ᠬᠦᠬᠡᠬᠤᠳᠠ ᠵᠢᠨ ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠭᠤᠳᠤᠮᠵᠢᠨ ᠳ᠋ᠸ᠋᠂ ᠨᠢᠬᠡᠨ ᠦᠪᠡᠷᠮᠢᠴᠡ ᠤᠨᠴᠠᠭᠠᠢ ᠦᠵᠡᠮᠵᠢ ᠵᠢᠨ ᠵᠢᠷᠤᠬ ᠬᠦᠮᠦᠰ ᠤ᠋ᠨ ᠠᠩᠬᠠᠷᠤᠯ ᠢ ᠲᠠᠳᠠᠨᠠ᠃ ᠲᠡᠳᠡᠨᠦᠰ ᠪᠤᠯ ᠤᠯᠠᠭᠠᠨ ᠤᠭᠤᠵᠢ ᠡᠮᠦᠰᠴᠦ᠂ ᠭᠠᠷ ᠲᠠᠭᠠᠨ ᠬᠠᠨᠴᠤᠢ ᠵᠢᠨ ᠲᠡᠮᠳᠡᠭ ᠵᠡᠬᠦᠭᠰᠡᠨ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠨᠠᠷ ᠪᠤᠯᠤᠨᠠ᠃ ᠲᠡᠳᠡ ᠪᠤᠯ ᠬᠦᠬᠡᠬᠤᠳᠠ ᠵᠢᠨ ᠲᠤᠳᠤᠭᠠᠳᠤ ᠵᠢ ᠬᠠᠮᠠᠭᠠᠯᠠᠬᠤ ᠲᠤᠪᠴᠢᠶᠠ ᠵᠢᠨ ᠰᠢᠨᠡ ᠬᠤᠳᠠ ᠲᠤᠭᠤᠷᠢᠬ ᠤ᠋ᠨ ᠬᠤᠪᠢᠶᠠᠷᠢ ᠲᠤᠪᠴᠢᠶᠠ ᠵᠢᠨ ᠰᠢᠯᠢ ᠵᠢᠨ ᠭᠤᠤᠯ ᠬᠤᠢᠳᠤ ᠵᠠᠮ ᠳ᠋ᠡᠬᠢ ᠲᠤᠮᠢᠯᠠᠬᠰᠠᠨ ᠰᠠᠯᠪᠤᠷᠢ ᠵᠢᠨ ᠬᠦᠬᠡᠬᠤᠳᠠ ᠵᠢᠨ ᠵᠢᠷᠤᠮ ᠤ᠋ᠨ ᠴᠠᠬᠳᠠᠭᠠ ᠪᠠᠢᠵᠤ᠂ ᠬᠠᠯᠠᠭᠤᠨ ᠰᠡᠳᠬᠢᠯᠬᠡ ᠪᠠ ᠡᠬᠦᠷᠬᠡ ᠬᠠᠷᠢᠭᠤᠴᠠᠯᠭᠠ ᠪᠡᠷ ᠵᠢᠡᠨ ᠨᠡᠢᠬᠡᠮ ᠲᠤᠭᠤᠷᠢᠬ ᠤ᠋ᠨ ᠠᠮᠤᠷ ᠠᠮᠤᠭᠤᠯᠠᠩᠢ ᠬᠠᠮᠠᠭᠠᠯᠠᠨ᠂ ᠤᠯᠠᠨ ᠲᠦᠮᠡᠨ ᠳ᠋ᠡᠬᠡᠨ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠬᠡᠮᠡᠨ ᠲᠠᠭᠤᠳᠠᠬᠳᠠᠵᠠᠢ᠃
《ᠮᠠᠨ ᠤ᠋ ᠭᠤᠤᠯ ᠡᠬᠦᠷᠬᠡ ᠪᠤᠯ ᠠᠮᠤᠭᠤᠯᠠᠩᠳᠤ ᠨᠡᠢᠬᠡᠮ ᠲᠤᠭᠤᠷᠢᠬᠢ ᠪᠠᠢᠭᠤᠯᠬᠤ 〈ᠰᠠᠢᠨ ᠬᠠᠪᠰᠤᠷᠤᠬᠴᠢ〉 ᠪᠤᠯᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ》 ᠬᠡᠵᠦ ᠱᠢ ᠹᠸᠩ ᠵᠢᠢ ᠠᠨᠢᠶᠠ ᠬᠡᠯᠡᠨᠡ᠃ ᠲᠡᠷᠡ ᠶᠡᠷᠦ ᠡᠴᠨ ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠨᠡᠢᠬᠡᠮ ᠲᠤᠭᠤᠷᠢᠬ ᠲᠦ᠍ ᠠᠮᠢᠳᠤᠷᠠᠵᠤ᠂ ᠨᠡᠢᠬᠡᠮ ᠲᠤᠭᠤᠷᠢᠬ ᠤ᠋ᠨ ᠠᠮᠤᠷ ᠲᠦᠪᠰᠢᠨ ᠳ᠋ᠸ᠋ ᠬᠦᠴᠦ ᠪᠡᠨ ᠡᠷᠬᠦᠬᠦ ᠬᠠᠯᠠᠭᠤᠨ ᠰᠡᠳᠬᠢᠯᠬᠡ ᠪᠡᠷ ᠵᠢᠷᠤᠮ ᠤ᠋ᠨ ᠴᠠᠬᠳᠠᠭᠠ ᠵᠢᠨ ᠡᠩᠨᠡᠬᠡᠨ ᠳ᠋ᠸ᠋ ᠤᠷᠤᠯᠴᠠᠭᠠᠳ ᠤᠯᠠᠨ ᠵᠢᠯ ᠪᠤᠯᠵᠠᠢ᠃ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠵᠢᠨ ᠡᠩᠨᠡᠬᠡ ᠨᠢ ᠠᠭᠠᠵᠢᠮ ᠵᠢᠡᠷ ᠪᠤᠵᠠᠭᠠᠢᠷᠠᠵᠤ᠂ ᠡᠳᠦᠬᠡ ᠨᠢᠬᠡᠨᠳᠡ 46 ᠬᠦᠮᠦᠨ ᠲᠠᠢ ᠪᠤᠯᠵᠤ᠂ 《ᠭᠤᠷᠪᠠᠨ ᠲᠤᠬᠳᠠᠴᠠ᠂ ᠲᠠᠪᠤᠨ ᠵᠢᠷᠤᠮᠵᠢᠯ》ᠢ᠋ ᠲᠤᠬᠳᠠᠭᠠᠵᠠᠢ᠃
《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠡᠳᠦᠷ ᠪᠤᠯᠭᠠᠨ ᠲᠤᠮᠢᠯᠠᠬᠰᠠᠨ ᠰᠠᠯᠪᠤᠷᠢ ᠵᠢᠨ ᠴᠠᠬᠳᠠᠭᠠ᠂ ᠲᠤᠤᠷᠵᠢᠯ ᠤ᠋ᠨ ᠠᠵᠢᠯᠳᠠᠨ ᠲᠠᠢ ᠬᠠᠮᠵᠢᠯᠴᠠᠨ ᠨᠡᠢᠬᠡᠮ ᠲᠤᠭᠤᠷᠢᠬ ᠲᠦ᠍ ᠴᠠᠬᠳᠠᠨ ᠲᠤᠭᠤᠷᠢᠵᠤ ᠰᠡᠷᠬᠡᠢᠯᠡᠨ ᠡᠵᠡᠮᠳᠡᠵᠦ᠂ ᠬᠠᠤᠯᠢ ᠴᠠᠭᠠᠵᠠ ᠵᠢᠨ ᠮᠡᠳᠡᠯᠬᠡ ᠵᠢ ᠤᠬᠠᠭᠤᠯᠤᠨ ᠲᠦᠬᠡᠮᠡᠯᠵᠢᠬᠦᠯᠳᠡᠭ᠃ ᠨᠡᠢᠬᠡᠮ ᠲᠤᠭᠤᠷᠢᠬᠤᠨ ᠵᠠᠮ ᠴᠡᠪᠡᠷᠬᠡᠨ ᠪᠦᠬᠡᠳ ᠲᠡᠷᠢ ᠲᠡᠭᠰᠢ ᠪᠠᠢᠵᠤ᠂ ᠬᠡᠦᠬᠡᠳᠤᠳ ᠬᠦᠬᠡᠷᠦᠯᠳᠦᠨ ᠲᠤᠬᠯᠠᠵᠤ᠂ ᠨᠠᠰᠤᠳᠠᠢᠴᠤᠳ ᠨᠠᠷᠠᠨ ᠳ᠋ᠸ᠋ ᠪᠡᠶᠡ ᠪᠡᠨ ᠡᠬᠡᠬᠡᠨ ᠰᠠᠭᠤᠵᠠᠭᠠᠨᠠ᠃ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠶᠠᠬ ᠠᠵᠢᠯ ᠤ᠋ᠨ ᠵᠢᠷᠤᠬ ᠪᠠ ᠬᠠᠷᠢᠶᠠ ᠤᠷᠤᠨ ᠤ᠋ ᠪᠠᠢᠳᠠᠯ ᠵᠢᠡᠨ ᠠᠵᠢᠯ ᠤ᠋ᠨ ᠬᠤᠯᠪᠤᠭᠠᠨ ᠳ᠋ᠠᠭᠠᠨ ᠲᠠᠮᠵᠢᠭᠤᠯᠤᠨ᠂ ᠤᠯᠠᠨ ᠵᠢᠡᠷ ᠵᠢᠡᠨ ᠬᠠᠷᠢᠯᠴᠠᠨ ᠵᠤᠷᠢᠬᠵᠢᠭᠤᠯᠵᠤ ᠮᠠᠬᠳᠠᠨ ᠰᠠᠢᠰᠢᠶᠠᠨᠠ᠃
《ᠤᠤᠯ ᠳ᠋ᠠᠭᠠᠨ ᠪᠠᠭᠠ ᠲᠤᠭᠤᠷᠢᠬ ᠲᠦ᠍ ᠴᠠᠬᠢᠯᠭᠠᠨ ᠬᠦᠳᠡᠯᠬᠡᠬᠦᠷᠳᠦ ᠲᠡᠷᠬᠡ᠂ ᠲᠤᠭᠤᠢ ᠲᠡᠷᠬᠡ ᠵᠢ ᠲᠤᠷᠠ ᠪᠡᠷ ᠵᠢᠡᠨ ᠲᠠᠯᠪᠢᠵᠤ ᠪᠠᠢᠵᠠᠢ᠂ ᠤᠳᠤ ᠡᠢᠮᠦ ᠪᠠᠢᠳᠠᠯ ᠬᠠᠷᠠᠬᠳᠠᠬᠤ ᠦᠬᠡᠢ ᠪᠤᠯᠤᠬᠰᠠᠨ》 ᠬᠡᠵᠦ ᠬᠠᠷᠢᠶᠠ ᠤᠷᠤᠨ ᠤ᠋ ᠰᠠᠭᠤᠭᠠᠯᠢ ᠠᠷᠠᠳ ᠰᠡᠳᠬᠢᠯ ᠬᠦᠳᠡᠯᠦᠨ ᠬᠡᠯᠡᠨᠡ᠃ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ + ᠲᠤᠮᠢᠯᠠᠬᠰᠠᠨ ᠰᠠᠯᠪᠤᠷᠢ ᠵᠢᠨ ᠴᠠᠬᠳᠠᠭᠠ + ᠲᠤᠤᠷᠵᠢᠯ ᠤ᠋ᠨ ᠠᠵᠢᠯᠳᠠᠨ》 ᠤ᠋ 《ᠲᠤᠭᠤᠷᠢᠨ ᠴᠠᠬᠳᠠᠵᠤ ᠰᠡᠷᠬᠡᠢᠯᠡᠨ ᠬᠤᠯᠪᠤᠭᠠᠯᠠᠬᠤ》 ᠪᠦᠯᠬᠦᠮ ᠨᠡᠢᠳᠡ ᠨᠢ ᠴᠠᠬᠳᠠᠭᠠᠨ ᠤ᠋ ᠬᠦᠴᠦᠨ ᠬᠢᠵᠠᠭᠠᠷᠳᠠᠢ ᠪᠠᠢᠭᠠ ᠠᠰᠠᠭᠤᠳᠠᠯᠢ ᠪᠦᠳᠦᠮᠵᠢᠳᠡᠢ ᠰᠢᠢᠳᠪᠦᠷᠢᠯᠡᠨ᠂ ᠠᠮᠤᠷ ᠠᠮᠤᠭᠤᠯᠠᠩ ᠤ᠋ᠨ ᠰᠡᠷᠬᠡᠢᠯᠡᠯᠳᠡ ᠵᠢᠨ ᠬᠡᠷᠡᠮᠢ ᠪᠠᠳᠤ ᠴᠤᠬᠴᠠᠯᠠᠪᠠ᠃
《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠵᠢᠨ ᠡᠩᠨᠡᠬᠡᠨ ᠤ᠋ ᠬᠠᠮᠢᠶᠠᠷᠤᠯᠳᠠ ᠵᠢ ᠤᠯᠠᠮ ᠨᠢᠬᠡ ᠠᠯᠬᠤᠮ ᠴᠢᠩᠭᠠᠳᠬᠠᠬᠤ ᠵᠢᠨ ᠲᠤᠯᠠᠳᠠ᠂ ᠰᠢᠯᠢ ᠵᠢᠨ ᠭᠤᠤᠯ ᠬᠤᠢᠳᠤ ᠵᠠᠮ ᠳ᠋ᠡᠬᠢ ᠲᠤᠮᠢᠯᠠᠬᠰᠠᠨ ᠰᠠᠯᠪᠤᠷᠢ ᠨᠢ ᠲᠤᠬᠳᠠᠮᠠᠯ ᠬᠤᠭᠤᠴᠠᠭᠠ ᠲᠠᠢ ᠪᠡᠷ ᠪᠤᠯᠪᠠᠰᠤᠷᠠᠯ ᠡᠷᠬᠢᠯᠡᠵᠦ᠂ ᠴᠠᠬᠳᠠᠭᠠ ᠡᠴᠨ ᠬᠠᠷᠢᠶᠠ ᠤᠷᠤᠨ ᠤ᠋ ᠠᠮᠤᠷᠢ ᠬᠠᠮᠠᠭᠠᠯᠠᠬᠤ ᠪᠠᠢᠳᠠᠯ ᠤ᠋ᠨ ᠲᠠᠯᠠ ᠪᠡᠷ ᠵᠠᠷᠯᠠᠨ ᠮᠡᠳᠡᠭᠳᠡᠵᠦ᠂ ᠮᠡᠳᠡᠬᠡ ᠵᠠᠩᠬᠢ ᠵᠢ ᠬᠤᠷᠢᠶᠠᠨ ᠴᠤᠬᠯᠠᠭᠤᠯᠬᠤ᠂ ᠬᠡᠮ ᠰᠤᠭᠤᠬ ᠢ ᠪᠠᠢᠴᠠᠭᠠᠬᠤ᠂ ᠵᠦᠷᠢᠴᠡᠯ ᠵᠠᠭᠤᠷᠠᠯᠳᠤᠭᠠᠨ ᠢ ᠠᠷᠢᠯᠭᠠᠬᠤ ᠵᠡᠷᠬᠡ ᠲᠠᠯᠠ ᠪᠡᠷ ᠲᠠᠢᠯᠤᠮᠵᠢ ᠬᠢᠳᠡᠭ᠃ ᠴᠠᠬᠳᠠᠭᠠ ᠨᠠᠷ ᠪᠠᠰᠠ ᠬᠦᠴᠦᠷᠭᠡᠭᠯᠡᠯ ᠢ ᠰᠡᠷᠬᠡᠢᠯᠡᠬᠦ ᠪᠠᠭᠠᠵᠢ ᠵᠡᠪᠰᠡᠭᠢ ᠬᠡᠷᠡᠭᠯᠡᠬᠦ ᠠᠷᠭᠠ ᠵᠢ ᠨᠠᠷᠢᠯᠢᠬ ᠰᠠᠢᠬᠠᠨ ᠲᠠᠢᠯᠪᠤᠷᠢᠯᠠᠵᠤ᠂ 《ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ》 ᠵᠢᠨ ᠡᠩᠨᠡᠬᠡᠨ ᠤ᠋ ᠶᠡᠷᠦᠩᠬᠡᠢᠯᠡᠭᠰᠡᠨ ᠪᠤᠳᠠᠳᠤ ᠪᠠᠢᠯᠳᠤᠭᠠᠨ ᠤ᠋ ᠴᠢᠳᠠᠪᠤᠷᠢ ᠪᠠ ᠬᠡᠨᠡᠳᠳᠡ ᠡᠬᠦᠰᠦᠭᠰᠡᠨ ᠬᠡᠷᠡᠭ ᠶᠠᠪᠤᠳᠠᠯᠢ ᠠᠷᠭᠠᠴᠠᠭᠠᠬᠤ ᠴᠢᠳᠠᠪᠤᠷᠢ ᠵᠢ ᠦᠨᠡᠨ ᠬᠦ᠌ ᠲᠡᠭᠡᠭᠰᠢᠯᠡᠬᠦᠯᠪᠡ᠃
《ᠪᠢᠳᠡ 〈ᠭᠠᠯᠳᠤ ᠲᠡᠷᠬᠡᠨ ᠦᠷᠳᠡᠬᠡᠨ ᠤ᠋ ᠵᠡᠬᠦᠨ ᠵᠡᠬᠡᠯᠢ ᠵᠢᠨ ᠠᠨᠢᠶᠠ〉 ᠵᠢᠨ ᠬᠦᠮᠦᠨ ᠭᠠᠵᠠᠷ ᠢ ᠰᠠᠢᠨ ᠮᠡᠳᠡᠬᠦ᠂ ᠪᠠᠢᠳᠠᠯ ᠢ ᠰᠠᠢᠨ ᠮᠡᠳᠡᠬᠦ ᠲᠠᠪᠠᠭᠤᠯᠢᠬᠢ ᠦᠷᠬᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠵᠤ᠂ ᠦᠨᠳᠦᠰᠦᠨ ᠱᠠᠳᠤᠨ ᠤ᠋ ᠵᠠᠰᠠᠯᠳᠠ ᠬᠢᠬᠡᠳ ᠠᠮᠤᠷ ᠠᠮᠤᠭᠤᠯᠠᠩ ᠤ᠋ᠨ ᠪᠦᠳᠦᠬᠡᠨ ᠪᠠᠢᠭᠤᠯᠤᠯᠳᠠ ᠵᠢᠨ ᠴᠢᠳᠠᠪᠤᠷᠢ ᠵᠢ ᠴᠢᠩᠭᠠᠳᠬᠠᠨ᠂ ᠰᠠᠭᠤᠭᠠᠯᠢ ᠠᠷᠠᠳ ᠤ᠋ᠨ ᠤᠯᠠᠨ ᠵᠦᠢᠯ ᠤ᠋ᠨ ᠬᠡᠷᠡᠭᠴᠡᠬᠡ ᠱᠠᠭᠠᠷᠳᠠᠯᠭᠠ ᠵᠢ ᠬᠠᠩᠭᠠᠨ᠂ ᠡᠯᠪᠡᠭ ᠪᠠᠶᠠᠯᠢᠬ ᠨᠡᠢᠬᠡᠮ ᠲᠤᠭᠤᠷᠢᠬ ᠤ᠋ᠨ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠦᠨ᠂ ᠠᠮᠤᠭᠤᠯᠠᠩᠳᠤ ᠬᠦᠬᠡᠬᠤᠳᠠ ᠵᠢ ᠪᠦᠳᠦᠬᠡᠨ ᠪᠠᠢᠭᠤᠯᠬᠤ ᠳ᠋ᠸ᠋ ᠬᠦᠴᠦᠨ ᠴᠢᠳᠠᠯ ᠵᠢᠡᠨ ᠡᠷᠬᠦᠨᠡ》 ᠬᠡᠵᠦ ᠰᠢᠯᠢ ᠵᠢᠨ ᠭᠤᠤᠯ ᠬᠤᠢᠳᠤ ᠵᠠᠮ ᠳ᠋ᠡᠬᠢ ᠲᠤᠮᠢᠯᠠᠬᠰᠠᠨ ᠰᠠᠯᠪᠤᠷᠢ ᠵᠢᠨ ᠬᠠᠷᠢᠭᠤᠴᠠᠯᠭᠠᠳᠠᠨ ᠢᠯᠡᠷᠬᠡᠢᠯᠡᠨᠡ᠃