ᠠᠵᠢᠯᠠᠴᠠᠪᠠᠨ ᠳᠠᠷᠬᠠᠯᠠᠭ᠍ᠳᠠᠬᠰᠠᠨ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭ᠍ᠰᠠᠨ ᠺᠠᠳ᠋ᠷᠴᠤᠳᠤᠨ ᠰᠣᠶᠣᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠣᠷᠣᠨᠤ ᠲᠥᠪ ᠬᠤᠲᠠᠵᠢᠨ ᠨᠠᠰᠤᠲᠠᠢᠴᠤᠳᠤᠨ ᠢᠳᠡᠪᠬᠢᠲᠡᠶ ᠪᠡᠷ ᠥᠭᠡᠳᠡᠯᠡᠨ ᠳᠠᠪᠱᠢᠬᠤ ᠴᠠᠭ ᠦᠶᠡᠶ᠋ᠢᠨ ᠳᠦᠷᠰᠦ ᠪᠠᠢᠳᠠᠯᠢ ᠢᠯᠡᠷᠡᠭᠦᠯᠬᠦ᠌ᠶ᠋ᠢᠨ ᠲᠥᠯᠥᠭᠡ ᠲᠦᠷᠦᠬᠦᠭᠡᠨ ᠬᠥᠬᠡᠬᠣᠲᠠᠶ᠋ᠢᠨ ᠨᠠᠮᠤᠨ ᠬᠣᠷᠢᠶᠠᠵᠢᠨ ᠠᠬᠠᠮᠠᠳ ᠺᠠᠳ᠋ᠷᠤᠨ ᠲᠣᠪᠴᠢᠶᠠ᠂ ᠬᠦᠬᠡᠬᠣᠲᠠᠶ᠋ᠢᠨ ᠨᠠᠮᠤᠨ ᠬᠣᠷᠢᠶᠠᠵᠢᠨ ᠨᠡᠢᠭᠡᠮᠦᠨ ᠠᠵᠢᠯᠤᠨ ᠬᠡᠯᠲᠡᠰ᠂ ᠥᠪᠥᠷ ᠮᠣᠩᠭᠣᠯᠤᠨ ᠷᠠᠳᠢᠣ᠋ ᠲᠧᠯᠸᠢᠰ ᠬᠣᠷᠢᠶᠠᠠᠴᠠ ᠬᠠᠮᠲᠤᠷᠠᠨ ᠬᠥᠬᠡᠬᠣᠲᠠᠶ᠋ᠢᠨ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠨᠠᠰᠤᠲᠠᠢᠴᠤᠳ ᠤᠨ ᠰᠣᠶᠣᠯ ᠤᠷᠠᠯᠢᠭᠤᠨ ᠨᠠᠢᠷᠢ ᠡᠷᠬᠢᠯᠡᠪᠡ᠃
ᠬᠦᠬᠡᠬᠣᠲᠠ ᠶ᠋ᠢᠨ ᠨᠠᠮ ᠤᠨ ᠬᠣᠷᠢᠶᠠ ᠵᠢᠨ ᠠᠬᠠᠮᠠᠳ ᠺᠠᠳ᠋ᠷᠤᠨ ᠲᠣᠪᠴᠢᠶᠠ ᠠᠵᠢᠯᠠᠴᠠᠪᠠᠨ ᠳᠠᠷᠬᠠᠯᠠᠬᠳᠠᠬᠰᠠᠨ ᠠᠵᠢᠯ ᠡᠴᠡ ᠪᠠᠨ ᠠᠮᠠᠷᠠᠭ᠍ᠰᠠᠨ ᠺᠠᠳ᠋ᠷᠴᠤᠳᠤᠨ ᠣᠶᠤᠨ ᠰᠠᠨᠠᠭᠠ ᠰᠣᠶᠣᠯᠤᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠪᠠᠲᠤᠯᠠᠭᠠᠳᠤ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠍᠂ ᠡᠯᠡ ᠭᠠᠵᠠᠷ ᠣᠷᠣᠨ᠂ ᠡᠯᠡ ᠨᠢᠭᠡᠴᠢᠵᠢ ᠥᠷᠭᠡᠨᠢᠶᠡᠷ ᠳᠠᠢᠴᠢᠯᠠᠨ᠂ ᠲᠣᠰ ᠤᠳᠠᠭᠠ ᠵᠢᠨ ᠨᠠᠢᠷᠲᠤ ᠠᠵᠢᠯᠠᠴᠠᠪᠠᠨ ᠲᠠᠷᠬᠠᠯᠠᠬᠳᠠᠬᠰᠠᠨ ᠠᠵᠢᠯ ᠡᠴᠡ ᠪᠠᠨ ᠠᠮᠠᠷᠠᠬᠰᠠᠨ ᠺᠠᠳ᠋ᠷᠴᠤᠳᠢᠶᠠᠷ ᠪᠦᠷᠢᠯᠳᠦᠭ᠌ᠰᠡᠨ 30 ᠪᠦᠯᠬᠦᠮ ᠨᠡᠢᠲᠡᠵᠢᠨ 90 ᠲᠣᠭ᠍ᠯᠠᠯᠲᠠᠶ᠋ᠢ ᠰᠣᠩᠭᠣᠨ ᠬᠦᠷᠭᠡᠪᠡ᠃ ᠲᠣᠭ᠍ᠯᠠᠯᠲᠠ ᠨᠢ ᠳᠠᠭᠤᠤ᠂ ᠪᠥᠵᠢᠭ᠂ ᠬᠦᠭᠵᠢᠮ᠂ ᠦᠭᠡ ᠬᠡᠯᠡᠨᠤ ᠤᠷᠠᠯᠢᠭ ᠳᠥᠷᠪᠡᠨ ᠶᠡᠬᠡ ᠤᠷᠠᠯᠢᠭᠤᠨ ᠲᠥᠷᠥᠯᠢ ᠬᠠᠮᠤᠷᠴᠤ᠌᠂ ᠠᠬᠠᠮᠠᠳ ᠨᠥᠬᠥᠳ ᠣᠯᠠᠨ ᠶᠠᠩᠵᠤᠶ᠋ᠢᠨ ᠤᠷᠠᠯᠢᠭᠤᠨ ᠬᠡᠯᠪᠡᠷᠢᠪᠡᠷ ᠭᠦᠨ ᠵᠤᠵᠠᠭᠠᠨ ᠤᠷᠠᠯᠢᠭᠤᠨ ᠬᠡᠪ ᠪᠣᠯᠪᠠᠰᠤᠷᠠᠯ ᠵᠢᠡᠨ ᠳᠡᠯᠭᠡᠨ ᠦᠵᠡᠬᠦᠯᠵᠦ᠂ ᠥᠲᠡᠯᠬᠦ ᠡᠴᠡ ᠬᠢᠬᠦ᠌ ᠵᠦᠶ᠋ᠯᠲᠡᠶ᠂ ᠦᠳᠡᠯᠬᠦ ᠡᠴᠡ ᠪᠠᠶᠠᠷ ᠪᠠᠶᠠᠰᠤᠯᠲᠠᠶ ᠪᠠᠢᠬᠤ ᠣᠶᠤᠨ ᠰᠠᠨᠠᠭᠠᠨᠤ ᠬᠥᠭᠡᠭᠡᠴᠡᠯᠳᠦᠯᠢ ᠭᠦᠶ᠋ᠴᠡᠳ ᠢᠯᠡᠷᠡᠭᠦᠯᠪᠡ᠃ ᠲᠣᠰ ᠤᠳᠠᠭᠠᠨᠤ ᠠᠵᠢᠯᠯᠠᠭᠠ ᠨᠢ ᠠᠵᠢᠯᠠᠴᠠᠪᠠᠨ ᠳᠠᠷᠬᠠᠯᠠᠭ᠍ᠳᠠᠭ᠍ᠰᠠᠨ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭ᠍ᠰᠠᠨ ᠺᠠᠳ᠋ᠷᠴᠤᠳᠲᠤ ᠤᠬᠢ ᠱᠢᠯᠢᠳᠡᠭ ᠰᠣᠯᠢᠯᠴᠠᠭᠠᠨᠤ ᠦᠵᠡᠭᠦᠯᠭᠡᠶ᠋ᠢᠨ ᠲᠠᠪᠴᠠᠩ ᠬᠠᠩᠭᠠᠵᠤ᠂ ᠨᠠᠩ ᠴᠤ᠌ ᠨᠠᠰᠤᠲᠠᠢᠴᠤᠳᠤᠨ ᠨᠡᠢᠭᠡᠮᠦᠨ ᠪᠠᠢᠭᠤᠯᠤᠯᠲᠠᠳᠤ ᠣᠷᠣᠯᠴᠠᠬᠤ ᠬᠦᠴᠦᠨ ᠴᠢᠳᠠᠯᠢ ᠨᠢᠭ᠍ᠲᠠᠷᠠᠭᠤᠯᠪᠠ᠃
ᠲᠠᠷᠠᠭᠠᠴᠢᠶ᠋ᠢᠨ ᠠᠯᠬᠤᠮᠳᠤ᠂ ᠬᠥᠬᠡᠬᠣᠲᠠᠶ᠋ᠢᠨ ᠨᠠᠮᠤᠨ ᠬᠣᠷᠢᠶᠠᠵᠢᠨ ᠠᠬᠠᠮᠠᠳ ᠺᠠᠳ᠋ᠷᠤᠨ ᠲᠣᠪᠴᠢᠶᠠ ᠬᠥᠬᠡᠬᠣᠲᠠᠶ᠋ᠢᠨ ᠨᠠᠰᠤᠲᠠᠢᠴᠤᠳᠤᠨ ᠰᠣᠶᠣᠯᠤᠨ ᠠᠵᠢᠯᠯᠠᠭᠠᠶ᠋ᠢᠨ ᠲᠦᠷᠦᠯ ᠲᠡᠮᠳᠡᠭ ᠢ ᠦᠷᠭᠦᠯᠵᠢᠯᠡᠨ ᠡᠭᠦᠳᠴᠦ᠍᠂ ᠠᠵᠢᠯᠠᠴᠠᠪᠠᠨ ᠳᠠᠷᠬᠠᠯᠠᠭ᠍ᠳᠠᠭ᠍ᠰᠠᠨ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭ᠍ᠰᠠᠨ ᠺᠠᠳ᠋ᠷᠴᠤᠳᠤᠨ ᠣᠶᠤᠨ ᠰᠠᠨᠠᠭᠠ ᠰᠣᠶᠣᠯᠤᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠬᠦᠷᠢᠶᠡ ᠴᠠᠷᠡᠭᠠᠶ᠋ᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠍᠂ ᠣᠯᠠᠨ ᠲᠦᠮᠡᠨᠲᠡᠶ ᠣᠢᠷᠠᠲᠤᠭ᠍ᠰᠠᠨ᠂ ᠬᠠᠢᠷᠠ ᠬᠠᠯᠠᠮᠵᠢᠲᠠᠶ ᠥᠪᠡᠷᠮᠢᠴᠡ ᠣᠨᠴᠠᠯᠢᠭᠲᠠᠶ ᠠᠵᠢᠯᠯᠠᠭᠠᠶ᠋ᠢ ᠨᠠᠩ ᠣᠯᠠᠨ ᠲᠥᠰᠦᠪᠯᠡᠨ ᠭᠠᠷᠭᠠᠵᠤ᠂ ᠪᠤᠭᠤᠷᠤᠯᠴᠤᠳᠤᠨ ᠴᠣᠭ ᠵᠢᠪᠬᠤᠭᠠ ᠶ᠋ᠢ ᠦᠷᠭᠦᠯᠵᠢᠯᠡᠨ ᠪᠠᠳᠠᠷᠠᠭᠤᠯᠵᠤ᠂ ᠬᠥᠬᠡᠬᠣᠲᠠᠶ᠋ᠢᠨ ᠰᠣᠶᠣᠯᠤᠨ ᠦᠶ᠋ᠯᠡᠰᠦᠨ ᠬᠥᠭ᠌ᠵᠢᠯ ᠴᠡᠴᠡᠭ᠌ᠯᠡᠯᠳᠦ ᠬᠦᠴᠦᠨ ᠨᠡᠮᠡᠷᠢᠯᠡᠬᠦ ᠪᠤᠯᠤᠨᠠ᠃