ᠬᠠᠢᠨᠠᠨ ᠮᠤᠵᠢᠶ᠋ᠢᠨ ᠰᠠᠨᠶᠠ ᠬᠤᠳᠠᠶ᠋ᠢᠨ ᠶᠠ ᠵᠧᠦ ᠲᠣᠭᠣᠷᠢᠭ ᠳᠡᠭᠢ ᠥᠪᠥᠷ ᠮᠣᠩᠭᠣᠯᠤᠨ ᠮᠠᠯ ᠠᠵᠤ ᠠᠬᠤᠢ ᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠨᠠᠨ ᠹᠠᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠰᠠᠭᠤᠷᠢᠨᠳᠤ ᠲᠠᠷᠢᠶᠠᠨ ᠵᠠᠮ ᠬᠦᠨᠳᠡᠯᠡᠨ ᠭᠤᠯᠳᠤ ᠰᠦᠯᠵᠢᠯᠳᠦᠵᠦ᠂ ᠨᠣᠮᠢᠨ ᠳᠣᠯᠭᠢᠶᠠᠨ ᠬᠠᠶᠠᠯᠠᠨᠠ᠃
ᠴᠠᠭᠠᠨ ᠰᠠᠷᠠᠶ᠋ᠢᠨ ᠱᠢᠨᠡᠶ᠋ᠢᠨ ᠨᠢᠭᠡᠨᠦ ᠥᠷᠯᠥᠭᠡᠶ᠋ᠢᠨ 6 ᠴᠠᠭ ᠭᠠᠷᠤᠶᠳᠤ ᠯᠢᠦ ᡁᠢ ᠱᠢᠶᠦ᠋ᠩ ᠠᠵᠢᠯᠤᠨ ᠬᠤᠪᠴᠠᠰᠤᠪᠠᠨ ᠡᠮᠦᠰᠴᠦ᠍᠂ ᠨᠠᠷᠠ ᠬᠠᠯᠬᠠᠯᠠᠬᠤ ᠮᠠᠯᠠᠭᠠᠶ ᠵᠡᠭᠦᠵᠦ᠍᠂ ᠰᠠᠭᠤᠷᠢᠨ ᠤ᠋ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠷᠢᠶᠠᠨᠳᠤ ᠬᠦᠷᠴᠦ ᠨᠢᠭᠡ ᠡᠳᠦᠷᠦᠨ ᠲᠣᠭᠣᠰᠣ ᠬᠦᠷᠲᠡᠭᠡᠬᠦ᠌ ᠠᠵᠢᠯᠢᠶᠠᠨ ᠡᠬᠢᠯᠡᠭᠦᠯᠪᠡ᠃
ᠡᠨᠡ ᠪᠣᠯ ᠯᠢᠦ ᡁᠢ ᠱᠢᠶᠦ᠋ᠩᠦᠨ ᠨᠠᠨ ᠹᠠᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠷᠢᠶᠠᠨᠳᠡᠬᠢ ᠬᠤᠷᠢᠨ ᠨᠢᠭᠡᠳ᠋ᠡᠬᠢ ᠴᠠᠭᠠᠨ ᠰᠠᠷᠠ ᠪᠣᠯᠤᠨᠠ᠃
ᠵᠢᠯ ᠪᠦᠷᠢᠶ᠋ᠢᠨ 10 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢᠪᠠᠷ᠂ ᠲᠤᠰ ᠬᠦᠷᠢᠶᠡᠯᠡᠩᠦᠨ ᠡᠷᠳᠡᠨᠢ ᠱᠢᠰᠢ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠰᠤᠳᠤᠯᠤᠭ᠍ᠴᠢ ᠯᠢᠦ ᡁᠢ ᠱᠢᠶᠦ᠋ᠩ ᠪᠣᠯᠤᠨ ᠪᠦᠯᠬᠦᠮᠦᠨ ᠦᠷᠡ ᠪᠣᠢᠵᠢᠭᠤᠯᠬᠤ ᠠᠵᠢᠯᠲᠠᠳ ᠶᠠᠭ ᠨᠡᠭᠦᠳᠡᠯᠦᠨ ᠱᠢᠪᠠᠭᠤ ᠱᠢᠭ᠋ᠢᠶᠡᠷ ᠬᠠᠢᠨᠠᠨᠳᠤ ᠬᠦᠷᠴᠦ᠍᠂ ᠡᠮᠦᠨᠡᠲᠦ ᠣᠷᠣᠨᠳᠤ ᠦᠷᠡ ᠪᠣᠢᠵᠢᠭᠤᠯᠬᠤ ᠠᠵᠢᠯ ᠬᠢᠳᠡᠭ᠃
《ᠪᠢᠳᠡ ᠡᠨᠳᠡ ᠴᠢᠨᠠᠷ ᠰᠠᠢᠲᠠᠶ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠦᠷᠡ ᠵᠢ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ ᠠᠵᠢᠯᠢ ᠬᠢᠵᠤ ᠂ ᠡᠨᠡ ᠵᠢᠯ ᠡᠨᠳᠡ ᠡᠯᠡ ᠲᠥᠷᠥᠯᠦᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠢ ᠬᠣᠶᠠᠷ ᠪᠦᠯᠦᠭ ᠬᠤᠪᠢᠶᠠᠨ 1 ᠲᠦᠮᠡ ᠭᠠᠷᠤᠶ ᠬᠤᠪᠢ ᠳᠠᠷᠢᠪᠠ᠃ ᠵᠢᠱ᠌ᠢᠯᠲᠡᠪᠡᠷ 4 ᠰᠠᠷᠠᠶ᠋ᠢᠨ ᠡᠬᠢ ᠪᠡᠷ ᠱᠢᠭ᠌ᠰᠢᠨ ᠰᠣᠩᠭᠣᠬᠤ᠂ ᠮᠥᠯᠢᠬᠦ᠌᠂ ᠬᠠᠳᠠᠭᠠᠬᠤ ᠵᠡᠷᠭᠡ ᠶᠠᠪᠤᠴᠠ ᠵᠢ ᠳᠠᠮᠵᠢᠭᠰᠠᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠮᠠᠲ᠋ᠧᠷᠢᠶᠠᠯᠢ ᠪᠣᠭᠣᠳᠠᠯᠯᠠᠵᠤ ᠥᠪᠥᠷ ᠮᠣᠩᠭᠣᠯᠳᠤ ᠢᠯᠡᠭᠡᠨᠡ》 ᠭᠡᠵᠦ᠍ ᠯᠢᠦ ᡁᠢ ᠱᠢᠶᠦ᠋ᠩ ᠬᠡᠯᠡᠪᠡ᠃
ᠬᠠᠢᠨᠠᠨᠤ ᠠᠭᠤᠷ ᠠᠮᠢᠰᠭᠤᠯ ᠣᠨᠴᠠᠭᠠᠶ᠂ ᠬᠥᠷᠥᠰᠥ᠍ ᠱᠢᠷᠣᠶ ᠥᠩ ᠱᠢᠮᠡᠯᠢᠭ᠂ ᠢᠯᠴᠢ ᠪᠠ ᠨᠠᠷᠠᠨᠤ ᠲᠤᠰᠤᠯᠲᠠ ᠭᠦᠶ᠋ᠴᠡᠳ ᠪᠤᠯᠬᠤᠷ ᠲᠠᠷᠢᠮᠠᠯᠤᠨ ᠤᠷᠭᠤᠴᠠᠳᠤ ᠮᠠᠰᠢ ᠳᠣᠭᠢᠷᠠᠨᠠ᠃ ᠵᠢᠯ ᠪᠦᠷᠢᠶ᠋ᠢᠨ ᠡᠪᠦᠯ ᠬᠠᠪᠤᠷᠢᠶᠡᠷ ᠮᠠᠰᠢ ᠣᠯᠠᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠦᠨ ᠠᠵᠢᠯᠲᠠᠨ ᠡᠨᠳᠡ ᠬᠤᠷᠠᠨ ᠴᠤᠭ᠍ᠯᠠᠷᠠᠵᠤ ᠡᠯᠡ ᠵᠦᠢᠯᠦᠨ ᠲᠠᠷᠢᠮᠠᠯᠢ ᠪᠣᠢᠵᠢᠭᠤᠯᠬᠤ ᠠᠵᠢᠯ ᠬᠢᠳᠡᠭ᠂ ᠨᠠᠨ ᠹᠠᠨ ᠭᠡᠬᠦ ᠨᠡᠷᠡ ᠨᠢ ᠮᠦᠨ ᠡᠭᠦᠨ ᠡᠴᠡ ᠢᠷᠡᠯᠳᠡ ᠲᠠᠢ ᠶᠤᠮ᠃
ᠮᠥᠬᠥᠯᠢᠭ ᠦᠷᠡ ᠶᠠᠭᠠᠬᠢᠭᠠᠳ ᠡᠮᠦᠨᠡᠳᠤ ᠤᠷᠤᠨ ᠡᠴᠡ ᠤᠮᠠᠷᠠᠳᠤ ᠤᠷᠤᠨᠳᠤ ᠠᠶᠠᠯᠠᠨ ᠢᠷᠡᠭᠰᠡᠨ ᠪᠤᠯ？
《ᠨᠢᠭᠡ ᠦᠷᠡ ᠵᠢ ᠪᠤᠢᠵᠢᠭᠤᠯᠬᠤ ᠨᠢ ᠬᠡᠦᠬᠡᠳ ᠦᠰᠬᠡᠬᠦᠲᠠᠶ ᠠᠳᠠᠯᠢ ᠪᠠᠢᠵᠤ ᠵᠣᠬᠢᠬᠤ ᠴᠠᠭ ᠬᠡᠷᠡᠭ᠌ᠰᠡᠳᠡᠭ᠂ ᠭᠡᠬᠦ ᠳ᠋ᠡᠭᠡᠨ ᠡᠮᠦᠨᠡᠲᠦ᠍ ᠤᠷᠤᠨᠳᠦ ᠪᠤᠢᠵᠢᠭᠤᠯᠬᠤ ᠨᠢ ᠡᠨᠡ ᠬᠦ᠌ ᠴᠠᠭᠢ ᠶᠡᠬᠡᠪᠡᠷ ᠪᠣᠭᠣᠨᠢᠰᠭᠠᠵᠤ ᠪᠣᠯᠤᠨᠠ᠃ ᠤᠯᠠᠮᠵᠢᠯᠠᠯᠲᠤ ᠠᠷᠭᠠᠪᠠᠷ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠱᠢᠨᠡ ᠦᠷᠡ ᠵᠢ ᠪᠣᠢᠵᠢᠭᠤᠯᠬᠤᠳᠤ 8 — 10 ᠵᠢᠯ ᠬᠡᠷᠡᠭ᠌ᠰᠡᠨᠡ᠂ ᠡᠮᠦᠨᠡᠲᠦ ᠣᠷᠣᠨᠳᠦ ᠪᠣᠢᠵᠢᠭᠤᠯᠬᠤᠳᠦ ᠬᠡᠷᠡᠭᠰᠡᠬᠦ ᠴᠠᠭᠢ 4 — 5 ᠵᠢᠯ ᠪᠣᠯᠭᠠᠨ ᠪᠤᠭᠤᠨᠢᠰᠬᠠᠵᠤ᠂ ᠦᠷᠡ ᠪᠣᠢᠵᠢᠭᠤᠯᠬᠤ ᠶᠠᠪᠤᠴᠠᠶ᠋ᠢ ᠲᠦᠷᠭᠡᠳᠭᠡᠭ᠌ᠰᠡᠨ ᠪᠠᠢᠨᠠ》 ᠭᠡᠵᠦ᠍ ᠯᠢᠦ ᡁᠢ ᠱᠢᠶᠦ᠋ᠩ ᠲᠠᠨᠢᠯᠴᠠᠭᠤᠯᠪᠠ᠃
ᠡᠭᠦᠯᠳᠡᠷ ᠪᠣᠢᠵᠢᠭᠤᠯᠬᠤ ᠪᠣᠯ ᠦᠶᠡᠯᠡᠯᠦᠨ ᠬᠤᠭᠤᠴᠠᠭᠠ ᠣᠷᠳᠣ᠂ ᠭᠣᠭ᠍ᠴᠣᠭᠠ ᠣᠯᠠᠨ ᠶᠠᠪᠤᠴᠠ ᠪᠠᠢᠵᠦ᠂ ᠶᠡᠷᠦ᠍ᠳᠡᠭᠡᠨ ᠣᠯᠠᠨ ᠵᠢᠯ ᠠᠵᠢᠭ᠍ᠯᠠᠬᠤ ᠪᠠ ᠰᠣᠩᠭᠣᠨ ᠪᠣᠢᠵᠢᠭᠤᠯᠪᠠᠯ ᠰᠠᠶᠢ ᠲᠣᠭ᠍ᠲᠠᠪᠤᠷᠢᠲᠠᠶ ᠱᠢᠨᠡ ᠡᠭᠦᠯᠳᠡᠷᠢ ᠣᠯᠵᠤ ᠴᠢᠳᠠᠨᠠ᠃
ᠡᠨᠡ ᠬᠦ᠌ ᠶᠠᠪᠤᠴᠠᠳᠤ ᠡᠭᠦᠯᠳᠡᠷ ᠪᠣᠢᠵᠢᠭᠤᠯᠤᠭ᠍ᠴᠢᠳ ᠶᠡᠬᠡ ᠬᠡᠮᠵᠢᠶᠡᠨᠦ ᠤᠢᠷᠠ ᠰᠣᠯᠪᠢᠴᠠᠯ ᠪᠠ ᠡᠷᠯᠢᠰᠡᠵᠢᠭᠦᠯᠦᠯᠲᠡᠶ᠋ᠢᠨ ᠲᠤᠷᠱᠢᠯᠲᠠ᠂ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠠᠵᠢᠭ᠍ᠯᠠᠯᠲᠠ᠂ ᠬᠢᠨᠠᠨ ᠲᠣᠭ᠍ᠲᠠᠭᠠᠯᠲᠠ ᠪᠠ ᠦᠨᠡᠯᠡᠯᠲᠡᠶ᠋ᠢᠨ ᠠᠵᠢᠯ ᠬᠢᠳᠡᠭ᠃ 《ᠪᠢᠳᠡ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠪᠦᠬᠦᠢᠯᠡ ᠦᠷᠡᠵᠢᠯᠦᠨ ᠬᠤᠭᠤᠴᠠᠭᠠᠨᠤ ᠴᠢᠬᠤᠯᠠ ᠭᠦᠶ᠋ᠴᠡᠳᠭᠡᠯ ᠲᠣᠭᠠᠶ᠋ᠢ ᠲᠡᠮᠳᠡᠭ᠌ᠯᠡᠬᠦ᠌ ᠴᠢᠬᠤᠯᠠᠲᠠᠶ᠂ ᠵᠢᠱ᠌ᠢᠶᠡᠯᠡᠪᠡᠯ ᠴᠢᠬᠢᠯᠡᠬᠦ᠌᠂ ᠡᠷᠡ ᠲᠦᠷᠦᠭᠦᠦ ᠪᠦᠭᠡᠯᠵᠢᠬᠦ ᠵᠢᠴᠢ ᠡᠰᠡᠷᠭᠦᠴᠡᠬᠦ᠌ ᠴᠢᠨᠠᠷ ᠵᠡᠷᠭᠡ ᠲᠤᠭᠠ ᠪᠠᠷᠢᠮᠳᠠ ᠪᠤᠢ᠃ ᠨᠢᠭᠡ ᠵᠢᠯᠦᠨ ᠲᠤᠷᠰᠢ᠂ ᠪᠠᠷᠤᠭ 20 ᠲᠦᠮᠡᠨ ᠵᠤᠷᠪᠤᠰ ᠲᠤᠭᠠ ᠪᠠᠷᠢᠮᠳᠠ ᠪᠣᠶ ᠪᠣᠯᠵᠣ᠂ ᠲᠤᠭᠠ ᠪᠠᠷᠢᠮᠳᠠ ᠨᠢᠭᠡᠪᠦᠷᠢ ᠨᠢ ᠪᠢᠳᠡᠨᠳᠦ ᠠᠪᠴᠤ᠌ ᠬᠡᠯᠡᠪᠡᠯ ᠴᠥᠮ 〈ᠡᠷᠳᠡᠨᠢ〉 ᠪᠠᠢᠵᠤ᠂ ᠱᠢᠨᠡ ᠲᠥᠷᠥᠯ ᠵᠦᠶ᠋ᠯ ᠨᠢ ᠡᠲᠡᠭᠡᠷ ᠶᠡᠬᠡ ᠬᠡᠮᠵᠢᠶᠡᠨᠦ ᠲᠤᠭᠠ ᠪᠠᠷᠢᠮᠳᠠ ᠪᠣᠯᠤᠨ ᠲᠠᠷᠢᠶᠠᠨ ᠵᠤᠷᠬᠠ ᠡᠴᠡ ᠠᠭᠠᠵᠢᠮᠢᠶᠠᠷ ᠪᠣᠢᠵᠢᠭ᠍ᠰᠠᠨ ᠶᠤᠮ》 ᠭᠡᠵᠦ᠍ ᠯᠢᠦ ᡁᠢ ᠱᠢᠶᠦ᠋ᠩ ᠬᠡᠯᠡᠪᠡ᠃
ᠡᠨᠡ ᠵᠢᠯᠦᠨ ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠨᠠᠨ ᠹᠠᠨ ᠰᠠᠭᠤᠷᠢᠨᠤ ᠲᠦᠷᠦᠭᠦᠦ ᠪᠦᠯᠦᠭ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠲᠣᠭᠣᠰᠣ ᠬᠦᠷᠲᠡᠬᠦ᠌ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠤᠭᠤᠴᠠᠭᠠ ᠪᠣᠯᠬᠣᠷ ᠯᠢᠦ ᡁᠢ ᠱᠢᠶᠦᠢ᠍ᠩ ᠮᠥᠨ ᠲᠤᠷᠱᠢᠯᠲᠠᠶ᠋ᠢᠨ ᠲᠠᠷᠢᠶᠠᠨᠳᠠᠭᠠᠨ ᠪᠠᠢᠭ᠍ᠰᠠᠭᠠᠷ᠃ ᠬᠦᠮᠦᠰ ᠪᠦᠬᠦ ᠬᠡᠷ ᠵᠢᠨᠷᠢᠶᠡᠨ ᠴᠤᠭ᠍ᠯᠠᠬᠤ ᠦᠶᠡᠰ᠂ ᠲᠡᠷᠡ ᠵᠥᠪᠬᠡᠨ ᠸᠢᠳᠢᠣ᠋ᠪᠠᠷ ᠳᠠᠮᠵᠢᠨ ᠭᠡᠷᠦᠨ ᠬᠥᠮᠦᠰᠲᠡᠶᠪᠡᠨ ᠠᠭᠤᠯᠵᠠᠨᠠ᠃ 《ᠬᠡᠳᠦᠢᠪᠡᠷ ᠭᠡᠷᠲᠡᠬᠡᠨ ᠬᠠᠷᠢᠵᠤ ᠱᠢᠨᠡᠯᠡᠵᠦ᠍ ᠳᠡᠢᠯᠬᠦ᠌ ᠦᠭᠡᠢ ᠪᠣᠯᠪᠠᠴᠤ᠌ ᠪᠢ ᠮᠠᠰᠢ ᠶᠡᠬᠡ ᠣᠯᠤᠯᠲᠠᠲᠠᠶ ᠪᠠᠢᠨᠠ᠃ ᠮᠠᠨᠤ ᠭᠡᠷ ᠦᠶᠡ ᠤᠯᠠᠷᠢᠨ ᠲᠠᠷᠢᠶᠠᠯᠠᠩ ᠡᠷᠬᠢᠯᠡᠵᠦ᠍᠂ ᠪᠢ ᠴᠦ᠍ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠡᠴᠡ ᠲᠡᠬᠦᠰᠴᠡᠢ᠃ ᠡᠳᠡᠭᠡᠷ ᠵᠢᠯᠦᠳᠲᠦ ᠮᠢᠨᠦ ᠡᠳᠦᠷ ᠪᠦᠷᠢ ᠦᠵᠡᠳᠡᠭ ᠨᠢ ᠡᠷᠳᠡᠨᠢ ᠱᠢᠰᠢ᠂ ᠪᠤᠳᠤᠳᠠᠭ ᠨᠢ ᠡᠷᠳᠡᠨᠢ ᠱᠢᠰᠢ ᠶᠤᠮ᠂ ᠥᠪᠡᠷᠦᠨ ᠴᠥᠬᠥᠷᠡᠰᠢ ᠦᠭᠡᠢ ᠴᠢᠷᠮᠠᠢᠯᠭᠠᠪᠠᠷᠢᠶᠠᠨ ᠦᠷᠡᠶ᠋ᠢᠨ〈ᠪᠣᠭᠣᠮᠢ〉 ᠵᠢᠨ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠱᠢᠢᠳᠪᠦᠷᠢᠯᠡᠬᠦ᠌ᠳᠦ ᠬᠦᠴᠦᠨ ᠴᠢᠳᠠᠯᠢᠶᠠᠨ ᠡᠷᠭᠦᠬᠦ᠌ᠶ᠋ᠢ ᠬᠦᠰᠡᠵᠦ᠍᠂ ᠡᠬᠡ ᠤᠯᠤᠰᠤᠨ ᠡᠬᠡ ᠭᠠᠵᠠᠷᠲᠤ ᠲᠠᠷᠢᠭ᠍ᠰᠠᠨ ᠲᠠᠷᠢᠶᠠ ᠴᠥᠮ ᠪᠢᠳᠡᠨᠦ ᠥᠪᠡᠰᠦᠪᠡᠨ ᠪᠣᠢᠵᠢᠭᠤᠯᠤᠭ᠍ᠰᠠᠨ ᠰᠠᠢ᠌ᠨ ᠡᠭᠦᠯᠳᠡᠷ ᠪᠣᠯᠬᠤᠶ᠋ᠢ ᠬᠦᠰᠡᠵᠦ᠍ ᠪᠠᠢᠨᠠ》 ᠭᠡᠵᠦ᠍ ᠯᠢᠦ ᡁᠢ ᠱᠢᠶᠦ᠋ᠩ ᠰᠡᠳᠭᠢᠯ ᠳᠣᠭ᠍ᠳᠣᠯᠤᠨ ᠬᠡᠯᠡᠨᠡ᠃
2025 ᠣᠨ ᠪᠣᠯᠲᠠᠯᠠ᠂ ᠥᠪᠥᠷ ᠮᠣᠩᠭᠣᠯᠤᠨ ᠮᠠᠯ ᠠᠵᠤ ᠠᠬᠤᠶᠲᠠᠷᠢᠶᠠᠯᠠᠩᠤᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠡᠷᠳᠡᠨᠢ ᠱᠢᠰᠢ ᠰᠤᠳᠤᠯᠬᠤ ᠭᠠᠵᠠᠷᠤᠨ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠪᠦᠯᠬᠦᠮ ᠨᠡᠢᠲᠡ 39 ᠴᠢᠨᠠᠷ ᠰᠠᠢᠲᠠᠶ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠱᠢᠨᠡ ᠡᠭᠦᠯᠳᠡᠷᠢ ᠪᠣᠢᠵᠢᠭᠤᠯᠵᠤ᠂ ᠡᠭᠦᠯᠳᠡᠷᠦᠨ ᠡᠷᠬᠡᠶ᠋ᠢ ᠱᠢᠯᠵᠢᠭᠦᠯᠦᠨ ᠥᠭ᠌ᠬᠦᠭᠰᠡᠨ ᠪᠠᠯᠠ ᠮᠥᠩᠭᠥ 300 ᠭᠠᠷᠤᠶ ᠲᠦᠮᠡᠡ ᠲᠦᠭᠦᠷᠢᠭ ᠲᠦ᠍ ᠬᠦᠷᠪᠡ᠃ ᠡᠭᠦᠨᠳᠦ᠂ 《ᠥᠪᠥᠷ ᠮᠣᠩᠭᠣᠯ ᠨᠡᠷᠡᠮᠵᠢᠲᠦ》 ᠰᠢᠷᠢᠰ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠱᠢᠨᠡ ᠡᠭᠦᠯᠳᠡᠷᠢ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ ᠵᠢᠴᠢ ᠥᠨᠳᠥᠷ ᠤᠨᠠᠯᠲᠠ ᠥᠨᠳᠥᠷ ᠦᠷᠡ ᠠᠱᠢᠭᠲᠠᠶ ᠶᠡᠷᠦᠩᠬᠡᠢᠯᠡᠭ᠌ᠰᠡᠨ ᠮᠡᠷᠭᠡᠵᠢᠯᠦᠨ ᠬᠡᠷᠡᠭ᠌ᠯᠡᠯᠲᠡ ᠳᠡᠯᠭᠡᠷᠡᠭᠦᠯᠦᠯᠲᠡ ᠨᠢ 2011 ᠣᠨᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠳᠠᠪᠱᠢᠯᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠱᠠᠩᠨᠠᠯ ᠬᠦᠷᠲᠡᠵᠦ᠍᠂ ᠤᠨᠠᠯᠳᠠ ᠥᠨᠳᠥᠷ᠂ ᠴᠢᠨᠠᠷ ᠰᠠᠢᠲᠠᠶ᠂ ᠠᠮᠤ ᠪᠤᠳᠠᠭᠠ ᠲᠡᠵᠢᠭᠡᠯ ᠪᠣᠷᠳᠣᠭᠠᠳᠤ ᠵᠡᠷᠭᠡ ᠪᠡᠷ ᠬᠡᠷᠡᠭ᠌ᠯᠡᠬᠦ᠌ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠡᠭᠦᠯᠳᠡᠷ 《ᠨᠧᠢ ᠽᠤᠤ 9》 ᠶ᠋ᠢ ᠳᠡᠯᠭᠡᠷᠡᠭᠦᠯᠦᠭᠡᠳ᠂ 2006 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠮᠠᠯ ᠠᠵᠤ ᠠᠬᠤᠶᠲᠠᠷᠢᠶᠠᠯᠠᠩᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠱᠠᠩᠨᠠᠯ ᠬᠦᠷᠲᠡᠵᠦ᠍᠂ ᠤᠨᠠᠯᠳᠠ ᠥᠨᠳᠥᠷ᠂ ᠴᠢᠨᠠᠷ ᠰᠠᠢᠲᠠᠶ᠂ ᠠᠮᠤ ᠪᠤᠳᠠᠭᠠ ᠲᠡᠵᠢᠭᠡᠯ ᠪᠣᠷᠳᠣᠭᠠᠳᠤ ᠵᠡᠷᠭᠡ ᠪᠡᠷ ᠬᠡᠷᠡᠭ᠌ᠯᠡᠬᠦ᠌ ᠡᠷᠳᠡᠨᠢ ᠱᠢᠰᠢᠶ᠋ᠢᠨ ᠡᠭᠦᠯᠳᠡᠷ 《ᠨᠧᠢᠳ᠋ᠠᠨ 205》 ᠶ᠋ᠢ ᠳᠡᠯᠭᠡᠷᠡᠭᠦᠯᠦᠭᠡᠳ᠂ 2009 ᠣᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠮᠠᠯ ᠠᠵᠤ ᠠᠬᠤᠶᠲᠠᠷᠢᠶᠠᠯᠠᠩᠤᠨ ᠡᠯᠪᠡᠭ ᠬᠤᠷᠢᠶᠠᠯᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠱᠠᠩᠨᠠᠯ ᠬᠦᠷᠲᠡᠪᠡ᠃