠭᠰᠠᠨ ᠣᠢᠯᠠᠭᠠᠯᠲᠠ ᠪᠠ ᠰᠣᠨᠢᠷᠬᠠᠯᠳᠠᠢ 《ᠬᠤᠤᠰ ᠪᠠᠶᠠᠷ》 ᠤ᠋ᠨ ᠦᠪᠡᠳᠡᠭ᠌ᠰᠢ ᠨᠠᠢᠷᠢ ᠬᠠᠨᠭᠭᠠᠭᠰᠠᠨ ᠪᠠᠢᠨᠠ᠃
ᠬᠣᠲᠠᠶ᠋ᠢᠨ ᠱᠠᠲᠤᠨᠤ ᠲᠠᠯᠠᠪᠤᠷ ᠤᠷᠳᠤᠨ ᠵᠢᠴᠢ ᠭᠤᠤᠯᠳᠠᠯᠭᠠᠲᠠᠶ ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠲᠦᠷᠦᠭᠦᠯᠡᠨ ᠬᠦᠴᠦᠯᠡᠵᠦ᠍᠂ 16 ᠵᠦᠶ᠋ᠯᠦᠨ ᠣᠨᠴᠠᠯᠢᠭ᠍ᠲᠤ ᠠᠵᠢᠯᠯᠠᠭᠠᠨᠢ ᠪᠠᠶᠠᠷᠤᠨ ᠡᠳᠦᠷᠦᠨ ᠠᠮᠢᠳᠤᠷᠠᠯᠢ ᠪᠠᠶᠠᠯᠢᠬᠵᠢᠭᠤᠯᠪᠠ᠃ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠤᠷᠠᠨ ᠵᠢᠷᠤᠭᠤᠨ ᠣᠷᠳᠣᠨ 9 ᠰᠠᠷᠠᠶ᠋ᠢᠨ 23 ᠤ᠋ ᠡᠳᠦᠷᠡᠴᠡ 10 ᠰᠠᠷᠠᠶ᠋ᠢᠨ 9 ᠤ᠋ ᠡᠳᠦᠷ ᠪᠣᠯᠲᠠᠯᠠ 《ᠤᠮᠠᠷᠠᠲᠤ ᠬᠢᠯᠢᠵᠢᠨ ᠤᠴᠠᠷᠠᠯ·ᠤᠯᠠᠭᠠᠨᠴᠠᠪᠲᠤ ᠪᠣᠯᠵᠣᠶᠠ》 ᠭᠡᠬᠦ ᠬᠡᠷᠡᠯ ᠵᠢᠷᠤᠭᠤᠨ ᠦᠵᠡᠰᠭᠦᠯᠡᠩ ᠡᠷᠭᠢᠯᠡᠵᠦ᠍᠂ ᠬᠡᠷᠡᠯ ᠵᠢᠷᠤᠭᠤᠨ ᠮᠠᠰᠢᠨᠢᠶᠡᠷ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠥᠩᠭᠡ ᠦᠵᠡᠮᠵᠢ ᠪᠠ ᠬᠣᠲᠠᠶ᠋ᠢᠨ ᠭᠠᠢᠬᠠᠮᠰᠢᠭᠢ ᠢᠯᠡᠷᠡᠭᠦᠯᠪᠡ； ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠰᠣᠶᠣᠯᠤᠨ ᠣᠷᠳᠣᠨ ᠤᠯᠤᠰᠤᠨ ᠪᠠᠶᠠᠷ᠂ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠭᠤᠤᠯ ᠰᠡᠳᠦᠪᠦᠨ ᠲᠣᠭᠣᠷᠢᠨᠳᠤ ᠤᠷᠢᠳ ᠬᠣᠵᠢᠳ 《ᠨᠠᠢ᠍ᠮᠠᠨ ᠰᠠᠷᠠ ᠵᠢᠨ ᠲᠡᠷᠭᠡᠯ ᠪᠠᠶᠠᠷ·ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪ》 ᠤ᠋ᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠦᠶ᠋ᠯᠡᠳᠦᠯᠭᠡᠶ᠋ᠢᠨ ᠠᠵᠢᠯᠯᠠᠭᠠ ᠪᠣᠯᠤᠨ 《ᠦᠨᠭᠭᠡᠲᠦ ᠪᠢᠷ ᠵᠢᠡᠷ ᠪᠠᠳᠠᠷᠠᠯᠳᠤ ᠲᠦᠷᠦ ᠵᠢ ᠵᠢᠷᠤᠭ᠍ᠯᠠᠵᠤ᠂ ᠪᠢᠷ ᠪᠡᠬᠡᠰ ᠵᠢᠡᠷ ᠡᠬᠡ ᠤᠯᠤᠰᠢᠶᠠᠨ ᠮᠠᠭ᠍ᠲᠠᠨ ᠳᠠᠭᠤᠯᠠᠶᠠ》 ᠭᠡᠬᠦ᠌ ᠤᠷᠠᠨ ᠪᠢᠴᠢᠯᠭᠡ ᠤᠷᠠᠨ ᠵᠢᠷᠤᠭᠤᠨ ᠦᠵᠡᠰᠭᠦᠯᠡᠩᠢ ᠥᠷᠨᠢᠭᠦᠯᠵᠦ᠍᠂ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠲᠤ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠢ ᠭᠦᠨᠵᠡᠭᠡᠢ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠭᠤᠯᠵᠤ᠂ ᠤᠷᠠᠨ ᠪᠢᠴᠢᠯᠭᠡ ᠤᠷᠠᠨ ᠵᠢᠷᠤᠭᠤᠨ ᠪᠠᠬᠠᠳᠠᠳᠪᠢᠷ ᠪᠡᠬᠡᠰ ᠵᠢᠡᠷ ᠡᠬᠡ ᠤᠯᠤᠰᠢᠶᠠᠨ ᠮᠥᠷᠥᠭᠡᠳᠦᠨ ᠰᠠᠨᠠᠭᠠᠯᠵᠠᠪᠠ᠃ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠨᠣᠮᠤᠨ ᠰᠠᠩ 《ᠤᠯᠤᠰᠤᠨ ᠪᠠᠶᠠᠷᠤᠨ ᠬᠤᠪᠢᠰᠬᠠᠯᠳᠤ ᠺᠢᠨᠣ᠋ᠶ᠋ᠢᠨ ᠦᠵᠡᠭᠦᠯᠭᠡ᠂ ᠤᠯᠤᠰ ᠵᠢᠡᠨ ᠬᠠᠢᠷᠠᠯᠠᠬᠤ ᠰᠡᠳᠭᠢᠯᠭᠡ ᠵᠢ ᠵᠤᠵᠠᠭᠠᠳᠬᠠᠨᠠᠮ》 ᠭᠡᠬᠦ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠺᠢᠨᠣ᠋ᠶ᠋ᠢᠨ ᠦᠵᠡᠭᠦᠯᠭᠡ᠂ 《ᠤᠯᠤᠰ ᠤ᠋ᠨ ᠬᠦᠰᠡᠯ ᠵᠡᠭᠦᠳᠦ᠂ ᠨᠣᠮ ᠪᠢᠴᠢᠭᠤᠨ ᠠᠶᠠᠯᠠᠯ》 ᠭᠡᠬᠦ ᠤᠯᠤᠰᠤᠨ ᠪᠠᠶᠠᠷᠤᠨ ᠭᠤᠤᠯ ᠰᠡᠳᠦᠪᠲᠦ ᠨᠣᠮᠤᠨ ᠦᠵᠡᠰᠭᠦᠯᠡᠩ᠂ 《ᠠᠯᠳᠠᠨ ᠨᠠᠮᠤᠷᠤᠨ ᠨᠣᠮᠤᠨ ᠵᠤᠭᠤᠭ》 ᠭᠡᠬᠦ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠭᠤᠤᠯ ᠰᠡᠳᠦᠪᠲᠦ ᠨᠣᠮᠤᠨ ᠦᠵᠡᠰᠭᠦᠯᠡᠩ ᠵᠡᠷᠭᠡ ᠱᠢᠷᠢᠰ ᠠᠵᠢᠯᠯᠠᠭᠠᠶ᠋ᠢ ᠦᠷᠨᠢᠭᠦᠯᠵᠦ᠂ ᠬᠤᠪᠢᠰᠭᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠡᠴᠡ ᠭᠤᠤᠯ ᠰᠡᠳᠦᠪᠲᠦ ᠨᠣᠮᠤᠨ ᠦᠵᠡᠰᠭᠦᠯᠡᠩ ᠬᠦᠷᠲᠡᠯᠡ᠂ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠵᠠᠩ ᠳᠠᠳᠭᠠᠯᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ᠡᠴᠡ ᠬᠦᠶ᠋ᠲᠡᠨ ᠱᠢᠭᠦᠳᠡᠷᠢᠶ᠋ᠢᠨ ᠴᠠᠭ ᠠᠭᠤᠷᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠬᠦᠷᠳᠡᠯᠡ ᠠᠳᠠᠯᠢ ᠪᠤᠰᠤ ᠨᠠᠰᠤᠨᠤ ᠤᠩᠱᠢᠭ᠍ᠴᠢᠳᠲᠤ ᠡᠯᠪᠡᠭ ᠪᠠᠶᠠᠯᠢᠭ ᠰᠣᠩᠭᠣᠯᠲᠠ ᠬᠠᠩᠭᠠᠪᠠ᠃ ᠤᠯᠠᠭᠠᠨᠴᠠᠪ ᠬᠣᠲᠠᠶ᠋ᠢᠨ ᠮᠦᠽᠧᠶ ᠤᠯᠤᠰᠤᠨ ᠪᠠᠶᠠᠷ᠂ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠬᠤᠤᠰ ᠰᠡᠳᠦᠪᠲᠦ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠣᠷᠣᠯᠴᠠᠭ᠍ᠴᠢᠪᠠᠨ ᠳᠠᠭᠠᠭᠤᠯᠤᠨ ᠤᠯᠤᠰᠤᠨ ᠪᠠᠶᠠᠷ᠂ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠲᠡᠦᠬᠡᠶ᠋ᠢᠨ ᠡᠬᠢ ᠰᠤᠷᠪᠤᠯᠵᠢᠶ᠋ᠢ ᠭᠦᠨᠵᠡᠭᠡᠢ ᠤᠢᠯᠠᠭᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠴᠠᠭᠠᠰᠤᠨ ᠡᠭᠡᠳᠡᠩᠦᠨ ᠵᠢᠷᠤᠭ᠂ ᠳᠠᠷᠤᠮᠠᠯᠯᠠᠬᠤ ᠮᠡᠷᠭᠡᠵᠢᠯ ᠵᠡᠷᠭᠡ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ ᠭᠣᠭ᠍ᠴᠣᠭᠠ ᠲᠣᠬᠢᠷᠠᠭᠤᠯᠵᠤ᠂ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯᠢ 《ᠠᠮᠢᠯᠠᠭᠤᠯᠪᠠ》᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠤᠯᠠᠭᠠᠨᠴᠠᠪᠤᠨ ᠰᠥᠨᠢᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠨᠢ ᠲᠣᠰ ᠲᠣᠰ 10 ᠰᠠᠷᠠᠶ᠋ᠢᠨ 1ᠡᠴᠡ 3 ᠤ᠋ ᠡᠳᠦᠷ ᠪᠣᠯᠲᠠᠯᠠ᠂ 10 ᠰᠠᠷᠠᠶ᠋ᠢᠨ 6 ᠤ᠋ ᠡᠳᠦᠷ ᠤᠯᠤᠰᠤᠨ ᠪᠠᠶᠠᠷ᠂ ᠨᠠᠶ᠋ᠮᠠᠨ ᠰᠠᠷᠠᠶ᠋ᠢᠨ ᠲᠡᠷᠭᠡᠯ ᠪᠠᠶᠠᠷᠤᠨ ᠭᠤᠤᠯ ᠰᠡᠳᠦᠪᠲᠦ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠬᠤᠪᠢᠰᠬᠠᠯᠤᠨ ᠳᠠᠭᠤᠤᠶ᠋ᠢᠨ ᠨᠠᠢᠷᠠᠯ ᠳᠠᠭᠤᠤ᠂ ᠬᠡᠢᠲᠦ ᠪᠥᠮᠪᠥᠭᠡ ᠨᠢᠰᠭᠡᠬᠦ᠌᠂ ᠰᠠᠷᠠᠨᠳᠤ ᠮᠥᠷᠭᠥᠬᠦ᠌ ᠶᠣᠰᠣᠯᠠᠯ᠂ ᠵᠢᠵᠢᠭ ᠤᠯᠠᠭᠠᠨ ᠲᠣᠭ ᠪᠣᠯᠤᠨ ᠴᠡᠴᠡᠭ᠌ᠲᠦ ᠳ᠋ᠧᠩᠯᠦ᠍ᠶ᠋ᠢ ᠦᠨᠡ ᠲᠥᠯᠥᠪᠦᠷᠢ ᠥᠬᠡᠶᠪᠡᠷ ᠲᠠᠷᠬᠠᠭᠠᠬᠤ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠬᠣᠲᠠᠶ᠋ᠢᠨ ᠠᠷᠠᠳᠢ ᠳᠠᠢᠴᠢᠯᠠᠨ ᠢᠳᠡᠪᠬᠢᠳᠡᠢ ᠣᠷᠣᠯᠴᠠᠭᠤᠯᠵᠠᠶ； ᠤᠯᠠᠭᠠᠨᠬᠠᠳᠠᠶ᠋ᠢᠨ ᠭᠠᠯᠲᠤ ᠠᠭᠤᠯᠠᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠳᠤ 《ᠤᠯᠤᠰᠤᠨ ᠲᠤᠭ ᠨᠠᠮᠢᠷᠠᠨ·ᠤᠯᠤᠰᠤᠨ ᠪᠠᠶᠠᠷᠢ ᠪᠡᠯᠭᠡᠯᠡᠬᠦ᠌》 ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ 1314 ᠷᠣᠮᠠᠨᠲ᠋ᠢᠭ ᠵᠢᠭᠤᠯᠴᠢᠯᠠᠯᠤᠨ ᠵᠠᠮ ᠱᠤᠭᠤᠮ᠂ ᠮᠠᠱᠢᠨ ᠨᠣᠬᠠᠶᠶ᠋ᠢᠨ ᠲᠣᠭ᠍ᠯᠠᠯᠲᠠ ᠵᠢᠴᠢ ᠦᠨᠳᠦᠰᠦᠲᠡᠨᠦ ᠵᠠᠩ ᠦᠢᠯᠡᠶ᠋ᠢᠨ ᠲᠣᠭᠣᠷᠢᠨ ᠲᠣᠭ᠍ᠯᠠᠯᠲᠠ ᠲᠤᠬᠢᠷᠠᠭᠤᠯᠵᠤ᠂ 《ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯ + ᠰᠣᠶᠣᠯ ᠵᠢᠭᠤᠯᠴᠢᠯᠠᠯ》 ᠢ᠋ ᠠᠭᠤᠰᠤᠯᠴᠠᠭᠤᠯᠬᠤ ᠵᠠᠭ᠍ᠪᠤᠷᠢᠶᠠᠷ ᠰᠦᠯᠵᠢᠶᠡᠨᠦ ᠨᠡᠷᠡᠲᠦ ᠬᠥᠮᠦᠰᠦᠨ ᠬᠠᠯᠠᠮᠰᠢᠯ ᠭᠠᠵᠠᠷᠢ ᠪᠠᠢᠭᠤᠯᠪᠠ᠃
ᠬᠣᠱᠢᠭᠤ ᠱᠢᠶᠠᠨ ᠬᠣᠲᠠ ᠲᠣᠭᠣᠷᠢᠭ ᠴᠤ᠌ ᠵᠡᠷᠭᠡᠪᠡᠷ ᠬᠥᠳᠡᠯᠦᠯᠴᠡᠵᠦ᠍ ᠦᠷᠨᠢᠭᠦᠯᠦᠭᠰᠡᠨ 17 ᠵᠦᠶ᠋ᠯᠦᠨ ᠠᠵᠢᠯᠯᠠᠭᠠᠨᠢ ᠣᠷᠣᠨ ᠨᠤᠲᠤᠭᠤᠨ ᠣᠨᠴᠠᠯᠢᠭᠢ ᠢᠯᠡᠷᠡᠭᠦᠯᠪᠡ᠃ ᠵᠢᠨᠢᠩ ᠲᠣᠭᠣᠷᠢᠭ ᠶᠢᠦ ᠢ ᠬᠤ᠌ ᠠᠭᠤᠳᠠᠮ ᠲᠠᠯᠠᠪᠠᠶ᠂ ᠸᠠᠨ ᠳ᠋ᠠ ᠠᠭᠤᠳᠠᠮ ᠲᠠᠯᠠᠪᠠᠶ᠂ ᠡᠦ ᠶᠤᠸᠠᠢ ᠠᠭᠤᠳᠠᠮ ᠲᠠᠯᠠᠪᠠᠶ ᠵᠡᠷᠭᠡ ᠭᠠᠵᠠᠷᠲᠤ ᠶᠧᠪᠡᠩᠦᠨ ᠴᠡᠨᠭᠭᠡᠭᠦᠨ ᠨᠠᠢᠷ᠂ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠬᠤ ᠦᠵᠡᠯᠢ ᠤᠬᠠᠭᠤᠯᠤᠨ ᠲᠠᠢᠯᠪᠤᠷᠢᠯᠠᠬᠤ᠂ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠ ᠵᠡᠷᠭᠡ ᠠᠵᠢᠯᠯᠠᠭᠠᠶ᠋ᠢ ᠥᠷᠨᠢᠭᠦᠯᠵᠦ᠍᠂ ᠠᠮᠲᠠᠲᠤ ᠢᠳᠡᠭᠡᠨᠦ ᠰᠣᠶᠣᠯ ᠪᠣᠯᠤᠨ ᠣᠯᠠᠨ ᠲᠦᠮᠡᠨᠦ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠭᠤᠤᠯ ᠰᠡᠳᠦᠪᠢ ᠬᠠᠷᠢᠯᠴᠠᠨ ᠤᠶᠠᠯᠳᠤᠭᠤᠯᠵᠤ᠂ ᠬᠣᠲᠠᠶ᠋ᠢᠨ ᠠᠷᠠᠳᠤᠨ ᠵᠢᠭᠤᠯᠴᠢᠯᠠᠭ᠍ᠰᠠᠳᠲᠤ ᠠᠮᠲᠠᠶ᠋ᠢᠨ ᠰᠡᠷᠡᠯ ᠪᠣᠯᠤᠨ ᠬᠠᠷᠠᠭᠠᠨ ᠰᠡᠷᠡᠯᠦᠨ ᠬᠤᠤᠰ ᠬᠦᠷᠲᠡᠭᠡᠯᠢᠶᠡᠷ ᠪᠠᠶᠠᠷᠤᠨ ᠡᠳᠦᠷᠦᠨ ᠪᠠᠶᠠᠷ ᠪᠠᠶᠠᠰᠤᠯᠢ ᠡᠳ᠋ᠯᠡᠭᠦᠯᠪᠡ᠃ ᠹᠧᠩᠵᠧᠨ ᠬᠣᠲᠠ 《ᠶᠧᠪᠡᠩᠦᠨ ᠰᠣᠶᠣᠯ》 ᠵᠢᠡᠷ ᠭᠤᠤᠯ ᠪᠣᠯᠭᠠᠵᠤ᠂ ᠨᠠᠶ᠋ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠶᠧᠪᠡᠩ （ᠠᠮᠲᠠᠲᠤ ᠢᠳᠡᠭᠡᠨ） ᠤ᠋ᠨ ᠰᠣᠶᠣᠯᠤᠨ ᠭᠠᠷᠠᠭᠤᠨ ᠠᠵᠢᠯᠯᠠᠭᠠᠶ᠋ᠢ ᠡᠷᠭᠢᠯᠡᠵᠦ᠍᠂ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠ᠂ ᠬᠤᠸᠠᠷ ᠫᠤᠤᠵᠢᠩᠤᠨ ᠦᠵᠡᠭᠦᠯᠭᠡ᠂ ᠵᠢᠯᠣᠭᠣᠴᠢ ᠥᠬᠡᠶ ᠨᠢᠰᠭᠡᠯᠦᠨ ᠲᠣᠭ᠍ᠯᠠᠯᠲᠠ᠂ ᠪᠣᠳᠠᠰᠤᠨ ᠪᠤᠰᠤ ᠰᠣᠶᠣᠯᠤᠨ ᠥᠪᠦᠨ ᠤᠷᠠ ᠮᠡᠷᠭᠡᠵᠢᠯᠦᠨ ᠦᠵᠡᠭᠦᠯᠭᠡ᠂ ᠱᠢᠭᠤᠳ ᠨᠡᠪᠲᠡᠷᠡᠭᠦᠯᠭᠡᠪᠡᠷ ᠪᠠᠷᠠᠭᠠ ᠪᠤᠷᠤᠯᠠᠭᠤᠯᠬᠤ ᠤᠷᠤᠯᠳᠤᠭᠠᠨ ᠵᠡᠷᠭᠡ ᠠᠵᠢᠯᠯᠠᠭᠠᠶ᠋ᠢ ᠬᠠᠮᠤᠷᠤᠭ᠍ᠰᠠᠨᠤ ᠬᠠᠮᠲᠤ 《ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠬᠤ ᠢᠷᠠᠭᠤ ᠲᠤᠤᠯᠢᠰᠢ ᠪᠢᠴᠢᠭᠯᠡᠵᠦ᠂ 76 ᠵᠢᠯᠦᠨ ᠣᠶᠶ᠋ᠢ ᠮᠠᠭ᠍ᠲᠠᠨ ᠲᠠᠭᠤᠯᠠᠨᠠᠮ》 ᠭᠡᠬᠦ ᠵᠠᠭᠤᠨ ᠬᠥᠮᠦᠨᠦ ᠤᠷᠠᠨ ᠤᠨᠭᠰᠢᠯᠭᠠ ᠵᠢᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠬᠣᠲᠠᠶ᠋ᠢᠨ ᠠᠷᠠᠳᠤᠨ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠬᠤ ᠬᠠᠯᠠᠭᠤᠨ ᠰᠡᠳᠭᠢᠯᠭᠡᠶ᠋ᠢ ᠬᠥᠭ᠌ᠵᠢᠭᠡᠪᠡ᠃ ᠴᠠᠬᠠᠷ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠦᠨᠡᠲᠦ ᠬᠣᠱᠢᠭᠤ᠂ ᠵᠦᠸᠧᠽᠢ ᠱᠢᠶᠠᠨ᠂ ᠱᠢᠩ ᠾᠧ ᠱᠢᠶᠠᠨ᠂ ᠱᠠᠩᠳᠤ ᠱᠢᠶᠠᠨ ᠣᠷᠣᠨ ᠪᠦᠰᠡᠶ᠋ᠢᠨ ᠰᠣᠶᠣᠯ ᠪᠣᠯᠤᠨ ᠦᠨᠳᠦᠰᠦᠲᠡᠨᠦ ᠣᠨᠴᠠᠯᠢᠭᠲᠠᠶᠪᠠᠨ ᠤᠶᠠᠯᠳᠤᠭᠤᠯᠵᠤ᠂ ᠤᠯᠠᠭᠠᠨᠮᠥ᠋ᠴᠢᠷᠦᠨ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠲᠣᠭ᠍ᠯᠠᠯᠲᠠ᠂ ᠮᠤᠨᠭᠭᠤᠯ ᠮᠤᠷᠢᠨᠤ ᠬᠤᠯᠠ ᠵᠠᠢ ᠵᠢᠨ ᠤᠷᠤᠯᠳᠤᠭᠠᠨ᠂ ᠬᠥᠳᠡᠭᠡ ᠲᠣᠰᠭᠣᠨᠤ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠ ᠵᠡᠷᠭᠡ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠍᠂ ᠤᠮᠠᠷᠠᠲᠤ ᠬᠢᠯᠢᠶ᠋ᠢᠨ ᠰᠣᠶᠣᠯᠤᠨ ᠷᠢᠳᠢ ᠱᠢᠳᠢᠶ᠋ᠢ ᠭᠦᠢᠴᠡᠳ ᠢᠯᠡᠷᠡᠭᠦᠯᠵᠦ᠍᠂ ᠪᠡᠶᠡᠶ᠋ᠢᠨ ᠲᠠᠮᠢᠷᠲᠤ ᠪᠠᠬᠠᠲᠠᠢ ᠬᠥᠮᠦᠰᠲᠦ ᠤᠷᠤᠯᠳᠤᠭᠠᠨᠤ ᠲᠠᠪᠴᠠᠩ ᠬᠠᠩᠭᠠᠪᠠ； ᠱᠢᠩ ᠾᠧ ᠱᠢᠶᠠᠨ᠂ ᠱᠠᠩᠳᠤ ᠱᠢᠶᠠᠨ ᠡᠭᠡ ᠤᠯᠤᠰᠢᠶᠠᠨ ᠮᠠᠭ᠍ᠲᠠᠨ ᠳᠠᠭᠤᠯᠠᠬᠤ ᠭᠣᠣᠯ ᠰᠡᠳᠦᠪᠲᠦ ᠤᠯᠠᠨ ᠲᠠᠯᠠᠪᠠᠢ ᠤᠷᠠᠨ ᠰᠠᠢᠬᠠᠨᠤ ᠲᠣᠭ᠍ᠯᠠᠯᠲᠠᠪᠠᠷ ᠲᠠᠮᠵᠢᠨ᠂ ᠪᠠᠶᠠᠷᠤᠨ ᠡᠳᠦᠷᠦᠨ ᠵᠥᠩᠨᠡᠯ ᠵᠢᠡᠨ ᠬᠤᠳᠠ ᠬᠥᠳᠡᠭᠡᠶ᠋ᠢᠨ ᠡᠯᠡ ᠥᠨᠴᠥᠭ ᠪᠤᠯᠤᠩᠳᠤ ᠳᠠᠮᠵᠢᠭᠤᠯᠤᠭᠰᠠᠨ ᠪᠠᠢᠨᠠ᠃